خُدا دی دعا – وعدہ | God's Prayer Promise

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

بابل دی فوج نے یروشلم شہر نوں گھیر لیہیا سی، خدا نے یرمیاہ نبی نوں کہیا،

’’میں ایہہ شہر شاہِ بابل دے حوالہ کرن نوں آں تے اُو ایہدے تے قبضہ کر لئے گا‘‘ (یرمیاہ 32: 3)۔

ایہدے نال یہوداہ دے بادشاہ صدقیاہ نوں غصہ آیا۔ اُوہنوں ڈر سی کہ نبی لوکاں دی حوصلہ شکنی کرن گے تے بغاوت کر دین گے۔ اُوہنے یرمیاہ نوں ایہو جئی گل دی تبلیغ کرن تے جیل وِچ سُٹ دِتا۔ اُوتھے، جیل دی تاریک قید وِچ، خدا نے یرمیاہ دے دِل نال گل کیتی،

’’میہنوں پُکار تے میں تیہنوں جواب دیاں گا، تے تیہنوں نہایت غیرمعمولی تے پوشیدہ گلاں دساں گا جِنہاں نوں توں نئیں جانندا‘‘ (یرمیاہ 33: 3)۔

ایہہ بائبل دے عظیم وعدیاں وِچوں اِک اے، کہ خدا دعا دا جواب دیہندا اے۔ ایہہ تحریر ساڈے لئی بہوتی حوصلہ افزا اے۔ ایہہ ظاہر کردی اے کہ بظاہر ناممکن حالات وِچ وی خدا دعا دا جواب دیہندا اے۔ تہاڈے وِچوں کُجھ لوکی اَج سویرے افسردہ تے نااُمید محسوس کر سکدے نے، لیکن ایہناں الفاظ نال تہانوں اُمید لبھنی چائیدی اے،

ایہہ تلاوت فطری طور تے تین نکات وِچ تقسیم ہوندی اے۔

I۔ پہلی گل، خدا سانوں دعا منگن دے لئی حکم دیہندا اے۔

خدا دے لئی ضروری اے کہ اُو سانوں دعا کرن دا حکم دیوے، کیوں جے اَسی اینج کرن دی اہمیت نوں ایہنی آسانی نال بُھل جانے آں۔ یوناہ وانگوں، اَسی و ی اکثر ’’جہاز دے کناریاں وِچ دُبک جانے آں۔ تے گہری نیندر … سو جانے آں‘‘ (یوناہ 1: 5)۔ خدا کہندا اے، ’’میہنوں پُکار‘‘ کیوں جے اُو جانندا اے کہ شاید اَسی دعا کرنا بُھل جاواں گے۔ لہٰذا، یونس دے زمانے وِچ جہاز دے مالک وانگوں، خدا کہندا اے،

’’توں کیویں سو سکدا اے، اے سون آلے؟ اُٹھ تے اپنے خدا نوں پکار‘‘ (یوناہ 1: 6)۔

شیطان نئیں چاہندا کہ توں دعا کریں۔ اُو سرگوشی کردا اے، ’’ایہدے نال کی فائدہ ہووے گا؟ تیہنوں دعا کیوں منگنی چائیدی اے؟‘‘ شک تے آزمائش دے ایہناں ویلیاں وِچ ساڈے لئی ایہہ یاد رکھنا چنگا اے کہ سانوں دعا منگن دا حکم دِتا گیا اے۔ جے سانوں یاد نہ دلایا جائے کہ سانوں دعا منگن دا حکم دِتا گیا اے، تے اَسی ایہنوں مکمل طور تے ترک کر سکنے آں۔ لیکن چونکہ خدا میہنوں دعا کرن نوں کہندا اے، میہنوں ایہہ ضرور کرنا چائیدا اے۔ خواہ میرا دماغ بھٹک جائے تے میرے الفاظ ناکافی ہون، میہنوں اُو ای کرنا چائیدا اے جیہڑا خدا کہندا اے،

