ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔
واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔
جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔
خدا لوکاں نوں اُوہناں دی بدنصیبی تے نااہلی دے بارے وِچ
|
جوناتھن ایڈورڈز سب توں عظیم ماہرِ الہٰیات سن تے ایس ملک ہُن تیکر دے سب توں عظیم مبشراں وِچوں اِک پیدا کیتا اے۔ کوئی وی ایس گل توں انکار نئیں کر سکدا کہ خدا نے اُوہناں دے انجیلی بشارت دے کام نوں زبردست برکت دِتی۔ میہنوں یقین نے کہ جدوں تیکر اَسی ایڈورڈز دی بائبلی انجیلی بشارت وَل واپس نئیں آندے، اَسی فیر توں کدی وی حقیقی حیاتِ نو دا تجربہ نئیں کر پاواں گے۔ یاد رہوے کہ پہلی عظیم بیداری ایہناں دی تبلیغ دے تحت امریکہ وِچ شروع ہوئی۔ ایتھے اُوہناں دے خدا دے بابرکت واعظاں وِچوں اِک واعظ اے، جیس دا عنوان اے، ’’ایہہ خدا دا طریقہ اے کہ اُو انساناں نوں اُوہناں دی بدنصیبی تے نااہلی دے بارے وِچ سمجھدار بنائے۔‘‘ میں ایہہ واعظ مختصر شکل وِچ، جگہ جگہ موجودہ زمانے دی انگریزی دا استعمال کردے ہوئے پیش کراں گا، تاکہ ایس نسل دے لئی واعظ نوں سمجھن وِچ آسانی ہووے۔
’’فیر جدوں تیکر اُو اپنے گناہواں دا اِقرار نئیں کردے میں اپنے مقام نوں واپس ٹُر جاواں گا اُو میرا چہرہ لبھہن گے تے اپنی مصیبت وِچ بہوتی سرگرمی نال میہنوں لبھہن گے‘‘ (ہوسیع 5: 15)۔
افرائیم عام طور تے انبیاء وِچ اسرائیل دی شمالیل سلطنت توں مراد اے، تے ایہنوں یہوداہ توں ممتاز کردا اے۔ صحیفے دے ایس حوالے وِچ خدا کہندا اے کہ اُو افرائیم تے یہوداہ دوواں دے نال خوفناک طریقے وِچ نمٹن آلا اے۔ آیت 14 وچ خدا نے کہیا، ’’کیوں جے میں افرائیم دے لئی شیر ببّر وانگوں تے یہوداہ دے گھرانے دے لئی جوان شیر وانگوں رہواں گا: میں، اُوہناں نوں پھاڑ کے تے ایتھوں تیکر کہ ٹکڑے ٹکڑے کر دیاں گا تے ٹر جاواں گا؛ میں اُوہناں نوں لے جاواں گا تے کوئی اُوہناں نوں چُھڑان آلا نئیں ہووے گا‘‘ (ہوسیع 5: 14)۔ ساڈی تلاوت (ہوسیع 5: 15) وِچ، خُدا کہندا اے کہ اُو اُوہناں دے نال کینج دا سلوک کرے گا جدوں اُوہناں نوں شیر وانگوں پھاڑ کھایا جائے گا:
1. خدا کہندا اے کہ اُو اُوہناں توں دستبردار ہو جائے گا۔ ’’میں اپنے مقام نوں واپس ٹر جاواں گا۔‘‘ ایہناں نوں شیر وانگوں پھاڑ چکن دے بعد میں ٹر جاواں گا۔ میں اُوہناں نوں ایہو جئی حالت وِچ چھڈ دیاں گا۔ میں اُوہناں توں جدا ہو جاواں گا۔
2. خدا ایہناں تے رحم کرن دے لئی واپس آن توں پہلاں اُوہناں دے نال تین گلاں دے ہون دا انتظار کرے گا۔
(1) اُو اُوہناں دے جرم توں آگاہ ہون دا نتظار کرے گا۔ ’’جدوں تیکر کہ اُو اپنے جرم نوں تسلیم نئیں کر لیہندے۔‘‘ ایہہ اصل عبرانی وِچ اے، ’’جدوں تیکر کہ اُو مجرم نہ ہو جان۔‘‘ یعنی، جدوں تیکر اُو اپنی نظراں وِچ مجرم نئیں بن جاندے، جدوں تیکر اُو اپنے جرم توں آگاہ نہ ہو جان، جیویں کہ رومیوں 3: 19 آیت وِچ، ’’تاکہ ہر اِک دا مُنہ بند ہو جائے، تے ساری دُنیا خدا دے سامنے مجرم ٹھہرے‘‘۔ یعنی اپنی نظراں وِچ مجرم بن جان۔
