ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

مہربانی نال میرے ساتھ کِھلو جاؤ تے لوقا، 9 باب، 23 ویں آیت کھولو۔

’’فیر یسوع نے اُوہناں ساریاں نوں کہیا، جے کوئی میری پیروی کرنا چاہندا اے تے اُو اپنی خود انکاری کرے تے روزانہ اپنی سولی چُکے تے میرے پیچھے ہو لئے۔ کیوں جے جیہڑا کوئی اپنی جان نوں محفوظ رکھنا چاہندا اے اُو اُوہنوں کھوئے گا لیکن جیہڑا کوئی میرے لئی اپنی جان گنوائے گا اُو اُوہنوں محفوظ رکھے گا۔ بندہ جے ساری دُنیا پا لئے مگر اپنا نقصان کر لے یا خود نوں گنوا بیٹھے تے کی فائدہ؟‘‘ (لوقا9: 23۔25)۔

تُسی تشریف رکھ سکدے اُو۔

ڈاکٹر جان آر، رائس Dr. John R., Riceنے اپنی کتاب اِک چنگا مسیحی ہون دی کی قیمت چکانی پیندی اےWhat it Costs to be a Good Christian وِچ ایہناں آیتاں تے تبصرہ کیتا (سورڈ آف دی لارڈ پبلشرز Sword of the Lord Publishers، 1952)۔ ڈاکٹر رائس نے کہیا،

خدا نوں خود تہاڈی اپنی حیاتی دے سارے معاملات نوں مکمل طور نال حوالے کر دین دے مقابلے وِچوں کُج کم درکار نئیں اے۔ ایہہ اُودھوں ای اے جدوں تُسی یسوع دی پیروی کرن دے لئی اپنی سولی چُک لئی اے… کہ تُسی آں دے لئی تے ’’میرے پیچھے چلن‘‘ دے لئی موزوں اُو جیویں کہ یسوع نے لوقا9: 23 وِچ کہیا سی۔ تے یاد رکھو کہ اُوہنے کہیا سی کہ ایہہ ہر روز [روزانہ] کیتا جائے!
     خدا تہاڈے منصوبیاں نوں شاید مکمل طور تے تبدیل کرنا چاہندا اے جیویں کہ اُوہنے مینوں تبدیل کیتا جدوں اُوہنے مینوں کالج دے اُستاد ہون دے بعد خوشخبری دا مبلغ بنن دے لئی بُلایا… خدا تہانوں پیار کرن تے عزت دین، تہاڈے بیلیاں وِچوں اِک کڈیا ہویا ہون دے لئی تے احمق سمجھن دے لئی بلائے گا۔ تہاڈے خاندان وَلوں… کوئی وی حقیقی معنیاں وِچ خداوند یسوع دی پوری طرح نال خدمت نئیں کر سکدا، جدوں تیکر کہ اُو قربان گاہ تے سب کُج رکھ کہ ایہہ نہ کہہ دیوے، ’’میری مرضی نئیں، بلکہ تیری مرضی پوری ہووے،‘‘ جیویں کہ نجات دہندہ نے آپئی کہیا۔ دراصل خدا… مکمل طور تے حوالے کر دین… تقاضا کردا اے۔ اُو اُو سب کُج چاہندا اے جیہڑا تہاڈے کول اے تے جیہڑا کُج تسی کر سکدے اُو (جان آر. رائس، ڈی ڈی John R. Rice, D.D.، اِک چنگا مسیحی ہون دی کی قیمت چکانی پیندی اےWhat it Costs to be a Good Christian، سورڈ آف لارڈ پبلشرز Sword of the Lord Publishers، 1952، صفحہ 29)۔

خدا اُو سب چاہندا اے جیہڑا تہاڈے کول اے تے جو کُج تُسی اُو! میں ڈاکٹر جان آر رائس نال متفق آں۔

