ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایتھے اَسی بادشاہ نبو کدنضر نوں [خدا وِچ ایمان لیہیا کے] تبدیل شُدہ حالت وِچ ویکھنے آں۔ اُو اَخیرکار آسمان دے خدا دی تعریف کردا اے، تسلیم کردا اے کہ خدا سچا تے راستباز اے۔ ایہدے علاوہ، اُو تسلیم کردا اے کہ جیہڑے لوکی فخر دے نال ٹُردے نے، جیویں کہ اُوہنے کیتا سی، جیہڑے اپنی حیاتی خدا دے نافرمانی وِچ لنگہاندے نے، ذلیل کیتے جان گے، برادری وِچوں کڈے جان گے، پست تے رسوا کیتے جان گے، جے ہُنے نئیں، تے اَخیرلی عدالت وِچ۔

ایہہ سب توں بہوتا ذکر دے قابل اے کہ بابل دا عظیم بادشاہ خدا وِچ ایمان لیہایا ہویا اِک تبدیل شُدہ آدمی بن گیا۔ ساڈے انسانی ذہناں واسطے ایہہ ناممکن معلوم ہوندا اے کہ ایہدے وگرے عظیم غیرت مند بادشاہ نوں روحانی روشن خیالی دی ایہو جئی حالت وِچ لیہایا جائے – سانوں نئے عہد نامے دے لفظاں وِچ کہنا چائیدا اے کہ اُو فیر توں پیدا ہویا سی – کہ ہُن اُو مسیح وِچ ایِک نیا آدمی سی۔

لیکن میں چاہنا آں کہ تُسی ویکھو کہ ایہہ کیویں ہویا، خدا نے اُوہنوں تبدیلی دی حقیقی حالت وِچ لیہیان دے لئی کیہڑے طریقے استعمال کیتے سن۔

I۔ پہلی گل، بادشاہ تین خدا پرست آدمیاں دی گواہی توں متاثر ہویا۔

شِدرک، میشک اور عبدنجُو نامی تین آدمیاں نے بادشاہ نوں اِک شاندار تے طاقتور واعظ سُنایا، تے ایہہ ایس قدر دلجمعی تے بے خوفی نال کیتا کہ بادشاہ دے دِل وِچ ایہدا گہرا اثر ہویا۔

ایہہ نوجوان سچے خدا تے یقین رکھدے سن۔ اُو ایس بُت نوں نئیں سجدہ کرن گے جِنہوں بادشاہ نے کھڑا کیتا سی۔ جدوں بادشاہ نے دھمکی دِتی کہ جے اُو اُوہدے سونے دے بُت دی پرستش نئیں کردے نے تے اُوہناں نوں ’’بلدی ہوئی اَگ دی بھٹی‘‘ وِچ سُٹ دِتا جائے گا (دانی ایل 3: 15)، تے اُو شدت نال بولے تے اُوہنوں اِک مضبوط گواہی پیش کیتی۔ کھڑے ہو جاؤ تے دانی ایل 3: 17-18 نو پڑھو۔ ایہہ اے جیہڑا ایہناں نوجوان نے بادشاہ دے نال دلیری نال کیہیا۔ ایہہ دوویں آیتاں اُوچی واج نال پڑھو۔

’’جے سانوں دہکتی ہوئی بھٹی وِچ سُٹ دِتا گیا تے جیس خدا دی اَسی عبادت کرنے آں اُو سانوں ایس توں بچان دی قدرت رکھدا اے تے اے بادشاہ اُو سانوں تیرے ہتھ توں چُھڑائے گا۔ تے جے اُو نہ وہ بچائے، تاں وی اے بادشاہ اَسی تیہنوں جتا دیہنے آں کہ اَسی تیرے معبوداں دی عبادت نئیں کراں گے، نہ ایس مورت نوں سجدہ کراں گے جِنہوں توں نصب کیتا اے‘‘ (دانی ایل 3: 17۔18)۔

تُسی تشریف رکھ سکدے اُو۔

بادشاہ ایہناں تے طیش تے غصے نال بھر گیا۔ اُوہدا چہرہ شدید غضب نال تڑپ اُٹھیا۔ اُوہنے حکم دِتا کہ بھٹی نوں ایس توں سَت گناہ بوہتا گرم کیتا جائے۔ تے فیر اُوہنے اُوہناں نوں بلدی ہوئی اَگ وِچ سُٹ دِتا۔

