انجیلی بشارت دی تبلیغ دی گواچی ہوئی کشتی

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

اَج سویرے ایتھے تُسی [لوکی] مختلف مذہبی پس منظراں توں آئے اُو۔ تہاڈے وِچوں کُجھ رومن کیتھولک گھراں توں آئے اُو۔ تہاڈے وِچوں کُجھ دا تعلق بدھ مت دے پس منظر توں اے۔ دوجیاں نے کدی کدی انجیلی بشارت دے گرجا گھر وِچ شرکت کیتی اے۔ تے تہاڈے وِچوں کُجھ دا کوئی مذہبی پس منظر نئیں اے۔ تہاڈے وِچوں کئی لوکی اَج سویرے اپنی حیاتی وِچ پہلی وری بپتسمہ دین آلے اِک گرجا گھر وچ نے۔ تے بُہتیرے دوجے [لوکی] صرف چند ہفتیاں توں آ رئے نے۔

میں تہانوں بالکل واضح کرنا چاہنا آں کہ میں اگلے چالیس منٹ تیکر کی کرن جا رہیا آں۔ میں تہانوں پرانے زمانے دا انجیلی بشارت دا اِک واعظ سنان جا رہیا آں۔ میہنوں ایہناں وِچوں ہر اِک لفظ دی وضاحت کرن دیو۔ میں تبلیغ کرن جا رہیا آں۔ میں پڑھان نئیں جا رہیا آں۔ یونانی نئے عہدنامے وِچ تبلیغ تے تعلیم دے لئی دو مختلف الفاظ نے۔ تبلیغ kērussō توں اے۔ ایہدا مطلب اے ’’پیغام نوں اَگے ودھانا‘‘ – اِختیار دے نال ایہدا اعلان کرنا۔ تعلیم didaskō دیداسک لفظ توں اے۔ ایہدا بنیادی خیال سُنن آلے دے اَگے علم پیش کرنا، اُوہنوں سکھانا اے۔ لیکن ایہہ بالکل وی انجیلی بشارت دی تبلیغ نئیں اے۔ تعلیم دی اپنی تھاں ہوتی اے، لیکن ایہہ اصطلاح دے کسی وی معنی وِچ انجیلی بشارت دی تبلیغ نئیں اے۔

اَج کل گرجا گھراں وِچ بہوتی زیادہ تعلیم چل رئی اے – لیکن انجیلی بشارت دی تبلیغ نوں نچوڑ دِتا گیا اے تے ہُن شاید ای [کسی قسم دی] کوئی تبلیغ موجود اے۔

تُسی تبلیغ سُنن آئے اُو، پڑھان دے لئی نئیں۔ تے تُسی پرانے زمانے دی تبلیغ سُنن آئے اُو۔ ایہہ پرانے زمانے دی نئیں ہونی چائیدی، [لیکن] ایہہ ہوندی اے۔ ایہہ ایہو جئی بن چکی اے، کیوں جے ایہہ [تبلیغ] ایہنی گھٹ ہوندی اے کہ کوئی ای ایہنوں مذید سُنندا اے۔ لہٰذا، تہانوں ایہدے بارے چہ سوچنا چائیدا اے جیہڑا تُسی تُسی اِک دعوت دے طور تے سُنن جا رئے اُو۔ جیویں پرانے زمانے دی ہتھ نال بنی آئس کریم۔ پرانے زمانے دی آئس کریم اَج اپنی تھاں تے پیش کیتی جان آلی ہلکی پھلکی میٹھی غذا توں کُجھ ایہنی مختلف سی کہ جدوں میں آئس کریم دی دکان وِچ جاناں آں تے ایہہ میری عمر دی آدمی نوں [اُوسی] اصل شے دے لئی ترسا دیہندی اے۔ لیکن افسوس دی گل اے کہ اصل [آئس کریم] بہوتی پہلے غائب ہو گئی سی تے ایہدی تھاں کیچڑ دے پانی آلے پیالے نے لے لئی سی۔ ایہہ آئس کریم دے لئی گزارا تے کروا دیہندی اے، لیکن ایہہ ساڈے وِچوں ایہناں لوکاں نوں مطمئن نئیں کردی جیہڑے اصل [آئس کریم] نوں یاد رکھدے نے۔ میری عمر دا آدمی اکثر ایس نام نہاد تبلیغ دے بارے وِچ اینج ای محسوس کردا اے جیہڑی ہُن ایہدی تھاں تے پیش کیتی جاندی اے۔

