ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

’’تُسی دس دِناں تیکر مصیبت چُکو گے۔‘‘ ایہہ رومی شہنشاہواں دے تحت ایذا رسانیاں دے دس شدید ادوار وَل اشارہ کردا اے۔

نیروNero – 54۔68 بعد از مسیح
ڈومیشیئنDomitian – 81۔96 بعد از مسیح
ٹراجانTrajan – 98-117 بعد از مسیح
مارکس اُوریلیئسMarcus Aurelius – 161۔180 بعد از مسیح
سیویرسSeverus – 193۔211 بعد از مسیح
میکسی مینسMaximinus – 235۔238 بعد از مسیح
ڈیشیئسDecius – 249۔251 بعد از مسیح
ویلیریئنValerian – 253۔260 بعد از مسیح
اُوریلیئنAurelian – 270۔275 بعد از مسیح
ڈائیوکلیشئنDiocletian – 284۔305 بعد از مسیح

فوکسی دی شُہداء دی کتاب Foxe’s Book of Martyrs دے مطابق، ایس عرصے دے دوران 50 لاکھ مسیحی، مسیح دے لئی قربان ہو گئے۔

رومی سلطنت نے جِنہاں قوماں نوں فتح کیتا اُوہناں دے مذہباں دے حوالے توں رواداری ورتی سی۔ ایتھوں تیکر کہ او روم وِچ اپنے مذہباں تے عمل کر سکدے سن جدوں تیکر کہ اُو ریاستی نوں تبدیل کرن دی کوشش نہ کرن۔

لیکن مسیحیت قومی مذہب نئیں سی۔ اُوہنے صرف سچا، عالمگیر عقیدہ ہون دا دعویٰ کیتا۔ مسیحیت وِچ تبدیل ہون آلے لوکی ہر کافر مذہب توں تے یہودیت توں آئے سن۔ مسیحیاں نے کسی وی قسم دی بت پرستی دے نال سمجھوتا کرن توں انکار کر دِتا سی۔ اینج، مسیحیت دی تیز رفتار ترقی نال روم دے ریاستی مذہب دے وجود نوں خطرہ لاحق سی۔

ینز، مسیحیاں نے شہنشاہ یا اُوہدے مجسمے دی پوجا کرن توں انکار کر دِتا۔ اُو بت پرستی دی تقریبات وِچ حصہ نئیں لیہندے سن۔ شہنشاہ اُوہناں توں خوفزدہ ہون لگے کیوں جے اُوہناں دی تعداد ودھدی گئی۔ عام لوکی بہتیرے خداواں تے یقین رکھدے سن تے اینج مسیحیاں نوں مُلحد سمجھدے سن۔ جدوں وی کوئی آفت آئی، مسیحیاں تے الزام دھریا گیا۔ شمالی افریقہ وِچ، کافراں نے کہیا، ’’جے دیوتا بارش نئیں بھیجدے تے مسیحیاں نوں اِلزام دیو۔‘‘ جدوں وی قحط یا خشک سالی آندی سی تے مشرک پکاردے سن، ’’مُلحداں توں دور رہوو! مسیحیاں دے نال شیراں دے اَگے سُٹے جاؤ گے!‘‘

کافر پادری وی مسیحیت دے مخالف سن، کیوں جے ایہدے نال اُوہناں دی روزی روٹی نوں خطرہ سی۔ پلینیئس دی ینگر Plinius the Younger جدوں مسیحیت دے نال رابطے وِچ آیا تے اُوہنوں ’’اِک مسخ شُدہ یا منحرف تے غیر معمولی توہم پرسی‘‘ کہیا۔ اُوہنے شہنشاہ نوں اطلاع دِتی کہ ایہہ ’’توہم پرستی‘‘ تیزی نال پھیل رئی اے، جیہدے نال ہر عمر، درجہ تے جنس دے لوکی مذہب تبدیل کر رئے نے، تاکہ کافر مندراں نوں تقریباً ترک کر دِتا جائے۔

