انجیلی تبلیغ دی مستقل ضرورت | The Constant Necessity of Gospel Preaching

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

خود مسیح دے علاوہ، پہلی صدی دی سب توں اہم شخصیت پولوس رسول سی۔ اُو ہمیشہ اپنے ہر کام وِچ جیہڑا اُوہنے کیتا بہوتا چنگا سی۔ اِک باغی گنہگار دے طور تے، اُوہدے تبدیل ہون توں پہلاں، اُو اِک بہوتا وِڈا گنہگار سی، ابتدائی مسیحیاں نوں ستا رہیا سی۔ اُوہدی تبدیلی وی بہوتی زبردست سی، جیس وِچ مسیح آپئے اُوہدے تے ظاہر ہویا سی۔ اُوہدے بعد اُو اِک بہوتا عظیم مسیحی بن گیا، جیہڑا ہُن تیکر زندہ رہن آلے عظیم ترین مسیحیاں وِچوں اِک سی۔ تے اُو ہُن تیکر دے سارے زمانیاں دا سب توں عظیم مبلغ سی۔ اُوہنے بہتیری قوماں وِچ دو زباناں وِچ تبلیغ کیتی، یہودیاں تے غیرقوماں دوواں نوں۔ اُوہنے بادشاہواں دے اَگے منادی کیتی – بادشاہ اگریپا تے شہنشاہ نیرو دے اَگے۔ پولوس نے جیہڑا کُجھ وی کیتا، اُوہنے اپنے پورے دِل نا، شدید جوش دے نال کیتا۔ اُوہنے جدوں وی تبلیغ کیتی، پوری طاقت نال کیتی۔ ایس لئی اَسی یقین نال کہہ سکنے آں کہ جدوں اُوہنے ایہہ عبارت لکھی تے اُوہدا مطلب ہر اُوس لفظ دا سی جیہڑا اُوہنے کہیا،

’’جے میں انجیل دی منادی کرنا آں تے ایس لئی نئیں کہ شیخی بگھاراں کیوں جے ایہہ تے میرا فرض اے؛ میرے تے افسوس اے جے میں انجیل دی منادی نہ کراں!‘‘ (I کرنتھیوں 9: 16)۔

پولوس دے ایہہ الفاظ اَج دے ہر مبلغ تے لوگو ہوندے نے، تے خود رسول تے وی۔ جیویں کہ اَسی تلاوت دا جائزہ لہواں گے، اَسی دو سوالاں دے جواب دین دی کوشش کراں گے۔

’’میرے تے افسوس جے میں انجیل دی منادی نہ کراں!‘‘ (I کرنتھیوں 9: 16)۔

اُو کیہڑی گل کر رہیا اے؟ ایہدا کی مطلب اے ’’انجیل... مُنادی؟‘‘

ایہدا مطلب تبلیغ کرنا اے۔ جیس لفظ دا ترجمہ ’’تبلیغ‘‘ کیتا گیا اے اُو لفظ ’’تعلیم‘‘ دے ترجمہ توں مختلف اے۔ یقیناً پولوس ایہناں دوویں لفظاں دے وِچکار فرق نوں جانندا سی۔ ایہو جئے ویلے وی سن جدوں اُوہنے ایہناں دی تعلیم دِتی۔ لیکن ایتھے اُو کہندا اے،

’’میرے تے افسوس جے میں انجیل دی منادی نہ کراں!‘‘ (I کرنتھیوں 9: 16)۔

ایس لفظ ’’تبلیغ‘‘ دا مطلب اے ’’اعلان کرنا، خبر دینا، اِظہار کرنا، خوشخبری، انجیل‘‘ (سٹرانگ Strong)۔ ’’تعلیم‘‘ دے لئی مرکزی یونانی لفظ دا مطلب ’’ہدایت دینا‘‘ اے۔ تبلیغ تے تعلیم دے وِچکار اہم فرق ایہہ اے کہ تبلیغ ہدایت توں بہوتی اعلان وِچ مضمر اے۔ انجیل دی منادی کرن دا مطلب اے ایہدا اعلان کرنا، اُوہدا اِظہار کرنا، بِگل وجانا، ایہنو پکارنا، جوش دے نال ایہدا اعلان کرنا۔ پولوس دا ایہو ای مطلب سی جدوں اُوہنے کہیا، ’’میرے تے افسوس جے میں خوشخبری [انجیل] دی منادی نہ کراں!‘‘

جدوں میں ہُنے نوعمر سی، اِک پرانے جنوبی بپتسمہ دین آلے مبلغ نے اِک وری میہنوں کہیا، ’’لڑکے، جے توں تبلیغ تے تعلیم وِچ فرق نئیں دس سکدا، تے تیہنوں تبلیغ دے لئی نئیں بُلایا جائے گا!‘‘ اُوس ویلے میہنوں سمجھ وِچ آیا، تے ایہہ اَج وی اے!

