ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

تمثیل اِک کہانی ہوندی اے جیہڑی مسیح نے اِک روحانی سچائی نوں بیان کرن دے لئی کہی سی۔ ’’بیج بون آلے دی تمثیل‘‘ مسیح چہ ایمان لیہیا کے تبدیل ہون دے بارے وِچ مسیح دی ساری تمثیلاں دی کُلید اے۔ مرقس دی انجیل وِچ مسیح نے کہیا،

’’کی تُسی ایس تمثیل نوں نئیں جانندے؟ تے فیر تُسی ساری تمثیلاں نوں کیویں جانو گے؟‘‘ (مرقس 4: 13)۔

جے تُسی ایس تمثیل نوں نئیں سمجھدے تے تہانوں مسیح دی کسی وی تمثیل نوں کیویں سمجھ سکدے اُو؟ لہٰذا، ’’بیج بون آلے دی تمثیل‘‘ وِچ مسیح دے کہے گئے ہر لفظ نوں سمجھنا بہوتا ضروری اے۔

’’اِک بیج بون آلا اپنا بیج بون نکلیا …‘‘ ایہ [تمثیل] سب توں پہلاں خود مسیح وَل اشارہ کردی اے، کیوں جے ایہ کہندی اے، ’’اُوہدا بیج‘‘۔ تے، اُو اصل بیج بون آلا سی۔ گیارہویں آیت کہندی اے، ’’بیج خدا دا کلام اے‘‘ (لوقا 8: 11)۔ ایویں، یسوع [اپنے علاقے توں] باہر گیا تے کلام دی منادی کیتی۔ اُوہنے انجیل دی منادی کر کے خدا دے کلام دا بیج بویا۔ مسیح دے آسمان تے واپس آن دے بعد، رسول بیج بون آلے بن گئے۔ اَج ہر سچا مبلغ، مسیح دے ذریعے پیہجھیا جاندا اے، [جیہڑا] انجیل دا قیمتی بیج تقسیم کردا جاندا اے۔

’’تے بیج بوندے ویلے کُجھ راہ دے کنارے ڈِگے …‘‘ یعنی وہ راہ دے کنارے ڈِگیا۔ ایہ کھیت دے کول سخت کچی سڑک تے ڈِگیا۔ ایہ اُوہناں لوکاں دی تصویر اے جِنہاں دے دِل ایس سڑک وانگوں سخت نے۔ اُو لوکی نے جیہڑے انجیل دی منادی سُنندے نے لیکن نجات نئیں پاندے۔ ایہنوں بارہویں آیت وِچ ہور وی واضح کر دِتا گیا اے، ’’اینج نہ ہووے کہ اُو ایمان لیہیان تے نجات پان‘‘ (لوقا 8: 12)۔ ایہ گل ایہنوں سادہ بنا دیہندی اے۔ ساڈی تلاوت اُوہناں لوکاں دی گل کردی اے جیہڑے انجیل دی منادی تے سُنندے نے لیکن نجات نئیں پاندے۔ یسوع نے کہیا،

’’جیہڑا ایمان لیہیائے تے بپتسمہ لئے اُو نجات پائے گا لیکن جیہڑا ایمان نہ لیہیائے تے مجرم قرار پائے گا‘‘ (مرقس 16: 16)۔

تہانوں مسیح دے وسیلے توں نجات پانی چائیدی اے ورنہ تُسی مجرم قرار دِتے جاؤ گے۔ اُو لوکی جیہڑے انجیل دے کلام نوں رد کردے نے اُو مسیح وِچ نجات پائے جان وِچ یقین نئیں رکھدے۔ اُو گمراہ ای رہندے نے۔ ’’جیہڑا ایمان نہ لیہیائے اُو مجرم قرار پائے گا۔‘‘

ہُن اُو کیوں گمراہ رہندے نے؟ اُو انجیل دی تبلیغ نوں کیوں رد کردے نے؟ اُوہناں دے دِل سڑک دی سخت سطح وانگوں کیوں نے؟ اگرچہ اُو منادی سُنندے نے، اُو مسیح نوں کیوں قبول نئیں کردے؟ ساڈی تلاوت دو وجوہات پیش کردی اے۔

I۔ پہلی گل، لوکی گمراہ ای رہندے نے کیوں جے لوکاں دے ذریعے توں خوشخبری نوں روندیا جاندا اے۔

