بُزدل اپنی جان کھو دین گے | The Fearful Will Lose Their Souls!

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

گنہگاراں دی اِک فہرست ایتھے دِتی گئی اے، جِنہاں وِچوں سارے ای جہنم دے شعلیاں وِچ ابدیت لنگہان گے۔ اَج شامی میرا مقصد ایس پوری فہرست توں لنگہنا نئیں اے، بلکہ صرف پہلی قسم دے گنہگاراں نوں لیہنا اے – ’’بزدل۔‘‘ یونانی لفط ’’ڈیلوسdeilos‘‘ اے۔ ایہہ لفظ بزدلی تے ڈرپوکی نوں ظاہر کردا اے تے کدی وی چنگے معنی وِچ استعمال نئیں ہوندا اے۔

ایہہ خوفزدہ ہون دا حوالہ نئیں دیہندا اے۔ ایہدے لئی اِک ہُور یونانی لفظ اے، اُو لفظ ’’فُھبُوسphŏbŏs‘‘ ہے۔ ساڈا انگریزی لفظ ’’فوبیا‘‘ اَسی توں آیا اے۔ یونانی لفظ ’’فُھبُوسphŏbŏs‘‘ دا مطلب اے ڈرنا، خوف تے دہشت نال بھریا ہونا۔ ایہ ساڈی تلاوت وِچ ’’خوف زدہ‘‘ دا ترجمہ شُدہ لفظ نئیں اے۔

’’مگر بزدلاں … دی تھاں اَگ تے گندھک نال جلن آلی جھیل وِچ ہووے گی‘‘ (مکاشفہ 21: 8)۔

نئیں، ساڈی تلاوت وِچ ایس لفظ دا مطلب ایہہ نئیں اے کہ او دہشت نال بھرے ہوئے نے، کہ اُوہناں دے رونگٹے کھڑے نے کیوں جے اُو خوفزدہ نے۔ ایہہ فُھبُوس نئیں اے۔ ایہہ ڈرایا نئیں جا رہیا اے۔

نئیں، ایہہ لفظ ’’ڈیلوس‘‘ بہوتا نرم تے لطیف لفظ اے۔ ایس توں مُراد خوف و ہراس دے عمل توں نئیں بلکہ اِک شخص دے کردار توں اے۔ ایہدا ایہہ مطلب نئیں کہ اُو اچانک خوفزدہ ہو گیا۔ نئیں، ایہہ ایہدے کردار وَل اشارہ کردا اے۔ ’’ڈیلوس‘‘ دا مطلب اے ڈرپوک، بزدل، حواس باختہ، ہچکچاہٹ، کاروائی کرن توں خوفزدہ۔ ہُن تہاڈی سمجھ وِچ آ چکیا ہووے گا! ڈرپوک، بزدل، کمزور دِل، ہچکچاہن آلا، بزدلانہ، خطرے مول نہ لین آلا بندہ، عملی قدم چُکن توں ڈرن آلا، ایہدا

’’… حصہ اِگ تے گندھک نال جلن آلی جھیل وِچ ہووے گا‘‘ (مکاشفہ 21: 8)۔

ایہہ اِک بوڑھی عورت وانگوں اے جیہڑی اِک ای ویلے چہ ریس دے پیڈل تے بریک تے اپنا پاؤں جماندی اے – ایہنی خوفزدہ، ہچکچاہن آلی، تے ڈرپوک، تے غلطی کرن توں ڈرن آلی اے، کہ اُوہدے تے سکدہ طاری ہو جاندا اے، منجمد ہو جاندی اے، اُوہدے پاؤں دوواں پیڈلاں تے ہوندے نے، تہاڈے وانگوں – ’’اپنی مرضی نال [شیطان] نے اسیر کر لیہیا‘‘ (II تیمتھیس 2: 26)۔

سچائی دے لئی بہادر نئیں نے، لیکن جیہڑے خوف دی وجہ توں … مسیح تے اُوہدی انجیل دا کوئی اقرار نئیں کردے … اینج نہ ہووے کہ کِدرے اُو مصیبت یا ایذاء دا شکار ہو جان۔ ایہ او نے جیہڑے حیواں کولوں ڈردے نے، تے اُوہدی غلامی وِچ رہندے نے [شیطان دی غلامی وِچ قید] (جان گل، ڈی ڈی John Gill, D.D.، نئے عہد نامہ دی اِک تفسیر An Exposition of the New Testament، دی بیپٹسٹ سٹینڈرڈ بیئرر، 1989 دوبارہ اشاعت، جلد III، صفحہ 858)۔

’’مگر بزدلاں … دی تھاں اَگ تے گندھک نال جلن آلی جھیل وِچ ہووے گی‘‘ (مکاشفہ 21: 8)۔

