ناقابلِ تبدیل مسیح – کرسمس دا اِک واعظ | The Unchangeable Christ - A Christmas Sermon

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایہہ انہیری رات وِچ سی کہ خداوند دا فرشتہ چرواہیاں تے ظاہر ہویا تے مسیح دی پیدائش دا اعلان کیتا۔ اَج دُںیا فیر توں تاریک اے۔ ایہہ تاریکی وِچ ایس دُںیا دے پس منظر دے خلاف اے کہ کرسمس دا پیغام معنی رکھدا اے۔

ڈاکٹر کارل ایف ایچ ہنری Dr. Carl F. H. Henry بیسویں صدی دے اِک مشہور انجیلی عالم الٰہیات سن۔ اپنی حیاتی دے اَخیر چہ ڈٓاکٹر ہنری نے اِک کتاب لکھی جیس دا ناں اِک عظیم تہذیب دی سحرTwilight of a Great Civilization اے۔ ایس دے چند اقتباسات ایہہ نے۔ ڈاکٹر ہنری نے کہیا،

ساڈی نسل خدا دی سچائی توں بھٹک گئی اے… ایس نقصان دی قیمت ایہنوں بت پرستی نوں تیزی نال فیر توں جڑ پھڑن چہ چکانا پے رئی اے… وحشی آ رئے نے۔ اِک پوری نسل پروان چڑھ رئی اے جیس نوں تخلیقِ نو [نئے جنم]دے بارے چہ کوئی شعور نئیں اے… وحشی اِک زوال پذیر تہذیب دی ھول نوں ہلا رئے نے تے پہلاں توں ای اِک معذور کلیسیا دے سائے وِچ نظراں توں بچ کے وڑ رئے نے (کارل ایف ایچ ہنری، پی ایچ ڈی Carl F. H. Henry, Ph.D.,، اِک عظیم تہذیت دی سحر Twilight of a Great Civilization، کراس وے بکسCrossway Books، 1988، صفحات 15-17)۔

سپریم کورٹ وِچ ایہناں دی متنازع تلخ نامزدگی دی اِک دہائی بعد، جج رابرٹ بورک Robert Bork نے کہیا،

ساڈی ثقافت تقریباً ہر شعبے وِچ زوال دا شکار اے، مقبول موسیقی توں لے کے مذہب تیکر (آج دی مسیحیتChristianity Today، 19مئی، 1997، صفحہ30)

…اِک سفاکانہ تے افراتفری دا کلچر… بوہتے توں بوہتی بیمار کرن آلی پستی وِچ ڈُب رہیا اے (رابرٹ ایچ بورک Robert H. Bork، گومورہ وَل بے ھنگم جھکنا: دورِ حاضرہ دی لبرل ازم تے امریکی زوال، ہارپر کولنز HarperCollins، 1996، صفحہ 140)۔

بلی گراہم نے کہیا، ’’اَسی اِک ایہو جیہا معاشرہ نے جیہڑا آپئے اپنی تباہی دے دہانے تے کِھلوتا اے‘‘ (لاس اینجلس ٹائمزLos Angeles Times، 3مئی، 1996، صفحہ A-10)۔ یسوع نے کہیا،

’’تُسی لڑائیاں دیاں خبراں تے افواہاں سُنو گے… کیوں جے قوم تے قوم تے سلطنت تے سلطنت چڑھایاں کرن گئیاں۔ تھاں تھاں قحط پین گے تے زلزلے آن گے۔ مصیبتاں دا آغاز ایہناں ای گلاں توں ہووے گا… بہتیرے جھوٹے نبی اُٹھ کھلون گے تے بہتیرے لوکاں نوں گمراہ کر دین گے۔ بے دینی دے ودھ جان دے باعث کئی لوکاں دی محبت ٹھنڈی پے جائے گی‘‘ (متی24: 6۔12).

