ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔
واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔
جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔
یہودیاں دے نال خدا دا وعدہGOD’S PROMISE TO THE JEWS ڈاکٹر آر ایل ہائیمرز جونیئر وَلّوں ’’میں تہاڈی قبراں نوں کھولاں گا، تے تہانوں تہاڈی قبراں توں باہر کڈ کے اسرائیل دی سرزمین چہ واپس لے جاواں گا‘‘ (حزقی ایل 37: 12)۔ |
میں بائبل دی پیشن گوئی تے تبلیغ کرن وِچ بہوتا ویلہ نئیں لنگہاندا۔ میرا مننا اے کہ زیادہ تر واعظاں نوں گمراہ لوکاں وِچ مسیح چہ ایمان لیہیان دی تبدیلی وَل لے جانا چائیدا اے۔ لیکن ایس ویلے عالمی واقعات دی تحریک سانوں مشرقِ وسطیٰ دے بحران دے بارے چہ گہرائی نال سوچن دا تقاضا کردی اے۔ تے میرا مننا اے کہ ہر مسیحی نوں ایہہ جاننا چائیدا اے کہ اَسی پوری دِل نال اسرائیل دی چھوٹی قوم تے عام طور تے یہودی لوکاں دی حمایت کیوں کردے نے۔
مسٹر پرودھوم نے اِک لمحہ پہلاں صحیفے وِچ جیہڑا حوالہ پڑھیا اُو پیشن گوئی اے۔ اَسی عموماً ایہناں آیتاں نوں مسیح وِچ ایمان لیہیان دی تبدیلی تے حیاتِ نو تے لاگون کرنے آں۔ اینج کرنا درست اے، کیوں جے اُو یقینی طور تے ایہہ واضح کردے نے کہ حیاتِ نو وِچ لوکاں دی اِک وڈی تعداد دے نال کی ہوندا اے، تے اِک فرد دے نال جدوں اُو مسیح وِچ ایمان لیہیا کے تبدیل ہوندا اے تے کی ہوندا اے۔ لیکن حزقی ایل دا سینتیسواں باب صرف اِطلاق دے ذریعے حیاتِ نو تے مسیح چہ ایمان لیہیان دی تبدیلی دی گل کردا اے۔
ایہہ پڑھنا انتہائی دلچسپ اے کہ سی ایچ سپرجیئن C. H. Spurgeon، ’’مبلغین دے شہزادے‘‘ نے 1864 وِچ ایہناں آیتاں دے بارے چہ کی کہیا۔ سپرجیئن نے پیشن گوئی تے بہوتی گھٹ تبلیغ کیتی۔ ایس حوالے نال اپنے واعظ وِچ اُوہناں نے کہیا:
میں ہُن ہزار سالہ نظریات، یا تاریخاں دے بارے وِچ کسی قیاس آرائی چہ جان نوں تیار نئیں آں۔ میں ایہو جئی شیواں دے بارے چہ کُجھ نئیں جانندا، تے میہنوں یقین نئیں اے کہ میہنوں اینج دی تحقیقات وِچ اپنا ویلہ لنگہان دے لئی سدیا گیا اے۔ میہنوں پیشن گوئی تے اِظہار کرن دے بجائے خوشخبری دے پھیلاؤ دے لئی بُلایا گیا اے … تاہم، ایہہ طے ہون دیو کہ جے الفاظ وِچ کوئی معنی اے، تے اسرائیل دا بحال ہونا باقی اے … جے الفاظ وِچ معنی نے تے ایہہ ایس باب دا مطلب ہونا چائیدا اے … [اسرائیل] نوں فیر توں منظم ہونا اے۔ اُوہدی وِکھری ہوئی ہڈیاں نوں اِکٹھا کیتا جائے گا … اُوہنوں بحال کیتا جانا اے۔ اُوہنوں ’’مردیاں وِچوں‘‘ بحال کیتا جانا اے (سی ایچ سپرجیئن C. H. Spurgeon، ’’یہودیوں دا مسیح چہ ایمان لیہیا کے تبدیل ہونا تے بحال کیتا جانا The Restoration and Conversion of the Jews،‘‘ میٹروپولیٹن عبادت گاہ سی واعظ گاہ توں The Metropolitan Tabernacle Pulpit، پِلگرِم اشاعت خانے Pilgrim Publications، دوبارہ اشاعت 1991، جلد دھم volume X، صفحات 428۔429)۔
کیہو جیہا حیرت انگیز بیان اے! اُوہنے کہیا کہ 1864 وِچ! ایہدے بعد تقریباً اِک صدی تیکر اسرائیل دی کوئی ریاست نئیں رئی۔ اسرائیل دے جدید مُلک دے قیام توں چوراسی ورے پہلاں، سپرجیئن نے ساڈی تلاوت نوں واقعی چہ چُنندے ہُوئے کہیا،
اسرائیل ہُن اقوام دے نقشے توں مٹ چکیا اے … یروشلم وِچ کوئی بادشاہ حکومت نئیں کردا … لیکن اُوہنوں بحال ہونا اے۔ اُوہنوں ’’مُردیاں وِچوں‘‘ بحال کیتا جانا اے۔ جدوں اُوہدے اپنے پُتر اُوہدیاں ساریاں اُمیداں چھڈ چکے نے، فیر خدا اُوہدے لئی حاضر ہووے گا۔ اُوہنوں دوبارہ منظم ہونا اے۔ اُوہدے وکھری ہوئے ہڈیاں نوں اِکٹھا کرنا اے۔ اِک مقامی حکومت دوبارہ ہووے گی … اِک ریاست نوں شامل کیتا جائے گا (ibid.).
’’اسرائیل … بحال ہونا اے … اِک ریاست نوں شامل کیتا جائے گا۔‘‘ تے 84 وریاں بعد بالکل اینج ای ہویا!
14 مئی 1948 نوں فلسطین تے برطانوی راج دے اختتام تے یہودی ریاست اسرائیل دا جنم ہویا! فلسطین وِچ یہودی قومی کمیٹی نے اِک اعلامیہ جاری کیتا جیہدے چہ ایس سرزمین تے یہودیاں دے قومی تے تاریخی حقوق دی اپیل کیتی گئی۔ ایس اعلان نوں اقوام متحدہ دی جنرل اسمبلی نے 29 نومبر 1948 نوں ایس نئی ریاست دے قیام دی بنیاد دے طور تے منظور کیتا سی۔ اگلے سال 14 مئی 1948 نوں خدا دا فرمان پورا ہونا شروع ہویا۔
’’میں تہاڈی قبراں نوں کھولاں گا، تے تہانوں تہاڈی قبراں توں باہر کڈ کے اسرائیل دی سرزمین چہ واپس لے جاواں گا‘‘ (حزقی ایل 37: 12)۔
جیہڑا خدا نے یہودیاں نال 2,535 وریاں پہلاں وعدہ کیتا سی اُو ہونا شروع ہویا! خدا نے کہیا، ’’میں … تہانوں اسرائیل دی سرزمین وچ لیہیاواں گا‘‘ – تے خدا نے بالکل اینج ای کیتا!
