رونا تے منادی کرنا | Weeping and Preaching

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

میں اکثر کہہ چُکیا واں کہ جذبات تے ہنجو مسیحیت دی طویل تاریخ وچ ہر حیاتِ نو وچ ساتھ دے چُکے نے۔ میں اکثر کہہ چُکیا واں کہ سانوں گنہگاراں نوں ہنجوؤاں دی حد تیکر لہیانا چائیدا اے جے سانوں اپنے وچکار مسیح وچ ایمان لہیان آلیاں دی حقیقی تبدیلی نوں ویکھنا اے۔ تے میں تہانوں دس چُکیا واں کہ ہنجوؤاں دے بغیر کوئی وی حقیقی حیاتِ نو نئیں ہو سکدا۔ گذشتہ اِتوار دی رات میں ایہنوں اَج چین وچ آئے ہوئے شاندار حیاتِ نو دی عظیم توثیق وچوں اِک دی حیثیت نال پیش کیتا سی۔ دو انتہائی غیر معمولی خُدا دے بھیجے ہوئے حیاتِ نو دا چشم دید گواہ ہون دی حیثیت نال، میں تہانوں مکمل یقین دے نال کہہ سکنا آں کہ کوئی وی حیاتِ نو نئیں ہو سکدا تے کوئی وی انتہائی چند اِک حقیقی انفرادی مسیح وچ ایمان لہیان دی تبدیلیاں نئیں ہو سکدیاں، جدوں تیکر کہ لوکاں نوں اُوہناں دے گناہ توں بھرپور حالت تے ہنجوؤاں دی حد تیکر نئیں لہیایا جاندا۔

ایہہ ای سی جیہڑا پینتیکوست دے دِن تے پہلاں عظیم حیاتِ نو دے دوران رونما ہویا سی۔ ’’اُوہناں دے دِلاں تے چوٹ لگی سی‘‘ (اعمال 2:37). ایہدا بلاشک و شُبہ مطلب ہوندا اے کہ اُو منادی توں ایس قدر متاثر ہوئے سن کہ اُو رو پئے تے چیخ اُٹھے سن، ’’لوکو تے پراہوو، اسی ہُن کی کرئیے؟‘‘ (اعمال2:37)۔ گاؤ، ’’خُداوندا، پرانے ویلیاں دی قوت بھیج! Lord, Send the Old-Time Power!‘‘

خُداوند، پرانے ویلیاں دی قوت بھیج، پینتیکوست آلی قوت!
تیریاں برکتاں توں وگدے ہوئے پھاٹک ساڈے تے پوری طرح نال کھول دے!
خُداوند، پرانے ویلیاں دی قوت بھیج، پینتیکوست آلی قوت،
کہ گنہگار تبدیل ہون تے تیرے ناں دا جلال ہووے!
(’’پینتیکوست آلی قوت Pentecostal Power‘‘ شاعر چارلس ایچ. گیبرئیل Charles H. Gabriel، 1856۔1932).

فلپ دی منادی دے دوران سامریہ وچ، پینتیکوست دے حیاتِ نو دے کُج ای دیر بعد، سانوں دسیا جاندا اے کہ،

’’کئی لوکاں وچوں بدرُوحاں چِلّاندی ہوئی نکلیاں تے بہتیرے مفلوج تے لنگڑے شفایاب ہوئے‘‘ (اعمال 8: 7).

جی ہاں، سامریہ وچ اُوس قوت نال بھرپور حیاتِ نو وچ فلپ دی منادی دے بعد اوتھے رونا دھونا تے ایتھوں تیکر کہ چیخنا چلانا سی۔ اُوس کورس نوں فیر گاؤ!

جدوں پولوس نے گیت گایا تے دعا منگی سی تے قید خانے دے بُوہیاں نوں اِک زلزلے نے کھول دِتا سی جیتھے اُو تے سیلاس قید سن، تے نگران

’’اندر جا گھُسیا تے کنمبدا ہویا پولُوس تے سِیلاس دے سامنے سجدہ وچ ڈِگ پیا‘‘ (اعمال16: 29).

