ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایہہ آیت اَج دی سویر ایتھے موجود ہر نوجوان دے لئی اِک اہم سچائی تے مشتمل اے۔ بوہتی زیادہ لوکی ایہدے بارے چہ نئیں سوچدے، لیکن ’’دُنیا مُک جاندی اے۔‘‘ ڈاکٹر اے ٹی رابرٹسن Dr. A. T. Robertson نشاندہی کردے نے کہ لفظی یونانی وِچ مطلب ’’مر رہیا اے‘‘ ہوندا اے (نئے عہد نامے وِچ کلام عکاسی کردا اےWord Pictures in the New Testament، براڈمین، 1933، صفحہ 214)۔ دنیا ’’مُک رئی اے۔‘‘ ’’دُںیا‘‘ یونانی لفظ ’’کاسموس‘‘ توں اے۔ ایس توں مُراد شیطان دے ہیٹاں ایس دُنیا دے نظام، جھوٹی دُنیا تے ایہدے سوچن دا طریقہ اے۔ ایہہ سب مُک رہیا اے! صرف اُوہی لوکی رہن گے جیہڑے خدا دی مرضی پوری کردے نے تے ہمیشہ زندہ رہن گے!

آیت قدرتی طور تے دو نکات وِچ وٹدی اے۔ تے میں چاہنا واں کہ اَج دی سویرے ایتھے ہر نوجوان ایہناں دے بارے چہ سوچے۔ ایس آیت نے ڈاکٹر کیگن Dr. Cagan تے اُوس ویلے بوہتا چنگا اثر پایا سی جدوں اپو مُلحد سن۔ ہُن ایہہ اُوہناں دی حیاتی دی آیت اے۔ میری دعا اے کہ ایہہ تہاڈے تے وی چنگا اثر پائے گی۔

I۔ پہلی گل، دُنیا مُک رئی اے۔

’’دُںیا تے اُوہدی خواہش دوویں مُک جان گِیاں‘‘ (1یوحنا2: 17الف)۔

رائنیکرRienecker کہندے نے، ’’ایہہ مُکن دے مراحل وِچ اے‘‘ (یونانی نئے عہدنامے دے لئی زباندانی دی کُلید Linguistic Key to the Greek New Testament، ژونڈروانZondervan، 1980، صفحہ 788)۔

تہاڈے وِچوں کُج ایہہ پہلاں ای ویکھ چکے ہون گے۔ ہائی سکول دے بیلیاں نوں فارغ التحصیل ہوندے ہوئے۔ تسی کہندے اُو کہ تُسی فیر توں اکٹھے ہو جاؤ گے، لیکن کسی طرح تُسی اینج نئیں کردے۔ جِنہاں بیلیاں تے تُسی اعتماد کیتا سی اُو چیتھی ای مر جان گے۔ جدوں تُسی کالج توں فارغ التحصیل ہوو گے تے ایہہ فیر توں ہووے گا۔ ایہہ ایس ویلے وی ہو سکدا اے جدوں تُسی ہُنے سکول وِچ اُو۔ کُج ہوندا اے تے تہاڈے بیلی تہاڈے توں مُکھ موڑ لیندے نے۔ اِک نوجوان نے کہیا، ’’اینج لگدا اے کہ سب کُج میرے خلاف جا رہیا اے۔‘‘ ایہنے کدی وی نئیں سوچیا سی کہ اینج ہووے گا، لیکن کسی نہ کسی طرح ایہہ ہویا۔ اپنے سکول دے بارے چہ گل کردے ہوئے اُوہنے کہیا، ’’مینوں اُودھروں نکل کے خوشی ہووے گی۔‘‘

بُہتیرے نوجوان گریجوایشن توں پہلاں ای اپنے سکول دے بیلیاں توں کٹے ہوئے ہوندا محسوس کردے نے۔ تے ایہہ گریجوایشن دے بعد بدتر ہو جائے گا۔ تُسی کہندے اُو کہ تُسی ’’رابطے وِچ رہوو گے‘‘، لیکن اینج نئیں ہووے گا۔ اینج کدی ہوندا ای نئیں، تُسی جانندے اُو۔

