مسیح وِچ ایمان لیہیان دی تبدیلی دا تجربہ | The Reality of God and the Experience of Conversion

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

بُہتیرے لوکاں دا خیال اے کہ اِک غیرواضح، خیالی طاقت اے جِنہوں اُو خدا کہندے نے۔ لیکن اُو اُوہنوں کدی وی اِک ہستی دے طور تے نئیں سوچدے، نہ ای اُوہناں نوں ایہہ شک اے کہ اُو اُوہناں دے بارے چہ سوچدا اے، یا اُوہدا وجود ایہناں دے لئی کسی نہ کسی طریقے نال نتیجہ خیز اے (سی ایچ سپرجیئن، ’’خدا نوں خوش کرن دے لئی ضروری ایمان Faith Essential to Pleasing God،‘‘ میٹروپولیٹن دی عبادت گاہ دی واعظ گاہ The Metropolitan Tabernacle Pulpit، پلگِرم پبلی کیشنز، دوبارہ اشاعت 1975، جلد XXXV، صفحہ 451)۔

بُہتیرے لوکی خدا تے یقین کیتے بغیر گرجا گھر آندے نے۔ فیر وی اُو کسی نہ کسی طریقے نال، مسیح چہ ایمان لیہیا کے تبدیل ہون دی کوشش کردے نے۔ لیکن اُو گمراہ یا کھوئے ہوئے رہندے نے۔ اُو اِک دے بعد دوجا واعظ سُنندے نے، لیکن اُو نجات نئیں پاندے۔ اینج لگدا اے کہ اُو کدی وی نجات دے ظاہری تکنیکی پہلوواں توں اَگے نئیں ودھ سکدے۔ کہ اُو سیکھن دی کوشش کردے رہن کہ کی کرنا اے۔ کہ اُو سوچدے رہندے نے کہ اُو کُجھ ’’راز‘‘ سِکھ سکدے نے جیہڑا خود بخود اُوہناں نوں تبدیل کر دیوے گا۔ اُوہناں نوں بائبل وِچ ایس طرح بیان کیتا گیا اے،

’’ہمیشہ سیکھن دی کوشش کردے نے لیکن کدی ایس قابل نئیں ہوندے کہ حقیقت نوں پہچان سکن‘‘ (II تیمتھیس 3: 7)۔

کی ایہہ تہاڈی حالت اے؟ کی تُسی خدا دے بارے وِچ گلاں سیکھ کے مسیحی بنن دی کوشش کیتی اے؟ جے تُسین نئیں کیتی اے تے میہنوں، تہانوں ایہہ دسنا ضروری اے کہ ایہہ غلط راہ اے، تے ایہدے نال کوئی فرق نئیں پیہندا اے کہ تُسی ایس راہ تے کیہنی ای دور ٹُر جاؤ، تُسی کدی وی تبدیل نئیں ہوو گے کیوں جے،

’’ایمان دے بغیر خدا نوں پسند آنا ممکن نئیں: پس واجب اے کہ خدا دے کول جان آلا ایمان لیہیائے کہ خدا موجود اے…‘‘ (عبرانیوں 11: 6)۔

ہُن، تہاڈے نال گل کردے ہوئے، ایس تلاوت وِچ دو اسباق نے جیہڑے تہاڈی مدد کر سکدے نے۔

I۔ پہلی گل، مسیح وِچ ایمان لیہیان دی تبدییلی دا آغاز خدا وِچ اعتقاد ہوندا اے۔

ایہہ شاید انتہائی سادہ جئی گل لگے، لیکن ایہو ای قطعی خالص سچائی اے۔

’’واجب اے کہ خدا دے کول جان آلا ایمان لیہیائے کہ خدا موجود اے‘‘ (عبرانیوں 11: 6)۔

یا، جیویں کہ ڈاکٹر گِل نے ایہدا ترجمہ کیتا، ’’کہ اُو وجود رکھدا اے‘‘ (جان گِل ڈی ڈی John Gill, D.D.، نئے عہد نامے دی اِک تفسیر An Exposition of the New Testament، دی بپٹسٹ سٹینڈرڈ بیئرر The Baptist Standard Bearer، دوبارہ اشاعت 1989، جلد سوئم، صفحہ 458)۔

