دعا دے وسیلے توں لوکاں نوں فتح کرن دے لئی قوت

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ڈاکٹر آر اے ٹورے Dr. R. A. Torrey نے ایس آیت دے بارے چہ کہیا،

دعا وچ زبردست قوت اے۔ ایہدا مسیحی حیاتی تے خدمت وچ طاقت دی بھرپوری حاصل کرن نال بوہتا گہرا تعلق اے۔ جیہڑا بندہ دعا لئی ویلہ نئیں کڈے گا اُو خُدا دی ایس طاقت دی تکمیل دی ساری امیداں توں مستعفیٰ ہو سکدا اے۔ ایہہ نے ’’اُو جیہڑے خُداوند دا انتظار کردے نے‘‘ جیہڑے ’’ازسرِ نو تقویت پان گے‘‘ (اشعیا40: 31)۔ خُداوند دا انتظار کرن دا مطلب کُج اینج دا اے جیویں ہر دِن دے آغاز تے اختتام تے چند منٹ لنگھان توں زیادہ درخواست دی اِک دقیانوسی شکل دے ذریعے نال ہوندا اے۔ ’’خُداوند دا انتظار کرو۔‘‘ سچی دعا ویلہ تے سوچ لیندی اے، لیکن ایہہ ویلے دا اِک بہترین بچاؤ اے۔ سارے واقعات وچ جے سانوں قوت دی بھرپوری نوں جاننا اے تے سانوں دعا کرن آلے مرد تے عورت ہونا چائیدا اے (آر اے ٹورے، ڈی ڈی R. A. Torrey, D.D.، مسیحی حیاتی تے عبادت وچ قوت دی بھرپوریت کیویں حاصل کیتی جائے How to Obtain Fulness of Power in Christian Life and Service، فلیمنگ ایچ ریویل Fleming H. Revell، 1897، صفحہ 95)۔

’’جہیڑے خداوند توں اُمید رکھدے نے اُو ازسرِ نو تقویت پان گے‘‘ (اشعیا40: 31)۔

ڈاکٹر ٹورے جیہڑے کہ اُو بندے نے جیہڑے دعا وچ انتظار کرنا جانندے سن، اُوہناں ولّوں میں تہانوں ایس آیت تے چند اِک مختصر ترین خیالات پیش کراں گا،

I۔ پہلی گل، بشراں نوں فتح کرن لئی دعا سانوں حکمت دِلا سکدی اے۔

’’جے تہاڈے وچوں کسی چہ سمجھ بوجھ دی کمی اے تے خداوند توں منگے جیہڑا سب نوں فیاضی نال عطا فرماندا اے تے ملامت کیتے بغیر دیندا اے [ساڈے وچ خامی کڈے بغیر]؛ تے ایہہ اُوہنوں دِتا جائے گا‘‘ (یعقوب1: 5)۔

جے تُسی اُوہدے توں حکمت منگو گے تے خُدا تہانوں ملامت نئیں کرے گا، یا تہاڈی مذمت نئیں کرے گا، یا تہاڈے وچ کوئی خامی نئیں کڈے گا۔ ارے نئیں! ’’ایہنوں دِتا جائے گا۔‘‘ ایہدے توں وڈا کوئی وعدہ واضح نئیں ہو سکدا! اسی حیاتی دے ہر موڑ تے حکمت، [یعنی] خود خُدا دی حکمت نوں حاصل کر سکنے آں۔ خُدا نئیں چاہندا کہ اسی تاریکی وچ ٹٹولدے پھراں۔ اُو سانوں اپنی لامحدود حکمت دینا چاہندا اے۔ سانوں بس ایمان دے نال منگنا اے۔ بہتیرے لوکی جدوں بشراں نوں فتح کرن دی کوشش کردے نے تے اپنی ای بے وقوفی وچ ٹھوکراں کھاندے نے۔ اُوہناں دے کول بشراں نوں فتح کرن آلی حکمت نئیں اے۔ تُسی حکمت دے بغیر بشراں نوں نئیں جِت سکدے۔ ایہدے لئی دعا کیتے بغیر تہانوں ایہہ حکمت حاصل نئیں ہو سکدی! خُدا دا کلام کہندا اے،