مسیح دی اُو پیشن گوئی ساڈے زمانے وچ پوری ہوندی وکھائی دیندی اے۔ ہر روز اسی گلوبل وارمنگ، دہشت گردی، جنگ، اسقاط حمل وگرا قتل عام یا ہولوکاسٹ، قحط تے نئی بیماریاں دی تباہ کاریاں دی سنگین پیشن گوئیاں سننے آں۔ اسی اپنے چاروں پاسے تبدیلی تے زوال ویکھنے آں۔ تے اسی پُچھ سکنے آں، ’’کی کوئی شے مستقل اے؟ کی کوئی اینج دی شے اے جیہڑی سڑدی تے ٹُٹدی یا مرجھاندی نئیں؟‘‘ بائبل کہندی اے کہ اینج دی شے اے جیہڑی کدی نئیں بدلدی۔

’’یسوع مسیح کل، تے اج بلکہ ابد تیکر یکساں اے‘‘ (عبرانیوں13: 8).

’’بنائے عالم توں ذبح کیتا ہویا برّہ اے‘‘ (مکاشفہ13: 8).

[مسیح] نوں پہلاں ای توں مسح کیتا سی، بنائے عالم توں پہلاں، اپنے لوکاں نوں اپنے لہو دے وسیلہ نال مخلصی دلان لئی پہلاں ای توں مقرر کیتا گیا سی (جان گل، ڈی ڈی، نئے عہد نامہ دی اِک تفسیر An Exposition of the New Testament ، دی بیپٹسٹ سٹینڈرڈ بیئرر، 1989 فیر اشاعت، جلد III، صفحہ 793) .

’’اُوہنے سانوں نجات دِتی اے تے پاک حیاتی لئی سدیا اے۔ ایہہ ساڈے اعمال دے سبب نال نئیں سی بلکہ اُوہدے اپنے خاص مقصد تے فضل دے سبب نال سی تے ایہہ فضل ساڈے تے مسیح یسوع وچ ازل ای توں ہو گیا سی‘‘ (2 تیموتاؤس1: 9)۔

بائبل سِکھاندی اے کہ مسیح ابدی پُتر اے، اِکلوتا جیہڑا بنایا نئیں گیا، مقدس تثلیث دی دوجی ہستی اے۔ اسی پولوس رسول دے نال کہہ سکنے آں، کہ خدا نے

’’یسوع مسیح دے وسیلے نال ساری دُنیا تخلیق کیتی‘‘ (افسیوں3: 9).

’’اُوہدے ای وسیلہ نال خدا نے سب کُج خلق کیتا اے، چاہے اُو شیواں آسمان دی ہون یا زمین دی، ویکھی ہون یا اندیکھی، تخت ہون یا ریاستاں، حکومتاں ہون یا اختیارات۔ ایس سب نوں خدا نے مسیح دے ذریعہ تے اُوسی دی خاطر پیدا کیتا۔ اُو ساریاں شیواں وچ سب توں پہلاں اے تے اُوسی وچ ساریاں شیواں قائم رہندیاں نے‘‘ (کلسیوں1: 16۔17)۔

’’ابتدا وچ کلام سی تے کلام خدا دے نال سی تے کلام ای خدا سی۔ کلام شروع وچ خدا دے نال سی۔ ساریاں شیواں اُوہدے ای وسیلہ نال پیدا کیتی گئیاں تے کوئی وی شے اینج دی نئیں جیہڑی اُوہدے بغیر وجود وچ آئی ہووے‘‘ (یوحنا1: 1۔3)۔

’’یسوع مسیح کل، تے اج بلکہ ابد تیکر یکساں اے‘‘ (عبرانیوں13: 8).

تے ایہہ ’’کل‘‘ سی، ماضی دے زمانے وچ، کہ مسیح آسمان توں زمین تے رہن لئی تھلے آیا سی۔

’’لیکن جدوں ویلہ پورا ہو گیا تے خدا نے اپنے پُتر نوں بھیجیا جیہڑا عورت توں پیدا ہویا تے شریعت دے ماتحت پیدا ہویا‘‘ (گلِتیوں4: 4)۔

کرسمس دے بارے وچ ایہی اے – خُدا بیٹے دا مجسم ہونا! اُو آسمان توں تھلے آیا، انسانی جسم وچ ملبوس ہویا سی، تے ساڈے وچکار رہیا، بنی نوع انسان دے گناہ ایہدے تے گتسمنی دے باغ وچ لدّ دِتے گئے سن،