لیکن، فیر، رسول نے کہیا، ’’میرے تے افسوس جے میں خوشخبری نہ سناواں!‘‘ انجیل دے حقائق بائبل وِچ واضح طور تے دِتے گئے نے:

’’میں تہانوں اُو خوشخبری سُنانا چاہنا آں … کہ پاک صحائف دے مطابق مسیح ساڈے گناہواں دے خاطر مر گیا تے کہ اُو دفنایا گیا، تے پاک صحائف دے مطابق اُو تیجے دِن مُردیاں وِچوں جی اُٹھیا‘‘ (I کرنتھیوں 15: 1، 3، 4)۔

اُو آیتاں انجیل دا مرکزی پیغام دیہندیاں نے۔ یونانی لفظ جیہدے نال ’’انجیل‘‘ دا ترجمہ کیتا گیا اے ایہدا مطلب اے ’’خوشخبری‘‘، یعنی خوشخبری کہ مسیح ساڈے گناہواں دے لئی، ساڈی تھاں، ساڈے گناہواں دا کفارہ ادا کرن دے لئی مریا۔ کہ اُو ساڈے گناہواں نوں مٹان دے لئی دفن کیتا گیا سی۔ کہ اُو سانوں نئی حیاتی دین دے لئی جسمانی طور تے مُردیاں وِچوں جی اُٹھیا۔ اُو بائبل دے عقائد، تے اُوہناں توں متعلق دیگر، انجیل دی تبلیغ دی بنیاد نے۔ کیہنے افسوس دی گل اے کہ اَج اَسی اکثر واعظ سُننے آں جِنہاں وِچ انجیل دے ایہناں بنیادی عقائد دا ذکر تیکر نئیں ہوندا۔ جدوں انجیل دے ایہناں بنیادی عقائد نوں فرض کر لیہیا جاندا اے، یا چھڈ دِتا جاندا اے، تے اِک واعظ نوں صحیح طور تے ’’انجیل دی تبلیغ‘‘ نئیں کیہیا جاندا اے۔

I کرنتھیوں 15: 3۔4 وِچ ویکھو کہ ایہہ سارے عقائد مسیح وِچ مرکوز نے:

’’کیویں اُو مسیح ساڈے گناہواں دے لئی مریا … تے اُو دفنایا گیا سی، تے کہ اُو تیجے دِن زندہ ہو گیا سی …‘‘

اینج، سچی انجیل دی تبلیغ ہمیشہ مسیح نال تعلق رکھن آلی تبلیغ ہوندی اے – مسیح نوں مرکز وِچ رکھن آلی تبلیغ۔

اَسی اکثر سُننے آں کہ سپرجیئن نے اپنی تلاوت دی وضاحت کیتی تے فیر ’’سولی دے لئی سب توں براہ راست اِک راستہ متعین کیتا۔‘‘ لیکن میہنوں یقین اے کہ ایہہ سپرجیئن دی غلط تشخیص اے۔ میہنوں اینج لگدا اے کہ سپرجیئن دے زیادہ تر واعظ شروع توں اَخیر تیکر مسیح تے مرکوز نے۔ تے میں سمجھنا آں کہ

انجیل دی منادی کرن دا ایہو ای طریقہ اے۔انجیل دی تبلیغ خداوند یسوع مسیح نوں سربُلند کردی اے۔ ایہہ مسیح تے مبنی تے مسیح دی سربُلندی آلی تبلیغ دوویں نے! ایہہ اُو تبلیغ اے جیہڑی خداوند یسوع مسیح دی وڈیائی کردی اے، تعریف کردی اے، عزت بخشی اے تے اُوہنوں بُلند کردی اے – اُو سب کُجھ جیہڑا اُوہنے گناہ توں بھرپور لوکاں نوں بچان تے پاک کرن دے لئی کیتا اے!