’’جے تہاڈے وچوں کسی چہ سمجھ بوجھ دی کمی اے تے خداوند توں منگے …. تے ایہہ اُوہنوں دِتا جائے گا‘‘ (یعقوب1: 5)۔

ایس نئے بندے دے گرجا گھر آن دے بعد میں ایہدے نال کیویں گل کراں؟ میں ایہدی گرجا گھر وچ آن چہ کیویں مدد کراں؟ میں مسیحی بنن وچ ایہدی مدد کیویں کراں؟

’’جے تہاڈے وچوں کسی چہ سمجھ بوجھ دی کمی اے تے خداوند توں منگے …. تے ایہہ اُوہنوں دِتا جائے گا‘‘ (یعقوب1: 5)۔

لیکن ایہہ ’’منگنا یا پُچھنا‘‘ دعا دی رسمی شکل نئیں اے۔ ایہہ گہری، سنجیدہ دعا ہونی چائیدی اے جیہڑی دعا وچ ’’خُداوند دا انتظار کرن‘‘ نال آندی اے (اشعیا40: 31)۔

’’جہیڑے خداوند توں اُمید رکھدے نے اُو ازسرِ نو تقویت پان گے‘‘ (اشعیا40: 31)۔

دعا وِچ قوت، خداوندا، دعا وِچ قوت!
ایتھے گناہ تے دُکھ تے خدشیاں دی وِچکار زمین وِچ؛
لوکی برگشتہ تے مر رئے نے، لوکی نااُمیدی وِچ نے؛
ہائے مینوں قوت بخش دے، دعا وِچ قوت!
(’’مینوں دعا کرنا سِکھا Teach me to Pray، شاعر البرٹ ایس۔ ریٹسز Albert S. Reitz ، 1879۔ 1966)۔

II۔ دوجی گل، دعا اپنی ساری بابرکت قوت دے نال سانوں لوکاں نوں فتح کرن وِچ روح القدوس نوں لہیا سکدی اے ۔

’’پس جدوں تُسی بُرے ہو کے وی اپنے بچیاں نوں چنگیاں شیواں دینا جانندے اُو تے کی آسمانی باپ اُوہناں نوں پاک روح افراط نال عطا نئیں فرمائے گا جیہڑے اُوہدے توں منگدے نے؟‘‘ (لوقا11: 13)۔

ایہہ، پہلے شاگرداں دے ’’دعا تے مناجات وچ‘‘ جاری رہن دے بعد ہویا سی (اعمال1: 14) کہ ’’اُو سب روح القدس نال لبریز ہو گئے سی‘‘ (اعمال2: 4)۔

ایہہ دعا اے جیہڑی روح القدس دی قوت نوں تے اُو کَم جیہڑا اسی بشراں نوں فتح کرن وچ کرنے آں اُوہناں نوں ساڈیاں حیاتیاں وچ لہیاندی اے۔ میں سمجھنا واں کہ تہاڈے وچوں بہتیرے لوکی ایس گل نال اتفاق کرن گے کہ تُسی دعا وچ خُدا دا ایہناں انتظار نئیں کیتا اے کہ بشراں نوں گرجا گھر وچ لہیان تے نجات پان وچ مدد کرن چہ واقعی مؤثر ثابت ہووے۔ کی ایہہ تہاڈی بشراں نوں فتح کرن وچ روح القدس دی قوت لئی دعا نہ کرن دا نتیجہ ہو سکدا اے؟ یسوع نے اِک واضح وعدہ کیتا جدوں اُوہنے کہیا،

’’کی آسمانی باپ اُوہناں نوں پاک روح افراط نال عطا نئیں فرمائے گا جیہڑے اُوہدے توں منگدے نے؟‘‘ (لوقا11: 13)۔

