ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ہُن میں چاہنا واں کہ تُسی اپنی بائبل وِچوں متی10: 28 آیت نوں کھولو۔ تے تہاڈے لاگے کسی دے کول بائبل نئیں اے تے میں چاہنا واں کہ تُسی اُوہناں دے نال اپنی بائبل شیئر کرو۔ تے میں چاہنا واں کہ ہر کوئی متی، 10 واں باب، آیت 28 وِچوں کلام پاک دے ایس متن نوں ویکھو۔ ایہہ یسوع مسیح دے الفاظ نے۔ اُو اپنے شاگرداں نوں گل کر رہیا سی، لیکن اُوہنے جو کہیا اُو اَج سویرے ساڈے تے یکساں طور تے لاگو ہوندا اے۔ مسیح نے متی10: 28 آیت وِچ کہیا،

’’ایہناں کولوں مت ڈرو جیہڑے جسم نوں تے مار سکدے نے لیکن روح نوں نئیں بلکہ اُوہناں کولوں ڈرو جیہڑے جسم تے روح دوواں نوں جہنم وِچ ہلاک کر سکدا اے‘‘ (متی10: 28)۔

اُو ایہناں نوں کہہ رہیا سی کہ مسیحیت دے دشمناں کولوں نہ ڈرو جیہڑے ایہناں دے جسماں نوں مار سکدے نے۔ مسیح دے دور وِچ بُہتیرے پُرجوش جنونی سن جِنہاں نے پہلی صدی وِچ مسیحیاں نوں ستایا تے ایہناں وِچوں ہزارہا نوں مار ڈالیا۔ تے اَج دُنیا دے بعض حصیاں وِچ بوہتے لوکی ایہو جئے نے جہیڑے ایہو ای کم کردے نے۔ لہٰذا مسیح دے الفاظ دا اِطلاق اَج اِک مخصوص طریقے نال لاگو ہوندا اے، جدوں اُوہنے کہیا، ’’اُوہناں کولوں مت ڈرو جیہڑے جسم نوں مار سکدے نے لیکن روح نوں نئیں‘‘ (متی10: 28)۔ ایہہ الفاظ اَج دہشت گردی دے خطرے دے تحت ساڈے لئی ایہناں ای مضبوط پیغام نے، جِہناں کہ پہلی صدی وِچ رہن آلے مسیحیاں دے لئی سی، جِنہاں نوں رومیاں کولوں مسلسل خطرہ سی۔ تے کوئی غلطی نہ کرو، بالکل اُوہی اے جیہڑی جدید انتہا پسند کرنا چاہندے نے۔ اُو غنڈہ گردی، قتل تے تباہ و برباد کرنا چاہندے نے۔ سنو ایہہ لوکی ٹیلی ویژن تے کی کہندے نے! ایہہ تہاڈے دِل وِچ سنسنی دوڑا دے گا! تے سانوں بائیں بازو دے سیاست داناں کولوں بیوقوف نہ بنایا جائے، جیہڑے ایہناں دے نال ’’امن‘‘ کرنا چاہندے نے۔ اُو امن نئیں چاہندے!

لیکن یسوع نے سانوں متی10: 28 وِچ دِسیا، ’’ ایہناں کولوں مت ڈرو جیہڑے جسم نوں تے مار سکدے نے لیکن روح نوں نئیں‘‘ کیوں جے، تُسی ویکھدے اُو کہ معاملہ اَج بالکل اینج ای اے، جیویں کہ جدوں یسوع نے کہیا سی۔ اُوہنے شاگرداں نوں کہیا کہ اُو اپنے دشمناں کولوں نہ ڈررن۔ اُو صرف ساڈے جسماں نوں مار سکدے سن، لیکن اُو ’’روح نوں مارن دے قابل نئیں نے۔‘‘ مسیحی دی روح بالکل ناقابلِ فنا نے۔ کوئی وی جنونی اِک حقیقی مسیحی دی روح نوں قتل نئیں کر سکدا! اُو صرف ایہناں ای کر سکدے نے کہ ساڈے جسماں نوں مار ڈالن۔ ساڈی روحواں ایہناں دی دسترس توں باہر نے۔ ساڈے روحواں روح القدس نال مہربند ے، ہمیشہ دے لئی محفوظ، ہمیشہ دے لئی محفوظ نے۔ اِک پرانے گیت وِچ خدا نے سچے مسیحیاں نوں کہیا،

