ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔
واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔
جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔
تخلیق دا پہلا دِن
|
ڈاکٹر ہنری ایم مورس انسٹی ٹیوٹ فار کریئشن ریسرچ دے بانی سی۔ اُوہناں نے مینیسوٹا یونیورسٹی توں سائنس وچ اپنی ڈگری حاصل کیتی تے اٹھائی ورے تیکر وڈی یونیورسٹیاں دے تدریسی عملے [فیکلٹیز] وچ خدمات انجام دِتیاں، جنہاں وچ ورجینیا اسٹیٹ یونیورسٹی وچ سول انجینئرنگ ڈیپارٹمنٹ دے چیئرمین دے طور تے تیرہ ورے شامل نے۔
پیدائش دا ریکارڈ The Genesis Record اِک تخلیقی سائنسدان وَلّوں لکھی گئی پیدائش دی پوری کتاب دی واحد تفسیر اے۔ ڈاکٹر مورس نے ایہہ تفسیر اُوس یقین دے نال لکھی اے کہ پیدائش دے پہلے گیارہ ابواب بقیہ ابواب وانگوں واقعی تاریخی نے۔ ایہہ یقین صرف ایمان دی بنیاد تے نئیں سی، بلکہ پیدائش دے ریکارڈ دے سائنسی پہلوؤاں دے کئی وریاں دے مطالعے تے سی۔
اپنی کتاب، دی جینیسس ریکارڈ The Genesis Record وچ، ڈاکٹر مورس زمین دی ابتدائی تاریخ دے تاریخی واقعات دے ذریعے قاری دی رہنمائی کردے نے، جیہڑے نہ صرف کتاب دی پیدائش، بلکہ پوری بائبل نوں سمجھن لئی اُوس پس منظر نوں پیش کردے نے جیہڑے انتہائی ضروری نے (دی جینیسس ریکارڈ The Genesis Record دی جلد تے بیانات توں اخذ کردہ۔ جینیسس ریکارڈ، بیکر بک ہاؤس، 1986 فیر اشاعت)۔ ڈاکٹر چارلس سی. رائری Dr. Charles C. Ryrie، اوس ویلے دے ڈیلاس تھیولوجیکل سیمینری وچ درجہ بہ درجہ علم الہٰیات دے پروفیسر سن، اُوہناں نے ڈاکٹر مورس دی تحریر کردہ پیدائش دا ریکارڈ The Genesis Record نوں، ’’بہترین تبصراں وچوں اِک (جلد تے لکھیا ہویا بیان)۔
’’ابتدا وچ خُدا نے زمین تے آسمان نوں تخلیق کیتا۔ اُودوں زمین بے ڈول تے سنسان سی تے گہراؤ دے اُتے تاریکی چھائی ہوئی سی تے خُدا دا روح پانی دی سطح تے جنبش کردا سی۔ تے خُدا نے کہیا، روشنی ہو جا تے روشنی ہو گئی‘‘ (پیدائش1: 1۔3)۔
تے ڈاکٹر مورس نے کہیا،
تیجی آیت بائبل وِچ خدا دے بولن دا پہلا ریکارڈ اے۔ ’’تے خدا نے کہیا، روشنی ہو جا تے روشنی ہو گئی۔‘‘ خدا دا کلام روشنی لہیاندا اے! … جدوں روشنی نمودار ہوئی، ’’خدا نے روشنی نوں تاریکی توں الگ کر دِتا۔‘‘ جِتھوں تیکر زمین دا تعلق سی، انہیرے نوں مکمل طور تے دور نئیں کیتا گیا سی، لیکن صرف روشنی توں الگ کیتا سی۔ ایس توں علاوہ، ’’خدا نے روشنی نوں دِن کہیا تے انہیرے نوں رات کہیا۔‘‘ گویا مستقبل وِچ ہون آلی غلط فہمیاں دی توقع وِچ، خدا نے احتیاط نال اپنی شرائط دی وضاحت کیتی! پہلی وری جدوں اُوہنے لفظ ’’دِن‘‘ (عبرانی زبان وِچ یومyom) استعمال کیتا، تے اُوہنے ایہنوں ’’روشنی‘‘ دے طور تے بیان کیتا تاکہ ایہنوں ’’رات‘‘ کہلان آلے ’’انہیرے‘‘ توں ممتاز کیتا جا سکے۔ (ھنری ایم مورس، پی ایچ ڈی۔ پیدائش دا ریکارڈ The Genesis Record، بیکر بک ہاؤس، 1986 ایڈیشن، صفحہ 55)۔