اُوہدا کپکپانا تے سجدہ وچ ڈِگنا بلاشک و شبہ بے شمار جذبات تے ڈھیر سارے ہُنجوؤاں دے نال سی۔ ایہنوں فیر گاؤ!

لیکن سانوں ایس گل تے غور کرن لئی محتاط رہنا چائیدا اے کہ ایہناں ساریاں واقعات وچوں کسی اِک وچ وی سانوں دسیا جاندا اے کہ مبلغین دی خود اپنیاں اکھاں وچ ہُنجو نئیں سن جدوں اُو منادی کر رئے سن۔ جی ہاں، میں جاننا آں کہ پولوس نے افسیوں دے مسیحیاں نوں کہیا سی،

’’میں رات دِن ہنجو وگا وگا کے ہر اِک نوں ایہناں خطریاں توں آگاہ کردا رہیا واں‘‘ (اعمال20: 31).

سانوں دسیا گیا اے کہ اُوہنے افسیوں وچ ایہہ کیتا۔ لیکن سانوں دسیا نئیں گیا کہ اُوہنے ایہہ ہر وری جدوں منادی کیتی کیتا سی۔

سانوں دسیا نئیں گیا کہ پطرس نے پینتیکوست دے موقع تے ہنجوؤاں دے نال منادی کیتی سی۔ سانوں دسیا نئیں گیا کہ سامریہ وچ فلپ نے ہنجوؤاں دے نال منادی کیتی سی، یا پولوس نے فلپی نگران نوں ہنجوؤاں دے نال منادی کیتی سی۔ سانوں دسیا گیا اے کہ ایہہ مبلغین نہایت پُرخلوص تے انتہائی سنجیدہ سن – لیکن سانوں دسیا نئیں گیا کہ ہر وری جدوں اُوہناں نے منادی کیتی تے اُوہناں دیاں اَکھاں وچ ہنجو سن۔

اگلے ای دِن ساڈے نوجوان لوکاں وچوں اِک نے مینوں کہیا، ’’تُسی کی کر سکدے اُو کہ لوکاں نوں اُوہناں دے گناہواں تے ہنجو لہیان لئی مجبور کر سکو؟‘‘ اُو اِک چنگا سوال اے، تے میں ایس واعظ وچ اپنے بہترین صلاحیت دے مطلب ایہدا جواب دین دی کوشش کراں گا۔

I۔ پہلا، مبلغ نوں کدی وی واعظ گاہ وچ رونا یا چِلانا نئیں چائیدا اے جدوں تیکر کہ ایویں کرن لئی خُداوند وَلّوں تحریک نہ ہووے۔

میں اُوہناں لفظاں نوں نہایت احتیاط دے نال چُنیا اے۔ اِک مبلغ نوں کدی وی واعظ گاہ وچ رونا یا چلانا نئیں چائیدا اے جدوں تیکر کہ ایویں کرن لئی خُداوند وَلّوں تحریک نہ ہووے۔ جارج وائٹ فیلڈGeorge Whitefield اکثر جدوں منادی کردے سن تے جذبات وچ ہنجُو وگاندے سن۔ لیکن اُو منادی ہنجو دے نال صرف ایس لئی کردے سن کیوں جے ایویں کرن لئی اُوہناں نوں خُداوند وَلّوں تحریک ملدی سی۔ اُوہناں لوکاں دے بارے وچ گل کردے ہوئے جنہاں نے وائٹ فیلڈ دی نقل کرن دی کوشش کیتی، تے روئے جدوں وی اُوہناں نے منادی کیتی، ڈاکٹر مارٹن لائیڈ جونز Dr. Martyn Lloyd-Jones نے کہیا، ’’بیشک، اِک بندہ جیہڑا اثر پیدا کرن دی کوشش کردا اے [واعظ گاہ وچ رون دے ذریعے نال] اِک اداکار بن جاندا اے، تے اِک قابلِ نفرت جعل ساز ہوندا اے‘‘ (مارٹن لائیڈ جونز، ایم۔ ڈی۔ Martyn Lloyd-Jones, M.D.، تبلیغ تے مبلغین Preaching and Preachers، ژونڈروان پبلشنگ ہاؤس Zondervan Publishing House، 1971، صفحہ 93)۔ ڈاکٹر لائیڈ جونز نے اپنے ابتدائی منادی وچ عظیم حیاتِ نو دا تجربہ کیتا سی، لیکن اُو شاذ و نادر ای کدی واعظ گاہ وچ روئے۔ اُوہناں نے نہایت پُرخلوص طریقے نال تبلیغ کیتی، لیکن اُوہناں نے اداکاری توں مشہابہ کسی وی گل نال پرھیز کیتا سی۔