تھوڑی جئی دیر بعد بادشاہ نے بھٹی دے اِک سوراخ تھانی اندر ویکھیا۔ تین آدمیاں نوں ویکھن دے بجائے چار سن،

’’تے اُو چوتھا معبوداں دے پُتر وانگوں نظر آ رہیا سی‘‘ (دانی ایل 3: 25)۔

یسوع شعلیاں وِچ اُوہناں دی حفاظت دے لئی اُوہناں دے نال سی۔

فیر نبوکدنضر نے اُوہناں نوں بُلایا تے اُو زندہ تے جلے بغیر بھٹی وِچوں باہر ’’نکل آئے‘‘ (دانی ایل 3: 26-27)۔

بادشاہ سکتہ وِچ تے حیرت نال تعجب وِچ سی۔ اُوہنے کیہیا،

’’شِدرک، میشک تے عبدنجُو دے خدا دی تمجید ہووے جیس نے اپنے فرشتیاں نوں پیہج کے اپنے بندیاں نوں چُھڑا لیہیا جِنہاں نے اُوہدے تے بھروسہ کیتا‘‘ (دانی ایل 3: 28)۔

پہلا سبق جیہڑے اَسی سیکھنے آں اُو ایہہ اے کہ مضبوط تبلیغ اکثر گمراہ ہونے بندے تے اِک قابلِ ذکر اثر پاندی اے، جیس نال اُو ایہہ ویکھدا اے کہ خدا طاقتور تے مقدس تے قابلِ بھروسہ اے۔ بادشاہ نوں پہلاں تے غصہ آیا جدوں اُوہدے جھوٹے مذہب دی پرستش نئیں کردے سن – لیکن اُوہناں نے ہر قیمت تے خدا دے نال اپنی ثابت قدمی نال اُوہدی عزت حاصل کیتی۔ کی تُسی ایہو جئے نوجوان ہوؤ گے؟ کی تُسی اپنے ماں پیو تے بیلیاں دے سامنے جھکن توں انکار کر دیو گے جیہڑے چاہندے نے کہ تُسی گرجا گھر وِچ نہ جاؤ، جیتھے خدا چاہندا اے کہ تُسی جاؤ، یعنی گرجا گھر وِچ؟ کی تُسی گمراہ رشتہ داراں دے غصے تے سرزنش نوں برداشت کرو گے جیہڑے تہاڈے گرجا گھر وِچ ہون دے نال پریشان نے؟ جے تُسی اُوہناں نوں مسیح دے لئی جِتنا چاہندے اُو، جیویں کہ اُوہناں نوجواناں نے بادشاہ نوں جیتیا، تے تہانوں ڈٹے رہنا چائیدا اے، جیویں کہ اُو نوجوان لوکی قائم رئے سن تے اُوہناں نوں اپنے اعمال دے ذریعے توں، رسولاں نال رَل کے دسّو،

’’تُسی آپئے ای فیصلہ کرو کہ کی خدا دی نظر وِچ ایہہ چنگا اے کہ اَسی تہاڈی گل منیئے نہ کہ خدا دی؟ کیوں جے ممکن نئیں کہ اَسی جیہڑا کُجھ ویکھیا تے سُنیا اے اُوہدا ذکر نہ کریے‘‘ (اعمال 4: 19۔20)۔

میں تہانوں سچ کہنا آں، مسیح دے لئی ڈٹ جاؤ تے اُوتھے ای ٹِکے رہوؤ جیتھے تہاڈا تعلق اے۔ کِھلو جاؤ تے مہربان الفاظ دے نال کہوو کہ ایہناں اہم شیواں تے انسان دے مقابلے وِچ خدا دی اطاعت کرنا بہتر اے۔ اینج کرن دی ہمت تے ایمان رکھو! تے خدا تہاڈی مدد کرے!