’’تے اُو درد و کرب وچ مبتلا ہو کے ہور وی دلسوزی نال دعا کرن لگیا تے اُوہدا پسینہ لہو دیاں بونداں وانگوں زمین تے ٹپکن لگیا‘‘ (لوقا22: 44)۔

اُوہناں نے اُوہنوں گرفتار کر کے کوڑیاں نال ماریا۔ اُوہناں نے اُوہنوں صلیب تے کِلاں نال جڑیا، جیتھے اُو ’’صحیفیاں دے مطابق ساڈے گناہواں لئی‘‘ مر گیا (1 کرنتھیوں15: 3)۔ لیکن ’’اُو صحیفیاں دے مطابق تیجے دِن فیر جی اُٹھیا‘‘ (1 کرنتھیوں15: 4)۔ جدوں اُو مُردیاں وچوں جی اُٹھیا تے اُوہنے کہیا،

’’میرے ہتھ تے پاؤں ویکھو، ایہہ میں خود ای آں۔ مینوں چھو کے ویکھو کیوں جے روح دیاں ہڈیاں ای ہوندیاں نے تے نہ گوشت جیویں کہ تُسی میرے وچ ویکھ رہوے اُو‘‘ (لوقا24: 39)۔

’’جدوں اُو اُوہناں نوں برکت دے رہیا سی تے اُوہناں توں جُدا ہو گیا تے آسمان تے چُک لہیا گیا‘‘ (لوقا24: 51)۔

ایہہ سب ماضی وچ ہویا۔ لیکن ساڈی تلاوت مذید ہور دسدی اے، جیہڑی سانوں اگلے نقطہ ول رہنمائی کردا اے۔

’’یسوع مسیح کل، تے آج ۔۔۔ تیکر یکساں اے‘‘ (عبرانیوں13: 8).

اُوس آیت دے بارے وچ گل کردے ہوئے عظیم سپرجئین نے کہیا،

’’اُو اُوہدی عمر نوں دراز کرے گا۔‘‘ ہاں، ایہدے ناں نوں برکت ہووے، جدوں اُو مر گیا تے اُوہنے اپنی حیاتی ختم نئیں کیتی۔ ایہنوں زیادہ دیر قبر وچ قید نئیں رکھیا جا سکدا سی۔ تیجی سویر ہوئی، تے فاتح، اٹھ کھلویا… موت دے لوہے دے پٹّے پھاڑ دِتے، تے جیل خانہ توں باہر نکلیا، مذید ہور قربانی لئی نئیں۔ اُوہنے اپنے چالی دِن انتظار کیتا، تے فیر مقدس گیت دیاں واجاں دے نال، اُوہنے ’’اسیری دی پُرتوجہ رہنمائی کیتی تے عالم بالا وچ چُک لہیا گیا۔ ’’ایہدے وچ اُو مر گیا اُو اِک وری گناہ لئی مریا۔ لیکن ایہدے وچ اُو جِیندا اے اُو خُدا لئی جیندا اے،‘‘ مزید مرن لئی نئیں۔

ہُن اُو اپنے پیو دے پہلو وچ بیندا اے،
تے اوتھے فاتحانہ حکمرانی کردا اے،

موت تے جہنم تے فاتح (سی۔ ایچ۔ سپرجئین C. H. Spurgeon، ’’مسیح دی موت The Death of Christ،‘‘ نئی پارک سٹریٹ دا منبر The New Park Street Pulpit، پلگریم پبلیکیشنز Pilgrim Publications، فیر اشاعت1981، جلد سوئم، صفحہ 72)۔

’’یسوع مسیح کل، تے آج ۔۔۔ تیکر یکساں اے‘‘ (عبرانیوں13: 8).

