ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

اشعیا53 باب وِچ مسیح دے دُکھاں توں تعلق رکھدے ہویاں، عظیم پروٹسٹنٹ اصلاح کار مارٹن لوتھر نے کہیا،

ایہناں معاملات نوں ایس قدر وضاحت دے نال بیان کیتا گیا اے کہ [نئے عہدنامے وچ] ماسوائے یوحنا دے کسی وی انجیل نویس نے بہتر اِظہار نئیں کیتا۔ پہلاں تِن انجیل نویساں نے [اُوہدی مصلوبیت نال تعلق رکھدے ہوئے] صرف متعلقہ واقعات نوں ای پیش کیتا۔ اشعیا حقیقتاں، اسباب، نتائج تے استعمال دی پیشن گوئی کردا اے۔ ’’اُو گھائل سی۔‘‘ ایس گل نوں متی وی درج کردا اے لیکن اشعیا وجہ نوں ظاہر کردا اے کیوں اُوہنے دُکھ چُکے: کیوں جے اسی گناہ کیتا سی تے خود نوں گناہ، موت تے ابلیس دی قوت توں نجات دلان دے قابل نئیں سی… ایہہ واقعی وچ شاندار گل اے کہ اشعیا دے کول ایس قدر نور سی کہ اُو ایس قدر واضح طور تے تے پوری اُترن آلی مسیح دے [دکھاں] دے بارے وچ پیشن گوئی کر پایا، درحقیقت، اِک پولوس نوں مُستثنیٰ کردے ہوئے، انجیل نویسیاں دے مقابلے وچ کِتھے بہتر طور نال پوری اُترن آلی پیشن گوئی… بصورتِ دیگر، سارے کلام پاک وچ اشعیا دے ایس 53 باب دے مقابلے وچ شاید ای مشکلاں نال اِک حوالہ ہووے (مارٹن لوتھر، لوتھر کی کہندا اےWhat Luther Says، کونکورڈیا پبلیشنگ ہاؤسConcordia Publishing House، فیر اشاعت1994، صفحہ 1147)۔

میں لوتھر دے نال تے ڈاکٹر ھنری ایم مورس دے نال متفق آں، جنہاں نے کہیا کہ ’’بائبل وچ مسیح دی متبادلیاتی موت دی مکمل ترین تے واضح ترین تشریح‘‘ اشعیا دا 53 واں باب اے (ھنری ایم مورس، پی ایچ۔ ڈی۔، بائبل دا دفاع کرن آلیاں دا مطالعہ The Defender’s Study Bible، ورڈ پبلیشنگ Word Publishing، 1995، اشعیا53:13 تے غور طلب گل)۔ ساڈے گناہواں لئی مسیح دے متبادلیاتی دُکھاں تے بائبل وچ ایہہ اکیلا عظیم تر باب اے۔ ایس واعظ وچ، میں مسیح دے دُکھاں دے بارے وچ تِن سوال پُچھاں گا تے ایس باب وچوں اُوہناں دا جواب دواں گا۔

I۔ پہلی گل، اشعیا نے کیوں فعل ماضی وچ لکھیا جدوں اُوہنے مسیح دے دُکھاں دے بارے وچ مستقبل وچ گل کیتی؟

ساڈے گناہ دی خاطر دُکھ چُکن لئی مسیح دے آن توں سَت سو ورے پہلاں اشعیا دا 53 واں باب لکھیا گیا سی۔ تے ایہدے باوجود اُو باب فعل ماضی وچ لکھیا گیا سی، ’’یقیناً اُوہنے ساڈے غم چُک لئے… اُو ساڈی خطاؤاں دے سبب نال گھائل کیتا گیا، اُو ساڈی بداعمالیاں دے باعث کُچلیا گیا سی؛ جیہڑی سزا ساڈی سلامتی دا باعث ہوئی اُو اُوہنے چُکی۔‘‘