لیکن انجیل دی تبلیغ منفی تبلیغ وی اے۔ ڈاکٹر جے گریشام میکحن Dr. J. Gresham Machen نے درست کہیا،

اگرچہ مسیحیت ٹوٹے ہوئے دِل دے نال ختم نئیں ہوندی۔ ایہہ گناہ دے شعور توں شروع ہوندی اے۔ گناہ دے شعور دے بغیر، پوری انجیل اِک بیکار کہانی معلوم ہووے گی۔ لیکن گناہ دے شعور نوں کیویں زندہ کیتا جا سکدا اے؟ بُلاشُبہ خدا دی شریعت دے اعلان توں کُجھ حاصل کیتا جا سکدا اے، کیوں جے شریعت سرکشیاں نوں ظاہر کردی اے (جے. گریشم میکحن، پی ایچ ڈی J. Gresham Machen, Ph.D.، مسیحیت تے آزاد خیالی Christianity and Liberalism ، میکملن Macmillan، 1923، صفحہ 66)۔

میہنوں یقین اے کہ ڈاکٹر میکحن درست سن۔ لہٰذا، انجیل دی تبلیغ دا اِک وڈا حصہ شریعت دی تبلیغ دا ہونا ضروری اے۔ کھوئے ہوئے یا گمراہ ہوئے لوکاں نوں اُوہناں دے گناہ توں آگاہ کیتا جانا چائیدا اے ورنہ مسیح دی انجیل ایہناں دے لئی اہم نئیں لگے گی – صرف اِک ’’بیکار کہانی۔‘‘ لہٰذا، سچی انجیل دی تبلیغ نوں وی انسان دی مکمل خرابی، کُجھ کرن، کُجھ کیہن، یا کُجھ وی سیکھن دی ایہدی مکمل نااہلی تے زور دینا چائیدا اے جیہڑی ایہنوں خدا دے لئی قابلِ قبول بنائے – مسیح دے کول آئے بغیر۔

جہنم دی حقیقت، تے قیامت دی حقیقت، وی سچی انجیل دی تبلیغ دا اِک حصہ ہونا چائیدا اے۔ دِل دی آپئے جانچ، ناقابلِ معافی گناہ تے ضد کرن آلے دی آخری ملامت وی ’’شریعت‘‘ دے ضروری مضامین نے جیہڑے انجیل دی دوا موصول ہن توں پہلاں روح دی تحقیق کردے نے۔ مسیح وِچ ایمان لیہان دی اشد تبدیلی بذاتِ خود ’’شریعت‘‘ دے طور تے تبلیغ کیتی جا سکدی اے جدوں گنہگار نوں دسیا جاندا اے کہ ایہہ کام مکمل طور تے خدا دے ہتھ وِچ اے – جیویں کہ مسیح نے نجات دے بارے وِچ کہیا، ’’لوکاں دے نال ایہہ ناممکن اے‘‘ (مرقس 10: 27)۔

لیکن ایہناں خوفناک مضموناں وِچوں کسی دی وی حوصلہ افزائی دے نال تبلیغ نئیں کیتی جانی چائیدی اے۔ میرا مطلب اے، ایہناں نوں گنہگاراں نوں ’’چنگا بنن‘‘ یا ’’بہتر کام کرن‘‘ دے لئی معافی نئیں کرنی چائیدی اے۔ جیویں کہ ڈاکٹر اے ڈبلیو ٹوزرDr. A. W. Tozer نے کہیا،

شیطان کسی ایہو جئے مبلغ دے لئی کوئی پریشانی دا باعث نئیں بنے گا جیہڑا اپنی جماعت [گرجا گھر دے اراکین] توں گھبراندا اے تے اپنے کام دے بارے وِچ ایس حد تیکر پریشان ہوندا اے کہ اُو تیس منٹ تیکر تبلیغ کردا اے تے جو کُجھ اُو کہندا اے اُو ایہہ اے کہ ’چنگے رہوو تے تُسی بہتر محسوس کرو گے۔‘ تُسی جِنہا چاہو چنگے ہو سکدے اُو تے فیر وی جہنم وِچ جا سکدے اُو جے تُسی یسوع مسیح تے پروہسا نئیں کیتا اے! شیطان اِس مبلغ دے لئی کوئی پریشانی پیدا کرن وِچ اپنا ویلہ ضائع نئیں کرے گا جیس دا واحد پیغام اے ’’چنگے رہوو!‘‘ (اے ڈبلیو ٹوزر، ڈی ڈی A. W. Tozer, D.D.، کیہنے یسوع نوں سولی تے رکھیا؟ Who Put Jesus on the Cross?، کرسچن پبلیکیشنزChristian Publications، 1975، صفحہ 142)۔

