ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

جیویں جیویں ایہہ زمانہ خاتمے دے لاگے ودھدا اے، زبور 14 دی پہلی آیت اِک گہرا معنی اختیار کردی جاندی اے۔ سپرجئین نے کہیا کہ ’’مُلحد بنیادی طور تے احمق اے، تے عالمگیر طور تے اِک احمق اے۔ جے اُو فطرتاً احمق نہ ہوندا تے او خدا دا انکار نئیں کردا، تے خدا دا انکار کرن دے بعد اُو عملی طور تے احمق بن جاندا اے تے کوئی تعجب دی گل نئیں اے۔ ایہہ کہنا کہ کوئی خدا نئیں اے [جھوٹا کرنا، غلط بیانی کرنا] صریحاً ثبوت نوں جُھٹلانا اے، جیہڑا کہ اڑیل پن اے‘‘ (سی ایچ سپرجئین C. H. Spurgeon، داؤد دا خزانہ The Treasury of David، پلگرم اشاعت خانے Pilgrim Publications، دوبارہ اشاعت 1983، جلد اول، صفحہ 179)۔

’’اُوہناں دا اِخلاق وِگڑیا ہویا اے۔‘‘ سانوں ایہہ نئیں بھولنا چائیدا اے کہ سارے غیر تخلیق شُدہ لوکی، کم و بیش، اینج دے ای احمق نے۔ اُو مُنہ نال کیہہ سدکے نے کہ اُو خدا نوں منندے نے، لیکن اُوہناں دے دِل ایس توں دور نے۔ ’’احمق نے اپنے دِل وِچ کہیا، کوئی خدا نئیں اے۔‘‘ ایس توں ظاہر ہوندا اے کہ بندہ پہلاں اپنے دِل وِچ کافر بنندا اے، نہ کہ اُوہدے سر وِچ۔ بے دین شخص پہلے اپنے دِل وِچ لڑدا اے تے بعد وِچ اپنے دماغ نال۔ میں بُہتیرے بے دین لوکاں نوں جاننا آں تے میں ہمیشہ ایہہ سچ پایا اے۔ ہر اِک جیس دے نال میں گل کیتی اے اُو اپنی ابتدائی حیاتی دے کسی نہ کسی واقعے توں خدا تے اپنے کفر دا پتہ لگاندا اے جیس نے اُوہنوں خدا دے خلاف ناراض کیتا سی، تے جذبات دے ایس مجموعہ نے بعد وِچ ایس نتیجے تے پہنچایا کہ خدا موجود نئیں اے۔

’’اُوہناں دا اِخلاق وِگڑیا ہویا اے۔‘‘ ایہہ وِگڑیا ہویا اِخلاق اُوہناں وِچ آدم آلی فطرت وِچوں اُبھردا اے، جیہڑا اپنے مسخ شُدہ اخلاق تے مسیح وِچ ایمان نہ لیہیا کے غیرتبدیل شُدہ حالت وِچ فطرتی طور تے خدا دے خلاف جھگڑدا اے۔

’’کیوں جے [خدا دا کلام کہندا اے] جسمانی [غیر تخلیق شُدہ] نیت خدا [دی مخالفت] یا خدا توں بغاوت کردی اے‘‘ (رومیوں 8: 7)۔

رومیوں دی ایہہ آیت واضح طور تے دہریت دی وجہ دسدی اے۔ بے دین دا دماغ ’’مسخ شُدہ‘‘ ہوندا اے، یعنی، ایہہ خدا نال دشمنی اے، خدا دے خلاف اے۔ خدا دے نال ایہہ دشمنی بے دین شخص دی مکمل طور تے اِخلاقی زوال نال وِگڑی ہوئی فطرت توں نکلدی اے، جیہڑی اُوہنوں پہلے ماں پیو [آدم تے حوا] توں وراثت وِچ لبھدی اے، تے تبدیل کر دین آلے خدا دے فضل توں کدی وی تجدی نئیں ہوئی سی۔ مُلد فطرتاً تے اپنے اعمال نال ’’اِخلاق وِچ وِگڑیا ہویا‘‘ ہوندا اے۔

’’اُو عقلمند ہوند دا دعویٰ کردے سی لیکن بے وقوف نکلے‘‘ (رومیوں 1: 22)۔

اُوہناں نے اپنی فرسودہ فطرت نال عقلمندی ہون دا دعویٰ کیتا، جیہڑی آدم توں وراثت وِچ ملی سی۔ اُو بے وقوف بن گئے کیوں جے اُوہناں دے انّے دِل نے اُوہناں نوں خدا دا انکار کرن تے مجبور کیتا۔

