ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

18 ویں صدی دی تبلیغ دے موازنے نال ساڈے دور دی زیادہ تر تبلیغ بہتی کمزور اے۔ اَج سینکڑوں بائبل دے کالجان تے سیمنریاں توں تربیت حاصل کردہ بندیاں دے نال، اَسی بہت گھٹ ایہو جئے پانے آں جیہڑے ایجڑ توں آزادانہ ہون دی جرأت کرن تے کھوئے ہوئے گنہگاراں لئی اِتوار نوں تبلیغ کرن – بجائے ایس دے کہ آیت بہ آیت بائبل دے بے مزہ مطالعے نوں پیش کرن کہ جیس دا ہدف ’’مسیحی کہلانے جان آلے لوکی ہوندے نے۔

میں جرأت دے نال کہنا واں کہ ساڈے زیادہ تر مبلغین تے ایتھوں تیکر بُھل چکے نے کہ اِک انجیلی بشارت دا واعظ کیویں تیار کرن جیس دا ہدف گنہگار ہون۔ یا، شاید اُوہناں نے ایہہ شروع دے وِچ ای کیویں ہووے گا نئیں سیکھیا سی! میں جاننا واں کہ جیہڑی نسل میرے تو کم عمر اے اُوہنوں بہت گھٹ اندازہ اے کہ کیویں اِک ایہو جیہا واعظ ادا کیتا جائے۔ تُسی کیوں دراصل انجیلی بشارت دا اِک واعظ تیار کردے اُو؟ بُہتیریاں نوں کوئی اندازہ نئیں اے! اَج کل دے زیادہ تر واعظ ایکو جہئے لگدے نے۔ اُو ’’تعلیم‘‘ دیندے نے – لیکن بہتی گھٹ جانندے نے کہ مذید ہُور ’’تبلیغ‘‘ کیویں دِتی جاوے۔

تے ساڈے زمانے دی گھٹ معیاری تبلیغ گرجا گھراں نوں خالی کر رئی اے۔ دس وِچوں اِک وی گرجا گھر وِچ ہُن شام نوں عبادت نئیں ہوندی اے۔ 1958 میں، مَیں ہر بپتسمہ دین آلے گرجا گھر (شمالی بپتسمہ دین آلے، جنوبی بپتسمہ دین آلے ، یکساں بپتسمہ دین آلے ، خود مختیار بپتسمہ دین آلے) وِچ شام دی عبادت کردا سی۔ میں ایہہ گل اپنے ذاتی مشاہدے دے وجہ توں جاننا واں۔ میں اُوتھے سی! 1958 وِچ سارے بپتسمہ دین آلے گرجا گھراں دی شام نوں عبادت ہویا کردی سی۔ کیا ہویا؟ ایہہ نئیں ہو سکدا کہ ٹیلی ویژن نے اُوہناں نوں اپنےوَل کھِچ لہیا! 1958 چہ اَسی بالکل ’’ٹیلی ویژن دے سنہرے دور‘‘ دے وِچکار چہ سی، جیویں کہ ایہہ اَج کہلایا جاندا اے۔ لیکن اَج، 150 یا ایس توں زیادہ ٹی وی چینلز وِچوں چُنن لہئی ٹی وی ’’اِک بہت وڈا بنجر علاقہ‘‘ بن گیا اے جیویں کہ نیوٹن مائی نو Newton Minow نے کہیا۔ جی نہیں، ایہہ وجہ نئیں اے کہ لوکی اِتوار دی شام نوں ہُن عبادت دے لئی نئیں آندے کیوں جے اُوتھے ٹی وی تے کُج مذیدار ہوندا اے! وجہ ایہہ اے کہ پادری صاحب ہُن ایس قدر شدت دے نال تبلیغ نئیں کردے جیہڑی ہجوم نوں اپنے وَل توجہ دِلا پائے!

