ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

میں ڈاکٹر مائیکل جے بیہے Dr. Michael J. Behe دی کتاب جیس دا عنوان، ڈارون دا سیاہ صندوق: بائیو کیمیکل للکار توں لیکے ارِتقاء تیکر Darwin’s Black Box: The Biochemical Challenge to Evolution (دی فری پریس، 1996) نوں فیر توں پڑھ رہیا آں۔ ڈاکٹر بیہے پنسلوانیا دی لیہائی Lehigh یونیورسٹی وِچ بائیو کیمسٹری دے پروفیسر نے۔ ایس کتاب وِچ ڈاکٹر بیہے نے کہیا،

سالماتی اِرتقاء سائنسی اتھارٹی تے مبنی نہئیں اے۔ سائنسی ادب دے وِچ ایہو جئی کوئی وی اشاعت نہئیں اے – نامور جریدے، خصوصی جریدے، یا کتاباں وِچ – جیہڑیاں ایہہ دسدیاں ہون کہ کسی حقیقی، پیچیدہ، حیاتیاتی کیمیائی نظام دا مالیکیولر ارتقاء یا تے رونما ہوئے یا رونما ہو سکدے نے۔ ایہو جئے دعوے نے کہ ایہو جیہا ارتقاء رونما ہویا اے، لیکن قطعی طور تے کسی وی قسم دے تجربات یا حساب توں ایہدی تائید نہئیں ہوندی… جدید حیاتیاتی کیمیا نے خلیے وِچ جیس بے پناہ پیچیدگی دا بردہ فاش کیتا اے، سائنسی برادری مفلوج اے۔ ہارورڈ یونیورسٹی وِچ کوئی وی نہئیں، نیشنل انسٹی ٹیوٹ آف ہیلتھ وِچ کوئی نہئیں، نشنل اکیڈیمی آف سائنسز دا کوئی رُکن نہئیں، کوئی نوبل انعام یافتہ نہئیں۔ کوئی وی ایس گل دا تفصیلی حساب نہئیں دے سکدا کہ … کوئی پیچیدہ حیاتیاتی کیمیائی عمل ڈارون دے انداز وِچ کیویں تیار ہویا ہووے گا۔ لیکن اَسی ایتھے ای آں۔ پودے تے جانور ایتھے ای نے۔ پیچیدہ نظام ایتھے ای اے۔ ایہہ ساریاں شیواں کسی نہ کسی طرح ایتھوں تیکر پہنچ گئیاں نے: جے ڈارون دے انداز وِچ نہئیں، تے کیویں؟ واضح طور تے، جے کسی شے نون ہولے ہولے نال نہئیں رکھیا گیا سی، تے اُوہنوں چھیتی یا اچانک اِکٹھا کر دِتا گیا ہووے گا (مائیکل جے بیہی، پی ایچ ڈی Michael J. Behe, Ph.D.، ڈارون دا سیاہ صندوق: بائیو کیمیکل للکار توں لے کے اِتقاء تیکر Darwin’s Black Box: The Biochemical Challenge to Evolution، دی فری پریس، 1996، پی پی۔ 185-187)۔

