ویکھو ایہہ خدا دا برّہ اے – محترم جناب جان ویزلی، ایم۔ اے۔ دی رائے دے نال | Behold the Lamb of God - With Comments by the Rev. John Wesley, M.A.

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

یوحنا اصطباغی دا صرف اِک ای مقصد سی – مسیح دا گواہ بننا۔ اُوہدی حیاتی دا سارا مرکز نجات دہندہ وَل گنہگاراں نوں متوجہ کرنا! خدا کرے کہ ساڈا وی اینج ای کرن دا مقصد ہووے۔ خدا کرے کہ اَسی وی شاہراہواں تے جھاڑیاں وِچ باہر جائیے تے اِعلان کریے،

’’ویکھو ایہہ خدا دا برّہ اے جیہڑا دُنیا دا گناہ چُک لے جاندا اے‘‘ (یوحنا 1:29).

یوحنا یسوع دے بارے وِچ بوہتا کُج جانندا سی۔ اُوہنے شاید ساڈے خدا دے بارے چہ بہوتیاں گلاں وَل اشارہ کیتا ہوندا۔ اُوہنے شاید یسوع نے اِک عظیم اُستاد کہیا ہوندا یا اِک عظیم مثال۔ لیکن ایس دے بجائے، یوحنا نے اعلان کیتا کہ مسیح دُنیا وِچ گناہ دی قربانی دے طور تے آیا۔ اُوہنے نئیں کہیا، ’’ایہہ اے عظیم اُستاد۔‘‘ اُوہنے نئیں کہیا، ’’ایہہ اے اِک عظیم مثال۔‘‘ ایہدے بجائے اُوہنے کہیا،

’’ویکھو ایہہ خدا دا برّہ اے جیہڑا دُنیا دا گناہ چُک لے جاندا اے‘‘ (یوحنا 1:29).

کوئی شاید کہہ سکدا اے کہ یوحنا نے توبہ دی منادی کیتی سی۔ بے شک اُوہنے کیتی سی۔ کسی نے وی سانوں ایس قدر شدت دے نال توبہ تے منادی نئیں کیتی سی جنہی کہ یوحنا نے کیتی۔ تے ایس دے باوجود یوحنا دی منادی اِک اِخلاقی مضمون نئیں اے۔ اُو جانندا سی تباہ حال گنہگاراں دی کوئی مدد نئیں ہو سکدی جدوں تیکر کہ اُو اُوہناں دی رہنمائی خدا دے برّے وَل نہں کردا۔ کیوں جے اُو جانند سی کہ کُج وی نئیں، تے کوئی اِک وی نئیں اے جیہڑا اُوہناں دے گناہ چُک کے لے جا سکے گا۔

جے تُسی کدی وی گناہ دے تحت سزایابی وِچ نئیں آئے اُو، تے تُسی شاید سوچ سکدے اُو کہ تُسی اپنے نیک کماں دی وجہ توں جنت وِچ داخل ہو سکدے اُو۔ تُسی شاید نئیں سوچ سکو کہ تہانوں لوڑ اے یسوع، خدا دے برّے دے ذریعے توں اپنے گناہواں نوں چُکوا کے لے جان دی۔ لیکن جے تُسی اپنے گناہوں دے ہیٹاں دبے ہوئے اُو، جیویں کہ اُو لوکی جِنہاں دے بارے چہ یوحنا نے گل کیتی سی تے تہانوں احساس ہووے گا کہ کوئی وی تہاڈی غلطیاں نوں پاک خود دے حضور وِچ نئیں لے جا سکدا ماسوائے یسوع دے۔

’’ویکھو ایہہ خدا دا برّہ اے جیہڑا دُنیا دا گناہ چُک لے جاندا اے‘‘ (یوحنا 1:29).

خوشخبری دین آلے مبلغین دے لئی اِک پسندیدہ تلاوت اے کیوں جے ایس دے بغیر اُوہناں دے کول پریشان گنہگاراں نوں کہن دے لئی گھٹ ای کُج ہوندا اے۔

میں یوحنا اصطباغی جیہاں ہونا چاہنا واں۔ میں اپنی تبلیغ نوں مسیح دی کفاراتی موت تے مرکوز کرنا چاہنا واں۔ میں اپنی تبلیغ دا مرکزی موضوع ایہہ رکھنا چاہنا واں

’’یسوع مسیح، تے اُوہی مصلوب‘‘ (1۔ کرنتھیوں 2:2).