ایہہ اُوس عظیم مبلغ جارج وائٹ (1714۔1770) دے نال کیس قدر مختلف سی! جدوں ایہہ اعلان ہوندا سی کہ اُو بولے گا، چند گھنٹیاں دے اندر اندر ہزارہاں لوکی اکٹھے ہو جاندے سی، اکثر سویرے 5:00 وجے اُوہنوں واعظ ادا کردے سُنن لئی برف باری وِچ کھولتے ہوندے سی۔ بُرا مت منو، اُوتھے کدی کوئی گان آلیاں دا گروہ نئیں ہوندا سی، نا ای کوئی سر دے اُوتوں فلماں وکھان آلی مشین، ایتھوں تیکر کہ مائیکروفون وی نئیں ہوندا سی – تے یقینی طور تے بیٹھن لئی کوئی کرسیاں وی نئیں ہندیاں سن! ایہدے باوجود اُو لوکی ہزارہاں لکھاں دی تعداد وِچ اُوس بندے جارج وائٹ فیلڈ نوں شعلہ بیانی دے نال واعظ دیندیاں ہویاں سُنن لئی بِلا ناغہ آیا کردے سی۔

ڈاکٹر جے ۔ سی۔ رائیلی Dr. J. C. Ryle نے اُوہناں دی شہرت دی وجوہاتوں وِچ اِک ایہہ پیش کیتی: ’’وائٹ فیلڈ واحد خالص خوشخبری دی تبلیغ کردا سی۔ بہت گھٹ لوکی اپنے سُنن آلیاں نوں ایس قدر زیادہ گندم تے ایس قدر گھٹ بھوسہ دیندے نے۔ اُو اپنے منبر تے [دوجی شیواں] دے بارے وِچ گلاں کرن لئی چڑھدا سی۔ اُو مسلسل تہانوں تہاڈے گناہواں، تہاڈے دِل تے یسوع مسیح دے بارے وِچ دسدا رہندا سی… ’ہائے، یسوع مسیح دی راستبازی!‘ اُو اکثر اوقات ایہہ کہندا ہووے گا‘‘ (جے۔ سی۔ رائیلی، ’’نوا جنم The New Birth‘‘)۔ کون اَج کل ایویں تبلیغ کردا اے؟ تے ایہدے وِچ حیرت دی کیہڑی گل اے ساڈے گرجا گھر اِتوار دی شام نوں بند ہوندے نے!

ایتھے جارج وائٹ فیلڈ دے واعظاں وِچوں اِک ترمیم تے مختصر کیتا گیا نسخہ ’’تقریباً مسیحی The Almost Christian‘‘ اے، جیہڑے میں تہانوں درست انجیلی بشارت دی تبلیغ لئی اِک نمونے دے طور تے پیش کرنا آں۔ لیکن جے تُسی ایہنوں اپنے گرجا گھر وِچ ادا کرو تے تہانوں محض ایہنوں پڑھنا نئیں اے۔ ایس وِچ کوئی شعلہ بیانی ضرور ہونی چائیدی اے – جیویں کہ اُوہدوں سی جدوں وائٹ فیلڈ نے تبلیغ کیتی سی!

’’تُو مینوں ماڑی جیہئی ترغیت نال مسیح بنا لینا چاہندا اے‘‘ (اعمال 26:28).

پولوس رسول جانندا سی کہ مسیح نے کہیا سی اُوہدے پیروکار ’’میرے ناں دی خاطر شہنشاہواں تے حکمراناں دے اَگے پیش کیتے‘‘ جان گے (لوقا21:12)۔ اُن حکمرانوں نے کدی وی خوشخبری نہ سُنی ہوندی جے رسولاں نوں گرفتار نہ کیتا گیا ہوندا تے اُوہناں دے اَگے پیش نہ کیتا گیا ہوندا، جیہدے نال رسولاں نوں موقع لبھدا سی کہ اُوہناں نوں یسوع تے اُوہدے مُردیاں وِچوں دوبارہ جی اُٹھن دے بارے وِچ تبلیغ کردے۔