اِک ہفتہ پہلاں ساڈی عبادت وِچ، اَسی اِک نہایت اعلیٰ معیاری مشنری فلم ویکھی، ’’تھرو گیٹس آف اسپلنڈر Through Gates of Splendor۔‘‘ اَسی ویکھیا کہ کینج جم ایلیٹJim Elliot اِک مشنری دے طور تے ایکواڈورEcuador وِچ انڈیئینز دے اِک ناقابلِ پہنچ آلے قبیلے وِچ گئے۔ اَسی ویکھیا کہ اُو کینج 28 وریاں دی عمر وِچ مسیح دے لئی شہید ہوئے، تہاڈے وِچوں بُہتیرے لوکاں دی عمر توں بوہتی عمر نئیں سی۔ قتل کرن توں پہلاں اُوہناں نے اپنی ڈائری وِچ جو کُج لکھیا سی اَسی اُوہنوں پڑھنے آں، ’’اُو کوئی احمق نئیں ہوندا جیہڑا اُو [شے] اپنے کوئی نئیں رکھ سکدا اُوہنوں دے دیندا اے، اُو حاصل کرن دے لئی جِنہوں اُو کھو نئیں سکدا۔‘‘ میرے خدا، ایہہ گل کینج ساڈے متن دی بازگشت کردی اے۔

’’فیر یسوع نے اُوہناں ساریاں نوں کہیا، جے کوئی میری پیروی کرنا چاہندا اے تے اُو اپنی خود انکاری کرے تے روزانہ اپنی سولی چُکے تے میرے پیچھے ہو لئے۔ کیوں جے جیہڑا کوئی اپنی جان نوں محفوظ رکھنا چاہندا اے اُو اُوہنوں کھوئے گا لیکن جیہڑا کوئی میرے لئی اپنی جان گنوائے گا اُو اُوہنوں محفوظ رکھے گا‘‘ (لوقا9: 23۔24)۔

جم ایلیٹ جدوں اُو ہُنے کالج دا طلب علم سی تے اُوہنے مشن دے میدان وِچ جان توں پہلاں ای اپنی ساری حیاتی خدا دی مرضی دے سپرد کر دِتی سی۔ ڈاکٹر رائس دی گلاں توں اُو پہلاں ای مکمل طور تے متفق سن،

خُدا نوں خود تہاڈی اپنی حیاتی دے سارے معاملات نوں مکمل طور نال حوالے کر دین دے مقابلے وِچ کُج گھٹ درکار نئیں اے… تہاڈے کول جو کُج اے تے جو کُج تُسی اُو، اُو اُوہی چاہندا اے۔

جم ایلیٹ نے شاید اُوہی واعظ سُنیا جیس دا میں ہُنے حوالہ دِتا سی، جدوں ڈاکٹر رائس نے کرسچن کالج وِچ کئی وری تبلیغ کیتی سی تے جم ایلیٹ نے شرکت کیتی سی۔

ڈاکٹر رائس کولوں ایس وگرے بوہتے سارے واعظ سُنن دے بعد، کالج دے ایس نوجوان طالب علم جم ایلیٹ نے اپنی ساری حیاتی تے جان یسوع مسیح دے حوالے کر دِتی۔ اُو ایکواڈور وِچ مشن دے میدان وِچ شہید ہو گئے ایس توں پہلاں کہ اُو ایہناں اینڈیئینز نوں گواہی پیش کر سکدے۔ کی جم ایلیٹ نوں ناکامی ہوئی سی؟ ایہناں دی ووہٹی الزبتھ نے کہیا کہ اُو ناکامی نئیں بلکہ کامیابی اے، کیوں جے ’’کامیابی خدا دی مرضی پوری کرنا اے۔‘‘ جم ایلیٹ کامیاب ہویا کیوں جے اُو خدا دی مرضی نوں پورا کردے ہوئے مر گیا!

