ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

میں یقین کرنا واں کہ افسیوں دو باب دیاں پہلی نو آیتاں ساڈے خداوند یسوع مسیح دے ذریعے توں فضل دے وسیلے نال نجات دے موضوع تے بائبل وِچ واضح ترین نے۔ ایس حوالے دا کُلیدی پیغام ساڈی تلاوت وِچ آیت پنج تے چھ وِچ پایا جاندا اے۔ ایس تلاوت وِچ تِن لفظ واضح نظر آندے نے: ’’مُردہ،‘‘ ’’زندہ کیتا،‘‘ تے ’’چُکیا یا اُٹھایا گیا۔‘‘

I۔ پہلی گل، تُسی گناہواں وِچ مُردہ اُو۔

تلاوت کہندی اے،

’’ایتھوں تیکر کہ جدوں اَسی اپنے گناہواں دے باعث مُردہ سی…‘‘ (افسیوں2:5)۔

اُو ہر غیرنجات یافتہ بندے دے حالت اے – ’’گناہواں وِچ مُردہ۔‘‘ ایس دا مطلب ایہہ نئیں ہوندا کہ تُہاڈا جسم مُردہ اے۔ اُو نئیں اے۔ ایس دا مطلب ایہہ نئیں ہوندا کہ تُہاڈا ذہن مُردہ اے۔ اُو نئیں اے۔ تُسی اپنے ذہن دے نال سُوچ سکدے اُو، تے گرجا گھر وِچ آن دا فیصلہ کر سکدے اُو۔ تُسی اِتوار دی سویرے اپنے بدن نوں بستر وِچوں ہلا سکدے اُو تے گرجا گھر آ سکدے اُو۔ تُسی اُوہناں ذہنی تے جسمانی مشقاں دے اہل اُو۔ تُسی گیتاں دا ورق چُک سکدے اُو تے حمدوثنا دے گیت گا سکدے اُو۔ تُسی بائبل کھول سکدے اُو تے الفاظ پڑھ سکدے اُو۔ تُسی نجات دے منصوبیاں نوں سیکھ سکدے اُو تے جدوں پاسٹر تہانوں کہندا اے تےاینج کرن دے لئی اُوہناں نوں دہرا سکدے اُو۔ تُسی دعا دے الفاظ ادا کر سکدے اُو۔ لیکن تہاڈے اپنے مذہب وِچ کوئی حیاتی نئیں ہوندی اے۔ ایہہ سارے بس تہاڈے ذہن تے جسم دے مُردہ اعمال نے۔ تہاڈی مسیحیت وِچ کوئی حیاتی نئیں ہوندی اے، محض مُردہ اعمال، تے مُردہ اعمال، تہاڈے مذہب وِچ کوئی حیاتی یا قوت سرے توں ہوندی ای نئیں اے۔

اینج کیوں اے؟ ایہہ ایس لئی اے کیوں جے تُسی روح وِچ مُردہ ہوندے اُو، ’’قصوراں تے گناہواں وِچ مُردہ‘‘ (افسیوں2:1)۔ پولوس رسول نے تہاڈی روحانی سمجھ و فہم دے بارے وِچ گل کیتی سی جدوں اُوہنے کہیا،

’’جیس وِچ خدا دا پاک روح نئیں اُو خدا دی پاک گلاں قبول نئیں کردا کیوں جے اُو اُوہدے نیڑے بیوقوفی دی گلاں نے تے نہ ای اُوہناں نوں سمجھ سکدا اے کیوں جے اُو صرف پاک روح دے ذریعے نال سمجھی جا سکدیاں نے‘‘ (1کرنتھیوں2:14)۔