ہُن، اَج سویرے میں چاہنا آں کہ اَسی ایس عظیم وعدے تے ایہدی تکمیل دے آغاز توں متعلق تین سادہ سچائیاں ویکھیے۔
I۔ پہلی گل، ’’قبراں‘‘ دا مطلب۔
تلاوت کہندی اے،
’’میں تہاڈی قبراں نوں کھولاں گا، تے تہانوں تہاڈی قبراں توں باہر کڈ … لے جاواں گا‘‘ (حزقی ایل 37: 12)۔
خدا دا کی مطلب سی جدوں اُوہنے کہیا کہ اُو اُوہناں نوں اُوہنا ںدی ’’قبراں‘‘ توں کڈے گا؟ ایس سوال دا جواب ساڈے باب چہ موجود اے۔ حزقی ایل 37: 21 نوں ویکھو۔ آؤ ایہنوں اُوچی واج نال پڑھیے، لفظ ’’پس‘‘ نال شروع کریے۔
’’پس، خداوند خدا ایویں فرماندا اے: ویکھو، میں بنی اسرائیل نوں اُوہناں قوماں وِچوں کڈ لے جاواں گا، جیتھے اُو ٹر جان گے، تے اُوہناں نوں ہر پاسیوں جمع کر کے اُوہناں دے اپنے مُلک وِچ واپس لے جاواں گا‘‘ (حزقی ایل 37: 21)۔
ایہہ بالکل واضح اے کہ حزقی ایل 37: 12 وِچ جِنہاں ’’قبراں‘‘ دا ذکر کیتا گیا اے اُو آیت 21 دی ’’غیر قوماں‘‘ نے۔
ہُن، جِنہے وی عالمی تاریخ دا مطالعہ کیتا اے، اُو جانندا اے کہ یہودیاں نوں 70ویں عیسوی وِچ ٹائٹس دی رومی فوجاں نے اُوہناں دے وطن اسرائیل توں باہر کڈ دِتا سی۔ 8 ستمبر 70ء نوں یروشلم ٹائٹس دے قبضے وِچ آ گیا، ڈاکٹر جے ورنن میگی نےDr. J. Vernon McGee کہیا،
یہودی وِکھر گئے۔ ٹائٹس نے اُوہناں نوں غلامی وِچ پا دِتا۔ اُوہناں نے روم وِچ عظیم کولوزیم [روم وِچ اِک وڈی وسیع سماعت گاہ جیہدی تعمیر تقریباً 75ویں یا 80ویں عیسوی وِچ ویسپاسین نے شروع کیتی سی] تعمیر کیتا۔ (جے ورنن میگی، ٹی ایچ۔ ڈی۔، J. Vernon McGee, Th.D.، بائبل میں سے Thru the Bible، تھامس نیلسن اشاعت خانے Thomas Nelson Publishers، 1983، جلد IV، صفحہ 342)۔
اسے عظیم ڈائاسپورا Great Diaspora [فلسطین توں باہر رہن آلے یہودیاں] دے ناں توں جانا جاندا اے – پوری دُنیا وِچ یہودیاں دا وِکھرنا۔
جدوں میں 1970 دی دہائی دے شروع شروع وِچ اِک آزاد خیال جنوبی بپتسمہ دین آلے مدرسے وِچ جا رہیا سی تے پروفیسراں نے کہیا کہ ایہ پیشن گوئی بابلی ڈائسپورا دے بارے وِچ سی جدوں یہودیاں نوں 586 قبل مسیح وِچ بابل دی قید وِچ لے جایا گیا سی۔ تے ایہ کہ ایہدا 70ویں عیسوی دے ڈائاسپورا تے کوئی اثر نئیں سی لیکن اُو ایہہ وی نئیں منندے سن کہ اُوہنے بابل دی اسیری دی پیشن گوئی کیتی سی۔ اُوہناں نے کہیا کہ ایہہ بعد وِچ لکھیا گیا سی تے درحقیقت پیشن گوئی نئیں سی۔ تُسی ویکھیا، اینج دی لبرل بائبل نوں نئیں منندے۔ لیکن اُوہناں دا ایہہ کہنا غلط سی کہ ایس حوالے دا اِطلاق صرف بابلی باشندیاں تے ہوندا اے۔ اُو لبرل اُستاد دو وجوہات دی بِنا تے غلط سن۔
