ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

مُلحد دی مختصر حوالیاں دی کتاب The Atheist's Handbook پہلی وری 1961 وِچ ماسکو دی اکیڈمی آف سائنس نے شائع کیتی سی۔ ایس کمیونسٹ کتاب دا بنیادی مقصد ایہہ ظاہر کرنا اے کہ کوئی خدا نہئیں اے۔ مُلحد دی مختصر حوالیاں دی کتاب کہندی اے، ’’متعدد بائبل دی پیشن گوئیاں صرف پیشن گوئی شُدہ واقعات دے ہون دے بعد کیتی گئی نے۔‘‘ عجیب گل اے، بالکل اُوہی اے جیہڑا میہنوں 1970 وِچ پڑھایا گیا سی۔ سانوں سکھایا گیا کہ بائبل وِچ پیشن گوئیاں واقعات دے وقوع پزیر ہون دے بعد شامل کیتی گئیاں۔ لیکن اَج دی راتی اَسی دو ناقابلِ یقین پیشن گوئیاں ویکھن جا رئے آں جیہڑیاں یسوع نے ممکنہ طور تے ہون توں پہلاں کیتیاں سن۔

I۔ پہلی گل، یہودیاں دا بکھرنا تے واپس لوٹنا، لوقا 21: 20۔24 .

مہربانی نال اپنی بائبل لوقا21: 20۔24 آیات دے لئی کھولو۔ آؤ خداوند دے کلام دی تلاوت دے لئی کھڑے ہو جائیے۔

’’تے جدوں یروشلیم نوں فوجاں دی محاصرے وِچ ویکھو تے سمجھ لیہنا اُوہدی ویرانی دے دِن نیڑے آ گئے نے۔ اُوس ویلے جیہڑے یہودیہ وِچ ہون اُو پہاڑ تے نٹھ جان گے تے جیہڑے یروشلیم دے اندر ہون باہر نکل جان تے جیہڑے دیہات وِچ ہون اُو شہر چہ داخل نہ ہون۔ کیوں جے ایہہ انتقام دے دِن ہون گے جِنہاں وِچ اُو سب کُج جیہڑا پہلاں توں لکھیا جا چکیا اے پورا ہووے گا۔ اُوہناں عورتاں تے افسوس جیہڑیاں اُوہناں دِناں وِچ حاملہ ہون تے جیہڑیاں بچیاں نوں دودھ پلاندیاں ہون کیوں جے زمین تے وڈی مصیبت نازل ہووے گی تے ایس قوم تے وڈا غضب نازل ہووے گا۔ تے اُو تلوار دا لقمہ ہو جان گے تے اسیر ہو کے ساریاں قوماں وِچ پہنچائے جان گے تے غیر قوماں دی معیاد دے پورے ہون تیکر یروشلیم غیرقوماں نال پامال ہوندا رئے گا‘‘(لوقا21: 20۔24)۔

تُسی تشریف رکھ سکدے اُو۔

ہُن میں چاہنا واں کہ کلام مقدس دے ایس حوالے وِچوں تُسی تین گلاں تے توجہ دیو۔ پہلی، مسیح نے اُوس گل دی پیشن گوئی کیتی سی جیہڑی مستقبل وِچ فوری رونما ہووے گی۔ اُوہنے کہیا،

’’تُسی یروشلیم نوں فوجاں دی محاصرے وِچ ویکھو گے‘‘ (لوقا21: 20-)۔

ایہہ مستقبل قریب وِچ ہویا۔ مسیح نے اُوس پیشن گوئی دے تقریباً چالیس وریاں بعد رومی جنرل ویسپاسئین Vespasian نے اپنی فوج دے نال یروشلیم نوں گھیر لہیا۔ لیکن اُوہنوں شہنشاہ بنن دے لئی روم واپس بُلایا گیا جدوں نیرو 68 عیسوی وِچ مر گای۔ 70 ویں عیسوی وِچ ویسپاسیئن دا پُتر ٹائٹس دو وریاں بعد واپس آیا تے یروشلیم دا تختہ اُلٹ دِتا۔ ویسپاسیئن دے محاصرے تے ٹائٹس دے محاصرے دے وِچکار دے دو وریاں وِچ جیہڑے مسیح دی وارننگ تے یقین رکھدے سن [اُو لوکی] یروشلیم توں نٹھ کے بیابانی شہر پیلاPella ٹر گئے، جِیتھے اُو محفوظ رئے تے رومیاں دے ہتھوں جِلاوطن ہون توں بچ گئے۔ لیکن بقیہ شہر نوں 70 عیسوی وِچ ٹائٹس نے اپنے قبضے وِچ لے لیہیا سی ’’تاریخ دان جوزیفس دے مطابق، رومیاں نے 100,000 توں بوہتے یہودیاں نوں مصر وِچ لے جا کے اُوہناں نوں دُنیا دے تاجراں نوں غلام بنا کے ویچ دِتا‘‘ (ٹم لاہایے دی بائبل دی پیشن گوئی دا مطالعہThe Tim LaHaye Prophecy Study Bible, اے ایم جی پبلشرز، 2000، لوقا21: 24 تے غور طلب گل)۔

ہُن، لوقا21: 24 وِچ غور کرن آلی دوجی گل ایہہ کہندی اے،

’’تے اُو تلوار دا لقمہ ہو جان گے تے اسیر ہو کے ساریاں قوماں وِچ پہنچائے جان گے…‘‘ (لوقا21: 24)۔

