ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ڈاکٹر اساھل نیٹیلٹن Asahel Nettleton ’’پُرانے دور‘‘ دے اَخیرلے وڈے مبشر سن۔ ایہدا مطلب اے کہ اُوہناں نے اُوس ’’فیصلہ سازی‘‘ نوں قبول نئیں کیتا سی جِںہوں چارلس جی فنی فروغ دے رہیا سی، تے جیہڑی نیٹلٹن دی مذھبی خدمات دے اخیرلے چند وریاں دے دوران بوہتی توں بوہتی مقبول ہوندی جا رئی سی۔ درحقیقت، ڈاکٹر نیٹلٹن فنی تے فیصلہ سازی دے ’’نئے اقدامات‘‘ دے اصل مخالف سن۔ اُوہناں نے فنی تے اُوہدے پیروکاراں وانگوں ’’اَگے آن‘‘ دی کُھلی دعوت تے فوری ردعملاں دی تلاش نئیں کیتی۔

جیویں کہ ولیم سی نکولس، نیٹلٹن دے واعظاں دے دورِ حاضرہ دے پبلیشر نے نشاندہی کیتی،

     نیٹلٹن انسانی دِل دا مکمل تے جامع طالب علم سی۔اُو منحرف دِل دی عیاریاں تے چالاکیاں نوں سمجھدا سی تے جانندا سی کہ کیس طرح گنہگار نوں اُوہدی گمراہ ہوئی حالت دی مایوسی توں بیدار کرن دے لئی اُوہدے فریب نوں بے نقاب کرنا اے۔ تُسی جیہڑا انجیلی بشارت دا کام کردے اُو: کی تُسی انسانی دِل دے ایہو جئے طالب علم اُو؟ کی تُسی سمجھدے اُو کی غیر تبدیل شُدہ دِل کیویں کام کردا اے؟ نیٹلٹن نے ’’خوشخبری دی جنگGospel Warfare‘‘ تے اپنے واعظ چہ کہیا، ’’صرف ظاہری اِخلاقیات دی تبلیغ کرنا کدی وی اِک بشر نوں مسیح دے کول نئیں لیہیائے گا۔ اُو تبلیغ جیہدا مقصد دِل نال نئیں ہوندا اُو کدی وی اِک بشر نوں مسیح دے کول نئیں لیہیائے گی۔ اُو تبلیغ جیہدا ہدف دِل نہ ہوے تے ضمیر نوں نہ پھڑے اُو شیطان دی مضبوط گرفت تے کدی حملہ نئیں کردی۔‘‘
     نیٹلٹن اکثر ایہو جئے موضوعات تے تبلیغ کردے سن جیویں تخلیقِ نو، خود دی اِستفساری، موت، جہنم، تے آخری عدالت۔ تُسی کیہنی وری ایہناں موضوعات تے تبلیغ کیتی یا ایہناں موضوعات تے واعظ سُنے نے؟ دو سو وریاں پہلاں سچی تے جھوٹی تبدیلیاں دے وِچکار فرق دے بارے وِچ واعظاں نوں سُننا عام سی۔ اساھل نیٹلٹن نے اکثر اپنے سُنن آلیاں نوں حقیقی تبدیلی دی نشانیاں دے بارے چہ یاد دلایا تے جِنہاں نے ایہنوں سُنیا اُوہناں نوں خبردار کیتا کہ اُو ایہہ سوچن توں ہوشیار رہن کہ جدوں او تبدیل نئیں ہوئے سن تے اُو تبدیل ہوئے سن۔ اَج ایس موضوع تے کیہنی وری تبلیغ کیتی جاندی اے؟
     ابدیت اُوہناں دے خطبات دا مستقل موضوع سی۔ نیٹلٹن مسلسل اپنے سُنن آلیاں نوں یاد دلاندے رئے کہ اُوہناں دی ابدی منزل یا تے جنت اے یا جہنم۔ اپنے واعظ ’’موت دے بارے چہ غوروفکر‘‘ وِچ اُو کہندے نے، ’’ہر گنہگار ہُن ہمیشہ دے لئی آزمائش وِچ اے۔ ہُن اُوہنوں لہولہان نجات دہندہ دے ذریعے … مدعو کیتا جاندا اے، جنت وِچ داخل ہون دے لئی [جہنم] دی ہولناکیاں دے ذریعے تاکید کیتی جاندی اے۔ لیکن موت ہمیشہ دے لئی [صحیح انتخاب کرن دے] اِمکان نوں بند کردیہندی اے۔‘‘
     نیٹلٹن نے خالص حقیقی تبدیلی توں قبل ضمیر دے اپنے خطرے دے لئی بیدار ہون دی لوڑ تے وی تبلیغ کیتی۔ اُوہناں دا پُختہ یقین سی کہ جے گنہگار نوں اُوہدی خوفناک حالت توں بیدار نئیں کیتا گیا تے اُو نجات نئیں پا سکدا۔ [اُوہناں نے کیہیا]، ’’واحد علاج جیہڑا گنہگاراں دی نجات دے لئی استعمال کیتا جا سکدا اے اُو اے خوشخبری۔ تے [انجیل] مجرم ضمیر … نوں خوفزدہ کیتے بغیر کدی اثر نئیں کردی۔ گنہگار! جے تُسی گھبرا نئیں سکدے تے تہانوں بچایا نئیں جا سکدا۔ (ولیم سی نکولسWillian C. Nichols،اساھل نیٹلٹن: دوسری عظیم بیداری دے واعظAsahel Nettleton: Sermons from the Second Great Awakening ،انٹرنیشنل آؤٹ ریچ، 1995، صفحات i۔ii)۔