میں چاہنا واں کہ گواچے ہوئے گنہگار جیہڑے ایس گرجا گھر وِچ آندے نے خوشخبری دا پہلا موضوع واضح طور تے سُن لین۔

’’مسیح ساڈے گناہواں دے لئی قربان ہویا‘‘ (1۔ کرنتھیوں 15:3).

ایس لئی، آؤ ساڈا مرکزی موضوع وی اُوہی ہون دیو جیہڑا یوحنا اصطباغی دا سی،

’’ویکھو ایہہ خدا دا برّہ اے جیہڑا دُنیا دا گناہ چُک لے جاندا اے‘‘ (یوحنا 1:29).

دوجے ساید بائبل دی آیت بہ آیت تعلیم دین، ’’بکریاں نوں کِھلا پِلا کے‘‘ فیر اُوہناں نوں پیڈھاں [بھیڑوں] وِچ بدلن دی کوشش کرن۔ لیکن میں کسی ہور نجات دے بارے وِچ نئیں جانندا ماسوائے تبادلے دے ذریعے توں، تے کوئی ہُور تبادلہ نئیں ماسوائے مسیح مصلوب دے۔

’’یقیناً اُوہنے ساڈی بیماریاں برداشت کیتیاں تے ساڈے غم چُک لئے‘‘ (اشعیا 53:4).

میرا کم، میری حیاتی دے ختم ہون تیکر، یوحنا اصطباغی دے نال اِعلان کرنا اے،

’’ویکھو ایہہ خدا دا برّہ اے جیہڑا دُنیا دا گناہ چُک لے جاندا اے‘‘ (یوحنا 1:29).

ہُن، اپنی تلاوت تے سنجیدگی نال غور کردے ہوئیاں، میں چاہنا واں کہ تُسی بوہتی گلاں تے غور کرو۔

I۔ پہلی گل، یوحنا نے آپئے اُوہدی سچائی ویکھی سی۔

31 آیت وِچ یوحنا نے کہیا، ’’میں آپئے اُوہناں نئیں جانندا سی۔‘‘ کُج لوکی کہندے نے کہ ایہہ دوویں کدی ملے ای نئیں سن۔ لیکن میرا ایس تے یقین کرنا بوہتا مشکل لگدا اے۔ یوحنا اپنی ساری حیاتی وِچ یسوع نوں جانندا سی۔ ایس لئی، جدوں یوحنا نے کہیا، ’’میں آپئے اُوہناں نئیں جانندا سی،‘‘ تے میں اِک ہُور مطلب ویکھنا واں۔ یوحنا یسوع نوں جانندا سی، لیکن اُو اُوہنوں گناہ نوں چُکن آلے دے طور تے نئیں جانندا سی۔ یوحنا یسوع دا رشتہ دار سی، تے ضرور اے کہ اُو اُوہنوں بچپن توں ای جانندا سی۔ لیکن اُو اُوہنوں گناہ نوں چک کے لے جان آلا، خدا دے برّے دے طور تے نئیں جانندا سی۔

لیکن جدوں یوحنا نے یسوع نوں دریائے یردن دے پانیاں چہ بپتسمہ دِتا، تے آسمان توں خدا نوں کہندے ہوئے سُنیا، ’’ایہہ میرا اکلوتا پُتر اے‘‘ (متی3:17) تے اُوہنوں یقین ہو گیا کہ یسوع کون سی۔ اُوس لمحے توں، یوحنا نے نڈر ہو کے منادی کیتی ’’ایہنوں غور نال ویکھو۔‘‘ خود آپئے ویکھو! ایہہ اے خدا دا برّہ ’’جیہڑا جہاں دے گناہ چُک لے جاندا اے۔‘‘

میں اُمید کرنا واں کہ شاید تُسی خود توں یسوع نوں اپنے گناہ دی قربانی دے طور تے جانندے ہوو۔ تہاڈے وِچوں کُج نے اپنے بچپن توں سیکھیا اے کہ یسوع خدا دا برّہ اے۔ لیکن جیہڑا تُسی بائبل توں سِکھیا اے ضروری اے کہ تہاڈے دِل وِچ اُجاگر کیتا جائے ورنہ تُسی آپئے نئیں جان پاؤ گے کہ یسوع تہاڈے گناہ چُک کے لے جا سکدا اے۔

