روح دا تباہ کُن کم | The Withering Work of the Spirit

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

’’اِک واج آئی کہ منادی کر۔‘‘ اُو کی واج سی جیہڑی نبی نال بولی سی؟ اُو خُداوند دا منہ سی،‘‘ آیت پنج وچ جیدی گل کیتی گئی۔ خُداوند دی واج اشعیا دے نال ہمکلام ہوئی تے کہیا، ’’منادی کر۔‘‘ ڈاکٹر گِل نے اُوہدے تے تبصرہ کیتا، ’’ایہہ نبی نوں خُداوند دی واج سی، یا ایویں کہیئے کہ کسی وی مذہبی خادم تے ہر خوشخبری پھیلان آلے مذہبی بندے نوں، جیہڑی اُوہناں نوں منادی کرن تے تبلیغ کرن لئی حکم دے رئی اے‘‘ (جان گِل، ڈی۔ڈی۔، John Gill, D.D.، چھ جِلداں وچ پرانے عہد نامے دی تفسیر An Exposition of the Old Testament in Six Volumes، بپتسمہ دین آلے معیاری بیئرر The Baptist Standard Bearer، فیر اشاعت 1989، جلد 5، صفحہ222)۔

+ + + + + + + + + + + + + + + + + + + + + + + + + + + + + + + + + + + + + + + + +
ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

فیر اشعیا نے کہیا، ’’میں کی منادی کراں؟‘‘ ایہہ اُو سوال اے جیہڑا اِک منادی کرن آلے دے دماغ وچ آندا اے جدوں اُو ہر اِتوار لئی اپنا دِتا جان آلا واعظ تیار کردا اے – ’’میں کی منادی کراں؟‘‘ ’’منادی‘‘ لئی عبرانی لفظ qârâ اے۔ ایدے چہ ’’بُلان لئی‘‘ ’’کسی ملن آلے اِک بندے نال گل کرن [سَامنا کرن]‘‘ دا تصور اُمڈدا اے، (سٹرانگ Strong # 7121)۔ ایہہ اوہی عبرانی لفظ اے جیہڑا اشعیا 1:58 وچ استعمال ہویا اے،

’’زور نال منادی کر، بالکل نہ جھجک، نرسنگے وانگوں اپنی اواج اُچی کر میرے لوکاں تے اُوہناں دی خطا تے یعقوب دے گھرانے تے اُوہناں دے گناہ ظاہر کردے‘‘ (اشعیا58:1 ).

خوشخبری دین آلے ہر مبلغ نوں ایویں ای اِک مخصوص طریقۂ کار تے انداز نوں اپنا کے اپنی منادی کرن لئی حکم دِتا گیا اے۔ افسوس نال، ایہہ اُو طریقۂ کار تے انداز نئیں اے جیہڑا ساڈے ویلیاں چہ استعمال ہوندا سی۔ لیکن ایہہ طریقۂ کار تے انداز اشعیا دا سی، تے پرانے عہد نامے دے سارے انبیاء دا سی۔ ایہہ یوحنا بپتسمہ دین آلے دا طریقۂ کار تے انداز سی، جیہڑا مسیح دا عظیم پیشرو سی۔ یوحنا بپتسمہ دین آلے نے بالکل ایناں ای آیتاں دا ماضی وچ حوالہ دِتا سی جدوں اُوہنے کہیا، ’’میں بیابان وچ پکارن آلے دی اِک واج آں (یوحنا 23:1). یوحنا بپتسمہ دین آلا خُداوند دا ترجمان سی، تے ایہہ خُداوند سی جیہڑا ایویں اُوہدے ذریعے نال پکار رہیا سی، جیویں خداوند نے اشعیا نبی دے ذریعے نال کیتا سی، جدوں یوحنا نے حوالہ دِتا،

’’[یوحنا] نے کہیا، میں بیابان وچ پکارن آلے دی واج آں… جیویں کہ اشعیا نبی نے کہیا سی‘‘ (یوحنا 1:23).