’’پرانی سوچ‘‘ دے آخری اہم مبشر دے طور تے نیٹلٹن نے کدی وی الطار تے آن دے لئی نئیں کہیا۔ اُوہناں نے واعظ دے بعد گھنٹیاں تیکر ایہناں لوکاں دے نال کلیاں لنگہائے جیہڑے اُوہناں کولوں مشورہ لین آئے سن۔ اُوہناں نے مسیح دی تلاش دے لئی ایہہ معاملہ خود گنہگار تے سُٹ دِتا۔ اُوہناں نے مسیح دے نال جدوجہد کرن دے لئی گنہگار نوں کلیاں چھڈ دِتا، حالانکہ اُو اکثر اوقات ایہناں لوکاں نوں مشورہ دین وِچ لنگہاندے سن جیہڑے بیدار سن تے عبادت ختم ہون دے بعد مدد دے لئی اُوہناں دے کول آندے سن۔ کسی وی مبلغ دے لئی ایس عظیم تے خدا پرست انسان دی خدمت تے تبلیغ تے جیہڑا کُج وی لبھے اُوہنوں پڑھنا بہوتا چنگا رئے گا۔ میں تہانوں اساھل نیٹلٹن: دوسری عظیم بیداری توں واعظ Asahel Nettleton: Sermons from the Second Great Awakening، دی اِک کاپی حاصل کرن دا مشورہ دیاں گا۔ ولیم سی نکولس دے تعارف دے نال تے کینٹکی دے لوئس ول Louisville وِچ ساؤدرن بیپٹسٹ تھیولوجیکل سیمینری دے ڈاکٹر ٹام نیٹلس دے ذریعے نیٹلٹن دی حیاتی دے خاکے دے نال۔ جے تُسی ڈاکٹر نیٹلٹن دے واعظاں دی ایس شاندار کتاب نوں حاصل کرنا چاہندے اُو تے انٹرنیشنل آؤٹ ریچ، پی او بکس نمبر 1286 ایمس، آئیووا 50014 لکھ کے بل نکولس نال رابطہ کرو۔ تُسی انٹرنیشنل آؤٹ ریچ نوں (515)292-9594 تے فون کر سکدے اُو۔ www.intoutreach.org. ویب سائٹ اے۔