ڈاکٹر جے ورنن میگی Dr. J. Vernon McGee نے کہیا،

یہودی تِتر بِتر ہو گئے سن۔ ٹائٹس نے اُوہناں نوں غلامی وِچ سُٹ دِتا سی۔ اُوہناں نے روم وِچ عظیم کلوزیم نوں تعمیر کیتا سی (جے ورنن میگی، ٹی ایچ۔ ڈی۔، بائبل وِچوں Thru the Bible، تھامس نیلسن پبلشرز، 1983، جلد IV، صفحہ 342)۔

ایس پیشنگوئی وِچ ایہہ دوجی گل اے جیس تے توجہ دِتی جائے، ’’اُو اَسیر ہو کے ساریاں قوماں وِچ پہنچائے جان گے…‘‘ (لوقا21: 24)۔ ایہہ لفظی طور تے 70 ویں عیسوی وِچ ہویا سی کہ یہودی دُنیا دی ساریاں قوماں وِچ بکھر گئے۔ ڈاکٹر کیگن دے دادا یوکرین توں آئے سن۔ میلیسا سینڈرز دے آباؤ اِجداد روس توں آئے سن۔ ساڈے بیلی ڈاکٹر ڈیوڈ سٹرن دے آباؤ اِجداد جرمنی توں آئے سن۔ یہودی افریقہ، عرب ممالک تے ایتھوں تیکر کہ چین، چاپان تے مشرق بعید دے مختلف ممالک وِچ وی بکھر گئے۔ اَج زمین تے تقریباً ہر قوم وِچ یہودی لوکی رہندے نے۔

لیکن مسیح دی پیشنگوئی دا تیجا حصہ وی اے۔ ایہہ آیت 24 ویں دے اَخیر وِچ اے،

’’…غیر قوماں دی معیاد دے پورا ہون تیکر…‘‘ (لوقا21: 24)۔

مصرین عام طور تے الفاظ ’’غیر قوماں دے زمانے‘‘ تے توجہ مرکوز کردے نے، لیکن اُو اکثر ایس پیشنگوئی دے بوہتے اہم پہلو نوں نظرانداز کردے نے، جیہڑا واقعی ناقابلِ یقین اے – کہ یہودی مستقبل بعید وِچ یروشلیم واپس آن گے، ’’غیر قوماں دی معیاد دے پورا ہون‘‘ دے بعد (لوقا21: 24)۔ ایس پیشنگوئی وِچ مسیح نے ایہہ واضح کیتا کہ یہودی لوکی ’’ساری قوماں‘‘ وِچ بکھر جان گے جدوں تیکر کہ واپس نہئیں آن گے۔ تے بالکل اینج ای ہویا۔

14 مئی 1948 نوں اقوامِ متحدہ دے تقسیم دے منصوبے دے مطابق ٹیلاویوTel Aviv شہر وِچ اسرائیل دی قوم دا اعلان کیتا گیا۔

اسرائیل دی نئی ریاست دے قیام ے بعد [1948وِچ]، تارکینِ وطن دی تعداد ہر ہفتے کئی ہزار دی شرح توں ودھ گئی۔ حکومت نے ایہناں ساریاں یہودیاں دی امیگریشن دی اجازت دین دے اپنے عزم دا اعادہ کیتا جیہڑے اسرائیل آنا چاہندے نے (دی امریکن پیپلز انسائیکلوپیڈیا، دی اسپینسر پریس، 1954، جلد 11، صفحہ 409)۔

پادری رچرڈ ورمبرینڈ، جیہڑے آپئے یہودی سن تے یسوع وِچ ایمان رکھدے سن، اُوہناں نے لکھیا،

یہودی ایس لحاظ نال منفرد نے کہ اُو پوری دُنیا وِچ وکھرے ہوئے ہوندے ہوئے وی الگ رئے نے۔ جیتھے کِدرے وی یہودی پایا جاندا اے اُو یہودی اے… یہودی یہودی ای رہندے نے، حالانکہ اُوہناں دے کول کوئی توجہ مرکوز کرن آلی طاقت نہئیں اے تے نہ ای کوئی عالمی حکومت اے۔ اُو واحد لوکی نے جیہڑے منفرد مصائب دے ذریعے تباہ نہئیں ہو سکدے۔ مصری فرعوناں نے، اشوری بادشاہواں، رومی شہنشاہواں، صلیبی جنگاں لڑن آلیاں نے، تفتیش کاراں تےنازیاں نے ایہناں دے خلاف ترک وِطن، جلاوطنی، اسیری، سرکاری ضبطگی، تشدد، تے لکھاں دا قتلِ عام استعمال کیتا اے – لیکن یہودی باقی نے۔ خدا نے وعدہ کیتا کہ اُو اسرائیل دے کڈے جان آلیاں نوں جمع کرے گا تے زمین دے چاروں کونیاں توں یہوداہ دے منتشر لوکاں نوں جمع کرے گا (رچرڈ ورمبرینڈ، ٹی ایچ۔ ڈی۔، مُلحد دی مختصر حوالیاں دی کتاب دا جوابThe Answer to the Atheist's handbook، لِیونگ سیکریفائز بُک کمپنیLiving Sacrifice Book Company، 2002 ایڈیشن، صفحہ 137-138)۔