یوحنا 23:1 وِچ یونانی لفظ وِچ ’’پکارن‘‘ دا ترجمہ bǒaō اے۔ ایہدا مطلب ’’توجہ پان لئی واج مارنا؛ [یعنی کہ]چیخنا… زور نال پُکارنا‘‘ (سٹرانگ #994)۔ ایویں، پکارن لئی عبرانی دے لفظ توں اَسی سیکھنے آں کہ ایہہ ’’اُوچی واج وِچ سدّن‘‘ لئی ہوندا اے (اشعیا1:58)۔ ایہدا مطلب اے کہ مبلغ نوں خُدا دے ترجمان دے طور تے اُوچی واج نال بُلانا چائیدا اے۔ یونانی لفظ مذید ہور دسدا اے، مبلغ نوں اُوچی واج نال پکارن لئی کہہ رہیا اے جیویں ایک اُوچی واج نال بُلان آلا ایس دُنیا دے بیابان وِچ گواچے ہوئے گنہگاراں نوں ’’متوجہ کرن لئی زور نال پُکاردا اے،‘‘ چیخدا تے بلند واج نال مُنادی کردا اے‘‘!

اُوچی واج نال منادی کرن دا اُو طریقہ نبیاں نے استعمال کیتا سی، جنہاں نے خُدا دا پیغام زور زور نال دِتا سی، جیویں کہ اشعیا تے یوحنا بپتسمہ دین آلے نے کیتا سی، اُوہناں لئی ’’اُوچی واج نال پکاردے‘‘ سن، اپنے سُنن آلیاں نال گل کرن [سامنا کرن] لئی‘‘ اُوس کلام دے نال جیہڑا خُدا نے اُوہناں دے دِلاں وِچ ظاہر کیتا سی۔ لیکن، جیویں کہ میں کہیا، اُو ساڈے دِناں وِچ منادی کرن دا مشہور انداز نئیں سی۔ ہُن ایتھے منادی دے انداز تے آداب وِچ بائبل لئی اِک بنیادی نافرمانی اے، کیوں جے سانوں انبیانہ طور تے دسیا گیا اے،

’’کلام دی منادی کر… کیوں جے ایہو جیہا ویلہ آ رہیا اے کہ لوکی چنگی تعلیم دی برداشت نئیں کرن گے بلکہ اپنی خواہشاں دے مطابق بُہتیرے اُستاد بنا لین گے تاں جے اُو اُوہی کُج دسن جیہڑا اُوہناں دے کناں نوں چنگا لگدا اے‘‘ (2۔ تیموتاؤس 4:2۔3).

میں بائبل وِچ اِک انبیانہ آیت دا نئیں سوچ سکدا جیہڑی زیادہ تر جدید واعظاں دی بہتر طور تے تشریح کردی ہووے۔ ساڈے دِناں وِچ اُوتھے مسلسل ’’تعلیم دِتی جاندی‘‘ سی، لیکن ’’منادی‘‘ بوہتی کم ہوندی سی – اَگ تے فوری ضرورت دے بغیر ’’تعلیم‘‘ – کیوں جے واعظاں وِچ نمونے دے طور تے اُو اِک نئیں اے جیس نے اشعیا نوں کہیا، ’’زور نال منادی کر، بالکل مت جھجک،‘‘ نا ای جدید واعظاں دا منبع خُدا دی اُو واج اے جیس نے اشعیا نوں کہیا، ’’منادی کر‘‘ نا ای ایہہ خُدا دی اُوس واج وانگوں اے جیہڑی یسوع دے ذریعے یوحنا دے ستویں باب وِچ گل کردی اے، جدوں خُدا نے ’’پکار کے کہیا… ہیکل وِچ (یوحنا28:7)؛ نہ ای ایہہ اُوسی باب وچ مسیح دی مانند اے، جدوں اُو ’’کھڑا ہویا تے پُکار پُکار کے کہن لگا‘‘ (یوحنا 37:7). نہ ای ایہہ پینتیکوست دے دِن پطرس دی منادی دا انداز اے، جیہنے اپنے سُنن آلیاں نوں اُو الفاظ جیہڑے خُدا نے اُوہنوں عطا کیتے سن زور زور نال چِلا کے ’’گل کیتی [سامنا کیتا]‘‘، جیویں کہ سانوں اعمال 14:2 وچ دسیا گیا اے،

’’ایس گل تے پطرس باقی گیارہ رسولاں دے نال کھڑا ہو گیا تے اپنی واج اُچی کر کے لوکاں نال ایویں بولیا…‘‘ (اعمال 14:2).