انجیلی بشارت دے ایس سلسلے وِچ تقریباً اَدھے توں زیادہ واعظ ڈاکٹر نیٹلٹن دے واعظاں توں اخذ کیتے گئے نے۔ ایہہ اَج گل دے قارائین دے لئی مختصر تے سادہ انگریزی وِچ پیش کیتے گئے نے۔ تے میں اَج دی راتی اِک ہُور پیش کر رہیا آں۔ ایس گل نوں یاد رکھیا جانا چائیدا اے کہ عظیم حیاتِ نو ڈاکٹر نیٹلٹن دی منادی وِچ شامل ہوندے سن، تے ایس دے نتیجے وِچ مسیح چہ ایمان لہیا کے تبدیل ہون آلے لوکاں دا اُوہناں دی منادی دے تحت تبدیلی دے بعد گرجا گھراں وِچ ٹکے رہن دا اِک شاندار انداز سی۔

آؤ کھڑے ہوئیے تے تلاوت پڑھیے،

’’جدوں تیکر خداوند لبھ سکدا اے اُوہدے طالب رہوو، جدوں تیکر اُو نیڑے اے اُوہنوں پکارو‘‘ (اشعیا 55: 6)۔

میں ایہہ کہن دی جرأت ہرگز نئیں کراں گا کہ ساڈے گرجا گھر وِچ اِک حیاتِ نو شروع ہو رہیا اے۔ ایہہ گستاخی ہووے گی۔ ایہہ غلط ہووے گا۔ صرف خدا ای حیاتِ نو پیہیج سکدا اے۔ اَسی ایہہ سوچ کے کنپنے آں کہ اَسی حیاتِ نو دی گل کرن دا فرض ادا کر کے خدا دی روح نوں غمگین کر سکنے آں۔ تے، ایہدے باوجود، ساڈے گرجا گھر وِچ اِک غیر معمولی ہلچل اے۔ پچھلے چند دِناں وِچ اَسی کئی نوجواناں نوں ایس دُنیا دی سرحداں نوں پار کردے تے یسوع مسیح نال ملاقات کردے ویکھیا اے۔ اَسی اُوہناں نوں یقین دے اَتھرو وگاندے تے خدا دے پُتر دی عبادت کردے تے ایمان نال آندے ویکھیا اے۔ اَسی طویل تجربے توں جاننے آں کہ ہر مسیح چہ ایمان لیہیان آلی ہر تبدیلی فضل دا معجزہ اے۔ اَسی طویل تجربے نال جاننے آں کہ اینج دی ملاقاتاں بغیر کسی تبدیلی دے کئی کئی راتاں تیکر چل سکدی اے۔ تے، ایس لئی، اَسی جاننے آں کہ چند دِناں وِچ متعدد تبدیلیاں دا مطلب ایہہ ہونا چائیدا اے کہ خدا نے ساڈی دعاواں سُن لئیاں نے، تے ساڈی عبادتاں وِچ ’’رحم دے قطرے‘‘ پیہجے نے۔ اَسی خدا دا شکر ادا کرنے آں کہ اُو ایتھے اے تے ایہہ کہ اُو ساڈے خداوند یسوع مسیح دے ایمان وِچ بشراں نوں کھیچ رہیا اے تے آمادہ کر رہیا اے تے قائل تے تصدیق کر رہیا اے۔

میہنوں تعجب ہوندا اے، اَج دی راتی، جے خدا تہاڈے نال گل کر رہیا ہووے۔ میہنوں حیرانی ہووے گی جے تُسی ایس دُنیا دی سرحداں توں باہر قدم رکھن آلے، ایمان دے ذریعے نجات دہندہ نوں چھون، تے معافی تے ہمیشہ دی حیاتی حاصل کرن آلے اگلے نوجوان ہو سکدے اُو۔

لیکن میں تہانوں ساڈی تلاوت دے الفاظ توں محتاط کر دیاں،

’’جدوں تیکر خداوند لبھ سکدا اے اُوہدے طالب رہوو، جدوں تیکر اُو نیڑے اے اُوہنوں پکارو‘‘ (اشعیا 55: 6)۔