اَیس ڈاکٹر مورس توں اتفاق کرنے آں کہ تخلیق دی پیدائش دا بیان واقعی وِچ سچ اے۔ اَسی یقین رکھنے آں کہ خدا نے دُنیا نوں پیدا کیتا کیوں جے خداوند یسوع مسیح نے اینج کہیا سی۔ اُوہنے ’’خدا دی تخلیق دی ابتدا‘‘ دی گل کیتی سی (مرقس19: 13)۔ اُوہنے کہیا، ’’لیکن خلقت دی آغاز توں ای خدا نے اُوہناں نوں مرد تے عورت بنایا‘‘ (مرقس6: 10)۔ چونکہ اَسی خداوند یسوع تے پروہسا کرنے آں، ایس لئی اَسی اُوہدی کہی ہوئی گل نوں قبول کرنے آں – دُنیا نوں خدا نے بالکل اینج ای تخلیق کیتا جیویں اَیس پیدائش دے پہلے باب وِچ پڑھنے آں۔ مسیح خود ساڈے لئی ایس سوال نوں حل کردا اے۔
لیکن پہلے دِن روشنی دی تخلیق وی اِک مخصوص معنی رکھدی اے۔ سیکوفیلڈ مطالعۂ بائبلThe Scofield Study Bible بجا طور تے کہندی اے کہ ’’عظیم ترین روشنی‘‘ مسیح دے اِک قسم اے … مسیح اُو روشنی اے۔ نیا عہدنامہ کہندا اے،
’’اُوہدے چہ حیاتی سی تے حیاتی بندیاں دا نور سی‘‘ (یوحنا1: 4)۔
مسیح نے آپئے کہیا،
’’میں دُںیا دا نور آں، جیہڑا کوئی میری پیروی کردا اے اُو کدی وی انہیرے چہ نئیں چلے گا بلکہ حیاتی دا نور پائے گا‘‘ (یوحنا8: 12)۔
ایس واعظ چہ خدا نے پہلے دِن روشنی پیدا کرن دے بارے چہ براہ راست گل نئیں کراں گا، بلکہ، میں ایہہ دَساں گا کہ کینج اِک بندے تیکر جدوں اُو مسیح چہ ایمان لہیا کے تبدیل ہوندا اے تے دوجی تخلیق وِچ مسیح دا نور اُو راہ اے جیہڑی اِک تصویر، یا تشبیہہ دی صورت وِچ اُوس تیکر پہنچدی اے۔ میں جو کُج کہواں گا ایس دا بوہتا سارا حصہ سی ایچ سپرجیئن C. H. Spurgeon دے واعظ ’’روشنی، قدرتی تے روحانی‘‘ دی سادہ جیئی ماڑی جیئی تبدیل شُدہ نقل ہووے گی، (دی میٹروپولیٹن عبادت گاہ دی واعظ گاہ The Metropolitan Tabernacle Pulpit توں، پیلگرم پبلی کیشنز، 1979 دوبارہ دوبارہ اشاعت، جلد XI، صفحہ 636-648)۔ اَسی تخلیق دے پہلے دِن تے انسان دی تبدیلی دے درمیان کئی متوازی پہلوواں تے غور کراں گے۔
I۔ پہلی گل، بدنظمی یا افراتفری دی حالت۔
مہربانی نال پیدائش1: 2 آیت تے نظر پاؤ۔
’’تے زمین بے ڈول تے سنسان سی تے گہراؤ دے اُتے تاریکی چھائی ہوئی سی …‘‘ (پیدائش1: 2الف)۔
کیئلKeil تے ڈیلیشچDelitzsch دا تبصرہ سانوں دَسدا اے کہ الفاظ ’’بغیر شکل، تے بے ڈول‘‘ (توہو وابوہو tohu vabohu) ’’فضول تے خالی ہون دی نشاندہی کردے نے … آن آلی زمین پہلاں ویران تے چَٹیل سی، اِک بے شکل، بے جان ڈھیر … اُوس افراتفری دا ڈھیر جیس وِچ زمین تے آسمان ہلے تیکر حقیر تے بے ساختہ سن، جیویں اے ہُنے تیکر پیدا ای نئیں ہوئے، گہرائیاں دا اِک اُبھار سی، پانیاں دی اتھاہ گہرائی سی، تے ایہہ گہرائی انہیرے وِچ لپٹی ہوئی سی۔‘‘ (سی ایف کیئل پی ایچ ڈی C. F. Keil, Ph.D.، پرانے عہد نامے تے تبصرہ 1973 دوبارہ پرنٹ، جلد اول، صفحہ 48)۔
آرتھر ڈبلیو پنک Arthur W. Pinkنے کہیا، ’’زمین دی ابتدائی تاریخ مسیح وِچ ایماندار دی تاریخ توں مطابقت رکھدی اے۔ پرانی دُنیا دے تعلق توں جو کُج ہویا، اُو فیر توں تخلیق شُدہ انسان وِچ ایس دے خط وکتاب تلاش کردی اے‘‘ (آرتھر ڈبلیو. پنک، پیدائش چہ نمایاں جھلکیاںGleanings in Genesis ، موڈی پریسMoody Press، 1981 دوبارہ اشاعت، صفحہ 14)۔
ایہہ مسیح چہ ایمان نہ لہیائے ہوئے اِک بندے دی کیہو جئی تصویر اے! ’’بغیر شکل دے تے بے ڈول جیہئی‘‘ – ’’فصول تے خالی، ویران، اِک بے شکل، بے جان ڈھیر … پانیاں دی اتھاہ گہرائی … تاریکی وِچ لپٹی ہوئی‘‘ (C. F. Keil، ibid.)