تے بالکل اینج ای ہویا اے! کوئی ایہدا اندازہ نہئیں لگا سکدا سی۔ کسی نوں ایہہ توقع نہئیں سی کہ رومی سلطنت زوال پزیر ہو جائے گی، مگر یہودی واپس آ جان گے! کسی نوں ایہہ توقع نہئیں ہووے گی کہ کیتھولک انکوزیشن دے اذیت دین آلیاں دا عروج ہووے گا تے زوال پزیر ہو جان گے، مگر یہودی واپس آ جان گے! کسی نے سوچیا وی نہئیں ہووے گا کہ ہٹلر یورپ نوں فتح کر کے منظر توں غائب ہو جائے گا، مگر یہودی واپس لوٹ آن گے! یقیناً، کسی نے اندازہ نہئیں لگایا ہووے گا کہ کمیونزم اِک تہائی دُنیا نوں فتح کر لئے گی تے فیر ’’بناوٹی شیر‘‘ ونگوں زوال پزیر ہو کے وکھرنا شروع کر دے گی، مگر یہودی واپس لوٹ آن گے!

’’ تے اُو تلوار دا لقمہ ہو جان گے تے اسیر ہو کے ساریاں قوماں وِچ پہنچائے جان گے تے غیر قوماں دی معیاد دے پورے ہون تیکر یروشلیم غیرقوماں نال پامال ہوندا رئے گا‘‘(لوقا21: 24)۔

اُو پیشن گوئی بائبل وِچ ’’پیش گوئی شُدہ واقعات دے ہون دے بعد‘‘ شامل نہئیں کیتی جا سکدی سی جیویں کہ مُلحد دی مختصر حوالیاں دی کتابThe Atheist's Handbook تے لبرل تھیولوجیکل پروفیسرز نے کہیا۔ اسرائیل وِچ یہودیاں دی واپسی 1948 تیکر شروع نہئیں ہوئی سی، مسیح دی پیشنگوئی دے تقریباً 1,900 سال بعد تیکر!

II۔ دوجی گل، اِرتداد تے حیاتِ نو دا اِک ای ویلے وِچ وقوع پزیر ہونا، متی 24: 3، 11 – 12، 14 .

مہربانی نال 24: 3 آیت دے لئی بائبل نوں کھولو۔ مسیح اپنے شاگرداں دے نال کوہ زیتون وَل گیا۔ اُو اُوہدے نال تنہائی وِچ سن جدوں اُوہناں نے پُچھیا،

’’تیری آمد تے دُنیا دے اَخیر ہون دا نشان کی اے؟‘‘ (متی24: 3)۔

اُوہنے اُوہناں نوں اِک نشانی دین دے بجائے، جیہڑا اُوہناں نے منگیا سی، اُوہنے اُوہناں نوں بہوتی ساری نشانیاں دِتیاں۔ لیکن میں چاہنا آں کہ تُسی ایہناں وِچوں دو پیشنگوئیاں تے توجہ دیو جیہڑیاں موجودہ ویلے تیکر ممکن نہئیں ہو سکدیاں سن، اُو پیشنگوئیاں جیہڑیاں اِک دوجے توں متصادم معلوم ہوندیاں نے، جیہڑیا بظاہر اِک تضاد اے جیس دی بوہتے پرانے مصنفین موافقت نہئیں کر سکے۔

سب توں پہلاں، مسیح نے کہیا کہ اِرتداد اُوہدے آن تے دُنیا دے خاتمے دی علامت ہووے گی۔ آیت 11 تے 12 تے غور کرو۔ براہ کرم کِھلو جاؤ تے متی24: 11۔12 آیات نوں اُوچی واج نال پڑھو۔

’’تے بہوتے جھوتے نبی اُٹھ کِھلون گے تے بہوتے لوکاں نوں گمراہ کر دین گے۔ تے بے دینی دے ودھ جان دی وجہ توں بہوتے لوکاں دی محبت ٹھنڈی پے جائے گی‘‘ (متی24: 11۔12).

تُسی تشریف رکھ سکدے اُو۔

ڈاکٹرجیمز او کومبس Dr. James O. Combs اِک دانشمند آدمی نے تے بائبل دی پیشنگوئی دی چنگی سمجھ رکھدے نے۔ اُو لوزیانا بیپٹسٹ یونیورسٹی دے صدر نے، تے ٹِم لاہایے بائبل دی پیشن گوئی دا مطالعہ The Tim LaHaye Prophecy Study Bible دے ایسوسی ایٹ ایڈیٹر نے۔ جدوں ساڈے گرجا گھر نوں 23 وریاں پہلاں منظم کیتا گیا سی تے ڈاکٹر کومبس نے ساڈے گرجا گھر دا آئین لکھیا تے پہلے اِجلاس وِچ گل کیتی سی۔ میں نبوی صحیفیاں دے بارے چہ اُوہناں دے علم دی قدر کرنا آں۔ متی24: 12 آیت دے بارے چہ، ڈاکٹر کومبس نے کہیا،

زیتون دی گفتگو نوں ایس طرح بیان کیتا جا سکدا اے: (1) آخریلے دِناں دی نشانیاں… (متی24: 4-14) (ٹم لاہایے دی بائبل دی پیشن گوئی دا مطالعہThe Tim LaHaye Prophecy Study Bible, اے ایم جی پبلشرز، 2000، صفحہ1039)۔

ایہہ بالکل دُرست اے۔ متی24 باب دی آیت 4 توں 14 تیکر مسیح دی آمد تے اٰیہناں واقعات دی پیشنگوئی کیتی گئی اے جیہڑیا ایس زمانے دے خاتمے وَل لے جان گئیاں۔