ڈاکٹر گِل نے کہیا، ’’ ’تے اپنی واج اُچی کر کے،‘ کہ اُوہدی واج سارے ہجوم نوں سُنی جائے… ایہدے نال نال اپنی روح دا جوش تے جنون ظاہر کرن لئی، تے اپنے ذہن دے حوصلے دی قوت ظاہر کرن لئی؛ کیوں جے عالم بالا توں روح دے نال بخشیا گیا، اُو لوکاں توں بے خوف سی‘‘ (جان گِل، ڈی۔ڈی۔، John Gill, D.D.، نئے عہد نامے دی اِک تفسیرAn Exposition of the New Testament ، بپتسمہ دین آلے معیاری بیئرر The Baptist Standard Bearer، فیر اشاعت 1989، جلد II ، صفحات 153۔154؛ اعمال2:14 تے اِک غور طلب گل)۔ ایس لئی، مینوں دھرانا چائیدا اے، اج ساڈیاں بہتیریاں واعظ گاہواں وچ خُدا لئی بنیادی نافرمانی اے، منادی دے انداز تے انتہائی اسلُوب وچ اِک ہولناک نافرمانی اے!

سانوں ایس گل تے غور کرن لئی ناکام نئیں ہونا چائیدا کہ ایناں موجودہ دور دے مقرر کردہ پادریاں (خصوصی طور تے امریکہ تے یورپ وچ) نے ایس حقیقت نوں نظر انداز کر دِتا اے کہ ایتھے سُنن آلیاں لئی حقیقی، بائبل دی منادی وچ خُدا دی ’’اُوس واج‘‘ دے پیغام دے نال ’’زور زور نال پکارنا‘‘ تے ’’گل کرن [سامنا کرن]‘‘ دا اِک احساس اے۔ ’’اُوس واج نے کہیا، کلام دی منادی کر۔‘‘ ایہہ انجیل دی حقیقی خوشخبری دی منادی کرن دا انداز اے! ایس توں کم وچ مردہ دِلاں تے اونگھدے ذہناں نوں تحریک دین لئی خُدا دا استعمال نئیں کیتا جا سکدا! ایس توں کم کُج ہور کر ای نئیں سکدا! ایہدے وچ حیرت دی کوئی گل نئیں اے کہ ساڈے زمانے وچ مغربی دُنیا چہ ایس قدر گھٹ لوکاں دی مسیح وچ تبدیلیاں ہوندیاں نے! برائین ایچ ایڈورڈز نے کہیا، ’’حیات نو لہیان دی منادی وچ اِک قوت تے اختیار ہوندا اے جیہڑا خُدا دے کلام نوں اِک ہتھوڑے وانگوں دِل تے ضمیر تے ماردا اے۔ بالکل ایہی اے جیہڑا اج ساڈی زیادہ تر منادی وچ موجود نئیں اے۔ اُو لوکی جیہڑے حیات نو وچ تبلیغ کردے نے ہمیشہ بے خوف تے فوری عمل کرن آلے ہوندے نے‘‘ (برائین ایچ۔ ایڈورڈزBrian H. Edwards، حیات نو! لوکی جیہڑے خُدا دے نال لبریز نے Revival! A Saturated with God، انجیلی بشارت دا اشاعت خانہ Evangelical Press، اشاعت 1997، صفحہ 103)۔

فیر اشعیا نے پُچھیا، ’’میں کی منادی کراں؟‘‘ جیویں کہ میں کہیا، ایہہ مبلغ دا تذبذب اے جدوں اُو اتوار نوں دِتے جان آلے واعظاں تے کم کردا اے: ’’میں کی منادی کراں؟‘‘ اِک نوجوان بندے نے اِک سیمنری دے پروفیسر نوں کہندے ہوئے سُنیا کہ واعظاں دا اِک ششماہی منصوبہ پہلاں توں ای تیار کر کے رکھ لینا چائیدا اے۔ اِک بندے دی ایس قسم دی حرکت کرن دے تصور توں میں قطعی طور تے گھِن کرنا واں! اِک بندہ جیہڑا اینج کردا اے اُوہدے کول خُدا دے حقیقی واعظ نئیں ہوندے نے! ایہہ ممکن ای نئیں اے! سپرجئین جیہڑے تمام بپتسمہ دین آلے مبلغین وچوں عظیم تر نے، اُوہناں نے اینج کدی نئیں کیتا۔ اُو خُدا دے پرہوسے تے انتظار کردے سن کہ اُوہناں نوں ہر ہفتے پیغامات ملن۔ ایویں، اِک مبلغ نوں خُدا کولوں اپنے واعظاں لئی پُچھنا چائیدا اے، تے خُدا دا اُوہنوں دین لئی انتظار کرنا چائیدا اے!

