ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ڈاکٹر میرل ایف انگر Dr. Merrill F. Ungerدی کتاب، بائبلیکل ڈیمونولوجی Biblical Demonology (کریگل اشاعت خانے Kregel Publications ، 1994 ایڈیشن) دے تعارف وِچ، ڈاکٹر ولبر ایم سمتھ نے ابتدائی چرچ دے فادرز، تے اُوہناں نے شیطاناں دے بارے وِچ کی لکھیا اے۔ ڈاکٹر سمتھ نے کہیا،

مسیحی کلیسیا دی پہلی چار صدیاں وِچ، اُو طاقتور الہیات دان، جن میں سے بُہتیرے خدا دے کلام نوں گہرائی نال ویکھدے نے، شیطانی طاقت تے وسیع پیمانے تے لکھدے نے (اُونگر Unger، ibid.، صفحہ vii)۔

ڈاکٹر اسمتھ Dr. Smith نے جسٹن مارٹر Justin Martyr (103-165) دا حوالہ دِتا جِنہے اِصرار کیتا کہ بُت پرستاں دے افسانیاں دی ابتدا شیطانی فریب نال ہوئی اے۔ ڈاکٹر سمتھ نے لاکٹینتیئس Lactantius (240-320) دا وی حوالہ دِتا جیس نے کہیا کہ بدروحاں،

علم نجوم دے موجد، پیشن گو، تے جہان… تے جادو دا فن، تے ایہناں دے علاوہ جیہڑے وی بُرے عمل نے، اُو کُھلے عام یا چوری چُھپے لوکی کردے … ایہ اُو نے جِنہاں نے انسان دی ذہناں نوں حقیقی خدا دی عبادت توں ہٹا دین، مُردہ بادشاہواں دی [تصویراں] نوں کھڑا کیتا تے مقدس کیتا، تے آپئے اُوہناں دے ناں رکھ لئے (اونگر Unger، ibid.)

ایہدے بعد ڈاکٹر سمتھ نے آگسٹین (354-430) دا حوالہ دِتا جیہڑے ’’پہلے وقتاں تے آن آلے دِناں وِچ اکثر شیطاناں دی خوفناک طاقت تے اصرار کردے نے‘‘ (ibid.، صفحہ viii)۔ ڈاکٹر اسمتھ نے دی سٹی آف گاڈ The City of God توں حوالہ دِتا، جیہدے وِچ آگسٹین نے سوال پُچھیا،

اُو کیہڑی روح ہو سکدی اے، جیہڑی لُکہے ہوئے الہٰام تو انساناں دی بدکاری نوں بھڑکاندی اے، تے اُوہناں نوں زنا وَل مائل کردی اے … سوائے ایس دے کہ ایہو جئی مذہبی تقریبات وِچ لذت حاصل کرن آلے، مندراں وِچ شیطاناں دی تصویراں بچھائیاں … جیہڑے دھوکہ دین دے لئی لُک لُک کے کُجھ نیک گلاں کردے رہن اُو چند لوکی جیہڑے چنگے نے، تے … تے لکھاں بُرے لوکاں تے قبضہ کرن دے لئی؟ [آگسٹین نے اَگے کہیا کہ مسیحیت، واحد سچا مذہب] کلیاں ای ایہ ظاہر کرن وِچ کامیاب رہیا اے کہ قوماں دی دیوتا سب توں بہوتے ناپاک شیطان نے، جیہڑے خدا سمجھے جان دی خواہش رکھدے نے … انسانی روحاں توں حسد کردے ہوئے اُوہناں دے حقیقی خدا وِچ تبدیل ہو جاندے نے (اونگر Unger، ibid.)

ڈاکٹر اسمتھ نے ڈاکٹر اونگر دی کتاب دے تعارف وِچ کہیا کہ شیطانیت نوں دورِ جدید وِچ گھٹ کیتا گیا اے، تے ایتھوں تیکرکہ فراموش کر دِتا گیا اے، ’’19 ویں صدی وِچ ایس پورے موضوع نوں بہتیرے لوکاں نے توہم پرستانہ خیال دے طور تے طعنہ دِتا سی‘‘ (ibid.) ڈاکٹر سمتھ نے نشاندہی کیتی کہ صرف 20ویں صدی وِچ دو عالمی جنگاں دے آن تے دہریت تے فرقیاں دے تیزی نال عروج دے نال ای، شیطانیت دے موضوع تے فیر توں بحث ہون لگی اے (اونگر، صفحہ viii - ix)۔ فیر اُوہناں نے کہیا۔