تُسی ایس مبلغ، ریورنڈ ہائیک ہوسیپین Rev. Haik Hovsepianنوں ویکھیا۔ لیکن خوفناک ظلم و ستم دے ویلے دے دوران، اُوہنوں اُوہناں دے گرجا گھر توں لے جایا گیا تے مسیح وِچ اُوہناں دے ایمان دی وجہ توں بے دردی نال قتل کر دِتا گیا۔ کی اُو ناکام ہوئے سن؟ نئیں! کسی لحاظ نال وی نئیں۔ برادر ہائیک اِک مسیحی دی حیثیت توں بہوتی وڈی کامیابی سن – کیوں جے اُوہناں دے کول اُوہی عزم سی جیہڑا جم ایلیٹ دے کول سی، تے مینوں یقین اے کہ اُو جم ایلیٹ دے مشہور نعرے توں واقف سن، تے خود ایہدے تے یقین رکھدے سن، ’’اُو کوئی احمق نئیں ہوندا جیہڑٓ اُو [شے] اپنے کول نئیں رکھ سکدا اُوہنوں دے دیندا اے، اُو حاصل کرن دے لئی جِنہوں اُو کھو نئیں سکدا۔‘‘ جم ایلیٹ تے اُوس مبلغ نے اُو کُج دے دِتا جیہڑا اُو خود نئیں رکھ سکدے سی (اپنی انتہائی حیاتیاں) اُو حاصل کرن دے لئی جیہڑا اُو کھو نئیں سکدے سن (خدا دی ابدی بادشاہی وِچ حیاتی دا تاج)۔

جانJohn تے بیٹی اسٹامBetty Stam چین تے کیمونسٹ قبضے توں کُج دیر پہلاں مشنریوں دی حیثیت نال امریکہ توں چین گئے سن۔ اُو تے اُوہناں دی ووہٹی تے بیٹی اُوہناں لوکاں وِچ جِنہاں نے کدی مسیح دے بارے وِچ نئیں سُنیا سی، خوشخبری سُنان دے لئی چین دے اندرونی حصے وِچ گئے۔ چھیتی ای کیمونسٹ ڈٓاکو آئے تے ایس قصبے تے حملہ کر دِتا جیتھے جان اسٹام تبلیغ کر رئے سن۔ اُو ڈاکو جان تے بیٹی اسٹام نوں لے گئے تے ایہناں دے سر کاٹ دِتے۔ صرف ایہناں دا بچہ بچ گیا تے ایہنوں رشتہ داراں دے نال رہن دے لئی واپس امریکہ پیج دِتا گیا۔

بوہتی سارے لوکاں دا خیال سی کہ ایہہ اِک المیہ اے کہ ایہناں نوجواناں نوں انجیل دی تبلیغ لئی بے دردی نال قتل کیتا گیا۔ کُج لوکاں دا خیال سی کہ اُو چین نہ جاندے جے اُوہناں نوں معلوم ہوندا کہ ایہدے توں ایہناں دی جان چلی جائے گی، تے اپنی چھوٹی بچی نوں امریکہ وچ خاندان دے افراد دے ذریعہ پرورش لئی چھڈ دین گے۔

لیکن اِک بندے نے جیہنوں ڈاکٹر رائس جانندے سن اُوہنوں کُج وکھایا جیہنوں بیٹی اسٹام نے کالج وچ لکھیا سی۔ ایہہ اِک پُرخلوص قسم سی جیہڑی اُوہنے تے اُوہدے شوہر نے چین دے ساحل تے پہنچن توں پہلاں لکھی سی۔ بیٹی اسٹام نے اپنی ڈائری وچ لکھیا،

خُداوند، میں خود اپنے مقاصد تے منصوبے، تے اپنی ساری خواہشات تے امیداں تے عزائم نوں ترک کرنا آں… تے اپنی حیاتی لئی تیری مرضی نوں قبول کرنا واں۔ میں اپنے آپ نوں، اپنی حیاتی نوں، [تے] اپنا سب کُج تیرے حوالے کرنا واں…