’’میں کی منادی کراں؟‘‘ ڈاکٹر لائیڈ جونز Dr. Lloyd-Jones نے کہیا

پیغام کی اے؟ اُو ایہہ اے ’’جیہڑا میرے کول اے‘‘ [اعمال 6:3]، ایس حد تیکر لئی محدود اے۔ ایہہ اے جیہڑا میں لبیا اے… میں ایہو ای پایا اے، ایہہ میرے حوالے کیتا گیا اے۔ میں اپنے خود دے خیالات تے تصورات نئیں لہیانا واں… میں اُوہناں نوں اوہی پیش کرنا واں جیہڑا مینوں عطا کیتا گیا اے۔ ایہہ مینوں دِتا گیا اے، تے میں ایہہ اُوہناں نوں دے دینا واں۔ میں اِک سواری آں، میں اِک ذریعہ واں، میں اِک آلہ آں، میں اِک نمائندہ آں (ڈی۔ مارٹن لائیڈ جونز، ایم۔ڈی۔ D. Martyn Lloyd-Jones, M.D.، مبلغ تے منادی Preaching and Preachers، ژونڈروان اشاعتی گھر Zondervan Publishing House، 1971، صفحہ61)۔

میرے دیرینہ پادری، اُستاد تے گُرو ڈاکٹر ٹموتھی لِن Dr. Timothy Lin (1911۔2009) نے کہیا،

ساریاں پاسباناں ذمہ داریاں دے نال، سب توں بوہتا اوکھا تے سب توں بوہتا اہم کم ایہہ جاننا اے، بغیر کسی شک دے، ہر خُداوند دے دِن اُوس پیغام دی منادی کرنا جیدا خُدا نے اُوہدے لئی اِرادہ کیتا اے (ٹموتھی لِن، پی ایچ۔ ڈی۔ Timothy Lin, Ph.D.، کلیسیا دی نشوونما دا راز The Secret of Church Growth، FCBC، 1992،صفحہ23)۔

ایہہ اے جیہڑا ایتھے ساڈے کول اشعیا چالیس باب، چھٹی آیت وچ اے: ’’اِک واج آئی کہ منادی کر تے میں کہیا، میں کی منادی کراں؟‘‘ ایہہ طریقہ اے کہ اِک پادری نوں واعظ موصول کرنا تے پیش کرنا چائیدا اے۔ تلاوت نوں شاید تِن اہم موضوعات وچ تقسیم کیتا جا سکدا اے۔

I۔ پہلی گل، سانوں حیاتی دے اختصار تے پکار پکار کے منادی کر۔

’’اِک واج آئی کہ منادی کر، تے میں کہیا: میں کی منادی کراں؟ سارے لوکی گھا [گھاس] وانگوں نے، تے اُوہناں دی ساری رونق میدان دے پُھلاں وانگوں اے‘‘ (اشعیا 40:6).

سارے لوکی گھا وانگوں نے، تے اُوہناں دیاں ساری رونقاں [سارا پیارا پن تے جلال] میدان دے پھُل وانگوں اے۔‘‘ ایہہ منادی کرن لئی اِک اہم گل اے! سانوں، تہانوں دسنا چائیدا کہ تُسی گھا وانگوں اُو، یا اُوہناں پُھلاں وانگوں اُو جیہڑے میدان وچ بہار دے موسم وچ بارش دے بعد کھل اُٹھدے نے۔ چھیتی حیاتی لنگ جاندی اے۔ کیس قدر چھیتی ایہہ ہو جاندا اے! ایویں لگدا اے جیویں تہاڈی جوانی ہمیشہ لئی جاری رئے گی، لیکن ایہہ ایس قدر چھیتی لنگ جاندی اے۔ میں خود اپنی حیاتی وچ نظر پانا واں، ستر وریاں وچوں اِک ورا گھٹ، تے ایہہ ایویں لگدا اے جیویں ست مہینیاں وچ لنگ گئی! تے ایویں ای تہاڈے نال وی ہووے گا۔ گرمیاں دا سورج نکلے گا۔ گھا بھوری ہوندی اے۔ پھُل مُرجھاندے نے تے مر جاندے نے۔ حیاتی عارضی، لمحاتی، غیر مستقل، مختصر تے جین واسطے چھوٹی ہوندی اے۔ یعقوب رسول نے کسی دی حیاتی دے توجہ دے مرکز نوں محض روزگار دی پیش قدمی تے مادہ شیواں دی ذخیرہ اندوزی دی بیوقوفی نوں ظاہر کرن لئی اشعیا وچ ایس پیراگراف ول اشارہ کیتا اے۔

’’مگر دولتمند پراہ نوں چھوٹے رُتبے تے، کیوں جے دولتمند جنگلی پھُل وانگوں مُرجھا کے رہ جائے گا۔ جیویں ای سورج طلوع ہوندا اے دھوپ تیز ہون لگدی اے تے اُو پودے نوں سُکھا دیندی اے۔ اُوہدا پھُل جھڑ جاندا اے تے اُوہدی خوبصورتی جاندی رہندی اے۔ ایویں دولتمند دی حیاتی وی جاندی رئے گی تے اُوہدا کاروبار دھرا رہ جائے گا‘‘ (یعقوب 1:10۔11).

