ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔
واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔
جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔
مسیح وِچ ایمان لیہیان دی تبدیلی
|
ایہ واعظ ڈاکٹر ڈبلیو جی ٹی شیڈ Dr. W. G. T. Shedd دے [واعظاں وِچوں] اِک توں اخذ کیتا گیا اے، جیہڑے پرانے دور دے ماہرِ الہٰیات نے [تے] جیہڑے انیسویں صدی دی ودھدی ہوئی ’’فیصلہ پسندی‘‘ دے خلاف کِھلوتے سن (ڈبلیو جی ٹی شیڈ، پی ایچ ڈی، قدرتی انسان دے لئی واعظ Sermons to the Natural Man، سالڈ گراؤنڈ کرسچن بوکس، 2003، صفحات 379-400)۔
ایتھے ’’نِکّے بچے‘‘ دا فقرہ نوزائیدہ بچیاں وَل اشارہ نئیں کردا، بلکہ اُوہناں جواناں وَل اشارہ کردا اے، جیہڑے مسیح دے کول آن دے قابل نے تے جیویں کہ اَسی باب نو، آیت بیالیس وِچ ویکھنے آں، ایہدے تے ایمان لیہیان دے قابل آں۔ جیس لفظ دا ترجمہ ’’نِکّے بچے‘‘ اے اُو ’’پیڈیانpaidiŏn‘‘ اے۔ ایہدا مطلب اے ’’اِک بچہ … نوبالغ لڑکا یا لڑکی‘‘ (سٹرانگ #3813 Strong)۔ مسیح محض ایس گل وَل اشارہ کر رہیا اے کہ بچپن تے جوانی انسانی حیاتی دے دو الگ الگ مراحل نے۔ اُو اِک بچے دے عمومی رویے نوں بالغ دے عمومی رویے توں متصادم کر رہیا اے۔
بالغاں دے مقابلے وِچ نوجواناں دے [مسیح وِچ ایمان لیہیا کے] تبدیل ہون دا اِمکان بہوتا زیادہ ہوندا اے کیوں جے بالغ افراد اپنی مذہبی آراء تے تعصبات نوں پہلاں توں ای اپنے ذہن وِچ پیوست کر لیہندے نے، تے عام طور تے اُو مادی سرگرمیاں وِچ ایس قدر پھنس جاندے نے کہ اُوہناں دے کول اپنی روح تے غور کرن دا ویلہ نئیں ہوندا۔
بچپن توں لے کے بیس دی دہائی دے اوائل تیکر، حیاتی وِچ اِک مختصر عرصہ ہوندا اے، جدوں کسی شخص دے [مسیح وِچ ایمان لیہیا کے] تبدیل ہون دا بوہتا امکان ہوندا اے۔ جدوں اُو مدت لنگ جاندی اے، تے ایس گل دا اِمکان بہوتا گھٹ ہو جاندا اے کہ کوئی شخص کدی [مسیح وِچ ایمان لیہیا کے] تبدیل ہو جائے۔
ایس لئی مسیح نے نوجواناں نوں اُوہدے کول آن تے اُوہنوں قبول کرن دی ترغیب دِتی۔ مسیح ایہ نئیں کہندا کہ نوجوان بے گناہ نے۔ [بلکہ ایہدے] بالکل برعکس۔ آیت چودہ وِچ اُوہنے اپنے کول آن دی ترغیب دِتی۔ نوجوان روح القدس دی سزایابی دے کام دے لئی بہوتے زیادہ کھلے ہوندے نے ایس توں پہلاں کہ اُوہناں دے دِل وریاں دے گناہ تے ٹھکرائے جان دی وجہ توں سخت تے مبہم ہو جان۔ اینج [مسیح وِچ ایمان لیہیان دی] تبدیلی دے لئی بچپن دے مزاج دی لوڑ ہوندی اے۔