مت ڈر، میں تیرے نال آں۔ اے [انسان] مایوس نہ ہو
     کیوں جے میں تیرا خدا آں، میں فیر وی تیرے مدد کراں گا۔
میں تینوں مضبوط کراں گا، تیری مدد کراں گا، تے تینوں کھڑا کراں گا،
     میرے مہربان، قادرِ مطلق ہتھ نوں تھامے رہ۔

جدوں کڑی آزمائشاں وِچوں تیرا گزرنا ہووے،
     میرا فضل، مکمل طور تے تیری ڈھال ہووے؛
اُو شعلے تجھے نقصان نہ پہنچان، میرا واحد مقصد،
     تیری غلاظت نوں ہڑپ کر جان تے تیرے سونے نوں خالص بنان۔

اُو روح جیہڑی سکون دے لئی یسوع وَل جھکی ہوئی اے،
     میں نئیں کراں گا، میں اُوہنوں دشمناں دے حوالے نئیں کراں گا۔
اُو روح، اگرچہ سارے جہنم نوں متزلزل ہو جانا چائیدا اے،
     میں کدی وی، کدی وی نئیں، کدی وی نئیں چھڈاں گا!
(کیہو جئی مضبوط اِک بنیاد How Firm a Foundation‘‘ ’’K‘‘ حمدوثنا دی ریبپون دی سیلیکشن وِچوں
“K” in Rippon’s Selection of Hymns، 1787)

ایہو ای سی جیہڑا یسوع دا مطلب سی جدوں اُوہنے کہیا،

’’اُوہناں کولوں مت ڈرو جیہڑے جسم نوں تے مار سکدے نے لیکن روح نوں نئیں …‘‘ (متی10: 28الف)۔

تُسی کہندے اُو، ’’کی کسی نے ایہنوں سنجیدگی نال اپنایا اے؟‘‘ جی ہاں! پوری تاریخ وِچ، لاتعداد مسیحیاں نے ایہو جئے لوکاں کولوں ڈرن توں انکار کیتا اے جیہڑے ایہناں دی جان لے سکدے نے۔ میں تہانوں دو مثالاں پیش کراں گا۔

ساؤتھ چائنا چرچ دے رکن Xuequei Gu نوں کمیونسٹاں نے 2001 وِچ مسیح تے ایمان لہیان دی وجہ توں قتل کر دِتا سی۔ گوGu نوں ستمبر وِچ گرفتار کیتا گیا سی تے اُوہنوں اَخیرلی وری 10 اکتوبر نوں جیل وین وِچ لے جایا گیا سی۔ جنوبی چین دے گرجا گھر دے رہنماواں نے کہیا کہ اُوہناں نوں اطلاع ملی سی کہ گوGu دی تشدد نال موت ہو گئی اے۔ اُوہناں نے اُوہنوں کئی دِناں تیکر اُوہدے ہتھاں دے بل چھٹ نال لمکیا۔ اُوہناں نے اُوہنوں پانی پین لئی نئیں دِتا جدوں تیکر کہ اُو پیاس نال مرن دے قریب نئیں ہو گیا۔ فیر اُوہناں نے اُوہنوں نمکین پانی پین دے لئی دِتا۔ آخرکار اُوہناں نے اُوہنوں مار مار کے موت دے گھاٹ اُتار دِتا۔

’’چین وِچ ظلم و ستم دی تحقیقات دے لئی نیویارک وِچ قائم کیمٹی نے انکشاف کیتا کہ جون توں اگست 2002 دے وِچکار 24 شہراں تے 16 کاؤنٹیاں توں182 گھریلو گرجا گھراں دے مسیحیاں نوں گرفتار کیتا گیا۔ بُہتیرے لوکاں نوں پولیس نے تشدد دا نشانہ بنایا‘‘ (فاکسے: شہیداں دی آوازں Foxe: Voices of the Martyrs ، شہیداں دی واج، 2007، صفحہ 420)۔

