ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

دو شاگرد آماؤس دے گاؤں وَل پیدل جا رئے سن۔ ایہہ اِتوار دی دوپہر سی – اُو دِن جدوں یسوع مُردیاں وِچوں جی اُٹھیا سی۔ جدوں اُو پیدل جا رئے سن یسوع اُوہناں دے نیڑے آیا تے اُوہناں دے نال رل گیا۔ اُوہناں نے پہلاں اُوہنوں نئیں پہچانیا۔ اُوہنے اُوہناں نوں پُچھیا کہ کیس دے بارے چہ بات چیت کر رئے اُو تے اُو کیوں ایہنے اُداس نے۔ اُوہناں نے کہیا کہ اُوہناں نے سوچیا سی کہ مسیح اسرائیل نوں نجات دلائے گا، لیکن ایہدے بجائے اُو مصلوب کیتا جا چکیا سی تے مُردہ سی۔ اُوہناں نے ایہہ وی کہیا کہ اَج سویرے سویرے کُج عورتاں اُوہدی قبر دے گئیاں سن۔ عورتاں نے اُوہناں نوں دسیا کہ مسیح جیوندہ سی۔ اُوہناں دوویں شاگرداں نوں ہلے تیکر احساس نئیں ہویا سی کہ اُو مُردیاں وِچوں جی اُٹھے مسیح دے نلا گلاں کر رئے سن۔ اُوہنے اُوہناں دی بے اعتقادی تے ملامت کیتی،

’’اُوہنے اُوہناں نوں کہیا، اے بیوقوفو، تُسی کیہنے نادان ہو تے نبیاں دی دسیاں ہوئیاں گلاں نوں قبول کرن وِچ کیس قدر سست اُو: کی مسیح دے لئی ضروری نئیں سی کہ اُو اذیتاں نوں برداشت کردا تے فیر اپنے جلال وِچ داخل ہوندا؟ تے اُوہنے موسیٰ توں لے کے سارے نبیاں دیاں گلاں جیہڑیاں اُوہدے بارے وِچ پاک کلام وِچ درج سن اُوہناں نوں سمجھا دِتیاں‘‘ (لوقا24: 25۔27).

اُوہناں نے ہلے وی احساس نئیں ہویا سی کہ اُو جی اُٹھے مسیح نوں سُن رئے سن جدوں کہ اُو شام دا کھانا کھان دے لئی نئیں رکے سن۔ فیر یسوع،

’’… نے روٹی لئی تے شکر کر کے اُہنوں توڑیا تے اُوہناں نوں دِتی۔ فیر اُوہناں دی اَکھاں کُھل گئیاں تے اُوہناں نے اُوہنوں پہچان لہیا…‘‘ (لوقا24: 30۔31).

جدوں اُو فوت ہوئے سن اُوسی دِن، ڈاکٹر ایم. آر. ڈی حان Dr. M. R. DeHaan نے اپنی مشہوربائبل ریڈیو دی کلاس دے لئی ایہہ الفاظ ریکارڈ کروائے سن۔ ایہہ آخریلے الفاظ سن جِنہاں دی تبلیغ ڈاکٹر ڈی جان نے ریڈیو تے کیتی سی۔

      جیویں ای یسوع نے روٹی لئی تے اُوہنوں توڑیا تے اُو اُوہناں نوں دِتی، اُوہناں نے اُوہدی پہچان دے نشانات ویکھے – اُوہدے ہتھاں وِچ زخم۔ جیویں ای اُوہنے اُوہناؓں نوں روٹی دِتی اُوہناں نے اُوہدے ہتھاں تے توجہ دِتی۔ یسوع دے زخمی ہتھ اُوہدی پہچان سن (ایم. آر. ڈی حان، ایم. ڈی.، پیدائش وِچ یسوع دی شبیہات Portraits of Christ in Genesis، ژونڈروان اشاعت خانہ، ایڈیشن 1966، صفحہ 55).

