پولوس – مذھب بدلن آلا اِک مثالی بندہ

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

بوہتے لوکی سوچدے نے کہ پولوس رسول دی مذھبی تبدیلی ایس قدر انوکھی سی کہ اَسی اَج کسی ہُور دے ایس طرح توں بچائے جان دی توقع نئیں کر سکدے۔ میرے خیال وِچ ایہہ غلطی ایس حقیقت نال ہوندی اے کہ کلیسیا دے لوکاں وِچ ایس قدر گھٹ، خصوصی طور تے مغربی دُنیا وِچ، پولوس دی طرح دی مذھبی تبدیلی رونما ہوندی اے۔ ایس لئی اُو سوچدے نے کہ اُوہدی مذھبی تبدیلی غیرمعمولی سی، معمول توں ہٹ کے۔ مگر میری تلاوت مکمل طور تے اُوہناں نوں غلط ثابت کردی اے۔ ایہہ واضح طور تے کہندی اے کہ پولوس دی مذھبی تبدیلی اُوہناں دے لئی ’’اِک نمونہ سی جیہڑے اُوس [یسوع] تے ایمان لہیا کے ہمیشہ دی حیاتی پان گے۔‘‘ پس، سپرجیئن نے کہیا کہ پولوس دی مذھبی تبدیلی ’’اُوہناں دے عمل کرن لئی اِک نمونہ… اُو مِثال جیہنوں ویکھ کے دوجے اپناندے نے… پولوس اِک مذھبی تبدیلی آلے بندے دی مِثالی [تصویر] سی… ساری دی ساری [حقیقی] مذھبی تبدیلیاں اعلیٰ درجے وچ ایس نمونے دی مذھبی تبدیلی نال مماثلت رکھدیاں نے۔ تُرسُس دے ساؤل… دی پولوس رسول وانگوں تبدیلی دِل وچ فضل دے معجزے دی اِک خصوصی مثال اے‘‘ (سی۔ ایچ۔ سپرجیئن C. H. Spurgeon، پولوس بطور مذھبی تبدیلی دا نمونہ Paul as Pattern Convert،‘‘ میٹروپولیٹن دی عبادت گاہ دی واعظ گاہ The Metropolitan Tabernacle Pulpit، پِلگرِم پبلیکیشنز Pilgrim Publications، فیر اشاعت1979، جلد LIX، صفحہ 385)۔

دوجے لفظاں وچ، جے تُسی اِک حقیقی مسیحی بننا چاہندے اُو تے تہانوں پولوس وانگوں ای اِک مذھبی تبدیلی پانی چائیدی اے، کیوں جے پولوس دی مذھبی تبدیلی ’’اُوہناں لئی اِک نمونہ سی جیہڑے اُوہدے [یسوع] تے ایمان لہیا کے ہمیشہ دی حیاتی پان گے‘‘ (1تیموتاؤس1:16)۔

میرے خیال وچ ایہی وجہ اے پولوس دی گواہی نئے عہد نامے وچ چھ وری دھرائی گئی اے (1تیموتاؤس1:15۔16؛ اعمال9:22؛ 26؛ گلِتیوں1، 2؛ فلپیوں3:1۔14)۔ نئے عہد نامے وچ پولوس دی مذھبی تبدیلی نوں تُسی سُنو ایہہ خُداوند چاہندا سی تاں جے تُسی جان پاؤ کہ تہانوں کیویں مذھبی طور تے تبدیل ہونا چائیدا اے۔ اِک حقیقی مسیحی بنن دا صرف اِک ای طریقہ اے تے اُو پولوس دی مثال دی پیروی کرن نال اے۔ تفصیلات شاید تھوڑی بوہتی وکھری ہون مگر پولوس دی مذھبی تبدیلی دا مرکزی نمونہ ہر وری دھرایا گیا اے جدوں وی کوئی نہ کوئی سچے طور تے مذھبی تبدیلی کردا اے تے اِک حقیقی مسیحی بنندا اے۔

’’لیکن میرے تے ایس لئی فضل ہویا کہ خداوند یسوع مسیح میرے وگرے وڈے گنہگار دے نال تحمّل نال پیش آئے تاں جے اُوہناں لئی نمونہ بن سکاں جیہڑے اُوہدے تے ایمان لہیا کے ہمیشہ دی حیاتی پان گے‘‘ (1۔ تیموتاؤس 1:16).