جدوں پوپ چند ہفتے پہلاں برازیل وِچ سن تے اُوہناں نے بالکل اینج ای کیتا سی! اُوہناں نے برازیل وِچ لوکاں نوں کہیا کہ چنگے رہوو! لاس اینجلز ٹائمزLos Angeles Times وِچ اُوہناں نے کی کہیا میں پڑھیا سی۔ اُوہناں نے لوکاں نوں کہیا کہ چنگے بنو، بہتر حیاتی لنگہاؤ۔ ایہہ انجیل دی تبلیغ نئیں اے۔ ہو سکدا اے کہ پوپ نے انجیل دے حقائق دا بہوتی چنگی طرح ذکر کیتا ہووے۔ لیکن کوئی وی زیادہ توجہ نئیں دے گا، یا صحیح معنیاں وِچ مدد نئیں ہووے گی، ایہناں نوں چنگا بنن دے لئی کہہ کے تے فیر بعد وِچ آن آلے خیالات نال انجیل دے عقائد تے قابو پان دا کہنا۔ گنہگاراں نوں چنگا بنن دے لئی کہن دے بجائے، خوشخبری دی سچی منادی اُوہناں نوں دسدی اے کہ اُو واقعی چنگے نئیں ہو سکدے – پاویں اُو کیہنی ای کوشش کرن! حقیقی انجیل دی تبلیغ ایہہ واضح کردی اے کہ کھوئے ہوئے گنہگار برباد تے بے بس نے، مکمل طور تے ناکارہ نے، تے جہنم وِچ ابدی فیصلے دے پابند نے – اپنے آپ نوں بدلن دی طاقتت دے بغیر، کوئی انسانی طاقت نئیں کہ اُو خود نوں خدا دے لئی قابلِ قبول بنا سکے۔ ایہہ شریعت دی تبلیغ اے، خدا دی شریعت، جیہڑی کہ اُو انتہائی شے اے جیہڑی انجیل نوں تباہ شُدہ گنہگاراں دے لئی ’’خوشخبری‘‘ بناندی اے! خوشخبری سچی انجیلی تبلیغ وِچ خدا دی شریعت تے مطالبات دے پس منظر دے خلاف کھڑی اے۔ جیویں کہ پولوس رسول نے کہیا،

’’پس شریعت نے اُستاد بن کے سانوں مسیح تیکر پہنچا دِتا تاکہ اَسی ایمان دے وسیلے توں راستباز ٹھہرائے جائیے‘‘ (گلِتیوں 3: 24)۔

ایس آیت دا محض ایہہ مطلب نئیں اے کہ پرانے عہدنامہ دی شریعت نے انجیل دے نور دے لئی راستہ تیار کیتا۔

مارٹن لوتھر، عظیم اصلاح پرست نے کہیا، ’’شریعت گناہواں نوں ظاہر کردی اے؛ ایہہ [بچاؤ] نئیں کردی، بلکہ سانوں گنہگار ظاہر کردی اے۔ ایہہ زندہ نئیں کردی، بلکہ نفس کشی کردی اے تے مار دیہندی اے‘‘ (برن ہارڈ لوہسے، پی ایچ ڈی Bernhard Lohse, Ph.D.، مارٹن لوتھر دی تھیولوجی Martin Luther’s Theology، فورٹریس پریس، 1999، صفحہ 181-182)۔ تے لوتھر بائبل دے نال بہوتی سچا سی جدوں اُوہنے ایہہ کہیا۔ اخلاقی شریعت ہُنے وہ نافذ العمل اے، تے جدوں انجیل دے تعارف دے طور تے صحیح طور تے تبلیغ کیتی جاندی اے، تے ایہہ واقعی گنہگار دی جھوٹی اُمید دی ’’نفس کشی کردی تے مار دیہندی اے‘‘ کہ اُو اپنے آپ نوں بدل سکدا اے تے نجات دہندہ نوں جانے بغیر خدا دی نظر وِچ صاف تے چنگا بن سکدا اے۔ ’’شریعت سانوں گنہگار ظاہر کردی اے!‘‘لوتھر کیہنا درست سی!