میں ایہہ کدرے وی نئیں پڑھیا اے، لیکن جو کُج ہویا سی ایہہ اُوہدی معقول وضاحت ظاہر ہوندی اے۔ لیکن پاویں ڈی جان دُرست سی فیر وی ایس حقیقت وِچ اِک فوق الفطرت خوبی اے کہ ’’اُوہناں دے اَکھاں کُھل گئیاں تے اُوہناں نے اُوہنوں پہچان لہیا‘‘ (لوقا24: 31)۔ ’’[ساڈی] سمجھداری دیاں اَکھاں‘‘ (افسیوں1: 18) نوں منور کرن دے لئی خدا دی قوت درکار اے۔

ایہہ وضاحت، فیر، سانوں دسدی اے کہ کیویں ایہناں لوکاں نے یسوع نوں پہچانیا۔ تے ایہو ای اُو تصویر اے جیس نال سارے مسیحی مسیح نوں پہچاندے نے۔ پہلی گل، اُوہنے پاک کلام وِچوں اُوہناں نوں تبلیغ دِتی (لوقا24: 27)۔ دوجی گل، ’’اُوہناں دی اَکھاں کُھل گئیاں سن، تے اُوہناں نے اُوہنوں پہچان لہیا‘‘ (لوقا24: 31)۔ لیکن، اُوہناں دیاں اَکھاں کُھلن توں قبل، یسوع نے اُوہناں نوں کہیا،

’’اے بیوقوفو، تُسی کیہنے نادان ہو تے نبیاں دی دسیاں ہوئیاں گلاں نوں قبول کرن وِچ کیس قدر سست اُو: کی مسیح دے لئی ضروری نئیں سی کہ اُو اذیتاں نوں برداشت کردا تے فیر اپنے جلال وِچ داخل ہوندا؟ تے اُوہنے موسیٰ توں لے کے سارے نبیاں دیاں گلاں جیہڑیاں اُوہدے بارے وِچ پاک کلام وِچ درج سن اُوہناں نوں سمجھا دِتیاں‘‘ (لوقا24: 25۔27).

یسوع نے موسیٰ دی تحریراں توں شروع کیتا، تے فیر پرانے عہدنامے دے پاک صحیفیاں توں، ’’جیہڑیاں اُوہدے بارے چہ پاک کلام [پرانے عہدنامے] وِچ درج سن اُوہناں نوں سمجھا [وضاحت کر دِتی] دِتیاں‘‘ (لوقا24: 27)۔ اُوہنے ضرور پیدائش دی کتاب وِچوں شروع کیتا ہووے گا، جیس دا مصنف موسیٰ سی، کیوں جے سانوں دسیا گیا سی کہ اُوہنے موسیٰ دی تحریراں توں شروع کیتا سی، تے فیر پرانے عہدنامے دی دوجے صحیفیاں نوں لہیا سی، ’’جیہڑیاں اُوہدے بارے چہ پاک کلام وِچ درج سن اُوہناں نوں اُوہدی وضاحت کر دِتی‘‘ (لوقا24: 27)۔ ایس لئی اِسی پرانے عہدنامے وِچوں پڑھاں گے تے کُج ایہو جئی گلاں ظاہر کراں گے جِنہاں وِچ مسیح نے اُوہناں نوں اپنی صلیبی موت دے بارے وِچ ضرور آگاہی دِتی اے، تے خاص طور تے اپنی مُردیاں وِچوں جی اُٹھن دی گل دی آگاہی۔

1۔ پہلی گل، مسیح دا مُردیاں وِچوں فیر توں جی اُٹھنا اُوہدی تخلیق دے کم دی دلیل پیش کردا اے۔

’’ابتدا وِچ خدا نے آسمان تے زمین نوں خلق کیتا‘‘ (پیدائش1: 1).

بالکل ایتھے ای، پیدائش دے ابتدائی الفاظ وِچ، اَسی مسیح نوں آسمان تے زمین دے خالق دے طور تے ویکھنے آں۔ نیا عہدنامہ سانوں دسدا اے،

’’ابتدا وِچ کلام سی، تے کلام خدا دے نال سی، تے خدا ای کلام سی۔ کلام شروع وِچ خدا دے نال سی۔ ساریاں شیواں اُوسی دی وسیلہ توں پیدا کیتیاں گئیاں؛ تے کوئی وی شے ایہو جئی نئیں جیہڑی اُوہدے بغیر وجود وِچ آئی ہووے‘‘ (یوحنا1: 1۔3).

اُو عطیم خالق، خدا دا کلام، یسوع مسیح سی۔ ایہہ گل واضح طور تے یوحنا1: 14 وِچ دسی گئی اے،

’’تے کلام مجسم ہویا تے ساڈے درمیان خیمہ زن ہویا، (تے اُوہدے وِچ باپ دے اِکلوتے پُتر وگرا جلال ویکھیا،) جیہڑا فضل تے سچائی نال معمور ہویا‘‘ (یوحنا1: 14).