روح القدس دی قوت لئی خُدا توں دعا کرو کہ اُو تہانوں بشراں نوں فتح کرن وچ ہارے ہوئے لوکاں لئی مزید برکت دا باعث بنن چہ مدد کرے۔ جے تُسی دعا وچ اُوہدا انتظار کردے اُو تے اُو تہانوں روح القدس دی قوت بخشے گا۔ تہاڈے وچوں بہتیرے لوکی بشراں نوں فتح کرن وچ بوہتی گھٹ قوت رکھدے نے کیوں جے تُسی بشراں نوں فتح کرن دی قوت لئی دعا وچ بوہتا گھٹ ویلہ صرف کردے اُو۔

’’جہیڑے خداوند توں اُمید رکھدے نے اُو ازسرِ نو تقویت پان گے‘‘ (اشعیا40: 31)۔

دعا وِچ قوت، خداوندا، دعا وِچ قوت!
ایتھے گناہ تے دُکھ تے خدشیاں دی وِچکار زمین وِچ؛
لوکی برگشتہ تے مر رئے نے، لوکی نااُمیدی وِچ نے؛
ہائے مینوں قوت بخش دے، دعا وِچ قوت!

III۔ تیجی گل، دعا ساڈے انجیلی بشارت دے کم وِچ خدا دی قوت لہیا سکدی اے، سڑکاں تے ساڈی انجیلی بشارت تے، تے ساڈے ٹیلی فون تے انجیلی بشارت وِچ جدوں اَسی اُوہناں نوں گرجا گھر دی عبادتاں وِچ شامل کرن دے لئی پکارنے آں، تے جدوں اُو گرجا گھر وِچ آندے نے تے اُوہناں دے لئی اِک نعمت بنن وِچ [دعا خدا دی قوت لہیا سکدی اے]۔

جدوں رسولاں نوں رکاوٹاں دا سامنا کرنا پیا، ’’اُوہناں نے یک جان ہو کے خُدا دے سامنے اپنی اواج اُچی کیتی‘‘ (اعمال4: 24)۔ ’’تے جدوں اُو دعا منگ چُکے،‘‘ دعا وچ خُدا دا انتظار کر رئے سن، تے خُدا دی قوت آئی تے ساریاں رکاوٹاں نوں وگا لے گئی (اعمال4: 31۔33؛ 5: 13)۔ کی تُسی اپنی انجیلی بشارت تے ٹیلی فون کرن، تے اپنے طور تے لوکاں نوں گرجا گھر لہیان وچ خُدا دی قوت چاہندے اُو؟ فیر ایہدے لئی دعا کرو۔ دعا وچ خُدا دا انتظار کرو کہ اُوہدی قوت آئے تے تہاڈی مدد کرے۔

اِک ماں اِک وری ڈاکٹر ٹورے Dr. Torrey کول آئی جیہدا اِک ناقابل اصلاح پُتر سی جیہڑا اُوہدی التجاواں نئیں سنندا سی۔ اُوہنے ڈاکٹر ٹورے نوں پُچھیا کہ کی کرنا اے۔ اُوہناں نے کہیا دعا کرو۔ مُنڈا تھوڑے عرصے بعد مسیح وچ ایمان لہیا کے تبدیل ہویا تے اِک چنگا مسیحی بن گیا۔ کیوں؟ کیوں جے ایہدی ماں نے ڈاکٹر ٹورے دی گل سنی تے ہر روز اپنے پُتر لئی سنجیدگی نال دعا وچ خُدا دا انتظار کرنا شروع کر دِتا – تے خُدا نے اُوہدیاں دعاواں دا جواب دِتا جدوں اُو مُنڈے لئی دعا وچ خُدا دا انتظار کرن چہ سنجیدہ ہو گئی۔