کسی ہُور دِن میں آشوٹز Auschwitz دے حراستی کیمپ وِچ اِک بندے دے بارے وِچ پڑھیا جِنہوں ہٹلر دے نازیاں دے ہتھوں قتل کیتا جانا سی۔ اُوہنے اپنی ووہٹی تے نکے بچے دی خاطر رحم دی بھیک منگی۔ فیر ریمنڈ کولبی Raymond Kolbe نامی اِک مسیحی پادری آگے ودھیا تے کہیا کہ اُو اُوس بندے دی تھاں لینا چاہندا اے۔ نازی کمانڈنٹ، ’’بوچر Butcher‘‘ فرٹزچ Fritzsch نے سوچیا کہ ایہو جئے ہیرو دی موت نال کیمپ نوں چھٹکارہ دِلانا بہتر ہووے گا۔ ’’بوچر Butcher‘‘ فرٹزچ Fritzsch نے 14 اگست 1941 نوں ریمنڈ کولبے نوں کاربولک ایسڈ (فینول) دا انجکشن لاہیا۔ اُو اِک خوفناک، اذیت نال موت مر گیا، ایس نازی دے لئی دعا منگدے ہوئے جِنہے ایہنوں زہر دا ٹیکہ لایا سی۔ اُو بندہ جیہدی تھاں ایہنے لئی سی اُو پڑھاپے تیکر زندہ رہیا، 1997 وِچ پولینڈ وِچ مر گیا۔ آشوٹز Auschwitz دے ڈیتھ کیمپ وِچ جیس پادری دی اُوہدے تھاں تے موت ہوئی سی اُوہنے پھانسی توں پہلاں مسیح دے لئی اپنی عقیدت دے بارے وِچ لکھیا سی، ’’تیری روح، مجسم خدا، میرے وِچ بس چکی اے جیہڑی مینوں ہمت تے مدد دے رئی اے۔ کیہو جئے معجزے نے! اینج کون سوچ سکدا سی؟‘‘ (فوکسےFoxe، ibid.، صفحات 231-233)۔

پچھلی ساری صدیاں دے مقابلے وِچ، گذشتہ اِک سو وریاں وِچ، مسیح دی وجہ توں بوہتے لوکی مرے، جیویں Xuequei Gu تے ریمنڈ کولبے Raymond Kolbe۔ اُو ریمنڈ کولبے دے نال کہہ سکدے نے، ’’کیہو جئے معجزے نے! اینج کون سوچ سکدا سی؟‘‘ ایہہ واقعی اِک معجزہ اے کہ ایہنے ہزارہاں شہید مسیحیاں نے قطعی طور تے ایس گل نوں قبول کیتا جیہڑی یسوع کہی،

’’ایہناں کولوں مت ڈرو جیہڑے جسم نوں تے مار سکدے نے لیکن روں نوں نئیں…‘‘ (متی10: 28الف)۔

ساڈی تلاوت دے دوجے اَدھے حصے دے تجربے توں لنگہن دے لئی اِک بندے نوں معجزہ ای درکار ہوندا اے،

’’… بلکہ اُوہدے توں ڈرو جیہڑا جسم تے روح دوواں نوں جہنم وِچ ہلاک کر سکدا اے’’ (متی10: 28ب)۔

متی10: 28 وی آیت دا دوجا حصہ سانوں سرے توں اِک دوجے ای خیال دا تصور پیش کردا اے۔ تلاوت دے دوجے اَدھے حصے وِچ یسوع نے کہیا،

’’… بلکہ اُوہدے کولوں ڈرو جیہڑا جسم تے روح دوواں نوں جہنم وِچ ہلاک کر سکدا اے’’ (متی10: 28ب)۔

ایس آیت وِچ مسیح نے صاف تے واضح طور تے سانوں کہیا کہ خدا کولوں ڈرو – کیوں جے اُوہی واحد اے جیہڑا ’’روح تے جسم دوواں نوں جہنم وِچ ہلاک کر سکدا اے‘‘ (متی10: 28)۔ مسیح نے سانوں دسیا کہ مسیحیت دے دشمنان کولوں نہ ڈرو۔ ایس دے بجائے اُوہنے سانوں کہیا کہ خدا کولوں ڈرو، جیہڑا جسم تے روح دوواں نوں جہنم وِچ سُٹن دی طاقت رکھدا اے۔

انگریزی لفظ ’’ڈرfear‘‘ ساڈے تلاوت وِچ دو وری وکھائی دیندا اے،

’’ایہناں کولوں مت ڈرو جیہڑے جسم نوں تے مار سکدے نے لیکن روح نوں نئیں بلکہ اُوہناں کولوں ڈرو جیہڑے جسم تے روح دوواں نوں جہنم وِچ ہلاک کر سکدا اے‘‘ (متی10: 28)۔

دوویں وری، اُو یونانی لفظ جیس نے ’’خوفfear‘‘ دا ترجمہ کیتا اے اُو ’’فوبیوphobeo‘‘ اے۔ ایہہ یونانی لفظ ’’فوبوسphobos‘‘ توں آیا اے تے ایس دا مطلب اے ’’خوفزدہ ہونا، گھبرانا... حد توں بوہتا خوف‘‘ (Strong's Concordance #5399)۔