ایس گل نوں سمجھن لئی راہ مکاشفہ 13:8) وچ پیش کیتی گئی اے، جیتھے اسی ’’اُوس بنائے عالم توں ذبح کیتے ہوئے برّہ‘‘ دے بارے وچ پڑھنے آں (مکاشفہ 13:8). داکٹر گِل نے کہیا کہ ’’اپنے لہو دے وسیلے نال اپنے لوکاں دی مخلصی لئی مسیح نوں ساڈے گناہواں دا کفارہ بنن لئی قبل ازیں مقرر کیتا گیا، تے قبل ازیں ای مسح کیتا گیا، بنائے عالم توں قبل‘‘ (جان گلJohn Gill، ڈی ڈی۔، نئے عہد نامے دی ایک تفسیرAn Exposition of the New Testament، دی بپٹسٹ سٹینڈرڈ بیئرر The Baptist Standar Bearer، فیر اشاعت1989، جلد سوئم، صفحہ 793)۔ خُدا دے مقصد وچ، مسیح نوں قبل ازیں مسح کیتا گیا سی، ویلے توں بوہتی پہلاں مقرر کر دِتا گیا سی، انسان دے گناہ دی خاطر دُکھ چُکن لئی تے ایویں خدا دے فیصلے تے مقصد وچ ’’بنائے عالم توں ای ذبح کیتا‘‘ سی۔ بائبل ایہدے بارے وچ گل کردی اے جدوں کہندی ایہہ کہندی اے،

’’خدا نوں ازل توں ای اپنی کاریگری دا علم اے‘‘ (اعمال15:18)۔

دُنیا دی ابتداء توں ای خدا نے انسان دے گناہ دی خاطر قربان ہون لئی مسیح نوں مسح کیتا سی۔ ایس ای لئی بائبل ایس بارے وچ دسدی اے

’’اِک بے عیب تے بے داغ برّہ یعنی مسیح دے لہو نال، جیہڑا دُنیا دے وجود وچ آن توں بیشتر ای چُن لہیا گیا سی لیکن تہاڈے لئی ایہدا ظہور ایہناں اخیرلے دِناں وچ کیتا گیا‘‘ (1پطرس1:19۔20)۔

اسی کہہ سکنے آں کہ خدا دا فرمان اُوس مکمل ہوئے عمل دے برابر سی۔ جدوں خُدا نے ساڈے گناہ دی خاطر مسیح دے دُکھاں دا فیصلہ کیتا تے اُو ایہناں ای بہتر سی جیہناں کہ اُو پورا ہویا۔ مسیح نوں دُنیا دے وجود وچ آن توں بیشتر ای خدا دے فیصلے تے ذبح کیتا گیا، لیکن ’’اُوہدا ظہور ایہناں اخیرلے ایام وچ کیتا گیا‘‘ (1پطرس1:20)۔ خُدا زمان و مکاں توں باہر رہندا اے۔ اُو اِختتام نوں ابتداء توں ای ویکھدا اے۔ ایس لئی، اشعیا مکمل طور تے ایہہ کہن وچ حق بجانب سی،

’’یقیناً اُوہنے ساڈے غم چُک لئے تے ساڈی بیماریاں برداشت کیتیاں اُو ساڈی خطاؤاں دے سبب نال گھائل کیتا گیا، اُو ساڈی بداعمالیاں دے باعث کُچلیا گیا سی؛ جیہڑی سزا ساڈی سلامتی دا باعث ہوئی اُو اُوہنے چُکی‘‘ (اشعیا53:4۔5)۔

II۔ دوجی گل، مسیح نے زمان و مکاں وچ ساڈے گناہواں نوں کدوں برداشت کرنا شروع کیتا سی؟

خُدا نے جیہڑا ’’دُنیا دے وجود وچ آن توں بیشتر قبل ازیں مسح کیتا… ظہور ہویا سی‘‘ زمان و مکاں تے، زمین تے مسیح دی حیاتی وچ ہویا سی (1پطرس1:20)۔ اشعیا نے کہیا،

’’یقیناً اُوہنے ساڈے غم چُک لئے تے ساڈی بیماریاں برداشت کیتیاں‘‘ (اشعیا53:4)۔

’’خداوند نے ساڈی ساریاں دی بدکاری اُوہدے تے لدّ دِتی‘‘ (اشعیا53:6)۔

زمان و مکاں وچ، ’’اخیرلے ایام وچ ظہور کیتا گیا،‘‘ اُوہدی مصلوبیت توں اِک رات پہلاں، گتسمنی دے باغ وچ مسیح تے ساڈے گناہواں نوں ’’لدّ دِتا گیا‘‘ سی (1پطرس1:20؛ اشعیا53:6)۔

اوتھے گتسمنی دے باغ دی تاریکی وچ نسل انسانی دے گناہواں نوں مسیح تے لدّ دِتا گیا سی۔ ’’خُداوند نے ساڈی ساریاں دی بدکاری اُوہدے تے لدّ دِتی‘‘ (اشعیا53:6)۔ سانوں دسیا گیا اے کہ اُو ’’خود اپنے ای بدن تے ساڈے گناہواں دا بوجھ لئے ہوئے سُولی تے چڑھ گیا‘‘ (1پطرس2:24)۔ لیکن اُوہناں گناہواں نوں ’’خود اُوہدے اپنے بدن وچ‘‘ اِک رات پہلاں رکھیا جا چُکیا سی۔ گتسمنی دے باغ وچ، اُوس رات دے اخیرلے پہر، ایہدے وچ تعجب دی کوئی گل نئیں مسیح نے کہیا، ’’غم دی شدت نال میری جان نکلی جا رئی اے‘‘ (متی26:38)۔