(1) سب توں پہلا، آیت 21 وِچ یہودیاں نوں بابل نئیں پیہجھیا گیا سی۔ اُو ’’غیر قوم‘‘ دے کول پیہجھے گئے سن تے اُوہناں نوں بابل توں نئیں بلکہ ’’ہر پاسیوں‘‘ واپس لیہایا جائے گا۔
(2) دوجا، ایہہ حوالہ واضح طور تے مستقبل وِچ فیر توں جمع ہون دی پیشن گوئی اے جدوں خدا تہاڈے وِچ ’’[اپنی] روح پائے گا‘‘ (حزقی ایل 37: 14)۔ جدوں اُو بابل توں واپس آئے تے اینج نئیں ہویا۔ ایہہ مستقبل دا واقعہ اے، جیویں کہ ہُنے تیکر ادھورا اے۔ ہُنے اَسی آیت 12 دی تکمیل دا آغاز ویکھ رئے آں۔ مستقبل وِچ آیات 13 تے 14 پوری ہون گئیاں۔
ایوی ساڈی عبارت دی تکمیل دا آغاز اَج توں صرف 58 ورے پہلاں 1948 وِچ شروع ہویا۔ خدا نے اُوہناں دیاں قبراں نوں ’’کھولنا‘‘ شروع کیتا تے یہودیاں نوں دُنیا دی قوماں وِچ ، جرمنی، فرانس تے روس وگری غیرت مند قوماں وِچوں، تے بُہتیری دوجیاں ’’قبراں توں کڈن‘‘ دا سبب بنایا۔ اَج وی اینج ای ہو رہیا اے۔ یہودی لوکی ہُنے وی غیر قوماں دی ’’قبراں‘‘ توں نکل کے اسرائیل آ رئے نے۔
II۔ دوجی گل، اُو وجہ کہ خدا ایہہ کر رہیا اے۔
تُسی شاید حیرت دا مظاہرہ کردے ہوو کہ کیوں خدا نے یہودیاں دے نال ایہہ وعدہ کیتا سی،
’’میں تہاڈی قبراں نوں کھولاں گا، تے تہانوں تہاڈی قبراں توں باہر کڈ کے اسرائیل دی سرزمین چہ واپس لے جاواں گا‘‘ (حزقی ایل 37: 12)۔
خدا نے یہودیاں نوں ایہہ شاندار پیشن گوئی تے اُمید کیوں دلائی؟
اُوہنے اُوہناں نال ایہہ وعدہ ایس لئی نئیں کِیتا کہ اُو ایہدے مستحق سن، یا ایس لئی کہ اُو چنگے سن۔ اسرائیل وِچ عربی لوکی ہوندے نے جیہڑے کہ چنگے مسیحی نے، جدوں کہ بہتیرے یہودی مکمل طور سیکولر، حتیٰ کہ مُلحد وی نے۔ یہودیاں نوں اسرائیل دی سرزمین نئیں دِتی گئی کیوں جے اُو خدا دی نظر وِچ چنگے تے نیک نے۔ موسیٰ نے ایہہ گل بالکل واضح کر دِتی جدوں اُوہنے کہیا،
’’اپنی راستبازی یا اپنے دِل دی راستبازی دے لئی نئیں، توں اُوہناں دی سرزمین تے قبضہ کرن دے لئی نئیں جائے گا، بلکہ … تاکہ اُو [خدا] اُوس گل نوں پورا کرے جیہدی قسم خداوند نے تیرے باپ دادا ابراہیم، اسحاق تے یعقوب نال کھائی سی‘‘ (استثنا 9: 5)۔
خدا دی یہودیاں نوں اسرائیل وِچ واپس لیہیان دی وجہ ایہ اے کہ اُوہنے ایس سرزمین دا وعدہ ابراہیم، اسحاق تے یعقوب نال کیتا سی۔ مہربانی نال پیدائش 17: 8 آیت نوں کھولو۔ آؤ کِھلو کے ایس آیت نوں اُوچی واج نال پڑھیے۔ خدا نے ابراہیم نوں کہیا،