جدوں پولوس نوں اپنے دفاع دے لئی اِک غیر قوم گورنر فیسٹُس Festus دے اَگے پیش کیتا گیا، تے شہنشاہ اگریپا دے اَگے پیش کیتا گیا، اُوہنے اپنے دفاع لئی موقعے دا فائدہ چُکیا – تے ایہدے نال نال اُوہناں نوں خوشخبری دی تبلیغ کرن دا فائدہ چُکیا۔ تے ایہہ اُوہنے ایس قدر قوت دے نال کیتا سی کہ فیسٹُس چِلا اُٹھا سی، پولوس… علم دی زیادتی نے تیہنوں دیوانہ کر چھڈیا اے‘‘ (اعمال26:24)۔ بہادر رسول نے جواب دِتا، ’’معزز فیسٹُس، میں پاگل نئیں آں، لیکن میں جو کُج وی کہہ رہیا آں سچ تے معقول اے‘‘ (اعمال26:25)۔

فیسٹُس دے مقابلے وچ جے ویکھیا جائے تے شہنشاہ اگریپا اُوہدے واعظ وچ زیادہ دلچسپی رکھدا سی، پولوس براہ راست اُوہدے نال ہمکلام ہویا سی: ’’بادشاہ ایناں گلاں دے بارے وچ جانندا اے [کہ مسیح نے مصیبتاں برداشت کیتیاں تے مُردیاں وچوں جی اُٹھیا، اعمال 26:23] … کیوں جے میں قائل آں کہ ایناں وچوں کوئی وی گلاں اُوہدے کولوں پوشیدہ نئیں نے‘‘ (اعمال 26:26). فیر پولوس نے اگریپا بادشاہ دے نال سختی نال گل کیتی، ایہہ کہندے ہویاں، ’’بادشاہ اگریپا، کی تو نبیاں نوں منندا اے؟ میں جاننا واں کہ تُو منندا اے‘‘ (اعمال 26:27). جدوں پولوس نے ایہہ کہیا سی، تے بادشاہ دے جذبات ایس قدر جھنجھوڑے گئے سن کہ اُو چلا اُٹھیا سی، ’’تُو مینوں ماڑی جیہئی ترغیت نال مسیح بنا لینا چاہندا اے‘‘ (اعمال 26:28).

حتیٰ کہ اج جدوں انجیل دی تبلیغ جوش و خروش تے قوت نال کیتی جاندی اے، کُج لوکی، جیویں کہ فیسٹُس سی خوشخبری نوں پان لئی انتہائی مغرور تے لاپرواہ نے۔ اُو سوچدے نے کہ مبلغ ’’پاگل‘‘ نے۔ دوجے جیویں کہ بادشاہ اگریپا سی، تقریباً مسیحی بنن لئی قائل ہوندے نے۔ اُو اپنے دِلاں وچ کہندے نے،

’’تُو مینوں ماڑی جیہئی ترغیت نال مسیح بنا لینا چاہندا اے‘‘ (اعمال 26:28).

ایہہ تہاڈے لئی اے، جیہڑے تقریباً مسیح بنن لئی قائل نے، کہ میں اج سویرے بول رہیا آں۔ میرا خیال اے کہ ایہہ انتہائی ضروری اے کہ تہانوں ’’تقریباً‘‘ اِک مسیحی ہون دے خطرات دے بارے چہ خبردار کیتا جائے۔ ایس لئی، تلاوت دے لفظاں وچوں، میں تہاڈے تے تِن گلاں ظاہر کراں گا۔

I۔ پہلی گل، تقریباً مسیحی ہون توں کی مُراد اے۔

تقریباً مسیحی اِک ایہو جیہا شخص اے جیہڑا دو مشورّیاں وچ کھلوتا ہوندا اے؛ جیہڑا مسیح تے دُنیا دے درمیان ڈگمگا رہیا ہوندا اے۔ یعقوب رسول اُوہنوں اینج بیان کردا اے،

’’اُو بندہ دو دِلا اے‘‘ (یعقوب 1:8).