روحانی موت دی ایس حالت وِچ تُسی صرف عادتاً ای گرجا گھر وِچ آ سکدے اُو، یا انسانی دوستیاں دے لئی، یا توہمات دی وجہ توں، ایہہ سوچنا کہ اُو گل بہتر ہووے گی جے تُسی گرجا گھر جاندے اُو، تے تہاڈے لئی بُری ہووے گی جے تُسی نئیں جاندے۔ گرجا گھر آن دے لئی ایہہ ساری دی ساریاں وجوہاتاں تہاڈے جسمانی نیت آلے مُردہ دِل توں اُٹھدیاں نے تے تہاڈا دِل تے ’’گناہواں وِچ مُردہ‘‘ ہوندا اے (افسیوں2:5)۔ تہاڈے وِچ خدا دی تحریک دے بغیر، جدوں تیکر تُسی مر نئیں جاندے تُسی ایسے ای مُردہ حالت وِچ [جینا] جاری رکھدے اُو، تے فیر تُسی جہنم وِچ دائمی موت دا تجربہ کرو گے۔ خدا دی قدرت تے فضل نال تہاڈی مُردہ روح نوں حیاتی ملنی چائیدی اے ورنہ خدا دے نظر وِچ تُسی روحانی طور تے مُردہ رہنا جاری رکھو گے،

’’اُوہناں دی عقل تاریک ہو گئی اے تے اُو اپنی سخت دلی دے باعث جہالت وِچ گرفتار نے تے خدا دی دِتی ہوئی حیاتی وِچ اُوہناں دا کوئی حصہ نئیں اے‘‘ (افسیوں4:18)۔

روحانی موت دی ایس حالت وِچ، تُسی شاید کدی کدی ای دعا منگدے اُو، لیکن تہاڈی دعاواں وِچ کوئی حیاتی نئیں ہووے گی۔ سوچو، اے بندے، کی تُسی اپنے لباں تے خدا دے اِختیار تے قوت دے نال کِھلو سکدے اُو تے دعا منگ سکدے اُو تے خود نوں قوت توں بھرپور دعا وِچ مگن کر سکدے اُو – جیویں کہ تُسی ساڈے دعائیہ جلاسیاں وِچ لوکاں نوں تے مُناداں نوں دعا منگدے ہوئے سُن چکے اُو؟ کی تُسی اُوہنے ای جوش دے نال جِنہاں اُوہناں وِچ ہوندا اے دعا منگ سکدے اُو؟ تے جے تُسی کہندے اُو، ’’جی نئیں،‘‘ تے فیر تُسی کیوں سُوچدے اُو اُونج کیوں اے؟ کیوں، ایہہ ایس لئی اے کیوں جے تُسی ہُنے تیکر ’’گناہواں وِچ مُردہ‘‘ اُو، اُو اے وجہ (افسیوں2:5)! تے ایہدے باوجود ایہہ ایس وجہ توں نئیں اے کیوں کہ تُسی گرجا گھر وِچ بوہتی عرصہ تیکر اُوہناں دی وانگوں دعا نوں سِکھن دے لئی نئیں رئے اُو! بالکل وی نئیں! چند اِک انتہائی نئے مسیحی، ایمان وِچ نئے نئے، دعائیہ اجلاساں وِچ کافی بہتر طریقے نال دعا منگ سکدے نے۔ لیکن تُسی اُوہناں وانگوں دعا منگن دے جرأت نئیں کر پاؤ گے، کی تُسی کر پاؤ گے؟ تے میں کہنا واں کہ تُسی جیویں اُو کردے نے اُونج ای ایہنی شدت تے اعتماد دے نلا دعا منگن دی جرأت نئیں کر پاؤ گے۔ تُسی تے ایتھوں تیکر کہ کوشش کرن توں وی ڈردے ہوو گے، ہُن، اپنے آُپ نوں پوچھو، اینج کیوں اے۔ میرے خیال وِچ تُسی جواب جانندے اُو۔ تہاڈے وِچ بس خدا دی قدرت تے حیاتی نئیں ہوندی اے، تے ایس لئی تُسی اُوہناں وانگوں دعا نئیں کر پاندے پاویں بیشک تُسی کوشش وی کر چکے ہوو۔ تُسی اُوہناں وگرے جنون تے جوش دے نال دعا نئیں منگ پاندے کیوں جے تُسی ’’گناہواں وِچ مُردہ‘‘ ہوندے اُو (افسیوں2:5)۔