’’اُوہناں نے مکروہ کام کیتے نے۔‘‘ کبیرہ گناہ خدا تے یقین نہ کرن نال نکلدے نے۔ میں شروع وِچ کیہیا سی کہ زبور 14: 1 ہمیشہ اِخ گہرا تے تاریک ہون آلا معنی اختیار کردا جاندا اے جیویں جیویں ایہہ موجودہ دور دے خاتمے دے قریب آ رہیا اے۔ ھٹلر دے موت دین آلے کیمپاں وِچ بے دیناں دے ’’گھناؤنے کاماں‘‘ دی اِک مثال ویکھی گئی، کیوں جے ھٹلر نے خدا نوں سختی نال مسترد کیتا، بے وقوف تے اُو ہے سی۔ بے دیناں تے اِجناس پسنداں agnostics دے ذریعہ کیتے گئے ’’گھناؤنے کماں‘‘ دی اِک ہُور مثال امریکی ہولوکاسٹ اے، جیس وِچ تقریباً پچاس ملین بچے جِنہاں نوں چرچل نے ’’سائنس دی بدچل روشنیاں‘‘ کہیا سی، قتل کر دِتا گیا اے۔ ایہہ منطقی طور تے وکھایا گیا اے کہ پہلی تے دوجی جنگ عظیم، یہودی ہولوکاسٹ، تے 15 فیصد امریکی آبادی دے خاتمے دے لئی اسقاط حمل دی ہولناکیاں دے ذریعے، ڈاروِن دے عقیدہ دی اثرات براہ راست ذمہ دار سن۔ (حوالہ دیکھو، رچڑد وائیکارٹ Richard Weikart، ڈاروِن توں لے کے ھٹلر تیکر From Darwin to Hilter، پالگریو میکمِیلن Pagrave Macmillan، 2004)۔ ڈاکٹر وائیکارٹ دی کتاب دا ایہناں لوکاں نوں بغور مطالعہ کرنا چائیدا اے جیہڑے ایس گل توں انکار کردے نے کہ 20 ویں صدی وِچ بے دین لوکاں نے ’’گھناؤنے کام کیتے نے۔‘‘

اُوہناں وِچ کوئی نئیں جیہڑا بھلائی کردا ہووے۔‘‘ دہریے تے اِجناس پسند agnostics اُو کام کردے نے جیہڑا اُوہناں نوں نئیں کرنا چائیدا اے، تے جیہڑا کام اُوہناں نوں کرنا چائیدا سی اُوہناں نوں ختم کر دیہندے نے۔ سپرجیئن نے کہیا، ’’ایہہ نسل انسانی دی کینج دی تصویر اے! [صرف ایہناں لوکاں نوں چھڈ کے جیہڑے فضل توں بچائے گئے نے] کوئی وی اینج دا نئیں جیہڑا بھلائی کردا ہووے۔ انسانیت، زوال پذیر تے ذلیل اے، تخلستان دے بغیرصحرا، ستارے دے بغیر رات، جواہرات دے بغیر گوبر، تہہ دے بغیر جہنم‘‘ (ibid.، صفحہ 181)۔

جے تہانوں لگدا اے کہ سپرجیئن دی دہریت دی تصویر بہوتی تاریک اے، یا شاید مبالغہ آرائی تے مبنی اے، تے پچھلے 125 وریاں دے سرکردہ بے ایماناں دے ناماں نوں تہاڈا ذہن بلدن دیو: ڈارون، لینن، اسٹالن، ہٹلر، ماؤ تسے تنگ، خمر روگ، کاسترو، ڈاکٹر مینگل، مارگریٹ سینجر، چند اِک ناں نے۔ ان کہے لکھاں لوکاں نوں اُوہناں دے ناں تے ذبح کیتا گیا اے۔ جی نئیں، ایس زبور دے الفاظ بوہتے سخت نئیں نے۔ اُو ساڈے زمانے دے ایہناں لیڈراں نوں واضح طور تے بیان کردے نے جِنہاں نے اپنے دِل وِچ کہیا۔

’’کوئی خدا ہے ای نئیں‘‘ (زبور 14: 1)۔

’’اُو وِگڑ گئے نے تے اُوہناں دے اعمال نفرت انگیز نے، اُوہناں وِچ کوئی نئیں جیہڑا بھلائی کردا ہووے‘‘ (ibid.)۔