’’تے میں تیہنوں تے تیرے بعد تیری نسل نوں اُو مُلک دیاں گا جیس وِچ توں اجنبی اے، کنعان دا سارا مُلک، ہمیشہ دی ملکیت دے لئی۔ تے میں اُوہناں دا خدا ہواں گا‘‘ (پیدائش 17: 8)۔
تُسی تشریف رکھ سکدے اُو۔
ایہہ ابراہیم دے نال خدا دے غیر مشروط عہد دا حصہ اے، جیہڑا مسیح توں تقریباً 1900 وریاں پہلاں بزرگان نوں دِتا گیا سی۔ میں نے کہیا کہ ایہہ اِک غیر مشروط وعدہ سی۔ خدا نے ایہہ نئیں کہیا، ’’ جے تُسی تے تہاڈی اولاد میری گل مانوں تے میں تہانوں ایہہ مُلک دیاں گا۔‘‘ نئیں، خدا نے صرف ایہنا کہیا،
’’میں [ایہ] تہانوں دے دیاں گا‘‘ (پیدائش 17: 8)۔
کِدرے وی رابطیاں دا کوئی تعلق نئیں اے۔ اُو زمین یہودیاں وں ابراہیم تے اُوہدی نسل دے نال خدا دے غیر مشروط عہد دے ذریعے دِتی گئی اے۔ ایہہ اُوہناں دی زمین اے کیوں جے خدا نے اُوہناں نوں اُوہناں دے چنگے کماں یا راستبازی دی وجہ توں نئیں بلکہ صرف اپنے فضل نال دِتی۔
خدا دا ابراہیم دے نال اِک ابدی عہد اے جیہڑا کدی ٹُٹ نئیں سکدا۔ پاویں یہودی لوکی کُجھ وی کرن، خدا نے اُوہناں نوں اُو زمین دِتی اے۔ ایتھوں تیکر کہ بہتیرے یہودیاں وَلوں مسیح نوں ٹھکرا دینا وی ابراہیم نال ایس لازوال، غیرمشروط وعدے نوں نئیں توڑدا۔ اسرائیل دی جدید یہودی ریاست خدا دے سراسر فضل نال موجود اے، جیس نے ابراہیم نال وعدہ کیتا سی، تے اُو اپنے وعدے نوں نئیں توڑے گا۔
’’میں [ایہ] تہانوں دے دیاں گا‘‘ (پیدائش 17: 8)۔
ایس لئی، خداوند نے حزقی ایل وِچ فرمایا
’’میں تہاڈی قبراں نوں کھولاں گا، تے تہانوں تہاڈی قبراں توں باہر کڈ کے اسرائیل دی سرزمین چہ واپس لے جاواں گا‘‘ (حزقی ایل 37: 12)۔
III۔ تیجی گل، شبیہ تے تشبیہ۔
’’تشبیہ‘‘ پرانے عہد نامے وِچ اِک ایہو جئی شے اے جیہڑی نئے عہدنامے وِچ شبیہ نال پوری ہوندی اے۔ میہنوں یقین اے کہ ساڈے ایتھے اِک تشبیہ تے شبیہ اے۔ پرانے عہدنامے دی تشبیہ خدا دا وعدہ اے۔
’’میں تہاڈی قبراں نوں کھولاں گا، تے تہانوں تہاڈی قبراں توں باہر کڈ کے اسرائیل دی سرزمین چہ واپس لے جاواں گا‘‘ (حزقی ایل 37: 12)۔
شبیہ، یا نئے عہدنامے دی تکمیل، نئے عہدناے دے متعدد حصّیاں وِچ وکھائی گئی اے۔
سب توں پہلاں جیس دا ذکر میں کراں گا اُو اے لعزر دا مُردیاں وِچوں زندہ ہونا۔ لعزر مر چکیا سی، تے اُو قبر وِچ سی۔ اُوہنوں اُوس قبر وِچ مرے ہوئے چار دِن لنگہے سن۔ اُوہدے قبر وِچ کافی عرصے توں مرے ہوئے ہون نال اُوہدی بہن یسوع نوں کہن تے مجبور ہو چکی سی،