ایہہ آیت اِک گمراہ گنہگار نوں دسدی اے کہ کُج نہ کُج اے جیس دی اُوہدے چہ کمی ہوندی اے۔ کُج نہ کُج جیہڑا اُوہدے کول نئیں ہوندا اے۔ کُج نہ کُج جیہنوں لبھیا جانا چائیدا اے۔ ’’جدوں تیکر خداوند لبھ سکدا اے اُوہدے طالب ہوو۔‘‘ جے تُوں اُوہنوں لبھے تے اُو تیہنوں مل جائے گا لیکن توں جے اُوہنوں چھڈ دے تے اُو ہمیشہ دے لئی تیہنوں رد کر دے گا‘‘ (I تواریخ 28: 9)۔

ایہہ آیت اِک ویلے دی وی گل کردی اے۔ اِک مخصوص وقت ہوندا اے جدوں مسیح نوں لبھیا جا سکدا اے۔ اِک مخصوص ویلہ ہوندا اے جدوں خداوند نیڑے ہوندا اے۔ ایہہ اِک انتہائی دلچسپ سچائی اے۔ الہٰی اثر دا اِک مخصوص ویلہ ہوندا اے، اِک مخصوص ویلہ جدوں اُو نیڑے ہوندا اے۔

ایہہ اِک سوچ اے جِنہوں پرانے دور دے مسیح وِچ ایمان لہیا کے تبدیل ہون آلے دشمن، خود اپنے ضمیراں نوں خاموش کران دی کوشش وِچ مسترد کردے نے۔ لیکن مسیح وِچ ایمان لیہیان آلی تبدیلی دی ایہہ دشمن غلطی تے نے۔ اُو اَج راتی ایتھے ہر اُوس شخص تے تجربے توں غلط ثابت ہوئے نے جیہڑا مسیح وِچ ایمان لیہیا کے تبدیل ہویا اے۔ ایتھے دا ہر مسیحی تہانوں دس سکدا اے کہ اِک مخصوص ویلہ سی جدوں خدا نیڑے سی، تے اُودھوں، جے اُو مُنہ پھیر لیہندے تے شاید اُوہناں نوں فیر کدی اینج دا موقع نہ لبھدا۔ بائبل دی عمومی تعلیم سانوں دسدی اے کہ ایہہ سچ اے۔ ساڈی تحریر ایس دا واضح ثبوت اے۔ ایس حقیت تے نبی دے کلمات قائم نے۔

’’جدوں تیکر خداوند لبھ سکدا اے اُوہدے طالب رہوو، جدوں تیکر اُو نیڑے اے اُوہنوں پکارو‘‘ (اشعیا 55: 6)۔

اِک ویلہ ایہو جیہا وی ہوندا اے جدوں مسیح نوں پایا نئیں جا سکدا۔ ’’فیر اُو میہنوں پکارن گے لیکن میں جواب نئیں دیاں گا۔ اُو میہنوں لبھن گے پر لبھ نہ پان گے‘‘ (امثال 1: 28)۔ جی ہاں، اِک ویلہ آندا اے جدوں خداوند نیڑے نئیں ہووے گا۔

بائبل کہندی اے کہ خداوند دا وجود ہمیشہ ساڈے قریب اے۔ اَسی کدی وی ’’اُوہدی روح توں دور نئیں جا سکدے یا اُوہدی موجودگی توں نٹھ نئیں سکدے۔ کیوں جے اُوسی وِچ اَسی رہنے آں، چلدے پھردے آں تے ساڈا وجود اے‘‘ (زبور 139: 7؛ اعمال 17: 28)۔ ایہہ گل ساڈے تے ظاہر کردی اے کہ ساڈی تلاوت وِچ خداوند دی قربت دی جیہڑی گل کیتی گئی اے اُوہدا مطلب کُج نہ کُج انتہائی خصوصی ہونا چائیدا اے۔

’’جدوں تیکر خداوند لبھ سکدا اے اُوہدے طالب رہوو، جدوں تیکر اُو نیڑے اے اُوہنوں پکارو‘‘ (اشعیا 55: 6)۔