ایہو جئی گھڑی وِچ فلسفہ سانوں ایہ سمجھن وِچ مدد نئیں دیے گا کہ واقعی غیر تخلیق شُدہ انسانیت دے ذہن وِچ کی ہو رہیا اے۔ تے نہ ای معاشیات، سماجیات، یا نفسیات سانوں ایہ دس سکدے نے کہ ہُنے کی ہونا اے۔ سانوں انہیرے دے گہرے ہون دی ایس گھڑی وِچ خدا دے کلام توں نکلن آلی روشنی وَل رُخ کرنا [چائیدا اے] (اُونگرUnger، ibid.، صفحہ x)۔

ایہ گل سانوں ساڈی تلاوت وَل واپس لے جاندی اے،

’’ہُن پاک روح صاف طور تے فرماندا اے کہ آن آلے دِناں وِچ بعض لوکی مسیح ایمان توں مُنہ موڑ کر گمراہ کرن آلی روحاں تے شیطاناں دی تعلیمات وَل متوجہ ہون لگن گے۔ ایہہ گلاں جھوٹے آدمیاں دی ریاکاری دے باعث ہون گئیاں جِنہاں دا دِل تتے لوہے نال داغیا گیا اے‘‘ (I تیمتھیس 4: 1۔2)۔

روح القدس ’’ظاہری طور تے بولدا اے‘‘، جیہـڑا واضح طور تے ظاہر کردا اے، جیہڑا انسانی وجہ توں نئیں جانیا جا سکدا سی۔ تے جیہڑا خدا دی روح ایتھے ظاہر کردی اے اُو ایہ اے کہ مسیحی ایمان نال ’’اخیرلے ویلیاں وِچ‘‘ رخصتی یا اِرتداد ہووے گا۔ فیر سانوں اِرتداد دی وجہ دسی جاندی اے ’’روحاں نوں بہکان [فریب] تے شیطاناں دی [تعلیمات] تے دھیان دینا۔‘‘ سانوں تلاوت دے شروع وِچ دسیا گیا اے کہ ایہ شیطانی اِرتداد ’’اخیرلے زمانیاں‘‘ وِچ واقع ہووے گا۔ ایہ عام طور تے پورے مسیحی نظام وَل اشارہ کردا اے، تے ایہدے نال نال دیگر صحیفے وی، اِرتداد تے شیطانی تعلیمات وَل ودھدے ہوئے رُجحان وَل اشارہ کردے نے، جیہڑا کہ بتدریج ودھدا جاندا اے جیویں جیویں ایہ زمانہ قریب آندا اے، مصیبتاں دے بہوتے وڈے دور وِچ اپنے عروج نوں پہنچدا اے، مسیح دی دوسری آمد توں پہلاں۔

ایہ میرا عقیدہ اے کہ ایہ پیشن گوئی 18ویں صدی دے نام نہاد ’’روشن خیالی‘‘ دے دوران پوری ہونا شروع ہوئی، جدوں انساناں نے خدا دے کلام دی بجائے اپنی وجہ تے اِنحصار کرنا شروع کیتا۔ ایس دی وجہ توں الہٰیات دی ٹُٹ پھوٹ ہوئی تے سی جی فنی C. G. Finney (1792-1875) دے نال – جِنہاں دے خیالات نوں اصلاح دی بجائے روشن خیالی نے تشکیل دِتا – ’’فیصلہ پسندی‘‘ دا عروج آیا جِنہے کلیسیاواں نوں غیر تبدیل شُدہ لکھاں لوکاں نال بھر دِتا، ایس طرح نال پیدا ہوئے ایہناں غیر تبدیل شُدہ لوکاں دی صفاں وِچ، جیہڑے آزاد خیال خیالات دی تعلیم دیہندے سن، کتابِ مقدس دا اِنکار کردے سن،

’’بے دین لوکی، ساڈے خدا دے فضل نوں بے حیائی [شہوت پرستی] وِچ بدلدے نے، تے واحد خداوند خدا تے ساڈے خداوند یسوع مسیح دا انکار کردے نے‘‘ (یہوداہ 4)۔