بوہتی گھٹ لوکاں وچ ایہہ بصیرت پیدا ہوندی اے۔ اُو ایس دُنیا وچ ترقی نوں قابو کرن وچ تے پھڑن وچ لگے رہندے نے، ایس گل نوں جانے بغیر جیہڑی اِک واضح حقیقت وانگوں لگدی اے – ایہہ تہاڈی سوچ توں وی پہلاں مُک جائے گی! سی۔ ٹی۔ سٹد C. T. Studd (1860۔1931) اپنے دور دے چند امیر لوکاں وچوں اِک سن جنہاں نے ایہہ ویکھ لہیا سی۔ اُوہناں نوں وراثت وچ بہت مال تے دولت ملی سی، لیکن اُوہناں نے ایہہ ساری ونڈ دِتی تے اِک مشنری دے طور تے ٹُر گئے – پہلاں چین لئی تے فیر افریقہ لئی۔ تے ایہہ سی۔ ٹی۔ سٹد سن جنہاں نے کہیا،

صرف اِک حیاتی،
ایہہ وی چھیتی لنگ جائے گی؛
صرف جیہڑا مسیح لئی کیتا
رہ جائے گا۔

میں کیس قدر خواہش کرنا واں کہ ہر نوجوان بندہ جیہڑا سی۔ ٹی۔ سٹد دے بارے وچ پڑھے، تے اُوہدی حیاتی نقل کرن دی کوشش کرے! تے اخیر کیوں نئیں، جدوں کہ ’’سارے لوکی گھا نے، تے اُوہناں دی ساری رونق میدان دے پُھلاں وانگوں اے‘‘؟ ہائے، کاش صرف تُسی ای اُوہدی سچائی نوں ویکھ سکو!

صرف اِک حیاتی،
ایہہ وی چھیتی لنگ جائے گی؛
صرف جیہڑا مسیح لئی کیتا
رہ جائے گا۔

چھیتی تُسی ایس زمین توں لنگ جاؤ گے تے تہاڈی روح خُدا دے فیصلے دی عدالت وچ کھلوتی ہووے گی۔ تُسی اپنے نال کُج وی نئیں لے کے جاؤ گے ماسوائے اپنی روح دے۔ لیکن تہاڈے کول اُو وی نئیں رئے گی جے تُسی مسیح وچ ایمان لہیا کے تبدیل نئیں ہوندے اُو! سادہ ترین ممکن الفاظ وچ، یسوع نے کہیا،

’’جدوں تیکر کوئی نئے سرے توں پیدا نہ ہووے، اُو خدا دی بادشاہی نوں نئیں ویکھ سکدا‘‘ (یوحنا 3:3).

ایہہ تہاڈے لئی قطعی طور تے ضروری اے کہ تہانوں نئے سرے توں پیدا ہونا اے۔ ورنہ تُسی اپنی ایہی روح گنوا بیٹھو گے – تمام زمانیاں لئی، تے تمام دائمیت لئی۔ ’’لیکن،‘‘ کوئی کہندا اے، ’’ایتھے بہتیرے اہم کم نے جیہڑے مینوں ضرور کرنے چائیدے نے۔‘‘ جیویں کہ اِک کُڑی نے اینوں لکھیا، ’’حیاتی بُلا رئی سی۔‘‘ تہاڈے لئی مینوں مسیح دے دو عظیم سوالاں دا ضرور حوالہ دینا چائیدا اے:

’’بندہ جے ساری دُنیا حاصل کر لئے لیکن اپنی جان گنوا بیٹھے تے اُوہنوں کی فائدہ ہووے گا؟ یا بندہ اپنی جان دے بدلے چہ کی دیوے گا؟‘‘ (مرقس 8:36۔37).