خُدا اُوہدی عمر نوں دراز کر چُکیا اے، تے مسیح اج وی ایہناں ای زندہ تے حقیقی اے جیویں کہ اُو ماضی وچ سی – جدوں اُو صلیب تے مر گیا تے جسمانی طور تے مردیاں وچوں جی اُٹھیا۔ رسول اپنی ابتدائی منادی وچ لوکاں نوں ایہہ دسے بغیر شاید ای کدی اِک واعظ دی وی تبلیغ کر پائے ’’اُو زندہ اے! اُو زندہ اے! اُو زندہ اے!‘‘ مثال دے طور تے، پینتیکوست دے دِن، پطرس نے ’’اپنی واج اُچی کیتی‘‘ (اعمال2: 14) تے کہیا،

’’اُوسی یسوع نوں خُدا نے زندہ کیتا جیہدے اسی گواہ نے۔ اُو خدا باپ دے سجے ہتھ ول سربُلند ہویا… ایہہ اُوسی روح دا نزول اے جیہنوں تُسی ویکھدے تے سُنندے اُو‘‘ (اعمال2: 32۔33)۔

تے اوتھے اُتے آسمان وچ خُدا باپ دے سجے ہتھ تے، اُو جی اُٹھیا مسیح،

’’[ساڈی] شفاعت کرن لئی ہمیشہ زندہ اے‘‘ (عبرانیوں7: 25)۔

کوئی تہاڈے لئی مسیح وچ ایمان لہیا کے تبدیل ہون لئی دعا کر رہیا اے۔ تہاڈے وچوں بہتیرے مسیحی ماواں تے پیو نے جیہڑے روزانہ تہاڈی نجات لئی دعا کر رئے نے۔ لیکن اج سویر ایتھے کُج غریب نوجوان نے جیہڑے اپنے سراں نوں جھکا سکدے نے تے پُچھ سکدے نے، ’’کی میرے بچا لئے جان لئی دعا کرن آلا کوئی نئیں اے؟‘‘ کیوں، ہاں، ضرور اے! دعا دا سب توں وڈا آدمی جیہڑا کدی پیدا ہویا اے اُو تہاڈے لئی دعا کر رہیا اے! تے اُوہدا ناں یسوع ناصری اے۔ اُو ہمیشہ جنت وچ تہاڈی نجات لئی دعا کرن لئی زندہ رہندا اے! یسوع تہاڈے لئی دعا کر رہیا اے! تے چھیتی ای اُوہدیاں دعاواں قبول ہون گئیاں۔ چھیتی ای تُسی سزایابی دے تحت آ جاؤ گے۔ اپنے لئی ایہدی لوڑ نوں ویکھو گے، تے ایہدے منتظر باہواں وچ چھیتی نال ٹُر آؤ گے، کیوں جے اُو

’’[ساڈی] شفاعت کرن لئی ہمیشہ زندہ اے‘‘ (عبرانیوں7: 25)۔

ایہہ اوہی یسوع اے جیہڑا تہاڈی روح دی نجات لئی دعا کردا اے، انتہائی اوہی یسوع، جیہڑا یروشلیم دیاں سڑکاں تے ٹُردا سی، تے تہاڈے گناہواں لئی صلیب تے مریا۔ اوہی یسوع تہاڈے لئی دعا کردا رہوے گا جدوں تیکر کہ تُسی تبدیل نئیں ہو جاندے۔ تے مینوں یقین اے کہ تہاڈے لئی اوہدی دعا دا اُوہناں ای خوش کُن جواب ملے گا، جیویں کہ ساڈیاں دعاواں نے ساڈے گرجا گھر وچ اِک کُڑی لئی کیتا سی جیہڑی چند ہفتے پہلاں موت دے دہانے تے پہنچی سی۔ اُوہنے اُوہنوں جسمانی موت توں زندہ کیتا، تے اُو تہانوں ’’قصوراں تے گناہواں وچ‘‘ موت توں زندہ کرے گا (افسیوں2: 1)، کیوں جے

’’[ساڈی] شفاعت کرن لئی ہمیشہ زندہ اے‘‘ (عبرانیوں7: 25)۔

’’یسوع مسیح کل، تے آج ۔۔۔ تیکر یکساں اے‘‘ (عبرانیوں13: 8).

اُو اج وی اونج دا ای اے جیویں کدی سی۔ تے مینوں یقین اے کہ تہاڈے لئی اُوہدیاں دعاواں چھیتی ای قبول ہون گئیاں۔ اُودوں اسی سب کیہنے خوش ہواں گے، جدوں تُسی اُوہدے ول رجوع کرو گے جیہڑا تہاڈے نال محبت کردا اے، تے نجات پاؤ گے – اُوہدیاں دعاواں دے جواب وچ! لیکن ساڈی تلاوت وچ اِک ہور خیال وی اے، جیہڑا سانوں ایس واعظ دے اخیرلے نقطہ تیکر لے جاندا اے۔

مہربانی نال کھلوو تے ساڈی تلاوت عبرانیوں13: 8 آیت نوں اُچی اواج نال پڑھو۔ ایہنوں اُچا تے چنگی طرح پڑھو، اخیرلے تِن لفظاں تے زور دیندے ہوئے۔

’’یسوع مسیح کل، تے اج بلکہ ابد تیکر یکساں اے‘‘ (عبرانیوں13: 8).