میں دعا کرنا واں کہ تہانوں مسیح دا اِک واضح تجربہ ہووے جیہڑا گناہ نوں چُک کے لے جان آلا خدا دا برّہ اے تے اپنے دِل وِچ ایہنوں لِکھ لینا چائیدا اے کیوں جے فیر کُج وہ تہانوں ایس توں جدا نہ کر سکے گا۔ جدوں لوکی مسیح دے ذریعے توں آپئے اپنے قصوراں توں نجات پاندے نے تے فیر ایہہ سچائی اُوہناں دے باطنی تجربے دا حصہ بن جاندی اے تے ایہہ اُوہناں توں کدی وی نئیں جدا کیتی جا سکدی۔

فیر تُسی چھیتی ای [ایس گل تے] کہ مسیح نے تہاڈے گناہ آپئے اپنے پینڈے تے سولی تے چُکے تے کہ اُوسی دے ذریعے توں تُسی خدا دے نال صلح وِچ آندے اُو تے شک کرن دے مقابلے وِچ خود اپنی ہستی تے شک کرو گے۔ ایہہ یوحنا دے نال ذاتی تجربے دا اِک معاملہ سی، تے اینج ای تہاڈے نال وی ہونا چائیدا اے۔

II۔ دوجی گل، یوحنا نے مسیح دی مناید ’’ایہو ای اے‘‘ قربانی دی حیثیت نال کیتی سی۔

’’ویکھو ایہہ خدا دا برّہ اے جیہڑا دُنیا دا گناہ چُک لے جاندا اے‘‘ (یوحنا 1:29).

یوحنا پیڈھاں دے بارے چہ جِنہاں نوں پرانے عہدنامے وِچ قربان کتیا جاندا سی جانندا سی۔ اُوہنے ہر روز ہیکل وِث پیڈھاں نوں ذبح ہوندے ویکھیا سی۔ لیکن یوحنا نے یسوع وَل اشارہ کیتا تے کہیا، ’’ایہہ اے خدا دا برّہ۔‘‘ ’’ایہہ اے اُوہی بھیڑ۔‘‘ دوجی تمام پیڈھاں جِنہاں دی یہودی ہیکل وِچ قربانی دیندے سی، اُو اُوہدی اقسام تے نشان دہی کردی رہیاں سن۔ ’’ایہہ اے اُوہی خدا دا برّہ۔‘‘

ایہہ اِک بوہتی وڈی گل اے جدوں اِسی اِک نقطے تے اپنی گواہی نوں مرکوز کر سکدے نے – اُوہی برّہہ۔ لہٰذا بُہتیریاں ’’گواہیاں‘‘ اَج دوجیاں گلاں تے توجہ دیندیاں نے۔ لوکی تقریباً ہر گل دے بارے وِچ گلاں کردے نے ماسوائے خدا دے برّے دے۔ ایویں لگدا اے کہ اَج مسیحی گواہی دے لئی کُج وی منیا جا سکدا اے۔ لیکن ایہو جئی کئی گواہیاں تے شک کرنا واں۔ میں جاننا واں کہ آیا اِک بندے دے کول ’’خدا دا برّہ جیہڑا جہاں دے گناہ چُک لے جاندا اے‘‘ دے بارے وِچ کہن دے لئی کُج ہے۔ جے اِخ شخص نوں تھوڑا بوہتا یا ماڑا جیہا وی مسیح، خدا دے برّے دے بارے وِچ کہن نوں نئیں اے تے میں اُوس اِک دے لئی نئیں سوچ سکدا کہ اُو مسیح وِچ تبدیل ہویا اے۔ کیوں؟ کیوں جے مسیح، خدا دا برّہ جیہڑا جہاں دے گناہ چُک لے جاندا اے اُوہدے علاوہ کدرے ہُور نجات ہے ای نئیں – ایس لئی!

’’نجات کسی ہُور دے وسیلہ توں نئیں اے: کیوں جے آسمان دے ہیٹاں لوکاں نوں کوئی دوجا ناں نئیں دِتا گیا اے، جیس دے وسیلہ توں اَسی نجات پا سکیے‘‘ (اعمال 4:12).

