مسیح دا بُلاوا | Christ's Invitation

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایس آیت توں بے شمار واعظاں دی منادی کیتی جا چکی اے۔ لیکن اَسی ایہنوں نوں اکثر کدی وی نئیں سُن پاندے۔ اُو درد توں بھرپور سزایابی جیس دی مسیح گل کردا اے بے شمار دِلاں وِچ محسوس کیتی جاندی اے۔ مسیح اُوہناں نوں جیہڑے پریشان نے آرام دے لئی اپنے کول بُلاندا اے۔ اُو اُوہناں ساریاں نوں جیہڑے اُوہدے کول آندے نے قبول کردا اے۔

’’اے محنت کشو تے بوجھ نال دبےہوئے لوکو! میرے کول آؤ۔ میں تہانوں آرام بخشاں گا‘‘ (متی 11: 28).

میں چاہنا آں کہ تُسی چار سوالاں دے بارے چہ سوچو جِنہاں دا ایس آیت وِچ جواب دِتا گیا اے۔

مسیح کہندا اے، ’’میرے کول آؤ۔‘‘ لیکن اُو ہے کون؟ اَج دی سویر ایتھے ایہو جئے لوکی وی نے جیہڑے ساڈے گرجا گھر دے لئی بالکل نئے نے۔ فیر وی، اُوہناں نے ایس قدر گھٹ منادی سُنی اے کہ اُو ہُنے تیکر ایہنے آگاہ نئیں نے کہ اُو [یسوع] کون اے جیس نے کہیا،

’’اے محنت کشو تے بوجھ نال دبےہوئے لوکو! میرے کول آؤ۔ میں تہانوں آرام بخشاں گا‘‘ (متی 11: 28).

ایہہ بندہ کون اے جیہڑا تہانوں اپنے کول آن دے لئی کہندا اے؟ آؤ ایہہ کہن نال شروع کرنے آں جیہڑا اُو نئیں اے۔ مسیح بہوتا وڈا اخلاقی اُستاد نئیں اے۔ اُو بہوتا وڈا فلسفی نئیں اے۔ سی۔ ایس۔ لوئیس C. S. Lewis نے کہیا،

اُو اِک گل اے جیہڑی تہانوں نئیں کرنی چائیدی اے۔ اِک شخص جیہڑا محض اِک آدمی سی تے ایس دیاں گلاں کہیاں جیہڑیاں یسوع نے کیتیاں سن اِک بہوتا وڈا اِخلاقی اُستاد نئیں ہووے گا۔ اُو یا تے اِک دیوانہ ہووے گا – اُوس سطح دے اِک آدمی دے نال جیہڑا کہندا اے کہ اُو اِک اُبلا ہویا انڈہ اے – یا فیر اُو جہنم دا اِک شیطان ہووے گا۔ تہانوں اپنی پسند چُننی ہووے گی۔ یا تے ایہہ آدمی سی، تے ہے، خدا دا بیٹا: ورنہ فیر اِک پاگل آدمی یا کُج بدتر۔ تُسی اُوہنوں اِک احمق سمجھ کے بند کر سکدے اُو، تُسی اُوہدے تے تھوک سکدے اُو تے اِک بدروح دی حیثیت نال مار سکدے اُو؛ یا تُسی اُوہدے قدماں تے ڈِگ سکدے اُو تے اُوہنوں خداوند تے خدا کہہ سکدے اُو۔ لیکن سانوں اُوہدے اِک عظیم انسانی اُستاد ہون دے بارے وِچ کسی بے معنی حقارت آمیز گل نوں نئیں کرنا چائیدا اے۔ اُوہنے سانوں ایہہ کرن دی اجازت نئیں دِتی اے۔ اُوہدا ایہہ ارادہ وی نئیں سی (سی۔ ایس۔ لوئیس، پی ایچ۔ ڈی۔ C. S. Lewis, Ph.D.، محض مسیحیتMere Christianity، ہارپر کولینزHarper Collins، 2001، صفحہ52)۔

مسیح سی، تے ہے، انسانی جسم وِچ خدا۔ ایہو ای اے جیہدی بائبل واضح طور تے اِک سرے توں لے کے دوجے تیکر سرے تیکر تعلیم دیہندی اے۔ سی اسی لوئیس نے کہیا،

