مسیح دے نال اُوہدی بادشاہت وِچ حکمرانی کرنا

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ڈاکٹر جیمس اُو کومبس Dr. James O. Combs، جیہڑے کہ بپٹسٹ بائبل ٹرائبیون Baptist Bible Tibune دے سابقہ ایڈیٹر سن، [اُوہناں نے] ساڈے گرجا گھر وِچ کُج عرصہ پہلاں تبلیغ دِتی سی۔ اُوہناں نے بائبل دی پیشن گوئی تے اِک وسیع منظرنامہ دے بارے وِچ گل کیتی سی۔ مستقبل وِچ ہون آلی گلاں دے بارے وِچ یاد دہانی کراندیاں رہنا چنگی گل ہوندی اے۔ بائبل سانوں اکثر انبیانہ واقعات دے بارے وِچ دسدی اے۔ تے سب توں اہم ترین گلاں وِچوں مستقبل وِچ ہون آلی اِک گل جیس دے بارے وِچ اَسی سوچ سکنے آں ساڈے خداوند یسوع مسیح دی آن آلی بادشاہت اے۔

اَج دی شام میری تلاوت زمین تے اُوس [یسوع] دی آن آلی بادشاہت دے نال نمٹدی اے۔

’’مبارک تے مقدس نے اُو لوکی جیہڑے پہلی قیامت وچ شریک نے: اُوہناں تے دوجی موت دا کوئی اِختیار نئیں بلکہ اُو خداوند تے مسیح دے کاہن ہون گے تے ہزار وریاں تیکر اوہدے نال بادشاہی کردے رہن گے‘‘ (مکاشفہ20:6)۔

ایس آیت وِچوں میں تِن اہم نکات نوں سامنے پیش کراں گا۔

I۔ پہلی گل، تلاوت ریپچر دے بارے وِچ گل کردی اے۔

’’مبارک تے مقدس نے اُو لوکی جیہڑے پہلی قیامت وچ شریک نے…‘‘ (مکاشفہ20:6)۔

مکاشفہ 20:5 تے سیکوفیلڈ دی غور طلب گل کہندی اے،

’’راستباز دی قیامت‘‘ دا ذکر لوقا14:13-14 آیت وِچ کیتا گیا اے تے ’’حیاتی‘‘ دی قیامت نوں یوحنا5:29 وِچ ’’عذاب تیکر قیامت‘‘ چہ واضح کیتا گیا اے۔ اَسی ایتھے [مکاشفہ20:5-6 وِچ] پہلی وری سیکھنے آں کہ وقت دا کیہڑا وقفہ ایہناں دوواں قیامتاں نوں الگ کردا اے (مکاشفہ20:5 تے سیکوفیلڈ دی غور طلب گل)۔

اُو پہلی قیامت ریپچر اے، جدوں زندہ تے مُردہ مسیحیاں نوں خداوند دا اِستقبال کرن دے لئی ہوا وِچ چُک لہیا جائے گا،

’’کیوں جے خداوند آپئے بڑی للکار تے مقرب فرشتہ دے آواز تے خدا دے نرسنگے دے پھونکے جان دے نال آسمان توں اُترے گا تے اُو سارے جیہڑے مسیح وِچ مر چکے نے زندہ ہو جان گے۔ فیر اَسی جیہڑے زندہ باقی ہوواں گے اُوہناں دے نال بدلاں وِچ چُک لہیے جان گے تاکہ ہوا وِچ خداوند دا اِستقبال کرن…‘‘ (1 تسالونیکیوں4:16-17)۔

ساڈی تلاوت دے بارے وِچ کہی گئی اُو ’’پہلی قیامت‘‘ اے۔ 1کرنتھیوں15:52 تے سیکوفیلڈ دی غور طلب گل کہندی اے،

اُو دو قیامتاں ہُنے باقی نے [بچائے گئے لوکاں دی، تے جنہاں تے عذاب نازل کیتا گیا]۔ اُوہناں نوں اِک ہزار وریاں دے دورانیے توں علیحدہ کیتا گیا اے۔ اُو ’’پہلی قیامت‘‘… [ہوا وچ] مسیح دے آمدِ ثانی تے رونما ہووے گی، پرانے عہد نامے دے مقدسین تے کلیسیا دے ہر عمر دے لوکی ہوا وچ اُوہدا اِستقبال کرن گے؛ جدوں کہ بوہتی وڈی اذیتاں دے [دور دے] شُہدا، جنہاں دا پہلی قیامت وچ وی حصہ رہیا اے، بوہتے وڈے مصیبتاں دے دور دے آخر وچ چُکے جان گے (1کرنتھیوں15:52 تے سیکوفیلڈ دی غور طلب گل)۔