(2) اُو اُوس ویلے تیکر انتظار کرے گا جدوں تیکر کہ اُو اپنی بدنصیبی توں آگاہ نہ ہو جان، جیس دا مطلب ایہہ اے کہ ’’اپنی بدنصیبی وِچ اُو میہنوں لبھہن گے۔‘‘
(3) اُو اُوس ویلے تیکر انتظار کرے گا جدوں تیکر کہ اُو خدا دی مدد دے لئی اپنی ضرورت توں آگاہ نہ ہو جان، جیہڑا کہ اُوہناں دے خدا دے چہرے دی تلاش، تے اُوہنوں چھیتی تلاش کرن وِچ لُکہیا ہویا اے؛ یعنی، وڈے خلوص تے سنجیدگی دے نال۔ اُو پہلاں خدا نوں تلاش نئیں کردے سن کیوں جے اُو اپنی بے بسی توں واقف نئیں سن۔
اِسی ایس توں سیکھن آں کہ خدا لوکاں نوں اُوہناں دی بدنصیبی تے ناہلی توں آگاہ کردا اے ایس توں پہلاں کہ اُو اُوہناں تے رحم تے محبت ظاہر کرے۔
I۔ ایہہ پہلے زمانے دے لوکاں دے نال پیش آن دا خدا دا معمول دا طریقہ اے اُو اُوہناں نوں اپنی رحمت وکھاندا اے۔
خدا عام طور تے لوکاں نوں وکھاندا اے کہ اُو رحم کرن توں پہلاں کیہنے دُکھی تے گنہگار نے۔ اُوہنے یوسف دے نال، ایس توں پہلاں کہ اُو مصر وِچ اِک اہم آدمی بنایا گیا، ایہو جیہا ای سلوک کیتا۔ یوسف نوں اُوہنے عاجز کرن تے اینج دے عظیم اعزاز دے لئی تیار کرن دے لئی قید خانے پیہجھنا پیہیا۔
یعقوب دی اولاد نوں وڈی مشکلات تے پریشانیاں نال لنگہنا پیہیا۔ اُوہناں نوں اپنے جرم توں آگاہ ہونا پیہیا سی۔ خدا نے اُوہناں نوں عاجز کیتا، تے فیر اُوہناں دے غم نوں خوشی وِچ بدل دِتا جدوں یوسف نے خود نوں اُوہناں تے ظاہر کیتا۔
یعقوب نوں اپنے چھوٹے پُتر، بنیامین دے نال جدائی دے ویلے بہوتی تکلیف وِچ لیہایا گیا سی، ایس توں پہلا کہ اُو ایہہ سُن لیہندا کہ ’’یوسف ہُنے زندہ اے، تے اُو سارے ملک مصر دا گورنر اے۔‘‘
بنی اسرائیل نوں غلامی وِچوں لنگہنا پیہیا سی، جیہڑی بد توں بدتر ہوندی چلی گئی سی، ایس توں پہلاں کہ خدا اوہناں نوں مصر دی غلامی توں نجات دیہندا۔
اینج ای ایہہ وی سی کہ جدوں خدا نے بنی اسرائیل نوں وعدہ شُدہ ملک وِچ لیہایا سی تے اُوہناں نوں پہلاں بیابان وِچ چالی وریاں تیکر خوفناک گلاں دا تجربہ کرنا پیہیا سی۔ خدا اُوہناں نوں بیابان وِچ اُوہناں آزمائشاں تے مشکلات وِچ لیہایا تاکہ اُوہناں نوں عاجز کیتا جا سکے تے اُو اپنے گناہواں نوں ویکھ پان۔
تے ہر عمر دے لوکاں دا تجربہ اِکہو جیہا ہوندا اے۔ لوکاں نوں عاجز کرنا تے اُوہناں دے گناہواں نوں ظاہر کرنا خدا دا معمول اے ایس توں پہلاں کہ اُو اُوہناں تے اپنی رحمت وکھائے۔ گنگہاراں تے خدا دی رحمت دا سب توں شاندار اظہار اُو ہوندا اے جدوں اُو اُوہناں نوں خداوند یسوع مسیح دے کول لیہیاندا اے۔
خدا لوکاں نوں اُوہناں دی گناہ تے بدحالی توں آگاہ کر کے مسیح دی رحمت دے لئی تیار کردا اے۔
