اہم ترین سوال! | The All-Important Question!

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

میں چاہنا واں کہ تُسی اپنی بائبل کھولو تے اعمال دی کتاب وِچوں سولہواں باب کڈو۔

پولوس رسول تے اُوہدا ساتھی سیلاس فلپی شہر وِچ انجیل دی منادی کر رئے سن۔ تے اِک لونڈی جیس وِچ بدروں سی ایہناں دے پیچھے ہو لئی۔ تے جدوں وہ اُو منادی کردے تے اُو بدروح چیخان ماردی، تے ایہدے نال ایہناں لوکاں دا دھیان وٹ جاندا جیہڑے واعظ سُننا چاہندے سن۔ چنانچہ پولوس آخر کار اُوہدے وَل مُڑیا تے اُوہدے وِچوں بدروح نوں کڈ دِتا۔ ایس پورے واقعہ نے بُہتیرے لوکاں نوں پریشان کیتا۔ اُوہناں نوں پولوس تے سیلاس نوں گرفتار کر لہیا۔ اُوہناں نے ایہنوں ماریا۔ اُوہناں نوں جیل وِچ سُٹ کے بوہا بند کر دِتا۔ لیکن اَدھی رات نوں شہر وِچ زلزلہ آیا۔ جیل دے بوہے ٹُٹ کے کُھل گئے۔ داروغہ خوفزدہ سی کہ ایس دے قیدی فرار ہو گئے نے۔ ایہنوں ڈر سی کہ رومی عدالت ایہناں نوں چھڈن تے ایہنوں جیل وِچ سُٹ دیوے گی۔ لیکن پولوس تے سیلاس ہُنے تیکر اُوتھے ای سن۔ تے ایہہ سانوں اپنے متن تیکر لے آندا اے۔ مہربانی نال کِھلوتے رہوو جدوں میں اعمال16: 28۔30 پڑھنا واں۔

’’لیکن پولوس نے اُوچی واج چہ کہیا: ’’اپنے آپ نون نقصان نہ پہنچا کیوں جے اَسی سارے ایتھے ای موجود آں!‘‘ ایس تے اُوہنے چراغ منگوایا تے نٹھ کے اندر جا وڑیا تے بُری طرح کنپدے ہوئے پولوس تے سیلاس دے اَگے سجدہ چہ ڈِگ گیا۔ فیر اُو اُوہناں نوں باہر کڈ لے آیا تے کہیا: ’’صاحبو! مینوں نجات پان دے لئی کی کرنا ہووے گا؟‘‘ (اعمال16: 28۔30)۔

کلام پاک دے ایس حوالے وِچ بے شمار گلاں نے جیہڑیاں اہم نے۔

تُسی ویکھیا، پولوس تے سیلاس نوں پہلاں کدی وی ایس جیل وِچ نئیں قید کیتا جاندا جے اُو ایس لڑکی وچوں بدروح نہ کڈدے۔ اوہ، ہاں، میں بدروحواں تے یقین رکھنا واں۔ مینوں یقین اے کہ اِک حقیقی شیطان تے حقیقی بدروحواں نے۔ مسیح دے کول ابلیس تے بدروحواں دے بارے وِچ بہت کُج کہن نوں سی۔ مسیح نے کئی وری لوکاں نوں بدروحواں دے قبضے وِچوں کڈیا، جیویں کہ پولوس نے کیتا، جیویں کہ ایس باب وچ پہلاں درج کیتا گیا اے۔

لیکن اصل شے بدروحواں دا کڈنا نئیں اے۔ [بدروحواں نوں کڈن آلے اعمال دا علم] ایگزورسیزمExorcism ساڈی تبلیغ دا مقصد نئیں اے۔ ایہہ محض اِک بدروح نوں کڈن توں کدرے بوہتا گہرا اے۔ کیوں جے بائبل سکھاندی اے کہ ہر غیر تبدیل شُدہ بندہ شیطان تے شیاطین نال متاثر ہوندا اے۔ پولوس رسول نے ایتھوں تیکر کہیا کہ،

’’ہوا دی علمداری دے حاکم دے مطابق جیس دی روح ہُنے تیکر نافرمان لوکاں وِچ تاثیر کردی اے… دُنیا دی روش تے ٹُردے سن‘‘ (افسیوں2: 2)۔