دعا منگنا اِک روحانی گل ہوندی اے، تے اُو جیہڑے ’’گناہواں وِچ مُردہ‘‘ ہوندے نے ایہنوں کسی وی طرح دے جوش یا خدائی قوت دے نال نئیں کر سکدے جدوں تیکر کہ اُوہناں دے دِلاں دی مُردہ حالت یسوع وِچ ایمان لہیان دی اِک سچی تبدیلی دے وسیلے توں زندہ نئیں کیتی جاندی۔

تے اینج ای تہاڈی ’’گواہی‘‘ دے نال وی ہوندا اے۔ ساڈے گرجا گھر وِچ بے شمار لوکی نے جیہڑے مسیح دے راستبازی تے لہو دے ذریعے توں نجات دے بارے وِچ شاندار گواہیاں پیش کر سکدے نے۔ اُو مسیح دے لہو تے راستبازی دے شاندار اثرات تے دس منٹاں یا ایہناں توں وی بوہتی دیر تیکر گل کر سکدے نے، راہ وِچ اُوہنے اُوہناں نوں نجات بخشی، تے اُو اُوہناں دے دِلاں وِچ کِنی وڈی عظیم تبدیلی لے کے آیا۔ لیکن تُسی ایس قسم دے مسیح نوں جلال بخشن آلی گواہی پیش نئیں کر سکدے۔ تُسی صرف ایہنا ای کر سکدے اُو کہ اپنے بارے وِچ ماڑے جئے ہکلاندے الفاظ کہہ پاؤ، لیکن مسیح تہاڈے لئی کی کُج کر چکیا اے تے تہاڈے لئی مسیح کی معنی رکھدا اے ایس بارے چہ تُسی تھوڑا جیہا وی نئیں دس سکدے! تُسی مسیح دی محبت تے پیارے رحم دے بارے وِچ گواہی نئیں دے سکدے محض ایس لئی کیوں جے تُسی ’’گناہواں وِچ مُردہ‘‘ ہوندے اُو، تے، ایویں خداوند یسوع مسیح دے محبت تے نجات دلان آلی قوت دے بارے وِچ کہن دے لئی کوئی حقیقی الفاظ تہاڈے کول نئیں ہوندے۔

ہُن، کی اُو گلاں تہاڈے بارے چہ سچی نئیں نے؟ تے جے تُسی اقرار کردے اُو کہ اُو تہاڈے بارے چہ سچی نے، تے فیر میں تہانوں اِلتجا کرنا واں کہ غور کرو تُسی سرے توں کدی وی دوبارہ جنم لئے ہوئے نئیں اُو، کہ تُسی کدی وی سچے طور تے مسیح تےایمان لہیا کے تبدیل نئیں ہوئے اُو، کہ تُسی اِک ’’دور دراز دے مُلک‘‘ وِچ اُو، جیویں کہ لوقا15 باپ وِچ مصرف بیٹا سی۔ تے ایس لئی مصرف بیٹے دے پیو نے کہیا سی، ’’میرا پُتر مر چکیا سی‘‘ (لوقا15:24)۔

ایتھے صرف اِک ای دوائی اے جیہڑی تہانوں حیاتی وَل لہیا سکدی اے – تے اُوس دوائی دے بارے چہ میں بعد چہ دساں گا۔

II۔ دوجی گل، تہانوں زندہ کیتا جانا چائیدا اے۔

ساڈی تلاوت کہندی اے،

’’ایتھوں تیکر کہ جدوں اَسی اپنے قصوراں دے باعث مُردہ سی تے [خدا] نے سانوں مسیح دے نال زندہ کیتا‘‘ (افسیوں2:5)۔