ایہدا اِک خاص مطلب ہونا چائیدا اے۔ ایس وِچ اُوہدی روح دی جدوجہد تے اُوہدی قدرت تے فضل دی شاندار نمائش وِچ اُوہدے قرب دی گل کرنی چائیدی اے۔ اگرچہ خدا ہمیشہ موجود اے، ہمیشہ نیڑے اے، فیر وی ساڈی تلاوت دے معنی وِچ نئیں اے۔ سانوں کہیا گیا اے کہ ’’خداوند نوں لبھو، جے ہو سکدا اے کہ [اَسی] اُوہدی تلاش کریے تے اُوہنوں لبھ لیے، حالانکہ اُو ساڈے وِچوں ہر اِک توں دور نئیں اے‘‘ (اعمال 17: 27)۔

اِک خاص ویلہ ہوندا اے جدوں خدا گنہگاراں دے دلاں نوں متاثر تے متحرک کردا اے۔ نبی ایس دا استعمال لاپرواہ، بے نماز گنہگاراں دی توجہ حاصل کرن دے لئی کردا اے۔ اُوہنوں تلاش کرو! اُوہنوں پکارو ہُنے ای، جدوں کہ اُو نیڑے اے۔ موقع توں فائدہ چُکو۔ چھیتی اَگے ودھو، کیوں جے اُو چھیتی ای رخصت ہو جائے گا – تے فیر تُسی اِک وری فیر ایہنے ای ٹھنڈے تے بے جان ہو جاؤ گے جیویں کہ تُسی پہلاں سی – نئیں، تُسی پہلاں توں وی بدتر، بوہتے سخت، بوہتے بے رحم، اپنے ضمیر وِچ بوہتے داغدار ہو جاؤ گے۔ ایس لئی ایس ویلے نوں گزرن نہ دیو۔ ہُںے ای مسیح نوں پھڑ لوؤ، جدوں کہ اُو ساڈے وِچکار ایس خاص طریقے نال اَگے ودھ رہیا اے۔

’’جدوں تیکر خداوند لبھ سکدا اے اُوہدے طالب رہوو، جدوں تیکر اُو نیڑے اے اُوہنوں پکارو‘‘ (اشعیا 55: 6)۔

فیر، ایہہ ساڈی تلاوت دا سیدھا مفہوم اے۔ خدا دی رحمت جیہنی عظیم اے، فیر وی اِک ویلہ اینج دا آندا اے جدوں اِک خاص طریقے نال مسیح نوں پایا جا سکدا اے، جدوں اُو خاص طورتے نیڑے ہوندا اے۔ دوجے لفظاں وِچ، خاص اوقات تے خاص حالات ہوندے نے جیہڑے خاص طور تے مسیح نوں لبھن تے اُوہنوں پکارن دے لئی سازگار ہوندے نے، اینج دے ویلے جدوں کامیابی دوجے اوقات دے مقابلے وِچ آسان ہوندی اے۔

جے اَسی پہلاں توں ای حیاتِ نو دے ’’رحم دے قطریاں‘‘ دا تجربہ نئیں کر رئے آں، تے ہو سکدا اے کہ اِس ایہدے نیڑے پہنچ جائیے۔ گھٹ توں گھٹ اَسی ایہہ کہہ سکنے آں کہ ایہناں دِناں وِچ اُمید توں بہوتے لوکی مسیح وِچ ایمان لیہیا کے تبدیل ہوئے نے جِنہا کہ اَسی اِک طویل عرصے وِچ ویکھیا اے۔ میں کہہ سکنا آں کہ گھٹ توں گھٹ ایہناں اِجلاساں وِچ اِک ایہو جئی سنجیدگی اے جیہڑی میں وریاں توں محسوس نئیں کیتی۔ تے میں جاننا آں کہ ایہہ ایس لئی اے کہ خدا ساڈے وِچکار ٹر رہیا اے۔ اینج دے اوقات وِچ تہاڈی تبدیلی دا اِمکان کسی دوجے ویلے دے مقابلے وِچ بہوتا ہوندا اے۔ میں جاننا اں کہ انسان دے منحرف دِل دا بیدار ہونا کدی وی آسان نئیں ہوندا، تے مسیح وِچ ایمان لیہا کے تبدیل ہون دا تے بہوتا ای گھٹ اِمکان ہوندا اے۔ لیکن ایس طرح دی عمومی سنجیدگی دے ویلے وِچ مشکلات گھٹ ہوندیاں ے، مخالفت دی شدت گھٹ ہوندی اے۔

