ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

پطرس تے یوحنا دوپہر دے تِن وجے ہیکل وِچ گئے۔ اُوتھے اِک بندہ سی جیہدے پیر تے ٹخنے پیدائشی خراب سن۔ اُوہنوں ہر روز پیسے دی بھیک منگن دے لئی ہیکل دے بوہے تے لے جایا جاندا سی۔ جیویں ای پطرس تے یوحنا ہیکل وِچ جان آلے سن، اُوس بندے نے اُوہناں کولوں پیسے منگے۔

’’فیر پطرس نے کہیا، چاندی سونا تے میرے کول ہے نئیں لیکن جو کُج میرے کول اے میں تینوں دے دینا آں۔ تو یسوع ناصری دے نال توں اُٹھ تے ٹُر پھر۔ پطرس نے جیویں ای اُوہدا سجا ہتھ پھڑ کے اُوہنوں چُکیا اُوہدے پیر تے تخنے مضبوط ہو گئے تے اُو اُچھل کے کِھلو گیا تے ٹُرن پھرن لگا۔ فیر اُو لنگدا ٹپدا تے خدا دی تعریف کردا ہویا اُوہناں دے نال ہیکل وِچ داخل ہو گیا۔ تے سارے لوکاں نے جیہڑے اُوتھے موجود سن اُوہنوں ٹُردے پھردے تے خدا دی حمد کردے ویکھ کے پہچان لہیا، کہ ایہہ تے اُوہی اے جیہڑا ہیکل دے ’’خوبصورت‘‘ بوہے تے بیٹھا بھیک منگیا کردا سی۔ اُو ایس واقعہ نوں ویکھ جے جیہڑا اُوہدے نال پیش آیا سی وڈی حیرت چہ پیہہ گئے۔ ہُنے اُو بندہ پطرس تے یوحنا نوں پھڑے کِھلوتا ای سی کہ سارے لوکی جیہڑے اُوتھے کِھلوتے سن نہایت ای حیران ہو کے اُوہناں دے کول سُلیمانی برآمدے وِچ پجھے آئے۔ پطرس نے ایہہ ویکھیا تے اُو لوکاں نال ایویں مخاطب ہویا: اے اسرائیلی مَردوں, تُسی ایس گل تے حیران کیوں ہوندے اُو تے سانوں اینج کیوں ویکھ رئے اُو گویا اَسی اپنی قدرت تے پارسائی نال ایس لنگڑے نوں ٹُرن پھرن دے قابل بنا دِتا اے؟‘‘ (اعمال3: 6۔12)۔

اِک ہجوم ایس بندے نوں ویکھن لئی ’’ٹُردے، چھلاں ماردے، تے خدا دی حمد کردے ہوئے جمع ہویا‘‘ (اعمال3: 8)۔ اُوہناں نے اُوہنوں کئی وریاں تیکر اُوتھے بھیک منگدے ہوئے، اِک وگڑے ہوئے معذور دے طور تے ویکھیا سی۔ ہُن اُو کیویں ٹُر سکدا سی، تے چھلاں وی لا سکدا سی۔ اِک وڈا ہجوم ایس حیرت انگیز نظارے نوں ویکھن دے لئی جمع ہو گیا۔ پطرس اُوہناں نوں منادی کرن لگا۔ لیکن پطرس نے ایس معجزے تے توجہ نئیں دِتی۔ اُو تیزی نال ایس شفایابی توں انجیل دے پیغام وَل ٹُر آیا۔ پطرس نے بھیڑ نوں کہیا،

’’تُسی یسوع وگرے پاک تے راستباز نوں رد کر کے پیلاطوس کولوں درخواست کیتی کہ اُو اِک قاتل نوں تہاڈی خاطر رہا کر دیوے۔ تُسی تے حیاتی دے مالک نوں مار ڈالیا لیکن اَسی گواہ آں کہ خدا نے اُوہنوں مُردیاں وِچوں زندہ کیتا‘‘ (اعمال3: 14۔15)۔