III۔ تیجی گل، یوحنا نے مسیح دی منادی ’’خدا دی‘‘ قربانی دے طور تے کیتی سے۔

’’ویکھو ایہہ خدا دا برّہ اے جیہڑا دُنیا دا گناہ چُک لے جاندا اے‘‘ (یوحنا 1:29).

’’ایہہ خدا دا برّہ اے۔‘‘ ایہناں لفظاں وِچ معنی دی انتہائی گہرائی اے۔

اُو کون سی جیس نے خدا دے برّے دی قربانی دِتی سی؟ اُو کون سی جیس نے سولی تے مسیح نوں زخمی کیتا سی؟ اُو کی سی جیس نے مسیح نوں رنجیدہ کیتا سی؟ کیس نے اُوہنوں سب توں بدترین درد دِتا سی جدوں اُو سولی تے چِلایا سی،

ایہہ خدا دے ’’مقررہ انتظام تے علم سابق‘‘ دے مطابق ’’مصلوب ہوئے تے ذبح کرن‘‘ دے لئی پکڑوایا گیا (اعمال 2:23)۔

’’ایہہ خداوند دی مرضی سی کہ اُوہنوں کُچلے تے غمگین کرے‘‘ (اشعیا 53:10).

یسوع ’’خدا دا برّہ‘‘ اے۔ جدوں تُسی مسیح تے یقین کردے اُو، تے تُسی آپئے خدا دی گناہ دے لئی قربانی تے یقین کر رئے ہوندے اُو۔ جدوں تُسی آپئے خدا دی گناہ دے لئی قربانی تے یقین کردے اُو تے فیر اُو تہانوں مسترد نئیں کر سکدا اے۔ مسیح دی قربانی تہاڈے گناہ نوں ڈھانپدی اے تے تہانوں خدا دی حضوری وِچ پاک صاف بنادی اے۔

IV۔ چوتھی گل، یوحنا نے مسیح دے منادی ساڈے گناہواں نوں چکن آلے تے برداشت کرن آلے دے طور تے کیتی سی۔

’’ویکھو ایہہ خدا دا برّہ اے جیہڑا دُنیا دا گناہ چُک لے جاندا اے‘‘ (یوحنا 1:29).

یونانی زبان وِچ ’’چُک لے جان‘‘ دے ترجمے دا مطلب ’’برداشت کرنا، پرے لے جانا‘‘ اے (فریٹز رائنیکر Fritz Rienecker، یونانی نئے عہد نامے دے لئی زباندانی دی کُلید A Linguistic Key to the Greek New Testament، ژونڈروان Zondervan، 1980، صفحہ 220)۔ ایتھے دوویں مطلب نے۔ خداوند یسوع نے ساڈے گناہ برداشت کیتے، تے اُو اُوہناں نوں چُک کے وی لے گیا۔ بائبل ایس نال بھری پئی اے۔

’’خداوند نے اَساں ساریاں دی بدکاری اُوہدے تے لد دِتی‘‘ (اشعیا 53:6).

’’اُو آپئے اپنے ای پینڈے تے ساڈے گناہواں دا بوجھ چُکے ہوئے سولی تے چڑھ گیا‘‘ (1۔پطرس 2:24).

مسیح نے دُنیا دا گناہ سولی تے برداشت کیتا سی۔

لیکن سب توں بہترین، مسیح نے ناصرف گناہ دا بوجھ برداشت کیتا، اُو اُوہنوں چُک کے وی لے گیا!

’’ویکھو ایہہ خدا دا برّہ اے جیہڑا دُنیا دا گناہ چُک لے جاندا اے‘‘ (یوحنا 1:29).

جے تُسی یسوع تے یقین کردے اُو تے تہانوں ’’میرا گناہ کیتھے اے؟‘‘ پوچھن دی لوڑ نئیں اے۔ اُوہنے تہاڈا گناہ چُک لہیا اے، ایہنوں برداشت کیتا اے تے اُوہنوں چُک کے لے گیا اے! ایہہ ہمیشہ دے لئی چلا گیا اے – مکمل طور تے ختم ہو گیا اے۔ ایہہ اِک یقین کرن، جین تے مرن دے قابل خوشخبری اے۔ اُو سارے لوکی جیہڑے ایہدی مخالفت چہ تبلیغ کردے نے معلون نے۔ ایہہ اُوہناں دے لئی نجات اے جِنہاں دے گناہ اُوہناں نوں جہنم وَل دھکیل رئے نے۔ تہاڈے گناہ مٹائے جا سکدے نے کیوں جے یسوع اے

’’خدا دا برّہ جیہڑا دُنیا دا گناہ چُک لے جاندا اے‘‘ (یوحنا 1:29).