’’ بیج بوندے ویلے کُجھ بیج راہ دے کنارے ڈِگے تے اُو روندے گئے سن …‘‘ (لوقا 8: 5)۔

اُوہنوں روند دِتا گیا، سڑک گے ٹُرن آلیاں نے اُوہدے تے قدم رکھے۔

تے ایہ بالکل اُوہی اے جیہڑا تہاڈے وِچوں بُہتیرے لوکاں دے نال ہووے گا جیہڑے اَج سویرے ایتھے موجود نے۔ اَج سویرے تہاڈے گرجا گھر توں نکلن دے بعد، تُسی جیہڑا میہنوں بائبل توں منادی کردے ہوئے سُنیا اے ایہنوں روند دِتا جائے گا۔ میہنوں یقین اے کہ ایہ جملہ ’’روندا جانا‘‘ ایس گل دا اشارہ کردا اے جیہڑی انسان مسیح دے نال کردے نے۔ بائبل اُوہدے بارے وِچ دسدی اے ’’جِنہے خدا دے پتر نوں پیراں ہیٹاں روندیا اے‘‘ (عبرانیوں 10: 29)۔ اُو صرف مسیح تے [قدم رکھدے] نے، جیویں بیج سڑک تے سُٹیا جاندا اے۔ لوکی مسیح دے پیغام نوں توڑدے تے کچلدے تے رونددے نے۔

تہاڈے ’’بیلی‘‘، جیہڑا کُجھ تُسی اَج سُنیا ایہنوں گرجا گھر دے باہر روند ڈالن گے۔ اُو تہانوں بے شمار وجوہات دین گے کہ تُہانوں ایتھے واپس نئیں آنا چائیدا اے۔ اُو تہانوں دسن گے کہ تہانوں کیوں مسیح وِچ ایمان لیہیا کے تبدیل نئیں ہونا چائیدا تے اِک حقیقی مسیحی نئیں بننا چائیدا اے۔

میہنوں یاد اے جدوں میہنوں پہلی وری بپٹسٹ گرجا گھر لے جایا گیا سی، اُوس ویلے میں نوعمر سی۔ میرا کزن میرے تے ہنسیا تے میرا مذاق اُڑایا، تے میہنوں گرجا گھر جان توں روکن دی کوشش کیتی۔ میرے خاندان دے دوجے لوکاں نے میہنوں دسیا کہ میں حد توں تجاوز کر چکیا آں، کہ میں مذہب نوں بہوتی سنجیدگی نال لے رہیا آں، کہ ایہ میہنوں عجیب بنا دیوے گا۔ اُو چاہندے سن کہ میں گرجا گھر آںا بند کر دوں تے اُوہناں وانگوں ’’عام جیہا‘‘ بن جاواں۔ اُو سب ہُن مر چکے نے۔ اُو خوفناک موت مرے، مسیح وِچ ایمان لیہیائے بغیر مرے۔ میہنوں خوشی اے کہ میں ایہناں دی گل نئیں سُنی!

’’ایہ روندیا گیا…‘‘ (لوقا 8: 5)۔ نہ صرف تہاڈے گمراہ ہوئے بیلی تے غیر مسیحی خاندان ایس مسیحی واعظ نوں ختم کرن دی کوش کرن گے جِنہوں تُسی سُن رئے اُو – بلکہ تہاڈی اپنی بُری فطرت، تہاڈا اپنا گناہ توں بھرپور جسم انجیل نوں روند دیوے گا۔ بائبل ’’بے اعتقادی دے بُرے دِل‘‘ دی گل کردی اے (عبرانیوں 3: 12)۔ بائبل اُوس بندے دے بارے وِچ دسدی اے جیہڑا ’’اپنے بُرے دِل دے تصور دی پیروی کردا اے‘‘ (یرمیاہ 16: 12)۔

اَج سویرے ایتھے کوئی کہہ سکدا اے، ’’میں اپنے دِل دی پیروی کراں گا۔‘‘ فیر تُسی یقیناً گمراہ ہوئے رہوو گے! کیوں؟ کیوں جے بائبل کہندی اے،

’’دِل ہر شے توں ودھ کے دھوکے باز تے سخت شریر اے‘‘ (یرمیاہ 17: 9)۔

جے تُسی اپنے دِل دی پیروی کردے اُو تے تُسی اُوس گرجا گھر وِچ واپس نئیں آؤ گے۔ تہانوں تبلیغ نئیں لبھے گی۔ تُسی مسیح وِچ تبدیل نئیں ہوو گے۔ تے تہانوں کدی وی نجات نئیں لبھے گی!