’’کیوں جے شریعت دے اعمال نال کوئی شخس خدا دے حضور وِچ راستباز نئیں ٹھہرائے گا، ایس لئی کہ شریعت ای توں آدمی گناہ نوں پہچاندا اے‘‘ (رومیوں 3: 20)۔

’’شریعت توں گناہ دا علم اے۔‘‘ شریعت گنہگار دی نفس کشی کردی اے۔ شریعت گنہگار نوں سزا دیہندی اے۔ ایہہ ایہنوں ایس دی جھوٹی اُمیداں وِچ مایوس کردی اے، ایہنوں ناخوش کردی اے، ایہنوں اذیت دیہندی اے، پریشان کردی اے، پریشانیاں دیہندی اے، افسردہ کردی اے، ذلیل کردی اے، ستاندی اے، مصیبتاں وِچ مبتلا کردی اے تے ایہنوں شرمندہ کردی اے جیویں کہ اُو ایس دے گناہ دی حالت وِچ اے۔ ایہو ای اُو شریعت اے جیویں کہ ایہنوں پیش کیتا جانا چائیدا اے، خاص طور تے سچی انجیل دے واعظ دے آغاز وِچ۔

صرف ایس صور وِچ جدوں گنہگار خدا دی شریعت تے روح القدس توں ٹوٹ جاندا اے، صرف اُوس ویلے جدوں اُو اپنے ناپاک دِل تے حیاتی دی شرارت تے شرمندہ ہوندا اے، صرف ایس ویلے جدوں اُو شریعت وَلوں شدت نال گنہگار محسوس کردا اے، ایہنوں اپنا جرم تے بدحالی ظاہر ہوندی اے، فیر ای مسیح دی انجیل دی دوا، اُوہدے لہو تے راستبازی دے ذریعے نجات، نوں وی ویکھیا جا سکدا اے کہ ایہہ کی اے – انجیل دی خوشخبری!

’’اوہ‘‘ اِک نوجوان کُڑی نے ساڈے تفتیشی کمرے وِچ کہیا، ’’میں ایہنی گنہگار آں!‘‘ اُو شریعت دی دہشت نال ٹوٹ چکی سی، تے جیہنی شریعت دی لوڑ ہوندی اے اُوہدے مطابق اُوہدی مکمل نااہلی سی۔ صرف اُوس ویلے ای جدوں اِک گنہگار ایہو جئی حالت وِچ ہوندا اے تے اُو ایہہ سمجھ سکدا اے کہ یسوع اُوہدے نال محبت کردا اے، ایتھوں تیکر کہ اُوہدے گناہواں وِچوں وی، تے ایہ کہ مسیح اُوہنوں نا صرف معاف کرے گا بلکہ اُوہنوں اپنی کامل راستبازی دا لباس وی پہنائے گا! اُو انجیل دی تبلیغ اے۔ ایہہ گناہ دی مذمت کرن آلی شریعت دی تبلیغ اے، جیہدے بعد مسیح دی خوشخبری دی رحمت ہوندی اے! تے ایہہ بالکل ایس قسم دی تبلیغ اے جیہڑی تُسی اَج سویرے سُن رئے اُو۔ تہاڈے قصور نوں ظاہر کرن دے لئی شریعت، تے انجیل تہانوں خوشخبری دین دے لئی کہ مسیح تہاڈے گناہ دے لئی اپنی خونی قربانی دے ذریعے تہانوں بچا سکدا اے، تے خدا دے جی اُٹھے پُتر دے طور تے اپنے حیاتی بخش فضل نال، جیہڑی محبت تہاڈے نال کردا اے تے تہانوں بچان دے لئی تیار اے۔

’’رنج و الم دا انسان،‘‘ کیہو جیہا ناں اے
خدا دے پُتر دے لئی جیہڑا آیا سی
تباہ حال تے خستہ حال گنہگاراں نوں بچان لئی!
ھیلیلویاہ! کیہو جیہا اِک نجات دہندہ!
(’’ھیلیلویاہ! کیہو جیہا اِک نجات دہندہ! Hallelujah, What a Saviour! ‘‘ شاعر فلپ پی۔ بِلس Philip P. Bliss، 1838۔1876)۔