تے فیر اُوہنے اپنی ڈائری وچ ایس اندراج وچ پولوس رسول دا حوالہ دِتا،

’’کیوں جے حیاتی تے میرے لئی مسیح تے موت نفع‘‘ (فلپیوں1: 21)۔

ایہدے شوہر جان نے وی اپنی حیاتی مسیح دے حوالے کر دِتی سی، جیویں کہ اُوہنے کہیا، ’’چاہے حیاتی توں یا موت توں۔‘‘ خُدا نے اُوہناں نوں مسیح دی خوشخبری لئی مرن دا اعزاز بخشیا۔ کیہناں وڈا اعزاز اے! خدا دی بادشاہی وچ ایہناں دا کیہناں وڈا اجر اے! جدوں ڈاکٹر رائس نے جان تے بیٹی اسٹام دے بارے وچ لکھیا، تے اُوہناں نے کہیا، ’’میں نئیں جانندا کہ تہاڈے لئی خُدا دی مرضی کی اے۔ لیکن میں جاننا واں کہ اَج تہانوں اپنی حیاتی، اپنا خاندان، اپنا کیریئر، اپنا وقت [تے] اپنا پیسہ – جیہڑا کُج تُسی اُو تے ہو سکدے اُو – یسوع مسیح لئی قربان گاہ تے قربان کرنا چائیدا اے۔‘‘ (جان آر رائس، ibid.، صفحہ 34-35)۔ کیوں جے جیویں کہ جم ایلیٹ نے کہیا، ’’اُو کوئی احمق نئیں ہوندا جیہڑا اُو [شے] اپنے کول نئیں رکھ سکدا اُوہنوں دے دیندا اے، اُو حاصل کرن لئی جیہنوں اُو کھو نئیں سکدا۔‘‘ [خدا دی ابدی بادشاہی وچ]۔

تے میں جاننا واں کہ گزشتہ اتوار نوں فلم وچ جیس پادری نوں اسی ویکھیا سی، ریورنڈ ہائیک ہوسیپین Rev. Haik Hovsepian ، جیہنوں انجیل دی تبلیغ کرن لئی انتہا پسنداں دے ہتھوں قتل کر دِتا گیا سی، نے جم ایلیٹ نال مکمل اتفاق کیتا ہووے گا – تے جان تے بیٹی اسٹام نال، جیہڑے ڈاکوؤاں دے ہتھوں مارے گئے سی، چین وچ مسیح لئی شہید ہوئے۔ ’’اُو کوئی احمق نئیں ہوندا جیہڑا اُو [شے] اپنے کول نئیں رکھ سکدا اُوہنوں دے دیندا اے، اُو حاصل کرن لئی جیہنوں اُو کھو نئیں سکدا۔‘‘

نوجوان مرداں تے عورتاں دے لفظ تے خیال جیہڑے تہاڈے وچوں زیادہ تر [لوکاں] توں زیادہ وڈھیرے نئیں نے۔ کی تُسی اُوہناں دی مثال دی پیروی کرو گے تے اپنی حیاتی نوں مکمل طور تے یسوع مسیح دے حوالے کر دیو گے، جیہڑا کُج وی خدا تہاڈے توں کرانا تے بنانا چاہندا اے اُوہدے لئی تیار اُو؟ کی تُسی تیار اُو؟

اَج چین وچ اِک زبردست بحالی ہو رئی اے۔ ہزاروں لوکی مسیح دے کول آ رئے نے۔ لیکن اُو عظیم حیات نو صرف رابرٹ موریسن Robert Morrison(1782-1834) وگرے پہلے مشنریاں دی زبردست قربانی دی وجہ نال آیا جیہڑے 1807 وچ سکاٹ لینڈ توں چین گئے، تے پوری بائبل دا چینی زبان وچ ترجمہ کیتا۔ ایہنے 27 ورے تیکر چین وچ اپنا کَم جاری رکھیا، 1834 وچ اپنی موت تیکر، چینیاں وچ مستقبل دی بہتیری مشنری کوششاں دی بنیاد رکھی۔

