مریم دا فضل دا تجربہ – کرسمس دا اِک واعظ | Mary's Experience of Grace

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

اَج دی راتی میں تہانوں ڈاکٹر مارٹن لائیڈ جونز دے اِک واعظ دا حصہ پیش کر رہیا آں، جیہدا عنوان اے ’’مسیحی دا تجربہ‘‘۔ ایہہ دورِ حاضرہ دے کم پڑھے لکھے لوکاں دے سُنن دے لئی بہوتا مختصر کیتا گیا اے۔

میں مریم دے پورے بیان نوں اِک خاص نقطۂ نظر نال ویکھن جا رہیا آں۔ میں اُوہدے تجربے نوں ویکھن جا رہیا آں تاکہ ایہہ معلوم ہو سکے کہ اُوہدے نال کی ہو رہیا سی ایہدے بارے چہ اُوہنوں شعور سی۔

میں ایہہ کرسمس توں پہلاں آخری اِتوار دی رات نوں کر رہیا آں۔ تُسی کہہ سکدے اُو، ’’ایہدے مسیح وِچ ایمان لیہیان دی مسیحی تبدیلی نال کی تعلق اے؟‘‘ میرے خیال وِچ مریم دے تجربے دا مسیح وِچ ایمان لیہیان دی تبدیلی دے نال بہوتا زیادہ تعلق اے۔ اَسی ساریاں نوں اپنے آپ دا جائزہ لیہنا چائیدا تے ویکھنا چائیدا اے کہ کی اَسی مسیح وِچ ایمان لیہیان دی حقیقی مسیحی تبدیلی دا تجربہ کیتا اے، ایہہ ویکھن دے لئی کہ اَسی خدا دے سامنے کیتھے کِھلوتے آں۔ اَسی جاننے آں کہ سانوں خود نوں جانچنا چائیدا اے تے خود نوں جانچنا چائیدا اے کہ آیا اَسی حقیقی مسیحی آں۔ لیکن اَسی ایہنوں ٹال دِتا اے۔ سانوں ایہہ ویکھن دے لئی خود نوں آزمانا چائیدا اے کہ آیا اَسی مسیح وِچ آں، واقعی مسیح وِچ ایمان لیہیا کے تبدیل ہوئے آں، لیکن حیاتی وِچ بے شمار شیواں ساڈے ذہناں توں ایس اہم موضوع نوں کڈ دِیہندیاں نے خاص طور تے سال دے ایس ویلے، تے اکثر پورے سال وِچ۔ ایہہ گل تے اُو گل سامنے یاد آ جاندی اے، تے تُسی محسوس کردے اُو کہ تہاڈے کول اپنی روحانی حالت دے بارے وِچ سنجیدگی دے نال سوچن دا ویلہ نئیں اے۔ تُسی کسی دِن اپنی نجات دے بارے وِچ سنجیدہ ہون دی اُمید کردے اُو، لیکن تُسی ایہنوں ٹال دیہندے اُو، کوئی ہُور گل سامنے آ جاندی اے، تے اینج تُسی ایہنوں چھڈ دیہندے اُو تے اُوہیں نئیں ہوندا اے۔

بہتیرے لوکی نے جیہڑے ساڈے گرجا گھر وِچ عادتاً یا رسماً آندے نے۔ تہاڈے ماں پیو تہانوں بچپن وِچ ایتھے لیہیائے سی، یا کوئی ہُور تہانوں گرجا گھر وِچ لیہیا سی۔ لیکن کسی نہ کسی طرح انجیل دی روحانی روح نے تہانوں چھویا یا تہانوں متاثر نئیں کیتا۔ تُسی ایہہ گل چنگی طرح جانندے اُو، جے تُسی اپنے آپ دے نال ایماندار اُو۔

میرا خیال اے کہ اُوس نوجوان عورت مریم دے نال وی اینج ای سی۔ اسی کلام پاک دے ایس حوالے توں پہلاں ایہدے بارے وِچ بہوتا گھٹ جاننے آں۔ لیکن اَسی پڑھے لکھے اِک اندازہ لگا سکنے آں کہ اُو اپنے دور دے تے ساڈے دور دے دوجے نوجواناں وانگوں سی۔ اُو بِلاشُبہ کافی مذھبی سی، تے عبادتاں تے ایہناں ساریاں شیواں وِچ باقاعدگی نال شرکت کردی سی۔ اُوہنے اِک طرح دی دعا منگی۔ اُو عام معنیاں وِچ خدا تے یقین رکھدی سی۔ لیکن ہُن خدا اُوہدی حیاتی وِچ متحرک ہون آلا اے، تے اُو اِک گہرے روحانی تجربے توں لنگہن آلی اے۔ ایہدے وِچ ایہہ تبدیلی کیویں آئی؟