’’جدوں تیکر خداوند لبھ سکدا اے اُوہدے طالب رہوو، جدوں تیکر اُو نیڑے اے اُوہنوں پکارو‘‘ (اشعیا 55: 6)۔

گنہگاراں دے کول اِک رکاوٹ ایہہ اے کہ اُو اپنی نجات دے موضوع تے گہرائی نال سوچن توں انکار کردے نے۔ زیادہ تر ویلے گمراہ ہوئے گنہگار روحانی طور تے بیوقوف، سخت دِل تے تکبر نال بھرے ہوندے نے۔ دُنیا دی شیواں اُوہناں دے دماغ تے دِل نوں بھر دیہندیاں نے۔ میں جاننا آں کہ کوئی وی شخص کدی وی مسیح چہ ایمان لیہیا کے تبدیل نئیں ہویا جیس نے اپنی نجات دے بارے وِچ سنجیدگی نال نئیں سوچیا۔ زبور نویس نے کیہیا، ’’میں اپنی راہواں تے غور کیتا، تے اپنے پاؤں [اُوہدی] شہادتاں وَل پھیر لئے‘‘ (زبور 119: 59)۔ گہری تے پختہ باطنی سوچ دے بغیر کوئی وی کدی بیدار تے تبدیل نئیں ہووے گا۔ دُنیا دیاں گلاں اُوہدے دِل توں کڈ دِتیاں جان گیاں۔ تے اُوہدا دماغ ابدیت دے بارے وِچ خیالات نال بھریا ہونا چائیدا اے۔ اُوہدی توجہ اُوہدی اپنی نجات دے واحد مقصد تے مرکوز ہونی چائیدی اے۔ حیاتی دے دیگر سارے خدشات تے پریشانیاں بیدار گنہگار دے لئی کُج وی نئیں ہوندے۔ ہر بُت نوں ترک کیتے بغیر تے ہر گناہ نوں توڑ کے، تے اپنے پورے دِل نال مسیح نوں لبھے بغیر، تُسی کدی وی نجات چہ داخل نئیں ہوو گے۔

حماقت تے سُستی دے ویلے، تُسی اپنی روح دی نجات تے اپنے گناہواں دی معافی دے بارے وِچ بوہتا گھٹ سوچدے نے۔ تُسی موت دی تیاری دے بارے وِچ بہوتا گھٹ سوچدے اُو۔ تُسی جہنم دے شعلیاں توں بچن دے بارے وِچ بہوتا گھٹ سوچدے اُو۔ تُسی ابدیت دے بارے وِچ بہوتا گھٹ سوچدے اُو۔ لیکن جیویں ای خدا ایہناں اِجلاساں وِچ حرکت کرنا شروع کردا اے تے ایس نال زیادہ لوکی اپنی نجات دے بارے وِچ سوچنا شروع کر دیہندے نے۔ اُو بچائے جان دے بارے وِچ گل کرن لگدے نے۔ اُو اُوہدے بارے چہ سوچن تے اُوہدے بارے چہ گل کرن لگدے نے۔ تہاڈی نجات دے بارے چہ سوچنا سہوکھا ہو جاندا اے، یا بلکہ، ایہدے بارے چہ سوچنا ناممکن ہو جاندا اے۔