جیمز ہڈسن ٹیلر (1832-1905) دی پرورش انگلینڈ وچ اِک گہرے مذہبی میتھوڈسٹ خاندان وچ ہوئی۔ پنج ورے دی عمر وچ اُوہناں نے کہیا کہ اُو کسی دِن چین وچ مشنری بننا پسند کرن گے، لیکن اُو سترہ ورے دی عمر تیکر تبدیل نئیں ہوئے سی۔ اوس ویلے اُوہناں نے اپنی حیاتی مسیح تے اُوہدی خدمت دے حوالے کر دِتی۔ اُوہناں نے میڈیکل اسکول وچ تعلیم حاصل کیتی تے چینی زبان سِکھی۔ اُو 1853 وچ بحری جہاز دے ذریعے چین گئے، اُوہناں نے چینی لباس اپنایا تے اندرونی چین مشن China Inland Mission دی بنیاد رکھی۔ اُوہناں دی ووہٹی اپنے پنجویں پُتر دے نال ہیضے دی وبا وچ مر گئی۔ لیکن ہڈسن ٹیلر اَگے ودھے تے مسیح لئی اُوہناں دا پیش قدمی دا کَم پورے چین دے اندر پھیل گیا، اُو تے اُوہناں دے ساتھی اودھر اودھر جا رئے نے جیتھے کدی کوئی مغربی نئیں گیا سی – مسیح دی انجیل دے نال۔ انیسویں صدی دے آخر تیکر چین وچ اَدھے پروٹسٹنٹ مشنری چائنا ان لینڈ مشن نال آئے۔ جیمز ہڈسن ٹیلر دا انتقال 1905 وچ چانگشا Changshaوچ ہویا۔

مندرجہ ذیل سوانحی خاکے بیجنگ وچ یسوع: مسیحیت کیویں چین دی ماہیّت بدل رئی اے تے قوت دے عالمگیری توازن نوں تبدیل کر رئی اے Jesus in Beijing: How Christianity is Transforming China and Changing the Global Balance of Power توں اخذ کیتے گئے نے، تحریر ڈیوڈ ایکمین David Aikman، ریجنری پبلیکیشنز، انکارپوریشن Regnery Publishing, Inc.، 2003، صفحات 47۔67 .

وینگ مینگڈاؤ Wang Mingdao (1900۔1991) بیسویں صدی دے سب توں نمایاں چینی مسیحیاں وچوں اِک بن گئے۔ 1949 وچ کمیونسٹاں دے اقتدار سنبھالن دے بعد مغربی مشنریاں نوں چین توں کڈ دِتا گیا۔ کمیونسٹ دے زیر انتظام ’’تھری سیلف Three Self‘‘ گرجا گھر وچ شامل ہون توں انکار دی وجہ توں، اُوہناں نوں 22 ورے تیکر لیبر کیمپ وچ قید رکھیا گیا۔ ایس حراستی کیمپ وچ مصائب دے وچکار اُوہناں دی ہمت نے چین وچ دوجے مسیحی رہنماؤاں نوں متاثر کیتا۔ جیمز ہڈسن ٹیلر III، ہڈسن ٹیلر دے پوتے نے وانگ منگ ڈاؤ دے بارے وچ کہیا، ’’بیسویں صدی وچ کسی وی مسیحی رہنما نے یسوع مسیح دی انجیل دی طاقت نوں زیادہ واضح طور تے بیان نئیں کیتا، یا ایہدے توں زیادہ پُرجوش تجربہ نئیں کیتا جیہنوں پولوس رسول نے مسیح دے دُکھاں وچ ونڈن دی رفاقت‘ دے طور تے بیان کیتا اے۔‘‘

ایلن یوآن Allen Yuan نے کمیونسٹ حمایت یافتہ گرجا گھر وچ شامل ہون توں انکار کرن تے انجیل دے مکمل پیغام دی تبلیغ جاری رکھن تے، جیہنوں کمیونسٹ حکومت نے منع کیتا سی، جیل دے کیمپ وچ بائیس ورے مشقت وچ وی لنگھائے۔ جیل توں رہائی دے بعد، ایلن یوآن نے انجیل دی تبلیغ جاری رکھی، ہر ورے بیجنگ وچ سیکڑوں مذہب تبدیل کرن آلیاں نوں، اکانوے ورے دی عمر وچ، 2005 وچ اپنی موت تیکر، بپتسمہ دیندے رئے۔