ہُن ایہہ میہنوں صاف وکھائی دیہندا اے کہ نا ای تے اُو دیوانہ سی نا ای اِک آسیب سی؛ تے نتیجے دے طور تے، پاویں ایہہ کیہنا ای عجیب تے ھیبت ناک یا شاید جیس دا اِمکان نہ ہووے، میہنوں ایس نظریے نوں ماننا پیہئے گا کہ اُو سی تے خدا ہے۔ تے ہُن … اُو کرن کی آیا سی؟ … جیہنی چھیتی تُسی نئے عہدنامے وِچ ویکھو … تُس ویکھو گے کہ اُو مسلسل ایس بارے وِچ گلاں کر رئے نے… اُوہدے موت تے اُوہدا فیر توں واپس زندہ ہونا۔ ایہہ واضح اے کہ مسیحی سوچدے نے کہ کہانی دا مرکزی نکتہ اِسی وِچ پنہاں ہے۔ اُو سوچدے نے کہ اُو اہم گل جیہڑی اُو زمین تے کرن دے لئی آیا سی اذیت برداشت کرنا تے قربان کیتے جانا سی (ibid.، صفحہ53)۔

سانوں دسیا جاندا اے کہ مسیح ساڈے لئی قربان ہویا، کہ اُوہدے موت ساڈے گناہواں نوں دھو ڈالدی [اے]، تے کہ اُوہدے مرن دی وجہ توں اُوس [یسوع] نے خود موت نوں معذور کر دِتا … ایہہ اے مسیحیت۔ ایہہ اے جیس تے یقین کیتا جانا چائیدا اے (ibid.، صفحہ 55)۔

مسیح ای خدا دا اِکلاتا پُتر اے۔ اُو خدا دا پُتر اے، تثلیث دی دوجی ہستی۔ اگرچہ ایہہ ناقابلِ یقین وکھائی دیہندا اے، بائبل کہندی اے کہ اُو آسمان توں ہیٹاں اذیت سہن کرن، لہو وگان تے تصلیب برداشت کرن، سولی تے کِیلاں نال جڑے جان دے لئی آیا۔ تے اُو اُوس ھولناک اذیت توں تہاڈی خطاواں دی ادائیگی دے لئی لنگہیا۔ سولی تے، اُوہنے تہاڈے گناہ دی مکمل ادائیگی کیتی۔ جدوں تُسی اُوہدے کول ایمان دے وسیلہ نال آندے اُو تے تُسی مکمل معافی پانے اُو، کاتھولک جملے نوں استعمال کرن دے لئی نئیں، لیکن اٰہنوں بائبلی معنی دین دے لئی۔ ایہہ اِک کاہن یا مبلغ نئیں ہوندا جیہڑا تہاڈی معافی دا اعلان کردا اے۔ ایہہ خدا دا پُتر یسوع مسیح اے جیہڑا اینج کردا اے۔ جے تُسی اُوہدے کول آندے اُو تے سولی تے مسیح دی موت تہانوں ہمیشہ دے لئی گناہ دی سزا توں آزاد کر دیہندی اے، کیوں جے،

’’جیہڑا مسیح یسوع وِچ نے ہُن اُوہناں تے سزا دا حکم نئیں…‘‘ (رومیوں8: 1).

یسوع، خدا دا پُتر، تہانوں سزا دین دے لئی نئیں آیا سی۔ اُو تہانوں گناہ توں نجات دلان دے لئی آیا سی۔ اُو سولی تے تہاڈے گناہ دی قیمت چکان دے لئی قربان ہویا سی۔ اُو تہانوں گناہ تے جرم توں سدا آزاد کرن، ہمیشہ دی حیاتی دین دے لئی مُردیاں وِچوں جسمانی طور تے جی اُٹھیا! ایہو ای اے ایہہ ہستی جیس نے کہیا،

’’اے محنت کشو تے بوجھ نال دبےہوئے لوکو! میرے کول آؤ۔ میں تہانوں آرام بخشاں گا‘‘ (متی 11: 28).