تے، فیر، میں تہانوں اِک پرانے زمانے دے سب توں وڈے انجیلی بشارت دے واعظاں وِچوں اِک توں کئی آیتاں چُک رہیا آں جیہڑا پطرس رسول دا پینتیکوست دے دِن دا واعظ اے۔ میں اعمال 2 باب وِچوں حوالے دی آیت بہ آیت تفسیر پیش نئیں کراں گا۔ جے میں اینج کیتا تے ایہہ محض اِک جدید نمائش ہووے گی، تے بالکل وی حقیقی انجیلی بشارت دا واعظ نئیں ہووے گا۔

نئیں، میں تہانوں خالص گل پیش کرن جا رہیا آں – بندشاں توں آزاد، اَگ تے گندھک، خوشخبری تے مبنی، پرانے زمانے دا انجیلی بشارت دا واعظ، جیویں کہ پطرس نے کیتا سی جدوں اُوہنے پینتیکوست دے دِن منادی کیتی سی۔ انجیلی بشارت دی منادی دے زیادہ تر حقیقی عناصر پطرس دے واعظ وِچ نے، تے میں اُوہناں نوں حوالے وِچوں جنہی وضاحت تے شفافی نال پیش کر سکنا آں، میں تہاڈے اَگے پیش کرن جا رہیا آں، ایک بہترین مثا دے طور تے کہ اِک انجیلی بشارت دا واعظ کینج دا ہونا چائیدا اے۔

I۔ پہلی گل، انجیلی بشارت دا واعظ اُوچی واج وِچ ہوندا اے۔

میں لفظ ’’اُوچی واج‘‘ دے استعمال دے لئی معذرت خواہ نئیں آں، کیوں جے سارے حقیقی انجیلی بشارت دے واعظ اُوچی واج وِچ ہوندے نے، گرجا گھر وِچ سب توں بوہتی نیدر وِچ تے خود مطمئن شخص نوں

پریشان کرن دے لئی بہوتی اُوچی واج وِچ ہوندے نے، ایہنی اُوجی واج چہ کہ ایہناں لوکاں نوں گھٹ توں گھٹ بے سکون کرن دے لئی جیہڑے مسیح چہ ایمان نہ لیہیائی ہوئی حالت وِچ گرجا گھر چہ بیٹھے نے، کیوں جے ساری انجیلی بشارت دی تبلیغ نوں گھٹ توں گھٹ غیر تبدیل شُدہ لوکاں نوں تنگ کرنا چائیدا اے۔ اعمال 2: 14 وِچ ساڈی ابتدائی تلاوت دے الفاظ تے غور کرو۔

’’لیکن پطرس، … کھڑا ہو گیا تے اُوچی واج وِچ گویا ہویا ... میری گل توجہ نال سُنو‘‘ (اعمال 2: 14)۔

ایہہ پہلی گل اے جیہڑی انجیلی بشارت دی تبلیغ وِچ سچ اے – ایہہ اُوچی واج وِچ نے۔ پطرس نے ’’اپنی واج اُوچی کیتی۔‘‘ پطرس نے اپنی واج اُوچی کیتی تے کہیا، ’’میری گلاں نوں توجہ نال سنو،‘‘ میری تبلیغ نوں غور نال سنو۔ ڈٓاکٹر گل نے کہیا کہ اُوہنے اُوچی واجھ کیتی،