جیہڑی کہ آیات 11 توں 12 نوں یورپ تے امریکہ سمیت مغرب دی وڈی کلیسیاواں وِچ اَج اِرتداد تے حیاتی دی کمی نوں پیشنگوئی کرن دی انتہائی دلچسپ پوزیشن وِچ رکھدا اے۔ میں ایتھے مغرب وِچ مسیحیت دی ایس توں بہتر وضاحت دے بارے وِچ سوچ وی نہئیں سکدا۔ حالانکہ میں مسیح دی پیشنگوئی توں بوہتا غمگین آں، میں 1970 دی ابتدائی دہائی وِچ ساؤتھرن بپٹسٹ سیمنری وِچ پڑھائی دے دوران لبرل اِزم دا مطالعہ کرن تے گذشتہ پچاس وریاں وِچ گرجا گھر دی چار بہوتی وڈی وڈی تقسیماں وِچ بے شمار لوکاں دے مُرتد ہون دا چشم دید گواہ ہون دے ذریعے توں، ذاتی تجربے توں جاننا آں کہ ایہہ گل سچی اے۔ یسوع واضح طور تے اِرتداد دی پیشنگوئی کر رہیا اے، نام نہاد مسیحی بائبل توں مُنہ موڑ رئے نے کیوں جے اُو ’’جھوتے نبیاں‘‘ تے یقین رکھدے نے جہیڑے ’’بوہتے لوکاں نوں گمراہ کر دیندے نے‘‘ (متی24: 11)۔ میہنوں نہئیں معلوم کہ ایس توں بوہتا واضح کی ہو سکدا اے۔ مسیح ایہنوں اِک بارہ سالہ لڑکے دے لئی کافی واضح کردا اے کہ اُو یہہ سمجھ سکن کہ اُو کی کہہ رہیا اے، ’’گرجا گھر خراب ہون آلے نے!‘‘ ’’گرجا گھر بائبل وِچ موجود بوہتی ساریاں سچائیاں نوں رد کرن جا رئے نے۔‘‘ ایہہ متی24: 11۔12 آیات وِچ بالکل واضح اے۔

’’تے بہوتے جھوتے نبی اُٹھ کِھلون گے تے بہوتے لوکاں نوں گمراہ کر دین گے۔ تے بے دینی دے ودھ جان دی وجہ توں بہوتے لوکاں دی محبت ٹھنڈی پے جائے گی‘‘ (متی24: 11۔12).

میں ڈاکٹر جیمز او کومبس Dr. James O. Combs دے نال ایس گل وِچ یقین کرنا آں، کہ ایہہ دو آیتاں بڑی حد تیکر ایس گل دی وضاحت کردی نے کہ پچھلی کئی نسلاں دے دوران یورپ تے امریکہ دے گرجا گھراں وِچ کی ہو چکیا اے۔ جھوٹے، غیرتبدیل شُدہ مبلغاں تے ماہرینِ الہٰیات نے گرجا گھراں وِچ گھناؤنی بدعتاں پھیلائیاں نے، جیہڑیاں مقدس صحیفیاں دے ذریعے توں نہئیں سکھائی گئیاں نے، خاص طور تے مسیح دی شخصیت دے بارے وِچ بدعتاں، صحیفیاں دے مکمل اِختیار نوں مسترد کرن آلی بدعتاں، تے خاص طور تے ساڈے گناہواں دی خاطر سولی تے مسیح دے کفارے توں متعلق بدعتاں، تے بوہتی ساری دوجیاں بدعتاں دے لئی، جیویں کہ جھوتی تعلیم (متی28: 19۔20) جیس دا عظیم مقصد سارے مسیحیاں نوں بشارت دا حکم نہئیں دیندا۔ ڈاکٹر ہیرالڈ لنڈسل Dr. Harold Lindsell دی کتاب بعنوان، بائبل دی خاطر اِک جنگ The Battle for the Bible (زونڈروان، 1976) اِک چنگی کتاب اے جیہڑی ایہناں وِچوں بوہتی ساری اَخیرلے ویلیاں دی بدعتاں نوں بیان کردی اے۔

ماضی وِچ 1887 چہ عظیم سپرجیئن نے ویکھ لیہیا سی کہ ایہہ [پیشنگوئی] پوری ہون جا رئی اے، تے ایس تے اپنے واعظ ’’بوہتے لوکاں دے لئی لہو وگایا‘‘ وِچ گل کیتی۔ سپرجیئن نے کہیا کہ سولی تے مسیح دے کفارے تے پہلاں ای 1887 وِچ حملہ کیتا جا رہیا سی۔ ایہنے کفارہ ترک کرن آلیاں دے خلاف سخت سرزنش کیتی۔ سپرجیئن نے کہیا،

میں کفارہ دی سچائی دے لئی کِھلوتا آں حالانکہ کلیسیا جدید بدعت دی مٹی نوں اُبال ڈالن آلی بارشاں دے ہیٹاں دب رئی اے۔ (سی ایچ۔ سپرجیئن C. H. Spurgeon، ’’بوہتے لوکاں دے لئی لہو وگایا The Blood Shed for Many،‘‘ میٹروپولیٹن عبادت گاہ دی واعظ گاہ توں The Metropolitan Tabernacle Pulpit، پِلگرم اشاعت خانے Pilgrim Publications، 1974، جلد XXXIII، صفحہ 374)۔