یاد رہوے کہ ڈاکٹر بیہے اِک بایو کیمسٹ نے تے اِک سیکولر یونیورسٹی وِچ بائیو کیمسٹری دے پروفیسر نے۔ ڈاکٹر بیہے دی کتاب نوں شائع ہوئے دس وریاں توں بوہتا ہو چکیا اے، تے مالیکیولر ارتقاء پسند کوئی قابلِ بھروسہ جواب نہئیں دے سکے نے – ماسوائے اِک جھجھلاہٹ دے، کوئی سائنسی ثبوت نہئیں اے کہ ڈاکٹر بیہے غلط نے۔ کیوں؟ کیوں جے اُو غلط نہئیں نے! اُو سچے نے جدوں اُو کہندے نے، ’’سالماتی ارتقاء سائنسی اِختیار تے مبنی نہئیں اے۔‘‘ اُو سچے نے جدوں اُو کہندے نے، ’’جدید بائیو کیمسٹری نے خلیے وِچ جیس بے پناہ پیچیدگی دا پردہ فاش کیتا اے، ایس دے پیش نظر سائنسی طبقہ مفلوج اے۔‘‘ تے اُو سچے نے جدوں اُو کہندے نے، ’’کوئی وی ایس گل دا تفصیلی حساب نہئیں دے سکدا کہ کیویں… کوئی وی پیچیدہ حیاتیاتی کیمیائی عمل ڈارون دے انداز وِچ تیار ہویا ہووے گا۔‘‘میں ڈاکٹر بیہے دی ہر گل نال متفق نہئیں آں، لیکن اُوہناں نے ’’بائیو کیمیکل سچح تے ڈاروِن دے خلاف اِک زبردست مقدمہ‘‘ بنایا اے (ڈیوڈ برلنسکی، کیلکیولس دا اِک دورہA Tour of Calculus دے مصنف)۔ ڈاکٹر بیہے دے لئی، ڈاروِن دا ’’سیاہ صندوق‘‘ بائیو کیمیکل سٹمز دی ناقابلِ تلافی پیچیدگی اے۔ چارلس ڈاروِن (1809۔1882) انیسویں صدی وِچ رہندے سن، جدوں خوردبین بوہتی قدیم سی۔ اُو خلیات تے حیاتیاتی نظام دے اندر مالیکیولر ڈھانچے دی پیچیدگی نوں نہئیں ویکھ سکدا سی۔ اَج سائنسدان ڈارون دے ’’سیاہ صندوق‘‘ دے اندر ویکھ سکدے نے۔ ڈاکٹر بیہے اِک حیاتیاتی کیمیا دان نے جیہڑے ایہہ جانندے ہوئے کہ ڈارون نوں کی معلوم نہئیں سی، ایہہ دعوی کردا اے کہ مالیکیولر ارتقاء دا نظریہ ایہناں ڈھانچیاں دی پیچیدگی دے امتحان وِچ نہئیں آندا۔ ڈاکٹر بیہے دا کہنا اے کہ مالیکیولز ایہو جئے پیچیدہ نظاماں وِچ جڑے ہوئے نے کہ اُوہناں نوں محض موقع تے بیان نہئیں کیتا جا سکدا۔ ایتھوں تیکر کہ اِک خلیہ وی انتہائی پیچیدہ اے، جیویں چھوٹے جئے شہر وِچ اِک عظیم شہر۔ ڈارون نوں مالیکیولز دی عظیم پیچیدگی دا علم نہئیں سی۔ اینج اُو ایہناں نوں نہایت سادگی نال ویکھدا سی۔ ڈاکٹر بیہے وگرے جدید حیاتیاتی کیمیادان ڈارون دے ’’سیاہ صندوق‘‘ نوں کھول رئے نے تے سالماتی سطح تے وکھا رئے نے کہ ایہہ ڈھانچے ایہنے ای پیچیدہ نے کہ اکیلے اتفاق نال پیدا ہوئے نے۔ بُہتیرے دوجے سائنسدان ہُن ڈارون دے ارتقاء دے کُج بنیادی نظریات تے سوال چُک رئے نے (ویکھو چھ دِناں وِچ: کیوں پچاس سائنسداناں نے تخلیق وِچ یقین کرن دا انتخاب کیتا In Six Days: Why Fifty Scientists Choose to Believe in Creation ، جان ایف ایشٹن، پی ایچ ڈی John F. Ashton, Ph.D. نے ترمیم کیتی، ماسٹر بکس، 2002 ایڈیشن)۔ ڈارون دے عقیدے دی بنیاد ای ٹوٹن لگی اے۔ میہنوں یقین نے کہ اَسی کسی دِن ڈارون دے ارتقاء دے بنیادی نظریہ نوں سائنسی برادری وَلوں رد کردے ہوئے ویکھاں گے۔

ڈاکٹر بیہے نے کہیا، ’’لیکن اَسی ایتھے ای آں … جے ڈارون دے انداز وِچ نہئیں، تے کینج؟ واضح طور تے جے کسی شے نوں بتدریج اکٹھا نہئیں کیتا گیا سی، تے ایہنوں چھیتی یا اچانک اِکٹھا کر دِتا گیا ہووے گا (ibid.، صفحہ 187)۔ ایہہ بالکل اُوہی اے جیہڑا بائبل نے کیہیا اے!