ایس آیت وِچ پطرس نے انجیل دے دو نکات پیش کیتے: یسوع دی موت تے اُوہدا جی اُٹھنا،

’’تے حیاتی دے مالک نوں مار ڈالیا جِنہوں خدا نے مُردیاں وِچوں زندہ کیتا‘‘ (اعمال3: 15)۔

پولوس رسول نے مسیح دی موت تے اُوہدے مُردیاں وِچوں جی اُٹھن نوں انجیل دے دو لازم و ملزوم حصیاں دے طور تے 1کرنتھیوں15: 1-4 وِچ پیش کیتا، جیس دا اختتام ایہناں لفظاں نال ہوندا اے،

’’… پاک صحائف دے مطابق مسیح ساڈے گناہواں دی خاطر قربان ہویا تے دفن ہویا تے کتابِ مقدس دے مطابق تیجے روز زندہ ہو گیا‘‘ (1 کرنتھیوں15: 3۔4)۔

ایہہ اُوہی انجیل اے جیہڑی پطرس نے ہیکل دے بوہے تے جمع ہون آلے ہجوم نوں سنائی سی۔ اُوہنے مسیح دی موت تے جی اُٹھن دی منادی کیتی، تے ایہدے واعظ ایہناں لفظاں تے ختم ہویا،

’’خدا نے اپنے خادم نوں چُن کے پہلاں تہاڈے کول پیجیا تاکہ تُسی ایہہ برکت حاصل کر لو کہ تہاڈے وِچوں ہر اِک اپنی بدکاری توں باز آئے‘‘ (اعمال3: 26)۔

ہُن، اُوس ویلے پطرس دی منادی دے اُوتھے دو ردعمل ہوئے۔

1.   ہیکل دے کاہن تے دیگر مذہبی رہنما ’’غم زدہ [بوہتے پریشان] سن کہ [پطرس تے یوحنا] نے یسوع دے ذریعے مُردیاں وِچوں جی اُٹھن دی منادی کیتی‘‘ (اعمال 4: 2)۔

2.  لیکن پانچ ہزار لوکی مسیح تے ایمان لہیا کے تبدیل ہوئے سن!

’’فیر وی کئی لوکی اُوہناں دا پیغام سُن کے ایمان لہیائے تے اُوہناں دی تعداد ودھدے ودھدے پنج ہزار دے لاگے جا پہنچی‘‘ (اعمال4: 4)۔

ایہہ انجیل دے منادی دے لئی اُوہی دو ردعمل نے جیہڑے اَسی بوہتی یا کم حد تیکر، اعمال دی کتاب وِچ – تے درحقیقت پوری مسیحی تاریخ وِچ – تے اَج وی ویکھنے آں۔ کُج انجیل توں پریشان نے تے مسیح نوں مسترد کردے نے۔ دوجے انجیل نوں منندے نے تے مسیح وِچ ایمان لہیا کے تبدیل ہو جاندے نے۔ دو ردعمل دے نتائج دا خلاصہ مسیح دے ایہناں لفظاں وِچ کیتا گیا اے جِنہاں دا سپرجیئن اکثر حوالہ دیندا اے،

’’جیہڑا ایمان لہیائے تے پبتسمہ لئے اُو نجات پائے گا لیکن جیہڑا ایمان نہ لہیائے مجرم قرار دِتا جائے گا۔‘‘

ایہہ انجیل سُنن دے دو ردعمل نے: لوکی یا تے غمگین تے پریشنا ہوندے نے، یا فیر اُو یسوع تےایمان لہیاندے نے تے تبدیل ہو جاندے نے۔ نتیجہ ایہہ اے کہ اُو یا تے ’’نجات پا گئے‘‘ نے یا ’’لعنت زدہ‘‘ نے (مرقس16: 16)۔