پہلی عام ایذا رسانی نیرو دے دورِ حکومت (54-68 بعد از مسیح) وِچ ہوئی۔ نیرو دے تحت پولوس تے پطرس نوں شہادت دا سامنا کرنا پیہیا۔ سب توں پہلاں روم مسیحیت دا محافظ سی، جیہڑا کئی نازک موقعیاں تے پولوس دی مدد دے لئی آیا۔ لیکن ہُن، نیرو دے تحت، روم نے نئے مذہب دے نال اِک خطرناک تنازعہ شروع کیتا۔ ایویں بت پرستی تے حب الوطنی دے ناں تے دس وڈی ایذا رسانیاں دا سلسلہ شروع ہو گیا۔

نیرو دے دورِ حکومت دے پہلے پنچ وریاں وِچ ایہدی رہنمائی سینیکاSeneca تے بروس Burrus نے کیتی۔ ایہہ امن تے خوشحالی دا دور سی۔ فیر نیرو پاگل پن تے وحشت دے نو سالہ دور وِچ چلا گیا۔ اُوہنے اپنے بھائی، برٹانیکس، اُوہدی ماں اگریپینا، اُوہدی ووہٹیوں اوکٹاویا تے پوپیا، اُوہدے اُستاد سینیکا تے بہوتے دوجے ممتاز رومیاں نوں قتل کیتا۔

فیر روم وِچ اَگ لگ گئی۔ ہوا دے زور تے اَگ ست راتاں تے چھ دِناں تیکر بھڑکدی رئی۔ فیر ایہہ شہر دے دوجے حصیاں وِچ نہایت تیزی نال پھیل گئی تے مذید تین دِن تیکر شہر جلتا رہیا۔ مشہور افواہ نے نیرو نوں شہر وِچ اَگ لگان دا ذمہ دار ٹھہرایا۔ اپنے وَلوں توجہ ہٹان دے لئی، نیرو نے نفرت کیتے جان االے مسیحیاں تے اِلزام دھر دِتی، جیہڑے ہُن تیکر، یہودیت دی اِک سب توں خطرناک شاخ دی حیثیت توں یہودیاں وکھرے پہچانے جاندے سن۔

سوٹونیئس Suetonius وگرے رہنماواں نے مسیحیت نوں اِک بے ہودہ توہم پرستی دے طور تے ویکھیا۔ ایہہ ایہناں وگرے لوکاں نوں یہودیت توں وی بدتر لگ رہیا سی، جیہڑا کہ گھٹ توں گھٹ اِک قدیم قومی مذہب سی۔ لیکن مسیحیت نئی سی، تے ایہہ کسی خاص قومیت نال منسلک نئیں سی۔ ایہدا ہدف عالمگیر غلبہ سی۔ ایہناں ساریاں گلاں نے روم دے لوکاں نوں مسیحیاں دے بارے وِچ بہوتا مشکوک بنا دِتا تے اُو لوکاں دے ذہناں وِچ اَگ لگان دے مجرم قرار پائے۔

مسیحیاں تے وحشیانہ انداز وِچ حملہ اِک خونی میلے وِچ کیتا گیا جنہوں کہ بت پرست روم نے نا پہلاں کدی تے نہ ای ایہدے بعد ویکھیا۔ مسیحیاں دی اِک بہوتی وڈی تعداد نوں حیران کُن طریقیاں نال موت دے گھاٹ اُتار دِتا گیا۔ بعض نوں مصلوب کیتا گیا۔ کُجھ نوں جانوراں دی کھالاں وِچ سلائی کر کے میدان چہ جنگلی کُتیاں نوں کھلایا جاندا سی۔ رات نوں نیرو دے باغات وِچ سانحہ اپنے عروج نوں پہنچیا۔ مسیحی مرداں تے عورتاں نوں تیل یا رال نال ڈھانپ دِتا جاندا سی، لکڑی دی چوکھاٹاں تے کیلاں نال جکڑ کے اَگ لگا دِتی جاندی سی۔ ایہہ واقعہ ٹیسیٹسTacitus دی تحریر توں آندا اے، جیہڑا اِک غیرت مند مصنف اے۔ ٹیسیٹس نے ایہہ وہ کہیا کہ نیرو وَلوں مسیحیاں تے بے تحاشا ظلم و ستم لوکاں دے لئی ناگوار ہو گیا، ’’کیوں جے اُو عوامی بھلائی دے لئی نئیں بلکہ اِک آدمی دی درندگی دا شکار ہوندے وکھائی دیہندے سن۔‘‘ خودکشی دد ذریعے اُوہدی [نیرو دی] موت دے بعد، بُہتیرے مسیحیاں دا خیال سی کہ نیرو دجال دے طور تے واپس آئے گا، جیس دا ذکر مکاشفہ دی کتاب وِچ کیتا گیا اے۔ نیرو یقیناً دجال دا پیش خیمہ سی۔