’’ایہہ روندیا گیا‘‘ (لوقا 8: 5)۔ تہاڈی اپنی بُرائی، جسمانی فطرت انجیل نوں رونڈ ڈالے گی، تہانوں مسیح دے کول آن توں روکے گی، تہانوں نجات پان توں روکے گی!

تہانوں اپنے گمراہ ہوئے بیلیاں تے خاندان دے خلاف جانا چائیدا اے۔ تہانوں اپنے گناہ دی فطرت دے خلاف جانا چائیدا اے۔ تہانون گرجا گھر واپس آنا چائیدا اے پاویں کُجھ وی ہو جائے۔ تہانوں مسیح نوں لبھنا چائیدا اے، پاویں تُسی اپنے اندر کیویں ای محسوس کرو۔ تہانوں ’’تنگ بوہے توں اندر داخل ہون دی کوشش‘‘ کرنی چائیدی اے ورنہ تُسی کدی وی نجات نئیں پاؤ گے (لوقا 13: 24)۔ اپنے آپ نوں، یا کسی دوجے انسان نوں، اپنے دِل وِچ انجیل نوں روندن نہ دیو! مسیح دے کول آؤ جدوں تیکر کہ ہُنے ویلہ اے!

II۔ دوجی گل، لوکی گمراہ ای رہندے نے کیوں جے خوشخبری نوں شیطانی قوتاں دے ذریعے توں چُگ لیہیا جاندا اے۔

ساڈی تلاوت تے فیر توں نظر پاؤ۔ مہربانی نال اَخیرلی شِق تے دھیان نال دعا کرو۔

’’اِک بیج بون آلا اپنا بیج بون نکلیا تے بیج بوندے ویلے کُجھ بیج راہ دے کنارے ڈِگے جیہڑے روندے گئے تے ہوا دے پرندیاں نے اُوہناں نوں چُگ لیہیا‘‘ (لوقا 8:5)۔

’’ہوا دے پرندیاں نے اُوہنوں چُگ لیہیا۔‘‘ ساڈے گھر دے ارد گرد گیلینڈیل دے شمال وِچ وڈے وڈے کلے کاں [کوّے] نے۔ اُو وڈے کالے پرندے چھپٹدے نے تے جو کُجھ وی حاصل کر سکدے نے کھا جاندے نے۔ اُو بے حد بھوکے ہوندے نے، پرندے جیہڑے مُردار کھاندے نے، دوجے پرندیاں دے انڈے یا بچے، تقریباً ہر اُو شے جیس تیکر اُو اپنی چونجاں پہنچا سکدے نے۔ ایتھوں تیکر کہ اُو اُڑ کے سڑک دے کنارے ڈِگے ہوئے بیج نوں کھا جاندے نے۔

ہُن، اُو بدصورت، ناگوار، پیٹو، وحشی پرندے تہاڈے سُنن آلے واعظ نوں کھا جان گے۔ ’’ہوا دے پرندیاں نے اُوہنوں چُگ لیہیا‘‘ (لوقا 8: 5)۔

ایہدے چہ کوئی سوال نئیں کہ ایہ گندے پرندے کی نمائندگی کردے نے۔ اُو شیطان تے اُوہدی شیطانی قوتاں دی نمائندگی کردے نے۔ بارہویں آیت کہندی اے، ’’فیر شیطان آندا اے، تے کلام نوں اُوہناں دے دِلاں توں کڈ دیہندا اے، اینج نہ ہووے کہ اُو ایمان لے آن تے نجات پا جان‘‘ (لوقا 8: 12)۔ متی کہندا اے، ’’شریر بندہ … جیہڑا کُجھ اُوہدے دِل وِچ بویا گیا سی اُوہنوں چھین لیہندا اے‘‘ (متی 13: 19)۔ مرقس ایویں لکھدا اے، ’’شیطان فوراً آندا اے، تے اُوس کلام نوں لے جاندا اے جیہڑا اُوہناں دے دِلاں وِچ بویا گیا سی‘‘ (مرقس 4: 15)۔