ایہہ سوچنا دورِحاضرہ دے انسان دی اِک عام غلطی اے کہ ایہہ قدیم لوکی آسانی نال یسوع دے جی اُٹھن دے قائل سن، تے ایہہ کہ، اَج دا انسان بوہتا نفیس تے ’’سائنسی‘‘ اے – تے ایسی لئی، اُو سمجھدے نے، دورِ حاضرہ دے انسان دے لئی ایہہ مشکل اے۔ یقین کرو کہ مسیح جسمانی طور تے مُردیاں وِچ جی اُٹھیا۔ فیر وی ایہہ نظریہ بالکل درست نئیں اے، جیویں کہ بائبل تے مسیحی تاریخ نوں پڑھ کے کوئی آسانی نال دریافت کر سکدا اے۔ آؤ اَسی قدیم تے اَج دے زمانے وِچ قیامت دے رد کیتے جان دا مختصراً جائزہ لیئیے۔ فیر ایس انکار دی وجہ دسیے۔ تے، اخیر وِچ، ایس دا تریاق دیے۔

I۔ پہلی گل، قدیم تے دورِحاضرہ دے انسان وَلوں مسیح دے جسمانی طور تے جی اُٹھن دا مسترد کیتا جانا۔

ساڈے ابتدائی متن وِچ ایہہ واضح اے کہ قدیم مذہبی رہنماواں نے جی اُٹھن دے بارے وِچ پطرس دی منادی نوں مسترد کر دِتا،

’’ہُنے پطرس تے یوحنا لوکاں نال کلام کر رئے سن کہ کُج کاہن، ہیکل دے سردار تے بعض صدوقی اُوتھے پہنچے۔ اُو سخت رنجیدہ سن کہ رسول لوکاں نوں ایہہ تعلیم دیندے سی کہ جیویں یسوع مُردیاں وِچوں زندہ ہو گیا اے اُوسی طرح سارے لوکی موت دے بعد زندہ ہو جان گے۔ اُوہناں نے پطرس تے یوحنا نوں گرفتار کر لہیا تے چونکہ شام دا ویلہ سی اُوہناں نوں اگلے دِن تیکر دے لئی قید خانے وِچ سُٹ دِتا‘‘ (اعمال4: 1۔3)۔

پطرس تے یوحنا نوں مسیح دے جی اُٹھن دی منادی کرن تے جیل چہ پایا گیا سی۔ ایہنوں ’’پہلی ایذا رسانی‘‘ کہیا جاندا اے۔

فیر، کُج دِنا دے بعد، ایہناں مذہبی رہنماواں نے رسولاں نوں ’’دوجی ایذارسانی‘‘ دے دوران جی اُٹھن دی منادی کرن تے جیل چہ پا دِتا۔

’’پطرس تے دوجے رسولاں نے جواب دِتا کہ ساڈے تے اِنسان دے حکم دے بجائے خدا دا حکم مننا بوہتا فرض اے۔ ساڈے باپ دادا دے خدا نے اُوس یسوع نوں مُردیاں وِچ زندہ کر دِتا جِنہوں تُسی صلیب تے لمکا کے مار ڈالیا سی‘‘ (اعمال5: 29۔30)۔

’’تیجی ایذا رسانی‘‘ اُوس ویلے شروع ہوئی سی جدوں ستیفنس نے جی اُٹھے مسیح دی منادی کیتی سی،

’’لیکن ستیفنس نے پاک روح توں معمور ہو کے آسمان وَل غور نال نگاہ کیتی تے اُوہنوں خدا دا جلال وکھائی دِتا تے اُوہنے یسوع نوں خدا دے داہنے ہتھ کِھلوتا ویکھیا۔ اُوہنے کہیا، ویکھو! میں آسمان نوں کُھلا ہویا تے ابنِ آدم نوں خدا دے داہنے ہتھ کِھلوتا ویکھنا واں۔ ایہہ سُنندے ای اُو زور زور نال چلائے تے اپنے کناں وِچ انگلیاں واڑ لہیاں تے اِک نال جھپٹ پیہئے۔ تے اُوہنوں گھسیٹ کے شہر توں باہر لے گئے تے اُوہدے تے ووٹے ورسان لگے۔ ایس دوران گواہاں نے اپنے چوغے اُتار کے ساؤل نامی اِک جوان بندے دے کول رکھ دِتے‘‘ (اعمال7: 55۔58)۔

