تلاش کرن دے بارے چہ متضاد گل

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

میں جیہڑا وی واعظ تیار کرنا آں اُو لفظ بہ لفظ لکھیا جاندا اے۔ میں آسل وِچ منبر توں بولدے ویلے الفاظ چہ بہوتا گھٹ اضافہ کرنا آں۔ میں ہمیشہ توں اینج ای تبلیغ نئیں کردا سی۔ کئی وریاں تیکر میں لکھیاں ہوئیاں چند یاد کیتیاں ہوئیاں گلاں [کاغذ تے ٹکڑے تے یاد رکھن دے لئی چھوٹے جملیاں] نال تبلیغ کیتی۔ لیکن تقریباً پنج وریاں پہلاں اِک مبلغ بیلی نے میہنوں مشورہ دِتا کہ میں اپنے خطبات مکمل طور تے یا دستاویزات یعنی مسوّدیاں وِچ لکھاں۔ ہُن میں ہر ہفتے اینج کرنا آں، مکمل دو واعظ تے اکثر [اوقات] میں تین لکھنا آں۔ میہنوں ایہ بہوتی مددگار لگدا اے، خاص طور تے صحیح لفظاں دے انتخاب وِچ۔ انگلش دے بہتیرے الفاظ استعمال وِچ آ گئے نے، کہ میہنوں ہر خطبہ دی تیاری وِچ سہوکھے ترین انگریزی لفظاں دا انتخاب کرن وِچ احتیاط کرنی چائیدی اے۔ جیہڑی کتاب میہنوں سب توں اہم ترین معلوم ہوئی اُو اے رچرڈ سؤل دی لکھی ہوئی ہم معنی الفاظ دی پینگوئین ڈکشنری The Penguin Dictionary of English Synonyms by Richard Soule (بلومزبری کُتب خانے Bloomsbury Books، لندن، 1986) ۔ میں اپنی آلی ڈکشنری ایس قدر استعمال کیتی اے کہ سرورق گِھس چکیا یا پھٹن آلا اے!

اَج راتی میں ’’تلاش کرن دے بارے وِچ متضاد گلاں‘‘ تے گل کر رہیا آں۔ تہاڈے لئی ایہ جاننا ضروری اے کہ لفظ ’’پیراڈٓکس یعنی متضاد گل‘‘ دا کی مطلب اے۔ پینگوئین ڈکشنری ایس دی تعریف اینج کردی اے:

تضاد، بیہودہ پن (جیویں کہ پہلی نظر وِچ ظاہر ہوندا اے، لیکن حقیقت وِچ اینج نئیں)، بظاہر تضاد (ibid صفحہ 372)۔

جیہڑیاں دو آیتاں اَسی ہُنے پڑھیاں نے اُو متضاد نے، یعنی پہلاں تے اُو اِک دوجے توں متصادم نظر آندیاں نے، فیر وی مذید جانچن تے کوئی تضاد نئیں اے۔ آؤ اپنی دوواں آیتاں دے تضاد نوں فیر توں ویکھنے آں۔

’’تُسی میہنوں لبھو گے، تے پا لؤ گے، جدوں تُسی میہنوں اپنے سارے دِل نال لبھو گے‘‘ (یرمیاہ 29: 13)۔

’’کوئی نئیں جیہڑا خدا دا طالب ہووے‘‘ (رومیوں 3: 11)۔

کہیڑا بیان سچا اے، کیوں جے اُو اِک دوجے توں متصادم نظر آندے نے؟ کی سانوں اُو کام کرن نوں کہیا جا رہیا اے جیہڑا کہ ناممکن اے؟ سانوں دسیا جاندا اے،

’’کوئی نئیں جیہڑا خدا دا طالب ہووے‘‘ (رومیوں 3: 11)۔

’’تُسی میہنوں لبھو گے، تے پا لؤ گے، جدوں تُسی میہنوں اپنے سارے دِل نال لبھو گے‘‘ (یرمیاہ 29: 13)۔

