ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

پطرس رسول نوں اگریپہ ہیرودیس اوّل Herod Agrippa I نے قید وِچ پووایا سی جیہڑا ہیرودیس دی گریٹ دا پُتر سی۔ اُوہنے ’’کلیسیا دی کُج بندیاں نوں گرفتار کر لہیا تاں جے اُوہناں نوں اذیت دیوے‘‘ (آیت1)۔ اُوہنے یوحنا دے بھرہا یعقوب نوں تلوار نال قتل کروایا سی۔ جدوں اُوہنے ویکھیا کہ بے اعتقادے یہودیاں نوں ایہہ گل پسند آئی تے اُوہنے پطرس نوں گرفتار کروا کے قید وِچ سُٹ دِتا۔ پطرس نوں قید وِچ بِلا شک و شُبہ قتل کرن لئی پایا گیا سی۔ ہیرودیس نے قیدخانے وِچ پطرس دی نگرانی لئی پہرہ داراں دے چار دستے مقرر کیتے۔ ہر دستہ چار چار سپاہیاں تے مشتمل سی جیہڑے 16 سپاہی بنندے سن۔ اُو چار دستے ہر دستے وِچ چار پہرہ دار پطرس دے قید آلے کمرے تے مسلسل نگرانی کرن لئی باریاں دے رئے سن۔ ہر ویلے دو پہرہ دار قید وِچ اُوہدے نال زنجیراں وِچ بجے رہندے سن، جدوں کہ باقی دو اُوہدے قیدخانے دے باہر بوہے تے کِھلوتے پہرہ دیندے۔ پطرس نوں اُوس قید خانے وِچ عید فسح منان دے بعد تیکر رکھیا جانا سی تے فیر قتل کیتا جانا سی۔ کسی وی انسانی طریقے نال اُوہدا فرار ہونا ممکن نئیں سی۔

’’مگر ساری کلیسیا اُوہدے لئی خُدا کولوں دِل و جان نال دعا منگ رئی سی‘‘ (اعمال 12:5).

ایس تلاوت وِچ سانوں چار گلاں تے غور کرنا چائیدا اے جیہڑی ساڈی دعا منگنا سیکھن وِچ مدد کرن گئیاں جیویں کہ ایہناں اتبدائی مسیحیاں نے کیتا سی۔

I۔ پہلی گل، اُو کُج نہ کُج ناممکن رونما ہون دے لئی دعا منگ رئے سن۔

میرا مطلب اے کوئی ایہو جیہا راستہ وکھائی نئیں دیندا سی کہ اُوہناں دیاں دعاواں دا جواب مل جاوے گا۔ اُو تے مسیح تے اییمان لہیان آلے ملے جُلے یہودیاں دا صف اِک نِکا جیہا گروہ سی۔ اُو ہیرودیس دے سپاہیاں دی اینی وڈی تعداد دے اَگے بوہتے گھٹ سن کہ اینج دا کوئی انسانی راستہ نئیں سی جیہدے نال اُو ممکن طور تے اُوہدی رہائی کر پاندے۔

+ + + + + + + + + + + + + + + + + + + + + + + + + + + + + + + + + + + + + + + + +
ساڈے واعظ ہُن تہاڈے سیل فون تے دستیاب نے۔
WWW.SERMONSFORTHEWORLD.COM تے جاؤ
لفظ ’’ایپAPP‘‘ دے نال سبز بٹن تے کلِک کرو۔
اُن ہدایات تے عمل کرو جیہڑیاں سامنے آن۔

+ + + + + + + + + + + + + + + + + + + + + + + + + + + + + + + + + + + + + + + + +

میرے خیال وچ ایہہ چنگا اے جدوں مسیحی ایس قسم دے حالات وِچ پیندے نے۔ جِتھوں تیکر اَسی سوچنے آں اَسی کُج نہ کُج کر سکنے آں، ایہہ خود تے انحصار کرن دا ساڈا رُجحان ہوندا اے۔ ایس لئی خُدا اکثر سانوں ایہو جئی تھاں تے لہیا کھڑا کردا اے جیتھے ساڈی کامیابی ممکن نئیں ہوندی۔ ایہہ اُوسی ویلے ہوندا اے جدوں اَسی حالات توں مجبور ہو کے خدا وَل رجوع کرنے آں تے اَسی معجزانہ طور تے خُدا دے کمال وکھنے آں۔ حالانکہ پطرس دی صورتحال مایوس کُن سی، اُو جانندے سی کہ خُدا ناممکن کم کر سکدا اے! ایس لئی، اُوہناں نے خود نوں دعا وِچ خُدا تے چھڈ دِتا،