کسی دِن ڈارون دا ارتقاء دا صندوق مکمل طور تے کُھل جائے گا – تے ایس باکس دے اندر انسان دریافت کرے گا کہ خدا نے پیدائش دے پہلے باب وِچ جو کیہیا اُو قطعی سچائی سی!

’’تے خداوند نے کیہیا، آؤ اَسی انسان نوں اپنی شبیہ تے بنائیے … چنانچہ خدا نے انسان نوں اپنی صورت تے پیدا کیتا، ایہنوں خدا دی صورت تے پیدا کیتا‘‘ (پیدائش1: 26۔27)۔

میہنوں مزاحیہ شاعری دا اِک ٹکڑا یاد اے جیہڑا میں اِک وری ڈاکٹر ایم آر ڈیحان Dr. M. R. DeHaan دی اِک کتاب وِچ پڑھیا سی۔ میں ایہنوں ماڑا جیہا اَپ گریڈ کیتا اے۔

تین بندر ناریل دے درخت تے بیٹھ گئے
     تہاڈے تے میرے وگرے لوکاں نوں ہیٹاں ویکھن لگے۔
اِک دوجے نوں کہین لگے ہُن توں سُن،
     اِک خاص افواہ اے جیہڑی سچ نہئیں ہو سکدی،
اُو شخص ساڈی عظیم نسل توں نکلا اے۔
     ایہہ انتہائی خیال اِک درجہ دی رسوائی اے۔

کسی بندر نے اپنی ووہٹی نوں طلاق نہئیں دِتی
     اپنے بچیاں نوں اسقاطِ حمل کر کے اُوہدی حیاتی برباد نہئیں کیتی۔
تے اِک ہُور شے جیہڑی تُسی کدی وی نہئیں ویکھو گے،
     اِک بندر نوں درخت دے گرد باڑھ بناندے ہوئے۔
تے ناریل دے پھلاں نوں صائع کردے ہوئے،
     بجائے ایس دے کہ کسی ہُور نوں چکھن دین۔

ایتھے اِک ہُور شے اے جیہڑی بندر نہئیں کردے،
     باہر جا کے نشہ نہئیں کردے تے چڑچڑے پن نال گھر نہئیں آندے،
یا بندوق، گُرز یا چاقو اِستعمال نہئیں کردے،
     کسی ہُور بندر دی جان نہئیں لیندے۔
جی ہاں، آدمی نازل ہویا، بدمزاج لفنگا،
     لیکن یقیناً اُو ساڈے وِچوں نازل نہئیں ہویا!
(پیدائش تے ارتقاء Genesis and Evolution دی اک گمنام نظم وِچوں اخذ کردہ
     شاعر ایم آر ڈیحان، ایم ڈی M. R. DeHaan, M.D.، ژونڈروان اشاعتی گھر Zondervan Publishing House ، 1962، صفحہ 57-58)۔

اِک لحاظ توں، انسان واقعی ’’نازل‘‘ ہویا اے۔ لیکن اُوبندر نما آدمی اینتھروپوئیڈزanthropoids توں نہئیں آیا، بن مانس وگرے آباؤاِجداد توں۔ ایس دے بجائے، اُو زوال دے ذریعے اپنے اصل اعلیٰ و ارفع مرتبے توں گمراہی دے ذریعے نال ہیٹاں آیا۔ سارے مرد، ایس زوال پذیر حالت وِچ، ہُن اصل مرد تے عورت دی صرف ناقص نقلاں نے، جیہڑیاں خدا دی شبیہ تے صورت تے بنائے گئے سن۔

’’تے خداوند نے کیہیا، آؤ اَسی انسان نوں اپنی شبیہ تے اپنے وانگوں بنائیے…‘‘ (پیدائش1: 26)۔

ایتھے خدا اپنے آپ توں مخاطب اے۔ بائبل وِچ تثلیث دی ہستیاں دے وِچکار ایس طرح دی گل بات دی کئی مثالاں موجود نے۔ مثال دے طور تے، خدا دے قبل از مجسم پُتر نے کیہیا،