میں تے میری ووہٹی عِلیانہ Ileana کُج ورے پہلاں مصر وِچ سی۔ اَسی عظیم اہرام دی چوٹی تے اِک گزرگاہ دے اندر چڑھ گئے جیہڑی تھلے توں سیدھی فرعون دی تدفین دے کمرے تیکر جاندی اے۔ مینوں دسیا گیا اے کہ لوکاں نوں ہُن اُوتھے جان دی اجازت نئیں اے، لیکن اَسی ٹر گئے سی۔ تُسی ایس اہرام توں باہر ویکھ سکدے اُو۔ ایہہ ہُن وی شاندار اے، حالانکہ ایہنوں ویلے نے تباہ کر دِتا اے۔ اُو عظیم تہذیب جیہدی صدارت ایس فرعون نے کیتی سی۔ اُوتھے دے لوکی ہُں بوہتے غریب تے پسماندہ نے۔ مصر کدی زمین تے بوہتی وڈی قوم سی۔ ایہہ سب گزر چکیا اے۔ ایس ٹوٹدے اہرام دے علاوہ کُج نئیں بچیا۔ حتیٰ کہ تدفین دا کمرہ وی خالی اے۔ ونڈلوں vandals[ایہو جئے لوکی جیہڑے جان بُجھ کےجائیداد نوں تباہ یا خراب کردے نے] نے فرعون دی حنوط شُدہ لاش نوں تباہ کر دِتا تے ایس دا مدفن خزانہ بوہتی پہلاں چرا لہیا سی۔ جدوں اسی اُوس تباہ شدہ ادھے اہرام نوں ویکھیا، تے میں سوچیا،

’’دُںیا تے اُوہدی خواہش دوویں مُک جان گِیاں‘‘ (1یوحنا2: 17الف)۔

جدوں عِلیانہIleana تے پُتر تے میں انگلینڈ وِچ سن تے اَسی ویسٹ منسٹر ایبی Westminster Abbey توں لنگہے۔ ہر دور دے بہوتے عظیم انگریز اُوتھے دفن نے، عظیم شایر، سیاستدان تے فوجی آدمی۔ اُوہناں نے مشہور لڑائیاں لڑیاں، مشہور کتاباں لکھیاں تے عالمی شہرت یافتہ شاعری کیتی۔ ہُن اُوہناں دیاں ہڈیاں پتھراں ہیٹاں، فرش دے تھلے، تے دیواراں وِچ ایس شاندار عمارت چہ پیہئیاں نے۔ روشنی مدھم سی تے جدوں اَسی اُوس دوپہر نوں ویسٹ منسٹر ایبی توں لنگ رئے سی تے زبردست خاموشی سی۔ ایہہ جملہ میرے ذہن وِچوں گزرا،

’’دُںیا تے اُوہدی خواہش دوویں مُک جان گِیاں‘‘ (1یوحنا2: 17الف)۔

ڈاکٹر جے ورنن میگی Dr. J. Vernon McGee نے کہیا،

اِک جلال اے جیس دا تعلق ایس سب توں اے، لیکن اُو پہلاں ای لنگ چکیا اے۔ انگلستان اَج دُنیا دی صرف تیجی طاقت اے… ایہہ سب کُج تے ایہدی ہوس ختم ہو چکی اے۔ اَج [بادشاہ] ہنری ھشتم دی ہوس کیتھے اے؟ ایہہ اُوتھے دے اُوہناں مقبریاں وِچوں اِک وچ اے۔ ذرا ایس ساری شان دے بارے چہ سوچو جیہڑی ویسٹ منسٹر ایبی وِچ دفن اے – اُو سارے مر چکے نے (ڈاکٹر جے ورنن میک جی، بائبل وِچوں Thru the Bible، تھامس نیلسن، 1983، جلد V، صفحہ 776)۔

تے اُو سارا کُج امریکہ دے نال وی ہووے گا۔ ساڈا زمانہ لنگ جائے گا۔ ساڈی تہذیب مُک جائے گی۔

’’دُںیا تے اُوہدی خواہش دوویں مُک جان گِیاں‘‘ (1یوحنا2: 17الف)۔

ٹی وی تے اِک پرانی فلم، جمی سٹیورٹJimmy Stewart دے نال ’’ایہہ اِک حیرت انگیز حیاتی اے۔‘‘ خواب وِچ اُو ایہہ ویکھن دے لئی واپس آندا اے کہ ایہدے آبائی شہر وِچ کی ہویا اے۔ نام بیڈفورڈ فالز Bedford Falls توں بدل کے پوٹر ویلPotterville رکھ دِتا گیا اے۔ جوئے توں بھریا ہویا، جرائم توں آلودہ، اُو خوبصورت چھوٹا جیہا شہر برباد ہو چکیا اے۔