اِک ایمان اے ایتھے جیہڑا ناجت توں پہلاں آندا اے۔ ایہہ اُو ایمان اے جیہڑا خدا تے یقین رکھدا اے، جیس وِچ خدا اِک بالکل حقیقی ہستی بن جاندا اے، نہ کہ محض اِک تجریدی خیال۔ لہٰذا، مسیح وِچ ایمان لیہان دی انتہائی تبدیلی دی ابتدا فیر ہوندی اے جدوں خدا خود اِک انسانی دِل نوں ایہہ محسوس کران دے لئی کھولدا اے کہ اُو واقعی موجود اے۔ جدوں تیکر کہ تہاڈے نال اینج نئیں ہوندا اے انتہائی کم اَسی ایہہ کہہ سکدے نے کہ تہاڈی مدد کیتی جا سکدی اے۔

تہاڈے وِچوں کُجھ ایہو جیہا ردعمل ظاہر کردے نے جِنہوں تُسی پہلاں کدی نئیں سُنا ہووے گا، تے فیر وی تُسی ایہنوں کئی وری سُنیا ہووے گا۔ کی تُسی ساڈے مُناد، ڈاکٹر کیگن دی کتاب نئیں پڑھی؟ کی تُسی اُوہناں نوں کہندے ہوئے نئیں سُنا،

1974 دے موسمِ خزان وِچ میرا خدا دے نال انتہائی براہ راست تے اچانک تجربہ ہویا … اگلے دِن میہنوں خدا دے نال اِک ہور تجربہ ہویا جیس نے میری سوچ نوں ہمیشہ دے لئی بدل دِتا۔ میں اچانک جان گیا، اندر باطن دی گہرائی وِچ، کہ خدا حقیقی سی۔ ہُن میرے کول ریاضی تے پیسیاں توں بہوتی اہم گلاں دے بارے چہ سوچنا رہ گیا سی! (سی. ایل. کیگن، پی ایچ ڈیC. L. Cagan, Ph.D.، ڈارون توں ڈیزائن تیکرFrom Darwin to Design، وائٹیکر ہاؤسWhitaker House، 2006، صفحہ 17)۔

ڈاکٹر کیگن اِک مُلحد سن۔ تُسی سوچ سکدے اُو کہ تُسی اُوہناں توں بہتر اُو، لیکن تُسی واقعی وِچ اُوس ای حالت وِچ اُو۔ خدا تہاڈے لئی ایہدے توں بوہتا حقیقی نئیں اے جِنہا اُو ڈاکٹر کیگن دے لئی سی۔ تے میں کہنا آں کہ ایہہ بالکل اُو ای اے جِیہدی تہانوں لوڑ اے۔ جے خدا تہاڈے دِل نوں نئیں کھولدا تے خود نوں تہاڈے سامنے اِک حقیقی ہستی دے طور تے نئیں وکھاندا، تے تُسی مسیحی بنن دا طریقہ ’’سیکھن‘‘ دی کوشش کردے رہوو گے۔ تہانوں ایس تھاں تے ضرور آنا چائیدا اے جیتھے ڈاکٹر کیگن دے نال کہہ سکدے اُو، ’’میہنوں اچانک، باطن دی گہرائی تیکر معلوم ہویا کہ خدا حقیقی اے۔‘‘ جدوں تیکر تُسی ایمانداری نال ایہہ نئیں کہہ سکدے تے تُسی مسیحی نئیں بنو گے۔

’’… کیوں جے ایہہ واجب اے کہ خدا دے کول جان آلا ایمان لیہیائے کہ خدا موجود اے …‘‘ (عبرانیوں 11: 6)۔

ایمان دی اُوس پہلی کِرن دے بغیر، کوئی مذہبی مشق، یا بائبل دا علم وی، تہانوں مسیح چہ ایمان لیہیا کے تبدیل ہون وِچ مدد نئیں کر سکدا۔