پولوس نے شیطان نوں ’’ہوا دی عملداری دا حاکم‘‘ کہیا۔ اُوہنے شیطان نوں ’’روح جیہڑی ہُن تیکر نافرمان لوکاں وِچ تاثیر کردی اے‘‘ کہیا (افسیوں2: 2)۔ ایہدا مطلب اے کہ ہر اُو بندہ جیہڑا صحیح معنیاں وِچ مسیح چہ ایمان لہیا کے تبدیل نئیں ہویا اے اُو اِک مخصوص مقدار وِچ شیطانی کنٹرول وِچ اے۔

میرے خیال چہ ایہو ای اِک وجہ اے کہ اَج اَسی منشیات دا بوہتا زیادہ استعمال تے بوہتی زیادہ جنسی بے حیائی ویکھنے آں۔ میرا ماننا اے کہ پنجی وریاں توں گھٹ عمر دے نوجواناں وِچ موت دی دوجی وجہ خودکشی اے۔ مینوں یقین اے کہ شیطان اِک سرگرم ایجنٹ اے جیہڑا بوہتے سارے نوجواناں نوں ایہناں خوفناک شیواں وِچ دھکیلدا اے جیہڑیاں اَج ساڈے شہراں دیاں سڑکاں تے ہو رئیاں نے۔ تُسی اِک چنگے گھر توں آ سکدے اُو، تے ایویں لگدا اے سب کُج ٹھیک اے، لیکن تہانوں اندرونی خوف تے پریشانیاں، تے افسردگیاں ہو سکدیاں نے، جِنہاں دے بارے وِچ کوئی نئیں جانندا۔ ایتھوں تیکر کہ تہاڈے والدین نوں وی نئیں پتا۔ تے اکثر نوجوان مینوں کہندے نے کہ اُو نئیں جانندے کہ مدد دے لئی کیتھے جانا اے۔ می تہانوں دسنا آں کہ کیتھے رجوع کرنا اے! یسوع مسیح وَل رجوع کرو! تے فیر مقامی گرجا گھر وِچ آؤ۔ ساڈے ایتھے منبر تے پِچھے دیوار تے اِک وڈا بینر لگیا ہویا اے۔ ایہہ کہندا اے، ’’تنہا کیوں رہا جائے؟ گھر آؤ – گرجا گھر وِچ آؤ!‘‘ تے اَسی ہمیشہ ایہہ الفاظ شامل کرنے آں، ’’گمراہ کیوں رہیا جائے؟ گھر آؤ – خداوند دے پُتر یسوع مسیح دے کول!‘‘

لیکن شیطان لوکاں نوں گمراہ کرن توں کِدرے بوہتا کردا اے۔ اُو اینج ای کردا اے، لیکن اُو ایس دے مقابلے وِچ ایس توں کِدرے بوہتا بُرا کردا اے۔ بائبل کہندی اے،

’’جے ساڈی خوشخبری ہُنے وی پوشیدہ اے تے صرف ہلاک ہون آلیاں دے لئی پوشیدہ اے۔ چونکہ ایس جہاں دے خدا نے اُوہناں بے اعتقاداں دی عقل نوں اَنّا کر دِتا اے‘‘ (2کرنتھیوں4: 3۔4)۔

ایس آیت وِچ ابلیس نوں ’’ایس دُنیا دا خدا‘‘ کہیا گیا اے۔ ایس دا مطلب ایہہ نئیں اے کہ ابلیس ساری قوت نال بھرپور [طاقتور] اے۔ صرف خداوند ای سب تے قادر اے۔ ایس دا مطلب اے کہ خدا نے شیطان نوں اِجازت دِتی اے کہ اُو ’’ایس موجودہ بُری دنیا‘‘ وِچ وگڑے ہوئے لوکاں دے ذہناں تے حکمرانی کرے (گلتیوں1: 4)۔