اپنی فطری حالت وِچ کوئی وی انسان خدا کولوں نئیں ڈردا۔ بائبل نسل انسانی نوں ایہہ کہندے ہوئے بیان کردی اے،

’’اُوہناں دے اَکھاں وِچ خدا دا خوف نئیں ہوندا اے‘‘ (رومیوں3: 18)۔

صرف جدوں مسیح وِچ ایمان لہیان دی تبدیلی دا معجزہ رونما ہوندا اے تے ایہہ کہیا جا سکدا اے،

’’ہر بندے تے خوف طاری ہو گیا‘‘ (اعمال2: 43)۔

اپنے مسیحی ہون توں اِک راتی پہلاں، ایہی سی جیہڑا ڈاکٹر کیگن Dr. Cagan دے نال ہویا سی۔ اُوUCLA وِچ امتحان دے لئی پڑھائی کر رئے سن۔ اُوہناں نے کہیا،

فائنل امتحان قریب آندے ای میں وکھرن لگا۔ میں نے اِمتحان توں پہلاں دی رات اِک سرائے دے کمرے وِچ گزاری، مطالعہ کرن دی کوشش کیتی۔ لیکن میں رات تیکر جاگن دے باوجود مواد نوں سمجھ نئیں سکیا۔ میں ایس بارے چہ وی پریشان سی کہ میری حیاتی دا کی مطلب اے تے کی خدا حقیقی اے۔ مسیحیاں نے مینوں خدا دے بارے وِچ دسیا سی، لیکن میں جیہڑا کُج وی سنیا سی اُوہنوں مسترد کر دِتا۔ اُوس راتی میں سوچن پیہیا کہ کی میں صحیح سی؟ یا میں سب توں بوہتا بیوقوف سی؟ میں کڑوٹاں بدلتا رہیا تے سو نئیں پایا۔ میں اپنی خود غرضی دے بارے وِچ سوچیا کہ کیویں میں جان بُجھ کے بے اعتقادہ ہو کے خدا دی مخالفت کیتی سی۔ میں بے چین سی۔ سویرے تقریباً 4:00 وجے، میں اُوچی واج چہ کہیا، ’’خدا مینوں معاف کر۔‘‘ میں اپنی حیاتی وِچ پہلی وری نماز پڑھی سی۔ میں سمجھ نئیں پایا کہ ایس سب دا کی مطلب اے، لیکن فیر میں آخیر کار سو گیا (سی ایل کیگن، پی ایچ۔ ڈی C. L. Cagan, Ph.D.، ڈاروِن توں ڈیزائین تیکرFrom Darwin to Design، وائٹیکر ہاؤس Whitaker House، 2006، صفحہ26)۔

کیگن اَدھے گھنٹے سو کے اُٹھیا تے کلاس وِچ چلا گیا۔ پروفیسر نے پرچے تقسیم کیتے تے اُوہنے پرچے تے نظر پائی، ’’ایہہ جانندے ہوئے کہ میں فیل ہو جاواں گا۔ میرا دِل مایوسی چہ ڈوب گیا۔ فیر اچانک مینوں خدا دی موجودگی دا علم ہویا… میں پہلاں کدی خدا دا تجربہ نئیں کیتا سی۔ لیکن ایس لمحے میں جانندا سی کہ خدا حقیقی اے۔ اچانک ایس وِچ کوئی شک نئیں سی! تی وریاں توں بوہتا عرصہ گزرنے دے بعد میں ایس لمحے نوں واضح وضاحت دے نال یاد کر سکنا آں۔ ایس واقعہ توں کُج دِن پہلاں، میں اِک دوست نوں کہیا، ’جے کوئی خدا اے، تے اُوہنوں دُنیا دی سب توں اہم شے ہونا چائیدا اے۔‘ ہُن میں جانندا سی کہ ایہہ سچ اے۔ میں [میز تے پیہئے] پرچے تے نظر پائی۔ کیوں، ہُن کیوں ایہہ مینوں ایہنا سُہکھا سی! … ہُن مینوں خدا دا یقین ہو گیا سی‘‘ (ibid.، صفحات26۔27)۔