مسیح نال تخلیق دا گہرا تعلق اُوہدے مُردیاں وِچ فیر توں جی اُٹھن نال اے ایہہ سانوں کلسیوں1: 16۔18 وِچ ملدا اے۔¬

’’اُوہدے ای وسیلہ نال خدا نے سب کُج خلق کیتا اے، چاہے اُو شیواں آسمان دی ہون یا زمین دی، ویکھی ہون یا اندیکھی، تخت ہون یا ریاستاں، حکومتاں ہون یا اختیار: ایہناں ساریاں نوں خدا نے مسیح دے ذریعہ تے اُوہدے ای خاطر پیدا کیتا: اُو ساریاں شیواں وچ سب توں پہلاں اے تے اُوہدے وچ ای ساریاں شیواں قائم رہندیاں نے۔ کلیسیا اُوہدا بدن اے تے اُو ایس بدن دا سر اے: اوہی مبداء اے، تے مُردیاں وچوں جی اُٹھن آلیاں وچوں پہلوٹا؛ تاں جے ساریاں گلاں وچ پہلا درجہ اُوہدا ای ہووے‘‘ (کلسیوں1: 16۔18).

اُو جیہدے کول ’’سب کُج‘‘ تخلیق کرن دی قوت سی اوہی ’’مُردیاں وچوں جی اُٹھن آلیاں وچوں پہلوٹا‘‘ وی سی (کلسیوں 1: 18). کائنات نوں تخلیق کرن دی اُوہدی صلاحیت شدت دے نال اُوہدے مُردیاں وچوں جی اُٹھن دی دلیل پیش کردی اے۔ ایہدے وچ کوئی شک نئیں اے کہ یسوع نے ایہہ گل اُوہناں نوں دسی سی جنہاں دے نال اُوہنے آماؤس دی سڑک تے گل کیتی سی۔

’’تے اُوہنے موسیٰ توں لے کے سارے نبیاں دیاں گلاں جیہڑیاں اُوہدے بارے وِچ پاک کلام وِچ درج سن اُوہناں نوں سمجھا دِتیاں‘‘ (لوقا24: 27).

2۔ دوجی گل، مسیح دا مُردیاں وچوں فیر جی اُٹھنا آدم وچ وکھائی دیندا اے۔

مسیح، اخیرلا آدم سی، جیہڑا جدوں قبر وچ سویا، تے اُوس ویلے اُوہدے پہلو وچوں کلیسیا دی تشکیل ہوئی سی۔ ایہہ حوّا دا آدم دی پسلی وچوں کڈے جان توں ظاہر کیتا گیا اے۔

’’تے خُداوند خُدا نے آدم تے گہری نیند بھیجی تے اُو سو گیا: تے جدوں اُو سو رہیا سی تے اُوہنے اُوہدی پسلیاں وچوں اِک پسلی کڈی، تے اُوہدی تھاں گوشت بھر دِتا؛ اُودوں خُداوند خُدا نے اُوس پسلی توں جیہنوں اُوہنے آدم وچوں کڈیا سی، اُوہنے اِک عورت بنائی، تے اُو اُوہنوں آدم دے کول لے آیا‘‘ (پیدائش2: 21۔22).

ایہہ مسیح تے کلیسیا دی اِک تصویر اے۔

’’کیوں جے اسی اُوہدے بدن دے اعضاء آں، اُوہدے گوشت دے، تے اُوہدی ہڈیاں دے۔ ایس سبب نال آدمی اپنے ماں تے پیو نوں چھڈے گا، تے اپنی ووہٹی دے نال رہوے گا، تے اُو دوویں مل کے اِک تن ہون گے۔ ایہہ راز دی گل اے تے بڑی گہری: لیکن میں سمجھنا آں کہ ایہہ مسیح تے کلیسیا دے باہمی تعلق ول اشارہ کردی اے‘‘ (افسیوں5: 30۔32).

آدم سویا۔ خُداوند خُدا نے حوّا نوں اُوہدی پسلی وچوں کڈیا۔ سکوفیلیڈ Scofield دی یاداشت کہندی اے، ’’حوّا، اِک طرح کلیسیا اے جیویں یسوع دی دُلہن‘‘ (پیدائش 2: 23 تے اِک یاداشت). مسیح موت وچ تِن دِن تیکر قبر وچ سویا رہیا سی۔ ڈاکٹر ڈی جان نے کہیا، ’’اُوہدا پہلو کھولیا گیا، تے پاک کرن آلا پانی تے اُوہدا راستباز لہو بہہ نکلیا۔ کلیسیا وی حوّا وانگوں اِک نئی تخلیق سی‘‘ (ڈی حان، ibid.، صفحہ 33). اُوہدے علاوہ، آدم جاگیا، حوّا نوں اُوہدی پسلی توں کڈن دے بعد جاگیا سی، جیہڑا مسیح، آخری آدم، دی مُردیاں وچوں جی اُٹھن دی منظر کشی کردا اے۔

’’ایہہ راز دی گل اے تے بڑی گہری: لیکن میں سمجھنا آں کہ ایہہ مسیح تے کلیسیا دے باہمی تعلق ول اشارہ کردی اے‘‘ (افسیوں5: 32).

