ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

آئعین ایچ میورے Iain H. Murray دی تحریر کردہ [کتاب] قدیم انجیلی بشارت دے پرچار دی تعلیم The Old Evangelicalism (بینر آف ٹُرتھ Banner of Truth، 2005) دا دوجا باب ’’مبلغین دے شہزادے‘‘ سی ایچ سپرجیئنC. H. Spurgeon دے لئی وقف اے۔ سپرجیئن تیجی عظیم بیداری (1857-1861) دی سرکردہ شخصیت سن تے میری نظر وِچ، ہُن تیکر دے سب توں اہم [بپتشمہ دین آلی مشن دے] بپٹسٹ پادری سن۔ اُو ماضی وَل جھکاؤ رکھن آلی شخصیت وی سن۔ فطرت دے لحاظ توں قدامت پسند سن، اُوہناں نوں ’’پیوریٹنز دا آخری وارثthe last of the Puritans‘‘ کہیا جاندا اے۔ میورے اپنی کتاب (’’مسیح چہ ایمان لیہیان دی سچی تبدیلی تے سپرجیئنSpurgeon and True Conversion‘‘) وِچ اِک پورا باب اُوہناں دے لئی وقف کرن دے لئی بالکل درست سن۔ کتابی جلد دے کور دے اِختتام تے، میورے نے ڈاکٹر مارٹن لائیڈ جونز Dr. Martyn Lloyd-Jones دا حوالہ دِتا،

دورِ حاضرہ دی انجیلی بشارت دے پرچار دی تعلیم اٹھارویں صدی تے پیوریٹنز دی انجیلی بشارت دے پرچار دی تعلیم دے بالکل برعکس اے۔ خالص انجیلی بشارت دے پرچار دی تعلیم اُوہی قدیم انجیلی بشارت دے پرچار دی تعلیم اے۔

سپرجیئن نے اپنی حیاتی مسیح وِچ ایمان لیہیان دی سچی تبدیلی دے قدیم انجیلی بشارت دے پرچار دی تعلیم دے نظریے تے ساڈے زمانے دے وِچکار اِک رابطہ سمجھ جان دے انتہائی قریب ترین لنگہائی سی۔ سپرجیئن دے بارے وِچ اپنے تجزیے وِچ، میرے مقابلے چہ میورے نے مسیح چہ ایمان لیہیان دی تبدیلی دی انجمن [تنظیم] دے کیلوِنسٹ نظریے نوں بوہتا واضح طور تے اپنایا اے۔ ایس دے باوجود سپرجیئن نے تبدیلی دے بارے وِچ کی سوچیا ایس باب توں بہت کُجھ سِکھیا جا سکدا اے، تے آسانی نال پڑھے جان آلے ایس فارمیٹ وِچ سپرجیئن نے ایس سب توں اہم موضوع دے بارے چہ کی سوچیا ایہہ آسانی نال دستیاب کرن دے ذریعے نال میورے بہوتی وڈھی خدمت ادا کر چکے نے۔

سپرجیئن حقیقی تبدیلی تے یقین رکھدے سن، نہ کہ محض ’’فیصلے‘‘ تے۔ اُوہناں دا ماننا سی کہ مسیح وِچ ایمان لیہیا کے حقیقی تبدیلی وِچ گناہ دے بارے چہ مضبوط آگاہی تے یسوع وَل ’’ویکھنا‘‘ یا ’’آنا‘‘ – مسیح دے نال اتحاد شمار ہوندا اے۔ سپرجیئن نے کہیا،