I۔ پہلی گل، اُوہنے منادی نوں اِک نئے انداز وِچ سُنیا سی۔

میرا تہاڈے نال سوال ایہہ اے کہ – پچھلے اِک ورے وِچ تہاڈے لئی انجیل دی منادی سُنن دا کی مطلب سی؟ سال دے اَخیر وِچ، ایہہ بالکل وی بُرا سوال نئیں اے، کی ایہہ [بُرا سوال] اے؟ ایس سال تُسی کیہنی وری انجیل سُنی اے؟ چنگا ٹھیک اے، تبلیغ نے تہانوں کی دِتا اے؟ کی اُوہنے کُج کیتا اے؟ کی اُوہنے تہاڈے وِچ کوئی تبدیلی پیدا کیتی اے؟ ایہہ سمجھا جاندااے [اُوہنوں کرنی] چائیدی اے! پولوس رسول نے کہیا،

’’جے کوئی مسیح وِچ اے تے اُو نیا مخلوق اے۔ پرانی شیواں جاندیاں رہیاں۔ ویکھو اُو نئی ہو گئیاں‘‘ (II کرنتھیوں 5: 17)۔

ایہہ حقیقی مسیحیت اے۔ مسیح نے سانوں فیر توں جنم لین دے بارے وِچ دسیا، ’’نئے سرے توں فیر توں جنم لیہنا‘‘۔ ایہہ تہاڈے تے انجیل دی تبلیغ دا اثر سمجھا جاندا اے۔

کی تبلیغ نے تہانوں اینج متاثر کیتا اے؟ کی ایہدے نال تہانوں کوئی فرق پیہندا اے؟ ایہنا ٹھنڈا تے بے حرکت ہونا اِک خوفناک شے اے کہ تبلیغ تہاڈے وِچ کوئی فرق پیدا نئیں کردی، تے تُسی ایہنوں بالکل وی نئیں سُنیا ہووے گا۔ ایس خوفناک صورتحال وِچ رہنا اِک خوفناک حالت اے۔ ایہہ میری رائے نئیں اے۔ ایہہ مسیح دی رائے اے۔ اُوہنے کہیا کہ سانوں انجیل دی تبلیغ دے بارے وِچ ساڈے جوابی عمل تے ردعمل نال پرکھا جائے گا۔ اُوہنے کہیا،

’’جیہڑا میہنوں رد کردا اے تے میری گلاں قبول نئیں کردا اُوہدا اِنصٓف کرن آلا اِک اے یعنی میرا کلام جیہڑا اَخیرلے دِن اُوہنوں مجرم ٹھہرائے گا‘‘ (یوحنا 12: 48)۔

تُسی انجیل نوں کئی وری سُنیا ہووے گا، لیکن اُوہنے ہُن تیکر تہاڈی مدد نئیں کیتی اے۔ تہانوں [انجیل نوں] ’’نئی سمجھ دے نال‘‘ سُننا چائیدا اے۔ جدوں فرشتہ مریم دے کول آیا تے اُوہنے اینج سُنیا جیویں اُوہنے پہلاں کدی وی نئیں سُنیا سی۔

’’تے جدوں اُوہنے اُوہنوں [فرشتے نوں] ویکھیا، اُو اُوہدا کلام سُن کے بہوتا گھبرا گئی سی…‘‘ (لوقا 1: 29)۔

جدوں کوئی بندہ انجیل نوں سُنندا اے تے ایہہ سمجھنا شروع کر دیہندا اے کہ ایہہ ایہدے تے لاگو ہوندی اے، تے ہمیشہ اندرونی انتشار تے پریشانی دی اِک خاص مقدار ہوندی اے۔

ایہہ اندرونی خلفشار مختلف لوکاں نوں مختلف طریقیاں نال تے مختلف شدت دے نال آندا اے۔ کدی کدی ایہہ تجربہ بہوتی اچانک ہوندا اے، جیویں کہ مریم دے نال ہویا سی۔ لیکن دوجیاں دے لئی ایہہ ہولی ہولی ہوندا اے۔ ایہدے نال کوئی فرق نئیں پیہندا کہ ایہہ اچانک اے یا بتدریج۔ اہم گل ایہہ اے کہ اینج ہوندا اے۔