’’ساری لوکی گھا وانگوں نے، تے اُوہناں دیاں ساریاں رونقاں میدان دے پُھلاں وانگوں نے‘‘ (اشعیا6:40)۔

ایس لئی سانوں زور نال پکار اُٹھنا چائیدا اے تے حیاتی دے اختصار تے مسلسل منادی کرنی چائیدی اے!

II۔ دوجی گل، سانوں خُدا دی روح دے تباہ کُن کم تے پکار پکار کے منادی کرنی چائیدی اے۔

’’گھا مُرجھا جاندی اے تے پُھل کُملا جاندے نے، کیوں جے خداوند دی ہوا اُوہناں تے چلدی اے۔ یقیناً لوکی گھا نے‘‘ (اشعیا 40:7).

مسیح وِچ تبدیلی تے خُداوند دی روح انسان دی ساری رونق تے اِک انہیری چلا دیندی اے… تے ایہہ لوکاں دی بھلائی دے مُرجھان دا سبب اے؛ خُداوند دی روح [اُوہناں تے] ثابت کردی اے کہ اُوہناں دی پاکیزگی سچی پاکیزگی نئیں اے؛ کہ اُوہناں دی راستبازی صرف ظاہری اے… لوکاں دے سامنے؛ تے اُوہناں دا مذہب تے رونق محض اِک قسم [نے]؛ تے اُوہناں دے نیک اعمال اُوہناں دا انصاف کرنے لئی تے بچان لئی تے اُوہناں نوں جنت وِچ لہیاں لئی ناکافی نے؛ جیہدے تے اُو مُرجھا جاندے نے تے اپنی [خود] پرستی وِچ مر جاندے نے، اُو [جدوں مسیح وِچ تبدیل ہو جاندے نے] فرض کردے نے مگر نقصان تے گویا [گوبر]ہوندا اے (گِل، ibid.، ورقہ 223)۔

ایہہ اے جِنہوں سپرجیئن ’’روح دا تباہ کُن کم‘‘ کہندے سن (سی۔ ایچ۔ سپرجیئن C. H. Spurgeon، میٹروپولیٹن عبادت گاہ دی واعظ گاہ The Metropolitan Tabernacle Pulpit، پلگرم اشاعت خانے Pilgrim Publications، دوبارہ اشاعت 1971، جلد XVII، صفحات 373۔384)۔ جیویں کہ اُوہناں توں پہلاں [اُوہناں دے پیشرو] ڈاکٹر گِل نے کہیا، سپرجیئن نے کہیا کہ اشعیا7:40 پاک روح توں تہاڈے مُرجھان دے گل کردی اے، تاں جے تُہاڈی روح خُشک ہو جاوے تے اپنی لاچارگی، گناہ تے نااُمیدی نوں نجات دہندہ دے بغیر ویکھے۔

ہوا وانگوں، خُدا دی روح نوں تہاڈی روحواں دے میدان اُتوں لنگہنا چائیدا اے، تے خوبصورتی نوں اِک مُرجھاندے ہوئے پُھل وانگوں وِکھانا [تہاڈے لئی سبب] ہونا چائیدا اے۔ اُوہنوں [تہانوں] گناہ دے بارے چہ اِیس قدر قائل کرنا چائیدا اے…. کہ [تہانوں] [اپنی] گناہ وِچ ڈِگی ہوئی فطرت نوں ویکھنا چائیدا اے جیہڑی آپئے بدکاری اے (سپرجیئن، ibid.، صفحہ375)۔

ایہی پاک روح دا تباہ کُن کم اے! ایہہ خدا دی روح دا اُو کم اے، جیہڑا تہاڈی جھوٹی اُمیداں نوں پورا نئیں ہون دیندا، جیہڑا تہانوں تہاڈی فطرت دی بدکاری تے دھشت ناک مُردگی وکھاندا اے، جیہڑا تہاڈے ذہن وِچوں ساریاں اُمیداں نوں کُملا دیندا اے، جیہڑا تہانوں وکھاندا اے کہ تہاڈی واحد حقیقی اُمید مسیح وِچ لُکی ہوئی اے، جیہڑا تہاڈا لہو وگان آلہ متبادل اے۔