ساری حقیقی تبدیلیاں وِچ ضروری معاہدے دے نکات ہوندے نے: گناہ دا ہر طرح توں توبہ کرن آلا اِقرار ہونا چائیدا اے، تے ایس دے معافی دے لئی یسوع وَل ویکھنا چائیدا اے، تے دِل دی اِک حقیقی تبدیلی وی ہونی چائیدی اے، جیہڑی ایس دے بعد دی حیاتی نوں متاثر کرے گی، تے جیتھے ایہہ ضروری نکات نئیں پائے جاندے نے اُوتھے [مسیح چہ ایمان لیہیان آلی] کوئی حقیقی تبدیلی نئیں ہوندی اے (آئعین ایچ میورے Iain H. Murray، انجیلی بشارت دے پرچار دی قدیم تعلیم The Old Evangelicalism، بینر آف ٹروتھ ٹرسٹ Banner of Truth Trust، 2005، صفحہ 41 وِچ حوالہ دِتا گیا اے)۔

میورے کہندے نے کہ مسیح چہ ایمان لیہیان دی سچی تبدیلی دے بارے وِچ سپرجیئن دا نظریہ شاید سادہ لگ رہیا اے، لیکلن ‘‘جو کُجھ شامل اے اُو ایس سب دے مقابلے وِچ کدرے بوہتا گہرا اے جیہڑا اَسی اپنی موجود سمجھ وِچ حاصل کر سکنے آں … اَج ساڈا خطرہ ایہہ فرض کر لیہنا ہوندا اے کہ مسیح چہ ایمان لیہیان دی تبدیلی دے بارے چہ سچائی صرف مسیحی عقیدے دے لئی ابتدائی اے۔ جیویں کہ ریاضی دے لی دو دا پہاڑا ہوندا اے، تے ایس لئی ایہنوں ساڈی توجہ نوں بوہتی دیر تیکر روکے رکھن دی لوڑ نئیں اے‘‘ (ibid.) اُو کہندے نے کہ بائبل دی مسیح وِچ ایمان لیہیان آلی تبدیلی دے موضوع تے بہوتے گھٹ انجیلی بشارت دے پرچار دی تعلیم تے کتاباں نے۔ ’’جیہڑی گل نئے عہدنامے وِچ مرکزی اے اُوہنوں حدود وِچ منتقل کر دِتا گیا اے، تے ایہہ ساڈے گرجا گھراں وِچ اِک عمومی صورتحال دی عکاسی کردا اے‘‘ (ibid.، صفحہ 42)۔ ’’لیکن جدوں [مسیح چہ ایمان لیہان آلی تبدیلی دا] موضوع سب توں اہم ہونا چھڈ دِتا جاندا اے تے ایہ کوئی تعجب دی گل نئیں ہونی چائیدی اے کہ انجیلی بشارت دی تعلیمی کوشش ناکام ہو جاندی اے‘‘ (ibid.)۔ جے ساڈا عمل سپرجیئن دے لاگے سی تے کون شک کر سکدا اے کہ حقیقی تبدیلیاں ساڈے وِچکار بہوتی عام ہون گئیاں۔ ایہدے بعد، میں ایس خطاب وِچ ایس عظیم مسئلے تے ساڈے لئی اِک محرک دے طور تے سپرجیئن دی سوچ نوں اُٹھان دی تجویز پیش کرنا آں‘‘ (ibid.)۔

سپرجیئن انجیلی بشارت دی تبلیغ وِچ شریعت دے کام دی لوڑ تے یقین رکھدا سی۔ سپرجیئن خود ’’کئی وریاں توں گناہ دی سزایابی دے تحت سن … لیکن اُوہناں دے لئی اہم شے وقت دی طوالت نئیں سی، ایہہ صحیفائی اصول سی کہ انجیل [خوشخبری] توں پہلاں شریعت ضروری اے‘‘ (ibid.، صفحہ 48)۔ سپرجیئن نے کہیا،