مسیحیاں تے دوجی عام ایذا رسانی شہنشاہ ڈومیشیئنDomitian (81۔96 بعد از مسیح) دے دور وِچ ہوئی۔ اُو مسیحیاں نوں ستان آلا اگلا رومی شہنشاہ سی۔ ٹیسیٹس نے کہیا کہ جلاوطنی ڈومیشیئن دی سزا دی پسندیدہ شکلاں وِچوں اِک سی۔ کافی چنگی شروعات دے بعد اُو نیرو وانگوں ظالم تے خونخوار ہو گیا، تے خود نمائی وِچ نیرو توں وی اَگے نکل گیا۔ اُوہنے اپنے خطوط، ’’ساڈا خداوند تے خدا دا حکم‘‘ شروع کیتا تے اپنی رعایا نوں کہیا کہ اُو ہمیشہ اُوہنوں خدا دے طور تے مخاطب کرن۔ اُوہنے اپنے ای سونے تے چاندی دے مجسمے مندراں دے مقدس ترین مقامات تے رکھے ہوئے سن۔

کیلیگیولا تے نیرو وانگوں، ڈومیشیئن آخر کار پاگل ہو گیا۔ پاگل پن نال بھرے ہوئے، اُوہنے بہتیرے سینیٹرز تے قونصلراں نوں مار ڈالیا جیہڑے اُوہدے راستے وِچ کھلوتے سی۔ اُوہنے داؤد دی اولاد تے مسیح دی مبینہ اولاد دی تلاش کیتی، ایس ڈر نال کہ اُو اُوہدے تخت تے قبضہ نہ کر لین۔

اُوہدے دور حکومت وِچ بہتیرے مسیحیاں نوں موت دے گھاٹ اتار دِتا گیا۔ اُوہدی بیوی ڈومیٹیلا مسیحی بن چکی سی۔ اُوہنے اُوہنوں نیپلز دے قریب جزیرے پاناڈیٹیریا وِچ جلاوطن کر دِتا۔ اُوہنے اپنے کزن فلے ویئس کلیمینس نوں وی مسیحی بنن تے موت دے گھاٹ اتار دِتا۔ یوحنا رسول نوں ڈومیشیئن دے دورِ حکومت دے آخری حصے وِچ پطمس دے جزیرے وِچ جلا وطن کر دِتا گیا سی۔

95 عیسوی وِچ، ڈومیشیئن دے دور دے اختتام وَل، مسیحیاں تے ظلم دوبارہ شروع ہویا۔ یہودیاں نے جیوپیٹرJupiter دے لئی وقف اِک کافر ہیکل دی تعمیر دے لئی مخصوص محصول ٹیکس ادا کرن توں انکار کر دِتا سی۔ چونکہ مسیحیاں نوں یہودیت دا حصہ سمجھا جاندا رہیا، اُو وہ شہنشاہ دے غضب دا شکار ہوئے۔ ایس ایذا رسانی دے دوران ای یوحنا رسول نوں پطمس دے جزیرے وِچ جلاوطن کر دِتا گیا، جیتھے اُوہنے مکاشفہ دی کتاب لکھی۔

ڈومیشیئن دی موت دے بعد، یوحنا نوں رہا کیتا گیا تے اُو 97 عیسوی وچ اک بہوتے وڈیرے آدمی دے طور تے اُفسُس آیا، جیتھے اُوہنے یوحنا دی انجیل لکھی، تے جیتھے اُو اگلے شہنشاہ، ٹراجان (98-117) دے زمانے تیکرمقیم رہیا۔