’’خداوند نے میہنوں کیہیا، توں میرا پُتر اے اَج توں مجھ توں پیدا ہویا‘‘ (زبور2: 7)۔

داؤد نے اعلان کیتا،

’’یہوواں میرے خداوند نوں فرماندا اے، توں میرے سجّے ہتھ بیٹھ جا جدوں تیکر کہ میں تیرے دشمناں نوں تیرے پاؤں دی چوکی نہ کر دیاں‘‘ (زبور110: 1)۔

تے اشعیا نبی دی کتاب وِچ اَسی پڑھنے آں،

’’شروع ای توں میں پوشیدگی وِچ کلام نہئیں کیتا؛ جدوں ایہہ ہوندا اے تے میں وی اُوتھے ہونا آں تے ہُن خداوند خدا نے اپنی روح دے نال میہنوں پیجھیا اے‘‘ (اشعیا48: 16)۔

ایس آیت دے بارے چہ، ڈٓاکٹر مورس نے کیہیا، ’’ایہہ پرانے عہدنامے وِچ تثلیث دا واضح اشارہ اے۔ بیٹے دا بولنا، باپ تے روح وَلّوں ’’پیجھیا جا رہیا‘‘ ہے‘‘ (ھنری ایم مورس، پی ایچ۔ ڈی۔ Henry M. Morris, Ph.D.، بائبل دا دفاع کرن آلیاں دا مطالعہ The Defender’s Study Bible، ورلڈ پبلیشنگ، 1995، اشعیا48: 16 تے غور طلب گل)۔ باپ تے پُتر دے وِچکار رفاقت، ابدی تثلیث وِچ، یوحنا17: 24 وِچ وی ظاہر کیتی گئی اے، جدوں یسوع نے کیہیا،

’’اے باپ! توں جِنہاں نوں میہنوں دِتا اے میں چاہنا آں کہ جیتھے میں آں اُو وی میرے نال ہون تے اُوس جلال نوں ویکھ سکن جیہڑا توں میہنوں دِتا اے کیوں جے توں دُنیا دی پیدائش توں پیشتر ای میرے نال محبت رکھی‘‘ (یوحنا17: 24)۔

تثلیث دی ہستیاں دے وِچکار رفاقت تے گل بات نوں ساڈی تلاوت وِچ آشکارہ کیتا گیا اے:

’’تے خداوند نے کیہیا، آؤ اَسی انسان نوں اپنی شبیہ تے اپنے وانگوں بنائیے …‘‘ (پیدائش1: 26)۔

لوتھر نے کہیا،

اُو الفاظ، ’’آؤ اَسی انسان بنائیے‘‘ ساڈے مسیحی عقیدے دے اِسرار دی تصدیق کردے نے، یعنی کہ اِک ابدی خدا اے، جیس دے الہٰی جوہر وِچ تین الگ الگ ہستیاں نے: خدا باپ، بیٹا تے روح القدس (مارٹن لوتھر، ٹی ایچ۔ ڈی۔ Martin Luther, Th.D. ، پیدائش دی کتاب تے لوتھر دا تبصرہ Luther’s Commentary on Genesis، 1958 دوبارہ اشاعت، جلد اول، صفحہ 28)۔

لوتھر نے نشاندہی کیتی کہ ’’اَسی‘‘ فرشتے نہئیں ہو سکدے کیوں جے انسان فرشتیاں دی صورت وِچ نہئیں بنایا گیا اے۔ اُوہناں نے کہیا کہ ایہہ زمین نہئیں ہو سکدی کیوں جے انسان زمین دی شکل وِچ نہئیں بنایا گیا اے۔ جیویں کہ ڈاکٹر گِل نے اشارہ کیتا کہ ایہہ شرافت دا ربّی ’’اَسی‘‘ نہئیں ہو سکدا، ایہہ استعمال موسیٰ دے پیدائش دی کتاب دے لکھن دے بعد تیکر نہئیں ہویا۔ (جان گل، ڈی ڈیJohn Gill, D.D.,، پرانے عہد نامے دی اِک تفسیرAn Exposition of the Old Testament، دی بیپٹسٹ سٹینڈرڈ بیئرر، 1989 دی دوبارہ اشاعت، جلد اول، صفحہ 10)۔ اُو ’’اَسی‘‘ لوتھر نے کیہیا، ’’ایتھے یقینی طور تے مقدس تثلیث دے طور تے اشارہ کیتا گیا اے، یعنی کہ اِک الہٰی جوہر وِچ تین افراد نے: باپ، پُتر تے روح القدس‘‘ (ibid.، p. 29)۔