تاکہ اُوہدی واج پورے ہجوم وَلّوں سُنی جائے، جیہڑے اکٹھے ہوئے سن، تے نال ای اُوہدے جوش تے جذبے تے دماغ دی مضبوطی نوں ظاہر کرن دے لئی (جان گل، ڈی ڈیJohn Gill, D.D.، نئے عہد نامہ دی اِک تفسیرAn Exposition of the New Testament، دی بپٹسٹ سٹینڈرڈ بیئرر، 1989 دوبارہ پرنٹ، جلد II، صفحہ 153-154)۔

’’اپنی واج نوں طاقت دے نال بُلند کر۔ ایہنوں اُوچا کر، ڈر نئیں‘‘ (اشعیا 40: 9)۔

’’زور نال پکارو، نہ چھڈو، اپنی واج بِگل وانگوں اُوچی کرو…‘‘ (اشعیا 58: 1)۔

ڈاکٹر مارٹن لائیڈ جونزDr. Martyn Lloyd-Jones نے اِک واعظ دا ایہہ تنقیدی تبصرہ کیتا جیہڑا اُوہناں نے اِک وری سُنیا سی،

اِک شے جیہڑی غائب سی اُو اَگ سی۔ کلیسیا دے ارکان دے طور تے ساڈے لئی کوئی جوش، کوئی ولولہ، کوئی ظاہر تشویش نئیں سی۔ ایہدا سارا رویہ الگ الگ تے علمی تے رسمی لگدا سی … تبلیغ وِچ اُو جذبہ کیتھے اے جیہڑے ماضی وِچ ہمیشہ عظیم تبلیغ دی خصوصیت رکھدا اے؟ جدید مبلغین نوں ماضی دے عظیم مبلغین وانگوں متاثر کُن تے متحرک کیوں نئیں ہوندے؟ … ایہناں معاملات وِچ پُرسکون، ٹھندی، سائنسی لاتعلقی کے لئی کوئی تھاں نئیں اے … کی کوئی شخص جذبات دے بغیر اپنے آپ نوں اِک لعنتی گنہگار دے طور تے ویکھ سکدا اے؟ کی انسان بغیر جذبات دے جہنم دے بارے وِچ سمجھ سکدا اے؟ کی اِک بندہ قانون دی گرج نوں سُن سکدا اے تے کجھ محسوس نئیں کر سکدا؟ … کی اِک آدمی واقعی مسیح یسوع وِچ خدا دی محبت تے غور کر سکدا اے تے کوئی جذبات محسوس نہ کرے؟ ایہہ ساری حالت بالکل مضحکہ خیز اے … رقت انگیزی دی کیفیت تے جذبات دا ایہہ عنصر، متحرک ہون دا ایہہ عنصر، ہمیشہ تبلیغ وِچ بہوتا نمایاں ہونا چائیدا اے (مارٹن لائیڈ جونز، ایم ڈیD. Martyn Lloyd-Jones, M.D. تبلیـغ تے مبلغینPreaching and Preachers، صفحہ 88، 90، 91، 95)۔

’’پطرس، … کِھلو گیا تے اُوچی واج وِچ بولیا … میری گل غور نال سُنو‘‘ (اعمال 2: 14)۔

انجیلی بشارت دی تبلیغ وِچ اُو گل ضروری اے۔ میہنوں اپنی واج اُوچی کرنی چائیدی تے تہانوں کہنا چائیدا اے کہ میری گلاں نوں سنو! جے میں اینج نئیں کیتا تے فیر میں انجیلی بشارت دی تبلیغ نئیں کیتی، جیویں کہ پطرس نے کیتا سی۔

II۔ دوجی گل، انجیلی بشارت دا واعظ جوشیلہ ہوندا اے۔

میں ایس لفظ ’’جوشیلہ declamatory‘‘ دا انتخاب احتیاط نال کیتا اے۔ ایس جدید دور وِچ بھڑکیلے یا جوشیلے نوں حقیر ویکھیا جاندا اے۔ ایہنوں ’’ولولہ انگیزی نالharanguing، ’’بھڑکیلے پن نالranting‘‘ یا ’’جوشیلے پن نال spouting‘‘ کہیا جاندا اے۔ لیکن ساری جوشیلی گفتگو دا رد کرنا اَج حقیقی انجیلی بشارت دی تبلیغ دی مجازی موت دی اِک وجہ اے۔