کلیسیا نوں جدید بدعت دی مٹی وِچ اُبال ڈالن آلی بارشاں دے ہیٹاں دفن کیتا جا رہیا اے۔‘‘ سپرجئین نے 1887 وِچ ایہو ای کہیا سی۔ ایہہ 25 وریاں بعد مسیحی بنیاد پرستی دے ناں توں مشہور ہون دی پہلی جنگ سی۔ تے سپرجیئن ٹھیک کہہ رئے سن۔ مذہبی آزاد خیالی دی تعلیم عروج تے سی۔ عظیم بپتسمہ دین آلے تے پروٹسٹنٹ فرقے یقیناً بیسویں صدی وِچ ’’جدید بدعت دی مٹی وِچ اُبال ڈالن آلی بارشاں دے ہیٹاں دَب جان گے۔‘‘ سپرجیئن دے ایس انتباہ دے تقریباً اِک سو وریاں بعد لیونارڈ ریوین ہل Leonard Ravenhillنے 1983 وِچ ایہہ ’’خوفناک اعدادوشمار‘‘ پیش کیتے سن۔

کی یسوع اِک کنواری توں پیدا ہویا سی؟
60% میتھوڈسٹ نے کہیا ’’نہئیں۔‘‘
49% پریس بائی ٹیرئین نے کہیا ’’نہئیں۔‘‘
Episcopalians میں سے 44% نے کہیا ’’نہئیں۔‘‘

کی یسوع خدا دا پُتر سی؟
82% میتھوڈسٹ نے کہیا ’’نہئیں۔‘‘
81% پریس بائی ٹیرئین نے کہیا ’’نہئیں۔‘‘
Episcopalians میں سے 89٪ نے کہیا ’’نہئیں۔‘‘
57% امریکی لوتھرین نے کہیا ’’نہئیں۔‘‘

کی بائبل خدا دا الہٰامی کلام اے؟
% میتھوڈسٹ نے کہیا ’’نہئیں۔‘‘
81% پریس بائی ٹیرئین نے کہیا ’’نہئیں۔‘‘
Episcopalians میں سے 89٪ نے کہیا ’’نہئیں۔‘‘
57% امریکی لوتھرین نے کہیا ’’نہئیں۔‘‘

کی شیطان موجود اے؟
82% میتھوڈسٹ نے کہیا ’’نہئیں۔‘‘
81% پریس بائی ٹیرئین نے کہیا ’’نہئیں۔‘‘
Episcopalians میں سے 89٪ نے کہیا ’’نہئیں۔‘‘
57% امریکی لوتھرین نے کہیا ’’نہئیں۔‘‘

کی یسوع جسمانی طور تے مُردیاں وِچوں جی اُٹھیا؟
51% میتھوڈسٹ نے کہیا ’’نہئیں۔‘‘
35% پریسبیٹیرین نے کہیا ’’نہئیں۔‘‘
Episcopalians میں سے 30٪ نے کہیا ’’نہئیں۔‘‘
تمام بپتسمہ دینے والوں میں سے 33% نے کہیا ’’نہئیں۔‘‘

(لیونارڈ ریوین ہل Leonard Ravenhill، حیات نو دا خدا دا راستہ: گرجا گھر دے لئی اِک پیغام Revival God’s Way: A Message for the Church ، بیت عنیاہ ہاؤس پبلشرز Bethany House Publishers ، 1983، صفحہ 145-146)۔

ایہہ اعداد و شمار ظاہر کردے نے کہ 1887 دے ماضی وِچ سپرجیئن بالکل درست سن، جدوں اُوہناں نے کہیا، ’’کلیسیا جدید بدعت دی مٹی وِچ اُبال ڈالن آلی بارشاں دے ہیٹاں دفن ہو رئی اے۔‘‘

مذہبی لبرل ازم دے نتیجے وِچ، امریکہ تے یورپ وِچ پروٹسٹنٹ تے بپٹسٹ گرجا گھر ختم ہون لگے۔ جے ایہہ ایویں لگدا اے کہ میرا فیصلہ ضرورت توں بوہتا شدید اے، تے درجِ ذیل اعداوشمار تے غور کرو، جیہڑے بیک ٹو دی بائبل دے ڈائریکٹر ڈاکٹر ووڈرو کرول Dr. Woodrow Kroll نے اپنی کتاب دی وینشنگ منسٹری The Vanishing Ministry وِچ دِتے نے:

     بہوتے امریکی گرجا گھر صحت مند نہئیں نے۔ ایہہ اندازہ لگایا گیا اے کہ 80۔85 فیصد امریکی گرجا گھراں دی نشوونما تھم گئی اے [ودھنا بند کر دِتا اے] یا کم ہو رئے نے۔
      امریکہ وِچ گرجا گھراں دی تعداد نہئیں ودھ رئی اے۔ 1900 وِچ ہر 10,000 امریکیاں دے لئی 27 گرجا گھر سن۔ 1885 وِچ ایہہ تعداد ایہنی تیزی نال ڈِگ گئی سی کہ ایس دی اطلاع دینا تکلیف دہ اے۔ ہُن ہر 10,000 امریکیاں دے لئی صرف 12 گرجا گھر نے۔ سابقہ تعداد دی نصف توں وی گھٹ…
      ایس وِچ گرجا گھراں دی تعداد وِچ اضافہ کرو جیہڑے ہُن بند ہو رئے نے۔ امریکہ وِچ 66,000 توں بہوتے بند گرجا گھر نے۔ مذید 62,000 ایس ویلے پادری صاحبان دے بغیر نے۔ امریکہ وِچ ہر ورے 3,500 تے 4,000 دے وِچکار گرجا گھر اپنے بوہے بند کردے نے۔
1900      وِچ، 66 فیصد امریکہ آبادی دا تعلق بائبل نوں مانن آلے، بشراں نوں جیتن آلے گرجا گھراں نال سی… فیر وی ایہہ پیشنگوئی دِتی جاندی اے کہ 2000 تیکر امریکہ آبادی صرف 33 فیصد اینج ہووے گا جیہڑا گرجا گھر نال تعلق رکھدے ہون گے [اُو صحیح سن۔ تے زیادہ تر گرجا گھر جیہڑے ہُں وی موجود نے بہوتے گھٹ یا کسی بشر نوں نہئیں جیتدے، تے ایتھوں تیکر کہ قدامت پسند گرجا گھراں وِچ وی بوہتی گھٹ انجیلی بشارت دی تبلیغ ہوندی اے، جیہڑی اَج کل انجیل تے مرکوز ہووے۔ ایہناں وِچوں اکثر ہر عبادت وِچ ’’مسیحیاں‘‘ نوں سِکھاندے نے۔ انجیل دی تبلیغ تیزی نال ماضی دی شے بنندی جا رئی اے!] (ووڈرو کرول، پی ایچ ڈی Woodrow Kroll, Ph.D.، دی وینشنگ منسٹری The Vanishing Ministry ، کریگل پبلیکیشنز Kregel Publications، 1991، صفحہ 31-33)۔

سپرجئین دا انتباہ اِک ہولناک طریقے نال سچ ثابت ہویا اے: ’’کلیسیا جدید بدعت دی مٹی وِچ اُبال ڈالن آلی بارشاں دے ہیٹاں دفن کیتی جا رئی اے۔‘‘ ایس طرح، مسیح دی پیشنگوئی ساڈے زمانے وِچ لفظی طور تے پوری ہوئی اے۔ شاگرداں نوں اُوہنوں پُچھیا،

’’تیری آمد تے دُنیا دے اَخیر ہون دا نشان کی اے؟‘‘ (متی24: 3)۔

مسیح نے اُوہناں نوں بہوتی ساری نشانیاں پیش کیتیاں، لیکن اُوہناں وِچوں اِک زمانے دے خاتمے تے گرجا گھراں وِچ اِرتداد دی قطعی پیشنگوئی سی۔ اُوہنے کہیا،

’’تے بہوتے سارے جھوٹے نبی اُٹھ کِھلون گے تے بوہتے سارے لوکاں نوں گمراہ کر ین گے۔ تے بے دینی دے ودھ جان دی وجہ توں بہوتے سارے لوکاں دی محبت ٹھنڈی [سرد] پے جائے گی‘‘ (متی24: 11۔12).

امریکہ تے یورپ وِچ بالکل اینج ای ہویا اے۔ کون انکار کر سکدا اے کہ کلیسیاواں وِچ اِرتداد دی مسیح دی پیشنگوئی لفظی طور تے پوری ہو چکی اے؟ تے کون اندازہ لگا سکدا سی کہ بیسویں صدی وِچ مسیح دے ایس پیشنگوئی دے تقریباً دو ہزار وریاں بعد اینج دا ہولناک واقعہ رونما ہو سکدا اے۔ تے فیر وی ایہہ ہویا، بالکل جیویں کہ اُوہنے بیسویں صدی وِچ پیشنگوئی کیتی سی۔

لیکن ایتھے ایہسی باب وِچ ایس توں وی بوہتی حیرت انگیز پیشنگوئی اے۔ مہربانی نال کِھلو جاؤ تے متی24: 14 آیت نوں پڑھو۔

’’تے بادشاہی دی خوشخبری ساری دُنیا وِچ سُنائی جائے گی تاکہ ساریاں قوماں ایس دی گواہ ہون تے فیر خاتمہ ہووے گا‘‘ (متی24: 14)۔

تُسی تشریف رکھ سکدےاُو۔

کدی کون اندازہ لگا سکدا سی کہ انجیل دی دُنیا بھر وِچ ایہہ تبلیغ اُوسی ویلے ہووے گی جدوں اِرتداد نے امریکہ تے یورپ دی کلیسیاواں نوں دِل توں چُبا لیہیا سی؟ مسیح دے علاوہ کوئی وی اینج دی ناقابلِ یقین پیشن گوئی نہئیں کر سکدا سی! مسیح نے کہیا کہ بالکل ایہسی ویلے مسیحیاں دا مرکزی ادارہ (ایتھے مغرب وِچ) جھوٹے اُستاداں دے ذریعے توں گمراہ کیتا جا رہیا سی، تے ایہدے نتیجے وِچ ٹُٹ پُھٹ دا شکار ہو رہیا سی – بالکل انتہائی ایہسی ویلے – انجیل دی منادی پوری دُںیا وِچ ساریاں قوماں دے لئی گواہی دی خاطر کیتی جائے گی۔ تے فیر خاتمہ ہووے گا‘‘ (متی24: 14)۔ صرف مسیح، الہٰی دے ذریعے، اینج دی ناقابلِ یقین پیشنگوئی دے سکدا سی!