جدوں میں کوڈاہی Cudahyواپس جانا واں تے میں اینج ای محسوس کرنا واں۔ جدوں میں ہائی سکول وِچ سی تے ایہہ بیلBell دا حصہ سی۔ ایہدے پیچھے ڈیڑھ ایکڑ تے مشتمل چھوٹے چھوٹے گھر سن۔ رہن دے لئی ایہہ اِک چنگی تھاں سی۔ پینتالی وریاں بعد ایہہ جرائم، منشیات تے گروہواں دا جہنم ہوندا اے۔

کسی دِن لوکی پیچھے مُڑ کے ویکھن گے تے یاد کرن گے کہ امریکہ کیہنی چنگی تھاں سی۔ جدوں تیکر تہاڈے وِچوں کُج نوجوان ستر یا اسی وریاں دے ہون گے، میں سمجھنا واں کہ امریکہ جیہو جیہا کہ اَسی جاننے آں تباہ وہ برباد ہو سکدتا اے – جیویں کہ پوٹر ویل، تے کڈاہی – جیویں مصر تے برطانوی سلطنت۔

’’دُںیا تے اُوہدی خواہش دوویں مُک جان گِیاں‘‘ (1یوحنا2: 17الف)۔

ہائی سکول ختم ہو جائے گا۔ تسی اُوہناں بیلیاں نوں فیر نئیں ویکھو گے۔ کالج ختم ہو جائے گا۔ اُو بیلی وی ٹر جان گے۔ اِک اِک کر کے تہاڈا خاندان مر جائے گا – تہاڈی ماں، تہاڈا پیو، دوجے رشتہ دار۔ سارے مر جان گے۔ اخیر وِچ تُسی وی مر جاؤ گے۔

’’دُںیا تے اُوہدی خواہش دوویں مُک جان گِیاں‘‘ (1یوحنا2: 17الف)۔

فیر ایس نال کوئی فرق نئیں پیہئے گا کہ تُسی کیس کالج وِچ تعلیم حاصل کیتی، تُسی کیہڑا پیسہ کمایا، تہانوں کیہڑی کامیابی لبھی۔ سب مُک جائے گا۔ کسی گل توں وی کوئی فرق نئیں پیہئے گا، ’’کیوں جے ایس دُنیا دی صورت بدلدی جاندی اے‘‘ (1 کرنتھیوں 7:31)۔

’’تہاڈی حیاتی چیز ای کی اے؟ اُو صرف بھاپ وانگوں اے جیہڑی تھوڑی دیر دے لئی نظر آندی اے تے فیر غائب ہو جاندی اے‘‘ (یعقوب4: 14)۔

اِک ہُور پادری تے میں پِچھلے ہفتے ٹی وی تے دوجی جنگ عظیم دی کُج فلمی فوٹیج ویکھ رئے سی۔ جنگ دی ایس پرانی فلم وچوں کُج چہ 1940 دی دہائی دی معروف صحافی مارتھا گیل ہورن Martha Gellhorn دی کہانی سی۔ ’’کی تُسی جانندے اُو او کون سی؟‘‘ میں پادری نوں پُچھیا۔ ’’نئیں،‘‘ اُوہناں نے کہیا، ’’اُو کون سی؟‘‘ ’’اُو ارنسٹ ہیمنگوےErnest Hemingway دی تیجی ووہٹی سی۔‘‘ اُو دُنیا دے سب توں مشہور ناول نگار سن۔ اُو اِک مشہور صحافی سن۔ ہُن کوئی نئیں جانندا کہ اُو کون سی! تے شاید ای کوئی اُوہنوں یاد کردا ہووے۔

’’دُںیا تے اُوہدی خواہش دوویں مُک جان گِیاں‘‘ (1یوحنا2: 17الف)۔

تُسی ہیمنگوے Hemingway وانگوں ادب لئی پلٹزر پرائس Pulitzer Price جِت سکدے اُو۔ ایہدے توں کی فرق پئے گا؟ مارتھا گیل ہورن وانگوں، تُسی ٹائمTime میگزین لئی لکھ سکدے اُو۔ کون اُوہنوں یاد کرے گا؟ تُسی کیوبا وچ اِک حویلی دے مالک ہو سکدے اُو تے اڈاہو وچ اِک ہور مکان، جیویں کہ اُوہناں نے کیتا سی۔ کون پرواہ کرے گا؟ ایہدے توں کی فرق پئے گا؟