’’مگر ساری کلیسیا اُوہدے لئی خُدا کولوں دِل و جان نال دعا منگ رئی سی‘‘ (اعمال 12:5).

کدی کدی انجیلی بشارت دا پرچار مایوس کُن وکھائی دیندا اے۔ سارے دی سارے غیر نجات یافتہ لوکی ‘‘قصوراں تے گناہواں وِچ مُردہ’’ ہوندے نے (افسیوں1:2)۔ ایہو جئی کوئی وی گل جیہڑی اَسی کہنے یا کرنے آں اُوہناں نوں گناہ دی قید وِچوں کڈن چہ مدد دے قابل نئیں ہوندی۔ شیطان اُوہناں نوں روحانی زنجیراں وِچ جکڑ چُکیا ہوندا اے تے پطرس جِنہاں حالات وِچ سی اُوہدے مقابلے چہ اُو بچن دے کوئی اِینا بوہتا قابل نئیں ہوندے۔ اَسی کی کر سکنے آں؟ اَسی بالکل اُوہی کر سکنے آں جیہڑا اُوہناں ابتدائی مسیحیاں نے کیتا سی!

’’پطرس تے سخت پہرے وِچ سی مگر ساری کلیسیا اُوہدے لئی خُدا کولوں دِل و جان نال دعا منگ رئی سی‘‘ (اعمال 12:5).

اُو گل جیہدے لئی اُو دعاواں منگ رئے سی ناممکن وکھائی دیندی سی مگر فیر وہ اُوہناں نے دعا منگی۔

II۔ اُوہناں نے خدا کولوں دعا منگی سی۔

اُو دعا جیہدا بھرپور جواب مِلدا اے ‘‘خُدا کولوں’’ منگی ہوئی دعا ہوندی اے۔ دعا جیس وِچ طاقت ہوندی اے اُو دعا ہوندی اے جیہڑی ‘‘خُدا کولوں’’ منگی جاندی اے۔

بوہتی وری ساڈی کہلائی جان آلی دعا ’’خُدا نال‘‘ نئیں ہوندی۔ واقعی چہ خدا کولوں منگی جان آلی دعا لئی جدوں اَسی دعا منگنے آں تے خدا دے لئی اِک یقینی تے خود ساختہ نقطۂ نظر ہونا چائیدا اے۔ ساڈے کول اِک بوہتا ضروری احساس ہونا چائیدا اے کہ جدوں اَسی منگنے آں تے خُدا واقعی چہ ساڈی سُن رہیا ہوندا اے۔ اکثر ساڈے ذہن جیہڈی سانوں لُوڑ ہوندی اے اُوہدے نال ایس قدر پَھرے ہوندے نے کہ آپئے خدا تے توجہ مرکوز کردے ای نئیں۔ ایس دے بجائے ساڈے ذہن ایتھے اُوتھے بھٹکدے پھردے نے تے اَسی آپئے خدا تے توجہ مرکوز نئیں کردے۔ ایس قسم دی دعا وِچ کوئی طاقت نئیں ہوندی کیوں جے،

’’پس ضروری اے کہ خُدا دے کول جان آلی ایمان لہیائے کہ خُدا [اُو وجود رکھدا اے] موجود اے تے اپنے طالباں نوں اجر دیندا اے‘‘ (عبرانیوں 11:6).