ایہو ای وجہ اے کہ داروغہ بوہتا پریشان سی تے تقریباً خودکشی ای کر چکیا سی۔ اُوہدا دماغ شیطان نے اَنّا کر دِتا سی۔ اُو مسیح نوں نئیں جانندا سی۔ اُو اُوہناں مصیبتاں نال پوری طرح اُلجھیا ہویا سی جیہڑے اُوہنوں درپیش سن، کیوں جے شیطان نے اُوہدے دماغ نوں اَنّا کیتا ہویا سی۔ کی تُسی کدی حیاتی دے بارے چہ اُلجھن محسوس کیتی اے؟ کی تُسی کدی محسوس کیتا اے کہ اِک نوجوان دے طور تے تہانوں جِنہاں مسائل دا سامنا کرنا پیندا اے اُو ایس قدر بوہتے نے کہ تُسی نئیں جانندے کہ کیس نال مشورہ لینا اے، اینج لگدا اے کہ کوئی وی تہاڈی پریشانیاں، خوفاں تے خاص طور تے تہاڈی تنہائی تے قابو پان وِچ تہاڈی مدد کرن دا اہل وکھائی نئیں دیندا؟ فلپی دے داروغہ نے بوہتی مصیبتاں تے اندیشیاں نوں محسوس کیتا جِنہاں دا اَج تہانوں سامنا اے۔ تے اکثر تہاڈے والدین نئیں جانندے کہ تہاڈی مدد کیوں کرن۔ اُو مدد کرن دی کوشش کر سکدے نے، لیکن اینج لگدا اے کہ اُو تہاڈے تیکر پہنچن دے قابل نئیں نے۔ اُو اکثر ایہناں وڈے دباواں تے خوفاں نوں پوری طرح نال نئیں سمجھدے جِنہاں وِچوں تُسی اَج اِک نوجوان فرد دے طور تے لنگ رئے اُو۔ ایہناں نوں اکثر اپنی ای ایہنیاں مصیبتاں ہوندیاں نے کہ ایہناں دے کول تہاڈی مدد کرن دی کوشش کرن دے لئی بوہتا گھٹ ویلہ یا توانائی باقی رہ جاندی اے۔ لیکن میں چاہنا واں کہ تُسی جان لو کہ یسوع مسیح پوری طرح توں ہر گل نوں سمجھدا اے جیس وِچوں تُسی لنگ رئے اُو۔ تے یسوع تہاڈی مدد کرنا چاہندا اے تے تہانوں تہاڈے گناہواں توں بچانا چاہندا اے تے تہانوں ایہدے وِچ اِک پوری نئی حیاتی دینا چاہندا اے! جی ہاں، تُسی فیر توں پیدا ہو سکدے اُو۔ بائبل دے مطابق تہاڈی حیاتی دا آغاز کر سکدے اُو جے تُسی مسیح دے کول آندے اُو تے ایہدے اَگے ہتھیار ڈال دیندے اُو۔ فیر توں شروع کرن، فیر توں جنم لین، تے مسیح یسوع وِچ اِک نئی حیاتی دا تجربہ کرن وِچ بوہتی دیر نئیں لگدی!

II۔ دوجی گل، داروغہ گناہ دی سزایابی دے تحت آ گیا سی۔

اعمال16: 29 آیت تے نظر پاؤ۔ ایہنوں اُوچی واج نال پڑھو۔

’’فیر اُوہنے چراغ منگوایا تے اندر جا وڑیا تے کنپدا ہویا پولوس تے سیلاس دے اَگے سجدہ وِچ ڈِگ پیہیا‘‘ (اعمال16: 29)

اُوہنے پولوس تے سیلاس نوں اپنے قیدخانے وِچ دعا کردے تے گاندے تے منادی کردے ہوئے سُنیا سی تے ایس گل نے، روح القدس دے اثر دے تحت، ایہنوں بوہتے خوف نال کپکپایا دِتا سی۔

اینج ہوندا اے جدوں اِک بندے نوں انجیل تے اپنے گناہواں تے اپنے کھو جان دے احساسات دا سامنا ہوندا اے، ایہدے مدد کرن آلا کوئی نہیں ہوندا اے۔ ایہنے ایہنوں خُوف نال کپکپا دِتا ہوندا اے۔ تے مینوں یقین اے کہ خدا نے خود ایس خوف نوں داروغہ دے کول پیجیا تاکہ اُوہنوں جگائے تے اُوہنوں خوفزدہ کرے، تے اُوہنوں وکھائے کہ اُوہنوں کوئی اُمید نئیں اے۔ کی تُسی ایہدے وِچوں کدی کُج محسوس کیتا اے؟ کی تُسی کدی موت دا خوف محسوس کیتا اے، جیویں کہ اُوہنے اُوس اَنّہیری رات وِچ کیتا سی؟ کی تُسی کدی سوچیا اے کہ حیاتی دا، کی، کوئی مطلب اے؟ - یا آیا تہانوں ایتھے بغیر کسی مقصد دے، صرف مرن دا انتظار کرن دے لئی چھڈیا گیا اے،