جان بنعین اذیت دے اِک طویل، خوفناک دور توں گزرا۔ اٹھارہ مہینیاں تیکر اُو اپنے گناہ تے اپنی شرمندگی دا گہرا احساس رکھدے سن۔ دوجے پاسے، فلپائی داروغہ گناہ دی سزایابی [دا احساس ہون] دے مختصر عرصے دے بعد ’’کپکپاندے ہوئے آیا‘‘ (اعمال 16: 29)۔ لہٰذا، ’’گھبرائے جان‘‘ دے ایس تجربے نوں معیاری نئیں بنایا جا سکدا۔ اہم گل ایہہ اے کہ تُسی ایہو جیہا کسی حد تیکر ایہہ تجربہ کردے اُو۔ جیویں کہ 18 ویں صدی دے حمدوثنا دے گیتاں دے لکھاری جوزف ہارٹ ایہنوں تحریر کردے نے،

اُو ساری بہترین جسمانی حالت جیہدی اُوہنوں لوڑ اے۔
اپنے لئی اُوہدی لوڑ نوں محسوس کرنا ہوندا اے۔
( ’’آؤ، اے گنہگارو Come, Ye Sinners‘‘ شاعر جوزف ہارٹ، 1712۔1768)۔

III۔ تیجی گل، اُوہنے خدا دے فضل دا تجربہ کیتا سی۔

مسیحیت وِچ دلچسپی لیہنا ای تہانوں مسیحی نئیں بناندا۔ بُہتیرے لوکی مسیحی بنے بغیر ساری حیاتی مسیحیت دا مطالعہ کردے لنگہاندے رئے نے۔

فیر ایہو جئے لوکی نے جیہڑے سوچدے نے کہ تُسی نیکی کر کے مسیحی بن جاندے اُو۔ اُو سوچدے نے کہ اُو مسیحی نے کیوں جے اُو نیک کام کردے نے۔ لیکن، یقیناً، ایہہ بائبل دی تعلیمات دے بالکل اُلٹ اے۔

دوجے لوکی سوچدے نے کہ اُو مسیحی نے کیوں جے اُو بائبل دے کُج عقائد جانندے نے۔ اُو ’’نجات دا منصوبہ‘‘ جانندے نے۔ اُو جانندے نے ’’کیویں نجات پائی جائے۔‘‘ اُو سوچدے نے کہ ایہہ اُوہناں نوں مسیحی بناندی اے، لیکن اینج نئیں ہوندا اے۔ شیاطین ایہناں گلاں تے یقین کردے نے تے اُو مسیحی نئیں نے!

دوجے لوکاں دا خیال کہ اُو مسیحی نے کیوں جے اُوہناں نے ’’فیصلہ‘‘ کیتا اے یا کسی طرح دا ’’احساس‘‘ کیتا اے۔ لیکن ایہہ وی غلط مفروضہ اے۔ کوئی وی شے جیہڑی تُسی محسوس کردے یا کردے اُو تہانوں نجات نئیں دِلا سکدی۔

تُسی مسیح وِچ خدا دے فضل دا تجربہ کر کے ای اِک حقیقی مسیحی بنندے اُو۔ مریم نے ’’میرے نجات دہندہ خدا‘‘ دے بارے وِچ گل کیتی (لوقا1: 47)۔ اُوہنے کیہیا،

’’اُو جیہڑا خدائے قادر اے [اُوہنے] میرے لئی وڈے وڈے کام کیتے نے‘‘ (لوقا 1: 49)۔

اُو حیران سی کہ خدا نے اُوہدے لئی کی کی کیتا اے۔ اُو حیرانگی، اُو تعجب ہمیشہ ہوندا اے، جدوں کوئی شخص [مسیح وِچ ایمان لیہیا کے] حقیقی معنیاں وِچ تبدیل ہوندا اے۔ ایہہ تبدیلی دا لازمی تجربہ اے۔

تُسی خدا دے نال امن حاصل کرن دے لئی ایدھر اُودھر دے طریقیاں نال کوشش کر رئے اُو۔ تُسی اپنے گناہ تے بے اعتقادی تے جدوجہد کر رئے اُو۔ فیر، اچانک، تُسی مسیحی دے کول آندے اُو تے معافی تے فضل دا تجربہ کردے اُو۔ تُسی ایہنوں کدی نئیں بُھلو گے! تُسی کدی وی نئیں ایہدے تے قابو پاؤ گے!