مسیحی مذہبی خادم نوں گناہ دی بُرائی دا بہوتا واضح طور تے اعلان کرنا چائیدا اے … شریعت دی روحانیت نوں کُشادہ کرو جیویں کہ ساڈے خدوند نے کیتا سی تے وکھاؤ کہ ایہہ کیویں بُرے خیالات، اِرادیاں تے رُجحانات نال ٹٹ دی اے۔ ایہدے نال بہوتے گنہگاراں دے دِلاں وِچ چُبھن ہووے گی۔ رابرٹ فلاک ہارٹ Robert Flockhart کہیا کردے سن، ’’انجیل [خوشخبری] دے ریشمی دھاگے نال سلائی کرن دا کوئی فائدہ نئیں جدوں تیکر کہ اَس شریعت دی تیز سوئی نال ایہدے لئی کوئی راستہ نہ چھیدیے۔ شریعت سوئی وانگوں پہلاں گُھسدی اے تے اپنے پیچھے خوشخبری دے دھاگے نوں کھیچدی اے (ibid.، صفحہ 48-49)۔

میورے فیر ایس گل دا سراغ لگاندے نے کہ فنیFinney دے دور دے بعد اخلاقی شریعت دی تبلیغ نوں تبدریج انجیلی بشارت نال کیویں چھڈ دِتا گیا۔ فیر وی، انجیلی بشارت وِچ شریعت دی منادی جِنہی اہم اے، اُوہنی گناہ دی سزایابی مقصد نئیں اے۔ مقصد گنہگاراں دا یسوع دے کول آنا اے۔ ’’شریعت دی تبلیغ‘‘ نے فِلپ نوں جھنجھوڑ کے رکھ دِتا سی، لیکن اُو مسیح وِچ ایمان لیہیا کے تبدیل نئیں ہویا سی۔ گنہگاراں نوں سزایابی دی بیداری وِچ سہولت نئیں اپنانی چائیدی اے۔ شریعت دی تبلیغ جِنہی اہم اے، اُوہنی ای ایہہ بذات خود اِک اختتام نئیں اے۔ سپرجئین نے کہیا کہ ’’بیدار گنہگاراں تے لعنت پیہجھی جائے گی جدوں تیکر کہ اُو یسوع چہ ایمان نئیں لیہیاندے۔ تہانوں اَتھرو وگا وگا کے مسیحی نئیں بننا چائیدا اے، تہانون اپنے تلخ خیالات تے ظالمانہ مایوسی وِچ سلامتی دی اُمید نئیں رکھنی چائیدی اے۔ جدوں تیکر کہ تُسی [یسوع وِچ] یقین نئیں رکھدے تُسی کدی وی قائم نئیں رہوے گے‘‘[اِک حقیقی تبدیل شُدہ شخص دے طور تے] (ibid.، p. 51)۔

میورے کہندے نے کہ شریعت دی تبلیغ مسیح وِچ ایمان نہ لیہیائے ہوئے [غیر تبدیل شُدہ] لوکاں نوں کی جانی چائیدی اے، ایس لئی نئیں کہ ایہہ اوہناں نوں سِکھاندی اے کہ ’’اُو کی کر سکدے نے، بلکہ اُوہناں نوں کی کرنا چائیدا اے… ایہہ غیر مسیحی نوں گھر وِچ لے آندی اے کہ اُو اپنی فطرت نوں نئیں بدل سکدا، اُو خود نوں نجات نئیں دِلا سکدا۔ ایہہ مسیح وِچ ایمان لیہان توں تبدیلی دی گل سی کہ یسوع دس رہیا سی جدوں اُوہنے کہیا، ’’لوکاں دے لئی ایہہ ناممکن اے‘‘ (متی 19: 26)‘‘ (ibid.، صفحہ 52-53)۔ مسیح وِچ ایمان نہ لیہیائے ہوئے [غیر تبدیل شُدہ] آدمی دی نااہلی تے تبلیغ کردے ہوئے، سپرجیئن نے کہیا،