ٹِم لاہی دی مطالعہ بائبل دی پیشن گوئی The Tim LaHaye Prophecy Study Bible نشاندہی کردی اے کہ پہلی قیامت ’’قسطاں وچ وقوع پزیر‘‘ ہووے گی (مکاشفہ20:6 تے غور طلب گل)۔

’’مبارک تے مقدس نے اُو لوکی جیہڑے پہلی قیامت وچ شریک نے: اُوہناں تے دوجی موت دا کوئی اِختیار نئیں…‘‘ (مکاشفہ20:6)۔

اُو ’’دوجی موت‘‘ اگ دی جھیل ول حوالہ دیندی اے۔ ایہدا مطلب فنا نئیں اے، بلکہ ایہدے توں مُراد اے کہ ابدی عذاب وچ خدا توں کٹ جانا۔ بائبل کہندی اے،

’’فیر موت تے عالمِ ارواح نوں اگ دی جھیل وچ پا دِتا گیا۔ ایہہ دوجی موت اے‘‘ (مکاشفہ20:14)۔

II۔ دوجی گل، تلاوت مسیح دی بادشاہت دے بارے وچ گل کردی اے۔

’’مبارک تے مقدس نے اُو لوکی جیہڑے پہلی قیامت وچ شریک نے: اُوہناں تے دوجی موت دا کوئی اِختیار نئیں مگر اُو خدا تے مسیح دے کاہن ہون گے تے ہزار برس تیکر اُوہدے نال بادشاہی کردے رہن گے‘‘ (مکاشفہ20:6)۔ (مکاشفہ20:6)۔

ایہہ زمین تے مسیح دی اِک ہزار سالہ حکومت دا واضح اعلان اے۔ ایہہ صدیاں توں مسیحیاں دی دعاؤاں دا جواب ہووے گا،

’’تیری بادشاہی آوے۔ تیری مرضی جیویں آسمان تے پوری ہوندی اے زمین تے وی اُو‘‘ (متی6:10)۔

مسیح اُترے گا، تے سچے مسیحی اُوہناں نوں ملن لئی ’’ہوا وچ‘‘ استقبال کرن گے (1 تھیسالونیکیوں 4:16)۔ فیر، مصیبتاں دے دور دے اختتام تے، یسوع زمین تے، زیتون دے پہاڑ تے اترن گے، جیتھوں آسمان تے چُکے گئے سی، تے زمین تے اپنی اِک ہزار سالی بادشاہت قائم کرن گے۔

ہُن زکریا14:4 ول رجوع کرو۔ ایتھے مسیح دی آسمان توں زیتون دے پہاڑ تے واپس آن دی تفصیل اے، جیتھوں اُو آسمان تے چُکیا گیا سی۔

’’اُوس دِن اُو زیتون دے پہاڑ تے جیہڑا یروشلیم دے مشرق وچ اے کھلوتا ہووے گا تے زیتون دا پہاڑ وچوں دو حصیاں وچ پھٹ جاوے گا تے مشرق توں مغرب تیکر اِک وڈی وادی ہو جاوے گی کیوں جے ادھا پہاڑ شمال نوں سرک جاوے گا تے ادھا جنوب نوں‘‘ (زکریاہ14:4)۔

جدوں زیتون دے پہاڑ نوں مسیح دے پاؤں چھون لگن گے تے ایہہ زلزلے دی وجہ نال پھٹ جاوے گا۔

ہُن پنجویں آیت دے اخیرلے تیرہ لفظاں تے نظر پاؤ،

’’تے خداوند میرا خدا آوے گا تے اُوہدے نال سارے مقدسین‘‘ (زکریا14:5)۔

ہر عمر دے سچے مسیحی، مسیح دے نال اُوہدی آمدِ ثانی تے آسمان توں اترن گے۔

ہُن مکاشفہ 10:5 ول وجوع کرو، مسیحی خداوند نوں جلال بخشن گے کیوں جے

’’… اُوہناں نوں ساڈے خدا لئی اِک بادشاہی تے کاہن بنا دِتا: تے اسی زمین تے حکمرانی کراں گے‘‘ (مکاشفہ5:10)۔