تے ایہو ای ضروری مسیحی تجربہ اے۔ چارلس ویزلی نے ایہہ سب اپنے مشہور حمدوثنا دے گیت وِچ کیہیا،

حیرت انگیز پیار! ایہہ کیویں ہو سکدا اے،
کہ توں، میرے خداوند، میری خاطر قربان ہو گیا؟
(’’تے ایہہ کیویں ہو سکدا اے؟ And Can It Be? ‘‘ شاعر چارلس ویزلی Charles Wesley، 1707۔1788).

کی ایہہ تہاڈے نال رونما ہو چکیا اے؟ کی تُسی ایہدی وجہ توں حیرت وِچ مبتلا ہوئے اُو؟ کی تُسی مریم دے نال کہہ سکدے اُو،

’’اُو جیہڑا خدائے قادر اے [اُوہنے] میرے لئی وڈے وڈے کام کیتے نے‘‘ (لوقا 1: 49)۔

کی تُسی مسیح دی محبت تے حیران اُو؟ کی بے حس تے مُردہ دین تو نجات پان تے حیران اُو؟ کی تُسی ایہہ کہہ سکدے اُو، ’’میں پوری طرح بیان نئیں کر سکدا کہ میرے نال کی ہویا اے۔ میں خود ایہہ سب نئیں سمجھدا۔ میں اِک نئی مخلوق آں۔‘‘ کوئی وی مسیحی ایس تعجب، ایس حیرانگی توں کدی نئیں نکل سکدا۔

میں تہانوں دسدا چلاں کہ میہنوں ایس قدر حیران کُن کوئی شے نئیں لگدی اے کہ میں ایتھے اَج راتی تہانوں منادی کر رہیا آں۔ میں ایتھے کیوں آں؟ کی ایس لئی کہ میں اِک چنگا بندہ آں؟ یقینی طور تے نئیں! کی ایہہ ایس لئی سی کہ میں فیصلہ کیتا؟ یقینی طور تے نئیں! میں ایتھے مسیح وِچ خدا دے فضل دی وجہ توں آں۔ جِنہا میں ایس دے بارے وِچ سوچنا آں، ایہنا ای میں ایس حقیقت تے حیران ہونا آں کہ میں اینج دی تبلیغ کر رہیا آں۔ میں آسانی نال کسی ہُور راستے تے جا سکدا سی۔ میں کدی وی اینج کرن دا فیصلہ نئیں کیتا۔ ایہہ خدا دا عمل تے بُلاہٹ سی۔ اُوہنے میہنوں تبلیغ دے لئی بُلایا۔ میں ہُنے وی حیران آں کہ اُوہنے کیتا!

ایہہ میری دعا اے کہ خدا تہانوں اِک عاجز، دِل شکستہ، سزا یافتہ حالت وِچ لیہیائے گا – تے فیر اُو تہانوں مسیح دے کول لے آئے گا، جیہڑا تہانوں کفارہ بخشے گا، معافی تے خدا دے نال صلح کرائے گا۔ فیر تُسی کہہ سکو گے، ’’حیرت انگیز گل اے، میں مسیح یسوع وِچ خدا دے فضل دی وجہ توں مسیحی آں۔‘‘ فیر تُسی جان جاؤ گے کہ جان نیوٹن دا کیا مطلب سی جدوں اُوہناں نے کہیا،

حیرت انگیز فضل! کیس قدر مِٹھی اُو واج اے،
   جنہے میرے وگرے تباہ حال نوں بچایا اے!
میں جیہڑا کدی گواچ گیا سی، لیکن ہُن مل گیا واں،
   اَنّا سی لیکن ہُن ویکھنا واں۔

ایہہ فضل ای سی جنہے میرے دِل نوں خوف کرنا سیکھایا،
   تے فضل نے ای میرے سارے خوف ختم کیتے؛
کیس قدر قیمتی اُو فضل ظاہر ہویا سی
   اُس لمحے وِچ جدوں میں پہلی وری یقین کیتا سی!
(’’حیرت انگیز فضلAmazing Grace ‘‘ شاعر جان نیوٹن John Newton ، 1725۔1807).

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