کی تُسی میہنوں مسیحی تاریخ وِچ مسیح تے ایمان لیہیان آلی مشہور تبدیلیاں دے بارے چہ دسدے ہوئے نئیں سُنیا؟ ایہہ ایہناں ساریاں دا سچ سی! ایہہ پولوس، آگسٹین، لوتھر، بنیعن، وائٹ فیلڈ، ویزلی، سپرجیئن دے بارے وِچ سچ سی – تے جیویں کہ میں کہیا، ساڈے اپنے ڈاکٹر کیگن دے بارے چہ وی ایہو ای سچ سی۔ ایہناں وِچوں ہر اِک دا اِکو جیہا تجربہ سی۔ ایہناں دے مسیح وِچ ایمان لیہیان دی تبدیلیاں توں پہلاں – نوٹ کرو کہ میں ’’پہلاں‘‘ کہیا سی – ایہناں دی تبدیلیاں توں پہلاں، ایہناں لوکاں وِچوں ہر اِک کہہ سکدا سی، ’’میں اچانک باطن دی گہرائی تیکر جان گیا کہ خدا حقیقی اے‘‘ (کیگن Cagan، ibid.)۔ لیکن تہاڈے نال اینج نئیں ہویا اے، ایس لئی اَسی واقعی مذید اَگے نئیں ودھ سکدے۔ تُسی جیتھے اُو اُوتھے ’’پھنسے ہوئے‘‘ اُو، تے اِسی جو وی کہنے یا کرنے آں اُو تہاڈے لئی کُجھ چنگا نئیں کر سکدا جدوں تیکر کہ ایہہ تہاڈے تے طلوع نہ ہووے،

’’… کیوں جے ایہہ واجب اے کہ خدا دے کول جان آلا ایمان لیہیائے کہ خدا موجود اے …‘‘ (عبرانیوں 11: 6)۔

غور کرو کہ تہانوں کی کرنا اے میں ایس بارے چہ کوئی ہدایات نئیں دِتیاں نے۔ میں تہانوں کُجھ نئیں دے سکدا! ایہہ تہاڈے کرن دی کوئی گل نئیں اے۔ ایہہ خدا دا کام اے۔ ایہہ خدا ای اے جیہڑا ’’ایہناں دے دِل تے پیہیا ہویا پردہ‘‘ ہٹا دیوے گا (2 کرنتھیوں 3: 15)۔

’’ایس لئی کہ خدا جِنہے فرمایا کہ تاریکی وِچوں نور چمکے، اُو ای ساڈے دِلاں وِچ چمکایا تاکہ اَسی پہچان سکیے کہ جیہڑا نور یسوع مسیح دے چہرے توں جلوہ گر اے اُو خدا دے جلال دا نور اے‘‘ (II کرنتھیوں 4: 6)۔

’’ایہہ تہاڈی کوششاں دا نتیجہ نئیں اے بلکہ خدا دی بخشش اے تے نہ ای ایہہ تہاڈے اعمال دا پھل اے کہ کوئی فخر کر سکے‘‘ (افسیوں 2: 8۔9)۔

جے خدا اُوہنوں جانن دے لئی تہاڈی اَکھاں نئیں کھولدا، تے تُسی ہمیشہ دے لئی اَنّے تے گمراہ رہ جاؤ گے۔

’’… کیوں جے ایہہ واجب اے کہ خدا دے کول جان آلا ایمان لیہیائے کہ خدا موجود اے …‘‘ (عبرانیوں 11: 6)۔

II۔ دوجی گل، اُوہدے بعد شاید اصلی مسیح وِچ ایمان لیہیان دی تبدیلی ہو سکدی اے۔

مہربانی نال کھلو جاؤ تے ساری دی ساری تلاوت نوں با آوازِ بُلند پڑھو۔

’’کیوں جے ایمان دے بغیر خدا نون پسند آنا ممکن نئیں: پس واجب اے کہ خدا دے کول جان آلا ایمان لیہیائے کہ خدا موجود اے تے اُو اپنے طالباں نوں اجر دیہندا اے‘‘ (عبرانیوں 11: 6)۔