اُو یونانی لفظ جیس نے ’’quickened زندہ کیتا‘‘ دا ترجمہ کیتا ’’ suzōopoieō‘‘ اے۔ ایس دا مطلب ’’زندہ کیتا جانا‘‘ ہوندا اے۔ خدا نوں اچانک مسیح وِچ ایمان لہیان دی تبدیلی دے وسیلے توں تہانوں روحانی طور تے زندہ کرنا چائیدا اے ورنہ تُسی ’’گناہواں وِچ مُردہ‘‘ رہنا جاری رکھو گے۔

ہُن اُو ’’زندہ کیتا جانا،‘‘ اُو جیہڑا روحانی طور تے مُردہ گنہگار دی ’’حیاتی بناندا‘‘ اے اِک مخصوص طریقے نال آندا اے تے صرف اُوسے طریقے نال آندا اے۔ اُو نجات دے منصوبے نوں سیکھن دے ذریعے توں نئیں آندا اے یا ’’گنہگار دی دعا‘‘ کہن دے ذریعے توں نئیں آندا اے یا گرجا گھر دے عبادتخانوں وِچ حاضر ہون نال نئیں آندا اے یا واعظ دے بعد مُناداں توں مشاورت پان دے لئی بار بار تفتیشی کمرے وِچ جاندے رہن دے ذریعے توں نئیں آندا اے۔

اُو زندہ کیتا جانا شروع ہوندا اے جدوں خدا تہاڈی نجات دی جھوٹی اُمیداں نوں ختم کردا اے تے تہانوں وکھاندا اے کہ تُسی روحانی طور تے کیس قدر مُردہ اُو۔ اشعیا نبی نے اِک گنہگار دے مُردہ دِل وِچ پاک روح دے مُرجھا ڈالن آلے عمل دی کامل تفصیل پیش کیتی جدوں اُوہنے کہیا،

’’گھاس مُرجھا جاندی اے تے پھول کملا جاندے نے کیوں جے خداوند دی ہوا اُوہناں تے چلدی اے: یقیناً لوکی گھاس نے‘‘ (اشعیا40:7)۔

لوکی گھاس نے۔ خدا دا روح گھاس تے گرم ہوا وانگوں چلدا اے تے ایہہ مُرجھا جاندی اے، سُکڑ جاندی اے، خشک ہو جاندی اے تے مر جاندی اے۔ ایہہ اے جنہوں سپرجئین نے ’’خدا دے پاک روح دا مُرجھا ڈالن آلا عمل‘‘ کہیا سی۔ خدا دا پاک روح صحرا وَلوں اِک تتے ہوا دے جھونکے وانگوں اُڈدا ہویا آندا اے جیہڑا صحن وِچ موجود گھاس تے پُھلاں نوں کُملا ڈالدا ے تے مُرجھا ڈالدا اے جدوں تیکر کہ اُو مر نہ جان۔ اشعیا نبی نے کہیا، ’’یقیناً لوکی گھاس نے۔‘‘ اُوہدا مطلب اے کہ مُردہ گنہگاراں نوں اپنی ساری جھوٹی اُمیداں نوں تے اپنے سارے جھوٹے تصورات نوں سُکیڑ دینا، خشک کر دینا، مُرجھا ڈالنا تے قتل کر ڈالنا چائیدا اے، ’’کیوں جے خدا دا روح اُوہناں تے [ہوا وانگوں] چلدا اے۔‘‘