مسیح سانوں دسدا اے کہ نوجواناں دا پرہوسا مند تے یقین کرن آلا مزاج جوانی دے خود انحصاری تے شکی رویہ توں کِدرے بوہتا سچی تبدیلی دے لئی کُھلا اے۔ غور کرو کہ اِک نوجوان دا مزاج تے ذہنی کیفیت دُنیا دے سخت گیر بالغ توں کِدرے مختلف اے۔
مسیح وِچ ایمان لیہیان دی تبدیلی دی معافی دی پیشکش کردی اے تے ایہنوں مسیح دے مخلصی دے کام وِچ فراہم کردی اے۔ کوئی وی ایہناں گلاں دے بارے وِچ ایہ سمجھے بغیر سوچ وی نئیں سکدا کہ جوانی دا فخر تے خود انحصاری ایہناں وِچوں بیشتر نوں نجات توں محروم کر دیہندا اے، جدوں کہ بچے دی نرمی، پڑھائی تے نرم ضمیر ایس گل دا بہوتا اِمکان بناندا اے کہ اُو نوجوان [مسیح وِچ ایمان لیہیا کے] تبدیل ہو جان۔ جے مسیح تبدیلی دی پہلی خصوصیت خدا توں معافی منگنا اے، تے ایہ ضروری اے کہ معافی حاصل کرن آلے دے کول فروتنی ہووے تے روح دے ذریعے باطنی طور تے ایہنوں آسانی نال سِکھایا جائے کہ اُو اِک گنہگار اے جیہڑا معافی منگ رہیا اے جیس دا اُو مستحق نئیں اے۔
انسان دی روح مجرم اے۔ لیکن جرم دی فطرت وِچ کُجھ اینج اے جیہڑا زیادہ تر وڈیرے لوکاں دے مغرور، خود انحصاری دے جذبے نوں خارج کر دیہندا اے، تے ایہ ضروری بنا دیہندا اے کہ بچپن وانگوں اِک بندے نوں کمتر، قابلِ تعلیم تے محتاج بنا دیہندا اے۔ گنہگار نوں نرم بچے وانگوں بنایا جانا چائیدا اے، جیویں ضدی بالغ ہون توں توڑا گیا ہووے۔ دوجے لفظاں وِچ، جوانی دی مضبوط، خود انحصاری دی روح نوں توڑ دینا چائیدا اے یا کوئی تبدیلی نئیں ہو سکدی۔ جوان ہووے یا وڈیرا، زخم خوردہ ہووے یا ٹوٹے ہوئے دِل دا ہووے، بے بس ہون دے لئی، خود انحصاری دی روح نوں جاری رہنا چائیدا اے، ایس لئی ایس شخص نوں احساس جرم، گناہ دے لئی اِک خدائی غم، تے صرف مسیح دے مصلوب تے لہو دے ذریعے معافی دی لوڑ دا احساس ہوندا اے۔
مسیح وِچ خدا تہانوں معافی کیویں دے سکدا اے جدوں تیکر کہ تہاڈا غرور تے مزاحمت ٹوٹ نہ جائے؟ سزایافتہ گنہگار اپنے گناہواں دے لئی جیہڑا دُکھ محسوس کردا اے اُو ہمیشہ خدا دے فضل دا نتیجہ ہوندا اے۔ ایہ ظاہر کردا اے کہ خدا تہاڈے تے کام کر رہیا اے، تہانوں مسیح وِچ نجات دے لئی تیار کرن دے لئی، تہاڈی ضد نوں توڑ کے تے تہاڈے دِل نوں اِک چھوٹے بچے دے طور تے قابلِ تعلیم بنا کے۔ جے اینج نئیں ہوندا اے تے تُسی کدی وی مسیح وِچ ایمان لیہیا کے تبدیل نئیں ہوو گے۔
جے خدا دے فرشتیاں نوں حلیم تے پست دِل ہونا چائیدا اے؛ جے مسیح نوں بذاتِ خود حلیم تے فروتن دِل دا ہونا چائیدا اے؛ تے ایہ گل تہاڈے وگرے گھٹیا، مرتد آدم دے بچے تے کیہنا سچ اے؟ بائبل کہندی اے کہ تہاڈا