ٹِم لاہی دی مطالعہ بائبل دی پیشن گوئی The Tim LaHaye Prophecy Study Bible کہندی اے،

اُو مسیحی جیہڑے بوہتی وڈی مصیبتاں دے دور توں پہلاں بچائے گئے سن، اُوہناں دے نال نال اُو [مسیحی] جنہاں نوں بوہتی وڈی مصیبتاں دے دور وچوں بچایا گیا سی دوویں ای مسیح دے اِک ہزار سالہ بادشاہی دے دوران ’’حکومت تے حکمرانی کرن گے (مکاشفہ5:10)۔

ایہو ای ہر حقیقی مسیحی دی جلالی اُمید اے۔ اوتھے ای اے جیتھے اسی جا رئے آں! اسی ’’بادشاہ تے کاہن‘‘ بنن لئی تیاری کر رئے آں ’’تے اسی زمین تے حکمرانی کراں گے‘‘ (مکاشفہ5:10)۔ ایہی وجہ اے اسی گانے آں،

میں وعدے دی سرزمین لئی پابند آں، میں وعدے دی سرزمین لئی پابند آں۔
اوہ، کون میرے نال آئے تے جائے گا؟ میں وعدے دی سرزمین لئی پابند آں۔
(’’یردن دے طوفانی کناریاں تے On Jordan’s Stormy Banks‘‘ شاعر سیموئیل سٹینیٹ Samuel Stennett، 1727۔1795)۔

اسی واقعی چہ ’’وعدے دی سرزمین لئی پابند‘‘ آں! آسمان کھُلے گا تے اسی تھلے زمین ول یسوع دی پیروی کراں گے۔

’’تے خداوند میرا خُدا آئے گا تے اُوہدے نال سارے مقدسین‘‘ (زکریا14:5)۔

’’ساڈے خدا لئی اِک بادشاہی تے کاہن: تے اسی زمین تے حکمرانی کراں گے‘‘ (مکاشفہ5:10)۔

اُو فیر آ رہیا اے، اُو فیر آ رہیا اے،
بالکل اُوہی یسوع، جنہوں لوکاں نے رد کیتا؛
اُو فیر آ رہیا اے، اُو فیر آ رہیا اے،
عظیم جلال تے قوت نال، اُو فیر آ رہیا اے!
(’’اُو فیر آ رہیا اے He is Coming Again، شاعر میبل جانسٹن کیمپ Mabel Johnston Camp، 1871۔1937).

III۔ تیجی گل، تلاوت مسیح دے نال مسیحیاں دی مشترکہ حکمرانی دے بارے وچ دسدی اے۔

’’اُو خداوند تے مسیح دے کاہن ہون گے تے ہزار وریاں تیکر اوہدے نال بادشاہی کردے رہن گے‘‘ (مکاشفہ20:6)۔

بے شمار مسیحیاں نوں ایس گل دا احساس نئیں ہوندا کہ مسیحی حیاتی دا ایہی فوری طرین ہدف ہوندا اے۔ اسی کسی دِن جنت وچ جان لئی محض نئیں بچائے جاندے، حالانکہ اُو اِک عظیم ہدف اے۔ لیکن ایتھے اِک فوری ہدف وی اے۔ سانوں زمین تے مسیح دے نال اُوہدی 1,000 سالہ بادشاہت وچ مشترکہ حکمرانی کرن لئی خود نوں تیار کرنا اے۔

مسیح دے نال مشترکہ حکمرانی لئی دو اہم اہلیتاں دا ہونا ضروری ہوندا اے۔ پہلی، تہانوں مسیح وچ ایمان لہیا کے تبدیل ہویا ہونا چائیدا اے۔ ایہہ کوئی نِکی جئی اہلیت نئیں اے، کیوں جے مسیح نے کہیا،