پچھلی چند راتاں وِچ مسیح چہ ایمان لیہیان دی تبدیلی چہ دلچسپی بیدار ہوئی اے۔ اینج دے ویلیاں چہ دُنیا دا دماغ تے بہوتا گھٹ اثر پیہندا اے۔ دُنیا دیاں شیواں، تفریحات تے ’’لطف‘‘ جیہڑا نوجوان لبھدے نے، سب بھُل جاندے نے۔ تے ہُن تہاڈے ذہن چہ ابدیت اُٹھدی اے۔ خدا تے مسیح تے روح القدس، جنت تے جہنم، اِک خاص قوت دے نال تہاڈے ذہناں چہ آندے نے۔ اینج اِک رکاوٹ دور ہو جاندی اے۔ تے ایس لئی تہانوں چائیدا اے،

’’جدوں تیکر خداوند لبھ سکدا اے اُوہدے طالب رہوو، جدوں تیکر اُو نیڑے اے اُوہنوں پکارو‘‘ (اشعیا 55: 6)۔

اینج دے ویلے چہ انسان دا خوف گھٹ ہوندا اے۔ فریسی مسیح دے کول نئیں آئے سن، ’’کیوں جے اُو خدا دی ستائش توں بہوتا بندیاں دی تعریف نوں پسند کردے سن‘‘ (یوحنا 12: 43)۔ اُو اپنے ضمیر نال قائل سن – لیکن اُو اپنے ایس خوف توں روکے ہوئے سن کہ جے اُو تبدیل ہون وِچ سنجیدہ ہون گے تے دوجے اُوہناں دے بارے چہ کی سوچن گے۔ اُو انسان دے خوف توں بچ نئیں سکدے سن۔

جے تُسی دوجیاں نوں اینج کردا ویکھو گے تے تُہاڈے وِچوں بہتیرے لوکی مسیحی بن جان گے۔ جے تُسی ایسے ویلے چہ بیدار ہوئے جدوں گرجا گھر وِچ تہاڈی عمر دے بہتیرے لوکی سو رئے نے، تے تہانوں تن تنہا مسیح دے کول آنا پیہئے گا۔ گرجا گھر وِچ تہاڈے گمراہ ہوئے بیلی تہاڈے سنجیدہ ہون دے بارے وِچ مخول کرن گے تے مختصر لطیفے بنان گے۔ بالکل اینج ای میں محسوس کیتا سی جدوں میں جوان سی۔ میں ہنٹنگٹن پارک دے اِک گرجا گھر وِچ سی جیتھے سارے نوجوان انّہے تے بیوقوف سن، ایتھے اُوتھے مخول کر رئے سن، تے مسیح دے بارے وِچ سنجیدہ نئیں سن۔ میہنوں کلیاں ای باہر آنا سی، تے اُوہناں وِچ کلیاں ای مسیحی بننا سی۔ ایہہ بہوتا مشکل سی۔ ایہہ میرے نال خدا دے فضل دے بغیر نئیں ہوندا۔

لیکن اینج دے گرجا گھر وِچ، اینج دے ویلے وِچ، جدوں خدا حرکت کر رہیا ہوندا اے، دوجے لوکی کی سوچن گے ایس دا خوف بڑی حد تیکر دور ہو جاندا اے۔ تہاڈے کُج قریبی بیلی تے جانن آلے مسیحی ہو رئے نے۔ تے ہُن اُو تہانوں کہندے نے، ’’ساڈے نال آؤ تے اَسی تہاڈا بھلا کراں گے‘‘ (حوالہ دیکھیں گنتی 10: 29)۔ ہُن گمراہ ہویا گنہگار اکیلا نئیں اے۔ اُوہنوں چھیڑن تے اُوہدا مخول اُڑان دی لوڑ نئیں اے جیوں اُو عجیب ہووے۔ اُوہدے لاگے تاگے مسیحی نے جیہڑے اُوہدی حمایت کردے نے۔ اُو اُوہدے لئی دعاواں کر رئے نے۔ اُو مسیح وِچ خدا نوں تلاش کرن دی اپنی جدوجہد وِچ تنہا نئیں اے۔ تے اینج اِک ہُور وڈی رکاوٹ تے مشکل اینج دے ویلے وِچ دور ہو جاندی اے۔ تقریباً ہر کوئی تہاڈے نال اے۔ تقریباً ہر کوئی تہانوں اَگے ودھن تے مسیح نوں تلاش کرن دی ترغیب دیہندا اے۔ پس ایویں، اینج دے ویلے وِچ مسیح دے کول آنا بہوتا سہوکھا اے۔ تے اینج ای، نبی تہانوں کہندا اے،