’’تے اُوہدے پُتر یسوع دا لہو سانوں ہر گناہ توں پاک کردا اے‘‘ (1۔ یوحنا 1:7).

اوہ! قیمتی اے اُو بہاؤ جیہڑا مینوں برف وانگوں سفید بناندا اے؛
میں دوجا ایہو جیہا کوئی چشمہ نئیں جانندا ، کوئی نئیں جیہڑا مسیح دے لہو توں ہو۔
(’’کوئی نئیں مگر لہو Nothing but the Blood‘‘ شاعر رابرٹ لعوری Robert Lowry، 1826۔1899)۔

V۔ پنجویں گل، یوحنا نے مسیح دی منادی گناہ نوں مسلسل ہٹان آلے دے طور تے کیتی سی۔

’’ویکھو ایہہ خدا دا برّہ اے جیہڑا دُنیا دا گناہ چُک لے جاندا اے‘‘ (یوحنا 1:29).

یوحنا فعیل ماضی وِچ گل نئیں کردا اے، نا ای فعل مستقبل وِچ گل کردا اے۔ اُو فعل حال وِچ گل کردا اے۔ بالکل ہُنے، ’’اُو دُنیا دے گناہ چُک لے جاندا اے۔‘‘ بے شک ایہہ اِک وری ای ہویا سی، مسیح دی قربانی دا تاثر ہمیشہ دے لئی جاری رہندا اے۔ مسیح وقت چہ اِک خاص موقعے تے فوت ہویا، ایس دے باوجود اُو ہلے وی گناہ چُک لے جاندا اے۔ بطور عظیم پاکیزہ کرن آلے دے اُو مسلسل جہاں دے گناہ چُک لے جاندا اے تے چُک کے لے جانا جاری رکھدا اے۔

لیکن تہانوں آپئے خدا دے برّے تے پرہوسا کرنا چائیدا اے۔ تہانوں ضرور اُوہنوں آپئے جاننا چائیدا اے۔ تہانوں آپئے اُوہنے تے یقین کرنا چائیدا اے۔ فیر اُو یقیناً گناہ چُک لے جائے گا جیہڑے ہُن تہاڈے لئی بوجھ تے سزایابی دے لئی ہوندے نے۔ تُسی ٹھہرائے جاؤ گے

’’مسیح دے لہو بہان دے باعث راستباز‘‘ (رومیوں 5:9).

اُو تہاڈے گناہ دے دھبے دھو ڈالے گا۔ ایہہ خدا دی حضوری وِچ وجود نئیں رکھن گے۔ تُسی ایہدے توں ہمیشہ دے لئی آزاد ہو جاؤ گے۔ خدا یسوع مسیح تے پرہوسا کرن دے لئی تہاڈی مدد کرے، جیہدی میں گل کرنا آں۔

VI۔ چھٹی گل، یوحنا نے مسیح دی قربانی دی ساری کاملیت دی منادی کیتی سی۔

’’ویکھو ایہہ خدا دا برّہ اے جیہڑا دُنیا دا گناہ چُک لے جاندا اے‘‘ (یوحنا 1:29).

ایتھے کوئی ایہو جیہا گناہ نئیں اے جیہڑا اُو چُک کے نئیں لے جا سکدا۔ سولی تے اُوہدی قربانی دی قیمت دی کوئی انتہا نئیں اے۔ اُو دُنیا دا گناہ چُک لے جاندا اے۔ تے کوئی دوجا نئیں اے جیہڑا تہاڈے گناہ چُک کے لے جا سکدا ہووے۔ ایتھے کوئی قربانی یا کفارہ نئیں اے۔ ’’عارضی عذاب‘‘ وِچ کوئی شفا بخش درداں گناہ نوں چُک کے نئیں لے سکدیاں نے۔ کوئی کڑواہٹ یا ندامت گناہ چُک کے نئیں لے جا سکدی اے۔ تنہا یسوع ای دنیا دا گناہ چُک کے لے جا سکدا اے۔ ایس دے علاوہ کوئی دوجا نئیں اے۔ مسیح نے ساری دُنیا دے لئی ایہہ ممکن بنا دِتا کہ اپنا گناہ مِٹا سکے۔ لیکن تہانوں مسیح نوں آپئے اپنانا چائیدا اے۔

’’جہیڑا کوئی پیاسا ہووے اُو آئے تے آبِ حیات مفت حاصل کر لے‘‘ (مکاشفہ 22:17).