’’جے تُسی تبدیل ہو کے… تُسی آسمان دی بادشاہی وچ ہرگز داخل نہ ہوو گے‘‘ (متی18:3)۔

میں جاننا واں ایتھے تہاڈے وچوں اُو لوکی وی نے جیہڑے بادشاہت نال تعلق رکھن آلے مختلف جملیاں دے وچکار اِمتیاز کردے نے، لیکن میں کدی وی ایس قسم دی اِمتیازیت تے تقسیماں وچ پین چہ دلچسپی نئیں رکھی اے۔ جے مسیح وچ ایمان لہیا کے تبدیل ہون دے وسیلے نال تُسی آسمان دی بادشاہت وچ داخل ہون لئی تیار نئیں ہوئے اُو، تے تہانوں ایہہ نئیں سوچنا چائیدا اے کہ زمین تے تہانوں اُوہدی بادشاہت وچ کوئی حصہ مل پاوے گا! ایہہ گل مینوں تے سادہ جئی ای وکھائی دیندی اے۔ تے یسوع ایہی گل کہن لئی کیس قدر سادہ ترین حد تیکر ٹُر گیا،

’’جدوں تیکر کوئی نیا جنم نئیں لیندا آسمان دی بادشاہی نوں نئیں ویکھ سکدا‘‘ (یوحنا3:3)۔

جے تُسی سچے طور تے تبدیل نئیں ہوئے اُو تے تُسی بادشاہت وچ داخل نئیں ہو سکدے (متی18:3)۔ جے تُسی نیا جنم نئیں لہیا ہویا اے، تے تُسی ایتھوں تیکر کہ ’’بادشاہت ویکھ‘‘ وی نئیں پاؤ گے‘‘ (یوحنا3:3)۔ تُسی جہنم وچ ہوو گے۔

لہٰذا، مسیح دے نال اُوہدی 1,000 سالہ بادشاہت وچ حکمرانی کرن لئی پہلی اہلیت ایہہ اے کہ تہانوں مسیح وچ ایمان لہیا کے تبدیل ہویا ہونا چائیدا اے تے سچے طور تے نیا جنم لہیا ہویا ہونا چائیدا اے۔ ایس گل نوں اپنا اہم ترین مقصد بنا لیو۔ ایس گل نوں یقینی بناؤ کہ تُسی مسیح تے پرہوسا کرن دے وسیلے نال تبدیل ہوئے ہوو۔ جے تُسی مسیح دے نال اُوہدی 1,000 سالہ بادشاہی وچ مشترکہ حکمرانی کرن دی اُمید رکھدے اُو تے تہانوں مسیح دے لہو دے وسیلے نال اپنے گناہواں نوں دھو کے پاک صاف کر لینا چائیدا اے۔

لیکن، دوجی گل، تہانوں مسیح دے شاگرد ہون دی حیثیت نال تربیت یافتہ ہونا چائیدا اے۔ یسوع نے سانوں حکم دِتا،

’’ایس لئی تُسی جاؤ تے ساری قوماں نوں شاگرد بناؤ، تے اُوہناں نوں باپ، بیٹے تے پاک روح دے ناں چہ بپتسمہ دیو۔ اُوہناں نوں ایہہ تعلیم دیو کہ اُیہناں ساریاں گلاں تے عمل کرن جنہاں دا میں تہانوں حکم دیتا اے‘‘ (متی28:19-20)۔

ڈاکٹر ڈبلیو اے کرسویل Dr. W. A. Criswell نے نشاندہی کیتی سی کہ ’’ساری قوماں نوں سکھانا‘‘ ’’لفظی طور تے‘‘ شاگرد بنان دے طور تے پیش کیتا جاندا اے‘‘‘ (کرسویل مطالعہ بائبل Criswell Study Bible، متی28:19 پر غور طلب بات)۔ ڈاکٹر کرسویل دی پیروی کردیاں ہویاں ایہدا ترجمہ ہووے گا،

’’ایس لئی تُسی جاؤ تے ساری قوماں [نوں شاگرد] بناؤ‘‘ (متی28:19)۔

عظیم کمیشن وِچ مسیح دے حکم دی تعمیل وِچ نئے عہدنامے دی کلیسیا دے لئی کرن دا جیہڑا کم اے اُوہناں وِچوں اِک ایہہ اے کہ ’’ساریاں قوماں وِچ [مسیح دے] شاگرد بنانا‘‘ (متی 28:19)۔