تقریباً مسیحی اُو بندہ اے جیہڑا بیرونی مذہبی مشاہدات تے انحصار کردا اے۔ اُو اپنے آپ نوں کہندا اے، ’’میں بائبل پڑھنا واں۔ میں گرجا گھر جانا واں۔ کی ایہہ کافی نئیں اے؟‘‘ اُو سوچدا اے کہ اُو راستباز اے۔ اُو سوچدا اے کہ اُو دوجے لوکاں توں جنہاں نوں اُو جانندا اے بہتر اے۔ لیکن اوسے ای ویلے دے دوران، اُو اپنے دِل دے باطنی مذہب لئی واقعی چہ اِک اجنبی اے۔ اُوہدے کول دینداراں وگری وضع تے اے، لیکن حیاتی وچ دینداری [دا کوئی اثر قبول] نئیں کرے گا‘‘ (2۔ تیموتاؤس 3:5). اُو گرجا گھر وچ حاضری لئی مہینہ در مہینہ جاندا اے، ایدے باوجود اُو کدی وی مسیح وچ تبدیل ہو کے ایمان لے آیا ہویا نئیں ہوندا اے بلکہ صرف ہور بدتر ہو جاندا اے جیویں جیویں مہینے تے ورے لنگدے نے۔

تقریباً مسیحی ’’نیک‘‘ بنن تے انحصار کردا اے تے ایس سوچ دے نال مطمئین ہوندا اے کہ اُوہنے کسی دے نال کوئی بُرا نئیں کیتا اے۔ پر اُو ایہہ گل پُہل جاندا اے کہ مسیح نے کہیا سی، ’’ایس نکمے نوکر نوں باہر انیرے وچ سُٹ دیو۔ جِتھے اُو روندا تے دند پیسدا رہوے گا‘‘ (متی 25:30). اُو بھُل جاندا اے کہ بنجر انجیر دا درخت معلون سی تے جڑاں تیکر سُکھیا ہویا سی، گندا پھل نہ لہیان دی وجہ توں نئیں، بلکہ کوئی وی پھل نہ لہان سکن دی وجہ توں۔

تقریباً مسیحی ایماندار تے اپنے آپ نال سخت ہوندا اے؛ مگر دوویں اُوہدی ایمانداری تے سختی خود ستائشی تے نال آندی اے۔ سچ، اُو بیرونی طور تے گناہ نئیں کردا اے، لیکن ایہہ خُدا دی شریعت دے قوانین لئی تابعداری توں باہر نئیں اے، لیکن یا تے چونکہ اُوہدا مزاج گناہواں دی زیادتی پسند نئیں کردا اے، یا کیوں جے اُو اپنی ساکھ کھونا نئیں چاہندا اے، یا اپنے آپ نوں اپنے پیشہ ور کاروبار لئی غیر مناسب کرنا نئیں چاہندا اے۔ ایہہ درست اے کہ اُو کوئی شرابی نئیں اے، لیکن اُوہدے وچ کوئی مسیحی خود انکاری وی نئیں اے۔ اُو خُدا دے کلام دے مقابلے وچ دُنیا دے ذریعے نال زیادہ رہنمائی پاندا اے۔ اُو جیہڑا خُود اُوہدی تباہ خواہشات نوں بہتر لگدا اے، اُو اوہی کردا اے، خُدا دی مرضی نوں کرن لئی کوشش نئیں کردا، مگر اپنے مذہب دی بیرونی ضروریات لئی صرف حالات دے مطابق ڈھلدا اے۔

حالانکہ میں تہانوں تقریباً مسیحی ہون دے کردا دا اِک خلاصہ پیش کیتا اے، میں اُمید کرنا آں کہ تُسی ویکھو گے کہ ایہہ تہاڈی کُج خصوصیات وچوں تہانوں بیان کردا اے۔ میں دعا کرنا آں کہ تُسی رسول دے نال ایناں لفظاں نوں کہن وچ شریک ہوو گے جیہڑے تلاوت وچ درج نے، تے خواہش کراں گے کہ تُسی صرف ’’تقریباً نئیں، [بلکہ] کُلی طور تے مسیح ہوو گے‘‘ (اعمال 26:29)۔