’’شریر موجزن سمندر وانگوں اے جیہڑا کدی وی ساکن نئیں رہ سکدا تے جیس دی لہراں کیچڑ تے مٹی اُچھالدی نے‘‘ (اشعیا57: 20)۔
اِنسان اپنی گمراہ حالت وِچ زمین دی روع وانگوں اے – خالی تے ویران، اِک بے جان ڈھیر، انیہرے وِچ لپٹیا ہویا،
’’اُوہناں دی عقل تاریک ہو گئی اے تے اُو اپنی سخت دِلی دی وجہ توں جہالت وِچ گرفتار نے تے خدا دی دِتی ہوئی حیاتی وِچ اُوہناں دا کوئی حصہ نئیں‘‘ (افسیوں4: 18)۔
انسان اپنی قدرتی حالت وِچ ابتدا وِچ قدیم دُنیا وانگوں اے۔
’’زمین بے ڈول تے سنسان سی تے گہراؤ دے اُتے تاریکی چھائی ہوئی سی‘‘ (پیدائش1: 2الف)۔
II۔ دوجی گل، خدا دی روح جنبش کردی سی۔
’’… تے خدا دا روح پانی دی سطح تے جنبش کردا سی۔ تے خدا نے کہیا، روشنی ہو جا تے روشنی ہو گئی‘‘ (پیدائش1: 2ب)۔
ایہہ مسیح وِچ ایمان لہیان دی نقطۂ آغاز دی تصویر کشی کردی اے۔ جیویں کہ ایہہ تخلیق وِچ سی، جیہڑی ’’بے شکل، تے بے ڈول‘‘ سی، جیویں کہ ڈاکٹر کیئل Keil نے کہیا، ’’اِک بے شکل، بے جان ڈھیر،‘‘ اپنے آپ چہ حیاتی نئیں لہیا سکدا سی۔ اُو دُنیا جیہڑی ’’انیہرے چہ لپٹی ہوئی‘‘ سی، بذاتِ خود روشنی نئیں پا سکدی سی۔ زمین اپنی ابتدائی حالت وِچ خود نوں تبدیل نئیں کر سکی۔ جے درجہ بندی یا انتظام نوں افراتفری توں کڈنا اے تے خدا نوں خود کرنا ہووے گا! جے روشنی کیس تاریک دُنیا وِچ آنی سی تے خدا نوں ایہنوں آپئے پیدا کرنا ہووے گا!
