شادی دی ضیافت دی تقریب | The Parable of the Marriage Feast

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

میں پچھلے چند ہفتیاں وِچ ایس تمثیل تے دو وری گل کیتی اے۔ ایہہ انتہائی اہم اے۔ ڈاکٹر میگیDr. McGee نے کہیا، ’’ایہہ اِک عظیم ترین تمثیل اے جیہڑی یسوع نے ایس دور دے لئی دِتی اے جیس وِچ تُسی تے میں رہنے آں‘‘ (جے. ورنن میگی،ٹی ایچ۔ ڈیJ. Vernon McGee, Th.D.،بائبل وِچوں Thru the Bible، جلد چہارم، نیلسن، 1983، صفحہ 115)۔

مسیح اکثر نجات دا موازنہ اِک عظیم ضیافت نال کردا اے۔ ایس تمثی وِچ بادشاہ خدا دی نمائندگی کردا اے تے پُتر مسیح دی گل کردا اے۔ بادشاہ نے بہتیرے مہماناں نوں مدعو کیتا، جیہڑے مسیح دے زمانے دے یہودی لوکاں دی نمائندگی کردے سن۔ اُوہناں نوں ضیافت وِچ مدعو کیتا گیا، لیکن اُوہناں دی اکثریت نے یا تے ایس دعوت تے کوئی توجہ نئیں دِتی، یا فیر دعوت دین آلیاں نال بغاوت کر دِتی۔ ایس لئی بادشاہ نوں غصہ آیا تے اُوہنے اُوہناں دے شہر نوں جِلا دِتا۔ ڈاکٹر میگی نے کہیا، ’’ایہہ بلاشبہ یروشلم دی تباہی وَل اشارہ کردا اے جیہڑی 70ویں عیسوی وِچ ٹائٹس رومن دے ذریعے کیتی گئی سی‘‘ (ibid.)۔

’’فیر اُوہنے اپنے غلاماں نوں کہیا، شادی دی ضیافت تیار اے، لیکن جیہڑے بُلائے گئے سن اُو ایس لائق ثابت نئیں ہوئے۔ ایس لئی چوراہواں تے جاؤ تے جِنہے تہانوں لبھن اُوہناں ساریاں نوں ضیافت وِچ بُلا لیہیاؤ‘‘ (متی 22: 8۔9)۔

ڈاکٹر میگی نے کہیا، ’’ہُن اَسی دعوت دے طریقہ کار تے انداز وِچ اِک واضح تبدیلی ویکھنے آں، تے ایہہ موجودہ دور وَل اشارہ کردا اے جیس وِچ اَسی رہنے آں‘‘ (صفحہ 116، ibid.)۔

تبدیلی توں مُراد ساری بنی نوع انسان نوں پکارا جا رہیا اے، نہ کہ خالص انداز وِچ اسرائیل نوں۔

’’اُو اپنے لوکاں وِچ آیا تے اُوہدے اپنیاں نے ای اُوہنوں قبول نہ کیتا، لیکن جِنہیاں نے اُوہنوں قبول کیتا، خدا نے اُوہناں نوں ایہہ حق بخشا کہ اُو خدا دے فرزند بنن‘‘ (یوحنا 1: 11۔12)۔

ہُن یسوع غیر قوماں نوں تے تمام بنی نوع انسنا نوں نجات پیش کردا اے۔ اُو ہُن کہندا اے،

’’ساری دُنیا وِچ جا کے سارے لوکاں وِچ انجیل دی منادی کرو‘‘ (مرقس 16: 15)۔

’’لہٰذا اُو غلام گئے تے جِنہے بُرے چنگے [لوکی] اُوہناں نوں لبھے ساریاں نوں جمع کر کے لے آئے تے شادی خانہ مہماناں نال بھر گیا‘‘ (متی 22: 10)۔

میرا مننا اے کہ ایس توں مُراد ویکھے جان دے قابل مقامی گرجا گھر نے۔ بُرے تے چنگے دوویں اِمکانات نوں مقامی گرجا گھراں وِچ بُلایا جاندا اے۔

لیکن ہُن اَسی اُوس خاص آدمی وَل آنے آں، جیہڑا شادی دے لباس دے بغیر آیا سی۔ ایہہ آدمی اُوہناں لوکاں دی نمائندگی کردا اے جیہڑے مسیح دی راستبازی دا لبادہ پہنے بغیر ویکھے جان دے قابل اِک مقامی گرجا گھر وِچ آندے نے۔ شادی دے کپڑے مسیح دی راستبازی نوں ظاہر کردے نے۔ پولوس رسول نے کہیا، ’’خداوند یسوع مسیح نوں پہن لؤو‘‘ (رومیوں 13: 14)۔ فیر دوبارہ، اُوہنے ’’خدا دی راستبازی جیہڑی کہ [یسوع مسیح وِچ] ایمان نال اے ساریاں دے لئی تے اُوہناں سب دے لئی جیہڑے ایمان لیہیائے نے دے بارے وِچ گل کیتی‘‘ (رومیوں 3: 22)۔ جے تُسی مسیح وِچ نئیں اُو، تے تُسی اُوہدی راستبازی وِچ ملبوس نئیں اُو۔ آخیرلی عدالت وِچ خدا تہانوں کی کہوے گا جدوں اُو ویکھے گا کہ تُسی ’’خداوند یسوع مسیح نوں … نئیں پہنا‘‘؟ اُو آیت 12 دے الفاظ کہوے گا،

’’میاں، توں شادی دا لباس پہنے بغیر ایتھے کیویں چلا آیا؟‘‘ (متی 22: 12)۔

میں تہانوں دس سکنا آں کہ لوکی مسیح دی راستبازی نوں پہنے بغیر کیس طرح ویکھے جان دے قابل مقامی گرجا گھر وِچ آندے نے۔اینج ہون دے دو اہم طریقے نے۔