+ + + + + + + + + + + + + + + + + + + + + + + + + + + + + + + + + + + + + + + + +

ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

II۔ دوجی گل، کیوں بہتیرے لوکی تقریباً مسیحی ہون توں زیادہ نئیں نے۔

کیوں تہاڈے وچوں کُج صرف عمومی مسیحی رہ جاندے نے، صرف ناں دے مسیحی؟ کیوں تُسی ’’تقریباً‘‘ مسیحی‘‘ ہون توں زیادہ نئیں ہو؟

1. کیوںکہ تہاڈے کول مسیحی ہونا کی اے ایدا اِک غلط تصور اے۔ تہاڈے وچوں کُج سوچدے نے کہ ایدا مطلب اے گرجا گھر لئی جانا۔ تہاڈے وچوں کُج سوچدے نے کہ ایدا مطلب کُج گلاں وچ یقین کرنا اے۔ چند اِک لوکی، بہت گھٹ، جانندے نے کہ ایہہ طبعیت دی اِک تبدیلی اے، الہٰی حیاتی دا استقبال اے، جیوندے جاگدے یسوع مسیح دے نال، اِک لازمی ملاپ اے؛ میرا مطلب اے مسیح وچ نئے سِرے توں جنم اے۔ ایدے باوجود تُسی نیکودیمُس دے نال کہندے اُو، ’’ایہہ گلاں کیویں ممکن ہو سکدیاں نے؟‘‘ یوحنا 3:9). اور کیوں جے تُسی کوشش نئیں کی ہوندی، اندر داخل ہون لئی جدوجہد نئیں کی ہوندی (لوقا 13:24). تے تُسی اِک عمومی جئے مسیحی رہ جاندے اُو، صرف اِک تقریباً مسیحی۔

2. اِک ہور وجہ اے کہ تُسی صرف تقریباً مسیحی رہ جاندے اُو، تے اُو ایہہ اے کہ تہاڈے وچوں کُج دے کول غلامی توں تعلق رکھن آلا، انسان دا غلامانہ خوف اے – کسی بندے دا اِک خوف یا لوکاں دا جیہڑے تہانوں محکومی وچ رکھدے نے، تے تہانوں گناہ دا اِک غلام بنائے رکھدے نے، تے مسیح کولوں تہانوں دور رکھدے نے۔ تہاڈے وچوں کُج خوف کردے نے کہ تہاڈے ماں پیو کی کہن گے جے تُسی مسیح وچ داخل ہون لئی کوشش کردے اُو۔ تہاڈے وچوں دوجے خوف کردے نے کہ تہاڈے بیلی کی کہن گے۔ تہاڈے وچوں کُج تے شاید ایہہ وی خوف کردے نے کہ گرجا گھر وچ دوجے نجات نہ پائے ہوئے نوجوان لوکی تہاڈے بارے وچ کی سوچن گے جے تُسی سنجیدہ ہو جاندے اُو۔ مسیح نے تہاڈے بارے وچ دسیا اے جدوں اُوہدے کہیا، ’’تُسی کیویں ایمان لہیا سکدے اُو، جیہڑے اِک دوجے کولوں عزت پانا چاہندے اُو؟‘‘ (یوحنا 5:44). یعقوب رسول نے کہیا، ’’دُنیا نال دوستی رکھنا خُدا نال دشمنی کرنا اے‘‘ (یعقوب 4:4). کوئی حیرت دی گل نئیں اے کہ تُسی صرف تقریباً مسیحی اُو، چونکہ تُسی ’’خُدا ولوں عزت پان دی بجائے انساناں ولوں عزت پان دے زیادہ دلدادہ اُو‘‘؟ (یوحنا 12:43). ایویں، بہتیرے لوکی جیہڑے دعا کردے تے مسیح نوں تلاش کردے نے اُوہنوں کدی نئیں پاندے، کیوں جے اُو کدی وی گمراہ ہوئے تے دُنیاوی بیلیاں نوں نئیں چھڈن گے!