اگرچہ اُو تہانوں اینج نئیں دسن گے، لیکن اُو تہاڈے جوش تے ایمان نال بہوتے متاثر ہون گے – بہوتے متاثر ہون گے۔ تے تہاڈی گواہی اُوہناں نوں آن آلے وریاں وِچ مسیح چہ خدا دی اپنی لوڑ دے بارے چہ سوچن دی رہنمائی کر سکدی اے، جیویں کہ ایہناں نوجواناں دی گواہی نے شاہِ بابل دی رہنمائی کیتی سی۔ کیوں جے میہنوں یقین اے کہ ایہہ ایہناں نوجواںاں دا بے خوف ایمان سی جیس نے بادشاہ نوں ایہنا متاثر کیتا کہ اُو آپئے سچے خدا دے بارے چہ تے نجات دی اپنی لوڑ دے بارے چہ سنجیدگی نال سوچن لگا۔

II۔ دوجی گل، بادشاہ دی روحانی بیداری ہو چکی سی۔

ایہدے بارے چہ کوئی شک نئیں ہو سکدا۔ ویکھو بادشاہ نے کی کیہیا جدوں اُوہنے اِک فرمان صادر کیتا، جِنہوں اُوہنے اپنے مُلک وِچ شائع کیتا۔ مہربانی نال کِھلو جاؤ تے دانی ایل 4: 2-3 نوں پڑھو۔ بادشاہ نے اپنے سارے لوکاں نوں ایہہ کہیا۔ ایہناں دوواں آیتاں نوں اُوچی واج نال پڑھو۔

’’خدا تعالی نے میری خاطر جیہڑیاں حیرت انگیز نشانیاں تے عجائب کر وکھائے اُوہناں نوں تہانوں دسن وِچ میہنوں بے حد خوشی ہوندی اے۔ اُوہدیاں نشانیاں کیس قدر عظیم نے! تے اُوہدے معجزات کیس قدر جلیل القدر نے! اُوہدی بادشاہت ابدی بادشاہت اے؛ تے اُوہدی سلطنت پشت در پشت بنی رہندی اے‘‘ (دانی ایل 4: 2۔3)۔

تُسی تشریف رکھ سکدے اُو۔

بادشاہ صریحاً اِک بُت پرست سی، کلام دے کسی وی معنی وِچ خدا دا پرستار نئیں سی۔ لیکن، ایہناں تین نوجواناں دی بے خوف گواہی دے نتیجے وِچ، بادشاہ سچے تے زندہ خدا دے جلال دے لئی بیدار ہویا۔

لیکن میہنوں ایہہ کہندے ہوئے افسوس ہوندا اے کہ اُوہدی بیداری بوہتی دیر تیکر نہ چل سکی۔ چھیتی ای اُوہنے اپنے ذہن توں ایہناں چنگے خیالات نوں کڈ دِتا جِنہاں دا اُوہنے تجربہ کیتا سی تے اپنے پرانے، خدا نوں مسترد کرن آلے طریقیاں تے واپس چلا گیا۔

III۔ تیجی گل، بادشاہ اُو یقین کھو چکیا سی جیہڑا اُوہنوں بیدار ہون تے حاصل ہویا سی۔ تے اُو اپنی سابقہ حالت وِچ واپس چلا گیا۔

دانی ایل 4: 30۔31 آیات نوں کھولو۔ آؤ ایہناں دوواں آیتاں نوں اُوچی واج وِچ پڑھیے۔

’’بادشاہ بولیا تے اُوہنے کیہیا، کی ایہہ اُوہی عظیم بابل نئیں اے جِنہوں میں اپنی جلیل القدر قدرت دے بل تے شاہی محل دے طور تے تعمیر کیتا تاکہ میرے جاہ و جلال دی عظمت ہووے؟ ایہہ الفاظ ہُنے اُوہدے لباں تے ای سن کہ آسمان توں اِک صدا سُنائی دِتی، اے نبو کدنضر بادشاہ، تیرے لئی ایہہ حکم ہو چکیا اے؛ تیرا شاہی اِختیار تیرے توں چھین لیہیا جائے گا‘‘ (دانی ایل 4: 30۔31)۔

میہنوں حیرت اے کہ کی تہاڈے نال وی اینج دا ای کُجھ نئیں ہویا؟ میہنوں حیرت اے کہ کی تُسی اِک وری اپنے گناہ دے بارے چہ بیدار ہوئے سی، ایس گل تے یقین رکھدے سی کہ تُسی باہر تے باطن وِچ غلط سی۔