ڈارون، لینن، اسٹالن، ماو تسی تنگ، کاسترو، اور مارگریٹ سینگر (منصوبہ بندی دے تحت ولدیت دے بانی) وگرے اجناس پسنداںagnostics تے بے دین لوکاں دی تعلیمات نے مغربی کالجاں دے کلاس رومز دے نئے ’’انسانیت پسند مذہب‘‘ نوں جنم دتا اے۔

تہاڈے وگرے نوجوان طالب علم جیہڑے دُنیادار کالجاں وِچ پڑھدے نے، تقریباً روزانہ دی بنیاد تے ایہناں بے دین لوکاں تے اِجناس پسنداں دے افکار و نظریات دی بمباری کردے نے۔ جدوں اُو تہاڈے کلاس روم وِچ اپنے وگڑے ہوئے، مُلحدانہ پیغام نوں فروغ دیہندے نے تے تُسی اُوہناں نوں کی جواب دیو گے؟ دو سیکولر کالجاں (لاس اینجلز سٹی کالج L.A. City College، تے کیلیفورنیا سٹیٹ لاس اینجلز Cal State L.A.)، توں فارغ التحصیل ہون دے بعد، میں تہاڈے نال چار گلاں کہواں گا۔

1. کلاس رومز وِچ کدی کدی جواب دیو، لیکن اپنے آپ نوں پریشان نہ کرو۔ کلاس روم دے جواب دے مناسب ویلیاں وِچ، اُوہناں نوں اِک یا دو وری دسو کہ تُسی کیتھے کھڑے اُو۔

2. جیہڑے لوکی دلچسپی رکھدے نے اُوہناں نوں دسو کہ www.realconversion.com ساڈی ویب سائٹ کیتھے واقع اے۔

3. اُوہناں لوکاں نوں مدعو کرو جیہڑے تہاڈے نال گرجا گھر آن دے لئی سب توں بوہتی دلچسپی رکھدے نے۔

4. اپنے دِل وِچ سکون حاصل کرو، ایہہ جانندے ہوئے کہ زبور 14: 1 دے مطابق جیہڑا اُستاد خدا نوں رد کردا اے اُو احمق اے۔

’’احمق اپنے دِل وِچ کہندا اے، کوئی خدا ہے ای نئیں۔ اُو وِگڑ گئے نے تے اُوہناں دے اعمال نفرت انگیز نے، اُوہناں وِچ کوئی نئیں جیہڑا بھلائی کردا ہووے‘‘ (زبور 14: 1)۔

پچھلے ہفتے میں تہانوں خدا دی وجودیت دے لئی کائناتی تے ٹیلیولوجیکل [اِک نظریہ جیہڑا مظاہر نوں اُوہناں دے اغراض و مقاصد نال بیان کردا اے] دلائل دِتے۔

1. سبب نال دلیل: کائناتی، (کائنات دا کوئی سبب ہونا چائیدا اے)۔

’’ہر پیدا ہون آلے اثر دا اِک سبب ہونا ضروری اے … ہر شے جیہڑی شروع ہوندی اے … ایہدا وجود کسی نہ کسی وجہ توں پیدا ہوندا اے۔ کائنات … اِک شروع ہون آلی شے اے، تے ایہدا وجود اِک سبب دے مرہون منت ہوندا اے‘‘ (آگسٹس سٹرانگ، ڈی ڈیAugustus Strong, D.D.، درجہ بہ درجہ علمِ الہٰیات Systematic Theology، جوڈسن پریسJudson Press، 1985 دوبارہ اشاعت، صفحہ 73)۔

’’ابتداء وِچ خدا نے زمین تے آسمان نوں تخلیق کیتا‘‘ (پیدائش 1: 1)۔

2۔ تخلیق نال دلیل: ٹیلیولوجیکل، (کائنات دا اک ذہین ماہرِ تخلیق ہونا ضروری اے)۔

’’ترتیب تے افادیت [انتظام] ایس ترتیب تے [انتظام] دی وجہ دے طور تے ذہانت تے مقصد دا مطلب اے۔ چونکہ ترتیب تے افادیت [انتظام] کائنات وِچ پھیلے ہوئے نے، ایس لئی اس ترتیب نوں پیدا کرنے دے لئی کافی ذہانت دا ہونا ضروری اے، تے ایس [انتظام] نوں مفید انجام تیکر پہنچان دے لئی اک مناسب ارادہ ہونا چائیدا اے‘‘ (ibid.، صفحہ 75)۔

’’آسمان خدا دا جلال ظٓاہر کردا اے تے فِضا اُوہدی دستکاری وکھاندی اے‘‘ (زبور 19: 1)۔