مشابہت مسیح وِچ ایمان لہیان دی تبدیلی وچ سچی اے۔ گمراہ ہویا انسان کدی خدا دی تلاش نئیں کردا۔ بائبل کہندی اے،
’’کوئی خدا دا طلب نئیں اے‘‘ (رومیوں3: 11)۔
غیر نجات یافتہ بندہ گواچی ہوئی پیہیڈ وانگوں اے۔ گواچی ہوئی پیہیڈ چراوہے دی تلاش نئیں کردی۔ ایہہ چراوہا اے جیہڑا جاندا اے، ایہہ مسیح اے جیہڑا جاندا اے،
’’اُوہدے مگر جیہڑا گواچ چکیا اے جدوں تیکر کہ اُوہنوں لبھ نہ لئے‘‘ (لوقا15: 4)۔
مسیح وِچ ایمان لہیان دی تبدیلی خود خدا وَلوں شروع ہوندی اے گمراہ ہوئے بشر دی تلاش تے ایہنوں مسیح وَل کھیچدے ہوئے، جیس نے کہیا،
’’میرے کول کوئی نئیں آندا جدوں تیکر کہ باپ جیہنے مینوں پیجیا اے اُوہنوں کِھیچ نہ لہیائے‘‘ (یوحنا6: 44)۔
روح القدس دی سرگرمی پہلی شے اے جیہڑی ایس ویلے ہوندی اے جدوں اِک افراتفری وِچ مبتلا، غیر پیدائشی گنہگار، انیہرے وِچ لپٹیا ہویا، نجات دے لئی لہایا جاندا اے۔ گمراہ ہویا بندہ ابتدائی زمین وانگوں بے بس اے۔ گمراہ ہویا گنہگار خود نوں ایس توں بوہتا فیر توں پیدا نئیں کر سکدا جِنہا کہ افراتفری دی دُنیا خود نوں تشکیل دے سکدی اے! خدا نوں کرنا ہووے گا!
’’… تے خدا دا روں پانی دی سطح تے جنبش کردا سی۔ تے خدا نے کہیا، روشنی ہو جا تے روشنی ہو گئی‘‘ (پیدائش1: 2ب)۔
میں اَج دی راتی حیران آں کہ کی خدا تہاڈی حیاتی وِچ تحریک پیدا کردا اے۔ میں حیران آں کہ کی ایس دی روح تہاڈے گناہ نوں نجات دہندہ وَل کھِچدی رئی اے۔ تُسی مسیح نوں اپنے آپ نال کدی وی نئیں لبھ پاؤ گے۔ ایہہ مکمل طور تے خدا دے فضل تے منحصر اے، جیہڑا تہانوں نجات دہندہ وَل پاکیزگی تے نجات دے لئی کِھیجدا اے۔
III۔ تیجی گل، خدا دا کلام بولدا اے۔
مہربانی نال پیدائش 1: 3 آیت کھولو۔ آؤ کِھلو جاؤ تے ایس نوں اُوچی واج نال پڑھو۔
’’تے دا نے کہیا، روشنی ہو جا تے روشنی ہوئی‘‘ (پیدائش1: 3)۔
تُسی تشریف رکھ سکدے اُو۔
پہلاں روح القدس دی سرگرمی سی، تے فیر خدا دا بولیا ہویا کلام آیا۔ سب توں پہلی گل جیہڑی خدا نے کہی اُو ایہہ سی، ’’روشنی ہو جا تے روشنی ہو گئی۔‘‘
مسیح وِچ ایمان لہیان دی تبدیلی وِچ وی اینج ای اے۔ روح القدس کدی وی خدا دے کلام دی مذھبی خدمت توں باہر کم نئیں کردا اے۔ آرتھر ڈبلیو. پنک Arthur W. Pinkنے کہیا، ’’روح دے ذریعہ لاگو کلام دے وسیلے توں گنہگار تے نور آندا اے‘‘ (پنک، ibid.، صفحہ 17)۔
’’تیرے کلام دی تشریح نور بخشدی اے‘‘ (زبور119: 130)۔
جیس طرح خدا دے کلام نے ابتدائی دُنیا وِچ روشنی پیدا کیتی، اینج ای خدا دا کلام تاریکی وِچ وَسن آلے بشر دے کول نور پہنچاندا اے۔
’’تُسی فانی تخم توں نئیں بلکہ خدا دے جیوندا تے ابدی کلام دے وسیلہ توں ازسرِ نو پیدا ہوئے اُو‘‘ (1 پطرس1: 23)۔
جے روح القدس تہانوں اپنے وَل کِھیچ رہیا اے، تے تہاڈا دِل خدا دے کلام دی منادی سُنن تے مسیح یسوع نوں قبول کرن دے لئی کُھل جائے گا، جیس نے کہیا،
’’میں دُنیا دا نور آں‘‘ (یوحنا8: 12؛ 9: 5)۔
عظیم سپرجیئن نے کہیا کہ تخلیق دی روشنی تے مسیح وِچ ایمان لہیا کے تبدیل ہون دی روشنی دوویں کم کردے نے۔