مسیح دی موت تے جی اُٹھن دے بارے وِچ ستیفنس دے الفاظ تے ساؤل دا ردعمل تیز سی،

’’ایتھے ساؤل نے کلیسیا نوں تباہ کرنا شروع کر دِتا۔ اُو گھر گھر جاندا سی تے مَرداں تے عورتاں نو باہر گھسیٹ کے قید کراندا سی‘‘ (اعمال8: 3)۔

میں اعمال دی کتاب دے ذریعے گل نوں مسلسل ودھا سکتا سی کہ کیہنے مذہبی رہنما، تے ایتھوں تیکر کہ اسرائیل دے عام لوکاں نے، مسیح دے جی اُٹھن دی منادی نوں رد کیتا۔

مسیح دے جی اُٹھن دے بارے وِچ رسولاں دی منادی نوں غیرقوماں نے وی مسترد کر دِتا سی۔ لُسترا وِچ اُوہناں نے ’’پولوس نوں سنگسار کیتا [تے] اُوہنوں شہر توں باہر کڈ دِتا، ایہہ سمجھ کے کہ اُو مر گیا سی‘‘ (اعمال14: 19)۔ فلپی وِچ، بعض رومیاں نے پولوس تے سیلاس نوں ماریا تے جیل چہ پا دِتا (اعمال16: 23)۔ ایتھنز وِچ، مارس ہل تے، پولوس نے یونانیاں نوں منادی کیتی کہ خدا نے ’’اُوہنوں مُردیاں وِچوں زندہ کیتا‘‘ (اعمال17: 13)۔ ایہناں یہودیاں دی اکثریت نے یا تے مسیح دے جی اُٹھن دی منادی کرن تے پولوس دا مخول اُڑایا، یا محض اِک نئے پن دے طور تے ایس دے بارے چہ فیر توں سُننا چاہندے سی، ’’پس پولوس ایہناں دے وِچکار توں ٹُر گیا سی‘‘ (اعمال17: 33)۔ ایفسس کے شہر وِچ، رومیاں دے وِچکار اِک بوہتا وڈھا ہنگامہ برپا ہویا جدوں پولوس نے ’’ایس طریقے دے بارے وِچ‘‘ تبلیغ کیتی – جیہڑی کہ بلاشُبہ مسیح دے مصلوب ہون تے جی اُٹھن تے مرکوز سی (اعمال19: 23۔41)۔ جدوں پولوس یروشلم واپس آیا، تے اُوہنوں قیدی بنا لہیا گیا کیوں جے اُوہنے ’’یسوع دے بارے چہ منادی کیتی سی، جیہڑا مُردہ سی، جیس دی پولوس نے زندہ ہون دی تصدیق کیتی سی‘‘ (اعمال25: 19)۔

تاریخ سانوں مسیحیاں دے خلاف مسلسل ایذا رسانیاں دے بارے وِچ دسدی اے، بنیادی طور تے مسیح دے جی اُٹھن تے خدا ہون دی تبلیغ دے لئی۔ دس وڈیاں ایذا رسانیاں ہوئیاں، جِنہاں وِچ ہزارہا مسیحیاں نوں مصلوب کیتا گیا، آلاؤ لگا کے جلا دِتا گیا، یا مختلف صوبائی ایریناس [جیتھے موت دا کھیل کھیلا جاندا سی] وِچ سُٹ دِتا گیا، تے روم دے کولوزیم وِچ، جیتھے اُوہناں نوں جنگلی جانوراں نے پھاڑ دِتا – صرف ایس لئی کہ اُو قیامت اُتے تے مسیح دی خداوندیت وِچ یقین رکھدے سی۔