ایہ دوویں آیتاں اِک دوجے توں متصادم معلوم ہوندیاں نے۔ جے ’’خدا نوں تلاش کرن آلا کوئی نئیں اے‘‘، تے سانوں کیویں کہیا جا سکدا اے، ’’

یہ دونوں آیات ایک دوسرے سے متصادم معلوم ہوتی ہیں۔ اگر ’’خدا کو تلاش کرنے والا کوئی نہیں ہے‘‘، تو ہمیں کیسے کہا جا سکتا ہے، ’’تُسی میہنوں لبھو گے، تے پا لؤ گے، جدوں تُسی میہنوں اپنے سارے دِل نال لبھو گے‘‘؟

I۔ پہلی گل، اَس پہلاں یرمیاہ 29: 13 دا مطالعہ کراں گے۔

’’تُسی میہنوں لبھو گے، تے پا لؤ گے، جدوں تُسی میہنوں اپنے سارے دِل نال لبھو گے‘‘ (یرمیاہ 29: 13)۔

ایہ آیت گنگہار نوں مسیح نوں لبھہن دے لئی کہندی اے۔ ایہ نصیحت دا اِک بہوتا مضبوط لفظ اے، تے ایہدے وِچ ایہنا ای مضبوط وعدہ وی اے۔ مسیح وِچ ایمان نہ لیہیائے ہوئے یعنی غیر تبدیل شُدہ لوکاں نوں خداوند نوں تلاش کرن دی تلقین کیتی جاندی اے، تے وعدہ کیتا جاندا اے، جے اُو اُوہنوں لبھہن گے، تے اُو واقعی اُوہنوں پالیہن گے۔

آیت دا تقاضا اے کہ تُسی اپنے پورے دِل نے مسیح نوں تلاش کرو۔ مسیح دی تلاش دے کئی طریقے نے جیہڑے ناکام ہو جان گے۔ اِک ایہ اے کہ اُوہدی جستجو دِل نال نہ کیتی جائے، دِل وِچ کوئی حققی مقصد نہ ہووے۔ اینج دے لوکی صرف گرجا گھر آندے نے، گرجا گھر دی عبادتاں وِچ بیٹھدے نے، اَدھے دِل نال واعظ سُنندے نے۔ اُو شاید اپنی بائبل پڑھ سکدے نے تے کھان توں پہلاں تے دوجے اوقات وِچ دعا کر سکدے نے، جیویں کہ رات نوں سون توں پہلاں دعا کرنا۔ لیکن ایہ سب صرف اِک معمول اے۔

جان بنعیانJohn Bunyan دے مسیح وِچ ایمان لیہیا کے تبدیل ہون توں پہلاں خدا وَلوں اِک حقیقی روشنی حاصل سی۔ اُوہناں نے متی 7: 14 نوں پڑھیا،

’’اُو بوہا تنگ تے اُو رستہ سُکڑیا اے جیہڑا حیاتی وَل لے جاندا اے، تے اُوہدے پان آلے تھوڑے نے‘‘ (متی 7: 14)۔

لیکن [چونکہ] راستہ [بہوتا] تنگ سی، ایتھوں تیکر کہ ایہنا تنگ سی کہ میں اُودھروں انتہائی شدید مشکل دے باوجود وی داخل ای نئیں ہو سکیا، ایہدے نال میہنوں ظاہر ہوا کہ سوائے اُوہناں دے جیہڑے سچے دِل توں [تلاش وِچ] سن کوئی سی [مسیح چہ] حیاتی وِچ داخل نئیں ہو سکدا۔

ایہ اُو ای گل اے جیس دے بارے وِچ یرمیاہ 29: 13 وِچ گل کر رہیا اے، ’’صرف مخلص‘‘ ہون دے نال اُوہدا مطلب اے بے تاب، جیویں آگ لگے ہوئے گھر وِچوں آدمی باہر نکلن دے لئی بے تاب ہوندا اے! ’’صرف مخلص‘‘ دا مطلب اے پرجوش، جیویں کہ اِک شخص جیہڑا سکول وِچ اعلیٰ نمبر حاصل کرنا چاہندا اے اُو اپنی پڑھائی وِچ پُرجوش اے۔ ’’صرف مخلص‘‘ دا متضاد اے کاہلی، تھکاوٹ یا خستگی، سُستی، ’’ٹھنڈا ہونا‘‘، جیویں اندروں سڑیا ہویا آلو۔ ’’صرف مخلص‘‘ دا مطلب اے کہ تُسی مسیح نوں ایہنی بُری طرح نال چاہندے اُو کہ تُسی