میں ڈاکٹر لائیڈ جونز وَلّوں کہے گئے اُوس جملے دے بارے وچ لنگھدے ہوئے وریاں وچ بے شمار وری سوچیا۔ ویکھیا تُسی، منادی لئی بُلائے جان توں پہلاں، میں اِک نوعمر دی حیثیت نال کئی وریاں تیکر اِک اداکار سی۔ کئی وریاں پہلاں اِک اداکار ہون دی حیثیت نال اپنے تجربے توں، میں بوہتی چنگی طرح نال جاننا واں، ہنجو کیویں پیدا کیتے جاندے نے۔ لیکن ایہہ ہمیشہ مینوں جھوٹا تے جعلی وکھائی دِتا جے میں اینج کرن کرن دی کوشش کیتی خوشخبری دی منادی کرن دے دوران۔ جدوں میں منادی کرنا واں تے کدی کدی رونا آں، حالانکہ ایہہ بوہتا ای گھٹ ہوندا اے۔ میں اینج کدی وی ’’تاثر پیدا کرن لئی‘‘ اینج نئیں کردا، کیوں جے میں یقین کرنا واں ڈاکٹر لائیڈ جونز سچے سن جدوں اُوہناں نے کہیا ایہہ گل اِک مبلغ نوں ’’قابلِ نفرت جعل ساز‘‘ بنا ڈالدی اے – محض اِک اداکار! ایس سب دے علاوہ، مینوں واعظ گاہ وچ ’’اداکاری‘‘ دی پناہ وچ نئیں آنا چائیدا اے۔ لہٰذا میں کدی کدی ای رونا آں، جدوں اینج کرن لئی خُدا خُود مینوں تحریک دیندا اے۔ میں پختگی نال یقین کرنا واں کہ اِک مبلغ نوں واعظ گاہ وچ کدی وی رونا یا چلانا نئیں چائیدا اے جدوں تیکر کہ اینج کرن لئی خُدا وَلّوں تحریک نہ ہووے۔

مینوں ٹیلی ویژن تے اِک مشہور و معروف مبلغ یاد نے جنہاں دے واقعی چہ ہر واعظ وچ چہرے توں ہنجُوؤاں دیاں دھاراں وگدیاں سن۔ اُو اپنے رون نوں اپنے مذہبی جماعت نوں پکا کرن لئی استعمال کردے سن، تاں جے اُو وی چیخن تے رون۔ لیکن ایہدے نال گھٹ ای فائدہ حاصل ہویا۔ اُو مبلغ اِک اداکار توں ودھ ہور کُج وی نئیں نکلیا، تے آخر وچ اُوہدی منسٹری دا کُج وی نئیں بنیا۔ یسوع نے سانوں اینج دا نہ ہون لئی تنبیہہ کیتی سی

’’جدوں تُسی روزہ رکھو تے ریاکاراں وانگوں اپنا چہرہ اُداس مت بناؤ۔ اُو اپنا مُنہ وگاڑدے نے تاں جے لوکاں نوں معلوم ہووے کہ اُو روزہ توں نے۔ میں تہانوں سچ کہنا واں کہ جیہڑا اجر اُوہناں نوں ملنا چائیدا سی اُو مِل چُکیا‘‘ (متی 6: 16).