3. ایدے باوجود اِک ہور وجہ اے کہ تہاڈے وچوں کُج صرف تقریباً مسیحی رہ جاندے نے، تے اُو ایہہ اے کہ تُسی خوشی دین آلی شیواں نال پیار کردے اُو۔ تُسی ’’خُدا دی نسبت عیش و عشرت نوں زیادہ پسند کرن آلے‘‘ اُو (2۔ تیموتاؤس 3:4). لیکن مسیح نے کہیا، ’’جے کوئی بندہ میری پیروی کرنا چاہندا اے تے اُو خود انکاری کرے‘‘ (لوقا 9:23). جدوں تُسی ایہہ سُنندے اُو، تے تہاڈے وچوں کُج افسردگی نال ٹُر جاندے نے، کیوں جے تہاڈا جنسی مسرت لئی پیار زیادہ وڈا ہوندا اے۔ ایتھے کُج ایہو جئے نے جیہڑے سوچدے نے اُو جنت بغیر اپنی جسمانی تے دنیاوی رُجحانات دے خلاف کوشش جاری رکھ سکدے نے۔ تے ایہہ اِک ہور وجہ اے کیوں بہتیرے لوکی صرف تقریباً مسیحی نے، تے کُلی طور تے مسیحی نئیں نے۔

4. اخیرلی وجہ جیہڑی میں تہانوں پیش کراں گا، اینے بوہتی [لوکاں] لئی جیہڑے مسیحی رہ جاندے نے، اُو اُوہناں دا غیرمستحکم تے تبدیل ہو جان آلا مزاج اے۔ اَسی مسیح وِچ ایمان لہیا کے تبدیل ہوئے متعدد پُرجوش لوکاں تے ماتم کرنے آں تے رونے آں، جیہڑے نجات پائے ہوئے تے ظاہر ہوندے نے، لیکن کُج عرصے دے بعد ایمان توں برگزشتہ ہو جاندے نے، تے جیوندے رہن تے خاتمہ کردے نے، مسیح دے محتاج۔ میں اُو ہولناک دھمکی اُوہناں لئی دہران توں کپکپانا آں، ’’جیہڑا کوئی میرا ساتھ دینا چھڈ دے، تے میرا دِل اُوہدے نال خوش نہ ہووے گا‘‘ (عبرانیوں10:38)، تے دوبارہ، ’’جے اُو لوکی جنہاں دے دِل نورِ الہٰی نال روشن ہو چکے نے تے جیہڑے آسمانی بخشش دا مزہ چکھ چکے نے، جیہڑے پاک روح نے، جیہڑے خُدا دے عمدہ کلام تے دُنیا دی قوتاں دا ذائقہ لے چکے نے، جے اُو اپنے ایمان توں برگزشتہ ہو جان تے اُوہناں نوں فیر توں توبہ وَل مائل کرنا ممکن نئیں…‘‘ (عبرانیوں6:4۔6)۔ اِک غیرمستحکم، تبدیل ہو جان آلے مزاج دے ذریعے اُو شروع کردے ہوئے چنگے ظاہر ہوندے نے، لیکن ایمان توں برگزشتہ ہو کے اُو دائمی لعنت پاندے نے۔

III۔ تیجی گل، باؤلے، بالکل دیوانگی، اُوہناں بچے کُچھے لوکاں دی جیہڑے تقریباً مسیحی ہون توں زیادہ کُج نئیں۔

1. پہلا ثبوت جیہڑے میں دِتا اے ایہہ اے کہ تُسی ایس طرح نجات نئیں پا سکدے۔ ایہو جئے لوکی تقریباً مسٰیحی ہوندے نے؛ لیکن ہدف تے نشانے لئی اُوہنوں واقعی تقریباً خطا کرنا اے۔ تہاڈے مسیحی خاندان کی کیہوے گا جدوں تُسی مرو گے؟ ’’اُو تقریباً نجات پا گیا سی!‘‘