کی بیماری تہانوں پریشان کردی اے؟ ’’میہنوں پکار۔‘‘ کی تہاڈے بچے غیر تبدیل شُدہ [مسیح وِچ ایمان نہ لیہیا کے تبدیل نئیں ہوئے] ہوئے نے؟ ’’میہنوں پکار۔‘‘ کی بوجھ بھاری لگدا اے جِنہوں چُکن دے لئی تہانوں بُلایا گیا اے؟ ’’میہنوں پکار۔‘‘ کی تُسی جیہڑا کام کر رئے اُو وہ بے نتیجہ لگدا اے؟ ’’میہنوں پکار۔‘‘ خدا سانوں دعا منگن دا حکم دیہندا اے کیوں جے اُو دعا دا جواب دین تے قادر اے! ایس تاریک قیدخانے وِچ پیہئے ہوئے آں، خداوند کا کلام نبی تے آیا، تے کہیا،

’’خداوند ایویں فرماندا اے، جیس نے زمین بنائی اُو خدا جیس نے اُوہنوں تشکیل کیتا تے قائم کیتا؛ اُوہدا ناں خداوند اے؛ میہنوں پکار …‘‘ (یرمیاہ 33: 2۔3)۔

خدا آسمان تے زمین دا بنان آلا اے۔ اُو ایہہ سب اپنے ہتھ وِچ رکھدا اے۔ ایہہ قادرِ مطلق خدا اے جیہڑا کہندا اے، ’’میہنوں پکارو۔‘‘

اے خداوند میرے خدا، جدوں میں حیرت زدہ ہونا آں۔
اُوہناں ساریاں کمّاں تے غور کرنا آں جیہڑے تیرے ہتھی بنائے گئے نے۔
میں ستاریاں نوں ویکھنا آں، میں بدلاں دی گھن گرج سُننا آں،
ساری کائنات وِچ تیری قدرت ظاہر ہو گئی۔
فیر میری روح، میرے نجات دہندہ خداوند، تیرے لئی گاندی اے،
توں کیہنا عظیم اے، توں کیہنا عظیم اے،
فیر میری روح، میرے نجات دہندہ خداوند، تیرے لئی گاندی اے،
توں کیہنا عظیم اے، توں کیہنا عظیم اے،
(توں کیہنا عظیم اے How Great Thou art، شاعر کارل جی بوبرگ، 1859۔1940؛ ترجمہ کیا سٹیورٹ کے حائین، 1899۔1989)۔

سوچو کہ بائبل سانوں کیہنی وری دعا کرن دا حکم دیہندی اے۔ بار بار، کلام پاک دے صفحات تے، سانوں دسیا جاندا اے،

’’مصیبت دے دِن میہنوں پکار، میں تیہنوں نجات دیاں گا‘‘ (زبور 50: 15)۔

’’جدوں تیکر خداوند لبھ سکدا اے اُوہدے طالب رہوو تے جدوں تیکر اُو نیڑے اے اُوہنوں پکارو‘‘ (اشعیا 55: 6)۔

’’منگو تے تہانوں دِتا جائے گا، لبھو گے تے پاؤ گے، کھٹکھٹاؤ تے تے تہاڈے لئی بوہا کھولیا جائے گا‘‘ (متی 7: 7)۔

’’جاگدے تے دعا کردے رہوو تاکہ آزمائش وِچ نہ پیہوؤ‘‘ (متی 26: 41)۔

’’بِلا ناغہ دعا منگو‘‘ (I تسالونیکیوں 5: 17)۔

’’خدا دے فضل دے تخت دے کول دلیری نال جاؤ‘‘ (عبرانیوں 4: 16)۔

’’میہنوں پکار تے میں تیہنوں جواب دیاں گا …‘‘ (یرمیاہ 33: 3)۔

کدی ایہہ سوال نہ کرو کہ کی تہانوں دعا منگن دا حق اے؟ کدی وی شیطان نوں تہانوں ایہہ نہ دسن دیو کہ تُسی ایہنے گنہگار اُو کہ خدا تہانوں سُن نئیں سکدا! تُسی اپنے ناں تے، یا اپنی خوبی یا نیکی نال دعا نئیں منگ رئے اُو۔ تُسی یسوع مسیح دے ناں تے خدا دے کول آ رئے اُو – اُوہدی خوبیاں نال، اُوہدی نیکی نال، اُوہدے لہو تے راستبازی نال۔ اَسی صرف اِخ علامت دے طور تے یسوع دے ناں نوں نئیں ’’جوڑدے۔‘‘ ساڈی پوری دعا یسوع دے مقدس ناں وِچ ہونی چائیدی اے!