’’تنگ بوہے توں داخل ہون دی کوشش کرو‘‘ (لوقا 13: 24)۔

باقی لوکی ایہنوں جھوٹے دِل نال لبھ رئے نے۔ اُو کہندے نے کہ اُو مسیح نوں چاہندے نے، لیکن اُو واقعی چاہندے نے کہ گرجا گھر وِچ [اُوہناں نوں] دوجیاں لوکاں دے ذریعے قبول کیتا جائے۔ اُو ’’کامیاب‘‘ ہونا چاہندے نے تاکہ اُو اَگے ودھن تے اپنی حیاتی جیویں چاہن اُونج گزار سکن۔

باقی لوکاں دا ذہن کسی ہُور شے تے ہوندا اے۔ بہتیرے نوجوان دُنیاوی شیواں وِچ ایس قدر مگن نے کہ ایہ اُوہناں دی ذہنی توانائی نوں ضائع کر دیہندا اے تے اُوہناں نوں مسیح دی تلاش توں ہٹا دیہندا اے۔ اُوہناں دا ذہن اُوہناں دُنیاوی شیواں تے ایہنا لگیا ہویا اے کہ اُو مسیح نوں بالکل نئیں لبھہدے۔ اُو واضح طور تے خدا دے خلاف دشمنی وِچ نے، ایہدے توں ظٓاہر اے کہ اُوہدے خلاف بغاوت وِچ نے، کہ اُو اُوہدی تلاش نئیں کردے نے۔ اُو اُوہدے توں بہوتے دور نے جِنہوں بنیعان نے ’’صرف مخلص‘‘ کہیا اے۔

میں جاری رہندے ہوئے کہہ سکدا سی کہ ایہو جئے لوکی نے جیہڑے مسیح وِچ ایمان نہ لیہیائے ہوئے لوکاں دے نال ’’گرفت وِچ‘‘ نے، ایس لئی اُوہناں دی مسیح نوں تلاش کرن دی کوئی شدید خواہش نئیں اے۔ اُوہناں نوں ایہ ویکھنا چائیدا اے کہ اُوہناں دے غیر مسیحی بیلی اُوہناں دی اپنی تبدیلی دی راہ وِچ رکاوٹ نے۔ بائبل کہندی اے،

’’خداوند فرماندا اے اُوہناں وِچوں نکل کے الگ رہوو … فیر میں تہانوں قبول کراں گا تے میں تہاڈا باپ ہوواں گا تے تُسی میرے پُتر تے دیہیاں ہوو گے، ایہہ قول خداوند قادرِ مطلق دا اے‘‘ (II کرنتھیوں 6: 17۔18)۔

یاد رکھو، کہ صرف اُوہی لوکی جیہڑے مکمل دِل دے نال مسیح نوں لبھہن گے اُوہنوں پان گے۔

’’تُسی میہنوں لبھو گے، تے پا لؤ گے، جدوں تُسی میہنوں اپنے سارے دِل نال لبھو گے‘‘ (یرمیاہ 29: 13)۔

لیکن ہُن اَسی رومیوں 3: 11 نوں ویکھاں گے، جیہڑا یرمیاہ 29: 13 توں متصادم معلوم ہوندی اے، اِک تضاد دے طور تے۔

II۔ دوجی گل، اَسی رومیوں 3: 11 دا مطالعہ کراں گے۔

’’کوئی نئیں اے جیہڑا خدا دا طالب ہووے‘‘ (رومیوں 3: 11)۔

’’ٹھیک اے،‘‘ تُسی پُچھ سکدے اُو، ’’چونکہ خدا نوں لبھہن آلا کوئی نئیں اے، تُسی میرے توں اُوہدی تلاش دی توقع کیویں کر سکدے اُو؟‘‘