مینوں پال ریڈر Paul Rader دا پرانا خوشخبری دا گیت پسند اے،

صرف یقین کرو، صرف یقین کرو،
ساریاں گلاں ممکن ہو جاندیاں نے،
صرف یقین کرو۔

اُو نِکّا جیہا کورس ساری گل کہہ دیندا اے۔ سانوں سچے طور تے خدا وِچ یقین رکھنا چائیدا اے۔ سانوں خُدا تے توجہ دین دے لئی اپنے ذہناں تے زور دینا چائیدا اے۔ خُدا ای ساری قوت دا سرچشمہ اے۔ سانوں دعا وِچ خدا نوں تھامے رکھنا چائیدا اے جے اَسی جواب دی توقع کرنے آں۔

صرف یقین کرو، صرف یقین کرو،
ساریاں گلاں ممکن ہو جاندیاں نے،
صرف یقین کرو۔

اعمال بارہ باب وِچ ایہہ ابتدائی مسیحی خدا وِچ یقین رکھدے سن تے پطرس دے لئی اپنی دعاواں وِچ اُوہناں نے خُدا وَل رجوع کیتا سی تے خُدا تے توجہ دِتی سی۔ تے جدوں اَسی شیطان دے گھر دی قید وِچوں اپنے گواچے ہوئے بیلیاں تے رشتہ داراں نوں بچا لہیان لئی ویکھن دی کوشش کر رئے ہونے آں تے سانوں وی خُدا وَل رجوع کرنا چائیدا اے تے اپنے ذہناں دی توجہ اُوسی تے مرکوز کرنی چائیدی اے – کیوں جے تنہا اُو ای ساڈی دعاواں دا جواب دے سکدا اے تے اپنی قوت نچھاور کر سکدا اے تے ساڈے بیلیاں نوں روحانی اسیری وِچوں باہر کڈ سکدا اے۔

III۔ تیجی گل، دعا پطرس دے لئی دِل و جان نال منگی جا رئی سی۔

’’پطرس تے سخت پہرے وِچ سی مگر ساری کلیسیا اُوہدے لئی خُدا کولوں دِل و جان نال دعا منگ رئی سی‘‘ (اعمال 12:5).

اُوہناں دی دعا دا راز اُوہناں لفظاں ‘‘دِل و جان نالwithout ceasing’’ وِچ پایا جاندا اے۔ جدید ترجمیاں وِچ اِک نے ایہدا ترجمہ ‘‘پُرخلوص earnest’’ کیتا، ‘‘کلیسیا نے اُوہدے لئی خُدا کولوں پُرخلوص دعا منگی سی۔‘‘ لیکن نا ای تے ’’دِل و جان نال‘‘ یا ’’پُرخلوص طور تے‘‘ اصلی یونانی دی مکمل ثابت قدمی پیش کردی اے۔ ایس لفظ دا لفظی مطلب ’’شدت وچ ودھی ہوئیstretched-out-edly‘‘ ہوندا اے۔ ایہہ دعا منگدے ہوئے اِک ہستی دی نمائندگی کردا اے جیہڑی پُرخلوص طور تے شدید خواہش دے نال ودھ چکی ہوندی اے۔ ’’شدتintensity‘‘ ایس دے ترجمے وِچ استعمال کرن دے لئی غالباً بہترین انگریزی دا لفظ اے۔ ایہہ اے جیہڑا ڈاکٹر ٹورے Dr. Torrey نے کہیا (آر۔ اے۔ ٹورے، ڈی۔ڈی۔R. A. Torrey, D.D.، دعا کیویں منگنی چائیدی اے How to Pray، وائٹیکر ہاؤس Whitaker House، دوبارہ اشاعت1983، صفحہ25)۔

’’مگر ساری کلیسیا اُوہدے لئی خُدا کولوں دِل و جان نال دعا منگ رئی سی‘‘ (اعمال 12:5).