پطرس نے جدید مذہبی اسکول وِچ تبلیغ کرنا نئیں سِکھیا۔ اُوہنے یوحنا بپتسمہ دین آلے نوں سُن کے منادی کرنا سِکھیا، تے میں تہانوں یقین دلا سکنا آں کہ یوحنا بپتسمہ دین آلا اپنے واعظاں وِچ مسلسل جوشیلے پن دا استعمال کیتا سی! پطرس نے وی مسیح نوں سُن کے منادی کرنا سکھیا، تے میں تہانوں یقین دلانا آں کہ مسیح نے ایس کمزور، بے اِختیار انداز وِچ گل نئیں کیتی جیویں ہالی ووڈ دی فلماں ایہنوں منادی دے طور تے پیش کردیاں نے۔ مسیح نے ایس قدر زور آوری نال تبلیغ کیتی کہ،

’’ایہدے تے اُوہناں نے وَٹّے چُکے کہ اُوہنوں سنگسار کرن لیکن یسوع اُوہناں دی نظراں توں بچ کے ہیکل توں نکل گیا‘‘ (یوحنا 8: 59)۔

اِک ہُور موقع تے، مسیح ایس قدر زور آوری نال بولیا کہ

’’یہودیاں نے فیر توں اُوہنوں سنگسار کرن دے لئی وَٹّے چُکے‘‘ (یوحنا 10: 31)۔

سانوں یوحنا 7: 28 تے 7: 37 وِچ مسیح دے انجیلی بشارت دی تبلیغ دے طریقہ کار دی واضح تصویر پیش کیتی گئی اے۔

’’یسوع نے ہیکل وِچ تعلیم دیہندے ویلے زور نال پکار کے کہیا … میں اپنی مرضی نال نئیں آیا لیکن جِنہے میہنوں پہیجھیا اے اُو سچا اے، جِنہوں تُسی نئیں جانندے‘‘ (یوحنا 7: 28)۔

فیر دوبارہ مسیح دی تبلیغ دے بارے وِچ کہیا گیا اے،

’’عید دے اَخیرلے تے خاص دِن یسوع کھڑا ہویا تے پُکار پُکار کے کہن لگا، جے کوئی پیاسا اے تے میرے کول آئے تے پیئے‘‘ (یوحنا 7: 37)۔

دوویں آیتاں وِچ لفظ ’’رویا‘‘، اصلی یونانی وِچ، krazō اے، جیہدا مطلب اے ’’چیخنا، اُوچی واج وِچ پکارنا، چِلانا، زور نال واج دینا‘‘ (سٹرانگ Strong #2896)۔ تے، یسوع ہیکل وِچ اُوچی واج وِچ پکاریا (یوحنا 7: 28)۔ یسوع ’’کِھلو گیا تے پُکار پُکار کے کہن لگا‘‘ (یوحنا 7: 37)۔ ایہہ اُوہی اے جیہڑی تہاڈے کول کلام پاک دے صفحہ تے واضح اے۔ ایہدے تے کوئی سوال نئیں ہو سکدا کہ یسوع دی تبلیغ وِچ اُوچی واج چہ پکارنا تے زور آور ہو کے بولن دا عنصر موجود سی۔ اُوہدی تبلیغ وِچ بے لگام، اُوچی واج نال، جوشیلے پن دا عنصر سی۔ ایہہ بہوتا تشویشناک تے پریشان کُن ہو سکدا اے – لیکن ایہہ بہوتا بائبلی وی اے (یوحنا 7: 28، 37)۔

کی واعظ وِچ کدی کوئی چیخ اُٹھنا، کوئی چِلانا، کوئی اُوچی واج وِچ پُکارنا ہوندا اے؟ کی ایہدے وِچ کدی کوئی اُوچی واج وِچ جوشیلہ پن ہوندا اے؟ جے کدی نئیں اے، تے ایہہ انجیلی بشارت دی تبلیغ نئیں اے۔ تے ایہہ مسیح دے انداز وِچ تبلیغ نئیں اے!