’’تقریبا‘‘ مدد نئیں کر سکدا؛
   ’’تقریباً‘‘ صرف ناکامی لئی اے!
افسوس، افسوس، اُو شدید ماتم،
   ’’تقریبا‘‘ – لیکن گواچیا ہویا۔
(تقریباً قائل کیا ہوا Almost Persuaded ‘‘ شاعر فلپس پی۔ بلِس Philip P. Bliss، 1838۔1876)۔

2. تقریباً مسیحی ہون دی حماقت دا دوجا ثبوت ایہہ اے کہ ایہہ دوجیاں نوں نقصان پہنچاندا اے۔ تقریباً مسیحی ساری دُنیا وِچ سب توں زیادہ نقصان دہ مخلوقات وِچوں اِک اے۔ اُو بھیڑ دی کھل وِچ بھیڑیا اے۔ اُو اِک جھوٹا نبی اے۔ تقریباً مسیحی ’’ناصرف آپئے خدا دی بادشاہی وِچ داخل نئیں ہوندے؛ تے اُو جیہڑے داخل ہو رئے ہوندے نے اُوہناں لئی رکاوٹ بنندے نے۔‘‘ ایہہ اُو [لوکی] نے جیہڑے مسیح دے دہریوں یا مسماناں یا حتّیٰ کہ مورمنز دے مقابلے وِچ وڈے دشمن نے۔ کیوں جے ہر کوئی مسمان توں، یا اِک مورمنز توں یا دہریے توں واقف ہوندا اے؛ مگر تقریباً مسیحی، سمجھ توں بالاتر منافقت دے ذریعے نال، بہتیریاں نوں اپنے پِچھے کِھچ لیندا اے جنہاں نے کدی اِک مسلمان یا مرمون یا دہریے دی پیروی نئیں کیتی ہوندی۔ ایس لئی تقریباً مسیح کو بہت زیادہ لعنت پان دی ضرور توقع کرنی چائیدی اے، دہریے یا مورمون یا اِک مسلمان دے مقابلے وِچ جہنم دی بدترین سزا – کیوں جے خُدا دے کماں نوں تباہ کرن لئی کسی وی مقلد یا دہریے دے مقابلے وِچ جیہڑے کدی کر پان تقریباً مسیحی بوہتا نقصان دہ ہوندا اے۔ جہنم وِچ ایس لئی سب توں بوہتی گہری کھائی تقریباً مسیحی لئی سنبھال کے رکھی گئی اے۔