’’آؤ اَسی انسان نوں اپنی شبیہ تے اپنے وانگوں بنائیے …‘‘ (پیدائش1: 26)۔

’’شبیہ‘‘ تے ’’مماثلت [اپنے وانگوں]‘‘ عبرانی متماثلوں توں نے، جیتھے اِک ای خیال نوں دو وری ظاہر کیتا گیا اے۔ ایویں، ’’شبیہ‘‘ تے ’’مماثلت [اپنے وانگوں]‘‘ دو الگ الگ شیواں تے مشتمل نہئیں نے، بلکہ اِک ای شے توں بنندی نے۔ اکیلا لفظ ’’شبیہ‘‘ ستائیسویں آیت وِچ استعمال ہویا اے،

’’چنانچہ خدا نے انسان نوں اپنی صورت تے پیدا کیتا، اُوہنوں خدا دی صورت تے پیدا کیتا …‘‘ (پیدائش1: 27)۔

’’خدا دی شبیہ‘‘ کی سی؟ اعلیٰ معیار دی تفسیراں نوں پڑھن دے بعد، میہنوں یقین اے کہ ڈاکٹر گل نے ایس دی بہترین وضاحت کیتی اے،

چنانچہ خدا نے انسان نوں اپنی صورت تے پیدا کیتا... جیہڑا اُوہدے جسم دی شکل وِچ، تے اُوہدے قدوقامت دی قدرتی اُٹھان، دوجی ساریاں مخلوقات توں مختلف سی۔ اُوہدے جسم دے تصور دے نال اِتفاق کردے ہوئے، خدا دی پُتر دے لئی عہد وِچ تیار کیتا گیا سی، تے جیہدے چہ ایہدے تے اِتفاق کیتا گیا سی کہ ایہنوں ویلے دی تکمیل وِچ فرض کرنا چائیدا اے۔ تے اُوہدی روح دی لافانیت وِچ، تے اُوہدی فکری قوتاں وِچ، تے اُوہدی پاکیزگی، تقدس تے راستبازی وِچ جیس چہ اُو پیدا کیتا گیا سی (جان گل، ibid.، صفحہ 11)۔

ڈاکٹر گل دے نال اِتفاق کردے ہوئے، ڈاکٹر ھنری ایم مورس نے کیہیا،

جسم تے روح دوواں وِچ، مسیح درحقیقت خود خدا دی صورت سی (عبرانیوں 1: 3؛ کلسیوں 1: 15؛ II کرنتھیوں 4: 4)۔ ایہہ اندازہ لگانا بوہتا نہئیں لگدا کہ خدا نے انسان نوں ایس جسم دی شکل وِچ بنایا اے جِنہوں اُو آپئے اِک دِن فرض کے لئے گا۔ ایس لحاظ نال، گھٹ توں گھٹ، ایہہ سچ اے کہ، جسمانی طور تے، تے روحانی طور تے وی، انسان نوں خدا دے پُتر دی شبیہ تے مشابہت چہ بنایا تے تخلیق کیتا گیا سی (ہنری ایم مورس، پی ایچ ڈیHenry M. Morris, Ph.D.,، پیدائش دی کتاب دا ریکارڈThe Genesis Record ، بیکر کُتب گھرBaker Book House، 1986 ایڈیشن، صفحہ 75)۔

ایویں، میں مننا آں کہ پیدائش1: 26۔27 آیت وِچ ’’خدا دی شبیہ‘‘ توں مراد پہلے انسان دا روحانی تے جسمانی شبیہ وِچ تخلیق کیتا جانا قبل ازیں مجّسم مسیح، مقدس تثلیث دی دوجی شخصیت، الہٰی لوگوس اے، جِنہاں دے بارے چہ یوحنا دی انجیل کہندی اے،