3۔ تیجی گل، پیدائش دی کتاب وچ خُدا دے پہلے اعلان وچ مسیح دا مُردیاں وچوں فیر جی اُٹھنا۔

سارے متفق نے کہ پیدائش3: 15 وچ خُدا دا پہلا اعلان اے، خوشخبری دا پہلا تذکرہ۔ ایہہ شیطان نوں کہیا گیا سی۔ ایہہ کہندا اے،

’’تے میں تیرے تے عورت دے وچکار، تے تیری نسل تے اُوہدی نسل دے وچکار عداوت پاواں گا؛ اُو تیرا سر کُچلے گی، تے تُو اُوہدی ایڑی تے کٹے گا‘‘ (پیدائش3: 15).

عورت دی ’’نسل‘‘ مسیح اے، کیوں جے لفظ ’’نسل‘‘ پرانے عہدنامے وچ کِتھے وی عورت ول اشارہ نئیں کردا اے۔ عورت دی ’’نسل‘‘ مسیح اے،

’’ایس لئی خُداوند خود ای تہانوں اِک نشان دیوے گا؛ ویکھو اِک کنواری حاملہ ہووے گی، تے اُوہدے ہاں پُتر پیدا ہووے گا، تے اُو اُوہدا ناں عمّانوایل رکھے گی‘‘ (اشعیا7: 14).

’’تے میں تیرے تے عورت دے وچکار، تے تیری نسل تے اُوہدی نسل دے وچکار عداوت پاواں گا؛ اُو تیرا سر کُچلے گی، تے تُو اُوہدی ایڑی تے کٹے گا‘‘ (پیدائش3: 15).

فیر، وی، مسیح دی ایڑی دا زخمی ہونا ایہناں مہلک نئیں ہو سکدا، لیکن شیطان دے سر دا زخمی ہونا مہلک اے۔ ڈاکٹر ڈی جان نے کہیا،‘‘ نجات دہندہ دی ایڑی اُوہدی پہلی آمد تے زخمی ہوئی سی، لیکن اُوہدی دوجی آمد تے شیطان دا سر کُچلیا جائے گا‘‘ (ڈی جان، ibid.، صفحہ 64). ایتھے، فیر، خوشخبری دے پہلے تذکرے وچ، سانوں مسیح دے مُردیاں وچوں جی اُٹھن دی تصویر وکھائی دیندی اے۔

’’تے اُوہنے موسیٰ توں لے کے سارے نبیاں دیاں گلاں جیہڑیاں اُوہدے بارے وِچ پاک کلام وِچ درج سن اُوہناں نوں سمجھا دِتیاں‘‘ (لوقا 24:27).

4۔ چوتھی گل، ابراہام دا اِضحاق نوں معاف کرن وچ مسیح دے فیر جی اُٹھن دی عکاسی ملدی اے۔

خُداوند نے ابراہام نوں کہیا اُو اپنے پُتر اِضحاق نوں لے جائے تے کوہِ موریاہ تے اُوہنوں قربانی دے طور تے نذر کرے۔ لیکن جدوں اُو قربانی دی تھاں تے پہنچے،

’’… ابراہام نے نگاہ چُکی تے اُوہنے اوتھے اِک مینڈھا ویکھیا، جیہدے سینگ جھاڑیاں وچ پھنسے ہوئے سن: اُوہنے جا کے اُوس مینڈھے نوں پھڑیا، تے اُوہنوں اپنے پُتر دے بجائے سوختنی قربانی دے طور تے چڑھایا‘‘ (پیدائش 22: 13).

نیا عہد نامہ سانوں دسدا اے کہ اِضحاق دا موت وچ بچایا جانا جی اُٹھن دی اِک شبیہہ اے،

’’حالانکہ خُداوند نے اُوہنوں کہیا سی، کہ اِضحاق ای توں تیری نسل دا ناں جاری رہوے گا، ابراہام نوں پرہوسا سی کہ خُدا مُردیاں نوں زندہ کرن دی قدرت رکھدا اے؛ چنانچہ اُوہنے بطورِ تمثیل اِضحاق نوں فیر زندہ پا لہیا‘‘ (عبرانیوں11: 18۔19).