میرے خیال چہ تہاڈے وِچوں کُج دے نال اُوہی ہو رہیا اے جیس دے بارے وِچ اَسی عبادتاں دے بعد تفتیشی کمرے وِچ گلاں کردے رہنے آں۔ تہاڈے کول مسیح وِچ ایمان لہیا کے تبدیل ہون دے بارے وِچ بے شمار جھوٹے خیالات ہوندے نے۔ لیکن خدا نوں اپنی روح دی گرم سانس دے نال اُوہناں تے چلنا چائیدا اے؛ اُسے اُوہناں نوں سُکیڑ ڈالنا چائیدا اے، خشک کر دینا چائیدا اے تے تہاڈے ذہن تے دِل وِچ اپنی روح دے مُرجھا ڈالن آلے جھکڑ دے ذریعے توں ایہناں جھوٹے خیالات نوں قتل کر ڈالنا چائیدا اے۔ صرف ایس صورت وِچ جدوں نجات دے بارے چہ تہاڈے سارے جھوٹے تصورات خدا دے روح دے گرم جھکڑ دے وسیلے توں ختم کر دِتے جان گے فیر ای تہانوں واضح طور تے نظر آئے گا کہ تُسی ’’گناہواں وِچ مُردہ‘‘ اُو (افسیوں2:5)۔ اُو اے سب توں پہلا کم جیہڑا پاک روح اُوس ویلے کردا اے جدوں اِک مُردہ جان نوں ’’زندہ کرنا،‘‘ ’’حیاتی بخشنا‘‘ شروع کردا اے۔ اُوہنوں پاک روح دی تتی ہوا دے نال تہاڈے جھوٹے تصورات نوں اُڑا ڈالنا چائیدا اے، مُرجھا ڈالنا چائیدا اے تے اُوہناں نوں قتل کر دینا چائیدا اے۔ صرف جدوں ایہہ کم ہو چکیا ہوندا اے فیر ای روحانی طور تے مُردہ گنہگار زندہ کیتے جان دے دوجے عمل دے لئی تیار ہو پاندا اے۔

زندہ کیتے جان دا دوجا عمل یسوع مسیح تے تنہا اُسی دی تہاڈے لئی لوڑ نوں تہاڈے تے ظاہر کرنا ہوندا اے۔ جدوں نجات دے بارے وِث تہاڈے جھوٹے تصورات تے احمقانہ خیالات خشک کیتے جا چکے ہوندے نے تے ایویں خدا دے پاک روح دی گرم سانس دے وسیلے توں قتل کیتے جا چکے ہوندے نے، فیر تے صرف فیر، تُسی اُوہدے لئی تیار ہوندے اُو کہ [اُو] تہانوں مسیح وَل کھینچے جیہڑا حیاتی دا چشمہ اے! پاک روح دے تہاڈے نجات دے بارے وِچ جھوٹے تصورات دے مُرجھا ڈالن تے قتل کر چکن دے بعد تے تہاڈی یسوع دے علاوہ کسی وی قسم دی اُمید دے بغیر مسیح دے نال کِھلو جاؤ، فیر پاک روح تہاڈے دِل نوں کہندا اے،

آؤ، اے گنہگاروں، غریب تے خستہ حال،
   کمزور تے زخمی، بیمار تے دُکھی؛
یسوع تہانوں بچان دے لئی تیار کِھلوتا اے،
   ہمدردی، محبت تے قوت توں بھرپور۔

آؤ کِھلو جاؤ تے اُو پیارا جیہا پُرانا حمدوثنا دا گیت گاؤ۔ ایہہ گانیاں دے ورق تے نمبر4 اے۔

آؤ، اے گنہگاروں، غریب تے خستہ حال،
   کمزور تے زخمی، بیمار تے دُکھی؛
یسوع تہانوں بچان دے لئی تیار کِھلوتا اے،
   ہمدردی، محبت تے قوت توں بھرپور؛
اُو لائق اے، اُو لائق اے،
   اُو رضامند اے، مذید ہُور شک نہ کرو۔
اُو لائق اے، اُو لائق اے،
   اُو رضامند اے، مذید ہُور شک نہ کرو۔

اپنے ضمیر نوں سُستی نہ وکھان دیو،
   نہ ای محبت آمیز بھلائی دے خواباں نوں؛
صرف اُو ایہنی جئی بھلائی چاہندا اے،
   کہ تُسی اپنے لیے اُوہدی لوُڑ نوں ویکھو؛
ایہہ اُو تہانوں بخشدا اے، ایہہ اُو تہانوں بخشدا اے،
   ایہہ روح دی اُبھردی ہوئی شعاع اے؛
ایہہ اُو تہانوں بخشدا اے، ایہہ اُو تہانوں بخشدا اے،
   ایہہ روح دی اُبھردی ہوئی شعاع اے۔