نیز، فینی دے زمانے توں کُجھ عرصہ پہلاں، جرمنی دے جوہان سیملر Johann Semler (1725-1791) نے بائبل تے تنقید دی تعلیم دینا شروع کیتی۔ بائبل تے جرمن تنقید نے، ’’فیصلہ پسندی‘‘ دے نال مل کے گرجا گھراں وِچ وڈی اُلجھن پیدا کر دِتی۔ تے فنی دے زمانے وِچ، تے اُوہدے فوراً بعد، عجیب و غریب فرقیاں تے جھوٹے نظریات نے جنم لیہیا – جیویں کیمپبیلزم Campbellism، مورمونزم Mormonism، سیونتھ ڈے ایڈونزم Seventh-Day Adventism، یہوواہ دے گواہ تے بہتیرے دوجے۔ ایہدے بعد 20 ویں صدی دے اَخیر وِچ اِک ایہو جیہا دور آیا جدوں مشرقی مذہبی نظریات وِچ سیلاب آیا، تے ’’نئے دور‘‘ دا تصوف مغربی تہذیب دا مستقل حصہ بن گیا۔ میہنوں یقین اے کہ ایہدے نال ساڈی تلاوت دی تاریخ تے eschatological [بنی نوع انسان تے دنیا دی حتمی تقدیر دے بارے وِچ تعلق] گنجائش لبھدی اے،

’’ہُن پاک روح صاف طور تے فرماندا اے کہ آن آلے دِناں وِچ بعض لوکی مسیح ایمان توں مُنہ موڑ کر گمراہ کرن آلی روحاں تے شیطاناں دی تعلیمات وَل متوجہ ہون لگن گے۔ ایہہ گلاں جھوٹے آدمیاں دی ریاکاری دے باعث ہون گئیاں جِنہاں دا دِل تتے لوہے نال داغیا گیا اے‘‘ (I تیمتھیس 4: 1۔2)۔

ہُن میں ایس واعظ دے اَخیرلے اَدھے حصے وِچ، شیطانیت تے نظریاتی فریب دے موضوع تے توجہ مرکوز کرن جا رہیا آں – یا، جے تُسی چاہو تے، شیطاناں دے عقائد تے۔ ساڈی تلاوت دے بارے وِچ گل کردے ہوئے، ڈاکٹر اونگر کہندے نے، ’’’بہکان آلیاں روحان‘ فریب دین آلے ’شیطان‘ نے، جیہڑے سچائی نوں وگاڑن تے … لوکاں نوں صحیح نظریے توں گمراہ کرن وِچ مسلسل مستعد رہندے نے‘‘ (اونگرUnger، ibid.، صفحہ 166 )۔ دوبارہ، ڈاکٹر اونگر نے کہیا،

اگرچہ ایس خاص مثال وِچ ’’شیطاناں دے عقائد‘‘ دے ذریعہ غلطی دی قطعی شکل اختیار کیتی گئی اے [1 تیمتھیس 4: 3] بظاہر… کُجھ مقامی بدعتاں تیکر محدود اے جیس نال … اُوس ویلے کلیسیا دی پاکیزگی نوں خطرہ سی، فیر وی ایہہ خیال نہ کیتا جائے کہ شیطانی فریب صرف … درویشی، شادی دی ممانعت، تے مخصوص قسم دے کھانیاں نوں جھنجھوڑن تیکر ای محدود اے۔ [مختلف] شکلاں تے تقریباً نہ ختم ہون آلی قسم، جِنہوں ’’شیطاناں دے عقائد‘‘ فرض کر سکدے نے، خالص مسیحیت دے [بہتیرے] کج رویوں نال واضح کیتا گیا اے … تے خاص طور تے جدید مسیحیت نوں متاثر کرن آلے فرقیاں تے فرقیاں دے حیران کُن بابل دے ذریعے (اُونگرUnger، ibid.، صفحہ 168)۔

یوحنا رسول سانوں دسدا اے کہ شیطانیت جھوٹے نظریے دے پیچھے طاقت اے۔ براہ کرم 1 یوحنا 4: 1-3 وَل رجوع کرو تے آیت نوں اُوچی واج نال پڑھو۔

’’عزیزو، تُسی اِک روح دا یقین مت کرو بلکہ روحاں نوں پرکھو کہ اُو خدا وَلوں نے یا نئیں، کیوں جے بہتیرے جھوٹے نبی دُنیا وِچ نکل کھڑے ہوئے نے۔ تُسی خدا دے پاک روح نوں اینج پہچان سکدے اُو کہ جو روح ایہ اقرار کرے کہ یسوع مسیح مجسم ہو کے ایس دُنیا وِچ آیا تے اُو خدا وَلوں اے۔ لیکن جیہڑا روح یسوع دے بارے وِچ ایہ اقرار نہ کرے تے اُو خدا وَلوں مجسم ہو کے آیا نئیں اے ایہو ای مخالف مسیح دا بندہ اے جیس دی خبر تُسی سُن چکے اُو کہ اُو آن نوں اے بلکہ ایس ویلے وی دُنیا وِچ موجود اے‘‘ (I یوحنا 4: 1۔3)۔