ایہو ای اُو قسم اے جیس دی تبلیغ دی پولوس سانوں اپنی تلاوت وِچ کرن دی تاکید کردا اے،

’’میرے تے افسوس اے جے میں انجیل دی منادی نہ کراں!‘‘ (I کرنتھیوں 9: 16)۔

انجیل دی تبلیغ ضروری اے کیوں جے ایہہ پرانے تے نئے عہدنامے وِچ پوری بائبل دے مرکزی موضوع تے مرکوز اے۔ پوری بائبل وِچ، تشبیہہ دے لحاظ نال، پیشن گوئی دی ذریعے، براہ راست بیان دے ذریعے، مسیح دی انجیل مرکز وِچ اے۔ اُو جیہڑی بائبل پڑھدا اے اُوہدے لئی مسیح دی قربانی دے بارے وِچ آگاہی دے بغیر، اُو آدھی رات نوں چمگاڈر وانگوں اَنّا اے۔ اُو کلام پاک دے صفحات پڑھ سکدا اے۔ اُو نجات دی چنگی آیتاں نوں وی حفظ کر سکدا اے۔ لیکن ایہدی روح اندھیرے وِچ رہندی اے جدوں تیکر کہ شریعت دی بیداری دی کرناں ایہدی روح وِچ داخل نہ ہو جان۔ جدوں تیکر کہ اُو بابرکت ویلہ نئیں آندا، اُو حیاتی دے انّہیریاں وِچ بھٹکدا رہندا اے، آدم دا گواچیا ہویا بچہ؛ ایتھوں تیکر کہ آدم دے پُتر قابیل نے کی محسوس کیتا جدوں اُوہنے کہیا،

’’میری سزا میری برداشت توں باہر اے‘‘ (پیدائش 4: 13)۔

فیر وی، اپنے اندرونی عذاب دے ذریعے، گنہگار نوں کوئی آرام نئیں، خدا دے نال کوئی حقیقی سکون نئیں، جدوں تیکر کہ اُو خوشخبری دا دلکش پیغام نئیں سُن لیہندا۔ فیر اُوہدے لئی مسیح دی محبت ایہنی شاندار لگ سکدی اے کہ اُو نجات دہندہ وَل کھِیچیا چلا آندا اے۔ ایہو ای ساڈا پیغام اے! اُو ای انجیل اے!

’’میرے تے افسوس اے جے میں انجیل دی منادی نہ کراں!‘‘ (I کرنتھیوں 9: 16)۔

میرے تے افسوسی – کیوں جے اِک مبلغ دے طور تے میں اپنے ہتھ وِچ بائبل پھڑی ہوئی اے جیہڑی گمشدہ گنہگاراں دے لئی واحد علاج، واحد دوا دا اعلان کرتی ہے۔ میرے تے افسوس اے جے میں ایہناں قیمتی انجیل دی سچائیاں نوں روک دوواں تے محض بائبل دی آیت بہ آیت، ماڑا جیہا روح نوں ہلا دین آلے اِطلاق دے نال تعلیم دیہندا رہواں، تے جے چند اِک کوئی نے تے شریعت دے شعلے جیہڑے کہ گنہگار دے دِل وِچ ایس نجات دہندہ دی لوڑ نوں ثابت کر دین۔

اوہ! میں اَج دی سویرے تہانوں بُلانا آں۔ میں تہاڈے اَگے فریاد کرنا آں، میں تہانوں گناہ دیاں مصیبتاں تے خدا دے غضب توں نجات پان دے لئی خدا دے عطا کردہ راستے دی تبلیغ کردا رہواں۔ تے میرے تے افسوس اے جے میں پیچھے رہواں تے ایہناں سچائیاں دا ہر عضو تے پٹھیاں دے نال اعلان نہ کراں، تے تہانوں انجیل دی خوشخبری سناواں – مسیح تہاڈے گناہواں دی ادائیگی دے لئی مر گیا اے۔ مسیح مُردیاں وِچوں جی اُٹھیا اے تاکہ تہاڈے دِل تے شیطان دی گرفت نوں توڑ سکے۔