آؤ، سارے تھکے ماندوں، بوجھ توں لدے،
   زخمی تے گرن نال ٹوٹے ہوئے۔
جے تُسی سُستی کرو گے جدوں تیکر کہ ٹھیک نئیں ہو جاندے،
   تے تُسی کدی وی نئیں آ پاؤ گے؛
راستبازاں نوں نئیں، راستبازاں نوں نئیں،
   یسوع تے گنہگاراں نوں بُلان دے لئی آیا سی!
راستبازاں نوں نئیں، راستبازاں نوں نئیں،
   یسوع تے گنہگاراں نوں بُلان دے لئی آیا سی!

اُوہنوں باغ وِچ مُنہ دے بل لیٹا ہویا ویکھو؛
   زمین تے تہاڈا مالک لیٹا ہویا اے؛
فیر کلوری دی صلیب تے اُوہنوں ویکھو،
   اُوہنوں چیخدا ہویا سُنو، اُوہدے مرن توں پہلاں؛
’’ایہہ تمام ہویا!‘‘ ’’ایہہ تمام ہویا!‘‘
   گنہگار، کی تُسی ویکھ نئیں سکدے اُوہنے قیمت چکا دِتی؟
’’ایہہ تمام ہویا!‘‘ ’’ایہہ تمام ہویا!‘‘
   گنہگار، کی تُسی ویکھ نئیں سکدے اُوہنے قیمت چکا دِتی؟

ویکھو! نجات دہندہ نوں ہُنے، آسمان تے چُکیا گیا،
   اُوہدے لہو دے حق دے لئی اِلتجا کرنا واں؛
خود نوں مکمل طور تے اُوہدے حوالے کر دیو،
   کسی ہوُر تے پروہسے نوں مداخلت نہ کرن دیو؛
کوئی ہُور نئیں ماسوائے یسوع دے، کوئی ہُور نئیں ماسوائے یسوع دے،
   جیہڑا بے یارومددگار گنہگاراں دے لئی کُج چنگا کر سکدا اے۔
کوئی ہُور نئیں ماسوائے یسوع دے، کوئی ہُور نئیں ماسوائے یسوع دے،
   جیہڑا بے یارومددگار گنہگاراں دے لئی کُج چنگا کر سکدا اے۔
(’’آؤ، اے گنہگاروںCome, Ye Sinners ‘‘ شاعر جوزف ہارٹ Joseph Hart ، 1712۔1768).

تُسی تشریف رکھ سکدے اُو۔

اُو بیچارہ، مُرجھایا ہویا، کملایا ہویا، مُردا ہویا گنہگار شاید اُودوں فیر مسیح وِچ ایمان لہیان دی اِک بحرانی تبدیلی وِچ یسوع دے کول آندا اے۔ میں کہنا واں ’’مسیح وِچ ایمان لہیان دی اِک بحرانی تبدیلی،‘‘ کیوں جے باقی ساریاں دوجی اُمیداں مُرجھا چکیاں نے تے تُسی یسوع دے کول آن دے لئی ٹُر پئے اُو تے اُوہدے وِچ اُو سچی حیاتی پاندے نے جیس دی چاہت تہاڈی جان نوں ہوندی اے۔ فیر، جدوں تُسی اُوس بحرانی لمحے وِچ یسوع دے کول آندے اُو، تے تُسی مکمل طور تے زندہ کیتے جاندے نے، مُردیاں وِچوں زندہ کیتا جانا ہوندا اے!