ایہ ڈرپوک، بزدل، کمزور دِل آلے لوکی کون نے؟ تے اُو مسیح دے کول آن توں کیوں ڈردے نے؟

I۔ پہلی گل، ایتھے اُو لوکی نے جیہڑے لوکاں کولوں ڈردے نے۔

اُو ہچکچاندے نے، اُو مسیح دے کول آن توں ڈردے نے، کیوں جے اُو ایس گل توں ڈردے نے کہ کوئی گمراہ ہویا بندہ اُوہناں دے بارے چہ کی سوچ سکدا اے۔ کی تُسی اینج دے اُو؟ کی تُسی ڈردے اُو کہ کوئی گمراہ ہویا بچہ کی سوچ سکدا اے؟ کی تُسی ڈردے اُو کہ جے تُسی مسیح بن گئے تے اُو مُنہ دبا کے، دند کڈ کے ہسن گے، تے تہاڈا مخول اُڑان گے؟ کی حماقت اے! کی سراسر حماقت اے! انسان دا خوف پھندا ثابت ہو سکدا اے‘‘ (اِمثال 29: 25)۔ انسان دا خوف اِک خطرناک جال اے! ایہو جئے بزدلانہ خوف توں دور رہوو! ایہنوں دور رکھو! بُھل جاؤ کہ دوجے کی کیہن گے! مسیح دے کول آؤ تے ہُنے ای اینج کرو، کیوں جے تُسی ہچکچاندے اُو تے مذید ہُور انتظار کردے اُو تے تُسی کدی وی نجات نئیں پاؤ گے۔ خدا تہاڈے نال ہمیشہ دے لئی جدوجہد نئیں کرے گا۔ ’’میری روح ہمیشہ انسان دے نال جدوجہد نئیں کرے گی‘‘ (پیدائش 6: 3)۔ عنقریب خداوند تہانوں چھڈ دے گا۔

’’مگر بزدلاں … دی تھاں اَگ تے گندھک نال جلن آلی جھیل وِچ ہووے گی‘‘ (مکاشفہ 21: 8)۔

II۔ دوجی گل، ایتھے اُو لوکی نے جیہڑے کُج نہ کُج کھون توں ڈردے نے۔

اُو خوفزدہ نے، اُو ہچکچاندے نے، اُوہناں نے مسیح دے کول آنا چھڈ دِتا کیوں جے اُو ڈردے نے کہ ایہہ اُوہناں نوں بہوتا زیادہ مہنگا پیہئے گا۔

کی تُسی اینج دے اُو؟ کی تُسی ڈردے اُو کہ جے تُسی حقیقی مسیحی بن جاندے اُو تے ایہہ تہانوں کسی نہ کسی طرح نقصان پہچنائے گا؟ مسیح کہندا اے، ’’تُسی ایہنے ڈرپوک کیوں اُو؟ ایہہ کیوں کر اے کہ تہاڈا ایمان نئیں؟ (مرقس 4: 40)۔ اُو کہندا اے، ’’تہاڈا دِل پریشان نہ ہووے، نہ ڈرے‘‘ (یوحنا14: 27)۔

سوچو دوستو! سوچو! ’’آدمی نوں کی فائدہ، جے اُو ساری دُنیا حاصل کر لئے تے اپنی جان گنوا دے؟‘‘ (متی16: 26)۔ اپنی کھو دین توں بہتر اے کہ سب کُج گنوا دِتا جائے! کی ایہہ کامل معنی نئیں رکھدا؟ کی ایہہ خدا دی کلام وِچ اِک مطلق سچائی نئیں اے؟ یقیناً ایہہ اے!

فیر، انتظار کیوں؟ اپنی نجات نوں اِک گھنٹہ ہُور کیوں ٹال دیے؟ تہاڈے راستے تے ٹرن دا کی مطلب اے؟ دو آراء دے وِچکار ٹھہر کیوں جاندے اُو؟

’’تُسی کدوں تیکر دو خیالات وِچ ڈٓنواں ڈول رہوو گے؟ جے خداوند اے خدا اے تے اُوہدے پیروکار ہو جاؤ تے جے بعل خدا اے تے اُوہدی پیروی کرن لگو‘‘ (I سلاطین 18: 21)۔

لیکن مسیح دے کول آن توں روکن، ہچکچان، ڈرن دے نتائج تے غور کرو۔ تہاڈی تاخیر دے نتائج کسی وی خوف توں کِدرے بوہتے خوفناک نے جیہڑا تُسی ہُنے محسوس کردے اُو، کویں جے