تُسی تشریف رکھ سکدے اُو۔ ڈاکٹر کیگن نے اُوس راتی خدا تے یقین کیتا، لیکن اُو ہُنے تیکر مسیحی نئیں ہوئے سن۔ پردہ جزوی طور تے اُوہناں دے دِل توں پھاڑ ڈالیا گیا سی، لیکن اُوہناں نے فیر وی یسوع وِچ قائم رہن نال انکار کر دِتا۔ اُوہناں نے کہیا،

میں اچانک جان گیا، باطن دی گہرائیاں توں، کہ خدا حقیقی اے … لیکن میں مسیحی نئیں ہویا سی۔ خدا دے نال میرا تجربہ میرے لئی بہوتا حقیقی سی، لیکن میں یسوع مسیح تے یقین کرن دے لئی تیار نئیں سی۔ میں اُوہدے اَگے سر جُھکان دے لئی تیار نئیں سی۔ میں مذید دو وریاں تیکر مسیح دے بارے وِچ خیالات دے نال اندرونی طور تے کُشتی لڑتا رہیا … میں کئی راتاں تیکر بے خوابی دے راتاں وِچ کشتی لڑی جدوں خدا میرے لئی حقیقی ہو گیا۔ میں حیاتی دے ایس دور نوں صرف ذہنی اذیت دے دو وریاں دے طور تے بیان کر سکنا آں … میں [واقعی] یسوع نوں نئیں چاہندا سی۔ میرے منصوبے اُوہدے نال مطابقت نئیں رکھدے سن … میں باطنی طور تے خدا دے خلاف جنگ کیتی (کیگن، ibid.، صفحہ، 17، 41، 42)۔

ڈاکٹر کیگن خدا دے خلاف لڑ رئے سن، تے مسیح نوں مسترد کر رئے سن،

’’ایس لئی کہ جسمانی نیت خدا دی مخالفت کردی اے‘‘ (رومیوں 8: 7)۔

اُوہناں نوں ہُن ٹُٹنا ای پیہیا۔ اُوہناں نوں اپنی کھوئی ہوئی تے نااُمید حالت نوں ویکھنا ای سی۔ اُوہناں نوں اپنے آپ نوں گواچیا ہویا، غصے آلے خدا دے ہتھوں اِک گنہگار ویکھنا ای پیہیا۔ فیر ای – خدا دی شریعت دے وسیلے نال توڑے جان دے دو وریاں بعد – فیر ای اُو آخرکار یسوع وِچ آرام کر پائے۔ فیر اُو ہورٹیئس بونارHoratius Bonar دے نال کہہ سکدے سن،

کجھ وی نئیں ایہناں ہتھاں نے جیہڑا کُجھ وی کیتا
     ایس مجرم انسان نوں بچا سکدا اے؛
کُجھ وی نئیں ایس مشقت زدہ جسم نے جیہڑا برداشت کیتا
     میری روح دی تکمیل کر سکدا اے۔

کُجھ وی نئیں جیہڑا میں کرنا آں یا محسوس کرنا آں
     میہنوں خدا دے نال امن پہنچا سکدا اے؛
نا ای تے میریاں ساریاں دعاواں، آہواں تے اتھرو
     میرے ناخوشگوار بوجھ نوں برداشت کر سکدے نے۔

صرف تیرا فضل اے خدا!
     میرے نال معافی دی گل کر سکدا اے؛
اے خدا دے پُتر، صرف تیری قدرت
     ایس زخمی بندھن نوں توڑ سکدی اے؟

تنہا تیرا ای کام اے، او مسیح،
     جیہڑا گناہ دا ایہہ بوجھ ہلکا کر سکدا اے؛
واحد تیرا ای لہو، اے خدا دے برّے،
     میرے وِچ اندرونی سکون برپا کر سکدا اے۔
(’’ کجھ وی نئیں ایہناں ہتھاں نے جیہڑا کُجھ وی کیتا Not What These Hands Have Done‘‘ شاعر ھوریٹیئس بونار Horatius Bonar، 1808۔1889)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔

مسیح وِچ ایمان لیہیان دی تبدیلی دا تجربہ تے خداوند دی حقیقت

مسیح وِچ ایمان لیہیان دی تبدیلی دا تجربہ
تے خداوند دی حقیقت