1. تُسی گرجا گھر وِچ پیدا ہوئے تے پرورش پاندے اُو، لیکن مسیح دی راستبازی نوں کدی نئیں پہندے۔

2. تہانوں دوجیاں دے ذریعہ گرجا گھر وِچ لیہایا جاندا اے، لیکن تُسی کدی وی مسیح دی راستبازی نئیں پہنی۔

ایہدے نال کوئی فرق نئی پیہندا کہ تُسی ایہناں دوویں طریقیاں وِچوں کیس وِچ آئے اُو، خدا فیر وی کہوے گا،

’’میاں، توں شادی دا لباس پہنے بغیر ایتھے کیویں چلا آیا؟‘‘ (متی 22: 12)۔

لیکن، فیر، میں چاہنا آں کہ تسی بارہویں آیت دے آخیر نوں توجہ نال ویکھو،

پاویں تہاڈی پرورش مقامی گرجا گھر وِچ ہوئی ہووے یا بعد چہ لیہیائی گئی ہووے، تُسی آخیرلی عدالت وِچ بالکل بے آواز ہو جاؤ گے جدوں خدا تہانوں پُچھے گا کہ تُسی خداوند یسوع مسیح نوں کیوں نئیں پہنیا۔

اُوس دِن، آخرت دے ویلے، تُسی خدا نوں بہانہ نئیں پیش کرو گے، کیوں جے تہاڈا ضمیر ایس دی اجازت نئیں دے گا، تے خدا دی سب نوں ویکھن آلی اَکھ وی ایس دی اجازت نئیں دے گی۔ تُسی ایہہ نئیں کہوو گے، ’’میں مسیح نوں پہنن دی کوشش کیتی،‘‘ کیوں جے تُسی تے خدا دوویں چنگی طرح جانندے ہوو گے کہ تُسی ’’تنگ بوہے وِچوں اندر داخل ہون دی کوشش نئیں کیتی‘‘ (لوقا 13: 24)۔ تُسی ’’اندر داخل ہون دی کوشش‘‘ نئیں کیتی، تے تُسی ایہنوں جان لہوو گے، تے اینج ای خدا وی۔ تے اُوس دِن تُسی بالکل بے آواز ہو جاؤ گے۔

ہُن اَسی کِھلو کر آخیرلی دو آیتاں پڑھاں گے، متی 22: 13-14۔

’’ایس تے بادشاہ نے غلاماں نوں کہیا، ایہدے ہتھ پیر بنھ کے ایہنوں باہر انہیرے وِچ سُٹ دیو جیتھے اُو روندا تے دند پیسدا رہوے گا۔ کیوں جے بُلائے ہوئے تے بُہتیرے نے مگر چُنے ہوئے گھٹ نے‘‘ (متی 22: 13۔14)۔

بہتیرے لوکاں نوں مسیح دے کول آن دی دعوت دِتی گئی اے۔ بہتیرے لوکی ویکھے جان دے قابل اِک مقامی گرجا گھر وچ آندے نے تے پکار سُنندے نے – ’’مسیح دے کول آؤ۔‘‘ بہتیرے لوکی خوشخبری دی دعوت سُنندے نے، لیکن صرف اوہی لوکی چُنے جاندے نے جیہڑے حقیقت وچ مسیح دے کول آندے نے۔

’’بُلائے ہوئے تے بہتیرے نے مگر چُنے ہوئے گھٹ نے‘‘ (متی 22: 14)۔

میرے کول اج راتی تہاڈے نال الہیات تے بحث کرن دا ویلا نئیں اے تے نہ ای میں اینج کرن لئی مائل آں۔ تُسی ان گنت واری انجیل سنی اے۔ تُسی جانندے اُو کہ مسیح تہاڈے گناہواں دا کفارہ ادا کرن لئی مریا، کہ اُو مُردیاں وچوں جی اُٹھیا، تے ہُن خُدا دے داہنے ہتھ تے بیٹھیا اے۔ تہانوں کئی وری کہیا گیا اے کہ سادہ ایمان نال مسیح دے کول آؤ۔ تہانوں مسیح دے کول آن لئی کئی وری سدیا گیا اے۔ تے ہُنے تیکر تُسی اُوہدے کول نئیں آئے۔

’’بُلائے ہوئے تے بہتیرے نے مگر چُنے ہوئے گھٹ نے‘‘ (متی 22: 14)۔

تہانوں بلایا گیا اے – لیکن تہانوں منتخب نئیں کیتا جائے گا جدوں تیکر کہ تُسی مسیح دے کول نہ آؤ۔ براہِ کرم

یوحنا 5: 40 ول رجوع کرو۔ اُوہنوں اُچی اواج نال پڑھو۔

’’تے تُسی حیاتی پان لئی میرے کول آن توں انکار کردے اُو‘‘ (یوحنا 5: 40)۔

دُکھ نال، افسوس دی گل ایہہ اے، کہ اَج راتی ایتھے کُج ایہو جئے نے جنہاں نوں بلایا گیا اے، لیکن تہانوں منتخب نئیں کیتا جاوے گا۔

’’تے تُسی حیاتی پان لئی میرے کول آن توں انکار کردے اُو‘‘ (یوحنا 5: 40)۔

’’ایہدے ہتھ پیر بنھ کے اُوہنوں باہر انھیرے وچ ڈال دوو جیتھے اُو روندا تے دند پیسدا رہوے گا۔ کیوں جے بُلائے ہوئے تے بہتیرے نے مگر چُنے ہوئے گھٹ نے‘‘ (متی 22: 13۔14)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