’’جدوں تیکر خداوند لبھ سکدا اے اُوہدے طالب رہوو، جدوں تیکر اُو نیڑے اے اُوہنوں پکارو‘‘ (اشعیا 55: 6)۔

جدوں خدا حرکت کردا اے، جیویں کہ اُو ایتھے ساڈے وِچکار اے، تہانوں فضل دا اِک خاص ذریعہ دِتا جاندا اے۔

جدوں خدا متحرک ہوندا اے، جیویں کہ اُو نظر آندا اے، مسیحیاں دی دعاواں تہاڈی نجات دے لئی بہوتی سنجیدہ ہوندیاں نے۔ تبلیغ وی، اینج دے ویلے چہ، تہاڈے اُتے، تے تہاڈے خاص معاملے چہ توجہ مرکوز کردی اے۔ مبلغ آپئے خدا دی روح دی طاقت تے اثر وِچ آندا اے، تے لگدا اے کہ اُو براہ راست تہاڈے نال گل کردا اے۔ اُو جیہڑے واعظ پیش کردے نے اُو اچانک طاقت تے سچائی نال بھرئے ہوئے لگدے نے، تے اُو تہاڈے تے توجہ اینج رکھدے نے جیویں کہ اُوہناں نے پہلاں کدی وی نئیں رکھی سی۔

تے نہ صرف ایہہ، بلکہ ہُن تہانوں دوجے گنہگاراں نوں اُوہناں دے ضمیراں وِچ چبھدے ہوئے تے سیح دے کول آندے ہوئے ویکھن دا موقع لبھدا اے۔ خدا دی قدرت کدی وی ایہنی واضح طور تے نئیں ویکھی گئی جِنہی ایس ویلے وِچ جدوں اُو لوکاں دے وِچکار ٹر رہیا اے۔ ’’جدوں خداوند صیون نوں تعمیر کرے گا تے اُو اپنے جلال وِچ ظاہر ہووے گا‘‘ (زبور 102: 16)۔

خدا دی روح گمشدہ گنگہاراں دے لئی اینج دے چند دِناں دے دوران بہوتا کام کردی اے، جدوں اُو ساڈے وِچکار پِھر رہیا ہوندا اے، جیویں کہ اُو ہفتیاں تے مہینیاں وِچ کردا اے جدوں گنہگار احمق، لاتعلق تے بیدار ہوندے نے۔

’’جدوں تیکر خداوند لبھ سکدا اے اُوہدے طالب رہوو، جدوں تیکر اُو نیڑے اے اُوہنوں پکارو‘‘ (اشعیا 55: 6)۔

ہُنے، اَج دی راتی، مسیح تہاڈے دِل نوں پکار رہیا اے۔ اُوہدے کول آؤ۔ اُوہدے تے سادہ ایمان نال یقین کرو۔ اُو تہانوں معاف کر دے گا، تہاڈے گناہ نوں صاف کر دے گا، تے تہاڈی روح نوں بچائے گا! آؤ کھڑے ہو جاؤ تے ڈاکٹر جان آر رائس دا اُو شاندار گانا گاؤ،

ہائے، رحم دا کیہو جیہا چشمہ وَگ رہیا اے،
   مصلوب کیتے گئے لوکاں دے نجات دہندہ وَلّوں۔
ساڈے گناہواں نوں بخشن دے لئی اُوہنے جیہڑا لہو وگایا قیمتی سی،
   ساڈے تمام گناہواں لئی فضل تے معافی۔
(’’اوہ، کیہو جیہا اِک چشمہ!Oh, What a Fountain!‘‘ شاعر ڈٓاکٹر جان آر۔ رائس، 1895۔1980)۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