1. سب توں پہلا، خدا لوکاں نوں اُوہناں گناہواں دے بارے وِچ سوچنے تے مجبور کردا اے جِںہاں نوں کرن دے اُو مرتکب ہوئے ہوندے نے۔ اُو پہلاں اپنے گناہواں توں پریشان نئیں سن۔ لیکن جدوں خدا اُوہناں نوں قائل کردا اے، تے اُو اُوہناں نوں اپنے بارے وِچ سوچن تے مجبور کردا اے۔ اُو اُوہناں نوں اُوہناں دے گناہواں دی یاد دلاندا اے، تاکہ اُوہناں دے گناہ اُوہناں دی یاد وِچ تازہ ہون۔ اُو اُوہناں دے ضمیراں نوں پریشان کردا اے۔ اُوہناں نوں احساس ہوندا اے کہ اُو بہوتے گناہواں دے مرتکب ہوئے نے۔ خدا اُوہناں نوں اُوہناں دے دِل دے گناہواں توں آگاہ کردا اے، کہ اُو کیہنے دغاباز تے خستہ حال نے۔ تے دو طریقے نے جِنہاں وِچ اینج ہوندا اے۔ اِک ایہہ کہ اُوہناں نوں گناہواں دی یاد دلانا جیہڑے اُوہناں نے کیتے نے۔ جدوں لوکی سزا دے تحت ہوندے نے تے اُوہناں دے گناہ اُوہناں نوں بھوتاں وانگوں ستاندے نے۔ اُوہناں نوں یقین ہو جاندا اے کہ اُوہناں دی فطرت ای خراب تے برباد ہوگئی اے۔
ایک ہور طریقہ، جِنہوں خدا کدی کدی استعمال کردا اے، اُوہناں نوں خوف تے جہنم دے خوف وِچ چھڈ دیہنا اے۔ خدا اُوہناں نوں بیابان وِچ چھڈ دیہندا اے جدوں تیکر کہ اُو جان نہ لین کہ اُوہنا دی فطرتاں خراب نے۔
جبکہ گنہگار بیدار نئیں ہوئے ہوندے تے گناہ تے یقین نئیں رکھدے تے اُو ایس گل تے کوئی توجہ نئیں دیہندے۔ لیکن ایہہ خدا دا طریقہ اے کہ لوکاں نوں اُوہناں دے گناہواں نوں ویکھن توں پہلاں اُو مسیح دے کول رحم دے لئی لیہیائے۔
2. دوجا، خدا گنہگاراں نوں قائل کردا اے کہ اُو اپنے گناہواں دی وجہ توں خوفناک خطرے وِچ نے۔ ایتھے دو گلاں نے جِنہاں دے بارے وچ اُو اپنے خطرے دے بارے وِچ قائل نے۔
(1) خدا اُوہناں نوں آگاہ کردا اے کہ اُو اُوہناں توں سخت ناراض اے۔ جدوں اُوہناں نے خدا دے خطرے تے اُوہدے شدید غضب دے بارے وِچ پہلاں سُنیا تے اُو اُوہدے توں بے نیاز ہو گئے۔ لیکن ہُن ایہہ اُوہناں دے لئی حقیقی ہو گیا اے۔ اُو ویکھدے نے کہ زندہ خدا دے ہتھ وِچ پیہنا اِک خوفناک گل اے۔ اُوہناں نوں جہنم دی ہولناکی دا کُجھ نہ کُجھ نظر آندا اے۔ دوجے گنہگاراں نے جہنم دے بارے چہ سُنیا اے، لیکن قائل تے بیدار گنہگار اکثر جہنم دی حقیقت نوں ’’ویکھدے‘‘ نے۔ ایویں لگے گا جیویں اُو جہنم دے ہولناک شعلیاں نوں ویکھدے ے۔ گویا اُوہناں نے خدا نوں اپنے غضب وِچ اُوہناں تے اپنے غصے نوں نازل کردے ویکھیا۔ گویا اُوہناں نے لعنتیاں دی پکاراں تے چیخاں سُنیا ہون۔
(2) خدا اُوہناں نوں اُوہناں دے گناہواں تے جہنم دی سزا دے وِچکار تعلق توں آگاہ کردا اے۔ تے خوف اُوہناں نوں اپنی لپیٹ وِچ لے لیہندا اے۔ اُو ڈردے نے کہ اُو جہنم وِچ جان گے۔ ’’صیون وِچ گنہگار ڈردے نے۔ خوف نے منافقاں نوں حیران کر دِتا اے۔ ساڈے وِچوں کیہڑا بھسم کرن آلی اَگے دے نال رہوے گا؟ ساڈے وِچوں کیہڑا ابد تیکر بلن آلی اَگے دے ال رہوے گا؟‘‘ (اشعیا 33: 14)۔