’’ساریاں شیواں اُوسی دی وسیلے توں پیدا کیتی گئیاں؛ تے کوئی شے وی ایہو جئی نہئیں جیہڑی اُوس دے بغیر وجود چہ آئی ہووے‘‘ (یوحنا1: 3)۔

’’جیہڑا اندیکھے خدا دی صورت اے‘‘ (کُلسیوں1: 15)۔

’’مسیح، جیہڑا اندیکھے خدا دی صورت اے‘‘ (II کرنتھیوں4: 4)۔

گزرےہوئے زمانے وِچ خدا نے ساڈے آباؤ اِجداد نال کئی موقعیاں تے مختلف طریقیاں نال نبیاں دی معرفت کلام کر کےایہناں آخیرلے دِناں وِچ ساڈے نال اپنے پُتر دی معرفت کلام کیتا، جِنہوں اُوہنے ساریاں شیواں دا وارث مقرر کیتا تے جیس دے وسیلے توں اُوہنے کون و مکاں نوں پیدا کیتا۔ اُو خدا دے جلال دا عکس تے اُوہدے جوہر دا عین نقش ہو کے اپنے قدرت آلے کلام نال ساریاں شیواں نوں سنبھالدا اے۔ اُو سانوں گناہواں توں پاک کر دین دے بعد آسمان تے خدا دی سجّے پاسے جا بیٹھیا‘‘ (عبرانیوں1: 1۔3)۔

ایہہ نظریہ کہ مسیح خدا دی شبیہ سی، جیس توں انسان نوں روحانی تے جسمانی طور تے نمونہ بنایا گیا سی، کئی ابتدائی مسیحی مصنفین، کاہن حضرات دی حیثیت وی سی، جِنہاں دا جان ٹریپ حوالہ دیندا اے، حالانکہ (میرے خیال چہ غلط اے) شکوک و شبہات دی اِک غور طلب گل دے نال (جان ٹراپJohn Trapp، پرانے تے نئے عہد نامے تے اِک تبصرہ A Commentary on the Old and New Testaments، ٹرانسکی پبلیکیشنز، 1997 دوبارہ اشاعت، جلد اول، صفحہ 9-10)۔ میہنوں یقین اے کہ اُو ابتدائی مسیحی مصنفین ایس نکتے تے درست سن، کہ مسیح باغ عدن وِچ سی، جیویں کہ یوحنا1: 3 دے لوگوس نوں تخلیق کرن آلا سی، تے اُو اُوہی سی جیس نے

’’انسان نوں اپنی شبیہ تے تخلیق کیتا‘‘ (پیدائش1: 27)۔

میں ایس گل وِچ یقین رکھنا آں کیوں جے مسیح، ابدیت توں پہلاں ای توں تثیث دی دوجی ہستی اے،

’’جیس دے وسیلہ توں اُوہنے کون و مکاں نوں پیدا کیتا، اُو خدا دے جلال دا عکس تے اُوہدے وجود دا عین نقش اے‘‘ (عبرانیوں1: 2۔3)۔

’’جیہڑا اندیکھے خدا دی شبیہ اے‘‘ (کلسیوں1: 15)۔

ایویں، میں یقین کرنا آں کہ اصل انسان قبل ازیں مجّسم مسیح وانگوں پیدا کیتا گیا سی، خدا دی دوجی ہستی، جِنہے زمین دی خاک توں انسان نوں اپنی شکل تے مشابہت وِچ تشکیل دِتا۔ مسیح نے – اپنی قبل ازیں مجّسم دی شکل وِچ – اسی روحانی شکل دے نال انسان نوں تخلیق کیتا۔ مسیح نے – اپنی قبل ازیں مجّسم دی شکل وِچ – پہلے انسان نوں اپنے جسم وِچ وی تخلیق کیتا، جیویں کہ ڈاکٹر مورس نے کیہیا، ’’ایس جسم دی شبیہ وِچ جِنہوں اُو اِک دِن سنبھالے گا۔‘‘ مسیح، میں مننا آں، خدا دی شکل اے، انسان دا خالق، جِنہے پہلے انسان نوں اپنی شکل تے مشابہت وِچ تشکیل دِتا:

’’آؤ اَسی انسان نوں اپنی شبیہ تے اپنے وانگوں بنائیے‘‘ (پیدائش1: 26)۔

’’چنانچہ خدا نے انسان نوں اپنی صورت تے پیدا کیتا، اُوہنوں خدا دی صورت تے پیدا کیتا …‘‘ (پیدائش1: 27)۔

پس، جیہڑا پہلا انسان سی، جیویں کہ ڈاکٹر مورس نے کیہیا، ’’خدا دی شبیہ تے اُوہدے پُتر دی صورت… تے تخلیق کیتا گیا‘‘ (ibid.)۔

’’جیہڑا اندیکھے خدا دی شبیہ اے‘‘ (کُلسیوں1: 15)۔

ازل توں ابدیت تیکر – دُنیا دے خاتمہ دے بغیر!

لیکن انسان نے مسیح وِچ خدا دی روحانی تصویر گنوا دِتی، تے ایتھوں تیکر کہ اُوہدی جسمانی ساخت وی اپنی اِک وری دی شاندار شکل توں انحطاط پذیر ہو گئی، ایویں ہُن انسانی جسم جسمانی موت دے تابع اے۔ تے انسان دی روحانی صلاحیتاں زوال دی وجہ توں ختم ہو چکی نے، ایس لئی ہُن کیہیا جاندا اے کہ انسان

’’گناہواں وِچ مُردہ اے‘‘ (افسیوں2: 5)۔

ہُن [انسان] مسیح دی الہٰی تصویر نہئیں اے، انسان ہُن اِک منحرف [مسخ شُدہ] مخلوق اے،

’’کسی اُمید دے بغیر، تے دُںیا وِچ خدا دے بغیر‘‘ (افسیوں2: 12)۔

صرف مسیح وِچ خدا دی فضل دی الہٰی مداخلت نال ای اِک انسان نوں زوال توں پہلاں آدم دی اصل راستبازی تے بحال کیتا جا سکدا اے۔ صرف نئے جنم دے ذریعے ای انسان اُو مکمل فوائد حاصل کر سکدا اے جیہڑے ایہنوں اِک وری خدا دی شکل وِچ حاصل ہوئے سن۔

تے ایہو ای وجہ اے کہ مسیح دُنیا چہ آیا، تاکہ انسان دی ہُن خستہ حال روح تے موت توں متاثرہ جسم وِچ خدا دی کھوئی ہوئی صورت نوں بحال کرے۔ جیویں کہ میں حوالہ دِتا ایس بندر نے مزاحیہ مصرے وِچ اِعلان کیتا،

جی ہاں، آدمی نازل ہویا، بدمزاج لفنگا،
     لیکن یقیناً اُو ساڈے وِچوں نازل نہئیں ہویا!

درحقیقت، اُوہدے آباؤاِجداد بندر وگری شکلاں آلے نہئیں سن۔ نہیں، اُو اِک کامل انسان توں نازل ہویا اے، جیہڑا مسیح دی شبیہ تے بنایا گیا اے – ہیٹاں، ہیٹاں، ہیٹاں، مکمل بدحالی تے گناہ وِچ۔

تے ایہو ای وجہ اے کہ مسیح آیا تے ساڈے گناہواں دے لئی صلیب تے مر گیا – ناراستبازاں دے لئی راستباز، تاکہ اُو سانوں خدا دے کول لے آئے‘‘ (1 پطرس 3: 18)۔ ہُں اَسی گنہگار آں، انسان دے زوال نال اینج ہویا، لیکن