لیکن آؤ اِک لمحے دے لئی پہلاں واپس چلیے۔ صلیب تے مرن توں پہلاں، یسوع نے کئی وری اپنے شاگرداں نوں کہیا کہ اُو مصلوب ہووے گا تے مُردیاں وِچوں زندہ ہووے گا۔ لیکن ہر وری جدوں یسوع نے اُوہناں نوں دسیا کہ ایہہ ایہدے نال ہووے گا، اُو اِیہنوں سمجھن توں قاصر سن، تے یقین نئیں کردے سن کہ ایہہ واقعی ہووے گا۔ مثال دے طور تے، لوقا18: 31-34 وِچ اَسی پڑھنے آں کہ یسوع نے ایہناں نوں کی کہیا،

’’فیر یسوع نے بارہ شاگرداں نوں اپنے نال لہیا تے اُوہناں نوں کہن لگا: ویکھو، اَسی یروشلم جا رئے آں تے نبیاں نے جو کُج ابنِ آدم دے بارے چہ لکھیا اے اُو پورا ہووے گا۔ اُو غیر یہودی لوکاں دے حوالہ کیتا جائے گا، اُو اُوہنوں ٹھٹھیاں چہ اُڑان گے، بے عزت کرن گے تے اُوہدے تے تھوکن گے۔ اُوہوں کوڑیاں نال مارن گے تے قتل کر دین گے۔ لیکن تیجے دِن اُو فیر زندہ ہو جائے گا۔‘‘ مگر اُو ایہناں ساریاں گلاں دا مطلب نئیں سمجھے کیوں جے ایہہ اُوہناں توں پوشیدہ سن ایس لئی اُو ایہناں نوں سمجھ نئیں سکے۔ (لوقا18: 31۔34)

یسوع دے مُردیاں وِچوں جی اُٹھن دے بعد وی، چاروں انجیلاں وِچ، ایہہ گل بالکل واضح اے، کہ شاگرد ایس گل تے یقین نئیں کردے سی کہ اُو مُردیاں وِچوں جی اُٹھیا جدوں تیکر کہ اُوہنے اپنے جی اُٹھے ہوئے گوشت تے ہڈیاں دے جسم وِچ ایہناں دا سامنا نئیں کیتا۔

’’ہُنے اُو ایہہ گلاں کر ای رئے سن کہ یسوع اُوہناں دے وِچکار آ کے کِھلو گیا تے اُوہناں نون کہیا: ’’تہاڈے تے سلامتی ہووے۔‘‘ لیکن اُو بوہتے ڈر گئے تے خوفزدہ ہو گئے ایس لیے اُوہناں نوں لگیا کہ اُو کوئی روحانی مخلوق ویکھ رئے نے۔ یسوع نے اُوہناں نوں کہیا: ’’تُسی کیوں گھبرا رئے اُو تے تہاڈے دِل وِچ شک کیوں پیدا ہو رہیا اے؟ میرے ہتھاں تے پیراں نوں ویکھو! ایہہ میں ای آں۔ ذرا مینوں چھو کے ویکھوَ کیوں جے روح دی ہڈیاں ای ہوندیاں نے تے نہ ای گوشت جیویں کہ تُسی میرے چہ ویکھ رئے اُو؟‘‘ ایہہ کہندے ہوئے یسوع اُوہناں نوں اپنے ہتھ پیر وکھا رہیا سی۔ لیکن اُوہناں ساریاں نوں حیرت تے خوشی دے مارے یقین نئیں آ رہیا سی کہ ایہہ یسوع ای اے۔ ایس لئی یسوع نے اُوہناں نوں کہیا: ’’کی تہاڈے کول کُج کھان لئی اے؟‘‘ اُوہناں نے یسوع نوں بُھنی ہوئی مچھلی دا ٹکڑا دِتا۔ یسوع نے ایہنوں لے کے اُوہناں دے سامنے کھادا‘‘ (لوقا24: 36۔43)۔