ایہی یونانی لفظ گتسمنی دے باغ وِچ یسوع دی دعا دے بارے وِچ دسن دے لئی استعمال ہویا سی، جیتھے ایہہ کہیا گیا اے،

’’فیر اُو سخت درد و کرب وِچ مبتلا ہو کے ہُور وی دِلسوزی نال دعا کرن لگا تے اُوہدا پسینہ لہو دی بونداں وانگوں زمین تے ٹپکنے لگا‘‘ (لوقا22:44)۔

دعا وِچ مسیح ساڈی مثال اے جیویں کہ دوجی تمام گلاں وِچ اے۔ دوجے لفظاں چہ، اُو دعا جیہڑی خُدا نال گلاں پا لیندی اے ایہو جئی دعا ہوندی اے جیس وِچ اَسی اپنی ساری روح و جان ڈال دینے آں، شدید خواہش تے درد و کرب وِچ مبتلا ہو کے خُدا دے حضور وِچ اپنی دعاواں سامنے رکھنے آں۔ ساڈی زیادہ تر موجودہ دور دی دعاواں وِچ اُوہناں خصوصیات دی قلت اے۔ اَسی اپنی دعاواں وِچ ایس قدر کم جوش تے کوشش تے دلسوزی وکھانے آں کہ اَسی اُوہناں دا جواب پان دے لئی خُدا کولوں بوہتا خلوص تے جوش دی توقع نئیں کر سکدے۔ میں اِک آدمی یا عورت نوں خُدا دے اَگے اپنے دِلاں نوں جوش و خروش دے نال اُنڈیلدا ہویا ویکھنا چاہنا واں۔ اکثر تنہا اُوہی دعاواں ہوندیاں نے جنہاں دا جواب ملدا اے۔

IV۔ چوتھی گل، دعا کلیسیا نے منگی سی۔

’’پطرس تے سخت پہرے وِچ سی مگر ساری کلیسیا اُوہدے لئی خُدا کولوں دِل و جان نال [شدت نال] دعا منگ رئی سی‘‘ (اعمال 12:5).

دعا وِچ شدید طاقت ہوندی اے جدوں ساری کلیسیا اُوہدی ضرورتاں دے لئی شدت دے نال دعا منگن دے لئی اکٹھی ہوندی اے،

’’کیوں جے جیتھے دو یا تین میرے ناں تے اِکٹھے ہوندے نے اُوتھے میں اُوہناں دے درمیان موجود ہونا واں‘‘ (متی 18:20).

ساڈے گرجا گھر وِچ بوہتی زیادہ دعا منگی جاندی اے تے ایہہ چنگا اے۔ مگر جدوں سب توں بوہتے جوشیلے مرد تے عورتاں صرف دعا منگن دے لئی اِکٹھے ہوندے نے تے ایتھے ای اے جدوں خُدا وَلوں عظیم ترین قوتاں ملدیاں نے۔

خدا اُوہناں دعاواں نوں سُنے گا تے اُوہناں دا جواب دیوے گا جیویں کہ اُوہنے اعمال12 وِچ پطرس دے لئی کہیا۔ بیٹریاں ٹُٹ جان گئیاں۔ نابینا ویکھن دے قابل ہو جان گے، بتگشتہ لوکی تبدیل ہو جان گے۔ خُدا دے لئی کُج وی شدید سخت نئیں ہوندا۔ اُوہنے اِک فرشتہ پیجیا، قید دے بوہے کھلوائے تے پطرس آزاد سی! جے اَسی اینج دعا مانگیے جیویں اُوہناں نے منگی سی تے بے شمار برگشتہ لوکی شیطان دی گرفت توں خُدا دے وسیلے نال چھیتی آزاد ہو جان گے تے جلد ای تبدیل ہو جان گے۔ تنہا دعا منگو۔ جیتھے کدرے ممکن ہووے اِکٹھے دعا منگو۔ جوش دے نال دعا منگو! خدا جواب دیوے گا تے اَسی چھیتی ای بے شمار تبدیلیاں نوں ویکھاں گے۔ خُدا تہاڈی ایس کوشش وِچ مدد کرے۔ بوہتے لوکی گناہ توں رُخ موڑ کے یسوع وَل مُنہ کرن گے تے نوے سرے توں جنم لین گے۔ خُدا دعا دا جواب دیندا اے! ہُن آؤ اُو کورس گاؤ تے ایہہ عبادت ختم ہوندی اے،

صرف یقین کرو، صرف یقین کرو،
ساریاں گلاں ممکن ہو جاندیاں نے،
صرف یقین کرو۔
   (’’صرف یقین کرو Only Believe‘‘ شاعر پال ریڈر Paul Rader، 1878۔1938)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