قیمتی نام، ہائے، کیہنا پیارا!
   زمین دی اُمید تے آسمان دی خوشی؛
قیمتی نام، ہائے، کیہنا پیارا!
   زمین دی اُمید تے آسمان دی خوشی۔

یسوع دا ناں اپنے نال لے لوؤ،
   دُکھ تے غم دا بچہ؛
ایہ تہانوں سکون تے خوشی دے گا،
   ایہہ لے لوؤ، فیر، پاویں تُسی جیتھے مرضی جاؤ۔
قیمتی نام، ہائے، کیہنا پیارا!
   زمین دی اُمید تے آسمان دی خوشی؛
قیمتی نام، ہائے، کیہنا پیارا!
   زمین دی اُمید تے آسمان دی خوشی۔
(’’یسوع دا ناں اپنے نال لے لوؤ Take the Name of Jesus With You‘‘ شاعر لیڈیا بیکسٹر Lydia Baxter، 1809۔1874)۔

’’میہنوں پکار تے میں تیہنوں جواب دیا گا‘‘ (یرمیاہ 33: 3)۔

یسوع نے کیہیا، ’’منگو تے تہانوں لبھے گا‘‘ (یوحنا 16: 24)۔ ڈاکٹر جان آر رائس نے اپنی شاندار کتاب، دعا، منگنا تے قبول ہوناPrayer, Asking and Receiving (سورڈ آف دی لارڈ پبلشرز، 1981 دوبارہ پرنٹ) وِچ کیہیا،

تے دعا منگنی ہوندی اے تے دعا دا جواب لبھنا قبول ہونا ہوندا اے۔ دعا دے جواب وِچ ،خدا معجزانہ طور تے انسانی معاملات وِچ مداخلات کردا اے تے شیواں نوں بدل دیہندا اے، ایتھوں تیکر کہ جسمانی معجزات دے کام کرن تیکر … ایہہ کوئی غیر تجربہ شُدہ نظریہ نئیں اے جیہڑا میں پیش کر رہیا آں۔ ہر اُو وعدہ جیہدے بارے چہ میں لکھنا آں، میں آزما چکیا آں تے ثابت کیتا اے۔ ایس لئی جدوں میں ایہہ کتاب لکھ رہیا آں … میں جاننا آں کہ خدا دعا دا جواب دیہندا اے۔ اُوہنے ہزارہا وری میری گل دا جواب دِتا اے۔ دعا دے جواب ایہنے قطعی نے، ایہنے واضح طور تے اِمکان دے دائرے توں باہر کہ اِک غیر جانبدار تفتیش کار نوں ایہہ یقین ہونا چائیدا اے کہ دعا دے ایہہ جوابات واقعی اِک محبت کرن آلے خدا دی مافوق الفطرت مداخلت سی جیہڑا اپنے بچیاں دے لئی معجزات کردا اے جدوں اُو اُوہدے تے پروہسا کردے نے

(جان آر رائس، الوہیت وِچ ڈاکٹریٹ John R. Rice., D.D.، دعا، منگنا تے قبول ہوناPrayer, Asking and Receiving ، سورڈ آف دی لارڈ پبلشرز، 1981 دوبارہ پرنٹ، صفحہ 12)

اگرچہ میں ڈاکٹر رائس وانگوں دعا منگن آلا عظیم آدمی نئیں آں، لیکن میرا یقین اے کہ حقیقی دعا خدا کولوں مخصوص گل منگنی ہوندی اے، تے اُو ای شیواں حاصل کرنا ہوندا اے جیہڑیاں اَسی منگنے آں۔ ساڈی تلاوت کہندی اے،

’’میہنوں پُکار تے میں تیہنوں جواب دیاں گا …‘‘ (یرمیاہ 33: 3)۔

میں ڈاکٹر رائس دے نال ایمانداری نال کہہ سکنا آں، ’’میں جاننا آں کہ خدا دعا دا جواب دیہندا اے۔‘‘ میں تہانوں کُجھ مثالاں پیش کرنا آں جدوں میں دعا منگی تے خدا نے میہنوں بالکل اُو ای دِتا جیس دے لئی میں دعا منگی سی۔