ایہہ سب کی ظاہر کردا اے؟ کیوں، ایہہ ظاہر کردا اے کہ ایتھے تیکر کہ اُوہدے اپنے شاگرداں نے وی اُوہدے جسمانی جی اُٹھن نوں رد کر دِتا جدوں تیکر کہ اُو اُوہنوں تسلیم کرن تے مجبور نہ ہو گئے! تے قدیم یہودیاں تے قدیم رومیاں دوویں نے سختی نال ردعمل ظاہر کیتا، بار بار، مسیح دے جسمانی جی اُٹھن نوں رد کیتا۔ لہٰذا دورِ حاضرہ دے اِنساناں دے لئی سوچنا بے وقوفی اے کہ ایہہ قدیم لوکی آسانی نال مسیح دے مُردیاں وِچوں جی اُٹھن دے قائل سن۔

مذید ایہہ کہ، Docetists تے نامکمل طور تے قائم ہوئے گنوسٹکسincipient Gnostics گرجا گھراں دے اندر بدعتی سن جِنہاں نے مسیح دے جسمانی جی اُٹھن نوں مسترد کیتا – بار بار ایہہ تعلیم دیندے رئے کہ یسوع اِک روح دے طور تے جی اُٹھیا، بجائے ایہدے کہ اِک ای گوشت تے ہڈی دے جسم وِچ مُردیاں وِچ جے اُٹھے، جیویں کہ صحیفہ سکھاندا اے،

’’میرے ہتھاں تے پیراں نوں ویکھو! ایہہ میں ای آں۔ ذرا مینوں چھو کے ویکھوَ کیوں جے روح دی ہڈیاں ای ہوندیاں نے تے نہ ای گوشت جیویں کہ تُسی میرے چہ ویکھ رئے اُو‘‘ (لوقا24: 39)۔

لہٰذا ایس چہ کوئی تعجب دی گل نئیں ہونی چائیدی اے کہ دورِ حاضرہ دے عالمین نے مسیح دے گوشت تے ہڈیاں دی قطعی، جسمانی قیامت نوں رد کر دِتا اے! سانوں ایس گل تے حیران نئیں ہونا چائیدا اے کہ آزاد خیال Harry Emerson Fosdick ہیری ایمرسن فوسڈک نے مسیح دی جسمانی قیامت نوں ’’توہین رسالت‘‘ کہیا، کہ Rudolf Bultmann روڈولف بلٹ مین نے ایہنوں ’’اِک افسانہ‘‘ کہیا یا فُلر سیمنری دے Dr. George Eldon Ladd ڈاکٹر جارج ایلڈن لاڈ نے کہیا کہ ایہدا جی اُٹھنا ’’اِک مُردہ لاش دی واپسی نئیں سی۔ جسمانی زندگی گے لئی‘‘(ایہہ اقتباسات نارمن ایل جیسلر، پی ایچ ڈی Norman L. Geisler, Ph.D.، مُردوں وِچوں جی اُٹھن دے لئی جنت The Battle for the Resurrection، وِپ ایف اینڈ اسٹاک Wipf and Stock، 1992، صفحات 87-107 توں لئے گئے نے۔ میں ڈاکٹر گیزلر Dr. Geisler دی کتاب دی انتہائی سفارش کرنا واں! تُسی ایہنوں آمیزان ڈاٹ کام Amazon.com توں آرڈر کرا سکدے اُو)۔ ہُن ایہہ سانوں اگلے نکتے تے لے آندا اے۔

II۔ دوجی گل، کیوں دوویں قدیم لوکاں تے دورِ حاضرہ دے لوکاں نے مسیح دے جسمانی طور تے مُردیاں وِچوں جی اُٹھن نوں مسترد کیتا۔