سیموئیل لیمب Samuel Lamb دی کہانی وانگ منگ ڈاؤ تے ایلن یوآن توں بوہتی ملدی جُلدی اے۔ اُوہناں نوں 1958 وچ گرفتار کیتا گیا تے وی ورے قید دی سزا دا آغاز کیتا۔ کمیونسٹاں نے ایہناں تے منحرف انقلابی ہون دا الزام لگایا، جزوی طور تے ایس لئی کہ اُو وانگ منگ ڈاؤ نال ملے سن۔ سیموئیل لیمب نوں پورے چین وچ کمیونسٹ کنٹرول دے خلاف مزاحمت، انجیل دی اُوہناں دی شعلہ انگیز تبلیغ، تے لیبر کیمپ وچ برسوں دیاں آزمائشاں تے اپنے خاندان دے متعدد افراد دے نقصان دے باوجود اپنی خوشی تے سکون لئی جانے جاندے نے۔ اُو چینی مسیحیاں دے اِک سرپرست نے، جیہڑے عظیم مصائب توں بچ گئے، لیکن کھوئے ہوئے لوکاں نوں خوشخبری سنان لئی ایس بھرپور توانائی توں باہر آئے۔

موسٰی زی Moses Xie (جیہدا تلفظ ’شے Shay‘ اے) 1918 وچ پیدا ہوئے سن۔ اُوہناں نے چوبیس ورے جیل وچ لنگھائے۔ کئی طریقیاں نال، اُوہناں نے وانگ منگ ڈاؤ، ایلن یوآن یا سیموئیل لیمب توں وی زیادہ تکالیف دا سامنا کیتا۔ 1956 وچ اُوہناں دی پہلی گرفتاری دے بعد، اُوہناں دیاں کلائیاں وچ 133 دِناں تیکر مسلسل ہتھکڑیاں لگائیاں گئیاں۔ ہتھکڑیاں ایہنیاں سخت سن کہ اُو اُوہناں دی جلد نوں کَٹ کے براہ راست ہڈی وچ کھُب گئیاں۔ محافظاں نے اُوہناں دے بال کھِچے، اُوہناں نوں اپنے جُوتیاں نال لتّاں ماریاں، تے دِن بہ دِن کوششاں کیتیاں کہ اُو مسیح وچ اپنا ایمان تُرک کرن تے مجبور ہو جائے۔ اذیت دے دوران اُوہناں نے تقریباً ہمت ہار دِتی سی، لیکن فیر اِک رات اُوہناں نے مسیح نوں تِن وری ایہہ کہندے ہوئے سُنیا، ’’میرا فضل تیرے لئی کافی اے‘‘ (2 کرنتھیوں12: 9)۔ اُوہدے بعد، موسٰی زی نے کہیا، ’’خدا دا فضل واقعی زبردست سی۔ اُوہدے بعد جدوں مینوں مارا پیٹا گیا تے مینوں درد محسوس نئیں ہویا۔ اُوہناں دی سزا وچ مزید دو ورے دی توسیع کیتی گئی سی کیوں جے کسی نے اُوہناں نوں دوجے قیدی نوں انجیل دی وضاحت کردے ہوئے سُنیا سی۔ اُوہناں نے چوبیس ورے قید وچ لنگھائے، مسیح لئی اذٰیتاں برداشت کیتیاں۔

ایہہ وانگ منگ ڈاؤ، ایلن یوآن، سیموئیل لیمب، تے موسٰی زی وگرے لوکی نے جنہاں نے چین وچ مسیحیت نوں متاثر کیتا، تے ایس عظیم حیات نو دی راہ ہموار کیتی جیہڑی ہُن دُنیا دے ایس حصے وچ رونما ہو رئی اے۔ ایہہ اُو لوکی نے جنہاں نے ساڈی تلاوت وچ یسوع دی کہی ہوئی گل نوں سنجیدگی نال لہیا،

