بدکاروں دا عدالت دی نشست دے سامنے کھڑے ہونا | The Wicked Standing before the Judgment Seat

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

بائبل سِکھاندی اے کہ غیر نجات یافتہ مُردیاں دا حتمی فیصلہ ہووے گا۔ سارے دے سارے غیر تبدیل شُدہ [مسیح چہ ایمان نہ لیہیائے ہوئے] مُردہ آخیرلی عدالت وِچ عظیم سفید تخت دے سامنے کِھلوتے ہون گے۔ کتابِ حیات کھولی جائے گی، ایہہ ظاہر کرن دے لئی کہ اُوہناں دے ناں اُوتھے نمودار نئیں ہوندے کیوں جے اُوہناں نے کدی نجات ای نئیں پائی سی۔ فیر ’’کتاباں‘‘ کھول دِتیاں جان گیاں، تے غیر نجات یافتہ لوکاں نوں ’’اُوہناں دا اِنصاف اُوہناں دے اعمال دے مطابق کیتا گیا جیہڑے اُوہناں دی کتاباں وِچ درج سن‘‘ (مکاشفہ 20: 12)۔

بائبل وِچ کوئی سچائی ایس توں بوہتی واضح نئیں اے – جے تُسی غیر تبدیل شُدہ [مسیح چہ ایمان نہ لیہیائی ہوئی] حالت وِچ رہندے اُو تے تُسی اَخیرلی عدالت تے عظیم سفید تخت دے سامنے کِھلوتے ہوو گے۔ کوئی وی غیر نجات یافتہ انسان ایس فیصلے توں نئیں بچ سکے گا۔ اُوتھے سب ہوون گے، امیر، غریب، عقلمند، جاہل، خوشحال تے محتاج۔ مُردہ، چھوٹے تے وڈے، ساریاں نوں خدا دے تخت دے سامنے کِھلوتا ہونا چائیدا اے۔ ایہہ غیر نجات یافتہ مُردیاں دا آفاقی فیصلہ ہووے گا۔ یوحنا نے اپنی رویاء وِچ اینج کہیا،

’’میں چھوٹے، وڈے سارے مُردیاں نوں خدا دی حضوری وِچ کِھلوتے ویکھیا‘‘ (مکاشفہ 20: 12)۔

اُوس عظیم عدالت دے روز تہاڈے گناہواں دے بالکل دُرست حساب کتاب ظاہر کیتے جان گے۔

’’تے کتاباں کھولیاں گئیاں … تے سارے مُردیاں دا اِنصاف اُوہناں دے اعمال دے مطابق کیتا گیا جیہڑے اُوہناں دی کتاباں وِچ درج سن‘‘ (مکاشفہ 20: 12)۔

فعل ماضی دا زمانہ استعمال کیتا جاندا اے کیوں جے … یوحنا سانوں اِک ایہو جئے خواب دے بارے چہ دس رہیا اے جیہڑا اُو پہلاں ای ویکھ چکیا اے۔ لیکن رویاء مستقبل دا انکشاف اے۔ ایہہ خد وَلوں اُوس ویلے آن آلے فیصلے دے بارے وِچ انتباہ اے جدوں … کھوئے ہوئے گنہگاراں نوں جہنم توں یسوع مسیح دا سامنا کرن دے لئی گھسیٹا جائے گا، جدوں خدا دی ریکارڈ کیتی گئی کتاباں کھولیاں جان گیاں، جدوں گنہگاراں نوں اُوہناں دا صِلہ لبھ جائے گا۔ گنہگاراں نوں، جیہڑے پہلاں ای جہنم وِچ نے، پکارا جائے گا، ایہہ ویکھن دے لئی نئیں کہ اُو برگشتہ ہو گئے نے، بلکہ کُھلے عام اپنے گناہواں دا اقرار کرن دے لئی تے خدا دی ساری کائنات دی جمع مخلوقات دے سامنے کُھلے عام اُوہناں تے سزا سُنائی جائے گی۔ ایہہ غیر نجات یافتہ مُردیاں دی اَخیرلی عدالت اے (جان آر رائس، الوہیت وِچ ڈاکٹریٹ، لٹریچر وِچ ڈاکٹریٹ John R. Rice, D.D., Litt.D.، جدوں ڈھانچے اپنے تابوتاں وِچوں نکل آندے نے When Skeletons Come Out of Their Closets، سورڈ آف دی لارڈ، دوبارہ اشاعت 1961، صفحہ 12)۔