مسیح نے کہیا ایہہ سرار منافقت اے۔ کسی وی پادری صاحب نوں جیہڑا لوکاں لئی برکت بنن دی اُمید رکھدا اے اُوہنوں اپنے چہرے نوں ’’وگاڑنا‘‘ تے اِک اداکار وانگوں رونا نئیں چائیدا اے! جی نئیں، واعظ گاہ وچ رونا خُداوند وَلّوں آنا چائیدا اے – ورنہ، جے اینج نئیں ہوندا، تے مبلغ نوں ایس تمام نال اجتناب کرنا چائیدا اے۔

کیویں، اُودوں فیر اِک مبلغ اپنی مذہبی جماعت وچ لوکاں نوں ہنجوؤاں لئی تحریک دے سکدا اے؟ اُو اِک چنگا سوال سی جیہڑا اِک نوجوان بندے نے مینوں پُچھیا سی! میں ایہدا جواب تاریخ وچوں تے بائبل وچوں دین دی کوشش کراں گا۔

II۔ دوجا، مبلغ نوں واعظ گاہ وچ نہایت سنجیدہ ہونا چائیدا اے جے اُو پاک روح دی سزایابی دے نال گنہگار دے متحرک کیتے جان دی توقع رکھدا اے جیہڑی اُوہدی رہنمائی مسیح وچ ایمان لہیا کے تبدیل ہون وچ کردی اے۔

جارج وائٹ فیلڈ تقریباً ہمیشہ اپنیاں اکھاں وچ ہنجوؤاں دے نال منادی کیتا کردے سن۔ اُو انتہائی مخلص سن، تے اُوہناں دے ہنجو بلاشُبہ خُداوند وَلّوں آندے سن۔ لیکن اُوہناں لوکاں وچ جیہڑے اُوہناں نوں سُنندے سن ہنجو انتہائی گھٹ ہوندے سن تے جذبات نہایت تھوڑے ہوندے نے اُوہناں دے مقابلے وچ جیہڑے جدوں جان ویزلی John Wesley دی منادی سُنیا کردے سن – تے ویزلی، میری یاداشت دے مطابق، نے شاذونادر ای کدی ہنجو وگائے سن جدوں اُو منادی کردے سن۔ ایہدے باوجود ویزلی دی شدید جذبات دا اظہار کردے ہوئے رون تے ہنجو وگان لئی تے ایتھوں تیکر کہ اپنے واعظاں دے دوران چیخن تے شدت دے نال تنقید کیتی جاندی رئی اے۔ ایہہ بارہا ہوندا رہیا جدوں ویزلی نے اپنیاں اکھاں وچ اِک وی ہنجو دے بغیر منادی کیتی، لیکن ایہہ تنقید وائٹ فیلڈ دی اُوہناں دے ہر واعظ وچ چہرے تے وگدے ہوئے ہنجوؤاں دے نال منادی وچ کِتھے گھٹ ہوئی۔ ایہہ اِک سادہ جئی حقیقت اے جیہڑی کوئی وی اُوہناں دو عظیم لوکاں دی منادی دی تاریخ نوں پڑھن دے ذریعے نال دریافت کر سکدا اے۔ میرا نتیجہ ایہہ اے – واعظ گاہ وچ رونا ضروری نئیں اے کہ جیہڑے لوکی مبلغ نوں سُن رئے ہوندے نے اُوہناں دے وچکار رون نوں پیدا کر دے۔ میں وائٹ فیلڈ تے بالکل وی تنقید نئیں کر رہیا آں۔ کئی وری میں اُوہناں نوں ’’سارے ادوار دا عظیم ترین مبلغ‘‘ پکار چُکیا آں – پولُوس رسول نوں مستثنیٰ کردے ہوئے۔ میں سادگی نال درج شُدہ تاریخ توں نشاندہی کر رہیا واں کہ ویزلی دی نسبتاً سخت تے غیرجذباتی، ہنجوؤاں دے بغیر منادی نے اپنی مذہبی جماعت وچ کِتھے زیادہ رونا دھونا تے جذبات نوں پیدا کیتا سی۔ اُو کیویں ہویا ہووے گا؟ ایہنوں اکثر نفسیات دی اصطلاح وچ سمجھایا جاندا اے۔ لیکن میں یقین کرنا آں کہ جواب کِتھے ہور اے۔