’’اُو سخت درد و کرب وچ مبتلا ہو کے ہور وی دِلسوزی نال دعا کرن لگیا تے اُوہدا پسینہ لہو دیاں بونداں وانگوں زمین تے ٹپکن لگیا‘‘ (لوقا22:44)۔

پس، گتسمنی دے باغ وچ، اُوہناں لوکاں دے اُوہنوں گرفتار کرن توں پہلاں ای مسیح تہاڈے گناہ نوں چُکن آلا بن گیا۔

مسیح دے دُکھاں تے نظر پانا ساڈے لئی اہم اے دوویں انبیانہ طور تے، دُنیا دے انتہائی وجود وِچ آن توں پیشتر تے تجرباتی طور تے اُوہدی مصلوبیت توں پہلاں گتسمنی دے باغ وِچ۔ میرے خیال چہ اُوس گل نوں ویکھنا انتہائی ای اہم اے ورنہ تُسی شاید اگلے دِن اُوہدے مار کھان تے مصلوبیت وِچ ایس قدر مگن ہو جاؤ گے کہ تُسی ایہدے اصل معنی دے بصیرت نوں کھو دیو گے۔ تہانوں شاید گِھن یا ترس محسوس ہووے، یا دوویں دا مِکسچر، تے اُوہدے دُکھاں دے نظارے دے معنی نوں کھو دیو گے تے اُوہدی شدید چاہت یا محبت دے بدترین حصے نوں بُھل جاؤ گے۔

لہٰذا اَسی ایہنوں اشعیا 53 باب وِچ انبیانہ طور تے ویکھنے آں۔ زمان و مکاں توں باہر نکل کے اَسی ویکھنے آں کہ ’’اُوہنے ساڈے غم چُک لہئے… تے خداوند نے اَساں ساریاں دی بدکاری اُوہدے تے لد دِتی‘‘ (اشعیا53:4، 6)۔ فیر اَسی اُوہدے تے نظر پانے آں جدوں اُو گتسمنی وِچ دعا منگدا اے، اُوہناں دے اُوہنوں گرفتار کرن، اُوہنوں مارن تے صلیب تے کِیلّاں دے نال اُوہنوں جڑن توں پہلاں۔ تے ایتھے گتسمنی وِچ، ایس سب توں اِک رات پہلاں، اَسی اُوہنوں خونی پسینہ وگاندے ہوئے ویکھنے آں تے اُوہنوں دعا منگدے ہوئے سُننے آں، ’’غم دی شدت نال میری جان نکلی جا رئی اے‘‘ (متی26:38)۔ اَسی ویکھنے آں کہ ایتھے باغ وِچ، لوکاں دے ذریعے توں گرفتار کیتے جان تے اذیتاں دین توں پہلاں، اُو پہلاں ای توں ساڈے گناہ نوں چُکن آلے دی حیثیت نال پہلاں ای توں دُکھ چک رہیا اے۔ ایس گل توں تہانوں گِھن تے ترس کھان، تعجب کرن تے حیران ہون توں دور ہون وِچ تحریک ملنی چائیدی اے۔ میں کوئی ’’نئی‘‘ تھیالوجی پیش نئیں کر رہیا آں۔ مکمل کفارہ صلیب تے دِتا گیا سی۔ میں محص ایس گل دی نشان دہی کر رہیا واں کہ اِک رات پہلاں ای مسیح گناہ نوں چُکن آلا بن گیا سی۔ ڈاکٹر جان آر رائس نے کہیا، ’’گتسمنی دے باغ وِچ کوئی وی مسیح دے لامحدود دُکھاں نوں نئیں جان سکدا…‘‘ (جان آر رائس، ڈی ڈی۔ John R. Rice, D.D.، متی دی انجیل دے مطابقThe Gospel According to Mathew، خداوند دی تلوارSword of the Lord، 1980، صفحہ 443)۔