’’جیہڑا ایمان نئیں لہیائے اُو مجرم قرار دِتا جائے گا‘‘ (مرقس 16:16).

ایہہ ضروری اے کہ تُسی اپنے آپ نوں مسیح دے لئی وقف کر دیو، تے فیر ایہہ کلام اپنی ساری بھرپوری وِچ تہاڈا ہووے گا

’’ویکھو ایہہ خدا دا برّہ اے جیہڑا دُنیا دا گناہ چُک لے جاندا اے‘‘ (یوحنا 1:29).

ہُنے تیکر، میں تہانوں سپرجیئین دے عظیم واعظ دا سادہ تے مختصر کیتا گیا نسخہ پیش کیتا اے، ’’ایہہ خدا دا برّہ اے‘‘ (دی میٹروپولیٹن عبادت گاہ دی واعظ گاہ توں The Metropolitan Tabernacle Pulpit، پِلگرم اشاعت خانے Pilgrim Publications، 16اکتوبر توں 1974تیکر دوبارہ اشاعت، 1887، جلد XXXIII، صفحات 565۔576)۔ لیکن میں اِک ہور گل دا اضافہ کراں گا۔

VII۔ ستویں گل، یوحنا نے سانوں دسیا کہ کیویں مسیح دی قربانی دے فیض نوں پایا جائے۔

’’ویکھو ایہہ خدا دا برّہ اے جیہڑا دُنیا دا گناہ چُک لے جاندا اے‘‘ (یوحنا 1:29).

لفظ ’’توجہ دین‘‘ دا مطلب اے ’’ویکھنا، دھیان دینا۔‘‘ یونانی لفظ ’’آئیڈیاidea‘‘ اے۔ ایہہ فعل لازم imperative mood وِچ اے، جیس دا مطلب اے کہ یوحنا تہانوں مسیح وَل ویکھن دے لئی اُکسا رہیا اے۔ ایہو ای گناہ توں نجات پان دا طریقہ اے۔ مسیح نوں ایمان دے نال ویکھو! اُوہدے تے ایمان دے نال دھیان دیو!

اِک جرمن پادری مسٹر سپینجنبرگ Mr. Spangenberg نے جان ویزلی John Wesley (میتھوڈسٹ کلیسیا دے بانی جیہڑی کدی ایہو جئی سی) نوں پُچھیا، ’’کی تُسی یسوع مسیح نوں جانندے اُو؟‘‘ ویزلی جنہاں نے ہُنے تیکر مسیح وِچ ایمان لہیا کے تبدیلی نئیں پائی سی، اُوہناں نے جواب دِتا، ’’میں وقفہ دِتا تے کہیا، ’میں جاننا واں کہ اُو دُنیا دا نجات دہندہ اے۔‘ ’سچ،‘ اُوہنے جواب دِتا، ’لیکن کی تُسی جانندے اُو کہ اُوہنے تہانوں بچایا اے؟ میں جواب دِتا، ’میں اُمید کرنا آں کہ اُو مینوں بچان دے لئی مریا سی۔‘ اُوہنے صرف اضافہ کیتا، ’کی تُسی آپئے جانندے اُو؟‘ میں کہیا، ’ہاں میں آپئے جاننا واں۔‘ لیکن مینوں ڈر اے کہ اُو فضول [جھوٹے، تصوراتی] الفاظ سن‘‘ (جان ویزلی دا جریدہ John Wesley’s Journal، 7 فروری، 1736)۔

دو وریاں تے تِن مہینیاں دے بعد ویزلی ہُنے تیکر کوشش کر رئے سن، نجات پان دی بے یقینی وِچ۔ اُوہناں نوں اپنی ڈائری وِچ درج ذیل لکھن توں پہلاں خدا دے خلاف دو ورے تے تِن مہینیاں دی جدوجہد کرنی پئی سی:

’’میں تلاش کرن دے لئی حل لبھ لہیا سی … میرے لئی مسیح دے لہو بہان دے مکمل پرہوسے وِچ، اُوسی وِچ اِک مکمل پرہوسا‘‘ (جان ویزلی کا جریدہ، 14 مئی، 1738،اُوہدا اصرار)۔

کُج دِناں دے بعد، 24مئی 1738 وِچ شام نوں 8:45 تے ویزلی بائبل دے مطالعے دے اِک گروہ دے نال سن۔

شام نوں میں شدید ناچاہندے ہوئے وی اِک ہم خیال لوکاں دی تنظیم دی [اِک میٹنگ] لئی ایلڈرز گیٹ سٹریٹ گیا، جیتھے اِک بندہ رومیوں دے ناں مراسلے تے لوتھر دا افتتاحیہ پڑھ رہیا سی۔ رات دے نو وجن توں پندرہ منٹ پہلاں، جدوں کہ اُو اُوس تبدیلی دے بارے وچ بیان کر رہیا سی جیہڑی خُدا مسیح وچ ایمان دے ذریعے نال دِل وچ اُجاگر کردا اے… میں محسوس کیتا کہ میں یسوع وچ پرہوسا کردا سی، نجات لئی کلیاں یسوع وچ؛ تے مینوں اِک یقین دھانی دِتی گئی سی، کہ اُوہنے میرے گناہواں نوں چُک لہیا سی، ایتھوں تیکر کہ میرے، تے مینوں گناہ تے موت دے قانون توں نجات دِتی سی‘‘ (جان ویزلی دا جریدہ، 24مئی، 1738، اصرار اُوہدا)۔

’’ویکھو ایہہ خدا دا برّہ اے جیہڑا دُنیا دا گناہ چُک لے جاندا اے‘‘ (یوحنا 1:29).

غور کرو کہ کیس قدر یقین دے نال تے کیویں اعتماد دے نال یوحنا اصطباغی گل کردا اے۔ اپنی خود دیاں اکھاں دے بالکل سامنے اُو یسوع، گناہ نوں چُکن آلے نوں ویکھدا اے۔ تے اُو دوجیاں نوں کہندا اے کہ اُوہنوں دھیان نال ویکھو۔ یسوع نوں ایمان دے نال ویکھو تے تُسی حیاتی پاؤ گے! یسوع کہندا اے،

’’تُسی میرے ال مُڑو تے نجات پاؤ‘‘ (اشعیا 45:22).

مسیح ول ویکھو، جیہڑا کدی تہاڈے گناہواں لئی مصلوب ہویا سی، ہُن آسمان وچ خُدا باپ دے داہنے ہتھ تے بیٹھیا اے۔ اُوہدے ول ویکھو تے تُسی بچائے جاؤو گے۔

’’ویکھو ایہہ خدا دا برّہ اے جیہڑا دُنیا دا گناہ چُک لے جاندا اے‘‘ (یوحنا 1:29).

اُوہنوں ویکھنا اینج دا ای اے جیویں اُوہدے لئی آنا اے! تُسی کہہ سکدے اُو، ’’میں اُوہدے کول نئیں آ سکنا واں۔‘‘ ٹھیک اے، تے کی تُسی سادہ ایمان نال اُوہدے ول ویکھو گے؟

تہاڈا یسوع مسیح وچ ذاتی ایمان ہونا چائیدا اے ورنہ تُسی اپنے گناہ نوں چُک لے جان دا تجربہ نئیں کر پاؤو گے۔ مسیح لئی ویکھو! اُوہدے لئی آؤ! اُو اپنے قیمتی لہو نال تہاڈے گناہواں نوں پاک صاف کر دیوے گا!

جے تُسی گناہ توں آزاد ہون دی خواہش رکھدے اُو، خُدا دے برّے ول ویکھو؛
اُو، تہاڈے گناہ بخشن لئی، کلوری تے فوت ہویا، خُدا دے برّے ول ویکھو۔
خُدا دے برّے ول ویکھو، خُدا دے برّے ول ویکھو،
کیوں جے اوہی کلّا تہانوں بچان دے قابل اے، خُدا دے برّے ول ویکھو۔
(’’خُدا دے برّے ول ویکھو Look to the Lamb of God‘‘ شاعر ایچ۔ جی۔ جیکسن H. G. Jackson، 1838۔1914)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