’’ اَے محنت کشو تے بوجھ نال دبے ہوئے لوکو، میرے کول آؤ۔‘‘

اُو جیہڑے محنت کش نے، تے محسوس کردے نے کہ اُو خدا دی شریعت وِچ اُوہدے تقاضیاں نوں مطمئن کرن دے لئی کدی وی ایہنا کُج نئیں کر سکدے۔ اُو جیہڑے اپنے دِلاں نال کہندے نے، ’’میں کدی وی ایہنا چنگا نئیں ہو سکدا!‘‘ ایہہ اُو ای انتہائی لوکی نے جِنہاں نوں یسوع بُلاندا اے تے جِنہاں نال اُو آرام دا وعدہ کردا اے – جے اُو صرف اُوہدے کول آن۔ اُو اُوہی نے جِنہاں نوں یسوع اپنے کول بُلاندا اے تاکہ اُو اُوہناں نوں آرام دے سکے۔

تہاڈے وِچوں کُج لوکی اِک دے بعد دوجی رات ایہناں اجلاساں وِچ آندے رئے نے، لیکن تہانوں اپنی جان وِچ کوئی سکون نئیں لبھدا اے۔ تُسی کہندے اُو، ’’میہنوں کافی سزایابی نئیں ہوئی۔‘‘ لیکن میں پُریقین نئیں آں کہ آیا تُسی سچے اُو۔ ایہنی سزایابی دی ای لوڑ ہوندی اے کہ محسوس کیتا جائے کہ تُسی محنت کر رئے اُو تے بوجھ نال دبے ہوئے اُو۔ جے تُسی کُج حد تیکر محنت کشی نئیں کر رئے سی، تے فیر تُسی اِک دے بعد دوجی رات نوں دو یا بہوتے گھنٹیاں دے لئی ایتھے کیوں آندے رئے؟ جے تُسی پہلاں ای توں بوجھ نال دبے ہوئے نئیں اُو، تے فیر کیوں تُہانوں ایس قدر ڈر اے؟ تُسی کیوں ایس قدر بوہتا اپنے گناہواں دے بارے وِچ سوچ رئے اُو۔ کیوں تہاڈا چہرہ ایس قدر پریشان تے بے تاب لگدا اے؟ تُسی کیوں پریشان اُو کہ تُسی شاید جہنم وِچ جاؤ گے؟ تُسی کیوں اپنی تباہ حال اندرونی فطرت، تہاڈی پیدائشی عداوت تے غلیظ سوچاں دے بارے وِچ فکرمند اُو؟ کیوں ایہہ ساریاں گلاں تہانوں پریشان کردیاں نے تے تہانوں ذہنی دباؤ تے بے بسی وِچ مبتلا کر دیہندیاں نے جدوں اِجلاس ختم ہوندے نے – جے تُسی محنت کشی وِچ تے بوجھ تلے دبے ہوئے نئیں اُو؟ محنت کردے اُو اُوہناں کتابچیاں تے واعظاں نوں پڑھن دے ذریعے توں جیہڑے میں تہانوں دےچکیا آں۔ جہنم تے، تہاڈی روح دے اِخلاقی زوال تے تہاڈے گناہ دی اعمال تے دو دو گھنٹے واعظ سُنن دی محنت دی وج توں۔ تُسی پہلے ای بوہتی وڈی محنت توں لنگ چکے اُو تے تُسی پہلاں ای توں ایہناں گناہواں دے بے شمار بوہتے احساسات دے نال جیہڑے تہاڈے توں سرزد ہو چکے اُو دبے ہوئے اُو۔ ایہہ سب، میں کہنا آں تہانوں ایس قابل بنان دے لئی کافی ہونا چائیدا اے کہ جیس نوں یسوع ایہہ کہہ کے پکاردا اے،

’’ اَے محنت کشو تے بوجھ نال دبے ہوئے لوکو، میرے کول آؤ …‘‘ (متی 11: 28).