’’تے سارے مُردیاں دا اِنصاف اُوہناں دے اعمال دے مطابق کیتا گیا جیہڑے اُوہناں دی کتاباں وِچ درج سن‘‘ (مکاشفہ 20: 12)۔

ایہناں کتاباں وِچ اُوہناں دے سارے گناہواں دا صحیح ریکارڈ موجود اے جیہڑے تُسی کدی وی سوچ، قول یا عمل وِچ کر چکے نے۔ الفاظ سادہ تے دلکش نے،

ہر گمراہ یا برگشتہ گنہگار خدا نوں حساب دیوے گا۔ ہر گناہ بھرا لفظ جیہڑا تُسی بولیا، ہر گناہ بھرا خیال، ہر گناہ آلا عمل، اَخیرلی عدالت وِچ کُھل کے سمانے لیہیائے گائے گا۔ کوئی شے پوشیدہ نئیں جیہڑی ظاہر نہ کیتی جائے گی۔ خداوند تاریکی دی پوشیدہ گلاں تے تہاڈے دِل دی پوشیدہ صلاحیتاں نوں ظاہر کرے گا۔

I۔ پہلی گل، تہاڈے عام گناہواں نوں کُھلے عام ہُور وی بوہتا عام کیتا جائے گا۔

اُو گناہ جیہڑے زمین تے صرف چند لوکی جانندے سن ہُن زمین تے آسمان دی ہر مخلوق دے وسیع اِجتماع دے سامنے ’’کتاباں‘‘ وِچوں کُھلے عام پڑھے جان گے۔

اُو دُنیا دار جیس دی حیاتی پیسہ کمان وِچ لنگھ گئی، جِنہے ابدی دولت نوں حقیر سمجھیا، ایہہ گناہ خدا دی کتاباں توں پڑھے جان گے۔ خدا دے تخت دے سامنے کِھلوت وسیع اجتماع دے ذریعے اُوہدی بُنیاد، مُرجھائی ہوئی، گھمبیر روح اپنی ساری خرابیاں یا بدشکلیاں وِچ نظر آئے گی۔

بے فکر انسان جِنہوں صرف اپنے لباس، احمقانہ گلاں تے دُنیاوی مقبولیت دی فکر سی، جِنہے گرجا گھر وِچ اپنا ویلہ ضائع کیتا تے اپنی روح دی نجات نوں نظر انداز کیتا، تے اپنے گناہواں دے بارے وِچ سنجیدگی نال سوچن توں انکار کیتا تے ابدی گلاں نوں نظر انداز کیتا، اُوہنے اِک بیکار تے مسخ شُدہ شخصیت دے طور تے ایس وسیع اجتماع دے ذریعے توں جیہڑا خدا دے تخت دی حضوری وِچ کِھلوتا سی، ویکھیا جائے گا جیہڑا کہ اُو سی۔

اُو بندہ جِنہے خدا دی تنبیہات دا مخول اُڑایا، جِنے جہنم تے عذاب نوں سنجیدگی نال نئیں لیہیا، جِنہے تمسخر اُڑایا تے سزایابی وِچ آن آلیاں نوں حقیر ویکھیا، اُو خدا دے تخت دے سامنے کِھلوتے ایس وسیع اجتماع دے سامنے بیوقوف دے طور تے وکھایا جائے گا۔

ایتھے ایس شخص دے کرِدار نوں وی ظاہر کیتا جائے گا جیہڑا گرجا گھر آیا سی لیکن اُوہدی دماغ دوجیاں گلاں وِچ اٹکیا ہویا سی، سوندے رہنا، گناہ بھرے خیالات سوچدے رہنا، واعظاں تے دعاواں نوں نظر انداز کردے رہنا، جیہڑا ہفتہ در ہفتہ خدا دے غضب یا مسیح دی رحمت دے بارے وِچ سوچے بغیر گرجا گھر آندا سی۔ جِنہے مہینہ در مہینہ یسوع دے ٹوٹے ہوئے جسم توں مُنہ موڑ لہیا، تے اُوہدے لہو دی برکت نوں رد کیتا۔

’’تے میں نِکّے وڈے سارے مُردیاں نوں خدا دی حضوری وِچ کِھلوتے ویکھیا؛ تے کتاباں کھولیاں گئیاں تے اِک ہُور کتاب جیہدا ناں کتابِ حیات سی اُو وی کھولی گئی، جیہڑی حیاتی دی کتاب اے تے سارے مُردیاں دا اِنصاف اُوہناں دے اعمال دے مطابق کیتا گیا جیہڑے اُوہناں دی کتاباں وِچ درج سن‘‘ (مکاشفہ 20: 12)۔