’’ایتھوں تیکر کہ جدوں اَسی اپنے قصوراں دے باعث مُردہ سی تے [خدا] نے سانوں مسیح دے نال زندہ کیتا، (اُوس ای دے فضل دے وسیلے توں تُسی بچائے جاندے اُو)‘‘ (افسیوں2:5)۔

لیکن اُوس لمحے وِچ اِک تیجی گل وی رونما ہوندی اے جدوں تہاڈی مُردہ جان نوں جین دے لئی زندہ کیتا جاندا اے۔

III۔ تیجی گل، تہانوں مسیح دے کول لہیا جانا چائیدا اے – خدا دے وسیلے توں اُوہدے پُتر دے نال متحد ہون دے لئی زندہ کیتا جانا۔

مہربانی نال کِھلو جاؤ تے ساڈی تلاوت دی دوجی آیت پڑھو، آیت چھ۔

’’تے اُوہنے سانوں مسیح دے نال زندہ کیتا تے آسمانی مقاماں تے مسیح یسوع دے نال بیٹھایا‘‘ (افسیوں2:6)۔

جدوں تُسی زندہ کیتے جاندے اُو تے خداوند تہانوں مسیح وَل کھیچدا اے۔ جی ہاں، مسیح آسمان چہ خدا دے سجّے پاسے تے اے۔ جدوں تہانوں خود اپنے لئی یسوع دی لُوڑ نوں ویکھن دے لئی آخرکار لہیا جائے گا تے خداوند تہانوں اُوس [یسوع] دے کول اُتے کھیچ لیہاندا اے تے تُسی مسیح دے کول آ جاندے اُو تے اُوس [یسوع] دے نال متحد ہو جاندے اُو، کیوں جے،

’’[یسوع نے کہیا] میرے کول کوئی نئیں آندا جدوں تیکر کہ باپ جِنہے مینوں پیجیا اے اُوہنوں کھیچ نہ لہیائے‘‘ (یوحنا6:44)۔

تُسی شاید کہوو، ’’مبلغ، کی تُسی پُریقین اُو خداوند مینوں مسیح دے کول کھیچ لہیائے گا؟‘‘ جی ہاں، میں پُریقین ہوں اُو کھیچ لہیائے گا، کیوں جے اُو بائبل وِچ اینج کرن دا وعدہ کر چکیا اے۔ یسوع نے کہیا،

’’جیہڑا کوئی میرے کول آئے گا میں اُوہنوں اپنے توں جدا نہ ہون دیاں گا‘‘ (یوحنا6:37)۔

جے تُسی سچے طور تے ویکھدے اُو کہ مسیح دے بغیر تُسی گمشدہ اُو؛ جے تُسی ویکھدے اُو کہ نجات کیویں پائی جائے دے بارے وِچ تہاڈے سارے تصورات تے اُمیداں مُرجھا چکیاں نے تے مُردہ نے، فیر خداوند تہانوں یسوع دے کول کھیچ لہیائے گا،

’’جیہڑا کوئی میرے کول آئے گا میں اُوہنوں اپنے توں جدا نہ ہون دیاں گا‘‘ (یوحنا6:37)۔

گذشتہ راتی میں تہانوں جان بعینئین John Bunyan دی گواہی پڑھ کے سُنائی سی۔ اُو اُوہدے لئی سچی سی۔ گذشتہ رات میں نے تہانوں سی ایچ سپرجیئین دی گواہی پڑھ کے سُنائی سی۔ اُو اُوہدے لئی وی سچی سی۔ تے خدا دے کلام دے، اُوس بائبل دے اِختیار تے میں تہانوں کہنا واں کہ ایہہ تہاڈے بارے چہ وی سچا ہووے گا۔ یسوع نے کہیا،

’’جیہڑا کوئی میرے کول آئے گا میں اُوہنوں اپنے توں جدا نہ ہون دیاں گا‘‘ (یوحنا6:37)۔

آؤ دعا دے لئی کھڑے ہو جاؤ۔ تُسی کمرے دے پچھلے پاسے جا سکدے اُو تے ڈاکٹر کیگن تہاڈی تفتیشی کمرے تیکر رہنمائی کر دین گے جیتھے مُناد صاحبان تے میں تہاڈے نال جیہڑیاں گلاں میں واعظ وِچ کہہ چکیا واں اُوہناں دے بارے چہ مذید ہُور گل بات کریے۔ آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