’’بزدلاں … دی تھاں اَگ تے گندھک نال جلن آلی جھیل وِچ ہووے گی‘‘ (مکاشفہ 21: 8)۔

III۔ تیجی گل، ایتھے اُو لوکی نے جیہڑے غلطی کرن توں ڈردے نے۔

اُو ہچکچاندے نے، اُوہناں نے مسیح دے کول آنا چھڈ دِتا کیوں جے اُو ڈردے نے کہ اُو واقعی اُوہدے کول نئیں آن گے۔ اُو پِیچھے ہٹدے نے کیوں جے اُو ڈردے نے کہ اُو غلطی کرن گے۔ اُوہناں دا خاص طور تے ساڈی تلاوت وِچ ذکر کیتا گیا اے۔ اُو بزدل [جِنہاں دا] حصہ اَگ تے گندھک نال بلدی جھیل وِچ ہووے گا‘‘ (مکاشفہ 21: 8)۔

جے تُس یسوع وِچ یقین کرن توں ڈردے اُو تے عظیم سپرجیئن نوں سنو۔ اُوہناں نے کہیا،

’’ایہہ ساڈی غیر صحت مندانہ فطرت دی اِک عجیب پیداوار اے – یقین کرن دا خوف فیر وی میں اکثر [ویکھیا] اے… جے [اُو] بےایمان ہون نال ڈردے تے [اُوس] خوف وِچ چنگی گل ہوندی؛ لیکن [مسیح] تے پروہسا کن توں خوفزدہ ہونا اِک بہترین تمسخر انگیزی اے۔ یسوع نے کہیا اے، ’’جیہڑا میرے کول آئے گا اُوہنوں میں ہرگز خود توں جدا نئیں کراں گا [یوحنا 6: 37] … جدوں تُسی نجات دہندہ تے پروہسا کردے اُو تے سارے خوف مسترد کر دو… [کی تُسی سوچدے اُو] کہ جے تُسی یسوع تے پروہسا کردے اُو تے فیر وی ہلاک و جاندے اُو تے ایہہ اِک خوفناک گل ہووے گی؟ اینج ای ہووے گا۔ لیکن [چونکہ] تہانوں فنا ہونا چائیدا اے جے تُسی پروہسا نئیں کردے، بدترین خطرہ بہوتا وڈا نئیں اے … تہاڈے کول گنوان دے لئی کُج نئیں اے، کیوں جے تُسی پہلاں ای سب کُج گنوا چکے اُو۔ لہٰذا ایہدے لئی تیزی وکھاؤ، تے [یسوع] تے یقین کرن دی ہمت کرو‘‘ (سی ایچ سپرجیئنC. H. Spurgeon، چھوٹی کھڑکی جیس توں لین دین ہوندا ہے اُوہدے اِردگِرد Around the Wicket Gate، کرسچن فوکس پبلیکیشنز، 1987 دوبارہ اشاعت، صفحہ 35-36)۔

دلیری نال مسیح دے کول آؤ! اپنے آپ نوں ایمان دے نال اُوہدے حوالے کر دو! ’’تُسی ایہنا ڈردے کیوں اُو؟ ایہہ کیویں اے کہ تہاڈا ایمان نئیں اے؟ (مرقس 4: 40)۔ اپنے خوف نوں دور کرو! تے سادہ ایمان نال اپنے آپ نوں یسوع مسیح دے حوالے کر دیو۔ سپرجیئن نے کہیا، ’’یسوع دی بانہواں وِچ ڈِگ جاؤ۔ ایہہ ایمان دا اِک وڈا حصہ اے – ہر دوجی پکڑ نوں ترک کرنا، تے صرف مسیح دی پیروی کرنا۔ خوف دی کوئی وجہ نئیں اے: صرف جہالت ای تہاڈے خوف دا سبب بنندی اے جیہڑا تہاڈی ابدی حفاظت ہووے گی… یسوع کے کول ایمان دے نال آؤ، کیوں جے اُوہدے بغیر تُسی ہمیشہ دے لئی ہلاک ہو جاندے اے‘‘ (ibid.، صفحہ 37، 39)۔ یا، جیویں کہ حمدوثنا دے گیت لکھن آلے اُوس حساس پیوریٹن مصنف جوزف ہارٹ نے کہیا،

اُوہدے تے مہم جوئی کرو، پوری طرح نال مہم جوئی کرو۔
کسی دوجے تے اعتماد نوں مداخلت ن کرن دیو:
مسیح دے سوا کوئی نئیں، مسیح دی سوا کوئی نئیں،
بے بس گنہگاراں دا بھال کر سکدے اُو۔
(’’آؤ، اے گنہگاروںCome, Ye Sinners ‘‘ شاعر جوزف ہارٹ Joseph Hart ، 1712۔1768).

اُوہدے تے ای مہم جوئی کرو! خود نوں اُسی دے حوالے کر دیو! اُو تہانوں خدا توں جدا نئیں کرے گا!

’’مگر بزدلاں … دی تھاں اَگ تے گندھک نال جلن آلی جھیل وِچ ہووے گی‘‘ (مکاشفہ 21: 8)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