جدوں میں پہلی وری پادری بنیا تے میں دو گرجا گھر شروع کیتے، اِک شمالی کیلیفورنیا وِچ تے ایہہ ایتھے لاس اینجلز وِچ۔ اُو دوویں گرجا گھر، جیہڑے ہُنے وی موجود نے، ’’انتہائی چھوٹے پیمانے تے‘‘ شروع کیتے گئے سن۔ صرف میں، دلچسپی رکھن آلے تھوڑے جئے لوکاں دے نال، ہپّی ثقافت توں نوجواناں نوں مسیحی بنان دی کوشش کر رہیا سی۔ ایہہ ناممکن لگ رہیا سی، تے کئی وریاں توں ایہہ انسانی طور تے ناممکن سی۔ لیکن میں خدا خدا کولوں کئی وری دعا کیتی کہ اُو سانوں ایہہ گرجا گھر دے، تے اُوہنے میری دعاواں تے دوجے وفادار مسیحیاں دی دعاواں دے جواب وِچ ایہہ گرجا گھر سانوں دِتا۔ حقیقت ایہہ اے کہ ایہ گرجا گھر اَج موجود اے ایس گل دا ثبوت اے کہ خدا دعا دا جواب دیہندا اے – کہ جے اَسی اُوہدے کولوں دعا وِچ کُجھ منگنے آں، تے اُو سانوں بالکل اُو ای دیہندا اے جیہڑا اَسی اُوہدے کولوں منگنے آں!

اِک وری فیر، جدوں میہنوں میری مدد دے لئی ووہٹی دی لوڑ سی، میں خدا کولوں اِک ٹھوس مسیحی خاتون دی درخواست کیتی۔ اِک راتی میری ملاقات اِک لڑکی نال ہوئی جیہڑی ساڈے گرجا گھر وِچ آئی سی، تے میں اُوہنوں ہر ہفتے ویکھن لگا۔ فیر ایہہ میرے تے واضح ہو گیا کہ خدا نے میری دعا دا جواب بہوتی یقینی طور تے دِتا سی، تے میہنوں بالکل اُوہی دِتا سی جیس دے لئی میں دعا کیتی سی – اِک خدا پرست پادری دی ووہٹی، جیہڑی ایس گرجا گھر نال محبت کردی اے تے اپنی حیاتی تے دِل رات دِن مسیح دے لئی کام کرن وِچ لنگہاندی اے۔ اُودھوں میہنوں امثال دی کتاب وِچوں اِک آیت یاد آئی، ’’اِک سمجھدار ووہٹی خداوند وَلوں ہوندی اے‘‘ (امثال 19: 14)۔ میں خدا کولوں دعا وِچ اِک دانشمند ووہٹی منگی، تے خدا نے میہنوں دعا دے جواب وِچ اِک دانشمند ووہٹی عطا کیتی۔ میں دعا وِچ اِک قطعی درخواست کیتی، تے خدا نے میہنوں اِک قطعی جواب دِتا – علیانہ ہائیمرز!

فیر، میں نے خدا کولوں پُتر دے لئی قطعی، مخصوص دعا منگی۔ صرف چند ای مہینیاں وِچ، خدا نے میہنوں ایس توں بوہتا دے کے جواب دِتا جیہڑا میں منگیا سی! اُوہنے میہنوں بیک وقت دو پُتر دِتے – جڑواں مُنڈے! میں کیہنا شکرگزار آں کہ خدا دعاواں نوں سُنندا تے جواب دیہندا اے!