ایس ای لئی میں تہانوں پولوس دی مذھبی تبدیلی دا خاکہ چار نقاط وچ پیش کر رہیا واں۔

I۔ پہلی گل، پولوس نے اِک انجیلی بشارت دے پرچار دا واعظ سُنیا سی۔

ایتھے کوئی غلطی مت کرنا۔ پولوس نزدیک کھلوتا سی تے ستیفُنس دا اِک جاندار انجیلی بشارت دے پرچار دا واعظ سُنیا سی۔ سانوں اُو دو تھاواں تے دسیا گیا اے، اعمال7:58 وچ، تے فیر اعمال22:20 وچ، جیتھے اُوہنے کہیا، ’’میں وی [اوتھے ای] موجود سی۔‘‘

ستیفُنس نے کی منادی کیتی سی؟ اُوہنے اُوس دِن موجود لوکاں دے گناہواں دے خلاف منادی کیتی سی۔ اُوہنے کہیا، ’’تُسی پاک [روح] دی ہمیشہ مخالفت کردے اُو‘‘ (اعمال7:51)۔ اُوہنے یسوع دے بارے وچ دسیا ’’جیہدے تُسی ہُن دھوکہ باز تے قاتل بن چُکے اُو‘‘ (اعمال7:52)۔ اُوہنے کہیا، ’’میں آسمان نوں کُھلیا ہویا تے ابِنِ آدم نوں خُدا دے سجے ہتھ تے کھلوتا ویکھنا واں‘‘ (اعمال7:56)۔

پولوس نے ستیفُنس نوں اُوس [پولوس] دے مسیح نوں مسترد کرن تے اُوس [یسوع] دی صلیبی موت وچ ہتھ وٹان دے گناہ تے منادی کیتی سی۔ اُوہنے ستیفُنس نوں کہندے ہویاں سُنیا سی کہ اُوہنے خُدا دے روح دی مذاحمت کیتی سی تے خُدا دی شریعت نوں توڑیا سی۔ اُوہنے ستیفُنس نوں کہندے سُنیا کہ مسیح مُردیاں وچوں جی اُٹھیا اے تے ہُن آسمان وچ خُدا دے سجے ہتھ تے اے۔

اُو انجیلی بشارت دے پرچار دی عظیم سچائیاں نے جنہاں نوں تہانوں وی ضرور سُننا چائیدا اے جے تُسی اُوویں ای جیویں پولوس مذھبی طور تے تبدیل ہویا سی تبدیل ہون دی توقع کردے اُو، اُوسی دے ’’نمونے‘‘ تے مثال تے۔ تُسی وی اپنے باغی دِل وچ پاک روح توں مذاحمت کیتی اے۔ تُسی وی اپنے گناہ دے ذریعے نال مسیح دی موت وچ حصہ پایا اے۔ تُسی وی اِتوار دے روز خُدا دی پرستش کرن دے بجائے اپنے مطالعے دے ویلے نوں زیادہ اہمیت دے کے، گرجا گھر آن وچ غفلت کرن دے ذریعے نال بار بار مسیح نوں دھوکہ دِتا اے۔ کی تُسی نئیں جانندے کہ اَج دی سویر ایتھے تقریباً ساڈے وچوں سارے ای کالج گئے سن؟ کی تُسی نئیں جانندے کہ سانوں اپنے ویلے دا حساب کتاب بنانا پیندا اے تاں جے اِتوار دے روز ساڈے کول خُداوند خُدا لئی ویلہ نکل آئے؟ میں ہفتے وچ چالی گھنٹے کم کردا رہیا تے ست وریاں تیکر رات نوں کالج دی تعلیم حاصل کرن لئی مشقت کردا رہیا۔ مگر میں کدی وی گرجا گھر جان توں غیر حاضری نئیں کیتی۔ ایس توں وی ودھ کے، میں ہر اِتوار نوں چینی بچیاں نوں سنڈے سکول وچ تعلیم دِتی۔ میں سنڈے سکول دے بعد گرجا گھر دے بچیاں لئی منادی کردا سی۔ میں گرجا گھر وچ عبادت لئی چینی بچیاں دی بوہتی وڈی تعداد نوں لہیایا کردا سی، بعد وچ اُوہناں نوں گھر چھڈ کے آندا سی تے اِتوار دی رات نوں اُوہناں نوں فیر تعلیم دِتا کردا سی۔ میں اُو خود لئی نئیں کیتا سی۔ میں اُو چینی بچیاں لئی کیتا سی۔ تے میں رات نوں کالج دی مشقت وی جاری رکھی سی، تے میں روزانہ دِن وچ 8 گھنٹے کم کیتا، جیہڑا ہفتے وچ 40 گھنٹے بنندا اے۔ تے تُسی مینوں ویکھدے اُو تے مینوں ای کہندے اُو کہ تہاڈے کول گرجا گھر آن لئی ویلہ نئیں اے۔ تہانوں شرم آنی چائیدی اے! ایہدا اصل وچ مطلب ایہہ ہوندا اے کہ تہاڈے کول خُدا لئی ویلہ نئیں ہوندا اے! تُسی ہمیشہ پاک روح دی مذاحمت کردے اُو! تُسی اپنی ساری دی ساری خودغرضانہ حیاتی خُدا نوں نظرانداز کرن تے اپنی خود غرضی دے ذریعے نال از سرے نو مسیح نوں مصلوب کرن وچ لنگھا دِتی! ایہہ ای سادہ جیہا سچ اے! ایہہ سی جیہڑا پولوس نے سُنیا سی، تے ایہی اے جیہدی تہانوں سُنن دی لوڑ اے! تُسی اِک گنہگار اُو! تُسی خُدا دے عتاب دے تحت اُو! تُسی خُدا دے قہر دے تحت اُو! تہاڈا چھیتی ای خُدا دے ذریعے نال انصاف ہووے گا،