کی تُسی کدی وی سوچیا کہ مسیح دی شدید چاہت یا محبت دے لئی ایتھے کیوں دو انتہائی واضح ترین ردعمل نے؟ کُج لوکی تے خون خرابے دی وجہ توں بغاوت تے اُتر آندے نے۔ دوجے لوکی سوچدے نے ایہہ اِک آئل پینٹینگ وانگوں بوہتی خوبصورت اے۔ کُج بدصورتی ویکھدے نے۔ کُج دوجے خوبصورتی ویکھدے نے۔ کیوں ردعمل ایہنے مختلف نے؟ میرے خیال چہ ایس دا جواب محسوس کرن آلے بندے دے دِل وِچ پہناں اے۔ جے دِل نوں مسیح دے دُکھاں دی وجہ دے بارے چہ آگاہی نئیں اے تے فیر ایہہ اِک بدصورت تے ظالم گل ظاہر ہوندی اے۔ سب توں بہترین جیس گل دی توقع اَسی کر سکنے آں اُو ایہہ اے کہ ایس قسم دا بندہ مسیح دے لئی ترس محسوس کرے گا جیویں اُو اِک زخمی تے مردے ہوئے جانور دے لئی شاید ترس محسوس کردا اے۔ لیکن ایتھے تے ترس کھانا وی غلط ردعمل اے۔ خصوصی طور تے بغاوت تے اُتر آنا تے غلط ای اے – لیکن اینج ای ترس کھانا وی اے۔ درست ردعمل تعجب، محبت، تے متاثر ہونا ہوندا اے۔ لیکن ایہہ اِک ہستی دے کول صرف خدا دی غیبی ہدایت نال ای آ سکدا اے۔

جدوں اَسی دُنیا دے وجود چہ آن توں بیشتر تے گتسمنی دے باغ وِچ، مسیح دے دُکھاں تے انبیانہ طور تے نظر پانے آں تے اَسی ویکھنے آں کہ مسیح دے دُکھاں دی وجہ، گناہ تے اُوہدے نتائج نال، ساڈی مخلصی دے لئی سی۔ اُوس راتی، اُوہدے گرفتار ہون توں پہلاں، گتسمنی دے باغ وِچ مسیح دے دُکھاں دے بارے وِچ جوزف ہارٹ نے اپنے مشہور حمدوثنا دے گیت وِچ کہیا،

خدا دے تکیلف زدہ پُتر نوں ویکھو،
ھنمبدا، کرہاندا، لہو پسینے وانگوں ونگاندا ہویا!
الہٰی پیار دیاں لامحدود گہرائیاں!
یسوع، تیرا اُو پیار کیہو جیہا سی!
   (’’تیرے انجانے مصائب Thine Unknown Sufferings‘‘ شاعر
      جوزف ہارٹJoseph Hart، 1712۔1768)۔

III۔ تیجی گل، سانوں نجات دلان دے لئی مسیح نے کی کیتا سی؟

مہربانی نال اشعیا53:5 آیت تے نظر پاؤ۔ آؤ کِھلو جاؤ تے ایس آیت نوں اُوچی واج نال پڑھو۔

’’لیکن اُو ساڈی خطاواں دی وجہ توں گھائل کیتا گیا تے ساڈی بداعمالی دی وجہ توں کُچلا گیا۔ جیہڑی سزا ساڈی سلامتی دی وجہ بنی اُو اُوہنے چُکی تے اُوہدے کوڑے کھان نال اَسی شفایاب ہوئے‘‘ (اشعیا53:5)۔

تُسی تشریف رکھ سکدے اُو۔ ’’اُوہدے کوڑے کھان نال [واقعی چہ ’کوڑے کھان‘] نال اَسی شفایاب ہونے آں۔‘‘ کیس شے توں شفایاب ہونے آں؟ گناہ دی تے موت دی بیماری توں، گناہ دی بیماری دے نتائج توں شفایاب ہونے آں۔ تُسی باطنی طور تےشفایاب ہوندے اُو جدوں تُسی نیا جنم لیندے اُو تے خدا دا تصور تہاڈے دِلاں وِچ بحال ہو جاندا اے۔ تُسی ظاہری طور تے شفایاب ہو جاندے اُو جدوں مسیح دا لہو تہاڈے گناہواں نوں خدا دے ریکارڈ وِچوں پاک صاف کر دیندا اے۔ تُسی رُتباتی طور تے شفایاب ہو جاندے اُو جدوں تُسی تاریکی توں باہر نکل کے نور وِچ آ جاندے اُو۔ تُسی تجرباتی طور تے شفایاب ہو جاندے اُو جدوں تُسی حیاتی دے نئے پن وِچ ٹُرن دے لئی اُٹھ کِھلوندے اُو۔ ایہہ ساری دی ساری شفایابیاں – باطنی، ظاہری، رُتباتی تے تجرباتی – ایہہ ساری دی ساری عظیم روحانی شفایابیاں مسیح دے دُکھاں تے اُوہدے مُردیاں وِچوں جی اُٹھن نال جاری ہوندیاں نے۔