لیکن میں تہانوں اِک ہُور مثال دیاں گا۔ میری ماں یقینی طور تے مسیحی نئیں سی۔ ہائے، اُو ہر اِتوار دی سویرے میری منادی سُنن دے لئی گرجا گھر آندی سی۔ لیکن اُو ایس لئی آندی سی کہ اُو میہنوں پیار کردی سی، ایس لئی نئیں کہ اُو اِک مسیحی سی۔ اُوہناں نوں مسیح وِچ ایمان لیہیا کے تبدیل ہون وِچ کوئی حقیقی دلچسپی نئیں سی۔ اُوہناں نوں مسیح وِچ ایمان لیہیا کے تبدیل ہون وِچ کوئی دلچسپی نئیں سی۔ اُو میہنوں مسیح وِچ ایمان لیہیان دی تبدیلی دے بارے وِچ اُوہناں دے نال گل کرن وی نئیں دیہندی سی۔ لیکن میں سال بہ سال اُوہناں دے لئی دعا کردا رہیا۔ میں نے قطعی دعا منگی۔ میں دعا کیتی کہ اُو مسیح وِچ ایمان لیہیا کے تبدیل ہو جان، تے اُو پورے دِل و جان نال گرجا گھر وِچ آئیں تے اِک حقیقی، ٹھوس مسیحی خاتون بن جان۔ اِک دِن، جدوں میں نیویارک دی ریاست وِچ منادی کر رہیا سی، خدا نے میرے دِل وِچ کہیا، ’’تیری دعاواں قبول ہو گئیاں نے۔ تیری ماں ہُن اِک حقیقی مسیحی بن جائے گی۔‘‘ میں ڈاکٹر کیگن نوں فون کیتا تے اُوہناں نوں کہیا کہ اُو میری ماں نال مشاورت کرن۔ کُجھ دِناں دے بعد اُوہناں نے اِک معجزانہ تبدیلی دا تجربہ کیتا۔ ایس لمحے توں اُو ہر سویرے میرے نال دعا وچ، تے ہر رات، ہر ہفتے 5 یا 6 راتاں تیکر، گرجا گھر وِچ سن۔ اُو بالاآخر نجات پا گئیں – 80 وریاں دی عمر وِچ، تے میں اُوہناں نوں 4 جولائی نوں بپتسمہ دِتا۔ اُوہناں نے سانوں اُو وڈا گھر دِتا جیس وِچ اَسی رہنے آں، تے اُو اپنی حیاتی دے آخیرلے ساڑھے چار ورے اِک شاندار مسیحی خاتون دے طور تے ساڈے نال رئی۔ ہاں، میں ڈاکٹر رائس دے نال کہہ سکنا آں، ’’میں جاننا آں کہ خدا دعا دا جواب دیہندا اے!‘‘

’’میہنوں پکار تے میں تیہنوں جواب دیاں گا …‘‘ (یرمیاہ 33: 3)۔

III۔ تیجی گل، خدا سانوں اُوس توں بوہتا دین دا وعدہ کردا اے جیہڑا اَسی منگنے آں۔

آؤ کھڑے ہو جائیے تے آخری گیارہ لفظاں تے دھینا دیہندے ہوئے پوری تلاوت نوں اُوچی واج نال پڑھیے۔

’’میہنوں پُکار تے میں تیہنوں جواب دیاں گا، تے تیہنو نہایت غیر معمولی تے پوشیدہ گلاں دساں گا جِنہاں نوں توں نئیں جانندا‘‘(یرمیاہ 33: 3)۔

ساڈے گرجا گھر وِچ اِک نوجوان خاتون نوں حال ای وِچ اِک بیماری ہوئی جیس نے اُوہناں دے جِگر تے گُردے نوں بند کر دِتا۔ ساڈے گرجا گھر وِچ اِک طبیب نے میہنوں دسیا، ’’اُو مر رئی اے۔ میں نئیں ویکھ سکدا کہ اُو کیویں جی سکدی اے۔‘‘ اُو لڑکی موت دے بوہے تیکر پہنچ گئی۔ ساڈے گرجا گھر نے اُوہدی صحت یابی دے لئی دعا منگی۔ وقت ساکت جیہا لگ رہیا سی۔ لیکن میں خاص طور تے اُوہدے نال متاثر ہویا جیہڑا اِک خاتون نے اِک عبادت دے بعد میہنوں کہیا۔ ایہہ عورت ہُنے تیکر مسیح وِچ ایمان لیہیا کے تبدیل نئیں ہوئی سی۔ اُو ساڈے گرجا گھر وِچ آندی جاندی رئی سی۔ لیکن اُو ایس لڑکی نال پیار کردی اے جیہڑی مر رئی سی۔ اِک راتی اُوس خاتون نے اَکھاں وِچ اَتھروواں دے نال میہنوں سرگوشی کیتی، ’’ڈاکٹر ہائیمرز، میں اُوہدے لئی دعا منگ رئی آں۔ میں اپنی حیاتی وِچ واقعی چہ پہلاں کدی وی دعا نئیں منگی، لیکن ہُن میں دعا منگ رئی آں۔ میں ذاتی طور تے سوچنا آں کہ ایہہ ایس عورت دی دعا سی، جیہڑی شاید کسی ہُور توں بوہتی سی، جیہڑی کہ خدا نے اُوس ویلے سُنی جدوں اُوہنے اُوس لڑکی نوں اُوہدے بستر توں اُٹھایا۔ ڈاکٹر رائس دا خیال سی کہ خدا کھوئے ہوئے یا برگشتہ ہوئے لوکاں دی دِلی دعاواں سُنندا اے، تے ایہنوں ثابت کرن دے لئی اپنی کتاب وِچ بائبل دی آیات دِتیاں۔ میں ایہدے نال متفق آں۔ جدوں، شاید، اُو لڑکی چند ہفتیاں وِچ گرجا گھر وِچ واپس آئے گی، میں سمجھنا آں کہ ایہہ ایس خاتون دی دعاواں دا براہ راست جواب ہووے گا۔ خدا دعا دا جواب دیہندا اے! خدا سانوں اُو ای دیہندا اے جیہڑا اَسی دعا وِچ منگنے آں! اُو اکثر سانوں اُوہدے توں بوہتا دیہندا اے جِنہا اَسی منگنے آں!