یقیناً مسیح نے ایہہ مماثلت خود اپنے مُردیاں وچوں جی اُٹھن دی دِتی سی جدوں اُو اُوہناں دے نال بولیا سی جیہڑے آماؤس ول سفر کر رہے سن

’’تے اُوہنے موسیٰ توں لے کے سارے نبیاں دیاں گلاں جیہڑیاں اُوہدے بارے وِچ پاک کلام وِچ درج سن اُوہناں نوں سمجھا دِتیاں‘‘ (لوقا24: 27).

5۔ پنجویں گل، یوسف دی حیاتی وچ یسوع دے جی اُٹھن دی منظر کشی۔

یوسف دے پراہ اُوہدے توں حسد کردے سن۔ اُوہناں نے اُوہنوں اِک گڑھے وچ سُٹ دِتا سی۔ فیر اُوہناں نے اُوہنوں گڑھے وچوں باہر کڈیا تے مصر وچ غلامی کرن لئی بیچ دِتا۔ اوتھے مصر وچ خُداوند نے یوسف نوں اِک عظیم مرتبے لئی چُکیا۔ وریاں بعد، جدوں اُوہدے پراہ بھوکوں مر رئے سی، اُو یوسف دے کول آئے۔ اُوہنے اُوہناں نوں کھانا کھلایا تے اُوہناں دی حیاتیاں بچائیاں۔ فیر یوسف نے اپنے پراہواں نوں کہیا،

’’تے خُدا نے مینوں تہاڈے اگے بھیجیا تاں جے تہاڈے اُو لوکی جیہڑے باقی بچے نے زمین تے سلامت رہن تے اِک وڈی نجات دے وسیلے نال تہاڈی جاناں بچی رہن۔ چنانچہ اُو تُسی نئیں سی بلکہ خُدا…‘‘ (پیدائش45: 7۔8).

’’تُسی مینوں نقصان پہنچان دا اِرادہ کیتا سی؛ لیکن خُدا نے اُوہدے توں نیکی پیدا کر دِتی، تاں جے بہتیریاں جاناں سلامت بچ جان جیویں کہ تُسی ویکھ رہے اُو‘‘ (پیدائش50: 20).

ایس باب وچ، ’’بالکل الگ قسم دے،‘‘ ڈاکٹر ڈی جان نے کہیا، ’’یوسف دی کہانی شک توں بالاتر اِک واضح قسم دی … مسیح دی بیخودی نوں پرانے عہدنامے وچ کِتھے وی پایا جائے‘‘ (ڈی جان، صفحہ 178). جیویں کہ یوسف نوں مصر وچ اِک اُچا مقام حاصل سی، جیہنے اُوہدے پراہواں نوں حیاتی عطا کیتی، ایویں ای یسوع مُردیاں وچوں جی اُٹھیا تاں جے دُنیا نوں حیاتی دیوے!

ہُنے تیکر اسی یسوع دے جی اُٹھن دی قِسماں تے تصویراں، پیدائش دی کتاب وچوں موسیٰ دی تحریراں وچ ویکھی۔ اسی ایویں ای ہور وی جان سکنے آں، اِک دے بعد دوجی قِسم پیش کر سکنے آں جیہڑی مسیح دے فیر جی اُٹھن نوں انبیانہ طور تے پیش کرے۔ ڈاکٹر جان آر۔ رائیس نے کہیا، ’’پرانے عہدنامے وچ مسیح دے مستقبل وچ جی اُٹھن دے بے شمار اشارے نے جنہاں نوں جاننا غالباً اِک اوسط قاری دی سمجھ توں باہر اے‘‘ (جان آر. رائیس، ڈی.ڈی.، یسوع دا فیر جی اُٹھنا The Resurrection of Jesus Christ، اشاعت خانہ خُداوند دی تلوار Sword of the Lord Publishers، 1953، صفحہ 16). ایس واعظ وچ میں ایویں دی ای یسوع دے جسمانی طور تے قبر وچوں جی اُٹھن دی اینج دی انبیانہ تصویراں دیاں قِسماں وچوں صرف اِک دس سکنا آں۔ اُو انبیانہ تصویر پرانے عہدنامے وچ یُوناہ نبی دی کتاب وچ اے۔

6۔ چھٹی گل، یُوناہ وچ یسوع دے فیر جی اُٹھن دی منظر کشی۔

یوناہ اپنی حیاتی تے خُدا دی بُلاہٹ توں دور نٹھ رہیا سی۔ اُو سمندر وچ سُٹیا گیا سی تے اِک سمندری بلا توں نگلیا گیا سی۔ لیکن تِن دِن بعد، خُداوند اُوس مخلوق توں بولیا سی ’’تے اُوہنے یُوناہ نوں اِک خُشک زمین تے اُگل دِتا سی‘‘ (یُوناہ2: 10). میں اُوس گل توں مکمل طور تے متفق آں جیہڑی ڈاکٹر میکجیDr. McGee نے اِیس بارے وچ کہی،