’’ایہدے وِچوں تے بدبو آن لگی اے کیوں جے اُہونں مرے ہوئے چار دِن ہو گئے نے‘‘ (یوحنا 11: 39)۔
لیکن یسوع لعزر دی قبر تے آیا تے
’’اُوچی واج نال پکاریا، لعزر باہر نکل آ۔ تے اُو جیہرا مر چکیا سی باہر آ گیا‘‘ (یوحنا 11: 43۔44)۔
لعزر نوں اُوہدی قبر توں باہر بُلانا خدا دی اِک تصویری تکمیل اے جیس دی وجہ توں یہودی اپنی قبراں توں باہر آئے۔
’’میں تہاڈی قبراں نوں کھولاں گا، تے تہانوں تہاڈی قبراں توں باہر کڈ کے اسرائیل دی سرزمین چہ واپس لے جاواں گا‘‘ (حزقی ایل 37: 12)۔
کی بالکل اینج ای نئیں ہویا، بعد آلیاں دے نال، جدوں یسوع نے لعزر نوں اپنی قبر توں بُلایا تے اُو فیر توں اسرائیل وِچ یروشلم دی سڑکاں تے ٹُر پیہیا؟
دوجی شبیہ اُوس ویلے پوری ہوئی جدوں یسوع خود قبر توں جی اُٹھیا۔ جدوں عورتاں عید پاشکا دی سویرے یسوع دی قبر تے آئیاں، تے اُوہناں نے پایا کہ اُو مُردیاں وِچ جی اُٹھیا اے، کہ خدا نے اُوہنوں ’’[اپنی] قبر توں باہر آن‘‘ دے لئی ’’بُلایا‘‘ تے اُو فیر توں اسرائیل وِچ گلیاں چہ پِھر رہیا سی!
’’فرشتہ نے جواب دِتا تے عورتاں نوں کہیا، تُسی نہ ڈرو: میں جاننا آں کہ تُسی یسوع نے لبھدی اُو، جِنہوں سولی تے چڑھایا گیا سی۔ اُو ایتھے نئیں اے کیوں جے اُو جی اُٹھیا اے جیویں کہ اُوہنے کہیا سی‘‘ (متی 28: 5-6)۔
جیویں یہودی لوکاں نوں اُوہناں دیاں قبراں توں کڈ کے ’’اسرائیل دی سرزمین وِچ‘‘ لیہایا جا رہیا اے، اینج ای خدا نے یسوع نوں مُردیاں وِچوں جی اُٹھن، اپنی قبر توں نکلن، تے اسرائیل دی سڑکاں تے اِک وری فیر چلن دا باعث بنایا! کیہو جئی شاندار شبیہ! کیہنی شاندار تکمیل!
تیجا، نیا عہدنامہ تہانوں مسیح وِچ ایمان لیہیان دی اپنی تبدیلی نوں اِک شبیہ دے طور تے پیش کردا اے، جیہڑی تہاڈے اپنے نئے جنم وِچ، یہودیاں نوں قید توں کڈن، تے خدا دا اُوہناں نوں اُوہناں دی اپنی سرزمین تے واپس لیہان دا سبب بنندا اے۔ مہربانی نال افسیوں 2: 5 آیت نوں کھولو۔ کِھلو جاؤ تے ایہ آیت پڑھو۔
’’جدوں اَسی گناہواں وِچ مُردہ سی مسیح دے نال زندہ کیتا (فضل ای نال اَسی نجات پانے آں)‘‘ (افسیوں 2: 5)۔
تُسی تشریف رکھ سکدے اُو۔
منتشر یہودیاں وانگوں، جیہڑے دُنیا دی غیرقوماں دیاں قبراں وِچوں نکالے گئے، تُسی وی ’’گناہواں وِچ مُردہ‘‘ سی۔ لیکن خدا تہاڈے کول آندا اے تے تہانوں ’’زندہ‘‘ کردا اے۔ ایہدا مطلب اے کہ اُو تہانوں، فضل نا، ’’تہاڈی قبر وِچوں باہر کڈن دا سبب‘‘ بنندا اے۔