تے ہُںے تیکر ایہہ ساڈے زمانے وِچ قطعی طور تے سچ ہویا اے۔ صرف خدا دے ہتھ نال، امریکہ تے یورپ دے مسیحیاں دی مدد دے بغیر، چین دی کلیسیاواں وِچ حیاتِ نو پُھٹ پُھٹ کے اُبل پیہئی اے، اسقدر کہ عوامی جمہوریہ چین وِچ بے شمار لوکاں دسدیاں نے رات تے دِن وِچ، ہر گھنٹے چہ، اِک دِن چہ 24,000 لوکی مسیح چہ ایمان لیہیا کے تبدیل ہوندے نے!

ایہہ جنوب مشرقی ایشیا وِچ وی ہو رہیا اے، ویتنام تے کمبوڈیا وِچ ہمونگ لوکاں وِچ؛ انڈونیشیا دے کُج حصیاں وِچ، تے ایس خطے دی مختلف سرزمیناں وِچ ؛ ہندوستان وِچ اچھوتاں چہ ہزارہاں لوکی مسیح چہ ایمان لیہیا کے تبدیل ہو رئے نے۔ تے ایہو ای شے افریقہ دے کئی حصیاں وِچ ہو رئی اے۔ ایس دے بارے چہ سوچو! ایہہ واقعی اِک معجزہ اے! تے ایہہ متی24: 14 چہ مسیح دی پیشنگوئی دی قطعی تکمیل اے۔

’’تے بادشاہی دی خوشخبری ساری دُنیا چہ سُنائی جاوے گی تاکہ ساریاں قوماں ایس دی گواہ ہون تے فیر خاتمہ ہووے گا‘‘ (متی24: 14)۔

مسیح دے علاوہ کوئی وی انجیل دی پوری دُنیا چہ تبلیغ دی پیشنگوئی نہئیں کر سکدا سی جیس ویلے امریکہ تے یورپ وِچ گرجا گھر مر رئے نے! لیکن اَج کل ایہو ای ہو رہیا اے! ایہہ پیشنگوئی بعد چہ نہئیں لکھی گئی تے بائبل وِچ بعد چہ ڈالی گئی، جیویں کہ کمیونسٹ ملحد دی حوالیاں دی کتاب Atheist’s Handbook نے کہیا۔ ایہہ نہئیں ہو سکدا سی۔ ایہہ پیشنگوئیاں صرف ساڈے زمانے چہ پوری ہوئیاں، تے انسانی تاریخ وِچ ایس توں پہلاں کدی نہئیں ہوئیاں!

میرا فیصلہ ایہہ اے: زمانے دے خاتمہ تے یہودیاں دے اسرائیل واپس آن دے بارے چہ یسوع دُرست سی۔ یسوع درست سی جدوں اُوہنے مغرب چہ اِرتداد دی پیشنگوئی کیتی سی اُوسی ویلے خدا تیجی دُںیا دے مُلکاں نوں معجزانہ حیاتِ نو توں نچھاور کرے گا۔ لہٰذا تُسی بائبل دی پیشنگوئیاں تے یقین کر سکدے نے، کیوں جے اُو خدا دے عطا کردہ الفاظ نے، جیہڑے دسدے نے کہ ساڈے زمانے وِچ تاریخ دی اَخیر وِچ کی ہووے گا!

لیکن اِک دوجا اِطلاق وی اے، تے اُو ایہہ اے۔ سانوں، اپنے گرجا گھر وِچ، اپنے لئی تیجی دُنیا دے گرجا گھراں نوں مثال دے طور تے لیہنا چائیدا اے، جیہڑے ظلم و ستم تے مشکلات دے باوجود اپنی قوماں نوں بشارت دے رئے نے۔ میہنوں یقین اے کہ سانوں امریکہ تے یورپ وِچ، جِیتھے گرج اگھر مر رئے نے، سانوں تیجی دُںیا نوں اپنی روحانی مثال دے طور تے ویکھنا چائیدا اے۔ جے اَسی ایتھے لاس اینجلز وِچ اِک مضبوط کلیسیا نوں ودھان چہ کامیاب ہونا چاہنے آں، تے سانوں ایہناں دی مثال دی پیروی کرنی چائیدی اے، نہ کہ امریکی تے یورپی گرجا گھراں تے اُوہناں دے رہنماواں دی مثال دی پیروی کرنی چائیدی اے۔ سانوں تیجی دُںیا دے اکثر گرجا گھراں دی قیادت دی مثال کی لوڑ اے، ورنہ لاس اینجلز چہ ساڈا گرجا گھر ناکام ہو جائے گا۔ سانوں دعا کرنی چائیدی اے، جیویں کہ اُو تیجی دُنیا وِچ دعا کردے نے۔ سانوں روزہ رکھنا چائیدا اے جیویں کہ اُو تیجی دُںیا وِچ روزہ رکھدے نے۔ سانوں خدا تے انحصار کرنا چائیدا اے، خود تے نہئیں، جیویں کہ اُو تیجی دُںیا وچ خدا تے انحصار کردے نے۔ تے سب توں ودھ کے، سانوں گمراہ ہوئے لوکاں دی خوشخبری سُنانی چائیدی اے تےاُوہناں نوں اپنے گرجا گھر وِچ لیہیانا چائیدا اے، جیویں اُو گمراہ ہوئے لوکاں نوں خوشخبری سُناندے نے تے اُوہناں نوں تیجی دُنیا وِچ اپنے گرجا گھراں وِچ لیہیاندے نے۔ تے ایہہ بالکل اُوہی اے جیہڑا اَسی لاس اینجلز دی بپتسمہ دین آلی عبادت گاہ وِچ کرن دا اِرادہ رکھنے آں! اَسی اپنے سارے دِلاں تے جاناں دے نال ایس قسم دے بشراں نوں جِیتن آلے بنن دا اِرادہ رکھنے آں۔ اَسی گمراہ ہوئے لوکاں نوں بشارت دین دا اِرادہ رکھنے آں جیویں کہ اُو گمراہ ہوئے لوکاں نوں خوشخبری سُنانے آں، تے اَسی اپنی کوشش تے طاقت نوں پورے دِل نال انجیلی بشارت وِچ لگان دا اِرادہ رکھنے آں جیویں کہ اُو کردے نے۔ تے اَسی ایس عظیم مقصد دی تعمیل کرن دا اِرادہ رکھنے آں جیہڑا مسیح نے سانوں دِتا سی جیویں کہ اُو کردے نے، تے امریکہ تے یورپ دے گرجا گھراں دی ریاست تے مُردہ پن وَل کدی پَیچھے نہئیں ہٹن گے۔ مسیح نے کہیا،