کائناتی تے ٹیلیولوجیکل دوویں دلائل اِک انسان دی کسی دوجے سیارے تے اترن تے اُوتھے گھڑی دی ٹک ٹک ٹک ٹک تلاش کرن دی کہانی توں واضح نے۔

1. گھڑی دا اک سبب ہونا چائیدا اے (کائناتی دلیل)۔

2. گھڑی دی تخلیق ظاہر کردی اے کہ سبب ذہین سی (ٹیلیولوجیکل دلیل – تخلیق توں)۔

میں ایہناں دوویں دلائل دے وجود دے لئی مضبوط ترین فلسفیانہ دلائل سمجھنا آں۔ لیکن میں اِک تیجی دلیل نوں ایس توں وی بہوتا مضبوط سمجھنا آں۔

3. بائبل دی پیشن گوئی دی تکمیل۔ ڈاکٹر ہنری ایم مورس بائبل دی پوری پیشینگوئی پیش کردے نے جیہڑی ساید خدا دے وجود دی سب توں مضبوط دلیل اے۔ اُوہناں نے کہیا، ’’بائبل دے الہٰی الہٰام دا اِک مضبوط ثبوت (ماضی یا موجودہ دور دی دوجی مذہبی کتاباں وِچ نئیں لبھدا) جیہڑا اُوس دی سینکڑہا پوری ہون آلی پیشن گوئیاں تے مشتمل اے۔ ایہہ مبہم یا غیر واضح نئیں نے (جیویں کہ مختلف مخفی تحریراں وِچ اے، یعنی ایڈگر کائس، نوسٹراڈیمس وغیرہ) جیہڑے مخصوص تے مفصل نے، جیہڑے اکثر واقعہ توں سینکڑوں یا ہزارہا وریاں پہلاں بنائے جاندے نے (ہنری ایم مورس، پی ایچ ڈی .، ’’بائبل دی پیشین گوئیاں دی تکمیل،‘‘ دی ڈیفنڈرز سٹڈی بائبل، ورڈ پبلشنگ، 1995، صفحہ 1559)۔

لفظی طور تے پوری ہون آلی سینکڑوں پیشن گوئیاں وِچوں، میں صرف اِک مثال پیش کراں گا – یہودی لوکاں دے بارے وِچ پیش گوئی۔ فریڈرک دی گریٹ (1712-1786) اک کافر سی۔ اِک شامی اُوہنے اپنے دربار وِچ موجود لوکاں نوں پکاریا، ’’کی کوئی میہنوں خدا دے وجود دی کوئی ٹھوس دلیل دے سکدا اے؟‘‘ اِک بہادر پادری نے بادشاہ نوں جواب دِتا، ’’یہودی‘‘، عالی جاہ!‘‘ درحقیقت یہودیاں دا وجود ای خدا دے وجود دی مضبوط دلیل اے۔ ایہدی اِک مثال دے لئی، اشعیا 11: 11-12 وِل رجوع کرو۔ براہ کرم کِھلو جاؤ تے اُوچی واج نال ایہنوں پڑھو۔

’’تے اُوس ویلے خداوند دوجی وری اپنا ہتھ اَگے ودھائے گا تے اپنی اُمت وِچ بچے ہوئے لوکاں نوں واپس لیہیان دے لئی … اُو مختلف قوماں دے لئی جھنڈا بُلند کرے گا، تے اسرائیل دے اُوہناں لوکاں نوں اِکٹھا کرے گا جیہڑے جلا وطن کر دِتے گئے سن تے یہوداہ دے وکھرے ہوئے لوکاں نوں زمین دے چاروں پاسیاں توں فراہم کرے گا‘‘ (اشعیا 11: 11۔12)۔

تُسی تشریف رکھ سکدے اُو۔

غور کرو کہ یہودی لوکاں دے بچے ہوئے لوکاں نوں واپس لیہیان دے لئی خداوند فیر دوجی وری اپنا ہتھ اَگے ودھائے گا‘‘۔ پہلی وری ’’537 قبل مسیح وِچ زیروبابیل دے تحت فیر توں جمع ہونا‘‘ (رائیری مطالعۂ بائبل The Ryrie Study Bible)۔ ’’دوجی بار‘‘ توں مُراد مستقبل بعید اے۔ ہُنے وی، یہودی اینج ای سرائیل وَل لوٹ رئے نے جیویں اشعیا نے مسیح توں 700 وریاں پہلاں پیشن گوئی کیتی سی۔ ’’کی کوئی میہنوں خدا دے وجود دی کوئی ٹھوس دلیل دے سکدا اے؟‘‘ ’’یہودی، جنابِ عالی!‘‘

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