لیکن کیگنCagan ہُنے تیکر مسیحی نئیں ہوئے سی۔ مذید دو ورے اُو شاید باطنی کشمکش وِچوں لنگہے۔ اُوہناں نے کہیا، ’’میں کئی مہینیاں تیکر بے خوابی دی راتاں وِچ کشتی لڑی جدوں خدا میرے لئی حقیقی ہو گیا۔ میں اپنی حیاتی دے ایس دور نوں صرف ذہنی اذیت دے دو وریاں دے طور تے بیان کر سکنا آں‘‘ (ibid.، صفحہ41)۔ اُو گرجا گھر جا رئے سن تے بائبل پڑھ رئے سن، لیکن اُوہناں نے کہیا، ’’میں یسوع نوں نئیں چاہندا سی۔ میرے منصوبے ایہدے نال مطابقت نئیں رکھدے سن۔ میں ہُنے وی امیر تے اہم بننا چاہنندا سی تے زیادہ توں زیادہ لطف اندوز ہونا چاہنندا سی – ایسی ویلے دے دوران، میں بائبل پڑھ رہیا سی تے گرجا گھر جا رہیا سی!‘‘ (ibid. صفحہ 42)۔ کیگن چووی مہینیاں توں باطنی طور تے یسوع مسیح دے خلاف لڑ رئے سن۔

فیر اِک راتی اُو انجیلی بشارت دی میٹنگ وِچ گئے۔ ڈاکٹر کیگن نے کہیا کہ مبلغ دے کول اِک پیغام سی جیہڑا میرے لئی نیا سی۔ ایہنے کہیا کہ میں اِک گنہگار سی جِنہے خدا دے قوانین نوں توڑیا سی تے سزا دا مستحق سی۔ اپنی محبت وِچ، یسوع سولی تے [میرے گناہواں] دے لئی مرن آیا سی۔ جے میں ایہدے تے پروہسا کرنا واں، تے اُو میرے گناہواں نوں معاف کر دے گا تے میری جان نوں ہمیشہ دے لئی بچا لئے گا۔ مینوں یسوع تے پروہسا کرن دے صرف اِک عمل توں لنگہنا سی تے اُو نجات دلائے جان دے سارے کم انجام دے گا‘‘ (ibid.، صفحہ43)۔ ڈاکٹر کیگن نے کہیا،

مینوں یاد اے، بالکل دو سیکنڈ تیکر، جدوں میں [یسوع] تے پروہسا کیتا… اینج گلدا سی کہ میں فوراً ایہدا سامنا کر رہیا آں۔ نئیں، میں کوئی تصویر یا رویاء یا ایس طرح دی کوئی شے نئیں ویکھی۔ لیکن میں یقینی طور تے یسوع مسیح دی موجودگی وِچ سی تے اُو یقینی طور تے میرے لئی دستیاب سی… ایس مختصر ویلے وِچ، پروہسے دے اِک عمل وِچ… میں یسوع مسیح دے کول… تبدیلی… وِچ ساری حیاتی بھٹکدا رہیا، لیکن ایس راتی میں بدل گیا تے براہ راست تے فوراً یسوع مسیح دے کول چلا آیا (ibid.، صفحہ 19)۔

تے اَسی دعا منگنے آں کہ تُسی یسوع مسیح دے کول ’’چلے آؤ‘‘ اَسی دعا کرنے آں کہ تُسی وی ’’براہ راست تے فوراً یسوع مسیح دے کول آؤ۔‘‘ فیر ایہدا لہو تہاڈے سارے گناہواں نوں دھو ڈالے گا۔ اُوہدی راستبازی تہاڈے تے شمار کیتی جائے گی۔ تہانوں اِک مقدس خدا دی نظر وِچ معاف کر دِتا جائے گا جدوں تُسی ’’براہ راست تے فوراً یسوع مسیح دے کول‘‘ آؤ گے، جیہڑا اُوہدا اِکلوتا پُتر اے۔ براہِ کرم کِھلو جاؤ تے اپنے گانے دے ورق توں آخری گانا گاؤ۔

میں تیری خوش آمدیدی واج نوں سُننا واں،
     جیہڑی مینوں خُداوندا تیرے وَل بُلاندی اے
     کیوں جے تیرے قیمتی لہو وِچ پاک صاف ہون لئی
     جیہڑا کلوری تے وگیا سی۔
خُداوندا!ً میں آ رہیا آں، میں ہُنے تیرے کول آ رہیا واں!
     مینوں دُھو ڈال، مینوں لہو وِچ پاک صاف کر ڈال
جیہڑا کلوری تے وگیا سی۔
     (’’اے خُداوند میں آ رہیا واں I Am Coming, Lord، شاعر لوئیس ہارٹسو
Lewis Hartsough ، 1828۔1919)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