بادشاہ نے ویکھیا کہ اُوہدے مذہب وِچ کی خرابی اے۔ اُوہنے اپنے آپ نوں کُجھ عاجز کر لیہیا سی۔ اُوہنے ویکھیا سی کہ اُو خدا توں باغی سی۔ لیکن ہُن اُو ایہناں عقائد نوں بُھل گیا تے واپس اپنی سابقہ حالت وِچ چلا گیا۔

اینج اکثر ہوندا اے۔ ہو سکدا اے کہ تُسی اِک وری کسی مجرم ضمیر دی تکلیف نوں محسوس کیتا ہووے۔ لیکن ہو سکدا اے تُسی اپنے ضمیر نوں عقیدے دے جھوٹے اقرار نال خاموش کرا دِتا ہووے۔ اینج لگدا اے کہ نبو کدنضر نے ایہو ای کیتا سی۔ ایہہ اینج ای اے جیہڑا موسیٰ دے زمانے وِچ فرعون نے کیتا سی۔ فرعون نے کہیا،

بادشاہ نے دیکھا کہ اس کے مذہب میں کیا خرابی ہے۔ اس نے خود کو کچھ عاجز کر لیا تھا۔ اُس نے دیکھا تھا کہ وہ خُدا سے باغی تھا۔ لیکن اب وہ ان عقائد کو بھول گیا اور واپس اپنی سابقہ حالت میں چلا گیا۔

ایسا اکثر ہوتا ہے۔ ہو سکتا ہے کہ آپ نے ایک دفعہ کسی مجرم ضمیر کی تکلیف کو محسوس کیا ہو۔ لیکن ہو سکتا ہے آپ نے اپنے ضمیر کو عقیدے کے جھوٹے اقرار سے خاموش کرا دیا ہو۔ ایسا لگتا ہے کہ نبوکدنضر نے یہی کیا تھا۔ یہ اسی طرح ہے جو موسیٰ کے زمانے میں فرعون نے کیا تھا۔ فرعون نے کہا،

’’ایس وری میں گناہ کیتا اے: خداوند سچا اے تے میں تے میرے لوکی غلطی تے نے‘‘ (خروج 9: 27)۔

حالانکہ فرعون گناہ دی سزایابی وِچ آ چکیا سی، لیکن اُو مسیح وِچ ایمان لیہیا کے تبدیل نئیں ہویا سی۔

’’جدوں فرعون نے ویکھیا کہ بارش، ژالہ باری تے بجلی دی گھن گرج موقوف ہو گئی تے اُوہنے فیر گناہ کیتا تے اُوہدا تے اُوہدے اہلکاراں دا دِل نہ پسیجا‘‘ (خروج 9: 34)۔

فرعون، نبو کدنضر وانگو، اپنا یقین گنوا بیٹھیا سی تے صحیح معنیاں وِچ مسیح چہ ایمان لیہیا کے تبدیل نئیں ہویا سی۔

اَسی ایہنوں بادشاہ ساؤل دے معاملے وِچ وی ویکھنے آں۔ جدوں سزایابی اُوہدے تے نازل ہوئی تے اُوہنے توبہ نئیں کیتی تے خداوند وَل رجوع نئیں کیتا۔ اُو مسیح وِچ ایمان لیہیا کے تبدیل نئیں ہویا سی، تے گناہ وِچ ای مر گیا سی۔

کوئی کہہ سکدا اے کہ نبو کدنضر، فرعون تے ساؤل دی پرانے عہدنامے دی ایہناں مثالاں نوں اَج کسی ایہو جئے بندے دے خلاف وراننگ دے طور تے استعمال نئیں کیتا جانا چائیدا اے جیہڑا سزا توں محروم ہووے۔ لیکن میرا جواب ایہہ اے – فیر ایہناں لوکاں دے تجربات بائبل وِچ کیوں درج نے؟ پولوس رسول نے سانوں دسیا،

’’ہر صحیفہ جیہڑا خدا دے الہٰام توں اے، اُو تعلیم دین، تنبیہ کرن، سُدھارن تے راستبازی وِچ تربیت دین دے لئی مفید اے‘‘ (II تیمتھیس 3: 16)۔