اُو لوکی جیہڑے پینتیکوست دے دِن پطرس دی منادی دے ذریعے مسیح وِچ ایمان لیہایا کے تبدیل ہوئے سن سب توں پہلاں اُوہناں دے دِلاں وِچ اُوہناں دے جرم تے خطرے دے احساس چُبھ گئے سن (اعمال 2: 37)۔ تے پولوس، تسلی دین توں پہلاں، کنب گیا، تے حیران ہویا (اعمال 9: 6)۔ اُو تین دِن تے تین راتاں بھوکا پیاسا جاری رہیا جیہدے نال اُوہنوں بوہتی پریشانی ظاہر ہوئی۔ فلپائن دا قیدخانے دا نگران مسیح وِچ ایمان لیہایا کے تبدیل ہون توں پہلاں دہشت وِچ سی۔ مسیح دی دعوت تھکے ہوئے تے بوجھ نال لدے ہوئے لوکاں نوں دِتی گئی اے، جیہڑی اُوہناں دے احساسِ جرم تے خطرے نوں ظاہر کردی اے۔
ایہہ خدا دا طریقہ اے کہ اُو لوکاں نوں اُوہناں دی بدنصیبی تے نااہلی توں آگاہ کرے ایس توں پہلاں کہ اُو اُوہناں تے رحم تے محبت ظاہر کرے۔
ڈاکٹر ہائیمرز دا نوٹ: ایہہ جوناتھن ایڈورڈز دا واعظ دا پہلا اَدھا حصہ اے۔ ایہہ بِلاشُبہ اَج دے ’’فیصلہ سازاں‘‘ دے کناں نوں عجبی لگدا اے، لیکن میں اُوہناں نوں چیلنج کرنا آں کہ اُو کلام پاک دے ذریعہ ایہدے عقائد نوں غلط ثابت کرن۔
اِطلاق
اگرچہ تُسی اِک گمراہ ہوئے گنہگار اُو، تہانوں بِلاشُبہ جہنم دے اپنے خطرے دا کوئی خوفناک احساس نئیں اے۔ فیر وی تُسی جہنم وِچ نئیں جانا چاہندے۔ جدوں تُسی جہنم دے بارے وِث سوچدے اُو تے تُسی محسوس کردے اُو کہ تُسی ایہدے توں کسی طرح بچ جاؤ گے۔ لیکن جے تُسی جہنم وچ جانا نئیں چاہندے اُو تے تہانوں مرن توں پہلاں بہوتے چنگے کام کرنے نے۔ ایہہ عام طور تے اِک بہوتا مشکل کام اے، خاص طور تے اُوہناں لوکاں دے لئی جیہڑے اِک لمبے ویلے توں انجیل دی منادی کرن آلے گرجا گھر وِچ نے، لیکن مسیح وِچ ایمان لیہایا کے تبدیل نئیں ہوئے نے۔ جے تُسی کدی مسیح وِچ ایمان لیہایا کے تبدیل ہو جاندے اُو، تے تہانوں اِک بیداری توں لنگہنا پیہئے گا، تے اپنی بدنصیبی، گناہ تے نااہلی دا قائل ہونا پیہئے گا۔ تہانوں اپنی نظراں وِچ مجرم بننا چائیدا اے۔ فیر، اپنے گناہواں تے نااہلی دے بارے چہ آگاہی حاصل کرن دے لئی شروع ہو جانا چائیدا اے۔ چھیتی کرو تے جیہنی چھیتی ممکن ہووے ایہنوں کرو، ورنہ تُہاڈے لئی بہوتی دیر ہو جائے گی۔
دو طریقیاں وِچوں اِک چہ تہانوں بہوتی دیر ہو سکدی اے۔ اِک تہاڈے تے موت آ سکدی اے، جیویں کہ تہاڈے توں پہلاں لکھاں لوکی مر چکے نے۔ دوجا، جے تُسی فوراً شروع نئیں کردے اُو، تے تہانوں مرن توں پہلاں مسیح وِچ ایمان لیہیان دی تبدیلی دے ذریعے صفائی پیش کرن دا موقع نئیں لبھے گا۔ کُجھ لوکی اپنے مسیح چہ ایمان لیہایا کے تبدیل ہون توں پہلا کافی عرصے تیکر یقین دی بیداری وِچ رہندے نے۔ تے جے تُسی تاخیر کیتی تے خطرہ اے کہ تہاڈے کول ویلہ نئیں بچے گا۔
’’آن آلے کل دے بارے چہ بڑائی نہ کرو کیوں جے تُسی نئیں جانندے کل کی ہو سکدا اے‘‘ (اِمثال 27: 1)۔
جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔
(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‘‘پنجابی وِچ واعظ’’ تے کِلک کرو۔
واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