تے جے ایہہ میرے لئی افسوس دی گل اے تے جے میں انجیل دی تبلیغ نئیں کرنا آں – تے ایہہ تہاڈے لئی افسوس دا باعث ہووے گا جے تُسی ایس انجیل تے توجہ نئیں دیہندے جیس دی میں تبلیغ کیتی اے! تے اُوس مبلغ دے لئی اِک افسوس دا نشان اے جیہڑا خوشخبری دا اعلان نئیں کردا، تے ایتھوں تیکر کہ جذباتی انداز وِچ ایہدے لئی نئیں بولدا اے، اُوس خوشخبری دے لئی جیہڑا تنہا گنہگاراں نوں بچا سکدی اے۔ ایس توں وی وڈی مصیبت دے بارے چہ سوچو جیہڑی تہاڈے تے آئے گی جے تُسی انجیل نوں نئیں مانو گے! کیوں جے یسوع نے کہیا،

’’میں تہانوں دس دِتا کہ تُسی اپنے گناہ وِچ مرو گے کیوں کہ جے تہانوں یقین نئیں آندا کہ میں اُو ای آں تے تُسی ضرور اپنے گناہواں وِچ مرو گے‘‘ (یوحنا 8: 24)۔

اوہ، خدایا، کجھ لوکی جِنہاں نے انجیل دا ایہہ صاف واعظ سُنیا اے، اپنے گناہ توں باز آ جان تے ایس توں پہلاں کہ ابدی تے ہمیشہ دے لئی بہوتی دیر ہو جائے یسوع دے کول آؤ، کیوں جے یسوع نے کہیا،

’’جیہڑا ایمان لیہیائے تے بپتسمہ لئے اُو نجات پائے گا لیکن جیہڑا ایمان نہ لیہیائے تے مجرم قرار دِتا جائے گا‘‘ (مرقس 16: 16)۔

ایہناں نوں بچا لئے، اے خدایا! ایہناں نوں یسوع وَل موڑ دے۔ اَسی نجات دہندہ دے ناں وِچ دعا کرنے آں۔ آمین۔

براہِ کرم ساڈے گیت دے ورق توں حمد نمبر 7 وَل رجوع کروں تے ایہنوں سوچ سمجھ کے تے وڈے احساس دے نال گاؤ۔

جدوں اَسی دعا کرنے آں تے التجا کرنے آں،
جدوں تُسی اپنی روح دی انتہائی گہری ضرورت نوں ویکھدے اُو،
جدوں ساڈا باپ تہانوں گھر بُلاندا اے،
تے کی تُسی، اے گنہگار، نئیں آؤ گے؟
ہُنے ای کیوں نئیں؟ ہُنے ای کیوں نئیں؟
ہُنے ای کیوں نئیں؟ ہُنے ای کیوں نئیں؟
ہُنے ای کیوں نئیں؟ ہُنے ای کیوں نئیں؟
ہُںے ای کیوں نئیں یسوع دے کول آندے؟

تُسی بہوتی دور دور تیکر آوارہ گردی کیتی؛
اِک ہُور دِن دا خطرہ مول مت لؤ؛
مسیح توں اپنا مُنہ مت موڑو،
مگر اَج اُوہدا فضل قبول کرو۔
ہُنے ای کیوں نئیں؟ ہُنے ای کیوں نئیں؟
ہُنے ای کیوں نئیں؟ ہُنے ای کیوں نئیں؟
ہُنے ای کیوں نئیں؟ ہُنے ای کیوں نئیں؟
ہُںے ای کیوں نئیں یسوع دے کول آندے؟

ایس دُںیا وِچ تُسی لبھن چہ ناکام رئے اُو
پریشان ذہن دے لئی محض امن؛
مسیح دے کول آؤ، اُوہدے تے ای یقین کرو،
امن تے خوشی تُسی لبھ لؤ گے۔
ہُنے ای کیوں نئیں؟ ہُنے ای کیوں نئیں؟
ہُنے ای کیوں نئیں؟ ہُنے ای کیوں نئیں؟
ہُنے ای کیوں نئیں؟ ہُنے ای کیوں نئیں؟
ہُںے ای کیوں نئیں یسوع دے کول آندے؟
(’’ہُنے ای کیوں نئیں؟ Why Not Now? ‘‘ شاعر ڈانیئل ڈبلیو۔ وھٹل Daniel W. Whittle، 1840۔1901)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