’’تمام صحیفیاں‘‘ توں مُراد پوری بائبل اے۔ پرانے عہدنامے دے پورے صحیفیاں وِچ ’’تذلیل‘‘ تے ’’تصحیح‘‘ دے اسباق موجود نے، جیہڑے اَج لاگو ہوندے نے۔ بیابان وِچ بنی اسرائیل دے بارے چہ پولوس رسول نے لکھیا،

’’ایہدے باوجود خدا اُوہناں دی اِک کثیر تعداد دے نال راضی نہ ہویا چنانچہ اُوہناں دیاں لاشاں بیابان وِچ پیہئیاں رئی۔ ایہہ گلاں ساڈے لئی عبرت دا باعث نے …‘‘ (I کرنتھیوں 10: 5۔6)۔

’’ایہہ گلاں اُوہناں نوں ایس لئی پیش آئیاں کہ اُو عبرت حاصل کرن تے اَسی اَخیرلے زمانے آلیاں دی نصیحت دے لئی لکھیاں گئی‘‘ (I کرنتھیوں 10: 11)۔

لہٰذا اَسی ایہہ نتیجہ اخذ کرنے آں کہ نبو کدنضر، فرعون تے بادشاہ ساؤل دی مثالاں عہدنامہ قدیم وِچ خدا دے الہٰام توں مثالاں دے طور تے دِتی گئیاں نے، ایس [مذہبی] نظام وِچ اَج لوکاں نوں ملامت کرن، درست کرن تے متنبہ کرن دے لئی۔ بصورتِ دیگر، اُو بائبل وِچ کیوں درج نے – جے اُو تہانوں اپنی سزایابی نوں کھون تے مسیح یسوع وِچ حقیقی تبدیلی توں محروم ہون دے خلاف خبردار کرن دے لئی نئیں نے؟

فیلکس دی مثال نئے عہدنامے وِچ، اعمال دی کتاب وِچ دِتی گئی اے، تاکہ سزا نوں کھون دے خلاف خبردار کیتا جا سکے۔ پولوس دے مطابق

’’راستبازی، پرھیزگاری تے آں آلی عدالت دے بارے وِچ بیان کیتا، فلیکس ڈر گیا تے کیہن لگا، ہُنے ایہنا ای کافی اے توں جا سکدا اے؛ میہنوں فرصت لبھے گی تے میں تیہنوں فیر بُلاواں گا‘‘ (اعمال 24: 25)۔

فیلکس گناہ دی سزا دے تحت کنب رہیا سی، لیکن اُوہنے مسیح چہ ایمان لیہیا کے تبدیل ہون نوں ترک کر دِتا۔ اُوہنے کہیا کہ اُو کسی ہُور ویلے پولوس نوں مشورہ دین دے لئی بُلا لئے گا۔ لیکن اُو ویلہ کدی نئیں آیا۔ اُوہدا یقین کدی واپس نئیں آیا۔ اُو مسیح وِچ ایمان لیہیائے بغیر ای اِک غیر تبدیل شُدہ حالت چہ مر گیا۔

اِک ویلہ آندا اے جدوں خدا تہاڈے توں دستبردار ہو جاندا اے تے سزایابی تہانوں فیر کدی پریشان نئیں کردی۔ جدوں اینج ہوندا اے، ’’تے ایہہ ناممکن اے … اُوہناں نوں فیر توں توبہ دے لئی تجدید کرانا‘‘ (عبرانیوں 6: 4، 6)۔

جے تہانوں گناہ دا کوئی یقین اے، تے تہانوں فوراً مسیح دے کول آنا چائیدا اے۔ تاخیر نہ کرو، اگلی وری ایہہ ’’ناممکن‘‘ ہو سکدا اے۔ اگلی وری تُسی ناقابلِ معافی گناہ کیتا ہویا ہووے گا۔ خدا تہانوں مکمل طور تے چھڈ سکدا اے، جیویں کہ اُوہنے فرعون تے ساؤل تے فیلکس نوں چھڈ دِتا سی۔ جے تُسی اپنے گناہ توں قائل ہونا محسوس کردے اُو، تے توبہ کرو تے فوراً یسوع دے کول آؤ۔ دیر مہلک ہو سکدی اے!