’’ایس دُنیا وِچ خدا دے بغیر نااُمیدی دی حالت وِچ‘‘؟ (افسیوں2: 12)۔

کی تُسی کدی اُونج محسوس کیتا – جیویں اُوس راتی داروغہ نے محسوس کیتا سی؟

III۔ تیجی گل، داروغہ نے پولوس تے سیلاس نال نجات کیویں پائی جائی چائیدی اے ایس بارے چہ پوچھیا تے یسوع تے ایمان لے آیا۔

داروغہ پولوس تے سیلاس نوں اُوس قیدخانے توں باہر کڈ لیہایا جیہڑا زلزلے نال ٹُٹ گیا سی۔ داروغہ اُوہناں نوں اُوس قید دے کھنڈرات توں باہر کڈ لیہایا۔ اُو خدا دے خوف نال کنپ رہیا سی۔ اعمال16: 30 آیت نوں ویکھو۔ ایہہ بائبل دی عظیم آیات وِچ اِک اے۔ اُوچی واج نال اعمال16: 30 آیت پڑھو جدوں کہ اَسی کھڑے ہونے آں۔

’’تے اُوہناں نوں باہر کڈ لیہایا، تے کہیا، صاحبو، نجات پان دے لئی مینوں کی کرنا چائیدا اے؟‘‘ (اعمال16: 30)۔

کیس قدر اہم سوال اے! اُوہنے ایہہ نئیں کہیا، ’’میں ایس گندگی وِچوں کیویں نکل سکنا آں؟‘‘ اُوہنے ایہہ نئیں کہیا، ’’میں تہاڈے فرار ہون دی وجہ توں خود نوں قید وِچ ڈلوائے جان نوں کیویں روک سکنا آں؟‘‘ ارے نئیں، خدا نے اُوہدے دِل نوں چھو لہیا سی۔ اُو خدا دے اَگے خوف نال کنپ اُٹھیا، تے اُوہنے اپنے دِل نال کہیا،

’’نجات پان دے لئی مینوں کی کرنا چائیدا اے؟‘‘ (اعمال16: 30)۔

مینوں حیرت اے کہ کی تُسی اَج دی سویر اینج محسوس کردے اُو۔ کی تُسی نجات پانا چاہندے اُو – اپنے گناہواں توں بچائے جان دے لئی، تہاڈے گناہواں دے لئی تہاڈے تے نازل ہون آلے خدا دے غضب توں بچائے جان دے لئی؟ کی تُسی جہنم دے ابدی شعلیاں وِچ سُٹے جان تون بچائے جانا چاہندے اُو؟ مینوں یقین اے کہ اُو سارے خیالات داروغہ دے ذہن وِچ سن جدوں اُوہنے اُوہناں کولوں ایہہ پُچھیا،

’’نجات پان دے لئی مینوں کی کرنا چائیدا اے؟‘‘ (اعمال16: 30)۔

پولوس تے سیلاس نے اُوہنوں کینج جواب دتا سی؟ اُوہناں نے اُوہنوں سادگی نال کہیا سی،

’’خداوند یسوع مسیح وچ ایمان لے آ تے توں نجات پا لئے گا‘‘ (اعمال16: 31)۔

’’تے اُوہناں نے اُوہنوں خداوند دا کلام سُنایا‘‘ (اعمال16: 32)۔

لہٰذا، اُوہناں نے بِلاشُبہ اُوہنوں دسیا کہ خداوند یسوع مسیح آسمان توں اُتریا تے تہاڈے گناہواں دا کفارہ ادا کرن دے لئی صلیب تے مریا۔ اُوہناں نے بِلاشُبہ اُوہنوں ایہہ وی دسیا کہ مسیح جسمانی طور تے مُردیاں وِچوں جی اُٹھیا تے واپس آسمان تے چڑھ گیا، جیتھے اُو خدا دے سجّے ہتھ بیٹھا اے۔ تے اُوہناں نے بِلاشبہ داروغہ نوں دسیا کہ یسوع اپنے قیمتی لہو نال اُوہدے سارے گناہواں نوں دھو سکدا اے۔ اُوہناں نے اُوہنوں کہیا،