کاش کہ اَسی خدا تیکر تہانوں پہنچا سکیے، نا صرف تہاڈی حوصلہ شکنی نوں بلکہ تہاڈی مایوسی تیکر نوں پہنچا سکیے۔ جدوں تُسی … محسوس کرو گے کہ تُسی بے بس اُو تے سانوں تہاڈے توں اُمید ہووے گی، کیوں جے فیر ای تُسی خود نے اُوہدے ہتھاں وِچ چھڈو گے جیہڑا سب کُجھ کر سکدا اے۔ جدوں خود دی طاقت ختم ہو جائے گی، خدا دی طاقت آ جائے گی … میں تہاڈی سرگرمی نوں اُبھارنا نئیں چاہندا، تُسی مسیح وِچ ایمان نہ لیہیائے ہوئے [غیر تبدیل شُدہ] لوکو: میں چاہنا آں کہ تُسی اپنے آپ نوں ایس یقین دے لئی بیدار کرو کہ تُسی گمراہ ہو چکے اُو، تے میں دعا کرنا آں کہ خدا روح القدس تہانوں قائل کرے۔ (ibid.، صفحہ 53)۔

میورے ظاہر کردے نے کہ اٹھارویں صدی دے مبشر جار وائٹ فیلڈ دی خواہش سی کہ گمراہ لوکی ’’تہاڈی بے اعتقادی دے قائل ہو جان، تے جیس دا تحفہ اے اُوہدے کولوں ایمان منگن دے لئی ایہہ رہنمائی کیتی جائے‘‘ (ibid.)۔

میورے دا کہنا اے کہ تخلیق نو (نئی پیدائش) فوری تے اِک وری ای ہوندی اے، ایہنوں کدی وی دہران دی لوڑ نئیں ہوندی۔ ’’نئی تخلیق اِک واقعہ اے، عمل نئیں اے۔ ایہہ مسیح دی جی اُٹھن آلی حیاتی دا دروازہ اے‘‘ (صفحہ 55)۔ میرا خیال اے کہ تخلیقِ نو تبدیلی دا دوجا رُخ اے (انسانی پہلو) تے ایس لئی میں تعلیم دیہنا آں کہ دوویں بیک وقت تے فوری نے۔ لیکن ایہہ واقعی اِک معمولی فرق اے، میرے رائے وِچ مذید تبصرے دے لائق نئیں اے۔

میورے بجا طور تے کہندے نے کہ انجیلی بشارت دے دورِ حاضرہ دے مبشران ’’مسیح دے فیصلے‘‘ دے نال حیاتِ نو دی شناخت کرن وِچ اُوہنے ای غلط نے جِنہے کہ کیتھولکس ایہنوں ’’بپتسمہ دین‘‘ دے نال شناخت کرنا چاہندے سن (صفحہ 56)۔ اُو کہندے نے،

نئے سرے توں جنم دلان دا ویلہ خدا دے کول ہوندا اے۔ اِک گل جیہڑی یقینی اے کہ خدا انساناں نوں بُلند مرتبہ کرن توں پہلاں پستی وِچ گِراندا اے۔ ایس توں پہلاں کہ مصرف بیٹا ’’اپنے حواس وِچ بحال ہوندا‘‘ … اُو کسی دور دراز دے مُلک وِچ ہون دے درد دے بارے وِچ کُجھ نہ کُجھ جانندا سی (ibid.)۔

کُجھ لوکی تبدیلی توں پہلاں اِک طویل مدت تیکر گناہ دی سزایابی دے تحت ہو سکدے نے، جیویں کہ سپرجئین سن۔ دوجیاں نوں سزایابی دا فوری وار ہو سکدا اے جیس دے بعد اچانک مسیح وِچ ایمان لیہیان دی تبدیلی آ جاندی اے۔ میورے کہندے نے، ’’سزایابی کسی نوں نجات نئیں دلاندی اے لیکن سزایابی دے بغیر کوئی نئیں نجات پاندا (صفحہ 57)۔ اِک شخص سزایابی دے تحت آ سکدا اے تے فیر وی مسیح وِچ ایمان لیہا کے تبدیل نئیں ہویا ہوندا۔ ایس دے علاوہ، اِک شخص مسیح دے کول آئے بغیر نجات دے عقائد تے ’’یقین‘‘ کر سکدا اے (صفحہ 57۔58)۔ فضل دے عقائد تے یقین نے کدی کسی نوں نجات نئیں دلائی۔ مسیح وِچ ایمان لیہا کے تبدیل ہون دے لئی، کسی نوں اپنی خوفناک، گناہ توں بھرپور، گمراہ شُدہ ہوئی حالت دے لئی بیدار ہونا چائیدا اے تے فیر حقیقتاً مسیح دے نال متحد ہونا چائیدا اے، ورنہ ایس دا ’’عقیدہ‘‘ نجات دے حقایق دے خشک اعراف دے سِوا کُجھ نئیں پیدا کرے گا، تے اُو کدی وی حقیقی معنیاں وِچ مسیح بخود دے کول نجات پان آلی فلاح دے لئی جیہڑی نجات دہندہ گنہگاراں نوں پیش کردا اے بخشا نئیں جائے گا۔