جان ویزلی لوکاں نوں رون لئی اعتماد دلایا کردے سن۔ وائٹ فیلڈ حوصلہ شکنی کیتا کردے سن۔ حالانکہ میں انگریزی بولی جان آلی دُنیا وچ وائٹ فیلڈ نوں سارے زمانیاں دا عظیم ترین مبلغ سمجھدا آں، میرے خیال وچ ایس نکتے تے اُوہناں نوں غلط فہمی ہوئی سی۔ اُوہناں دی سرپرست مرّبی، ھوٹینگٹن دی نواب زادی نے اِک وری وائٹ فیلڈ نوں کہیا سی، ’’اُوہناں نوں چیخن دیو۔ ایہدے نال اُوہناں نوں تہاڈی منادی دے مقابلے وچ کِتھے زیادہ مذید ہور بہتر اچھائی ملے گی۔‘‘

حالانکہ واعظ گاہ وچ جاناتھن ایڈورڈز Johathan Edwards خود کدی وی نئیں روئے سن، اُوہناں دی مذہبی جماعت اکثر رویا کردی سی۔ حیاتِ نو دے عروج دے دوران اُو اکثر گھٹ ہو کے ہنجوؤاں وچ بدل جاندے سن۔ ایہہ مظاہرے رونما ہوندے سن جدوں ایڈورڈز اِک مکمل مسوّدے وچوں زیادہ قریبی طور تے کہیا جائے تے وائٹ دی کِتھے زیادہ جذباتی منادی دے مقابلے وچ ویزلی دے سٹائل توں مشہابت کردے ہوئے اپنے واعظ کافی غیرجذباتی اواج وچ پڑھا کردے سن۔

دوجی عظیم بیداری وچ اہم ایونجیلسٹ [انجیلی بشارت دا پرچار کرن آلے] ڈاکٹر آساحل نیٹیلٹن Dr. Asahel Nettleton سن۔ ڈاکٹر نیٹیلٹن واعظ گاہ وچ رویا نئیں کردے سن۔ اُوہناں دی منادی جذباتی ہون دے بجائے صوفیانہ ہوندی سی۔ ایہدے باوجود بے شمار حیات انواع دے عروج تے اُوہناں نے اُوہناں لوکاں دی جیہڑے گمراہ سن اصلاح کیتی تے اُو ہنجوؤاں دے نال رون لگے تے ایتھوں تیکر کہ جسمانی طور تے ڈھیر ہو جاندے سن، گناہ دی سزایابی دے تحت زمین تے ڈِگ جاندے سن۔ اُوس کورس نوں فیر گاؤ!

میرا نتیجہ ایہہ اے – مسیح وچ ایمان لہیا کے تبدیل ہونا تے حیاتِ نو اِک مبلغ دے واعظ گاہ وچ وگائے گئے ہنجوؤاں تے انحصار نئیں کردے۔ ایہدے بجائے، اُو جذبات جنہاں دا تجربہ اِک گنہگار کردا اے اِک مبلغ دے خلوص تے سنجیدگی تے انحصار کردے نے، مذہبی جماعت وچ اُوہناں لوکاں دے دِلاں وچ جیہڑے گمراہ ہوندے نے پاک روح دے کم نوں سنبھالے جاندے نے۔ کیویں اِک مبلغ ہور زیادہ لوکاں نوں ہنجو وگان تے مجبور کر سکدا اے؟ جواب اے کہ اُو نئیں کر سکدا۔ اُو صرف اپنے واعظ نوں سچے تے سنجیدہ خلوص دے نال ادا کر سکدا اے۔ گناہ دی سزایابی نال تعلق رکھدے ہوئے لوکی کی محسوس کردے نے اُو مبلغ دی اہلیت توں باہر ہوندا اے۔ صرف پاک روح ای گناہ دی سچی سزایابی وچ لہیا سکدا اے۔

’’جدوں اُو مددگار آجائے گا تے جیتھوں تیکر گناہ، راستبازی تے اِنصاف دا تعلق اے، اُو دنیا نوں مُجرم قرار دیوے گا‘‘ (یوحنا16: 8).