’’مسیح یسوع دُنیا وِچ گنہگاراں نوں نجات دلان دے لئی آیا‘‘ (I تیمتھیس 1: 15)۔

جدوں تُسی مسیح دے کول آندے اُو، تے فیر توں جنم لیہندے اُو – تے خدا دی شبیہ دی تجدید شروع ہوندی اے۔ تہاڈے فیر توں پیدا ہون دے بعد [فیر توں جنم لین] دے بعد تقدیس دا عمل شروع ہو جاندا اے۔ جدوں تُسی پہلی قیامت وِچ مسیح دے اِستقبال دے لئی بدلاں وِچ اُٹھائے جاؤ گے تے فیر خدا دی شبیہ بالکل بحال ہو جائے گی – تے فیر تُسی، آخر کار، آدم دے گناہ کرن توں پہلاں آلی حالت وانگوں ہو جاؤ گے۔

’’چنانچہ خدا نے انسان نوں اپنی صورت تے پیدا کیتا، اُوہنوں خدا دی صورت تے پیدا کیتا…‘‘ (پیدائش1: 27)۔

جے تپسی فیر توں پیدا ہوئے اُو، تے قیامت دے ایس شاندار دِن وِچ، تہانوں خدا دی شبیہ وِچ مکمل طور تے بحال کیتا جائے گا!

نجات ہُن شروع ہوندی اے، مسیح وِچ ایمان لیہیان دی تبدیلی دے نال شروع ہوندی اے، تے ایس ویلے تیکر جاری رہندی اے جدوں تیکر کہ تُسی مکمل طور تے خدا دی شبیہ تے بحال نہ ہو جاؤ، جدوں مسیح تہانوں ایس تاریک دُنیا وِچوں بدلاں چہ اُوہدے اِستقبال کرن دی خاطر اُٹھان دے لئی واپس آئے گا تے تُسی مکمل طور تے مقدس ہو جاؤ گے۔ ویزلی دے دوویں بھرہاواں دا خیال سی کہ تقدیس اِک اچانک عمل اے، جیہڑا کہ مسیح وِچ ایمان لیہیان دی تبدیلی وانگوں اے۔ میہنوں یقین اے کہ اصلاح شُدہ حالت درست اے – کہ اِک تبدیل شُدہ شخص تقدیس دے عمل توں گزردا اے، جیہڑا جنت تیکر پہنچن تک ختم نہئیں ہوندا۔ ایس دے باوجود چارلس ویزلی دا حمدوثنا دا گیت ’جدوں ایس روشنی وِچ ویکھیا جاندا اے‘، وڈی خوبصورتی تے معنی دا اظہار کردا اے۔

اپنی نئی تخلیق نوں ختم کرو،
     سانوں پاک تے بے داغ رہن دیو،
آؤ سانوں تیری عظیم نجات نوں ویکھ لین دیو،
     تیرے وِچ مکمل طور نال بحال:
جلال توں جلال وِچ بدل گیا،
     جدوں تیکر اَسی جنت وِچ اپنی تھاں نہئیں بنا لیہندے
جدوں تیکر اَسی تیرے سامنے اپنے تاج نہ سُٹ دیئے،
     حیرت، محبت تے تعریف وِچ گواچے۔
(’’الہٰی محبتLove Divine‘‘ شاعر چارلس ویزلی، 1707-1788)۔

ایہہ سب کُج مسیح وِچ سادہ ایمان نال شروع ہوندا اے۔ اُوہدے کول آؤ۔ اُوہدے تے پروہسہ کرو۔ تُسی فیر توں پیدا کیتے جاؤ گے، فیر توں پیدا ہوو گے، اُوس دے ذریعے۔ فیر اُو تہانوں تبدیلی دے ذریعے خدا دی کھوئی ہوئی شبیہ دی کامل بحالی وَل لے جائے گا، جیس دے بعد تقدیس دا عمل، جلالی حالت وِچ ختم ہووے گا۔

جلال توں جلال وِچ بدل گیا،
     جدوں تیکر اَسی جنت وِچ اپنی تھاں نہئیں بنا لیہندے
جدوں تیکر اَسی تیرے سامنے اپنے تاج نہ سُٹ دیئے،
     حیرت، محبت تے تعریف وِچ گواچے۔

ہُنے ای، ایس صبح ای، بائبل کہندی اے، ’’خداوند یسوع مسیح تے یقین رکھو، تے تُسی نجات پاؤ گے‘‘ (اعمال 16: 31)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