حالانکہ میں یقین رکھنا واں کہ ’’فیصلہ سازیت‘‘ دی نجات تے بلی گراھم Billy Graham غلط نے، میں پورے دِل دے نال اُوہدے نال متفق ہونا واں جدوں اُوہناں نے کہیا،

بائبل سِکھاندی اے کہ کل مسیح بادشاہواں دا بادشاہ تے خداونداں دا خداوند ہووے گا۔ خُدا دے دور وچ اِک عرصہ اے جدوں مسیح ایس دنیا وچ واپس آئے گا۔ بائبل ایہہ اعلان کرن وچ واضح اے کہ مسیح… واپس آئے گا۔ خدا دُنیا نوں [نئیں] بھُلیا اے، تے اِک سلگدی ہوئی تہذیب دے جلدے ہوئے انگارے توں، خدا اِک [مملکت] نوں تشکیل دیوے گا جیہدے وچ مسیح بادشاہ ہووے گا… ایویں مسیح نے آخر کار ایس زمین تے حکومت کرن لئی اپنی صحیح تھاں حاصل کر لئی ہووے گی۔ (بلی گراھم، ڈی ڈی Billy Graham, D.D.,، ’’بادشاہ پیدا ہویا اےThe King is Born،‘‘ فیصلہDecision میگزین، دسمبر 2007، صفحہ 5)۔

جدوں اُو دِن آئے گا تے یسوع آسمان توں واپس آئے گا، تے ایہدے لباس تے اِک ناں لکھیا ہووے گا جیہتے تے لکھیا ہووے گا، ’’بادشاہواں دا بادشاہ، تے خداونداں دا خدا‘‘ (مکاشفہ19: 16)۔ کیہناں شاندار دن ہووے گا جدوں،

’’دُنیا دی بادشاہی ساڈے خداوند تے اُوہدے مسیح دی ہو چُکی اے تے اُو ہمیشہ تیکر بادشاہی کردا رہوے گا‘‘ (مکاشفہ11: 15)۔

اُودوں ساڈی تلاوت دا مکمل مطلب ساری نسل انسانی دے ویکھن لئی سادہ ہو جاوے گا،

’’یسوع مسیح کل، تے اج بلکہ ابد تیکر یکساں اے‘‘ (عبرانیوں13: 8).

جیویں کہ مسٹر گریفتھ نے اِک لمحہ پہلاں گایا،

اُو فیر آ رہیا اے، اُو فیر آ رہیا اے،
بالکل اوہی یسوع، جیہنوں لوکاں نے رد کیتا؛
اُو فیر آ رہیا اے، اُو فیر آ رہیا اے،
عظیم جلال تے قوت دے نال، اُو فیر آ رہیا اے!
(’’اُو فیر آ رہیا اے He is Coming Again، شاعر میبل جانسٹن کیمپ Mabel Johnston Camp، 1871۔1937).

’’یسوع مسیح کل، تے اج بلکہ ابد تیکر یکساں اے‘‘ (عبرانیوں13: 8).

تے اِک ہور گل۔ ناقابل تبدیل مسیح اج سویر تہاڈے لئی دستیاب اے۔ اُوہدے کول آؤ۔ اُوہدے تے پرہوسا کرو، تے اُو خُدا دے ریکارڈ توں ہر اُوس گناہ نوں مِٹا دیوے گا جیہڑا تُسی کدی کیتا اے، یا کدی کیتا ہووے گا! تے اُو تہاڈی جان نوں ہمیشہ تے ہمیشہ لئی، ابدیت لئی محفوظ رکھے گا۔ تُسی چھیتی ای یسوع دے کول آؤ! اُوہدے ناں وچ۔ آمین

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