ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

اَسی بائبل دے مکمل، زبانی الہام تے یقین رکھنے آں۔ ’’زبانی‘‘ دا مطلب اے کہ بائبل دے اصل عبرانی تے یونانی الفاظ خدا وَلوں الہام نال دِتے گئے سن۔ ’’مکمل یا کُل plenary‘‘ دا مطلب اے ’’پورا۔‘‘ اَسی یقین رکھنے آں کہ پوری بائبل، شروع توں اَخیر تیکر، خدا وَلوں الہام نال دِتی گئی سی۔ ’’خدائی ہدایات یا وحی inspiration‘‘ یونانی لفظ ’’تھیوپنیوزٹوسtheopneustos‘‘ توں اے۔ ایہدا مطلب اے ’’خدا دا پھونکیا ہویا۔‘‘ ڈاکٹر ڈبلیو اے کرسویل Dr. W. A. Criswell نے کہیا،

صحیفے دی ابتداء بیان کیتی گءی اے: ایہ ’’خدا دا پھونکیا ہویا‘‘ سی (تھیوپنیوزسٹوس یونانی) اے، [یعنی]، کلام پاک دے الفاظ خدا خود خدا وَلوں موصول ہون آلے نے … دوجا پطرس 1: 21ویں آیت اضافی ثبوت پیش کردی اے کہ روح القدس نے صحیفے دے مصنفین نال بالکل اِنہی [لفظاں] وِچ جِنہاں نوں خدا نے منقتل کرنا چاہیا ایہناں نال گل کیتی۔ چونکہ ایہ سب کُجھ خدا وَلوں ’’پھونکیا گیا‘‘ اے، ایہ چار طریقیاں توں فائدہ مند اے: (1) ’’عقیدہ دے لئی‘‘ – ایہ جاننا کہ کی ایمان رکھنا اے، (2) ’’ڈانٹنے یا ملامت دے لئی‘‘ ایہ جاننا کہ کسی گل تے ایمان نئیں رکھنا، (3) ’’اصلاح دے لئی‘‘ – ایہ سیکھن دے لئی کہ کی نئیں کرنا چائیدا اے، تے (4) ’’راستبازی دی ہدایت دے لئی‘‘ – ایہ سمجھن دے لئی کہ کی کرنا چائیدا اے (ڈبلیو اے کرسویل، پی ایچ ڈی۔ W. A. Criswell, Ph.D.، II تیمتھیس 3: 16 تے غور طلب گل)۔

’’ہر ضحیفہ جیہڑا خدا دے الہام توں اے اُو تعلیم دین، تنبیہ کرن، سُدھارن تے راستبازی وِچ تربیت دین دے لئی مفید اے۔ تاکہ خدا دا بندہ ایس لائق بنے کہ ہر کام کرن دے لئی تیار ہو جائے‘‘ (II تِیمُتِھیس 3: 16۔17)۔

ہُن پطرس 1: 20۔21 آیت نوں کھولو۔ آؤ کھڑے ہو کے ایہناں دوواں آیتاں نوں اُوچی واج نال پڑھیے۔

’’پہلا ایہ جان لوؤ کہ کوئی بندہ شخص پاک کلام دی کسی نبوت دی تفسیر اپنے طور تے نئیں کر سکدا۔ کیوں جے نبوت دی کوئی گل انسان دی اپنی خواہش نال کدی نئیں ہوئی بلکہ لوکی پاک روح دے الہام نال خدا وَلوں کلام کردے سن‘‘ (II پطرس 1: 20۔21)۔