کیویں گمراہ لوکی جذباتی طور تے متحرک ہوندے نے؟ اُو کیویں گناہ دی حقیقی سزایابی دے تحت آندے نے؟ مبلغ نوں پُرخُلوص ہونا چائیدا اے نا کہ اِک اداکار۔ مبلغ نوں سنجیدہ تے صوفیانہ ہونا چائیدا اے۔ مبلغ نوں جیس سچائی دی اُو منادی کر رہیا ہوندا اے اُوہدی گرفت وچ ہونا چائیدا اے۔ مبلغ نوں ’’اپنی اواج اُچی کرنی‘‘ چائیدی اے، جیویں پینتیکوست دے روز پطرس نے کیتی سی (اعمال2: 14)۔ مبلغ نوں شریعت تے خوشخبری دوواں دی منادی کرنی چائیدی اے۔ اُوہنوں لوکاں نوں دسنا چائیدا اے کہ اُو ’’ناراض خُدا دے ہتھاں وچ گنہگار‘‘ نے، جیویں جاناتھن ایڈورڈز نے کیتا سی۔ اُوہنوں لوکاں نوں ’’مسیح دے کول اُڑ کے جان‘‘ لئی کہنا چائیدا اے جیویں جاناتھن ایڈورڈز نے کیتا سی۔ اُوہنوں اُوہناں نوں دسنا چائیدا دے کہ کُج وی اُوہناں نوں خُدا دے قہر توں نجات نئیں دلا سکدا ماسوائے مسیح، جیویں کدی مصلوب کیتا گیا تے جیہڑا آسمان وچ چُک لہیا گیا اُوہدے پاک صاف کر دین آلے لہو دے۔ اُوہنوں ایویں ای منادی کرنی چائیدی اے جیویں یوحنا اصطباغی نے کیتی سی،

’’ایہہ خدا دا برّہ اے جیہڑا دنیا دا گناہ چُک لے جاندا اے‘‘ (یوحنا1: 29).

III۔ تیجا، مبلغ تے اُوہدی مذہبی جماعت وچ نجات پائے ہوئے لوکاں وچ گمراہ لوکاں لئی حقیقی ہمدردی تے محبت ہونی چائیدی اے۔

جی ہاں، بائبل سانوں رون لئی کہندی اے۔ جی ہاں، ایہہ کہندی اے،

’’جیہڑے ہنجوؤاں نال بوندے نے اُو خوشی دے گیتاں نال کٹّن گے‘‘ (زبور126: 5)۔

جی ہاں، ڈاکٹر جان آر۔ رائس نے بجا طور تے کہیا،

تجدید نو دی قیمت، لوکاں دا دِل جِتّن دی قیمت،
کئی گھنٹیاں دی دعاؤاں، اُو بوجھ، اُو ہنجو…
(’’تجدید نو دی قیمت The Price of Revival‘‘ شاعر جان آر۔ رائس John R. Rice، ڈی۔ ڈی۔، 1895۔1980)۔

لیکن غور کرو کہ اُوہناں نے کہیا، ’’اُو بوجھ، اُو ہنجُو۔‘‘ اُو گمراہ لوکاں لئی اِک باطنی بوجھ دی گل کر رئے سن جیہڑا صرف پاک روح ای دے سکدا اے۔ اُوہنوں اُو پہلا بندہ ہونا چائیدا اے جیہڑا سانوں دسے کہ ’’انسان دے اپنے لہیائے ہوئے‘‘ ہنجوؤاں وچ کوئی ’’جادوئی‘‘ قوت نئیں ہوندی۔ اُو ’’بوجھ‘‘ خُدا وَلّوں آنا چائیدا اے۔ ایہنوں پُرخلوص تے حقیقی ہونا چائیدا اے، جیویں ایہہ یسوع دے نال سی، جیہڑا سی،