میں حال ای وِچ کسی ایہو جئے شخص نوں پڑھیا اے جِنہے کہیا کہ سپرجیئن نے جوشیلے پن نال نئیں بولیا۔ تاہ، ایہہ ثابت کرنا مشکل اے، کیوں جے ایہدی تبلیغ دی کوئی ریکارڈنگ موجود نئیں اے۔ ریکارڈنگ دستیاب ہونے توں پہلاں اُوہنے تبلیغ کیتی۔ میہنوں تبلیغ دی حقیقی کام وِث ایہدی کوئی تصویر نئیں معلوم۔ ایہناں پرانے زمانے دے دِناں دی تصویراں مخصوص انداز وِچ ساکت رہ کے بنوائی گئیاں سن، تبلیغ دے کام دے دوران نئیں بنائی گئیاں۔ تاہم، کسی نے اُوہدی تبلیغ دا خاکہ کِھچیا۔ ایس ڈرائنگ نوں مثال نمبر 31 دے طور تے دوبارہ پیش کیتا گیا اے، جیہڑا سی ایچ سپرجیئن دی سوانح حیات دی کتاب دے والیم دوئم دے صفحہ 306 تے 307 دے درمیان اے (C. H. Spurgeon Autobiography، Volume 2، بینر آف ٹرٹھ ٹرسٹBanner of Truth Trust، 1976 دی دوبارہ اشاعت)۔ ہُن، جے تُسی ایس ڈرائنگ تے اِک نظر پاؤ گے، تے تہانوں فوری طور تے معلوم ہو جائے گا کہ ایہہ تصویراں دا اِک سلسلہ اے جیہدے وِچ اِک آدمی جوشیلے پن نال، ایتھوں تیکر کہ بھڑکیلے پن نال بول رہیا اے – لیکن یقینی طور تے پڑھ کے تقریر کر رہیا اے۔ اِک تصویر وِچ سپرجیئن دا ہتھ ہوا وِچ اُٹھیا ہویا اے۔ اِک ہُور وِچ اُو چیخدا ہویا نظر آیا اے۔ ایہناں تصویراں وِچ منبر دے پِچھے اِک توں دوجے پاسے تیکر ٹُرن پِھرن تے نقل و حرکت کرن دی تھاں اے۔ اَخیرلی ڈرائنگ وِچ ، سپرجیئن واعظ دے اِختتام تے بیٹھا ہویا اے، اپنے متھے توں پسینہ رومال نال پُونچھ رہیا اے۔ کوئی وی جیہڑا ایہہ سمجھدا اے کہ سپرجیئن کدی جوشیلے پن نال نئیں بولیا اُوہنوں ایس ڈرائنگ دا غور نال مطالعہ کرنا چائیدا اے!

تے یقیناً پطرس رسول ایتھے اعمال دو باب وِچ جوشیلے پن نال بول رہیا اے۔ اُوہنے آیت 14 وِچ ’’اپنی واج بُلند کیتی‘‘۔ اُو اُوچی واجھ تے حکم دین آلے انداز وِچ بولیا۔ اُوہنے کہیا، ’’ایہہ الفاظ سُنو‘‘ (اعمال 2: 22)۔ ایہہ اُوچی واج وِچ، دو ٹوک تبلیغ سی۔ ایہہ انجیلی بشارت دی تبلیغ سی۔ ایہہ اوچی واج وِچ بولنا تے دو ٹوک ہونا ضروری اے جے ایہدے نال تہاڈا کوئی بھلا ہوندا اے۔