تُسی تشریف رکھ سکدے اُو۔

’’نبوت دی کوئی گل انسان دی اپنی خواہش نال کدی نئیں ہوئی۔‘‘ ایہدا مطلب اے کہ بائبل دا کوئی حصہ انسان دی رائے توں ئیں لکھیا گیا۔ انساناں نے بائبل لکھدے ویلے اپنے لفظاں یا خیالاں دا تعین نئیں کیتا۔ الفاظ خدا وَلوں آئے۔ ایہدا مطلب ایہ وی اے کہ سانوں ایہ نئیں کہنا چائیدا کہ ’’میرے لئی ایہو ای مطلب اے۔‘‘ بائبل نوں سمجھن دے لئی، سانوں ایہنوں لفظی طور تے لیہنا چائیدا اے۔ سانوں ایہ کہنا چائیدا اے، ’’صحیفہ دے صفحہ تے ایہد ایہو ای مطلب اے،‘‘ نئیں ’’میرے لئی ایہد ایہو ای مطلب اے۔‘‘ ایہدے نال کوئی فرق نئیں پیہندا کہ ایہد تہاڈے لئی کی مطلب اے۔ صفحہ تے ایہدا کی مطلب اے ایہدے نال فرق پیہندا اے – جیویں کہ لکھیا اے ۔ ’’نبوت دے کوئی وی گل انسان دی اپنی خواہش نال کدی نئیں ہوئی۔‘‘ اَج ساڈے کول سینکڑوں جھوٹے مذاہب نے کیوں جے لوکی بائبل نوں محض ایہدے تے یقین کرن تے ایہدے تے عمل کرن دے بجائے ایہدی ’’اپنی خواہش دے مطابق تشریح‘‘ کردے نے۔

اگلی گل جیہڑی II پطرس 1: 20-21 سکھاندی اے اُو ایہ اے کہ بائبل دے مصنفین روح القدس دے ذریعے ’’متحرک‘‘ ہوئے سن۔ یونانی وِچ ’’فیرومیتھاpherometha‘‘ دا مطلب اے کہ اُوہناں دے ذہناں نوں خدا وَلوں ’’مائل کر لیہیا‘‘ گیا جدوں اُوہناں نے عبرانی تے یونانی وِچ کلام پاک دے الفاظ لکھے۔ ڈاکٹر کرسویل نے کہیا، صحیفہ قطعی طور تے غلطی توں پاک اے کیوں جے روح القدس [بائبل دے مصنفین] وِچ ’’سمایا ہوندا‘‘ سی (ibid.، II پیٹر 1: 20-21 تے غور طلب گل)۔

ایہو ای وجہ اے کہ ہر واعظ جیس دی اَسی تبلیغ کرنے آں اُو اِک تلاوت نال، کلام دی اِک آیت نال شروع ہوندا اے۔ میں جِنہاں واعظاں دی تبلیغ کرنا آں اُوہناں تے پُراعتماد اِختیار رکھنا آں، اُو نئیں جیہڑا میں کہنا آں یا جیہڑا میں سوچنا آں، بلکہ جو کُجھ میں تبلیغ کرنا آں اُوہدی پُراعتمادی بائبل یعنی خدا دے کلام توں آندی اے۔

تے ایہو ای وجہ اے کہ تہانوں ہر روز بائبل پڑھنی چائیدی اے۔ خدا دے ذہن نوں جانن دے لئی، تے اِک مضبوط تے نتیجہ خیز مسیحی بنن دے لئی تہانوں روزانہ بائبل دا مطالعہ کرنا چائیدا اے۔ سپرجیئن نے کہا،

بائبل نوں پڑھو، تے ایہ تہانوں اُوہناں بہترین لوکاں دی صحبت وِچ لے آندی اے جیہڑے کدی زندہ رئے۔ تُسی موسیٰ دے نال قائم ہو کے اُوہدی نرم مزاجی سیکھو۔ تے ایوب دے نال اُوہدا صبر سیکھو۔ ابراہیم دے نال اُوہدا ایمان سیکھو۔ دانی ایل دے نال اُوہدے صحیح کام کرن دی ہمت سیکھو۔ اشعیا دے نال برائیاں وَل اُوہدے شدید غصے نوں سیکھو۔ پولوس نال اُوہدے جوش و جذبے وِچوں کُجھ اپناؤ۔ مسیح دے نال اُوہدی محبت نوں محسوس کرو (سی ایچ سپرجیئن C. H. Spurgeon)۔

مہربانی نال اپنی بائبل وِچوں زبور 119: 11ویں آیت کھولو۔ آؤ کھڑے ہو کے ایہنوں اُوچی واج نال پڑھیے۔

’’میں تیرا کلام اپنے دِل وِچ محفوظ کر لیہیا اے، تاکہ میں تیرے خلاف گناہ نہ کراں‘‘ (زبور 119: 11)۔