سپرجیئن الطار تے آن دی بُلاہٹ (پیش قدمی کرن) نوں ’’مسیح وِچ ایمان لیہیان دی تبدیلی دے معنی نوں اُلجھان دے طور تے شمار کردے نے۔‘‘ سپرجیئن ’’جانندے سن کہ مسیح نوں حاصل کرنا فطرت دی تبدیلی (دوبارہ تخلیق) دے بغیر کدی نئیں ہوندا اے تے ایہو جئی تبدیلی کسی وی جسمانی عمل توں متاثر نئیں ہو سکدی جیویں کسی شخص نوں سامنے آن دے لئی کہنا‘‘ (صفحہ 63)۔ ’’سپرجیئن نے اپنی تبلیغ وِچ اُوہناں افراد دی جانب توں فوری عوامی فیصلے دے لئی جیہڑے مسیحی بنن دے خواہشمند سن کدی وی ’اپیل‘ یا ’الطار تے آن دی بُلاہٹ‘ دا اِضافہ نئیں کیتا (ibid.)۔ مسیح وِچ ایمان لیہیائے ہوئے لوکاں دی تعداد ودھان دے خاطر ’’عوامی فیصلے‘‘ نوں اِک ذریعے دے طور تے سپرجیئن نے مکمل طور تے ناقابل اعتبار گردانیا سی (صفحات 63 – 64)۔ اُوہناں نے کہیا،

میہنوں جانن آلے سب توں بہوتے واضح گنہگاراں وِچوں کُجھ جیہڑے کدی گرجا گھر دے اِک رُکن سن؛ تے، جیویں کہ میں یقین رکھنا آں، غیر ضروری دباؤ دے ذریعے مذہب یا عقیدے دے اِقرار دی راہ تے گامزن ہوئے سن … میں، انڈے وِچ نکلے بغیر چوزیاں دی ایس تعداد نوں ودھان آلی عوامی شیخی توں تنگ آ چکیا آں (صفحہ 64)۔

’’دوجیاں تھاواں تے جیتھے [سپرجیئن] نے تبلیغ کیتی، بشمل کُھلی فضا وِچ … ایہو جئی کوئی اپیل کدی نئیں دِتی گئی‘‘ (ibid.) یعنی، سپرجئین نے کدی وی اَگے آن، ہتھ اُٹھان وغیرہ دے لئی ’’دعوت‘‘ نئیں دِتی سی۔ اِستفسار کرن آلیاں توں نمٹنا ’’اِک الگ معاملہ سی، جیس دی اُوہناں نے حوصلہ افزائی کیتی‘‘ (ibid.)۔ لیکن اُوہناں نے ایہہ کام اکثر پیر دی راتاں تے اپنے کام دے ہفتے دی دوجیاں شاماں وِچ اپنے گرجا گھر وِچوں اِک کمرے توں جیتھے مقدس برتن تے ملبوسات رکھے جاندے نے یا ملاقاتاں ہوندیاں نے۔ کی، ہر واعظ دے اِختتام تے اِک اچانک گل دے طور تے نئیں، جیویں کہ اَسی عام طور تے اپنے دور دے انجیلی بشارت دے ’’دورِ حاضرہ دے مکاتب‘‘ وِچ ہوندا ہویا ویکھنے آں۔