’’فیر یسوع نے اُوہناں ساریاں نوں کہیا، جے کوئی میری پیروی کرنا چاہندا اے تے اُو اپنی خود انکاری کرے تے روزانہ اپنی سولی چُکے تے میرے پیچھے ہو لئے۔ کیوں جے جیہڑا کوئی اپنی جان نوں محفوظ رکھنا چاہندا اے اُو اُوہنوں کھوئے گا لیکن جیہڑا کوئی میرے لئی اپنی جان گنوائے گا اُو اُوہنوں محفوظ رکھے گا۔ بندہ جے ساری دُنیا پا لئے مگر اپنا نقصان کر لے یا خود نوں گنوا بیٹھے تے کی فائدہ؟‘‘ (لوقا9: 23۔25)۔

ایہہ اُو لوکی نے جنہاں نے ڈاکٹر جان آر رائس دے ایس خیال نوں سنجیدگی نال لہیا جیہدا اظہار کیتا گیا، ’’خُدا نوں خود تہاڈی اپنی حیاتی دے سارے معاملات نوں مکمل طور نال حوالے کر دین دے مقابلے وچ کُج کم درکار نئیں اے… تہاڈے کول جیہڑا کُج اے تے جو کُج تُسی اُو، اُو اُو چاہندا اے۔‘‘ ایہہ اُو لوکی نے جنہاں نے جم ایلیٹ دی گل نوں پوری طرح اتفاق کیتا، ’’اُو کوئی احمق نئیں ہوندا جیہڑا اُو [شے] اپنے کول نئیں رکھ سکدا اُوہناں دے دیندا اے، اُو حاصل کرن لئی جیہنوں اُو کھو نئیں سکدا۔‘‘ تے یاد رکھو کہ اُوہناں لوکاں نے اپنے آپ نوں مکمل طور تے مسیح لئی وقف کر دِتا سی جدوں اُو جوان سن، ایہدے توں بہت پہلاں کہ مسیح نے اُوہناں نوں اُوہناں حراستی کیمپاں وچ تکلیف چُکن لئی سدیا سی۔

میں اَج صبح تہانوں اپنی حیاتی یسوع مسیح دے حوالے کرن لئی سد رہیا واں، ہُن جدوں تُسی جوان اُو، جیویں کہ اُوہناں بہادر مرداں نے کیتا، جدوں اُو جوان سن، بوہتی پہلاں مسیح لئی اذیت نال دوچار ہوئے۔ ایہدے وچ کرسمس اتوار تے نئے سال دا گرجا گھر وچ ہونا شامل اے۔ ایہدے وچ تہاڈے مقامی گرجا گھر وچ ہر ہفتے اپنے [دہہ یکی] دسواں حصہ نوں خُداوند دے حوالے کرنا شامل اے۔ ایہدے وچ مسیح لئی بشراں نوں جِتن لئی ہر ہفتے انجیلی بشارت تے جان لئی اپنے ویلے نوں پیش کرنا شامل اے۔ کیوں جے، جیویں کہ جم ایلیٹ نے کہیا سی، ’’اُو کوئی احمق نئیں ہوندا جیہڑا اُو [شے] اپنے کول نئیں رکھ سکدا اُوہنوں دے دیندا اے، اُو حاصل کرن لئی جیہنوں اُو کھو نئیں سکدا۔‘‘

آقا نوں اپنا بہترین پیش کرو؛
   اپنی جوانی دی قوت نوں پیش کر دوو۔
نجات دے مکمل بکتر وچ ملبوس،
   حق دی جنگ وچ شامل ہوو۔
(’’آقا نوں اپنا بہترین پیش کروGive of Your Best to the Master‘‘ شاعر ہاورڈ بی گروس Howard B. Grose، 1851۔1939)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