آپئے انہیرے دی مدد دے بغیر … اپنی گمراہ ہوندی ہوئی فطرت نوں ویکھو: کی اُوتھے کوئی ایہو جئی شے اے جیہڑی نجات دے عظیم کم وِچ مدد کر سکدی اے؟ جے تُسی اینج سوچدے اُو تے تُسی خود نوں نئیں جانندے۔ اُو طاقت جیہڑی اِک گنہگار نوں بچاندی اے اُو انسان دی طاقت نئیں اے۔ انسان دی طاقت مر جانی چائیدی اے، کیوں جے ایس دا واھد استعمال ایہہ اے کہ جِتھے تیکر ممکن ہووے خدا دی طاقت دے خلاف کھڑا ہویا جائے … ایہہ نہ سوچیو کہ مسیح تعلیم دے نال بنندے۔ اُو تخلیق دے وسیلے نال بنائے جاندے نے۔ تُسی جدوں تیکر چاہو اِک لاش نوں دھو سکدے اُو… لیکن تُسی ایہدے وِچ حیاتی نوں نئیں دھو سکدے… تُسی ایہنوں جیوندا نئیں کر سکدے: اہم چنگاری اُوتوں آنی چائیدی اے۔ تخلیق نو انسان دی مرضی نال نئیں اے … بلکہ خدا دی روح تے طاقت تے توانائی نال اے، تے صرف خدا دی روح نال اے (سپرجیئنSpurgeon، ibid.، صفحہ640)۔
’’تے خدا نے کہیا روشنی ہو جا تے روشنی ہو گئی‘‘ (پیدائش1: 3)۔
فیر دوبارہ، سپرجیئن نے کہیا،
گہرے انہیرے وِچ کوئی واج نئیں آئی، ’’اے خدا، سانوں منور کر۔‘‘ خواہش تے سوچ انہیرے توں نئیں [خدا] توں شروع ہوئی۔ اُوہنے کہیا، ’’روشنی ہو جا‘‘ تے روشنی ہو گئی سی۔ دِل وِچ فضل دا پہلا کم انسان دی خواہش نال شروع نئیں ہوندا، بلکہ خدا دی خواہش نوں پیوند کرن نال ہوندا اے… فیر ویکھو فطرت دی بربادی تے فضل دی آزادی۔ غیر مؤثر تے تاریک، اِک افراتفری جیس نوں ہمیشہ دے لئی تاریکی تے تاریکی نال ڈھانپ دِتا جائے، تے جدوں کہ اُو خدا دی تلاش وِچ نئیں اے، روشنی پیدا ہوندی اے، تے وعدہ پورا ہوندا اے۔ [بائبل کہندی اے] ’’میں اُوہناں وِچوں پایا گیا آں جِنہاں نے مینوں نئیں لبھیا‘‘ (سپرجیئنSpurgeon، ibid.، صفحہ 641)۔
تہاڈے کول خود نوں مسیحی بنان دے لئی ایہنی طاقت نئیں ہوندی اے جِنہی کہ قدیم دُنیا نوں اپنے آپ نوں افراتفری تے تاریکی توں کڈن دے لئی سی۔ تہاڈے کول اپنے آپ نوں خود نوں نور وِچ لہیان دے ایہنی طاقت نئیں ہوندی اے جِنہی قدیم دُنیا وِچ روشنی نوں لبھن دے لئی سی۔ ابتدائی زمین تے آن آلی روشنی صرف خدا دے فضل نال آئی۔
’’تے خدا نے کہیا روشنی ہو جا تے روشنی ہو گئی‘‘ (پیدائش1: 3)۔
بالکل اینج ای تہاڈی روح دی نجات دے نال ہوندا اے۔
’’کیوں جے تہانوں ایمان دے وسیلہ نال فضل ای توں نجات لبھی اے تے ایہہ تہاڈی کوششاں دا نتیجہ نئیں اے بلکہ خدا دی بخشش اے۔ تے نہ ای ایہہ تہاڈے اعمال دا پھل اے کہ کوئی فخر کر سکے‘‘ (افسیوں2: 8۔9)۔
نجات ’’تہاڈی کوششاں دا نتیجہ نئیں اے: ایہہ خدا دی بخشش اے۔‘‘ جیس طرح روشنی اِک انتشار زدہ انہیری زمین دے لئی اِک تحفہ سی، اینج ای یسوع دی روشنی گنہگاراں دے لئی فضل دا تحفہ اے، جِنہاں دیاں حیاتیاں ’’بے شکل تے بے کار‘‘ نے، جِنہاں دیاں روحاں تاریکی وِچ گم نے، ابتدائی زمین دی نجات مسیح وِچ خدا دے فضل توں سی۔ تے جے تُسی کدی وی انہیرے توں جیوندا مسیح وَل کھیچے جاندے اُو، تے ایہہ سراسر صرف خدا دے فضل دے عمل نال ہووے گا۔
حیرت انگیز فضل! کیس قدر مِٹھی اُو واج اے،
جنہے میرے وگرے تباہ حال نوں بچایا اے!