انیسویں صدی دے آخیر وِچ ایہہ خیال [فنیFinney تے اُوہدے پیروکاراں وَلوں] بہوتا مقبول ہویا … کہ جے مسیح وِچ ایمان لیہیان دی تبدیلی نوں اِک وری کیتے جان آلے عمل وِچ ’آسان‘ بنایا جا سکدا اے، جیہڑی کسی وی شخص دے ذریعے [کسی وی ویلے] انجام دِتا جاندا اے، تے انجیلی بشارت بہوتی کامیاب ہووے گی۔ ’کامیابی‘ ہر دوجی ترجیح نوں ہٹان دے لئی آئی۔ سپرجیئن، تے [بشارت دے ’’پرانے مکتب‘‘ دے کُجھ دوجے لوکی ایہہ تنبیہ کرن وِچ اقلیت چہ سن کہ غلط طریقے نال پیش کیتی گئی خوشخبری چوٹ پہنچا رئی اے تے [مستقبل وِچ] گرجا گھراں دے لئی آفت لیہائے گی (صفحہ 65)۔

خاص طور تے، وسیع تر [نئے] انجیلی بشارت دے منظروِچ جیہڑی شے [سپرجئین] نوں محسوس ہوئی اُو گناہ دی سزایابی تے خدا دے خود دی عدم موجودگی سی۔ [گناہ دی سزا] گرجا گھراں وِچ غائب ہو رئی سی، تے [ایہدے نال] تعظیم تے خوف دا نقصان ہویا۔ مسیحیاں دی وضاحت ’خدا توں ڈرن آلے‘ دے طور تے ختم ہو گئی۔ خوشی، نا کہ خوف اِک موضوع [بن گیا]، لیکن سپرجیئن نے دلیل دِتی کہ دوواں نوں الگ نئیں کیتا جا سکدا (صفحہ 66)۔

’’سپرجیئن نوں ایس وِچ کوئی شک نئیں سی کہ [’دورِ حاضرہ دے مکاتب دی] سطحی انجیلی بشارت [سچے] مذہب تبدیل کرن آلیاں دی عدم موجودگی دی اِک وڈی وجہ سی‘‘ (ibid.)۔

میورے نے ڈاکٹر مارٹن لائیڈ جونز دا حوالہ دِتا، جِنہے ایہہ سب کُجھ واضح کر دِتا جدوں اُوہناں نے کہیا کہ ’’دورِ حاضرہ‘‘ دی انجیلی بشارت وِچ،

تہانوں اپنے گناہواں نوں بہوتا محسوس کرن دی لوڑ نئیں اے۔ تہانوں اپنے دِل دی سیاہی توں آگاہی دی لوڑ نئیں۔ تُسی صرف ’’مسیح دے لئی فیصلہ کردے اُو‘‘ تے تُسی بھیڑ دے نال دوڑدے اُو [’’دعوت دے موقع تے‘‘]، تے تہاڈا ناں دبا دِتا جاندا اے، تے رپورٹ کیتے گئے ’’فیصلیاں‘‘ دی اِک وڈی تعداد وِچ اِک اے … ایہہ مکمل طور تے پیوریٹنز تے جان ویزلی [توں مختلف اے]، جارج وائٹ فیلڈ تے [اٹھارویں صدی دے] دیگر لوکاں دی بشارت، جیس دی وجہ توں لوکی خدا دے فیصلے توں گھبراندے سن، تے بعض اوقات دِناں، ہفتیاں تے مہینیاں تیکر روح دی اذیت وِچ مبتلا رہندے سن (صفحہ 69)۔

میورے نے ایس باب نوں اِک پرانے انجیلی بشارت دے مبشر ڈاکٹر اے ڈبلیو ٹوزرDr. A. W. Tozer کا نظریہ دے کے ختم کیتا، جنہاں نے کہیا،