جدوں ٹراجان اِقتدار وِچ آیا، پلینیئس سیکنڈس، جیہڑا کہ سب تو مشہور گورنراں وِچ اِک سی، مسیحی شہداء دی وڈی تعداد توں بہوتا پریشان سی۔ اُوہنے ٹراجان نوں ایہناں لوکاں دی بھیڑ دے بارے وِچ لکھیا جِنہاں نوں اُوہناں دی ایمان دی وجہ توں موت دے گھاٹ اُتارا جا رہیا سی۔ ایس خط وِچ، اُوہنے شہنشاہ نوں دسیا کہ اُوہنے مسیحیاں نوں قانون دے خلاف کُجھ کردے ہوئے نئیں سُنیا، سوائے ایہدے کہ اُو سویر دے ویلے اُٹھدے تے مسیح دے خدا دے طور تے گیت گاندے سی۔ لیکن ایہہ کہ اُوہناں نے زنا تے قتل تے ایس طرح دے مجرمانہ جرائم نوں چھڈ دِتا سی تے روم دے قوانین دے مطابق سب کُجھ کیتا۔ ایس خط دے جواب وِچ ٹراجان نے مندرجہ ذیل فرمان جاری کیتا: کہ مسیحیاں دی تلاش نہ کیتی جائے، لیکن جدوں لبھ جان تے سزا دِتی جائے۔ ایس حکم نامے دی وجہ توں طلم و ستم، جیس دا سب توں بہوتا خوفناک ہون دا خطرہ سی، اِک حد تیکر روکا گیا۔ لیکن فیر وی اُوہناں لوکاں دے لئی بہوتے حیلے بہانے سن جیہڑے مسیحیاں نوں نقصان پہنچانا چاہندے سی۔

اِک ابتدائی مسیحی مصنف یوسیبیئسEusebius نے کہیا، ’’کدی کدی لوکی، بعض اوقات مختلف تھاواں دے حکمران، ساڈے خلاف سازشاں کردے، ایس لئی، اگرچہ کوئی وڈا ظلم نئیں ہویا، لیکن سلطنت دے مختلف حصیاں وِچ مقامی ایذا رسانی دا سلسلہ جاری رہیا۔ بہوتے وفادار [مسیحیاں] نے مختلف شکلاں وِچ شہادتاں برداشت کیتیاں۔‘‘

اِک صوبے دے گورنر پیلینیئس سیکوندُس Plinius Secundus نے ٹراجان نوں دسیا کہ رومی دیوتاواں دے لئی قربانی دین دے لئی اُوہناں دی رضامندی دے علاوہ، اُوہنے ایہناں وِچ کوئی عیب نئیں پایا۔ اُوہنے ٹراجان نوں ایہہ وی اطلاع دِتی کہ مسیحی صبح سویرے اُٹھ کے مسیح دے خدا دے طور تے گیت گاندے نے، تے اپنے نظم و ضبط نوں برقرار رکھن دے مقصد توں، قتل، زنا، لالچ، چوری تے ایہو جئی شیواں توں منع کردے نے۔ پلینیئس دے جواب وِچ، ٹراجان نے لکھیا کہ مسیحیاں نوں تلاش نئیں کرنا چائیدا، لیکن جدوں لبھ جان تے سزا دِتی جانی چائیدی اے۔ ٹراجان دے دورِ حکومت وِچ ایہو جئی ای گلاں ہوئیاں۔

تیجی ایذا رسانی وِچ، ٹراجان دے ماتحت، اِک مشہور تے عالم شخص، پلینیئس سیکوندُس نوں مسیحیاں دے ایہنے وڈے پیمانے تے قتل کیتے جان تے ترس آیا۔ اُوہنے ٹراجان نوں لکھیا، کہ ایہناں وِچوں ہزارہا نوں روزانہ موت دے گھاٹ اُتاریا جا رہیا سی، لیکن ایہناں وِچوں کسی نے وی اینج دا کُجھ نئیں کیتا جیہڑا پھانسی دے لائق ہووے۔ پلینیئس نے کہیا، اُوہناں نے اپنے جرم یا غلطی دا جیہڑا وی حساب دِتا (جِنہوں وی کہیا جائے) صرف ایہنا سی – کہ اُو دِن دے اُجالے توں پہلاں ملدے تے اِک ساتھ مل کے مسیح دے لئی خدا دے طور تے دعا اِک اِک متعین شکل دہراندے، تے اپنے آپ نوں پابند نئیں کردے۔ بُرائی دا اِرتکاب کرنا … جیس دے بعد اُوہناں دا الگ الگ رواج سی، تے اک عام بے ضرر کھانا کھان دے لئی دوبارہ جمع ہونا سی۔