مقامی نئے عہد نامے دی کلیسیا توں کہا جاندا اے کہ اُو لوکاں نوں مسیح دے لئی جیتن، تے فیر اُوہناں نوں مسیح دے شاگرد بنن دے تربیت دین۔ شاگرداں دی تربیت جیس دے بارے چہ سانوں متی28:20 وِچ دسیا گیا اے مقامی کلیسیا وِچ ہوندی اے۔ ایہہ ساڈے بپتسمہ دین آلے اِمتیازات وِچوں اِک اے۔ اَسی تہانوں مقامی کلیسیا وِچ شاگرد بنن دے تربیت دیاں گے۔ مقامی کلیسیا وِچ ایہہ تربیتی پروگرام افسیوں4 باب، آیات11-12 وِچ چنگی طرح بیان کیتا گیا اے،

’’اُوسی نے بعض نوں رسول مقرر کیتا، بعض نوں نبی، بعح نوں مبشر تے بعض نوں کلیسیا دے پاسبان تے بعض نوں کلیسیا دے اُستاد؛ تاں جے مقدس لوکی خدمت کرن دے لئی مکمل طور تے تربیت پان تے مسیح دے بدن دے لئی ترقی دا باعث ہون‘‘ (افسیوں4:11-12)۔

ہر اِتوار نوں گرجا گھر وِچ تہاڈی موجودگی دی اِک وجہ بائبل سیکھنا اے، تے مسیح دی شاگرد دی حیثیت توں مسیحی حیاتی لنگہانا سیکھنا اے۔

’’ویکھ، میں چھیتی آن آلا واں؛ تے ہر اِک نوں اُوہدے عمل دے مطابق دین دے لئی میرے کول اَجر موجود اے‘‘ (مکاشفہ22:12)۔

پہلی قیامت دے بعد (جنہوں ریپچر وی کہا جاندا اے) سارے سچے مسیحیاں نوں اُوہناں دے کماں دے مطابق اَجر دِتا جائے گا، الطار دے صدر مقام دے فیصلے وِچ:

’’ایس وجہ توں جیس کسی بنان آلے دا کم اَگ توں سلامت بچ رہووے گا اُو اَجر پائے گا‘‘ (1کرنتھیوں3:14)۔

مسیحیاں نوں اَجر مسیح دی 1,000 سالہ بادشاہت وِچ بخشے جان گے۔ مسیحی حیاتی دا مقصد ایس لئی محض جنت وِچ ای جانا نئیں اے ویسے تے اُو عظیم ہے ای – بلکہ مسیح دی آن آلی زمینی بادشاہی وِچ اَجر نوں جمع کرنا اے۔

ایس گل نوں یقینی بناؤ کہ تُسی مسیح وِچ ایمان لہیا کے تبدیل ہو چکے اُو۔ تے فیر ایس گل نوں یقینی بناؤ کہ تُسی مسیح دے لئی جِنہا ممکن ہو سکے اُوہناں کرو۔ یسوع نے کہیا،

’’آسمان وِچ اپنے لئی خزانہ جمع کرو جیتھے کیڑا تے زنگ نئیں لگدا تے نہ ای چور نقب لگا کے چراندے نے‘‘ (متی6:20)۔

مسیح صلیب تے تہاڈے گناہواں دے کفارے دی ادائیگی دے لئی قربان ہو گیا۔ اُوہدے دفنائے جان دے تِن دِناں بعد اُو مُردیاں وِچوں جسمانی طور تے زندہ ہویا۔ اُو ایس ویلے اُتے آسمان چہ خدا باپ دے سجّے ہتھ تے بیٹھا ہویا اے۔ مسیح دے کول آؤ۔ مسیح وِچ یقین کرو۔ اُو اپنے لہو دے نال تہاڈے گناہواں نوں دھو ڈالے گا تے تہاڈی جان نوں جہنم توں نجات دلائے گا۔

فیر مقامی گرجا گھر وِچ شامل ہوو تے مسیح دی خاطر کم تے جاؤ۔ ہر وری جدوں بوہا کھولتا اے تے گرجا گھر وِچ موجود ہوو۔ جیس قدر بوہتا کم تُسی مسیح دے لئی کر سکدے اُو کرو۔ مسیح دی آن آلی بادشاہی وِچ خزانے جمع کرو!

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