جہنم وچ تُسی اپنیاں اکھاں چُکو گے تے کہو گے، ’’ایہہ سچ سی! میں کیہو جیہا احمق سی کہ میں نئیں سُن رہیا سی!‘‘

’’دُںیا تے اُوہدی خواہش دوویں مُک جان گِیاں‘‘ (1یوحنا2: 17الف)۔

اپنی بائبل وچوں زبور116: 3 نوں کھولو۔ ایہہ اے جیہدی تہاڈے نال رونما ہون دی لوڑ اے۔

’’موت دیاں رسیاں نے مینوں جکڑ لہیا تے پاتال دی اذیت میرے تے آ پئی؛ میں دُکھ تے غم وچ مبتلا ہو گیا‘‘ (زبور116: 3)۔

کیوں جے، تُسی ویکھو، ایہہ اُودوں ای ہوندا اے جدوں تُسی اپنی آن آلی موت، تے اُوہدے بعد قیامت تے جہنم دے بارے وچ تشویش نال بھر جاندے اُو – ایہہ اُودوں ای اے کہ تُسی مسیح دے کول آؤ گے۔ یسوع نے کہیا:

’’اے محنت کشو تے بوجھ دے دبے ہوئے لوکو! میرے کول آؤ۔ میں تہانوں آرام بخشاں گا‘‘ (متی11: 28)۔

جیہڑے محنت کش تے بوجھ نال دبے ہوئے نے اُو مسیح وچ آرام پان گے۔ اُو لوکی جیہڑے موت دے خوف نال محنت نئیں کردے، جیہڑے گناہ دے بوجھ نال دبے ہوئے نئیں نے، اُو ایویں ای حیاتی بسر کردے رہن گے جیویں اُو نے۔ صرف اوہی لوکی نجات پاندے نے جیہڑے ایہہ سمجھدے نے کہ اُو کھو چُکے نے! جے تُسی اپنی نظر وچ ’’کھو‘‘ جاندے اُو، تے شاید تُسی مسیح دے کول آؤ گے تے نجات پا جاؤ گے۔ لیکن جے تُسی خود اپنے ذہن وچ ’’کھو‘‘ نئیں جاندے اُو، تے اُوہنوں بھُل جاؤ! تُسی جل بھُن کے ختم ہو جاؤ گے – اَگ دی جھیل وچ!

’’دُںیا تے اُوہدی خواہش دوویں مُک جان گِیاں‘‘ (1یوحنا2: 17الف)۔

II۔ لیکن، دوجی گل، جیہڑا بندہ خدا دی مرضی پوری کردا اے ہمیشہ تیکر باقی رہوے گا۔

تلاوت کہندی اے،

’’تے دُنیا تے اُوہدی خواہش دوویں ختم ہو جان گے لیکن جیہڑا خدا دی مرضی تے چلدا اے اُو ہمیشہ تیکر باقی رہوے گا‘‘ (1یوحنا2: 17)۔

آیت دا دوجا ادھا حصہ سانوں دسدا اے کہ جیہڑا بندہ اُو کردا اے جو خُدا چاہندا اے، جیہڑا خدا دی مرضی تے چلدا اے، ’’ہمیشہ قائم رہندا اے۔‘‘ یونانی لفظ جیہدا ترجمہ "abideth" کیتا گیا اے اُوہدا وی مطلب ’’رہنا، جاری رکھنا، باقی رہنا‘‘ (Strong's) ہوندا اے۔ اسی ایہدا ترجمہ ایویں کر سکنے آں، ’’جیہڑا خدا دی مرضی تے چلدا اے اُو ابد تیکر قائم رہندا اے۔‘‘

باقی جو کُج اسی ایس دُنیا وچ اپنے جسمانی حواس توں جاننے آں اُو ختم اُو جائے گا۔ ایہہ سب ختم ہو جائے گا۔ لیکن جیہڑا بندہ اُو کردا اے جو خُدا اُوہدے توں کروانا چاہندا اے اُو ابد تیکر رہوے گا۔ خُدا دے کلام وچ کیہنا شاندار وعدہ اے!