میں جیہڑا کدی گواچ گیا سی، لیکن ہُن مل گیا واں،
اَنّا سی لیکن ہُن ویکھنا واں۔
(’’حیرت انگیز فضلAmazing Grace ‘‘ شاعر جان نیوٹن John Newton ، 1725۔1807).
’’ہائے،‘‘ میں بوہتے سارے لوکاں نوں ایہہ کہندیاں سُنیا اے، ’’میں گواچ گیا سی تے مینوں ایہہ معلوم سی۔ میں خدا دے خلاف مزاحمت کر رہیا سی، تے میں جانندا سی کہ میں اُوہدی مزاحمت کر رہیا واں۔ لیکن فیر کسی وی طور، میں ایس دی وضاحت نئیں کر سکدا، میرا دِل میرے گناہ نال ٹوٹ گیا اے۔ تے کسی وی طور، میں مکمل طور تے ایس دی وجہ نئیں سمجھ سکیا، میری مزاحمت ٹوٹ گئی۔ میں یسوع دے کول آیا، تے اُوہنے میرے گناہواں نوں دھویا تے مینوں خدا دی نظر وِچ پاک صاف کر دِتا!‘‘ ایہہ مسیح وِچ خدا دے فضل نال نجات اے!
جے ایہو جیہا شاندار فضل تہاڈے تے آنا چائیدا اے تے اچانک آئے گا، جیویں کہ ہمیشہ ہوندا اے، جیویں کہ تخلیق دے پہلے دِن ہویا، جدوں
’’تے خدا نے کہیا روشنی ہو جا تے روشنی ہو گئی‘‘ (پیدائش1: 3)۔
خدا دا شاندار، بے مثال فضل تہاڈے تے چھیتی آئے، تاکہ تہانوں افراتفری دی حیاتی تے بربادی دی ابدی حیاتی توں بچایا جا سکے۔ خدا د فضل تہانوں چھیتی ای خداوند یسوع مسیح دے نور وَل کھیچ لئے، تے تسی یسوع نوں جان لہؤ، جیویں جاننا ’’مُردیاں وِچوں حیاتی‘‘ اے (رومیوں11: 15)۔
نور دے کول آؤ، ایہہ تہاڈے لئی چمک رہیا اے؛
محبت بھرے انداز وِچ میرے تے نور برس چکیا اے؛
میں کدی اَنّا سی، لیکن ہُن میں ویکھ سکنا آں؛
دُںیا دا نور یسوع اے۔
(’’دُںیا دا نور یسوع اے The Light of the World is Jesus‘‘ شاعر فلپ پی۔ بلِس Philip P. Bliss، 1838۔1876)۔
ہائے آؤ، نور وَل آؤ! یسوع دے کول آؤ! اُوس [یسوع] دے کول آؤ تے فوراً نجات پاؤ! اُوس [یسوع] دے کول اَج رات ای نوں آؤ!
جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔
(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‘‘پنجابی وِچ واعظ’’ تے کِلک کرو۔
واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔
|
لُبِ لُباب تخلیق دا پہلا دِن THE FIRST DAY OF CREATION ڈاکٹر آر ایل ہائیمرز جونیئر وَلّوں ’’ابتدا چہ خدا نے زمین تے آسمان نوں تخلیق کیتا۔ اُودھوں زمین بے ڈول تے سنسان سی تے گہراؤ دے اُتے تاریکی چھائی ہوئی سی تے خدا دا روح پانی دی سطح تے جنبش کردا سی۔ تے خدا نے کہیا، روشنی ہو جا تے روشنی ہو گئی‘‘ (پیدائش1: 1۔3)۔ (پیدائش1: 3۔5؛ مرقس13: 19؛ 10: 6؛ یوحنا1: 4؛ 8: 12)
I۔ پہلی گل، بدنطمی یا افراتفری دی حالت، پیدائش1: 2ب؛ اشعیا57: 20؛
II۔ دوجی گل، خدا دی روح جنبش کردی سی، پیدائش1: 2ب؛ رومیوں3: 11؛
III۔ تیجی گل، خدا دا کلام بولیا سی، پیدائش1: 3؛ زبور119: 130؛ |