ڈاکٹر لائیڈ جونز نے نشاندہی کیتی کہ حقیقی واعظ صرف تہانوں معلومات دین دے لئی نئیں دِتا جاندا۔ اُوہناں نے کہیا، ’’تبلیغ نوں لوکاں دے لئی کُجھ کرن دے لئی ڈیزائن کیتا گیا اے‘‘ (ibid.، صفحہ 85)۔ تے بالکل اینج ای ہویا جدوں بائبل دے زمانے وِچ عظیم مبلغین نے گل کیتی۔ جدوں لوکاں نے اُوہناں نوں تبلیغ کردے سُنیا تے اُوہناں نے کی کیتا۔ کدی غصے وِچ آ کے اُوہناں تے وَٹّے مارے۔ لیکن دوجیاں نے یقین کیتا تے تبدیل ہو گئے۔ ایہو ای انجیلی بشارت دی تبلیغ اے۔ پطرس نے پینتیکوست دے ایہو ای کیتا سی۔ ایہو ای اے جیس دے اَج سانوں اپنے منبراں وِچ لوڑ اے۔ تے ایہو ای ای اے جیہڑی تہانوں سُنن دی لوڑ اے – اُو تبلیغ جیہڑی تہانوں گنہگار دے طور تے نامزد کردی اے، خدا دے خلاف بغاوت کردے ہوئے، اُو منادی جیہڑی تہانوں دسدی اے، ’’خدا تہاڈا فیصلہ کرن آلا اے۔ تُسی جہنم وِچ جا رئے اُو۔ جے تُسی اپنے راستے تے ٹُردے اُو تے تسی خدا دی سزا توں نئیں بچ سکدے!‘‘ ایہہ اُوسی قسم دا واعظ اے جیہڑا پطرس نے اعمال دو باب وِچ دِتا سی، تے ایس ای قسم دی منادی اے جیس دی سانوں ایس گھڑی وِچ فیر توں لوڑ اے!

’’تسی اُوہنوں پھڑوایا تے غیر یہودیاں دے ہتھاں...‘‘ (اعمال2: 23)۔

ایہنوں ’’تہاڈا اصول‘‘ کہیا جاندا اے۔ انجیلی بشارت دی تبلیغ ’’تہانوں‘‘ بار بار کہندی اے۔ ’’تُسی گنہگار اُو۔‘‘ تُسی دے مستحق اُو۔‘‘ ’’مسیح تہاڈے لئی قربان ہو گیا۔‘‘ انجیلی بشارت دا واعظ تہاڈے گناہ دی مذمت کردا اے۔ ایہہ کہندا اے کہ تُسی گنہگار اُو! ایہہ اعلان کردا اے کہ تُسی خدا دی نظر وِچ گنہگار اُو۔ تہاڈے کول ’’بدکار ہتھ‘‘ نے۔ تُسی بُرے کام کیتے نے۔ تہاڈا دِل بدکار اے۔ تُسی اپنی فطری بدکاری توں نئیں بچ سکدے، جیہڑی تہاڈی فطرت نال ایس قدر جڑی ہوئی اے کہ تُسی اپنے ای بدکار دِل دی بے اعتقادی توں بچ نئیں سکدے۔ تُسی بے اعتقادی نال بھرئے ہوئے اُو کیوں جے تہاڈا دِل خدا دے خلاف بغاوت کردا اے۔ تے تہاڈے وگرے دِل ابدی سزا دے علاوہ کسی شے دے مستحق نئیں۔ ایہہ ایس ای قسم دا جوشیلہ پن اے جِنہوں اَج لوکاں نوں سُنن دی ایہنی ای لوڑ اے جِنہی کہ اُوہناں نے پینتیکوست دے دِن سُنی سی۔ تہانوں اُوہنوں سُنن دی لوڑ اے کیوں جے ایہہ بالکل سچ اے۔ تہاڈا دِل بدکار اے تے تُسی بہوتے گناہواں دے مجرم اُو – تے تُسی اپنے آپ نوں سزا توں نئیں بچا سکدے۔

لیکن انجیلی بشارت دی تبلیغ وِچ اِک ہُور عنصر وی اے، جیس دی مثال ایتھے اعمال دے دوجے باب وِچ بالکل ٹھیک اے۔