’’تے پرندیاں [جمع دا ضیغہ] نے اُوہنوں چُگ لیہیا‘‘ (لوقا 8: 5)۔

لوقا سانوں دسدا اے کہ ایہ پرندے نما مخلوق جمع نے، اِک توں بوہتے۔ ’’ہوا دے پرندیاں نے اُوہنوں چُگ لیہیا۔‘‘

غور کرو، ایہ وی کہ مسیح نے کہیا، ’’ہوا دے پرندیاں نے اُوہنوں چُگ لیہیا۔‘‘ (لوقا 8: 5)۔ بائبل شیطان نوں ’’فضائی طاقت دا شہزادہ‘‘ کہندی اے (افسیوں 2: 2)۔ شیطان ہوا وِچ اے – ساڈے چاروں پاسے۔ اینج ای اُوہدے شیطان وی نے، جِنہاں نوں ’’حکومتاں … طاقتاں … ایس دُنیا دی تاریکی دے حکمران‘‘ کیہیا جاندا اے (افسیوں 6: 12)۔

تے اُوہناں ’’ہوا دے پرندیاں نے اُوہنوں چُگ لیہیا‘‘ (لوقا 8: 5)۔ شیطان تے اُوہدی بدروحاں ہمیشہ بیج نوں کھان دے لئی تیار رہندیاں نے، جیہڑا واعظ تُسی سُنندے اُو اُوہنوں کھا جاندے نے، ’’اینج نہ ہووے کہ [تُسی] نجات پا جاؤ‘‘ (لوقا 8: 12)۔ شیطان نئیں چاہندا کہ تُسی مسیح چہ ایمان لیہیا کے تبدیل ہو جاؤ، تے اُو ہر ممکن کوشش کرے گا کہ تُسی جیہڑی تبلیغ سُن رئے اُو اُوہنوں کھا جائے، ایس لئی تُسی مسیح تے ایمان نئیں لیہیاؤ گے تے نجات نئیں پاؤ گے۔

کی ایتھے گرجا گھر وِچ کوئی بدروحاں نے؟ بے شک! شیطان تے اُوہدیاں بدروحاں ہر تھاں موجود نے – حالانکہ انسانی اَکھاں توں نظر نئیں آندیاں۔ ڈاکٹر جان گِل نے کہیا،

تے ہوا دے پرندیاں نے اُوہنوں چُگ لیہیا۔ جیہڑے عام طور تے اُوہناں تھاواں تے گھومدے نے جیتھے بیج بویا جاندا اے۔ تے ایتھے شیطان تے اُوہدے فرشتیاں دی گل کرو، جیہڑے ہوا چہ رہندے نے۔ تے کلام دی منادی وِچ رخنہ اندازی دے لئی بار بار عوامی عبادت گاہواں وِچ جِنہا ممکن ہو سکدا اے موجود رہندے نے (جان گل، ڈی ڈیJohn Gill, D.D.، پرانے تے نئے عہد نامے دی اِک تفسیرAn Exposition of the Old and New Testament، دی بیپٹسٹ اسٹینڈرڈ بیئررThe Baptist Standard Bearer، 1989 دوبارہ اشاعت، جلد 7، صفحہ 577) .

غور کرو کہ شیطان تہاڈی روح نوں ہڑپ کرن دے لئی کیہنا بے چین اے۔ اُو اپنے شیطاناں دے نال آندا اے، تہاڈے دِل توں کلام نوں کھا جان دے لئی ہیٹاں چھپٹدا اے۔ اُو ڈردا اے کہ انجیل دا بیج تہاڈے دِل وِچ نہ ودھ جائے، تے ایس ای لئی، مرقس سانوں دسدا اے، ’’شیطان فوراً آندا اے‘‘ (مرقس 4: 15)۔ ایس توں پہلاں کہ ایہہ واعظ ختم ہو جائے – بلکہ جی نئیں، ایس ویلے جدوں کہ میں بول رہیا آں، اُو بدروحاں اُوس کلام نوں کھان دے لئی اُتردیاں نے جیہدی تُسی میہنوں منادی کردے ہوئے سُنیا اے! سپرجیئن نے کہیا، ’’کاش میں تالی وجاندا، تے اینج ایہناں گندے پرندیاں نوں نٹھا دیہندا۔ لیکن میں خدا دے لوکاں توں کہنا آں کہ [دعا کرو] کہ واعظاں دی چوری کرن آلے ایہناں چوراں نوں نٹھا دِتا جائے، تے جو کُجھ [میں] کہیا اے اُو تہاڈی یاداشت وِچ رہووے گا‘‘ (سی ایچ سپرجیئنC. H. Spurgeon، ’’راہ گزر دے کنارے دا بیج The Seed by the Wayside،‘‘ میٹروپولیٹن عبادت گاہ دی واعظ گاہ توں The Metropolitan Tabernacle Pulpit، پیلگرِم پبلی کیشنز، 1977 دوبارہ اشاعت، جلد XLIX، صفحہ 381)۔