IV۔ چوتھی گل، بادشاہ نے اِک ہُور شفیق بیداری دا تجربہ کیتا سی۔

مہربانی نال کھڑے ہو جاؤ تے دانی ایل 4: 32۔34 آیات اُوچی واج نال پڑھو۔

’’تے تیہنوں لوکاں وِچوں کڈ دِتا جائے گا تے توں جنگلی جانوراں دی صحبت وِچ رئے گا: توں مویشیاں وانگوں گھاہ کھائیں گے۔ تیرے تے ست دور لنگہن گے جدوں تیکر کہ توں جان لئے کہ خداوند خدایا انساناں دی بادشاہت تے حکمران اے تے اُو اُوہناں نوں جیویں چاہوے دے دیہندا اے۔ اُوس ویلے نبو کدنضر دے متعلق جیہڑا کہیا گیا سی اُو پورا ہویا۔ اُو لوکاں وِچوں کڈیا گیا تے اُوہنے مویشیاں وانگوں گھاہ کھائی۔ اُوہدا پینڈا آسمان دی اوس نال گیلا ہویا ایتھوں تیکر کہ اُوہدے بال عقاب دے پراں وانگوں تے اُوہدے ناخن پرندیاں دے پنجیاں وانگوں ودھ گئے۔ ایہناں دِناں دے لنگ جان دے بعد میں نبو کدنضر نے آسمان وَل اپنی اَکھاں چُکیاں تے میرے ہوش و حواس بجا ہو گئے۔ اُودھوں میں خداوند خدایا دی تمجید کیتی۔ میں اُوہدی حمدوثنا کیتی جیہڑا ابد تیکر جیوندا اے …‘‘ (دانی ایل 4: 32۔34)۔

تُسی تشریف رکھ سکدے اُو۔

ایتھے اِک بہوتی مضبوط مثال اے کہ خدا اِک آدمی نوں گناہ دا قائل کردا اے۔ خدا نے واقعی چہ اُوہنوں توڑ دِتا، ایتھوں تیکر کہ اُوہدی سمجھ واپس آ گئی تے اُوہنے ’’خداوند خدایا نوں برکت دِتی۔‘‘

اَسی مسیحی تاریخ وِچ اینج دیاں تبدیلیاں کئی وری ویکھنے آں۔ پولوس رسول قائل کرن آلے فضل دی طاقت دے تحت اَنّا ہو گیا سی، ایس توں کہ اُو حننیاہ دی منادی دے تحت دمشق وِچ سیدھا کہلان آلے کوچہ چہ تبدیل ہو جائے، ’’تے اُوہنے فوراً بینائی حاصل کیتی، تے اُٹھ کے بپتسمہ لیہیا‘‘ (اعمال 9: 18)۔

لوتھر، وائٹ فیلڈ، ویزلی تے سپرجیئن مسیح دے کول آن توں پہلاں سزایابی دے اِک چیخدے ہوئے بیابان توں لنگہے۔ ساڈے بپتسمہ دین آلے باپ دادا، جان بنعیان، خوفناک مایوسی دے اِک طویل دور توں لنگہے۔ اُوہناں نے کہیا،

ہُن میں اپنے لئی اِک بوجھ تے دہشت سی، تے نہ ای میہنوں کدی معلوم سی، جیویں کہ ہُن، اپنی حیاتی توں تھک جانا، تے فیر وی مرن توں ڈرنا کی اے۔ ہائے، میں کیہنی خوشی نال اپنے سوا کوئی ہُور ہوندا! اِک آدمی دے سِوا کُجھ وی! (جان بنعیانJohn Bunyan، گنہگاراں دے سردار دے لئی کثرت نال فضل Grace Abounding to the Chief of Sinners، پینگوئین کُتب Penguin Books، 1987، صفحہ 38)۔