جیہڑا خُدا دی مرضی تے چلدا اے اُو ہمیشہ تیکر [باقی] رہوے گا‘‘ (1یوحنا2: 17ب)۔

اِک شاندار پرانا انجیلی گیت کہندا اے،

جیہناں بیلیاں توں میں مدتاں پہلاں محبت کر چُکا واں اوتھے ای ہون گے، دریا وانگوں خوشی میرے گرد وگے گی؛
ایس دے باوجود میرے نجات دہندہ دی محض اِک مسکراہٹ، میں جاننا واں، زمانیاں تیکر میرے لئی جلال ہووے گی۔
ہائے اوہی میرے لئی جلال ہوئے گا، میرے لئی جلال، میرے لئی جلال۔
جدوں اُوہدے فضل دے وسیلے نال میں اُوہدے چہرے نوں ویکھاں گا، اوہی جلال ہوئے گا، میرے لئی جلال ہوئے گا۔
   (’’ہائے اوہی میرے لئی جلال ہوئے گا O That Will Be Glory‘‘ شاعر چارلس ایچ۔ گیبرئیل Charles H. Gabriel، 1856۔1932)۔

لیکن ایس گیت وِچ عظیم وعدہ صرف اُوہناں لوکاں دے لئی اے جیہڑے خدا دی مرضی تے ٹردے نے۔

’’تے دُںیا تے اُوہدی خواہش دوویں مُک جان گِیاں لیکن جیہڑا خدا دی مرضی تے چلدا اے اُو ہمیشہ تیکر باقی رہووے گا‘‘ (1یوحنا2: 17)۔

’’خدا دی مرضی‘‘ کی اے جیہڑا تہانوں ہمیشہ دی حیاتی حاصل کرن دے لئی کرنا چائیدا اے؟ یسوع نے سانوں دسیا۔ یوحنا6: 40 کھولو،

’’کیوں جے میرے پیو دی مرضی ایہہ اے کہ جیہڑا کوئی پُتر نوں ویکھے تے اُوہدے تے ایمان لہیائے اُو ہمیشہ دی حیاتی پائے تے میں اُوہنوں اخیرلے دِن فیر زندہ کراں‘‘ (یوحنا6: 40)۔

’’جیہڑا خُدا دی مرضی تے چلدا اے اُو ہمیشہ قائم رہندا اے۔‘‘ ’’تے ایہہ اُوہدی مرضی اے جیہنے مینوں بھیجیا اے کہ ہر اِک جیہڑا پُتر نوں [ایمان دے وسیلے نال] ویکھے تے اُوہدے تے ایمان لہیائے ہمیشہ دی حیاتی پائے گا تے میں اُوہنوں آخیرلے دِن زندہ کراں گا۔‘‘ ہر اُو بندہ جیہڑا یسوع مسیح نوں ایمان دے نال ویکھدا اے، تے اُوہدے تے مکمل یقین رکھدا اے ہمیشہ دی حیاتی پائے گا۔ ایہہ یسوع مسیح دا وعدہ اے – تے اُو کدی جھوٹ نئیں بولدا!

یسوع تے ایمان لہیانا تہاڈے لئی خدا دی مرضی اے۔ جدوں تُسی پورے دِل نال مسیح ول رجوع کردے اُو، تے تُسی فوری طور تے نجات پا جاندے اُو۔ تہانوں مرن دے بعدابدی حیاتی نئیں ملدی۔ ارے نئیں! تہانوں ایس ویلے ابدی حیاتی ملدی اے – جدوں تُسی یسوع مسیح، خُدا دے پُتر تے مکمل تے کُلی طور تے یقین کردے اُو۔ یسوع نے کہیا:

’’میں اُوہناں نوں [بالکل ہُنے] ہمیشہ دی حیاتی دینا واں تے اُو کدی وی ہلاک نہ ہون گے‘‘ (یوحنا10: 28)۔

خُدا دی مرضی ایہہ اے کہ تُسی گناہ توں باز آؤ تے اپنے پورے دِل نال یسوع تے یقین کرو۔ مسیح تہاڈے گناہواں دا کفارہ ادا کرن لئی صلیب تے مریا۔ مسیح جسمانی طور تے مُردیاں وچوں جی اُٹھیا۔ اُو ہُن آسمان وچ خُدا دے داہنے ہتھ تے زندہ اے۔ جدوں تُسی یسوع دے کول آندے اُو، تے اُو نجات دلان آلے اپنے لہو نال تہاڈے گناہواں نوں دھو دیوے گا۔ تُسی ابدیت دے جلال وچ اُوہدے نال ہمیشہ زندہ رہوو گے۔