… مچھلی دا پیٹ اُوہدی قبر سی، تے قبر اِک اینج دی تھاں اے جیہڑی مُردیاں لئی ہوندی اے – تُسی کسی زندہ انسان نوں قبر وچ نئیں پاندے۔ یُوناہ نے تسلیم کر لہیا سی کہ اُو اُوس مچھلی وچ مرن آلا سی تے کہ خُدا اُوہدی سُنے گا تے اُوہدے وچوں فیر زندہ کرے گا (جے. ورنن میکجی J. Vernon McGee، ٹی ایچ. ڈی.، بائبل وچوں Thru the Bible، تھامس نیلسن اشاعت خانہ، 1982، جلد سوئم، صفحہ 749؛ یُوناہ2: 2 تے اِک یاداشت).

ڈاکٹر ڈی جان نے وی اینج دی ای گل کہی اے جیویں کہ ڈاکٹر میکجی نے، تے ڈاکٹر ہنری ایم۔ مورس نے وی ایہی کہیا – تے میں یقین کرنا آں کہ اُو بالکل دُرست نے۔ یُوناہ سمندری بلا وچ مر گیا سی، لیکن خُداوند نے اُوہنوں مُردیاں وچوں زندہ کیتا۔ یُوناہ دی کتاب سانوں دسدی اے کہ یُوناہ ’’تِن دِن تے تِن راتاں‘‘ تیکر سمندری بلا دے پیٹ وچ سی (یُوناہ1: 17).

خُداوند یسوع مسیح نے جیہڑا کُج یُوناہ دے نال ہویا سی لفظی طور تے ایہدے بارے وچ گل کیتی سی۔ تے مسیح نے دو مختلف موقعاں تے یُوناہ دے نال کی ہویا سی اُوہدی گل کیتی سی (متی12: 39۔40؛ متی16: 4). ایہناں دوواں وچوں پہلی آلی میں تہانوں دسن جا رہیا آں،

’’ لیکن اُوہنے جواب وچ اُوہناں نوں کہیا، ایس زمانہ دے بُرے تے حرامکار لوکی نشان ویکھنا چاہندے نے؛ مگر اُوہناں نوں یوناہ نبی دے نشان دے سوا کوئی ہور نشان نئیں دِتا جاوے گا: کیوں جے جیس طرح یوناہ تِن دِن تے تِن راتاں مچھلی دے پیٹ وِچ رہیا اُویں ای اِبنِ آدم تِن دِن تے تِن راتاں زمین دے اندر رئے گا‘‘ (متی 12: 39۔40).

صرف اِک نقطہ جیہڑا اِج دی سویر میں سامنے لہیا رہیا واں اُو ایہہ اے کہ یوناہ سمندری بلا وِچ تِن دِن رہن دے بعد، مُردیاں وِچوں جی اُٹھیا سی، پرانے عہدناے وِچ مسیح دے مُردیاں وِچوں جی اُٹھن دے اِک پیغمبرانہ تصویر اے۔ یقیناً ایہہ اُوہناں گلاں وِچوں اِک سی جیہڑی یسوع نے اُوہناں شاگرداں نوں دسی جیہڑے آماؤس جان آلی سڑک تے جا رئے سن!

’’تے اُوہنے موسیٰ توں لے کے سارے نبیاں دیاں گلاں جیہڑیاں اُوہدے بارے وِچ پاک کلام وِچ درج سن اُوہناں نوں سمجھا دِتیاں‘‘ (لوقا24: 27).

لیکن ہُن اَسی تِن اقسام تے تصویراں نوں ویکھاں گے جیہڑیاں مزامیر وِچ مسیح دے فیر توں جی اُٹھن دے بارے وِچ دو واضح بیانات دیندیاں نے۔ تے میں چاہنا واں کہ تُسی ایہناں نوں ویکھو۔ مہربانی نال زبور16: 8۔10 دے لئی پرانا عہدنامہ کھولو۔

7۔ ستویں گل، مسیح دے فیر توں جی اُٹھن دی زبور 16 وِچ پیشن گوئی کیتی گئی سی۔

ہُن کِھلو جاؤ تے اُوچی واج نال زبور16: 8۔10 آیات پڑھو۔

’’میں خداوند نوں ہمیشہ اپنے سامنے رکھیا اے۔ چونکہ اُو میرے سچے ہتھ اے، ایس لئی مینوں جنبش نئیں ہووے گی۔ اِسی لئی میرا دِل مسرور اے تے میری زبان شادماں اے؛ تے میرا جسم وی محفوظ رئے گا، کیوں جے توں میری جان نوں پاتال وِچ نئیں چھڈے گا، تے نہ ای اپنے مقدس نوں سڑن ای دیوے گا‘‘(زبُور16: 8۔10).