تُسی بنعیان دی اپنی سزایابی دے بیان نوں ایہہ سمجھے بغیر نئیں پڑھ سکدے کہ جدوں اُو جرم دی قائل کرن آلی طاقت دے ت حت سی تے اُوس شخص نوں جِنہوں دورِ حاضرہ دے لوکی ’’پاگل پن‘‘ کیہن گے اُوہدے وَل راغب کیتا گیا سی۔ تے، جیویں کہ میں کیہیا اے، ایہہ بہتیرے دوجے مشہور مسیحیاں، جیویں لوتھر، وائٹ فیلڈ، ویزلی، تے ایتھوں تیکر کہ، اِک حد تیکر، سپرجیئن دا وی تجربہ سی۔ ایہہ وی یاد رکھنا چائیدا اے کہ ایہو جئے تجربات اکثر لوکاں نوں حیاتِ نو دے موسماں دے دوران برداشت کرنا پیہندے نے، خاص طور تے تین عظیم بیداریاں وِچ۔

پرانے مبصرین ایہو جئے واقعات نال بوہتے واقف سن۔ تے سانوں حیران نئیں ہونا چائیدا اے کہ جان کِیلون نے نبو کدنضر دے تجربے نوں اپنی تبدیلی دی علامت دے طور تے ویکھیا۔ کیلون نے کیہیا،

اُوہنے اپنی ذہنی صحت بحال کر لئی سی، تے اینج … عارضی عذاب وچ خدا دی رحمت دی تعریف کردا اے۔ تے فیر اُوہنے اپنا ہتھ ودھایا، تے اِک حیوان توں دوبارہ اِک آدمی بنایا! … لہٰذا بہوتی چنگی وجہ دے نال نبو کدنضر نے خدا دے ایس فضل دا جشن منایا (جان کیلون، دانی ایل نبی دی کتاب تے تبصرےCommentaries of the Book of the Prophet Daniel، جلد اول ، بیکر بک ہاؤس، 1998، صفحہ 301)۔

ڈاکٹر جان میک آرتھر، اگرچہ مسیح دے لہو تے غلطی تے سن، میرے خیال وِچ، اُو درست سن جدوں اُوہناں نے کہیا،

ڈینیئل 4 باب وِچ اَسی ویکھاں گے کہ [جیس گل وِچ] میرا یقین اے اُو سچے خدا وِچ ایمان لیہیان دے لئی نبو کدنضر دی مسیح وِچ ایمان لیہیان دی تبدیلی وِچ اے۔ کُجھ مبصرین نے مناسب طور تے باب دا عنوان رکھ دِتا اے، ’’نبو کدنضر دی مسیح وِچ ایمان لیہیان دی تبدیلی۔‘‘ ایہہ دسدا اے کہ کیویں خدا نے اُوہنوں عاجز کر کے اُوہدا غرور توڑیا تے فیر اُوہدے دِل نوں ایمان دے نال اُوہدے وَل موڑ دِتا (جان میک آرتھر، ڈی ڈی، ’’عالمی طاقتاں دا عروج و زوال: کیویں طاقتور مغلوب ہویا،‘‘ دانی ایل 4: 1-37 پر ایک واعظ ، ٹیپ GC 27-12)۔

خدا کدی کدی اپنی خود مختار طاقت دا استعمال کردے ہوئے اِک مغرور آدمی نوں توڑ ڈالدا اے تے ایس توں پہلاں کہ انسان دا دِل مسیح وَل متوجہ ہو اُوہنوں بہوتا زیادہ فروتن کردا اے۔

اَسی بادشاہ نبو کدنضر دی تبدیلی توں کی سیکھنے آں؟ اَسی سیکھنے آں کہ تُسی مسیحیاں دے واعظاں تے گواہیاں توں متاثر ہو سکدے اُو تے اینج بیدار ہو سکدے اُو۔ لیکن جے تُسی گناہ دے قائل ہون دے بعد توبہ نئیں کردے اُو، تے تہانوں قائل کرن دا سخت ویلہ تہاڈے تے آ سکدا اے، جیویں کہ بادشاہ تے آیا سی۔ ایہہ سزایابی دا اِک خوفناک ویلہ ہو سکدا اے، جیویں کہ ایہہ لوتھر، بنعیان، ویزلی، سپرجیئن، تے بہوتے سارے دوجے لوکاں دے نال سی، خاص طور تے حیاتِ نو دے پھیلن دے ویلے۔