جدوں تُسی خوشخبری کردے اُو تے مزاحمت نہ کرو۔ انسان مسیح چہ ایمان لیہیان دی اپنی تبدیلی وِچ ایہنا ای غیر فعال اے جِنہا کہ یہودی اپنی بحالی وِچ نے! خدا تہانوں تہاڈی قبر توں باہر لیہیان دا ’’باعث‘‘ بنندا اے! خدا تہانوں نجات دے لئی یسوع دے کول ’’لیہیاندا اے‘‘! اپنی قبر توں اُٹھو تے مسیح دے کول آؤ۔ تہانوں بس ایہنا ای کرنا اے کہ مسیح دی مزاحمت کرنا چھڈ دیو۔ اُو اَج سویرے تہانوں بُلا رہیا اے۔ تہاڈے وِچوں کُجھ ای لوکی جانندے نے کہ اُو تہانوں بُلا رہیا اے۔ اُو تہاڈے گناہواں دی ادائیگی دے لئی سولی تے مریا۔ اُو تہانوں حیاتی دین دے لئی دوبارہ جی اُٹھیا۔ ہُن اُو تہانوں اپنے کول آن تے معافی تے ابدی حیاتی حاصل کرن د ے لئی بُلا رہیا اے۔ اُوہدی پکار دی مزاحمت نہ کرو۔ اُوہدے کول آؤ تے تُسی نجات پا جاؤ گے۔
’’میں تہاڈی قبراں نوں کھولاں گا، تے تہانوں تہاڈی قبراں توں باہر کڈ کے اسرائیل دی سرزمین چہ واپس لے جاواں گا‘‘ (حزقی ایل 37: 12)۔
کیوں جے جدوں خداوند آسمان توں اُتردا اے تے اَسی بالکل اُوسی طرف جانے آں۔ جے تُسی ہُنے یسوع دے کول آندے اُو، تے تُسی اُوہدے نال یروشلم وِچ زیتون دے پہاڑ تے اُترو گے، تے خدا [اینج] کرے گا
’’تہانوں اسرائیل دی سرزمین تے لیہیائے گا‘‘ (حزقی ایل 37: 12)۔
کیہنا خوش کُن وعدہ! کیہو جئی کامل خوشی اے! جیویں کہ اُو پرانا گانا کہندا اے،
میں وعدہ شدہ زمین دا پابند آں،
میں وعدہ شدہ زمین دا پابند آں،
ہاے کون آئے گا میرے نال
میں وعدہ شدہ زمین دا پابند آں،
(’’دریائے یردن دے طوفانی کنڈیاں تے On Jordan's Stormy Banks‘‘ شاعر سیموئل اسٹینیٹSamuel Stennett، 1727۔ 1795)۔
جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔
(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‘‘پنجابی وِچ واعظ’’ تے کِلک کرو۔
واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔
|
لُبِ لُباب یہودیاں دے نال خدا دا وعدہ GOD’S PROMISE TO THE JEWS ڈاکٹر آر ایل ہائیمرز جونیئر وَلّوں ’’میں تہاڈی قبراں نوں کھولاں گا، تے تہانوں تہاڈی قبراں توں باہر کڈ کے اسرائیل دی سرزمین چہ واپس لے جاواں گا‘‘ (حزقی ایل 37: 12)۔ I۔ پہلی گل، ’’قبراں‘‘ دا مطلب، حزقی ایل 37: 21، 14 . II۔ دوجی گل، اُو وجہ کہ خدا ایہہ کر رہیا اے، اِستثنا 9: 5؛ پیدائش 17: 8 . III۔ تیجی گل، شبیہ تے تشبیہ، یوحنا 11: 39، 43۔44؛ متی 28: 5۔6؛ افسیوں 2: 5 . |