تُسی تشریف رکھ سکدے اُو۔ ایس سیاق و سباق وِچ آیت نمبر 10 وِچ لفظ ’’جہنم‘‘[پاتال] دا مطلب ’’قبر‘‘ اے۔ سانوں سادگی نال دسیا گیا سی کہ خدا نے اپنے ’’اکلوتے‘‘ نوں نئیں چھڈیا سی – قبر وِچ، یسوع مسیحا – تے خدا مسیح دے جسم نوں ’’سڑدا ویکھنا‘‘ نئیں چاہے گا۔ کلام پاک دے صفحہ تے ایہہ الفاظ واضح تے سادہ نے۔ تے پینتیکوست دے دِن پطرس رسول نے اُوہناں نوں منادی کیتی، جیویں کہ تُسی اوہنوں پڑھدے اُو۔ پطرس نے کہیا،

’’کیوں جے داؤد اُوس [یسوع] دے بارے چہ کہندا اے، کہ میں خداوند نوں ہمیشہ اپنے سامنے ویکھدا رہیا، کیوں جے اُو میرے سچے پاسے اے، ایس لئی مینوں جنبش نہ ہووے گی: چنانچہ میرا دِل خوش اے تے زبان شادمان؛ بلکہ میرا جسم وی اُمید چہ قائم رئے گا، کیوں جے توں مینوں قبر چہ نئیں چھڈے گا، تے نہ ای اپنے مقدس کادم نوں سڑن دیں گا۔ توں مینوں حیاتی دیاں راہواں وکھائیاں؛ توں اپنے دیدار دی خوشی نال مینوں معمور کر دیں گے‘‘ (اعمال2: 25۔28).

تے فیر رسول نے کہیا،

’’اُوہنے بطور پیشن گوئی مسیح دے مُردیاں وِچوں جی اُٹھن دا ذکر کیتا کہ نہ تے اُو قبر وِچ چھڈیا گیا، نہ ای اُوہدے جسم نوں سڑن دِتا گیا‘‘ (اعمال2: 31).

ڈاکٹر رائس نے کہیا، ’’ایتھے سانوں پرانے عہدنامے وِچ پیشن گوئی کیتی گئی اے خود مسیح دے احساس دے بارے وِچ، خوشی مناؤ کہ… اُوہدا جسم اُمید چہ آرام پائے گا، ایہہ جانندے ہوئے کہ [خداوند] باپ اُوہدے جسم نوں موت دے حوالے نئیں کرے گا، تے اُوہدا جسم گلے سڑے گا نئیں، بلکہ قبر توں چُکیا جائے گا۔ یسوع دا جسم کدی سڑن دے لئی نئیں گیا، کدی مٹی وِچ مٹی ہون دے لئی نئیں سی۔ [یسوع دا] اُو جسم ضروری سی کہ مُردیاں وِچوں زندہ ہوندا تے فیر فاتحانہ… آسمان تے چُکیا جاندا تے اُوہی نجات دہندہ، اُوسی جی اُٹھے جسم دے نال، ہُن ساڈا [آسمان] وِچ انتظار کر رہیا اے‘‘ (رائیس، ibid.، صفحہ15). آمین! اب زبور110: 1 کھولو۔

8۔ اٹھویں گل، زبور110 وِچ یسوع دے جی اُٹھن دی پیشن گوئی کیتی گئی۔

مہربانی نال کھڑے ہو جاؤ تے پہلی آیت اُوچی واج نال پڑھو۔

’’یہوواہ میرے خداوند نوں فرماندا اے، توں میرے سجے ہتھ بیٹھ، جدوں تیکر کہ میں تیرے دشمناں نوں تیرے پیراں دی چوکی نہ کر دیاں‘‘ (زبور110: 1)۔