’’تے عالمِ ارواح وچ… عذاب وچ مبتلا ہوکے اپنیاں اکھاں اُتے چُکو‘‘ (لوقا 16:23).

کوئی شاید کہووے، ’’تُسی اُو مینوں نئیں کہہ سکدے! میں واپس نئیں آواں گا!‘‘ ٹھیک اے، فیر نہ آؤ واپس! مگر جیہڑا میں تہانوں دسیا اے اُو سچائی اے – اُو سچائی جیہڑی پولوس نے ستیفُنس دی منادی وِچ سُنی سی۔ ایہنوں اپنا لو یا چھڈ دیو! ساری مذھبی تبدیلیاں دے لئی پولوس دی مذہبی تبدیلی اِک نمونہ اے۔ ایس ای لئی تہانوں پولوس وانگوں اِک حقیقی مذھبی تبدیلی پان دے لئی خوشخبری دے سخت منادی سُننی چائیدی اے۔

’’لیکن میرے تے ایس لئی فضل ہویا کہ خداوند یسوع مسیح میرے وگرے گنہگار دے نال تحمل نال پیش آئے تاکہ میں اُوہناں دے لئی نمونہ بن سکاں جیہڑے اُوہدے تے ایمان لہیا کے ہمیشہ دی حیاتی پان گے‘‘ (1تیموتاؤس1: 16)۔

ایہنوں اپنا لؤ یا چھڈ دیو! میں بائبل وِچوں تہانوں سچائی دسی سی۔ ایس نوں اپنا لؤ یا چھڈ دیو! تہانوں ایس قسم دی منادی سُننی پیہے گی ورنہ تُسی کدی وی اِک حقیقی مسیحی نئیں بن سکدے۔ تہانوں پولوس دے ’’نمونے‘‘ دی پیروی کرنی پیہے گی۔ ایس ای قسم دی منادی اُوہنے سُنی سی، تے ایس ای قسم دی منادی تہانوں سُننی پیہے گی! تُسی اِک گنہگار اُو! ایہنوں اپنا لؤ یا چھڈ دیو!