’’خداوند یسوع مسیح تے ایمان لے آ تے توں نجات پا لے گا‘‘ (اعمال16: 31)۔

محض اِک تاریخی ایمان دے نال نئیں… بلکہ حیاتی تے نجات دے لئی تنہا [مسیح] وَل ویکھنا، اُوہدے تے پروہسا کرنا، تے اُوہدے تے ای پروہسا کرنا… تے اُوہدے کولوں امن، معافی، راستبازی تے ابدی حیاتی دی توقع کرنا…’’تے توں بچایا جائے گا‘‘؛ گناہ توں، تے اُوہدے سارے بُرے اثرات تے نتائج توں، قانون دی لعنت توں، شیطان دی طاقت توں، دُنیا دے شر توں، خدا دے غضب توں، جہنم تے عذاب توں؛ ایہہ اِک روحانی تے ابدی نجات دے بارے وِچ سمجھانا اے (جان گل، ڈی ڈیJohn Gill, D.D.، نئے عہد نامہ دی اِک تفسیر An Exposition of the New Testament، دی بیپٹسٹ سٹینڈرڈ بیئرر The Baptist Standard Bearer، 1989 دوبارہ اشاعت، جلد دوئم، صفحہ 301؛ اعمال16: 31 تے غور طلب گل)۔

تے بالکل اُوہی اے جہیڑا اَسی تہانوں کرن دے لئی کہہ رئے آں۔ ’’خداوند یسوع مسیح تے یقین رکھو۔‘‘ مسیح تے پروہسا کرو! اُوہدے تے پروہسا کرو! تنہا مسیح دے وسیلے توں نجات پاؤ!

’’خداوند یسوع مسیح تے ایمان لے آ تے توں نجات پا لے گا‘‘ (اعمال16: 31)۔

’’اُوسی ویلے رات نوں داروغہ اُوہناں نوں لے گیا، تے اُوہناں دے زخم دھوئے تے اُوہنے تے اُوہدے سارے گھر آلیاں نے بپتسمہ لیہیا‘‘ (اعمال16: 33)۔

ایہہ ایماندار دا بپتسمہ اے۔ سب توں پہلاں، تُسی یسوع تے یقین رکھدے اُو تے بچائے گئے اُو۔ فیر تُسی مقامی گرجا گھر دی رفاقت وِچ بپتسمہ لہیا اے۔ تہاڈے نجات پان دے بعد تُسی بپتسمہ لیندے اُو، تے جدوں تُسی بپتسمہ لیندے اُو تے تُسی مقامی گرجا گھر دے رُکن بن جاندے اُو۔ درحقیقت، مینوں یقین اے کہ ایہہ داروغہ تے ایہدا بچایا ہویا خاندان فلپی شہر دی مقامی کلیسیا دے رُکن بن گئے، لُدیہ تے اُوہدے خاندان دے نال، جِنہاں دے بارے چہ اعمال 16: 14۔15 وِچ دسیا گیا اے۔

تے ساڈی دعا اے کہ تہاڈے نال اینج ای ہووے۔ اَسی دعا کرنے آں کہ تُسی یسوع مسیح دے کول آؤ تے نجات پاؤ۔ تہاڈی تبدیلی دے بعد اَسی دعا کرنے آں کہ تُسی ایس مقامی گرجا گھر دی مکمل رفاقت وِچ بپتسمہ لوؤ گے۔ آؤ کِھلو جاؤ تے اپنے گیتاں دے ورقے توں آخری گیت گاؤ۔ ایہنوں سارے دِل دے نال گاؤ!

میں تیری خوش آمدیدی واج نوں سُننا واں،
    جیہڑی مینوں خُداوندا تیرے وَل بُلاندی اے
کیوں جے تیرے قیمتی لہو وِچ پاک صاف ہون لئی
    جیہڑا کلوری تے وگیا سی۔
خُداوندا!ً میں آ رہیا آں، میں ہُنے تیرے کول آ رہیا واں!
     مینوں دُھو ڈال، مینوں لہو وِچ پاک صاف کر ڈال جیہڑا کلوری تے وگیا سی۔
(’’اے خُداوند میں آ رہیا واں I Am Coming, Lord، شاعر لوئیس ہارٹسو Lewis Hartsough ، 1828۔1919)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