تُسی کافی محنت کر چکے اُوْ۔ تُسی گناہ دے بھاری بوجھ تلے ایس توں انتہائی دیر تیکر دبے ہوئے رہ چکے اُو۔ یا میں غلطی تے آں – تے تہانوں فیر توں اِک دے بعد دوجی رات نوں وی ایس ای حالت وِچ گھسیٹدے رہن دی لوڑ اے؟ تُسی ہور بوہتا پسینہ وگان تے اپنی جان دے لئی پریشان رہن دے لئی کی اُمید کردے اُو؟ کی تُسی ٰہُور بوہتی ٰمحنت کرن دے ذریعے توں اپنی نجات کمان دے لئی اُمید کردے اُو؟ کی تُسی جرم دے نال مذید ہور بوہتے بھاری بوجھ تلے دبن دے ذریعے توں اپنے نجات نوں پان دی اُمید کردے اُو؟ میں کہنا آں کہ خود شیطان نے تہانوں چکمہ دِتا اے جے تُسی اُوس افسردہ تے مایوس کُن خیال دا سوچدے اُو! میں کہنا آں کہ تُسی پہلاں ای کافی ذہنی اذیت دا تجربہ کر چکے اُو – تے صرف اِک گل دی تہانوں امن تے سکون پان دے لئی کرن دی لوڑ اے۔

’’اے محنت کشو تے بوجھ نال دبے ہوئے لوکو، میرے کول آؤ۔ تے میں تہانوں آرام بخشاں گا؟ (متی 11: 28).

یسوع دے کول ہُنے ای آؤ تے تہاڈی محنت کشی ختم ہو جائے گی۔ تُسی شریعت دی سزا دین آلی تبلیغ دے ہیٹاں بیٹھن نال آزاد ہو جاؤ گے۔ تُسی اِک مناد یا پادری صاحب دے نال گل کرن دے لئی اِک لمبی مدت تیکر تفتیشی کمرے وِچ بیٹھن نال آزاد ہو جاؤ گے۔ تُسی جرم تے گناہ تے جہنم دی دھمکی توں آزاد ہو جاؤ گے۔ آخر کار آزاد! آخر کار آزاد! خدائے قادر دا شکر ہووے، میں آخر کار آزاد آں – تہاڈے دِل دی مسرت توں بھرپور پکار ہووے گی جے تسی صرف یسوع دی فرمانبرداری کرو جدوں اُو کہندا اے،

’’اے محنت کشو تے بوجھ نال دبےہوئے لوکو! میرے کول آؤ۔ میں تہانوں آرام بخشاں گا‘‘ (متی 11: 28).

اُو تہانوں ایس لئی نئیں بُلاندا کیوں جے اُوہنوں تہاڈی لوڑ اے۔ مسیح دا کام گرجا گھر وِچ جاری رئے گا پاویں تُسی اُوہدے کول آؤ یا نا آؤ۔ اُوہنوں تہاڈی لوڑ نئیں پیہندی، حالانکہ تہانوں یقینی طور تے اُوہدی مدد، معافی تے اُوس آزادی دی جیس دی اُو پیشکش کردا اے لوڑ ہوندی اے۔

دوبارہ، اُو تہانوں اُوہدے کول آن دے لئی ایس لئی نئیں بُلاندا اے کیوں جے تُسی قابل قدر اُو یا تُسی نیک اُ، یا کیوں جے تُسی اِک ’’چنگا اِمکان‘‘ رکھدے اُو۔ جی نئیں! جی نئیں! اُو تہانوں متضاد وجہ توں بُلاندا اے – کیوں جے تُسی اِک بے بس گنہگار اُو تے کیوں جےاُو تہاڈے نال محبت کردا اے۔ بائبل کہندی اے،

’’مسیح یسوع گنہگاراں نوں نجات دین دے لئی دُنیا وِچ آیا‘‘ (1۔ تیموتاؤس 1: 15).

کی تُسی اِک گنہگار اُو؟ فیر تُسی اُوہناں وِچوں اِک اُو جِنہاں نوں بچان دے لئی اُو آیا۔ تہاڈی انتہائی گنہگاری تہانوں نجات دے لئی اِک اُمیدوار دی حیثیت نال معیار تے پورا اُتاردی اے۔ ایس لئی، یسوع تہانوں کہندا اے،

’’اے محنت کشو تے بوجھ نال دبےہوئے لوکو! میرے کول آؤ۔ میں تہانوں آرام بخشاں گا‘‘ (متی 11: 28).