III۔ تیجی گل، انجیلی بشارت دا واعظ خوشخبری تے توجہ مرکوز کردا اے۔

انجیلی بشارت دے واعظ دا مرکزی نقطہ یسوع مسیح دا مصلوب ہونا تے جی اُٹھنا اے۔ انسان گناہ نال برباد ہو جاندا اے۔ انسان اپنے آپ نوں ایس بربادی توں نئیں بچا سکدا۔ ایہدا گناہ کسی ہُور نوں بھگتنا پیہئے گا۔ واحد بندہ جیہڑا گناہ دی قیمت ادا کر سکدا سی اُو یسوع مسیح سی – کیوں جے اُو کلیاں ای بے گناہ، خدا دا اِکلوتا پُتر سی۔ اعمال دے دوجے باب وِچ پطرس نے ایہناں لوکاں نوں ایہو ای کہیا سی۔

’’جدوں اُو خدا دے مقررہ انتظام تے علمِ سابق دے مطابق پھڑوایا گیا تے تُسی اُوہنوں غیر یہودیاں دے ہتھوں پھڑوا کے سولی تے ٹنگوا کے مروا دِتا‘‘ (اعمال 2: 23)۔

ایہہ کافی سہوکھا اے۔ خدا نے یسوع مسیح نوں تہاڈے گناہواں دے لئی مرن دے لئی پہیجھیا اے۔ لیکن تُسی اُوہنوں مصلوب کیتا۔ خدا نے اُوہنوں تہاڈے گناہواں دے لئی مرن دے لئی پہیجھیا، لیکن تُسی اُوہنوں مار سُٹیا۔ اُوہنوں خداوند نے مرن دے لئی پہیجھیا سی لیکن تُسی قتل دا کام کیتا۔ ایہہ کدوں بدلیا اے؟ خدا نے اوہنوں پہیجھیا اے۔ تُسی اُوہنوں مار سُٹیا – اپنے گناہ نال۔

’’مسیح ساڈے گناہواں دے لئی قربان ہو گیا‘‘ (I کرنتھیوں 15: 3)۔

’’لیکن خداوند نے اُوہنوں موت دے شکنجہ توں چُھڑا کے زندہ کر دِتا کیوں جے ایہہ ناممکن سی کہ اُو موت دے قبضہ وِچ رہندا‘‘ (اعمال 2: 24)۔

خدا نے یسوع نوں تہاڈے گناہواں دے لئی مرن دے لئی پیہجھیا اے۔ فیر خدا نے اُوہنوں مُردیاں وِچوں زندہ کیتا۔ ایہہ اِک انجیلی بشارت دے واعظ دا بنیادی نکتہ اے۔

’’کتابِ مقدس دے مطابق مسیح ساڈے گناہواں دے لئی قربان ہویا، دفن ہویا تے کتابِ مقدس دے مطابق تیجے دِں زندہ ہو گیا‘‘ (I کرنتھیوں 15: 3۔4)۔

مسیح دی موت تہاڈے گناہ دی ادائیگی کردی اے۔ ایہہ متبادلیاتی کفارے دا انجیلی بشارت دا عظیم نظریہ اے۔ اِک شخص، مسیح، دوجے دی تھاں مردا اے – تہاڈی، گنہگار۔ خدا دا بے گناہ پُتر تہاڈی تھاں، تہاڈے متبادل دے طور تے مردا اے۔ خدا دا غضب تے سزا تہاڈے بجائے اُوہدے تے پیہندی اے! تے فیر خدا نے اُوہنوں جسمانی طور تے مُردیاں وِچوں زندہ کیتا۔ لہٰذا، ہر کسی نوں، انجیلی بشارت دی تبلیغ دے ذریعے، آگاہ کرو،

’’خدا نے اُوسی یسوع نوں جِنہوں تُسی سولی تے چڑھایا، خداوند وی تے مسیح وی‘‘ (اعمال 2: 36)۔

’’ہُن جدوں اُوہناں نے ایہہ سُنیا تے اُوہناں دے دِلاں تے سَٹ وجی‘‘ اُوہناں نوں احساس ہویا کہ اُو گنہگار نے۔ اُو اپنے گناہ دے قائل سن۔ اُو کہن لگے،