’’ایس لئی تُسی جاؤ تے ساری قوماں نوں شاگرد بناؤ، تے اُوہناں نوں باپ، بیٹے تے پاک روح دے ناں چہ بپتسمہ دیو، تے اُوہناں نوں ایہہ تعلیم دیو کہ ایہناں ساریاں گلاں تے عمل کرن جِنہاں دا میں تہانوں دِتا اے تے ویکھو! میں دُںیا دے اَخیر تیکر ہمیشہ تہاڈے نال آں۔ آمین‘‘ (متی28: 19۔20)۔

خدا، ساڈے گرجا گھر نوں اپنے عظیم مقصد دی اطاعت کرن چہ مدد کرے۔ خدا، ساڈی مدد کرے کہ اَسی بشارت پرستی تے بشراں نوں جِیتن چہ ایہنے ای پُرجوش رہن جِنہے ساڈے بھرہا تے پیہناں تیجی دُنیا وِچ نے، جِیتھے تُسی حیاتِ نو چہ اپنی روح اُنڈیل رئے نے۔ خدا سانوں اُوہناں دے تخیّل نوں حاصل کرن تے دُنیا دے ساڈے حصے وِچ عظیم مقصد دی اطاعت کرن چہ مدد کرے، جیویں کہ اُو اپنے حصے وِچ کردے نے۔ خدا، اپنے بیٹے، خداوند یسوع مسیح دے ناں تے ساڈی دعا قبول فرمائے۔ آمین۔

مہربانی نال کِھلو جاؤ تے مشنری دا دل رکھن آلے اُوس عظیم پادری، ڈاکٹر اوسوالڈ جے سمتھ دا حمدوثنا دا گیت گاؤ۔

سانوں ایس لمحے لئی اِک نعرہ دے، اِک سنسنی خیز لفظ، طاقت دا اِک لفظ،
جنگ دا رونا، اِک آتش گیر سانس جیہڑی فتح یا موت نوں پکاردی اے۔
اِک لفظ جِنے سُتے پئے چرچ نوں اٹھایا اے، تاں جے مالک دی وڈی درخواست تے توجہ دِتی جائے۔
بلاوہ دِتا گیا اے، اے میزبان، اُٹھو، ساڈی نگہبانی اے، انجیلی بشارت کرو!

پُر مسرت انجیل ہُن اعلان کردی اے، ساری زمین تے، یسوع دے ناں چہ؛
ایہہ لفظ آسماناں وچ سُنائی دیندا اے: انجیلی بشارت کرو! انجیلی بشارت کرو!
مردے ہوئے لوکاں لئی، اِک گمراہ نسل، انجیلی فضل دے تحفے نوں شہرت دیو؛
اُو دُنیا جیہڑی ہُنے تاریکی وچ اے، انجیلی بشارت کرو! انجیلی بشارت کرو!
     (خوشخبری دی منادی کرو! خوشخبری دی منادی کرو! Evangelize! Evangelize!‘‘ شاعر ڈاکٹر اُوسولڈ جے۔ سمتھ Dr. Oswald J. Smith، 1889۔1986؛ ڈاکٹر ہائیمرز نے ترمیم کیتی؛ بطرز ’’تے کی ایہہ ہو سکدا اے؟ And Can It Be?‘‘ شاعر چارلس ویزلی، 1707۔1788)۔

خدا ساڈی مدد کرے کہ اَسی ایس بہت وڈے تے بدکار شہر وِچ گمراہ ہوئے نوجواناں نوں تیجی دُنیا دے لوکاں وانگوں ہمت تے استقامت دے نال جوش نال انجیل دی بشارت دین۔ اُو ساڈی مدد کرے کہ گمراہ ہوئے لوکاں نوں ساڈے گرجا گھر وِچ لیہیا جائے تاکہ انسان دی گناہ دی ادائیگی دے لئی مصلوب ہون آلے مسیح دی منادی سنن۔ مُردیاں وِچوں اُوہدے جلالی جسمانی طور تے جی اُٹھن دی منادی سُنن دے لئی؛ ایہہ سُنن دے لئی کہ اُو واپس آسمان تے اُٹھا لیہیا گیا اے تے کسی وی گنہگار نوں بچان دے لئی تیار اے جیہڑا اُوہدے کول آندا اے، اپنے قیمتی لہو وِچ ایہناں دے گناہواں نوں دھون دے لئی تیار اے۔ آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