II۔ دوجی گل، پولوس گناہ دی سزایابی دے تحت آیا سی۔

جدوں یسوع نے اُوہدے نال گل کیتی سی، پولوس زمین تے ڈِگ پیہا سی۔ اُو کنب رہیا سی تے حیرت زدہ سی (اعمال9: 4،6)۔ تے گناہ دی سزایابی دے ایس قدر تحت سی کہ اُوہنے اِک انہیرے کمرے وِچ تِن دِناں تیکر روزہ رکھیا تے دعاواں منگیاں سن (اعمال9: 9۔11)۔

اِک 17 سالہ منڈے نے اِک بندے نوں سڑک تے منادی کردے ہوئے سُنیا۔ اُوس بندے نے کہیا کے اُو منڈا اِک گنہگار سی جیہڑا دُھکدی ہوئی جہنم وِچ جا رہیا سی۔ اُوس بندے نے کہیا کہ اُوس منڈے نوں مسیح نوں پانا چائیدا اے، ورنہ ابدیت تیکر شعلیاں وِچ جلے۔ بالکل پولوس وانگو، جیہڑا کہ مذھبی تبدیلی دا ’’نمونہ‘‘ اے، اُو منڈا گھر نٹھ گیا، گھر دے بالا خانے وِچ چلا گیا، تے سزایابی دے اتھروواں نال لبریز ہو کے خود نوں فرش تے ڈیگ دِتا، جدوں تیکر کہ اُوہنوں مسیح نئیں لبھ گیا۔ ایہو ای سی جیس توں پولوس لنگہیا سی۔ تے ایہو ای سی جیس توں اُو 17 سالہ مُنڈا اے ڈبلیو ٹوزر A. W. Tozer لنگہیا سی۔ اُو بیسویں صدی تے عظیم مسیحی مصنفین وِچوں اِک بنیا سی۔ اُو اینج ای اِک مسیحی بنیا سی جیویں پولوس بنیا سی، اُوسی دے نمونے تے۔ تے ایہو ای اے جیہدے توں تہانوں لنگہنا پیہئے گا! خدا دا روح جدوں تہاڈے کول آندا اے تے ’’جیتھوں تیکر گنہا، راستبازی تے اِنصاف دا تعلق اے تے اُو [تہانوں] مجرم قرار دیووے گا‘‘ (یوحنا16:8)۔

جے تُسی اپنے گناہ دے لئی سزایابی دے تحت نئیں آندے اُو تے تُسی کدی وی اِک حقیقی مسیحی نئیں بن پاؤ گے۔ اوہ، تُسی شاید اِتوار دی سویرے گرجا گھر جاندے اُو۔ مگر تُسی محض اِک معمولی جیہے گرجا گھر دے فرد ای رہو گے۔ تُسی کدی وی اِک حقیقی مذھبی تبدیلی آلے بندے نئیں بن پاؤ گے۔ تُسی کدی وی توبہ نئیں کرو گے تے اِک حقیقی مسیحی نئیں بن پاؤ گے جدوں تیکر کہ تُسی اپنی گناہ دی بھرپوری دی سزایابی وِچ نئیں آندے جیویں پولوس آیا سی!

III۔ تیجی گل، پولوس نے نئے سرے توں جنم لہیا سی۔

تین دِناں تیکر دعاواں منگن، روزہ رکھن تے رون دے بعد، گناہ دی گہری سزایابی دے تحت، پولوس نے پاک روح نوں پایا سی تے نئے سرے توں جنم لہیا سی،

’’تے اُوسی ویلے … اُوہنوں نظر آن لگ پیہا‘‘ (اعمال9:18)۔

اُو نئے سرے توں جنم فوراً ہوندا اے۔ تُسی شاید اِک لمبے عرصے تیکر اَگے پیچھے متزلزل رئے ہوو گے۔ تُسی شاید کدی کدی اپنے گناہ نوں محسوس کیتا ہووے، تےفیر اپنی سزایابی نوں کھو دِتا ہووے۔ مگر جدوں تہاڈی حقیقی مذھبی تبدیلی دا لمحہ آندا اے تے تُسی ایہنی ای چھیتی بچا لہئے جاندے اُو جِنہی چھیتی پولوس نوں بچا لہیا گیا سی۔