’’پورا سر زخمی اے، تے سارا دِل مریض ہو چکیا اے۔ پیر دے تلوے توں لے کے سر دی چوٹی تیکر [تہاڈا] کوئی حصہ وی سالم نئیں اے۔ صرف زخم تے چوٹاں تے سڑے ہوئے گھاؤ نے جِنہاں نوں نہ تے صاف کیتا گیا اے تے نہ اُوہناں تے پٹی بنّہی گئی اے نہ ای اُوہناں تے تیل ملیا گیا اے‘‘ (اشعیا 1: 5-6)۔
ہُں، میں تہانوں پُچھنا آں، کی ایہ گل تہاڈے معاملے وِچ درست نئیں اے؟ کی ایہ گل سچی نئیں ہے کہ تہاڈا پورا سر زخمی اے – غلط سوچاں دے نال تے گناہ توں بھرے خیالات دے نال؟ کی ایہ گل سچی نئیں اے کہ تہاڈا سارا دِل مریض ہو چکیا اے – مسیح وِچ سچے اعتقاد دی کمی دے نال بیمار، جھوتے تصورات، شکوک تے بے اعتقادیاں دے نال بیمار؟ کی ایہ گل سچی نئیں اے، خدا دے نظر وِچ کہ تہاڈا پورا ذہن تے روح تباہ ہو چکے نے، مسخ شُدہ ہو چکے نے، خدا دے نال عداوت وِچ؟ کی ایہ گل سچی نئیں ہے کہ تُسی اپنی روح وِچ لگے سڑے ہوئے گھاؤ نوں شفا دین دا کوئی طریقہ نئیں لبھیا اے؟ کی ایہ سچ نئیں اے کہ تہانوں ہُنے تیکر اپنی گندی، برباد تے مردی ہوئی روح دا کوئی علاج نئیں لبھیا؟
جیہڑے لوکی جھوٹے ہوندے نے اُو اکثر اپنی گناہ توں بھری فطرت دی ہولناکی نوں محسوس کردے نے تے چھیتی ای مسیح دے کول اُوہدے لہو دے ذریعے نجات تے صفائی دے لئی لیہیائے جاندے نے۔ لیکن کی ایہ سچ نئیں اے کہ تہانوں اُوہدی کوئی لوڑ محسوس ہون لگی اے؟ ایہدی وجہ ایہ اے کہ شیطان پہلاں توں تہانوں موت دی گرفت وِچ لیے ہے۔ تُسی پہلاں ای جوانی دی بچگانہ حالت توں لگن رئے اُو۔ تُسی پہلاں ای اِک ضدی بالغ بن چکے اُو۔
’’میں تہانوں سچ کہنا آں کہ جیہڑا کوئی خدا دی بادشاہی نوں بچے وانگوں قبول نہ کرے اُو اُوہدے وِچ ہرگز داخل نہ ہوئے گا‘‘ (مرقس 10: 15)۔
اوہ، میں جاننا آں کہ جدوں تُسی جھوٹے سن تے تُسی ٹھوکر کھائی ہووے گی۔ ہو سکدا اے کہ کُجھ بُرے لوکاں نے تہانوں ’’فیصلہ پسندی‘‘ دی جھوتی شکلاں سکھائیاں ہون، تے تہاڈے لئی ٹھوکر کھان تے غلط تبدیلی دا باعث بنے۔ لیکن سوچو – اِک غلط تبدیلی منطقی طور تے ایہ ظاہر کردی اے کہ اِک حقیقی تبدیلی حاصل کیتی جانی اے۔ اپنے آپ نوں ایہناں جھوٹی گلاں تے ٹھوکراں کھان واسطے نہ جان دیو جیہڑیاں تہاڈے چھوٹے ہون تے تہانوں پیہندیاں نے۔ فیر توں شروع وَل آؤ۔ ایس یقین دی تلاش کرو جیہڑا دِل نوں حقیقی تبدیلی دے لئی تیار کردا اے۔ تہانوں اپنی چھیتی کرنی چائیدی اے کیوں جے تہاڈی جوانی دے دِن تیزی نال پھسل رئے نے۔ چھیتی ای تہاڈی روح فریسیاں وانگون جھوٹے خیالات وِچ پھنس جائے گی، تے فیر تُسی بالغ حالت وِچ، اپنے آپ نوں اُوہناں مُہلک جھوٹے خیالات کولوں چھٹکارا دِلانا ناممکن پاؤ گے۔