جے خدا نوں ساڈے گرجا گھر وِچ ایتھے اینج رحم کرنا چائیدا اے، تے تہاڈے وِچوں کُجھ یقیناً اپنے آپ نوں اِک تباہ شُدہ پاگل درندے دے طور تے، اُمید دے بغیر ویکھ سکدے اُو۔ فیر، کوئی وی محض ’’فیصلہ‘‘ یا ’’دعا‘‘ تہانوں سکون نئیں دے گی۔ فیر تُسی کہوو گے، جیویں کہ زبور نویس نے کہیا،

’’پس میرا دِل رنجیدہ ہویا تے میرا جگر چِھد گیا۔ میں اپنے ہوش کھو بیٹھا تے جاہل سی میں تیرے سامنے جانور وانگوں سی‘‘ (زبور 73: 21۔22)۔

کیہو جیہا رحم! کیہو جیہا فضل! اِک مغرور شخص دے لئی، جِنہوں اُوہدے غرور نے توڑیا، تے انجیلی بشارت آلی توبہ وَل لے آیا تے مسیح وِچ سچے ایمان چہ لے آیا، واقعی چہ یسوع مسیح چہ خدا دے فضل دی اِک ٹرافی اے۔ جے ایہہ تجربہ تہاڈا ہونا چائیدا اے تے تسی نیوٹن دے نال گا پاؤ گے،

حیرت انگیز فضل! کیس قدر میٹھی اُو آواز،
   جِنہے میرے وگرے تباہ حال نوں بچایا!
میں جیہڑا کدی گواچ گیا سی، لیکن ہُن لبھ گیا آں،
   اَنّا سی لیکن ہُن ویکھنا آں۔
(’’حیرت انگیز فضلAmazing Grace ‘‘ شاعر جان نیوٹن John Newton ، 1725۔1807).

لیکن میں اُمید کرنا آں کہ تہانوں یقین دے خوفناک، گھمبیر پاگل پن وَل نئیں لیہانا پیہئے گا جیس دا تجربہ نبو کدنضر تے دوجیاں نے تہاڈے توبہ کرن تے مسیح وَل رُخ کرن توں پہلاں کیتا اے۔ میں اُمید کرنا آں کہ روح القدس وَلوں اِک جھوٹا جیہا یقین تہانوں ایہہ باور کران دے لئی کافی ہووے گا کہ تُسی آدم دی تباہ شُدہ نسل وِچوں اِک اُو، مسیح دی رحمت دے بغیر نا اُمید اُو۔ میری دعا اے کہ تُسی ڈاکٹر واٹس دے نال ایہہ کہ سکو گے،

اے خداوندا، میں غلیظ آں، جیہڑا گناہ چہ رحم وِچ پیہیا
تے ناپاک تے گندا ای پیدا ہویا؛
اُوس آدمی دی اولاد وِچوں جِیس دی برگشتگی دے قصور نے
نسل نوں بدکار کیتا تے اَسی ساریاں نوں آلودہ کیتا۔

ویکھ، میں تیرے چہرے دے اَگے ڈِگنا آں،
میری واحد پناہ تیرا فضل اے؛
کوئی وی بیرونی اقسام میہنوں پاک صاف نئیں کر سکدیاں؛
اُو کوڑھ وِچ باطن چہ پہناں نے۔

یسوع، میرے خداوند! تنہا تیرا ای لہو
کفارہ دے لئی کافی طاقتور اے؛
تیرا لہو میہنوں برف وانگوں سفید کر سکدا اے۔
کوئی وی یہودی قسم سانوں اینج دا نئیں بنا سکدی۔
     (زبور 51 – ’’اے خُداوندا، میں غلیظ ہوں Lord, I Am Vile‘‘ شاعر ڈاکٹر آئزک واٹز ڈی۔ ڈی۔ Dr. Isaac Watts, D.D.، 1674۔1748)۔

کی تُسی اپنے اپندر گناہ تے جرم دی طاقت نوں محسوس کیتا اے؟ کی تُسی اپنی وگڑی ہوئی، گنہگار، آدم آلی فطرت دے غلا اُو؟ کی تُسی محسوس کردے اُو کہ گناہ دا تہاڈے تے ایہنا زور اے کہ تُسی ایہدے توں بچ نئیں سکدے؟ فیر مسیح وَل نٹھ کے آ جاؤ۔ اپنے گناہواں توں اُوس لہو وَچ دُھل جاؤ جیہڑا مسیح نے سولی تے وگایا!

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