تُسی تشریف رکھ سدکے اُو،

ڈاکٹر ہنری ایم۔ مورس نے کہیا کہ ’’زبور 110: 1 دا چار وری نئے عہد نامے وچ ذکر آندا اے (عبرانیوں 1: 13) . . . مرقس 12: 36؛ لوقا 20: 42؛ اعمال 2: 34‘‘ (ہنری ایم. مورِس، پی ایچ. ڈی.، بائبل دے مطالعے دا دفاع The Defender’s Study Bible، ورلڈ اشاعت خانہ، 1995، صفحہ 655؛ زبور 110: 1 تے اِک یاداشت). زبور 110: 1 دا نئے عہد نامے وچ بوہتی وری حوالہ آیا اے۔ پطرس رسول نے پینتیکوست دے دِن اپنے عظیم واعظ وچ زبور 110: 1 نوں دُھرایا سی،

’’کیوں جے داؤد تے آسمان تے نئیں چڑھیا: فیر وی اُو خود کہندا اے، خداوند خدا نے میرے خداوند نوں کہیا: جدوں تیکر کہ میں تیرے دشمناں نوں تیرے پاؤں دی چوکی نہ بنا دواں۔ ایس لئی اسرائیل دے سارے لوکاں نوں معلوم ہووے کہ خدا نے اُوسی یسوع نوں جیہنوں تُسی سُولی تے چڑھایا، خداوند وی ٹھہرایا تے مسیح وی‘‘ (اعمال 2: 34۔36).

مسیح مُردیاں وچوں زندہ ہو چُکیا اے۔ اُو ہُن آسمان وچ خداوند دے داہنے ہتھ تے بیٹھیا اے!

پرانے عہدنامے دے ضحیفاں وچ مسیح دے فیر جی اُٹھن دے بارے وچ بے شمار پیشن گوئیاں نے۔ میں اُوہناں وچوں چند اَج دی سویر پیش کر سکنا آں۔ بِلا شک و شُبہ مسیح نے اُوہناں دے بارے وچ شاگرداں نال ذکر کیتا سی جیہڑے پاشکا دے پہلے اِتوار آماؤس جان آلی سڑک تے جا رئے سی،

’’اُوہنے اُوہناں نوں کہیا، تُسی کیہنے نادان ہو تے نبیاں دی دسی ہوئی گلاں نوں قبول کرن وچ کیس قدر سُست اُو: کی مسیح لئی ضروری نئیں سی کہ اُو اذیتاں نوں برداشت کردا تے فیر اپنے جلال وچ داخل ہوندا؟ تے اُوہنے موسیٰ توں لے کے سارے نبیاں دی گلاں جیہڑی اُوہدے بارے وچ پاک کلام وچ درج سن اُوہناں نوں سمجھا دِتیاں‘‘ (لوقا 24: 25۔27).

اسی ایہنی دُعاواں کرنے آں کہ تُسی کِتھے ’’نبیاں دی دسی ہوئی گلاں نوں قبول کرن وچ سست‘‘ نہ ہو جاؤ جیہڑی اُوہناں نے یسوع مسیح دے مُردیاں وچوں فیر جی اُٹھن دے بارے وچ کہیاں! مسیح صرف جسمانی طور تے مُردیاں وچوں زندہ نئیں ہویا اے۔ اُو واپس آسمان تے وی چڑھ گیا اے، تے تُسی وی اوتھے خُداوند دی قوت توں کھِچے جا سکدے، تے ’’یسوع مسیح دے نال آسمانی تھاواں وچ اکٹھے بیہہ سکدے اُو‘‘ (افسیوں2: 6). میں ایس بارے وچ اَج رات نوں تبلیغ کراں گا، اِک واعظ وچ جیہدا عنوان اے ’’ہُنے فیر جی اُٹھو!‘‘ (2 مئی، 2010، شام 6:00بجے). میری دعا اے تُسی مسیح ول کھِچے چلے آؤ۔ تُسی اپنے گناہواں توں اُوہدے قیمتی لہو دے ذریعے نال پاک صاف ہوو۔ تُسی اِک نیا جنم لوو۔ تُسی یسوع دے کول آؤ تے ہمیشہ لئی تے ابدیت تیکر بچائے جاؤ! یسوع دے کول آؤ تے گناہ لئی معافی پاؤ تے ابدی حیاتی پاؤ! یسوع نے کہیا،

’’جیہڑا کُج پیو مینوں دیندا اے اُو میرے تیکر پہنچ جائے گا تے جیہڑا کوئی میرے کول آئے گا، میں اُوہنوں اپنے توں جُدا نہ ہون دیاں گا‘‘ (یوحنا 6: 37).

میری دُعا اے کہ تُسی یسوع دے کول آؤ۔ جدوں تُسی اُوہدے کول آؤ گے، اُو تہانوں اپنے توں جُدا نہ ہون دیوے گا!

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