جے تُسی گناہ وَل خدا دے پاک غصے نوں سمجھ پاؤ تے تُسی ویکھ پاؤ گے کیوں مسیح نوں تہاڈی تھاں تے دُکھ چکنے پیہئے سن۔ جے پاک روح تہانوں گناہ دے بارے چہ قائل کرتدا اے تے اُودھوں فیر تُسی اپنے گناہ وَل خدا دے راستباز غصے دے بارے چہ سوچنے دے لئی تیار ہو جاؤ گے۔ جے تُسی کہہ پاؤ۔ ’’میرا گناہ میرے اَگے اے،‘‘ فیر تُسی مسیح دی شدید چاہت دی اہمیت نوں سمجھنا شروع کر جاؤ گے (زبور51:3)۔ لیکن تُسی جیہو جئے ہو اینج ای جینا جاری رکھو گے تے مسیح دے دُکھ تے موت اِک خوفناک کہانی دے مقابلے چہ تہانوں کوئی بوہتے اہم وکھائی نئیں دین گے۔

ویکھو، اِک بوہتی وڈی سونامی نے انڈونیشیا، تھائی لینڈ، جنوب مشرقی ایشیا دے دوجے حصیاں تے انڈیا دے ساحل نوں زیر آب کر دِتا۔ ایہہ گل خبراں وِچ ہفتیاں تیکر آندی رئی۔ ہزاروں لوکی مرے۔ اخبارات تے ٹیلی ویژن تے اُوہناں دے مُردہ جسماں دی تصویراں وکھائی دیندیاں رہیاں۔ لیکن ایہدے نال تہاڈے تے کوئی فرق نئیں پیندا۔ ایہنے تہانوں ذاتی طور تے نئیں چھویا۔

لیکن کی ہوندا جے تُسی اُوتھے رئے ہوندے، انڈونیشیا دے ساحل توں پرے جزیریاں وِچوں کسی اِک [جزیرے] تے؟ کی ہوندا جے تُسی اپنے وَل سٹھ فٹ اُوچی بپھردی ہوئی اِک بوہتی وڈی سمندری لہر [سونامی] آندی ہوئی ویکھی ہوندی؟ میں تہانوں یقین دلا سکنا آں کہ اُوہدا تہاڈے تے اثر پیہا ہوندا! تے جے کسی نے تہانوں اُوس عفریتی [سونامی دی] لہر توں معجزاتی طور تے بچا لہیا ہوندا، تے تُسی اُوس بندے تے بارے چہ بوہتی عزت نال سوچدے تے جدوں تیکر جیوندے رہندے اُوہنوں کدی وی نہ بُھل پاندے۔

تے اینج ای مسیح دے نال وی اے۔ جے تُسی سزا دی عفریتی لہر نوں آندا ہویا ویکھدے تے اپنے گناہ دے ہولناک خطرے نوں بھانپ جاندے تے تُسی مسیح دے بارے وِچ بوہتا زیادہ حمایتی طور تے سوچدے۔ فیر تُسی اُوہدے دُکھاں دے لئی بوہتا زیادہ احترام رکھ پاندے، جِنہاں نال تُسی نجات پائی، تے اُوہدے لہو نوں، جِہنے تہانوں گناہ توں پاک صاف کیتا۔ فیر تُسی اشعیا دے نال کہندے،

’’یقیناً اُوہنے ساڈی بیماریاں برداشت کیتیاں تے ساڈے غم چُک لہئے: فیراَسی اُوہنوں خدا دا ماریا، کوٹیا تے ستایا ہویا سمجھیا۔ لیکن اُو ساڈی خطاواں دی وجہ توں گھائل کیتا گیا تے ساڈی بداعمالی دے باعث کُچلا گیا۔ جیہڑی سزا ساڈی سلامتی دا باعث ہوئی اُو اُوہنے چُکی تے اُوہدے کوڑے کھان دی وجہ توں اَسی شفایاب ہوئے‘‘ (اشعیا53:4۔5)۔

جے تُسی مسیح وِچ نجات دے بارے چہ میرے نال گل کرنا پسند کردے اُو تے مہربانی نال ہُنے ای کمرے دے پچھلے پاسے ٹُر جاؤ۔ ڈاکٹر کیگن تہانوں میرے آفس وِچ لے جان گے جیتھے تُسی یسوع مسیح وِچ نجات دے بارے چہ تنہائی وِچ گل کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