تہانون اُو آرام مہیا کروان دے لئی یسوع نے ایہنا کُج کیتا۔ جدوں گتسمنی دے باغ وِچ تہاڈے گناہ اُوہدے تے لادے گئے، اُوہدا دم گُھٹیا تے دعا وِچ تہاڈے لئی اُو سسکیا، جدوں خونی پسینہ اُوہدےاذیت برداشت کردے ہوئے بدن دے مساماں وِچوں وگایا۔ جدوں سپاہی آئے تے اُوہنوں گھسیٹ کے لے گئے، تے کوڑیاں دے نال مار مار کے اُوہنوں ادھ موا کر دِتا، اُوہنے درد نوں برداشت کیتا تاکہ تُسی گناہ توں شفایاب ہو جاؤ تے اِس آگاہی وِچ اپنی جان دے لئی آرام پاؤ کہ تہاڈے بجائے اُوہدے تے خدا دا قہر نازل ہویا سی۔ جدوں اُوہناں نے اُوہنوں سولی تے کِیلاں نال جڑیا تے اُوتھے ننگا تے لہو وِچ تربتر لٹکایا، اُوہنے اینج ایس لئی کیتا کہ تسی اپنے جرم توں آرام پاؤ تے اپنے تھکے ہوئے ذہن دےلئی سکون پاؤ، ایتھوں تیکر کہ اُو سکون جیہڑا فہم یا سمجھ بوجھ مہیا کردا اے، جیہڑا اُو اَج تہانوں بخشنا چاہندا اے۔ جی ہاں، یسوع نے اِسی قدر زیادہ کیتا، تے اِسی قدر زیادہ اذیت برداشت کیتی کہ ایس آرام نوں تہاڈے لئی مہیا کر پائے جیس دے بارے وِچ اُوہنے گل کیتی سی تاکہ اُو بے خوفی نال کہے،

’’اے محنت کشو تے بوجھ نال دبےہوئے لوکو! میرے کول آؤ۔ میں تہانوں آرام بخشاں گا‘‘ (متی 11: 28).

IV۔ چوتھا سوال، تہانوں ایس بُلاوے دے بارے وِچ کی کرنا چائیدا اے؟

ایہہ تہاڈے لئی اِک انتہائی سنجیدہ بُلاوا اے۔ ایس لئی تہانوں ایہدے تے انتہائی شدید توجہ دینی چائیدی اے۔ ایہہ اِک انتہائی سادہ جئی بُلاہٹ اے، ایتھوں تیکر کہ اَج ایتھے نیا نیا آیا ہویا شخص وی، یا گرجا گھر دا سب توں بوہتا سخت دِل شخص وی ایس نوں سمجھ سکدا اے – ایہہ ایس قدر انتہائی سادہ اے۔ ایہہ تہاڈے لئی بجا طور تے قابلِ قبول اے۔ تہانوں اِک محنت کش تے بھاری بوجھ تلے دبے ہوئے دی حیثیت توں بیان کیتا گیا اے۔ ایہہ تہانوں ایس قدر مکمل طور نال بیان کردا اے کہ جیہڑی پیشکش اُو یسوع پیش کردا اے تہاڈے ای لئی ہونی چائیدی اے!

جیویں کہ پیوریٹن تھامس بروکس Thomas Brooks ایس نوں تحریر کردے نے،

’’آؤ،‘‘ مسیح کہندا اے، ’’تے میں تہانوں آرام بخشاں گا۔‘‘ میں تہانوں آرام وکھاواں گا نئیں، نا ای [محض] تہانوں آرام [دے بارے وِچ] دساں گا، بلکہ تہانوں آرام بخشاں گا… آؤ، مسیح نے کہیا، یعنی کہ، میرے چہ یقین کرو، تے میں تہانوں آرام بخشاں گا: میں تہانوں خدا دے نال امن بخشاں گا، تے ضمیر دا سکون بخشاں گا … میں تہانوں اُو آرام بخشاں گا جیہڑا دُنیا تہانوں پیش نئیں کر سکدی، تے جیہڑا دُنیا تہاڈے کولوں چھین نئیں سکدی جے اِک وری تُسی اُو پا لیہندے اُو۔

اوہ، کی تُسی اَج دی سویرے یسوع نوں سنو گے تے جو اُو کہندا اے کرو گے؟

’’اے محنت کشو تے بوجھ نال دبےہوئے لوکو! میرے کول آؤ۔ میں تہانوں آرام بخشاں گا‘‘ (متی 11: 28).

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