سانوں جھوٹے نبیاں دے پس پردہ ’’روحاں‘‘ نوں جانچن دے لئی کہیا گیا اے۔ فیر سانوں اِک امتحان دِتا جاندا اے۔ جے تعلیم ایہ مانندی اے کہ یسوع مسیح ’’مجسم ہو کے آیا اے‘‘ تعلیم خدا وَلوں اے۔ ڈاکٹر نارمن ایل گیسلر Dr. Norman L. Geisler نے کہیا کہ جملہ ’’آ گیا اے‘‘ (یونانی وِچ ایلیوتھوٹاeleluthota) اے ’’کامل زمانہ، مطلب، یسوع ماضی وِچ مجسم ہو کے آیا سی تے جسم وِچ ای رہندا اے‘‘ (نارمن ایل گیسلر، پی ایچ ڈی.، قیامت دی جنگ The Battle for the Resurrection، ویپیف تے اسٹاک اشاعت خانے Wipf & Stock Publishers، 1992 ایڈیشن، صفحہ 164)۔ لیکن جے تعلیم کہندی اے کہ یسوع اِک روح سی، یا ہُن اِک روح اے (متجسم مسیح نئیں) تے تعلیم اِک شیطانی روح توں آندی اے۔ ڈاکٹر اونگر نے کہیا،

جھوٹے نوں سچ توں الگ کرن دا کدی ناکام نہ ہون آلا امتحان یسوع مسیح دے اوتار دی بنیادی سچائی اے … شطان دی بدکار تے بہکان آلی روحاں ایس شاندار سچائی نوں لُکہاندیاں، وگاڑدیاں تے جُھٹلاندیاں نے، جیویں کہ ایہ کردیاں نے، مسیح دے مکمل نجات دے کام نوں قبول کردیاں نے۔ (اونگر، ibid.، صفحہ 172)۔

ڈاکٹر اُونگر نے ’’انسانیت، مورمونزم، دہریت، اگنوسٹی اِزم، یہوواہ دے گواہاں‘‘ نوں ’’شیطانی فریب دے مختلف درجات‘‘ دے طور تے درج کیتا اے (اُونگرUnger، ibid.، صفحہ 178)۔ اونگر نے ’’یونٹیریئین-جدیدیت، تے دوجیاں نوں اُوہناں دے ضروری شیطانی کردار دی فہرست وی دِتی اے‘‘ (اونگر، ibid.، صفحہ 178)۔

جدیدت (لبرل اِزم) جیہڑی عظیم پروٹسٹنٹ تے بپتسمہ دین آلے فرقیاں وِچ خفیہ طور تے شامل ہو چکی اے اُو II تیمتھیس 3: 16 دی شیطانی تردید توں آندی اے۔ ’’شیطاناں دے عقائد‘‘ وِچوں اِک بائبل دی بے ربطیت دا اِنکار کرنا اے، تے بائبل نوں اضافی تحریراں جیویں کہ قرآن، متنی تنقید تے کتاباں، مورمن دی کتاب، یہوواہ دے گواہوں دا ادب، وغیرہ دے نال ’’ضمیمہ‘‘ کرنا اے۔ میرا یقین اے کہ دو شیطانی عقائد نے، سب توں ودھ کے، ساڈے گرجا گھراں نوں بہوتا زیادہ نقصان پہنچایا اے۔ اُو نے (1) بائبل دی اعلیٰ تنقید (دیکھئے بائبل دے لئی جنگ The Battle for the Bible مصنف ڈاکٹر ہیرالڈ لنڈسل Dr. Harold Lindsell، ژونڈروانZondervan، 1976)، تے (2) فیصلہ سازی – جیہڑی حقیقی تبدیلی نوں سطحی انسانی اعمال توں بدل دیہندی اے (دیکھیں اَج دا ارتداد Today’s Apostasy مصنف ڈاکٹر آر ایل ہائیمرز جونیئرR. L. Hymers, Jr. تے ڈاکٹر سی ایل کیگن C. L. Cagan۔ ایہنوں آن لائن پڑھن دے لئی ایتھے کلک کرو ۔ براہِ کرم II تیمتھیس 3: 16 وَل رجوع کرو تے آیت نوں اُوچی واج نال پڑھو۔

’’ہر صحیفہ جیہڑا خدا دے الہٰام توں اے اُو تعلیم دین، تنبیہ کرن، سُدھارن تے راستبازی وِچ تربیت دین دے لئی مفید اے‘‘ (II تیمتھیس 3: 16)۔