3. تقریباً مسیحی ہون دی حماقت دا تیجا ثبوت ایہہ اے کہ ایہہ ساڈے خُداوند تے نجات دہندہ یسوع مسیح وَل ناشکری دی سب توں وڈی قِسم اے۔
     یسوع آسمان توں سانوں بچان لئی زمین تے آیا۔ اُوہدی دِل شکنی کیتی گئی، تحقیر کیتی گئی، گتسمنی دی اذیت وِچ پسینہ لہو وانگو وگیا، گرفتار کیتا گیا، مذاق وِچ نقل اُتاری گئی، مار مار کے ادھموا کیتا گیا، تے صلیب تے کِلّاں نال جڑیا گیا، ساڈی تھاں تے مرن لئی۔ یسوع نے اپنا قیمتی لہو سانوں پاک صاف کرن لئی وگایا۔ ہائے، تُسی کیویں کہہ سکدے اُو کہ تُسی اُوہنوں پیار کردے اُو، جدوں کہ تہاڈا دِل مکمل طور تے اُوہدے نال ہے ای نئیں؟ تُسی کیویں جان سکدے اُو کہ اُوہنے تہانوں دائمی پریشانی تے سزا توں بچان لئی مصیبتاں برداشت کیتیاں تے تُسی اپنے آپ نوں مکمل طور تے اوہدے حوالے نئیں کردے اُو؟
     یسوع نے اپنا مکمل دِل دے دیو۔ دو مشوریاں دے درمیان متزلزل ہونا چھڈ دیو۔ تہانوں کیوں ہُن اینی تھوڑی جئی دیر لئی وہ خود ںوں مسیح توں دور رکھنا چائیدا اے؟ تہانوں کیوں گناہ دی غلامی دے نال ایس قدر پیار وِچ مبتلا ہونا چائیدا اے کہ تُسی دُںیا نال مُنہ نئیں موڑو گے، جان تے شیطان – جیہڑے، روحانی زنجیراں وانگوں، تہاڈے دِل نوں بن دیندے نے تے اینوں جکڑے رہندے نے، تے اینوں مسیح دے لئی تیزی نلا پہنچن توں روکدے نے؟ تُسی کیس توں خوفزدہ اُو؟ کی تُسی سوچدے اُو کہ صرف اَدھے مسیح ہون نال تہانوں خوشی لبھے گی؟ کی تُسی سوچدے اُو کہ مسیح تے مکمل طور تے اپنے آپ نوں حوالے کرن نال تُسی دُکھی ہو جاؤ گے؟
     ایہہ سوچنا بہت وڈا فریب اے کہ دُنیا تے مسیح دے درمیان وِچ تذبذب تہانوں تسلی دے سکدا اے۔ جی نئیں – ایہو جئی جھجھک تہانوں اُوس عظیم آرام و سکون دے تجربے توں صرف دور رکھدی اے جیس دی پیشکش مسیح کردا اے۔ خدا دے نال امن و سکون تُسی صرف اُوسی ویلے ای پا سکدے اُو جدوں تُسی مکمل طور تے اپنے دِل نوں یسوع لئی دیندے اُو۔
     واعظ دا اختتام کردے ہوئے، میں تہانوں تقریباً مسیحی ہون توں دور ہون تے حوصلہ افزائی کرنا آں۔ خُدا دے غضب تے فیصلے توں تیزی نال دور نٹھو۔ پاویں تہانوں کُج وی قیمت ادا کرنی پہئے مسیح لئی تیزی نال جاؤ۔ فیر اپنے آپ نوں اُوہنوں دین لئی زیادہ توں زیادہ کوشش کرو۔ ہمیشہ دعا کردے رہوو، ہمیشہ اپنے آپ نوں اِک جامع نظر تے اوس دی بہت وڈی خوشی لئی تیار کردے رہو۔ جیہدی حضوری وِچ اُوتھے خوشیاں دی بھرپوری اے، تے جیہدے سجے ہتھ تے ہمیشہ لئی مسرتاں نے۔ آمین!

ایہہ واعظ ’’تقریباً مسیحی‘‘، پہلی عظیم بیداری (1730۔1760) دے دوران جارج وائٹ فیلڈ نے دِتا سی۔ میں ایہدی ترمیم کیتی اے تے ایہنوں سادہ کیتا اے تاکہ ایہہ بوہتی آسانی نال جدید لوکاں دے کم خواندہ ذہناں دی سمجھ چہ آ جائے۔ شاید تُسی ایہنوں دوبارہ پڑھو، تے ایہدے بارے چہ گہرائی وِچ سوچو۔ خُدا کرے کہ تُسی ’’تقریباً مسیحی‘‘ ہون توں مُنہ موڑ لوو۔ خُدا کرے کہ اُو آپئے تہانوں ’’کُلی طور تے‘‘ ایک حقیقی مسیحی بنائے (اعمال26:29)، کہ کسی دِن تہاڈے بارے وِچ ایہہ نہ کہا جائے،

’’تقریبا‘‘ مدد نئیں کر سکدا؛
   ’’تقریباً‘‘ صرف ناکامی لئی اے!
افسوس، افسوس، اُو شدید ماتم،
   ’’تقریبا‘‘ – لیکن گواچیا ہویا۔
(تقریباً قائل کیا ہوا Almost Persuaded ‘‘ شاعر فلپس پی۔ بلِس Philip P. Bliss، 1838۔1876)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