مذہب دی تبدیلی دے سارے لین دین نوں مشینی تے بے روح بنا دِتا گیا اے۔ ایمان ہُن بغیر کسی مرتبان دے استعمال کیتا جا سکدا اے … آدم دی اَنّا تے۔ مسیح وصول کرن آلے دی روح وِچ ایس دے لئی کوئی خاص محبت پیدا کیتے بغیر ’’مقبول‘‘ ہو سکدا اے (صفحہ 70)۔

میورے نے کہیا،

تبدیل دے بارے وِچ سچائی دی بازیافت دی اَج اشد لوڑ اے۔ ایس موضوع تے اِک وسیع تنازعہ اِک ہزار گلاں نوں اُڑا دین دے لئی صحت مندانہ ہوا ہووے گا۔ خدا دا نیا خوف بہوتی ساری دُنیاوی سوچاں نوں ختم کر دے گا تے بے شمار بے ہودہ خدمات نوں خاموش کر دے گا مزید انجیلی بشارت دے بارے وِچ بہوتی زیادہ گل کیتی گئی اے، تے حیاتِ نو دیاں بہوتی ساریاں اُمیداں نے، لیکن سپرجئین سانوں سکھان گے کہ ضرورت پہلی گلاں دے وَل واپس جان دی اے [جیویں کہ اُوہناں دی پرانی انجیلی بشارت وِچ تبلیغ کیتی گئی سی] (صفحہ 68)۔

میں پورے دل نال آئعین ایچ میورے Iain H. Murray توں اِتفاق کرنا آن۔ ایہو ای وجہ اے کہ میں تہانوں اُوہناں دی کتاب، قدیم انجیلی بشارت دے پرچار دی تعلیم The Old Evangelicalism (بینر آف ٹُرتھ Banner of Truth، 2005) دی اِک نقل حاصل کرن دی بھرپور حوصلہ افزائی کرنا آں تے ایہنوں اُوس ویلے تیکر بار بار پڑھنا آں جدوں تیکر ک ’’تہاڈی اَکھاں توں پردہ نہ ڈِگ جائے‘‘ تے تُسی اُوہناں دے نال شامل ہون دی خواہش محسوس کرو۔ ساڈے وِچوں اُو لوکی جیہڑے حقیقی انجیلی بشارت دیاں ’’پرانی راہواں‘‘ تے واپس ٹرنا چاہندے نے۔ اِک سوچن سمجھن آلے دورِ حاضرہ دے قاری نوں گھٹ توں گھٹ ایس حقیقت تے غور کرن دا چیلنج کیتا جائے گا کہ اَج دی تقریباً ساری انجیلی بشارت اُوس توں گھٹ اے جس تے پرانے انجیلی بشارت آلے لوکی کدی یقین کیا کردے سن تے زمین تے شمال توں جنوب [اوتوں توں تھلے] تیکر تبلیغ کردے سن۔ میہنوں یقین اے کہ جدوں تیکر اَسی ’’پرانی انجیلی بشارت‘‘ دے عقائد تے اصولاں وَل واپس نئیں آندے۔ اِس کدی وی کسی وڈے پیمانے تے حقیقی کلاسیکی معیاری احیاء کو نئیں ویکھ پاواں گے۔

میورے دی کتاب پڑھن آلے کُجھ لوکاں نوں اینج کرن دا چیلنج دِتا جائے! زوال دی ایہناں دِناں وِچ اینج کرنا مشکل ہووے گا، لیکن نتائج خدا تے خداوند یسوع مسیح نوں جلال دین گے۔ تے بہوتے سارے لوکی تبدیلی وَل لیہیائے جان گے بجائے ایس کے کہ جدید چالاں تے ہیرا پھیری دا استعمال کردے ہوئے جدید ایونجیلیکل فیصلہ سازی دے طریقیاں توں ’’فوری‘‘، سطحی نتائج حاصل کیتے جان۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