’’میہنوں پُکار تے میں تیہنوں جواب دیاں گا، تے تیہنو نہایت غیر معمولی تے پوشیدہ گلاں دساں گا جِنہاں نوں توں نئیں جانندا‘‘ (یرمیاہ 33: 3)۔

میہنوں اُمید اے کہ ایہہ عورت اپنے آپ نوں نجات دلائے جان دے لئی دعا کرنا شروع کر دے گی۔ اَج سویرے ایتھے ہُور وی نے جیہڑے [مسیح وِچ ایمان نہ لیہیائے ہوئے] غیر تبدیل شُدہ نے۔ میں تہانوں گزارش کرنا آں کہ اپنے لئی دعا کرو۔ خدا کولوں دعا کرو کہ اُو خود نوں تہاڈے لئی حقیقی بنائے۔ دعا کرو کہ خدا تہانوں گناہ دی سزا دیوے۔ دعا کرو کہ خدا تہانوں یسوع وَل کھینچے، اپنے قیمتی لہو وِچ گناہ توں پاک ہون دے لئی۔ خدا کولوں ضرور دعا منگو۔ مسیح دی خاطر اپنی روح نوں بچان دے لئی، اپنے گناہواں نوں صاف کرن، تے تہانوں جنت وِچ اِک گھر دین دے لئی اُوہدے توں منگو۔

تے ساڈے سارے لوکاں نوں ساڈے وِچکار کھوئے ہوئے یا برگشتہ ہوئے لوکاں دے لئی دعا کرن دے لئی اُکسایا جائے۔ سرسری جئی دعا مت منگو۔ کسی ایہو جئے شخص نوں منتخب کرو جیس دے لئی تُسی فکر مند اُو۔ تے خدا کولوں اُوس شخص دے لئی دعا کرو جدوں تیکر کہ اُو نجات نہ پا لئے، پاویں تہانوں کیہنی ای دیر تیکر دعا منگنی پیہئے – اُوس ویلے تیکر جاری رکھو جدوں تیکر کہ خدا تہانوں اُو نئیں دیہندا جیہڑا تُسی منگدے اُو، تے تہاڈے دوست دی اَکھاں کُھل جاندیاں نے، تے اُو چنگی طرح نال مسیح وِچ ایمان لیہیا کے تبدیل ہو جاندا اے۔ کیوں جے خدا دے کلام وِچ ایس وعدے نوں یاد رکھو۔ ایہہ چنگا ہووے گا کہ اَج سویرے ساڈی تلاوت نوں یاد کر لو، تے بار بار ایہدا دعویٰ کرو، جیویں کہ تُسی ساڈے گرجا گھر وِچ کسی دی حقیقی تبدیلی دے لئی دعا کردے اُو!

خدا تہانوں اینج دی دعا کرن دی توفیق دیوے۔ یسوع دے مقدس تے طاقتور ناں وِچ۔ آمین۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