جوزف ہارٹ Joseph Hart نے مسیح نوں مسترد کیتا سی۔ اُوہنوں اُوہناں واعظاں نوں سُنن نال نفرت سی جیہڑے اُوہدے گناہ توں پردہ چُکدے سن۔ اُوہنے ایہہ سُنن توں نفرت سی کہ اُوہنوں اَگ دی جھیل وِچ سُٹ دِتا جائے گا۔ اُوہنوں ایہہ سُنن توں نفرت سی کہ اُوہنوں اپنے گناہواں نوں دھون دے لئی مسیح دے لہو دی لُوڑ سی۔ مگر جدوں خدا نے اُوہنوں گرفت وِچ لہیا، اُوہنے جوزف ہارٹ نوں جھنجھوڑ ڈالیا تے اُوہنوں جہنم دے دہانے تے لا کھلاریا۔ جوزف ہارٹ اپنے گناہ دی سزایابی دے تحت آ گیا سی۔ اُو مسیح دے کول آیا۔ ویلے دے اِک ای لمحے وِچ اُو اپنے مصلوب خدا، یسوع مسیح دے وسیلے توں بچا لہیا گیا سی۔ جوزف ہارٹ نے خوبصورت حمدوثنا دے گیت لکھن جاری رکھے۔ اپنے اُوہناں حمدوثنا دے گیتاں وِچوں اِک وِچ اُوہنے کہیا،

جیس لمحے اِک گنہگار یقین کردا اے،
تے اپنے مصلوب خدا وِچ پروہسا کردا اے،
اُوہدی معافی اِک دم اُو قبول کردا اے،
اُوہدے لہو وِچ نجات مکمل ہوندی اے!
(’’جیس لمحے اِک گنہگار یقین کردا اےThe Moment a Sinner Believes‘‘ شاعر جوزف ہارٹ Joseph Hart، 1712۔1768)۔

یا جیویں کہ اِیہنوں رابرٹ لوری Robert Lowry نے لکھیا،

کیہڑی شے میرے گناہ نوں دھو سکدی اے؟
کُج وی نئیں ماسوائے یسوع دے لہو دے۔
کہیڑی شے مینوں فیر توں مکمل کر سکدی اے؟
کُج وی نئیں ماسوائے یسوع دے لہو دے۔

اوہ! قیمتی اے اُو بہاؤ
جیہڑا مینوں برف واگوں سفید بناندا اے؛
ہُور کوئی دوجا چشمہ میں نئیں جانندا،
کُج وی نئیں ماسوائے یسوع دے لہو دے۔
(’’کُج وی نئیں ماسوائے یسوع دے لہو دے Nothing But the Blood‘‘ شاعر رابرٹ لوری Robert Lowry، 1826۔1899).

IV۔ چوتھی گل، پولوس دی حیاتی وِچ نئے سرے توں فیر توں جنم لین دے بعد اِک نیا مقصد آ گیا سی۔

’’لیکن جو کُج میرے لئی نفع دا باعث سی، میں نے اُوہنوں مسیح دی خاطر نقصان سمجھ لہیا اے۔ میں اپنے خداوند یسوع مسیح دی پہچان نوں اپنی وڈی خوبی سمجھنا واں تے ایس سبب توں میں دوجیاں ساریاں شیواں توں ہتھ دھو لہئے تے اُوہناں نوں کوڑا سمجھنا واں تاکہ مسیح نوں حاصل کر لواں‘‘ (فِلپیوں3: 7۔8)۔

ہُن جدوں کہ اُوہنے نئے سرے توں جنم لے لہیا سی، پولوس نے کہیا اُوہنے سوچیا کہ اُوہدے ماضی دی ساریاں آزروواں تے منزلاں ماسوائے کوڑے دے ہُور کُج وی نئیں سی۔ جیس لمحے توں اُو تبدیل ہویا سی، پولوس مسیح دے لئی جیا تے مسیح دے لئی کم کیتے تے مسیح ای دی خدمت کیتی۔ مسیح نے اُوہنوں نجات دلائی سی، تے ہُن مسیح ای اُوہدا آقا تے خداوند سی۔

بائبل وِچ پولوس دی مذھبی تبدیلی چھے وری پیش کیتی گئی اے کہ ’’اُوہناں دے لئی اِک نمونہ بن سکے جیہڑے اُوس [یسوع] تے ایمان لہیا کے ہمیشہ دی حیاتی پان گے‘‘ (1تیموتاؤس1: 16)۔ تہاڈی وی اُوسی قسم دی مذہبی تبدیلی ہووے جیہو جئی پولوس دی ہوئی سی – کیوں جے ایہو ای واحد طریقہ اے جیس نال جہنم دی اَگ توں بچیا جا سکدا اے، دائمی حیاتی پائی جا سکدی اے تے اپنے گناہواں نوں معاف کروایا جا سکدا اے!

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