نتیجے دے طور تے عظیم پروٹسٹنٹ تے بپتسمہ دین آلے فرقیاں وِچ بائبل دے زبانی الہٰام توں اِنکار کرن دے نتیجے وِچ، ’’اِک کمزور، دنیاوی کلیسیا فیر توں پیدا کرن دے لئی بیکار، اپنی طرف متوجہ کرن دی طاقت توں محروم، تے روحانی حقیقت دے لئی گنہگار انسانیت دی پریشان کُن پکار دا جواب دین توں قاصر اے۔ بہکان آلی روحان دے لئی اِک شکار اے، صرف روح خدا دا اِک زبردست احیاء ای دعویٰ کرن آلی کلیسیا نوں زیادہ توں زیادہ ایس حالت وِچ جان توں روک سکدا اے، جیس وِچ ساڈے خداوند نے دھمکی دِتی سی کہ اُو لادوکیانی اُستاداں نوں اپنے مُنہ توں اُگل دے گا، مکاشفہ 3: 16‘‘ (اونگر، ibid.، صفحہ 179)۔

لہٰذا اَسی دو طریقے ویکھ نے جیہڑے بائبل سانوں شیطاںاں دے عقائد نوں سمجھن دے لئی دیہندی اے (1 تیمتھیس 4: 1)۔ پہلا امتحان جیہڑا اَسی ویکھیا اُو 1 یوحنا 4: 1-3 وِچ اے۔ کی اُو ایہ سکھاندے نے کہ یسوع مسیح مجسم خدا سی تے ہے جیہڑا ’’جسم وِچ آیا اے‘‘ (فعل کامل)؟ دوجا امتحان جیہڑا اَسی ویکھیا اُو II تیمتھیس 3: 16 اے۔ کی اُو اضافی تحریراں نوں شامل کیتے بغیر صحیفیاں دی پیروی کردے نے جیہڑے یا تے صحیفیاں نوں توڑ دیہندے نے یا اُوہناں نوں درست کردے نے؟

’’ہر صحیفہ جیہڑا خدا دے الہٰام توں اے اُو تعلیم دین، تنبیہ کرن، سُدھارن تے راستبازی وِچ تربیت دین دے لئی مفید اے‘‘ (II تیمتھیس 3: 16)۔

ڈاکٹر اُونگر نے کہیا،

جدید فرقیاں دی ایس خوفناک الجھن دے وِچکار … بائبل، خدا دا زندہ کلام سچائی، نظریاتی دھوکہ دہی دے خلاف مسیحیاں دا واحد یقینی تحفظ اے … شیطان تے اُوہدے لشکر انسانی آراء تے لوکاں دی تشریحات نوں نظر انداز کر سکدے نے، لیکن اُو خدا دے پاک کلام دے ناقابلِ تسخیر دفاع وِچ داخل نئیں ہو سکدے! (اونگر، ibid.، صفحہ 179-180)۔

ڈاکٹر جے ورنن میگی Dr. J. Vernon McGee نے کہیا،

نجات دا واحد راستہ مسیح دی موت اے، تے ایس ای سچائی توں اَسی شیاطین دے عقائد نوں جانچ سکدے نے، ڈاکٹر جے ورنن میگی، ٹی ایچ۔ڈی۔، بائبل وِچوںThru the Bible، تھامس نیلسن اشاعت خانے Thomas Nelson Publishers، 1983، جلد پنجم، صفحہ 447؛ I تیمتھیس 4: 1 تے غور طلب گل)۔

اَسی تہانوں بار بار کہنے آں کہ بائبل نوں پڑھو تے خدا دے کلام دی تبلیغ نوں سنو۔ اَسی تہانوں بار بار کہنے آں کہ یسوع مسیح دے کول آؤ جیہڑا کدی مصلوب ہویا لیکن ہُن جی اُٹھیا اے۔ خدا دا کلام سُنو۔ مسیح دے کول آؤ۔ اُوہنے سولی تے تہاڈے گناہ دا کفارہ ادا کیتا۔ اُو ہمیشہ خدا باپ دے داہنے ہتھ رہندا اے۔ مسیح دے کول آؤ تے اُو تہانوں ’’ایس ناکارہ نسل توں‘‘ بچائے گا (اعمال 2: 40)۔ یسوع نے کہیا،

’’میں دُنیا دا نور آں: جیہڑا میری پیروی کردا اے اُو انہیرے وِچ نئیں چلے گا بلکہ حیاتی دی روشنی حاصل کرے گا‘‘ (یوحنا 8:12)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