’’اِک غمگین انسان جیہڑا رنج نال آشنا سی‘‘ (اشعیا53: 3)۔

ایہدے باوجود سانوں چاروں اناجیل وچ چار وری دسیا گیا اے کہ یسوع رویا سی۔ تے اُوہناں وچوں کسی اِک ویلے وچ وی اُو منادی نئیں کر رہیا سی۔ مہربانی نال اپنی بائبل لوقا19: 41 لئی کھلو۔

’’یروشلم دے نزدیک پہنچ کے یسوع نے شہر تے نظر پائی تے اُوہنوں اُوہدے تے رونا آ گیا‘‘ (لوقا19: 41)۔

اُو شہر دے گناہ دی بھرپوری تے رویا سی۔ لیکن جدوں اُو رویا سی تے اُو منادی نئیں کر رہیا سی۔ اُو دعا وچ شہر تے رویا سی۔ لیکن اُوہدے تھوڑی ای دیر بعد اُوہنے اُوہناں لوکاں نوں اِک انتہائی قوی واعظ دِتا سی، جیہڑا سزا نال بھریا ہویا سی۔ آیات 45 تے 46 پڑھو۔

’’اُودوں اُو ہیکل وچ داخل ہویا تے اُوہنے اوتھوں خریدوفروخت کرن آلیاں نوں باہر کڈنا شروع کر دِتا؛ اُوہنے اُوہناں نوں کہیا، لکھیا اے کہ میرا گھر دعا دا گھر ہووے گا: لیکن تُسی اُوہنوں ڈاکوؤاں دا اڈا بنا رکھا اے‘‘ (لوقا19: 45۔46)۔

آؤ یسوع دی مثال دی پیروی کرو۔ آؤ خصوصی دعا وچ گمراہ لوکاں لئی روئیے، تے فیر منادی وچ اُوہناں دا سامنا اُوہناں دے گناہواں دے نال کرائیے!

دوجی وری جدوں یسوع رویا سانوں یوحنا11: 35 وچ دسیا جاندا اے۔ مہربانی نال اوتھوں بائبل کھولو تے آیات 35 تے 36 نوں اُچی اواج نال پڑھو۔

’’یسوع دیاں اکھاں وچ ہنجو بھر آئے۔ ایہہ ویکھ کے یہودی کہن لگے، ویکھیا لعزر اُوہنوں کیس قدر عزیز سی!‘‘ (یوحنا11: 35۔36)۔

یسوع جانندا سی کہ اُو لعزر نوں مُردیاں وچوں زندہ کر دیوے گا۔ لیکن اُو رویا سی تے ایتھوں تیکر کہ ماتم کیتا سی جدوں اُو لعزر دی قبر ول آ رہیا سی۔ فیر اُوہنے دعا منگی سی (یوحنا11: 41۔42)۔ تے آخر وچ یسوع نے اِک مختصر جیہا واعظ دِتا سی۔ ایہہ یوحنا 11: 43 وچ پیش کیتا گیا اے۔ مہربانی نال اُوس آیت نوں اُچی اواج نال پڑھو۔

’’ایہہ کہن دے بعد یسوع نے اُچی اواج نال پکاریا، لعزر باہر نکل آ‘‘ (یوحنا11: 43)۔

میرے خیال وچ ساڈا طریقہ اوہی ہونا چائیدا اے۔ سانوں اُوہناں لوکاں تے رونا تے ایتھوں تیکر کہ ماتم کرنا چائیدا اے جیہڑے ’’گناہواں تے قصوراں وچ مُردہ‘‘ ہوندے نے (افسیوں2: 1)۔ سانوں اُوہناں دی نجات لئی دعا منگنی چائیدی اے۔ تے فیر رونا چائیدا اے ’’اَگے آؤ… اِک اُچی اواج دے نال‘‘

’’تے اُو مُردہ لعزر نکل آیا، اُوہدے ہتھ تے پاؤں کفن نال بندھے ہوئے سن: تے چہرہ تے اِک رومال لپٹیا ہویا سی۔ یسوع نے اُوہنوں کہیا، ایہنوں کھول دیو تے جان دیو‘‘ (یوحنا11: 44)۔

ایہہ اُو طریقہ اے جیہڑا یسوع نے سانوں دِتا جدوں سانوں دسیا گیا کہ اُو رویا سی! گمراہ لوکاں لئی روہوو تے دعا منگو، تے فیر اُوہناں نوں ’’مسیح دے کول آن لئی‘‘ تبلیغ دیو۔ اُوس کورس نوں فیر گاؤ!