نتیجہ:

’’دُنیا تے اُوہدی خواہش دوویں ختم ہو جان گے۔‘‘ دُنیا پہلاں توں ای ختم ہو رئی اے۔ تُسی پہلاں ای توں بیلیاں نوں کھو رئے اُو جیہڑے دُنیا وچ تہاڈے کول سن۔ تُسی اُوہناں نوں کھو دیندے اُو جدوں تُسی ہائی سکول توں فارغ التحصیل ہوندے اُو۔ تُسی اُوہناں نوں کھو دیندے اُو جدوں تُسی کالج دی تعلیم مکمل کر لیندے اُو۔ تُسی اُوہناں نوں حیاتی دی افراتفری وچ کھو دیندے اُو۔ تُسی اُوہناں نوں کھو دیندے اُو جدوں اُو مر جاندے نے۔ چھیتی ای تہاڈے سارے بیلی کسی نہ کسی طریقے نال ختم ہو جاؤ گے، جدوں تیکر کہ اُو سچے مسیحی نہ ہون۔ لیکن جے تہاڈے بیلی نے جیہڑے واقعی نجات پا چُکے اُو، تے تُسی اُوہناں توں ہمیشہ لئی خدا دی بادشاہی وچ لطف اندوز ہوو گے! ایس ای لئی اسی کہندے اُو، ’’کلیاں کیوں رہیا جائے؟ گرجا گھر وچ آؤ! مسیح دے گھر آؤ!‘‘ تُسی تے تہاڈے گرجا گھر وچ محفوظ شدہ بیلیاں نوں ابدی حیاتی ملے گی۔ جدوں تُسی جنت وچ جاؤ گے تے تُسی اِک دوجے نوں جانو گے۔ تُسی اُوہناں دی دوستی توں ہمیشہ لئی لطف اندوز ہوو گے۔ کیہناں شاندار وعدہ اے!

لیکن تہانوں خدا دی مرضی نوں پورا کرنا چائیدا اے۔ تہانوں گناہ توں مُنہ موڑ لینا چائیدا اے تے یسوع مسیح دے کول آنا چائیدا اے، ’’خُدا دا برّہ جیہڑا جہاں دے گناہواں نوں چُک لے جاندا اے‘‘ (یوحنا1: 29)۔

’’تے دُنیا تے اُوہدی خواہش دوویں ختم ہو جان گے لیکن جیہڑا خدا دی مرضی تے چلدا اے اُو ہمیشہ تیکر باقی رہوے گا‘‘ (1یوحنا2: 17)۔

کی تُسی دُنیا تے اُوہدے گناہ نوں چھڈو گے تے یسوع دے کول آؤ گے؟ یسوع تہانوں اپنے کول آن لئی بُلاندا اے۔ اُو کہندا اے،

’’اے محنت کشو تے بوجھ دے دبے ہوئے لوکو! میرے کول آؤ۔ میں تہانوں آرام بخشاں گا‘‘ (متی11: 28)۔

اپنے گانیاں دا ورق چُکو تے آخری حمدوثنا دا آخری گیت کھولو۔ اسی پہلا بند گان جا رئے آں۔ فیر جدوں اسی دوجا بند گانے آں تے میں چاہنا واں کہ تُسی اپنی نشست توں اُٹھ کے ایتھے منبر دے سامنے کھلو جاؤ۔ تُسی ساریاں لوکاں دے سامنے آن دے بعد، ڈاکٹر کیگنDr. Cagan تہانوں میرے دفتر لے جان گے۔ فیر ڈاکٹر کیگن، مسٹر مینشیاMr. Mencia تے میں تہاڈے نال بیٹھاں گے، تے تہاڈے سوالاں دے جواب دیاں گے، تے تہانوں یسوع دے لہو دے ذریعے تہاڈے گناہواں نوں دھون لئی آن دے بارے وچ مزید دساں گے۔

ہو سکدا اے تہاڈا ایتھے ہونا پہلی وری ہووے۔ ہو سکدا اے کہ تُسی تھوڑے عرصے توں ایتھے آ رئے ہوو، لیکن تُسی ہُن وی تبدیل نئیں ہوئے اُو۔ تُسی اُودوں وی آؤ۔ اسی جدوں کہ گاواں گے تے تُسی آؤ۔ بس اپنی نشست چھڈو تے دوجے بند دے گانے تے چلے آؤ۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