مسیحی حیاتی لنگہان دے لئی سانوں بائبل نوں پڑھنا چائیدا اے تے اُوہدے بارے چہ سوچنا چائیدا اے، ایہنوں اپنے دِلاں وِچ لُکہانا چائیدا اے۔

ہُن اُوچی واج نال 18 ویں اایت نوں پڑھو۔

’’میری اَکھاں کھول دے تاکہ میں تیری شریعت دے عجائب ویکھ سکاں‘‘ (زبور 119: 18)۔

’’تیری شریعت‘‘ دا مطلب اے ’’بائبل۔‘‘ سانوں خدا کولوں دعا منگنی چائیدی اے کہ اُو بائبل وِچ موجود حیرت انگیز سچائیاں نوں ویکھن دے لئی ساڈی روحانی اَکھاں کھول دے۔

ہُن اُوچی واج دے نال آیت نمبر 99 پڑھو۔

’’میں اپنے سارے اُستاداں توں وی بوہتا فہم رکھنا آں کیوں جے میں تیرے قوانین تے دھیان دیہنا آں‘‘ (زبور 119: 99)۔

تُسی تشریف رکھ سکدے اُو۔ ایہ آیت کہندی اے کہ جے تُسی بائبل دے لفظاں تے غور کرو تے دھیان دیو، تے تہانوں اِک دنیاوی اسکول وَچ اپنے اُستاداں توں بہوتے درست خیالات حاصل ہون گے۔ اُو تہانوں اِرتقاء تے یقین کرن نوں کہین گے۔ لیکن اُوہناں نوں حقیقت دی کوئی سمجھ نئیں اے۔ تہاڈے اُستاد تہانوں بُہتیریاں نقصان دہ تے جھوٹیاں گلاں دسن گے – لیکن جے تسی بائبل پڑھو، تے ایہدے تے غور کرو، تے تسی ’’سارے [اپنے] اُستاداں توں بہوتے سمجھدار ہوو گے۔‘‘ ہُن آیت 130 نوں کھولو۔ برائے مہربانی بیٹھو رہوو تے ایہنوں اُوچی واج نال پڑھو۔

’’تیرے کلام دی تشریح نور بخشدی اے تے سادہ لوحواں نوں سمجھ عطا کردی اے‘‘ (زبور 119: 130)۔

غور کرو کہ ایہ بائبل دی 66 کتاباں وِچ خدا دے کلام وَل اشارہ کردی اے – انسانی لفظاں وَل نئیں یا – قرآن، یا مورمن دی کتاب، یا کسی جھوتے اُستاد دی تحریراں وَل نئیں – بالکہ صرف بائبل دے کلام وَل!

آؤ زبور 19: 7 نوں کھولیے۔ ایتھے ’’خداوند دی شریعت‘‘ تے ’’خداوند دی گواہی‘‘ دوواں دا مطلب بائبل اے۔ فیر آیت 10 وِچ سانوں دسیا گیا اے کہ بائبل سون [دھات] توں وی بہوتا مطلوب اے۔

’’خداوند ید شریعت کامل اے جیہڑی جان نوں تقویت دیہندی اے۔ خداوند دے قوانین قابلِ اعتماد نے جیہڑے سادہ لوح نوں دانشمند بنا دیہندے نے …. اُو سونے توں بلکہ کُندہ توں وی بہوتا بیش قیمت نے، اُو شہد توں وی بلکہ چھتے توں ٹپکدے شہد توں وی بوہتے شیرین نے‘‘ (زبور 19: 7، 10)۔

بائبل تہاڈی خدا دے اکلوتے پُتر یسوع مسیح وَل نشاندہی کراندی اے۔ اُو تہاڈے گناہواں دا کفارہ ادا کرن دے لئی سولی تے قربان ہو گیا۔ اُو جسمانی طور تے مُردیاں وِچوں جی اُٹھیا تے واپس آسمان تے اُٹھا لیہیا گیا، جیتھے اُو خدا دے داہنے ہاتھ تے بیٹھا اے۔ ’’خداوند یسوع مسیح تے یقین رکھو، تے تُسی نجات پاؤ گے‘‘ (اعمال 16: 31)۔ آمین!

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