جدوں پاک روح ٹہاڈی جان نوں ’’مُرجھاندی‘‘ اے، تے تُسی ویکھو گے کہ ٹہاڈی کہلائی جان آلی ’’بھلائی‘‘ کُج وی نئیں اے ماسوائے غلیظ چِیتھڑیاں دے، تُسی ویکھو گے تُسی جیہڑیاں وی ساری گلاں کر رئے اُو محض منافقت نے؛ کہ کوئی وی ’’نیک‘‘ کم جیہڑے تُسی کردے اُو پاک خُدا دی حضوری وِچ ٹہاڈی بے گناہی دا ثبوت نئیں ہو سکدے؛ کہ اینج دا کُج وی نئیں اے جیہڑا تُسی ہُن تیکر کر چکے اُو تے خُدا دی حضوری وِچ تہانوں قبولیت دِل سکدا اے؛ کہ تہاڈا ایمان کُج وی نئیں اے، ماسوائے بائبل دے لفظاں نال تہاڈے ذہنی معاہدے دے؛ کہ ایناں وِچوں کوئی وی شے تہانوں خُدا دی حضوری وِچ راستباز نئیں ٹھہرا سکدی؛ کہ اُو تمام جیہڑا تُسی کر چکے اُو تے کرن دی کوشش کردے اُو، خُدا دے غیض و غضب دے دِن، فیصلے دی اَگ توں نئیں بچا سکدے نے!

ایہہ گلاں تہاڈے تے واضح ہو جان گِیاں جدوں تُسی پاک روح دے تباہ کُن کم وِچوں لنگہوں گے۔ اِک کُڑی نے کہیا، ’’میں اپنے آپ توں ایس قدر کراہت محسوس کیتی۔‘‘ اُوہدے کُج ای دیر بعد اُو مسیح وِچ ایمان لہیا کے تبدیل ہو گئی سی۔ اِک ہور کُڑی نے کہیا، ’’میں اپنے آپ توں ناراض آں۔‘‘ اُو کِدرے وی نا پہنچی۔ ڈاکٹر کیگن Dr. Cagan تے میں اُوہدی مشاورت کیتی کہ اُوہنوں ’’ناراض‘‘ ہون توں زیادہ ’’محسوس‘‘ کرنا چائیدا اے۔ اُوس کُڑی وانگوں جیہڑی مسیح وِچ ایمان لہیا کے تبدیل ہو گئی سی، اُوہنوں وی ’’کراہت‘‘ محسوس کرنی چائیدی اے۔ جدوں تیکر کہ اُو اندر گہرائی وِچ [کراہت] محسوس نئیں کردی کہ اُو مکمل طور تے خود دے نال کراہت محسوس کردی اے، اُوہنوں کدی وی اُوس مُرجھا دین آلی تے اندرونی افراتفری دا تجربہ نئیں ہووے گا جیہڑا کہ اُوہناں [لوکاں] وِچ عام اے جیہڑے مسیح وِچ ایمان لہیا کے تبدیل ہوندے نے۔

ایہہ لفظ ’’مُرجھانا‘‘ انتہائی اہم اے۔ تہانوں ایہدا مطلب کی ہوندا اے سمجھنا چائیدا اے جے تُسی چاہندے اُوکہ ایس گل نوں سمجھ پاؤ کہ تہاڈے وِچوں کُج دے نال رونما ہون لئی کی شروع ہون جا رہیا اے۔ اشعیا7:40 وِچ جیس لفظ نے ’’مرجھان‘‘ دا ترجمہ کیتا عبرانی زبان توں آندا اے، جیس دا مطلب ہوندا اے، ’’شرمندہ ہونا… (پانی وانگوں) خشک ہونا یا (چراہ گاہ وانگوں) کُملا جانا… شرمندہ ہووو… کشمکش وِچ آؤ… مُرجھا جاؤ‘‘ (سٹرانگ دی کانکورڈینس # 3001 Strong’s Concordance)۔

ایہہ تہاڈے دِل وِچ ہونا چائیدا اے۔ خُدا دی پاک روح نوں تہاڈی جھوٹیاں اُمیداں نوں، اُوس اعتماد نوں جیہڑا خود تہاڈے وِچ موجود اے مُرجھا دینا چائیدا اے۔ خُدا دی روح نوں تہاڈی خود اعتمادی نوں سُکیڑ دینا چائیدا اے، جُھلسا دینا چائیدا اے، خُشک کر دینا چائیدا اے، جدوں تیکر کہ تہاڈا دِل اِک مردے ہوئے پُھل وانگوں مُرجھا نئیں جاندا – جدوں تیکر تُسی خود اپنی مسخ فطرت دی ’’اضطرابیت وِچ مبتلا‘‘ نئیں ہوندے، دم بخود نئیں ہوندے، شرمسار تے ’’شرمندہ‘‘ نئیں ہوندے۔ جیویں کہ اُوس کُڑی نے اپنے مسیح وِچ ایمان لہیا کے تبدیل ہون توں بالکل پہلاں کیتا سی، ’’میں اپنے آپ توں ایس قدر کراہت محسوس کیتی۔‘‘ ایہو ای پاک روح دا تباہ کُن کم اے، ناکہ اُو خود دے نال ’’ناراض‘‘ سی، بلکہ اُو خود دے نال ’’کراہت‘‘ کردی سی۔ ایہو ای اے جیہڑی اِک حقیقی تبدیلی وِچ، سچی بیداری وِچ رونما ہوندا اے۔