دعا وچ خُدا دا زیادہ انتظار کیتے بغیر کوئی عظیم تے حقیقی حیات نو کدی نئیں ہویا۔ ڈاکٹر ٹورے نے کہیا، ’’بہتیرے جدید ناں نہاد احیاء [حیاتِ نو] انسان دی مشینری دے ذریعے رونما ہوندے نے۔ لیکن ماضی وچ بوہتی زیادہ تبلیغ دے بغیر، تے تقریباً بغیر کسی مشینری دے کئی وری عظیم احیاء [حیاتِ نو] ہوئے نے۔ لیکن بوہتی زیادہ دعا دے بغیر، دعا وچ خُدا دا انتظار کیتے بغیر کدی وی عظیم تے حقیقی حیاتِ نو نئیں ہویا۔ بہتیرے جدید ناں نہاد حیاتِ نو انسان دی مشینری دے ذریعے حاصل کیتے گئے نے۔ لیکن حقیقی حیاتِ نو نوں سنجیدگی نال دعا وچ خُدا دا انتظار کرن توں تھلے لہیایا جاندا اے۔

بہتیرے عیسائیاں نوں ایہہ احساس نئیں اے کہ اُوہناں دی دعاؤاں دا، یا اُوہناں دی کمی دا اُوہناں دے پادری دی طاقتور یا بے اختیار تبلیغ نال کیہناں تعلق اے۔ سنجیدگی نال دعا وچ خُدا دے انتظار وچ کوتاہی ایس فرق نوں بنا سکدی اے کہ آیا اسی اتوار دی عبادتاں وچ لوکاں نوں مسیح وچ ایمان دِلا کے تبدیل کر سکدے نے۔ میں تہانوں التجا کرنا واں کہ اِیہناں جلسیاں لئی، تبلیغ وچ قوت حاصل کرن لئی، کھوئے یا گمراہ ہوئے لوکاں دے مسیح وچ ایمان لہیا کے تبدیل ہون لئی، دعا وچ خُدا دا انتظار کرن لئی، اضافی ویلہ کڈو۔ میں تہانوں کہنا واں کہ اِیہناں جلسیاں لئی، اپنی نجی دعاؤاں وچ سنجیدگی نال خُدا دا انتظار کرنا شروع کرو۔ میں اُمید کرنا واں کہ تُسی ہر روز خدا توں دعا کرن لئی کُج ویلہ مختص کرو گے تاں جے پادری نوں ایہہ جانن وچ مدد ملے کہ کی تبلیغ کرنی اے، تے گواچے ہوئے لوکاں نوں مسیح وچ ایمان دلا کے تبدیل کرن لئی طاقتور طریقے نال تبلیغ کرن وچ ایہدی مدد کراں گے۔ نیز، گواچے ہوئے لوکاں لئی دعا وچ بوہتا ویلہ لنگھائیے، جے ممکن ہووے تے ناں لے کے، کہ خُدا ایہناں اجلاساں وچ مسیح نوں حاصل کرن لئی اُوہناں دے دِلاں نوں کھول دیوے گا۔ تے خاص طور تے خُدا کولوں دعا منگئیے کہ اُو تہانوں گمشدہ لوکاں لئی برکت بناوے جدوں اُو اِتوار نوں گرجا گھر وچ آن۔ میں اُمید کرنا آں کہ تُسی ہُن توں اُوس ویلے تیکر ہر روز کُج ویلہ خُدا دا انتظار کرن لئی مختص کرو گے، تے ساڈی گرجا گھر دی حیاتی وچ ایہناں اہم شیواں لئی سنجیدگی نال دعا کرو گے۔ تے اگلے ہفتے نوں وی ایہناں شیواں لئی دعا تے روزہ رکھو۔

مینوں اِک برکت بنا دیو، مینوں اِک برکت بنا دیو،
میری حیاتی وِچ یسوع دی چمک ہووے؛
مینوں اِک برکت بنا دیو، اے نجات دہندہ، میں دعا منگنا واں،
مینوں اَج کسی دے لئی برکت بنا دیو۔
(’’مینوں اِک برکت بنا دیو Make Me a Blessing‘‘ شاعر عرّا بی۔ وِلسن Ira B. Wilson، 1880۔1950)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