ٹھیک اے، اُو اَج مسیح دے مُردیاں وِچوں جسمانی طور تے جی اُٹھن نوں اُوسی وجہ توں مسترد کردے نے جیس وجہ توں اُوہناں نے قدیم زمانے وِچ کیتا سی – کیوں جے اُو اِک فطری حالت وِچ نے، غیر تخلیق شدہ، گناہ نال اَنّے کیتے ہوئے۔ ڈاکٹر مارٹن لائیڈ جونز Dr. Martyn Lloyd-Jones نے کہیا،

انسان بالکل نئیں بدلیا۔ اُو ساری تبدیلیاں جِنہاں دے بارے وِچ لوکی بوہتا زیادہ فخر کردے نے اُو بیرونی نے۔ ایہہ خود انسان وِچ تبدیلیاں نئیں نے، بلکہ محض ایس دے طرز عمل وِچ نے، ایس دے ماحول وِچ تبدیلیاں نے… انسان بحیثیت انسان بالکل نئیں بدلدا۔ اُو ہلے وی اُوہی متضاد بندہ اے جیہڑا زوال دے بعد توں اے (ڈاکٹر مارٹن لائیڈ جونز، ایم ڈی Dr. Martyn Lloyd-Jones, M.D.، سچائی غیر تبدیل شدہ [طور تے] غیر تبدیل شدہ Truth Unchanged Unchanging، جیمز کلارک پبلشرز James Clark Publishers، 1951، صفحہ 110، 112)۔

’’جیس وِچ خدا دا پاک روح نئیں اُو خدا دی گلاں قبول نئیں کردا کیوں جے اُو اُوہدے نیڑے بیوقوفی دی گلاں نے تے نہ ای اُوہناں نوں سمجھ سکدا اے کیوں جے اُو صرف پاک روح دے ذریعہ سمجھی جا سکدیاں نے‘‘ (1کرنتھیوں2: 14)۔

فیر توں، ڈاکٹر لائیڈ جونز نے کہیا،

انسان نے خدا وَلوں مُنہ موڑ لہیا اے تے خدا نال دشمنی کر لئی اے تے ایس دُنیا وِچ اپنی حیاتی خدا دے بغیر تے خدا دے علاوہ گزارن دی کوشش کر رہیا اے… تے یقیناً تہانوں ایہہ عظیم کہانی بائبل دے صفحات وِچ کھلی ہوئی مل جاندی اے تے ایہہ پوری طرح نال اے۔ سیکولر تاریخ دی تفہیم دی کلید، انسان خدا دے خلاف لڑ رہیا اے، خدا دے سامنے عاجزی نال انکار کر رہیا اے، تے تکبر تے فخر دے نال بالکل ایس دے برعکس کر رہیا ے، لہٰذا جیہڑا کُج تہاڈے کول بائبل وِچ اے وہ عظیم خدا تے انسان دے گناہ وِچ تصادم دا بیان اے۔ (ڈاکٹر مارٹن لائیڈ جونز، ایم ڈی Dr. Martyn Lloyd-Jones, M.D.، ’’یقیناً انسان دا غضب تیری تعریف کرے گا Surely the Wrath of Man Shall Praise Thee،‘‘ زبور76: 10 تے واعظ)۔

گناہ دی حالت وِچ انسان اِک ’’فطری ادمی‘‘ اے (1کرنتھیوں2: 14الف)۔ اُو مسیح دے جسمانی طور تے جی اُٹھن وِچ یقین کرن توں انکار کردا اے، تے انجیل دے بقیہ حصے وِچ، اپنی گناہ توں بھرپور، غیرتبدیل شدہ حالت وِچ ’’نہ ای اُو ایہناں نوں جان سکدا اے‘‘ (1کرنتھیوں2: 14ب)۔ جیویں کہ ڈاکٹر لائیڈ جونز نے کہیا، ’’انسان بالکل نئیں بدلیا۔‘‘ دور حاضرہ دے لوکی یسوع دے مُردیاں وِچوں جسمانی طور تے جی اُٹھن نوں ایسی وجہ توں مسترد کردے نے جیس وجہ توں قدیم لوکاں نے ایہنوں مسترد کیتا سی – کیوں جے اُو اِک ’’فطری‘‘ حالت وِچ نے، کدی تبدیل نئیں ہوئے! ایہہ گل سانوں آخری نقطہ تے لے جاندی اے۔