تہانوں خدا دی روح توں سچا یقین حاصل کرن دے لئجی چھیتی کرنی چائیدی اے، ورنہ تُسی چھیتی ای اُوس امیر نوجوان وانگوں ہو جاؤ گے، جیہڑا ’’غم زدہ ہو کے چلا گیا: کیوں جے اُوہدے کول بہوتی زیادہ مال و دولت سی‘‘ (مرقس 10:22)۔
کی ایہ ممکن اے کہ تُسی پہلاں توں ضدی نوجوان اپنی ابتدائی جوانی دے حالت وِچ واپس آ جاؤ، اُوہدے دِل وِچ اُوہدی منافقت، گناہ تے بطنی خرابی نال چھیدا جائے، تے اُو مسیح یسوع وِچ ایمان لیہیا کے تبدیل ہو جائے؟
یسوع نے تہانوں اِک اِنتباہ تے اُمید دا اِک لفظ دِتا۔ پہلاں اُوہنے کہیا،
’’ایہ انساناں لئی تے ناممکن اے‘‘ (مرقس 10: 27)۔
تُسی آپئے ایہ کام کرن دے قابل نئیں ہوو گے۔ تُسی بہوتے ہوشیار تے بہوتے ذہین ہو سکدے اُو، لیکن ایہ تہاڈے کولوں مکمل طور تے بچ جائے گا۔ ایہ ایہو جئی شے نئیں اے جِنہوں تُسی خود سمجھ سکدے اُو یا احساس کر سکدے اُو۔ ’’انساناں دے لئی تے ایہ ناممکن اے۔‘‘
لیکن یسوع دے اگلے الفاظ اُمید دیہندے نے،
’’ایہ انساناں دے لئی تے ناممکن اے، لیکن خدا دے لئی نئیں: کیوں جے خدا توں سب کُجھ ممکن ہو سکدا اے‘‘ (مرقس 10: 27)۔
ایہ ممکن اے (غور کرو کہ میں کہیا، ’’ممکن اے،‘‘ ’’ممکنہ‘‘ نہیں) کہ خدا تہاڈے دِل نوں پگھلا دیوے، ایتھوں تیکر کہ ہُنے وی، جدوں تُسی بچپن دے ویلے توں پرے لنگ رئے اُو۔ ایہ ممکن اے کہ خدا تہاڈے مطمئن، سخت، خود راستباز دِل نوں اُبھارے، تہانوں تہاڈے جھوٹے مذہبی پیشے توں الگ کر دے، تہانوں تہاڈی روح دی مکمل بدعنوانی تے بربادی وکھائے – تے تہانوں یسوع دے لہو دے ذریعے حقیقی نجات دے لئی تیار کرے۔ تبدیلی دا تقاضا اے کہ تہاڈا مزاج بچے وگر ہووے۔ اَسی دعا کرنے آں کہ ایہناں انجیلی بشارتاں دی ملاقاتاں دے اگلے چند دِناں وِچ ایہ تہاڈی خوش کُن حالت ہووے۔ مسیح میں خدا تہانوں تضحیک، گناہ توں نفرت تے مسیح وِچ ایمان دے ایہ تجربات عطا کرے، حالانکہ تُسی طویل عرصے توں اُوہدے فضؒ دا مقابلہ کیتا اے۔
لیکن میہنوں تہانوں خبردار کرنا چائیدا اے – ہر روز جدوں تُسی اینج ای ٹر جاندے اُو جیویں تُسی اُو، اِک دِن وڈے، تے اِک ہُور مسیح دی نصیحت توں دور،
’’میں تہانوں سچ کہنا آں کہ جیہڑا کوئی خدا دی بادشاہی نوں بچے وانگوں قبول نہ کرے اُو اُوہدے وِچ ہرگز داخل نہ ہوئے گا‘‘ (مرقس 10: 15)۔
جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔
(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‘‘پنجابی وِچ واعظ’’ تے کِلک کرو۔
واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