ضمیر دے نال معاملات اوّل تھاں تے ہونے چائیدے نے، ’کہ ہر مُنہ بند ہو جائے تے ساری دُنیا خُدا دے اَگے سزا دی مستحق ٹھہرے‘ (رومیوں19:3)۔ ایہدی سچائی دے لئی، جے ایچ۔ تھورنویل J.H. Thornwell دے فیصلے دی پیروی کرنی پیندی اے، ’منادی کرن دا سب توں کامیاب ترین طریقہ اُو اے جیہدا نشانہ گناہ دے تحت جامع تے انتہائی شدید سزایابی وِچ لہیانا ہوندا اے‘ (آئعین ایچ۔ میورے Iain H. Murray، پرانی انجیلی بشارت: نئی بیداری دے لئی پرانی سچائیاں The Old Evangelicalism: Old Truths for a New Awakening، سچائی تے پرہوسے دا عَلم The Banner of Truth Trust، 2005، صفحہ7)۔

’’میں کی منادی کراں؟‘‘ میں کی تبلیغ کراں؟ مینوں حیاتی دے اختصار تے تبلیغ کرنی چائیدی اے۔ مینوں خُدا دے پاک روح دے تباہ کُن کم تے گل کرنی چائیدی اے۔ ایہو ای اِک مبشرِ انجیل دا کم ہوندا اے! ایہو ای اِک مبلغ دا کم ہوندا اے! لیکن ایتھے اِک ہُور موضوع مذید اے، جِنہوں میں صرف مختصراً چھو سکنا واں۔

III۔ تیجی گل، سانوں مسیح دی خوشخبری دی پُکار پُکار کے منادی کرنی چائیدی اے۔

کِھلو جاؤ تے اشعیا7:40 [جیہڑی] ساڈی تلاوت دی آخری آیت اے اُوہنوں اُوچی واج نال پڑھو۔

پطرس رسول نے اُوس آیت وِچوں حوالہ دِتا۔ اُوہنے کہیا،

’’لیکن خُدا دا کلام ابد تیکر قائم رہندہ اے۔ تے ایہہ اُوہی کلام اے جیس دی خوشخبری تہانوں سُنائی گئی سی‘‘ (1۔ پطرس 1:25).

اُو دائمی، ہمیشہ تیکر رہن آلا خُدا دا کلام، اُو اِلہٰیاتی مُتاثر کُن پاک کلام، مُرجھاندے ہوئے گنہگار نوں خوشخبری دے ذریعے نال اشارہ دیندا اے – ساڈے خُداوند یسوع وَل۔ یسوع تہاڈے گناہ دا کفارہ ادا کرن لیے مریا۔ اُو مُردیاں وِچوں تہانوں حیاتی دین لئی جی اُٹھیا۔ اُوہدا لہو تہاڈے ہر گناہ نوں دھو سکدا اے!

جدوں تُسی اپنے آپ توں کراہت کرن لگدے اُو۔ فیر سانوں [چائیدا اے کہ] تہانوں نجات دہندہ وِل راغب کرئیے! فیر شاید تُسی مسیح وِچ ایمان لہیا کے تبدیل ہو جاؤ۔ فیر شاید تُسی اُوہدے بازوواں وِچ سما جاؤ تے اپنے گناہ وِچوں اُٹھ کے اُوس [یسوع] وِچ آ جاؤ۔ جدوں ایہہ رونما ہوندا اے، یسوع تہانوں کہندا اے،

’’میں اُوہناں نوں ہمیشہ دی حیاتی دیندا آں؛ اُو کدی وی ہلاک نئیں ہون گے‘‘ (یوحنا 10:28).

یسوع وَل مُنہ موڑو! تُسی اُوہدے ای وسیلے دے نال ساریاں زمانیاں تے ساری ابدیت لئی، بغیر خاتمے دی دُنیا لئی بچائے جاندے اُو۔ آمین!

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