اِس ایذا رسانی دے دوران اِک خدا پراست مسیحی رہنما ایگنیشیئس Ignatius نوں شہید کر دِتا گیا۔ شام توں روم پیہجھے جان تے ایگنیشیئس نے مسیح وِچ ایمان دا دعویٰ کیتا، تے اُوہنوں میدان وِچ سُٹ دِتا گیا جیتھے اُوہنوں جنگلی درندیاں نے پھاڑ کھایا۔

ایگنیشیئس نے روم دی کلیسیا نوں خط لکھیا، اُوہناں نوں تاکید کیتی کہ اُو اُوہنوں شہادت توں بچان دی کوشش نہ کر، اینج نہ ہووے کہ اُو اُوہنوں اُوس شے توں محروم کر دین جیس دی اُو سب توں زیادہ خواہش تے اُمید رکھے ہوئے سی۔ اُوہناں نے لکھیا، ’’ہُن میں شاگرد بننا شروع کر رہیا آں۔ میہنوں کیس شے دی پرواہ نئیں اے… تاکہ میں مسیح نوں جیت سکاں۔ اَگ تے سولی نوں، جنگلی درندیاں نوں، میری ہڈیاں نوں توڑن تے میرا اعضاء نوں پھاڑن دیو، میرے پورے جسم نوں پِسن دیو، تے شیطان دی شرارت، میرے تے آن دیو: اینج ای ہووے، صرف اُودھوں ای میں مسیح یسوع نوں جیت سکناں آں!‘‘

ایتھوں تیکر کہ جدوں نوں درندیاں دے سامنے سُٹے جان دی سزا سُنائی گئی سی، اُوہدے چہ مسیح دے لئی تکلیف سہن دی ایہو جئی شدید خواہش سی کہ جدوں اُوہنے شیرا نوں گرجدے ہوئے سُنیا تے کہیا، ’’میں مسیح دی گندم آں۔ میں جنگلی درندیاں دے دنداں نال پِسن آلا آں، تاکہ میرے وِچ خالص روٹی [یسوع دے لئی] لبھ جائے۔‘‘

جیویں کہ میں کہیا اے ٹرٹولیئن دے الفاظ وِچ، ’’شہیداں دا لہو کلیسیا دا بیج اے۔‘‘ سینکڑوں کافراں نے ایگنیشیئس تے دوجے مسیحی شہداء دے ایمان تے جرأت نوں ویکھیا، تے ایہناں دی موت دے طریقے توں بہوتے متاثر ہوئے۔ ایہناں وِچوں بے شمار لوکاں نے کہیا، ’’مسیحی بخوبی قربان ہو جاندے نے۔‘‘ ایہدے نال اُوہناں دے رومن جذبے دی حوصلہ افزائی ہوئی۔ ایہناں مسیحیاں دی موت نال مسیحیت لوکاں وِچ ہُور تیزی نال پھیل گئی۔

اَج راتی ایتھے دا ہر نوجوان ایمان تے طاقت حاصل کرن دی تمنا کرے جِنہے ایہناں ابتدائی شُہداء نوں کافر رومی دُنیا وِچ یسوع دے لئی ایہو جئے چنگے گواہ بنائے۔ کاش اَسی مسیحی دے لئی زندہ رہیے، جیویں کہ اُوہناں نے کیتا، نجات دہندہ دے لئی پوری طرح نال عزم کیتے ہوئے، پاویں سانوں کیہنی ای مشکلات برداشت کرنی پیہن۔ خدا سانوں اینج کرن دی توفیق عطا فرمائے۔ پہلا قدم ایمان نال یسوع مسیح دے کول آنا اے۔ اُو تہاڈے گناہواں دی ادائیگی دے لئی سولی تے قربان ہو گیا۔ اُو تہانوں ابدی حیاتی دین دے لئی مُردیاں وِچوں جی اُٹھیا۔ ایمان دے نال اُوہدے کول آؤ تے تُسی نجات پا جاؤ گے۔ آمین۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