سانوں نئیں سوچنا چائیدا کہ یسوع صرف اُوہناں ای دو موقعیاں تے رویا سی۔ چونکہ اُو اِک ’’غمگین انسان سی جیہڑا رنج توں آشنا سی‘‘ (اشعیا53: 3) اُو دوجے موقعیاں تے وی ضرور رویا ہووے گا۔ سانوں چار وری دسیا گیا اے کہ اُوہنوں ’’بڑا ترس آیا‘‘ سی (متی9: 36؛ متی14: 14؛ مرقس1: 41؛ مرقس6: 34)۔ لیکن صرف اخیرلی آیت وچ سانوں دسیا گیا اے کہ اُوہنوں ’’اُوہناں تے ترس آیا سی… تے اُوہنے اُوہناں نوں بے شمار گلاں دی تعلیم دینی شروع کر دِتی۔‘‘ یقینی طور تے ہر وری جدوں اُوہنوں ’’ترس آیا‘‘ اُوہنے منادی کیتی، لیکن ایہہ چاروں اناجیل وچ درج نئیں اے۔ تے سانوں کدی وی نئیں دسیا گیا کہ جدوں اُوہنے منادی کیتی اُو رویا، صرف ایہناں ای دسیا گیا اے کہ اُو حقیقی طور تے واعظ دین توں پہلاں رویا سی (لوقا19: 41؛ یوحنا11: 35، 38)۔

میں ایس گل نوں مسیح دی مثال توں اخذ کرنا واں کہ ساڈا زیادہ تر رونا تے دعاؤاں منگنا تنہائی وچ ہونا چائیدا اے، یا کدی کدی منادی توں پہلاں عبادت دے دوران، لیکن ایہہ کہ سانوں ’’گنہگاراں تے شراب خانے آلیاں دا بیلی‘‘ ہونا چائیدا اے جدوں اسی اُوہناں دے نال کھانا کھان لئی بیٹھنے آں تے سانوں اُوہناں دے نال دوستانہ روئیہ اختیار کرنا چائیدا اے، جیویں مسیح نے کیتا سی (متی11: 19)۔

فیر آؤ جدوں اسی دعا وچ یا دعائیہ اِجلاس وچ یا کدی کدی عبادت وچ کلّے ہونے آں تے گنہگاراں لئی روئیے تے دعا منگئیے۔ آؤ گمراہ گنہگاراں نوں منادی کرن لئی اپنی دعاؤاں تے رون توں اَگے ودھیے، تے فیر اُوہناں گمراہ لوکاں لئی جیہڑے ساڈے گرجا گھر وچ آندے نے عبادت دے بعد اِک برکت بنیے! گاؤ، ’’مینوں برکتاں دا اِک وسیلہ بنا ڈال۔‘‘

مینوں اج ای برکتاں دا اِک وسیلہ بنا ڈال،
مینوں برکتاں دا اِک وسیلہ بنا ڈال، میں دعا منگنا واں؛
میری حیاتی دا مالک ہووے، میری خدمات وچ برکت ہووے،
مینوں اَج ای برکتاں دا اِک وسیلہ بنا ڈال۔
(’’مینوں اج ای برکتاں دا اِک وسیلہ بنا ڈالMake Me a Channel of Blessing‘‘ شاعر ہارپر جی۔ سمتھ Harper G. Smyth، 1873۔1945)۔

گناہ دی سزایابی لئی دعا منگو (سارے لوکی دعا منگدے نے)۔ گمراہ لوکاں دے یسوع دے کول آن تے اُوہدے لہو دے وسیلے نال گناہ توں پاک صاف ہو جان لئی دعا منگو (سارے لوکی دعا منگدے نے)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