ہُن، میں تاہنوں پُچھنا آں، کی تُسی ایس گل تے راضی اُو کہ تہاڈے کولوں سچائی چھین لئی جائے؟ کی تُسی بے اعتقاد خانداناں تے بیلیاں دے ہتھوں ابدی حیاتی تے خوشی چھینے جان دے لئی تیار اُو؟ کی تُسی اُوہناں نوں بیج نوں قدماں ہیٹاں روندن، تہانوں یسوع توں دور رکھن، تے گرجا گھر وِچ واپس آن توں روکن دے لئی تیار اُو؟ کی تُسی شیطان نوں اپنے دِل وِچوں واعظ نوں باہر کڈ دین دے لئی تیار اُو؟

میں تہانوں دسنا آں کہ مسیح تہاڈے گناہواں دا کفارا ادا کرن دے لئی مریا۔ میں تہانوں دسنا آں کہ مسیح مُردیاں وِچوں جی اُٹھیا اے، تے اُو تہانوں ہمیشہ دی حیاتی دے سکدا اے۔ میں تہانوں کہنا آں کہ تُسی مسیح دے ذریعے گناہ توں، تے خودم وت توں نجات پا سکدے اُو۔ میں تہانوں ایہ دسنا آں کیوں جے ایہ اُوہی اے جیہڑا خدا کہندا اے – بائبل وِچ! کی تُسی انسانی یا شیطانی قوتاں نوں اُوہناں روح نوں بچان آلی سچائیاں نوں چھنن دیو گے؟ میری دعا اے کہ تُسی اینج نہ کرو۔

مسیح وِچ ایمان لیہیا کے تبدیل ہون دے لئی تہانوں روح القدس دے ذریعے اپنے گناہ توں آگاہ ہونا چائیدا اے۔ ایہ اِک تکلیف دہ اندرونی تجربہ ہو سکدا اے۔ لیکن ایہ روح القدس دا ہل اے۔ اُو تہاڈے دِل نوں گہرائی نال جوت دیوے، تاکہ انجیل دا کلام جڑ پھڑے تے تہاڈے اندر ہمیشہ دی حیاتی دے لئی اُبھرے۔ ایتھے تہاڈے لئی مٹھی بھر مکئی اے! ایہنوں ہُنے ای کھاؤ! مسیح نوں قبول کرو! اُوہدے تے پروہسا کرو، تے تہانوں معاف کیتا جائےگا تے بدل دِتا جائے گا۔ یسوع دے کول آؤ تے حیاتی پاؤ! خدا تہانوں یسوع دی خاطر بچائے۔ آمین۔

براہِ کرم کِھلو جاؤ تے اپنے گیتاں دے ورقیاں توں حمد نمبر 7 گاؤ۔ گاندے ویلے الفاظ دے بارے وِچ سوچو، تے اُوچی واج نال تے واضح طور تے گاؤ۔

آؤ اے گنہگارو، غریب تے بدبختو،
   کمزور تے زخمی، بیمار تے دُکھی؛
یسوع تہانوں بچان دے لئی تیار اے،
   رحم نال بھریا ہویا، طاقت دے نال شامل ہویا۔
اُو قادر اے، اُو قادر اے، اُو راضی اے،
   ہور کوئی شک نئیں۔
اُو قادر اے، اُو قادر اے، اُو راضی اے،
   ہور کوئی شک نئیں۔
(’’آؤ اے گنہگارو، غریب تے بدبختوCome, Ye Sinners, Poor and Wretched‘‘ شاعر جوزف ہارٹJoseph Hart، 1712۔1768)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