تے پطرس نے اُوہناں نوں بالکل اُوہی دسیا جیہڑا کرنا اے۔

’’توبہ کرو تے یسوع مسیح دے ناں تے ہر اِک بپتسمہ لے‘‘ (اعمال 2: 38)۔

توبہ لفظ میٹانویا metanoia توں اے۔ ایہدا مطلب ذہن دی تبدیلی اے۔ پطرس کہندا اے، ’’توبہ کرو۔ اپنا اِرادہ بدلو۔ مسیح دے کول آؤ۔ اپنے آپ دے بجائے ایہدے تے پروہسا کرو۔ اپنی سوچ بدلو!‘‘ ڈاکٹر جان آر رائس نے کہیا،

توبہ دے لئی یونانی لفظ میٹانویا metanoia اے، جیہدا لفظی معنی اے ذہن دی تبدیلی … لیکن تبدیلی کفر توں ایمان تیکر اے … ایمان نوں بچان دا مطلب اے مسیح وَل رجوع کرنا … نجات دے منصوبے وِچ دو قدم یا کئی قدم نئیں نے۔ ایہہ قدم، گناہ دی محبت توں مسیح تے انحصار وَل موڑنا … اِک، سادہ، فوری قدم اے (جان آر. رائس، ڈی ڈی، روح نال بھریا ہویا: رسولاں دے اعمال تے آیت بہ آیت تفسیر، سورڈ آف دی لارڈ، 1980، صفحہ 93-94)۔

’’اَسی کی کریے؟‘‘ (اعمال 2: 37)۔ ایہہ اُو سوال اے جیہڑا انجیلی بشارت دی تبلیغ ایہناں لوکاں دے دِلاں وِچ پیدا کردی اے جیہڑے پیغام نوں سُنندے تے وصول کردے نے۔ ’’اَسی کی کریے؟‘‘ کی اَج سویرے تہاڈا ایہو ای سوال اے؟ فیر تہانوں میرا جواب اُوہی اے جیہڑا پطرس دا سی – توبہ کرو! جیویں کہ ڈاکٹر گِل نے کہیا،

اپنے ذہناں نوں بدلو، دوجے خیالات توں لطف اندوز ہوو، تے یسوع ناصری دے بارے وِچ اِک مختلف رائے، جیہڑی تُسی اُوسی ویلے کیتی اے؛ ایہدے تے غور کرو، تے ایہدے تے یقین رکھو (جان گل، ڈی ڈی، نئے عہد نامہ دی اِک تفسیر، دی بیپٹسٹ سٹینڈرڈ بیئرر، 1989 دوبارہ پرنٹ، جلد II، صفحہ 160)۔

اپنا اِرادہ بدلو۔ مسیح دے بارے وِچ نئے خیالات سوچو۔ تے اُوہدے تے ایمان لیہیاؤ۔ ایہدے کول آؤ۔ نجات پان دے لئی تہانوں ایہو ای کرنا چائیدا اے۔ تے اِک انجیلی بشارت دے واعظ دا مقصد تہانوں اینج کرن دے لئی تحریک دینا اے – خداوند یسوع مسیح تے یقین کرو۔ اُوہدے کول آؤ۔ اُوہدے تے پروہسا کرو۔ اُو تہانوں اُوسی لمحے بچائے گا جدوں تُسی [اینج] کرو گے۔

میہنوں یقین اے کہ فنی نے ’’اَگے ودھن‘‘ یا ’’ہاتھ چُکن‘‘ [مسیحیت نوں اپنان دے لئی تائید کرن دا طریقہ] نوں تبلیغ دا بنیادی مقصد بنا کے انجیلی بشارت دی تبلیغ نوں برباد کر دِتا۔ ایہہ اِک حقیقی انجیلی بشارت دے واعظ دا مقصد نئیں اے۔ اصل مقصد تہاڈا یسوع مسیح دے نال سامنا کرنا اے! تُسی مسیح دے نال کی کرو گے؟ کی تُسی اُوہدے کول آؤ گے – یا تُسی اُوہنوں مسترد کردے رہوو گے؟ ایہہ اِک بہوتا وڈا سوالے اے جیہڑا اج دی سویر تہاڈے سامنے اے۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