درحقیقت ایس بظاہر تضاد دا جواب بہوتا سُہکھا اے۔ ایس توں پہلاں کہ خدا تُہاڈے تے اپنا فضل ظاہر کرے، یرمیاہ 29: 13 آیت تہانوں قانوں وانگوں لگدا اے۔ تہانوں خدا دی تلاش کرنی چائیدی اے۔ تہانوں اپنے پورے دِل نال مسیح دی تلاش کرنی چائیدی اے۔ لیکن جدوں تُسی سُنندے اُو کہ ایہ تہاڈے لئی قانون اے، تے تُہاڈا دِل خدا تے اُوہدے قوانین تے احکامات توں بغاوت کردا اے۔

’’ایس لئی کہ جسمانی نیت خدا دی مخالفت کردی اے۔ اُو نہ تے خدا دی شریعت دے تابع اے نہ ہو سکدی اے‘‘ (رومیوں 8: 7)۔

تُسی خلوص دے نال مسیح دی تلاش نئیں کرو گے، کیوں جے یرمیاہ 29: 13 شریعت اے – ایہ اُوہی اے جیہڑا خدا تہاڈے نال کرنا چاہندا اے – تے ایس لئی تُسی جو کُجھ تہانوں کرنا چائیدا اے اُوہدے خلاف بغاوت کردے اُو، تے خدا دی تلاش نئیں کردے جیویں کہ شریعت تہانوں کرن نوں کہندی اے۔ تُسی جان بُجھ کے ردعمل دا اِظہار کردے اُو تے مسیح نوں خدا دے خلاف بغاوت وِچ لبھہن توں انکار کردے اُو۔

جدوں خدا دا فضل تہاڈے تے آئے گا اُودھہوں ای تُسی بدل جاؤ گے۔ صرف خد دے فضل نال تُسی ایس دُنیا توں آزاد ہو سکدے اُو جیتھے

صرف خدا دے فضل توں تہاڈا دِل کُھلے گا، تے فیر تُسی اُوہدی اطاعت کرنا چاہوو گے جدوں اُو کہندا اے،

’’تُسی میہنوں لبھو گے، تے پا لؤ گے، جدوں تُسی میہنوں اپنے سارے دِل نال لبھو گے‘‘ (یرمیاہ 29: 13)۔

لوتھر نے ایتھوں تیکر کہیا کہ جیہڑا شخص مسیح نوں اپنے دِل دی گہرائیاں نال لبھہدا اے اُو پہلاں ای تبدیل ہو چکیا اے۔ میہنوں نئیں لگدا کہ ایہ بالکل صحیح اے، لیکن میہنوں لگدا اے کہ لوتھر صحیح ہون دے قریب سی۔ جدوں اِک بندہ واقعی اپنے پوری دِل نال مسیح دی تلاش کردا اے، تے اُو نجات دی دہلیز تے ہوندا اے، تے صرف اِک معمولی قدم ای اُوہنوں مسیح تیکر لے جائے گا۔

میں گذشتہ اُنتالیس وریاں دی منادی یا مذہبی خدمت دے دوران کئی وری ویکھیا اے۔ اُو شخص جیہدا دِل مسیح دی خواہش رکھدا اے اُوہنوں چھیتی ای لبھ جائے گا، کیوں جے ایہ صرف فضل تے فضل ای اے جیس نے اُوہنوں ایس دُنیا توں باہر منتقل کیتا اے جیتھے

[اُو] اُوہنوں مسیح دی تلاش وِچ لیہایا اے۔ اِک شخص جیہڑا ایس طرح نجات دے بوہے تے لیہایا جاندا اے ایہنوں صرف ایمان دا اِک سادہ جیہا قدم اُٹھان دی لوڑ اے تے اُو مسیح نوں پائے گا تے نجات پا جائے گا، اُوہدے گناہواں دی تلافی سولی تے ادا کیتی گئی، تے نجات دہندہ دی قیمتی لہو توں پوری طرح [گناہ] دُھل گئے۔ آمین۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