III۔ تیجی گل، مسیح دے مُردیاں وِچوں جسمانی طور تے جی اُٹھن دے معجزے نوں صرف اُوہی جان سکدا اے جیہڑا مسیح وِچ ایمان لہیا کے تبدیل ہو چکیا اے۔

مسیح دے مُردیاں وِچوں جسمانی طور تے جی اُٹھن دے معجزہ ہمیشہ انسان دے لئی گناہ دی قدریت حالت وِچ پوشیدہ رئے گا۔ پولوس رسول نے کہیا،

’’جے ساڈی خوشخبری ہُنے وی پوشیدہ اے تے اُو صرف ہلاک ہون آلیاں دے لئی پوشیدہ اے‘‘ (2کرنتھیوں4: 3)۔

مسیح دے مُردیاں وِچوں جی اُٹھن دی حقیقت تے اہمیت نوں جانن دے لئی تہانوں مسیح وِچ ایمان لہیا کے تبدیل ہونا چائیدا اے۔ حقیقی تبدیلی وِچ عام طور تے پہلاں مسیح نوں جانن دے خواہش ہوندی اے۔ ایہہ خدا دے کلام نوں سُنن دے بعد، گناہ دی سزایابی، تے مسیح تے مکمل پروہسا کرن نال حاصل ہوندی اے۔ دماغ تے دِل وِچ گناہ دی طاقت ٹُٹ جاندی اے، تے تبدیل ہون آلا مسیح دےکول آندا اے، اُوہدے تے ایمان لہیاندا اے، فیر توں پیدا ہوندا اے، نئے سرے توں جنم لیندا اے، ’’رفاقت… باپ دے نال، تے اپنے پتر یسوع مسیح دے نال‘‘ (1جان1: 3)۔

فیر، اِک حقیقی تبدیلی وِچ، تُسی اُوہناں نوں جانو گے جیہڑے تہاڈے گناہ دا کفارہ دین دے لئی صلیب تے مر گیا، تے تہاڈی راستبازی دی خاطر فیر توں جی اُٹھیا – اُوسی گوشت تے ہڈی دی جسم وِچ جیہڑا صلیب تے کیلاں نال جڑیا سی۔ میں جاننا واں کہ اینج ای ہوندا اے کیوں جے ایہہ میرے نال ہویا، تے ساڈے گرجا گھر وِچ بوہتے سارے دوجے لوکاں دے نال جدوں اُو تبدیل ہوئے سن۔ جدوں تُسی مسیح دے کول حقیقی تبدیلی وِچ آندے اُو، فیر تُسی جان لو گے کہ اُو جی اُٹھیا اے جیویں کہ اُوہنے کہیا!

کی تُسی مسیح دے بغیر حیاتی دا خالی پن تے نااُمیدی محسوس کردے اُو؟ کی تُسی محسوس کردے اُو کہ تہاڈے دِل تے تہاڈی حیاتی تے گناہ دی گرفت اے؟ کی تُسی جین تے مرن دا خوف محسوس کردے اُو، ’’کوئی اُمید نئیں، تے دنیا وِچ خدا دے بغیر‘‘؟ (افسیوں2: 12)۔ کی تُسی مسیح دی ضرورت نوں محسوس کردے اُو کہ اُو تہاڈے گناہ نوں معاف کرے تے تہانوں اِک نیا، فیر توں تخلیق شدہ، مسیح وِچ ایمان لہیا تبدیل شُدہ دِل دیوے؟

’’جیہڑا ایمان لہیائے تے بپتسمہ لئے اُو نجات پائے گا تے جیہڑا ایمان نہ لہیائے اُو مجرم قرار دِتا جائے گا‘‘ (مرقس16: 16)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