II۔ دوجی گل، تہاڈے خفیہ گناہواں نوں آشکارہ کر دِتا جائے گا۔

آخرت وِچ ہر بھیس چھن جائے گا۔ فیر تہاڈے لُکہے ہوئے گناہ کتاباں وِچوں کُھلے عام پڑھے جان گے۔ فحاشی، بے حیائی، غلاظت سارا کُجھ کُھل کے سامنے لیہایا جائے گا۔

اُو شخص جِنہے اپنے آپ نوں معاف کیتا تے خوشخبری نال اپنی دشمنی نوں چھپان دی کوشش کیتی – اُو شخص جِنہے اپنے غرور، اپنی خود غرضی، اپنی دُنیاوی ذہنیت، اپنے بُرے خیالات نوں – اخلاق دی ظاہری شکل دے نال چُھپان دی کوشش کیتی – خدا دے تخت دے سامنے کِھلوتے وسیع اجتماع دے سامنے واضح طور تے لیہایا جائے گا۔

اُو شخص جیہڑا اِتوار نوں بہوتا خدا پرست نظر آندا سی، لیکن خدا دے نال اُوہدا کوئی باطنی تعلق نئیں سی، بے نقاب ہو جائے گا۔ اُو ناشکرا نوجوان جِنہے اپنے ماں پیو دی مسیحیت نوں نظر انداز کیتا تے اُوہدی تذلیل کیتی اُوہنوں اُوس ناشکرے بدبخت دے طور تے سمجھیا جائے گا جیہڑا کہ اُو اے۔ ایہناں گناہواں نوں، اگرچہ زمین تے بہوتے گھٹ لوکی ای جانندے نے، آخیرلی عدالت وِچ کُھلے عام ظاہر کر دِتے جان گے۔ ہر نقاب پھاڑ دِتا جائے گا۔ خدا دے تخت دے سامنے کِھلون آلے وسیع اجتماع دے سامنے ہر اِک پوشیدہ گل نوں اُجاگر کر دِتا جائے گا۔

III۔ تیجی گل، تہاڈے باطنی گناہواں نوں ظاہر کر دِتا جائے گا۔

دِل دا وکیل، اُوہدے سارے جُرماں تے غلطیاں دے نال، خدا دی کتاباں وِچوں ظاہر کر دِتا جائے گا۔ مسیح نے ہوس بھری نظر نوں، زنا تے غصے تے نفرت نوں قتل قرار دِتا۔ اُوس دِن تہاڈا شریر دِل اپنے تمام تر غرور، غصے، ہوس تے بغض دے نال کیویں ظاہر ہووے گا؟ خوفناک ہووے گا اُو نظارہ، ایہہ سارے دا سارا خدا دے تخت دے سامنے کِھلوتے وسیع اجتماع دے سامنے لیہایا جائے گا۔

لیکن ایہو ای سب کُجھ نئیں اے۔ اُو سارے ویلے جِنہاں وِچ تُسی نجات دے بارے چہ سُنیا، نجات دہندہ دی موت دے ذریعے کفارہ تے اُوہدے مخلصی بخشن آلے لہو نوں، سب نوں یاد رکھیا جائے گا۔ اُوہناں اَن گنت ویلیاں نوں جدوں تہانوں یسوع دے کول آن دے لئی کہیا گیا سی، اُوہناں اَن گنت ویلیاں نوں جدوں تہانوں دسیا گیا سی کہ اُوہدا لہو کتاباں وِچوں ایہناں گناہواں نوں مٹا دے گا، ساریاں نوں یاد کیتا جائے گا۔ واعظ، نصیحتیں، دعاواں، تبیہات، یسوع دے کول آن دی دعوتاں، اُو لہو جیہڑا مسیح نے تہاڈے گناہواں نوں ایہناں کتاباں وِچوں پاک کرن دے لئی پیش کیتا، یسوع دا مسترد کیتا جانا، خدا دے پُتر دا پیراں ہیٹاں روندا جانا، اُوہدے لہو دا اِک عام شے دے طور تے مسترد کیتا جانا – ایہہ وی کتاباں وِچ درج اے! جرائم دی مقدار، کروڑہا گناہ، خوفناک حد تیکر ودھ جاندے نے، فیر وی ایہہ سب کُجھ خدا دے تخت دے سامنے کِھلوتے ہوئے وسیع اجتماع دے سامنے لیہایا جائے گا۔

کی تُسی خدا دی کتاباں وِچ گناہواں دے ایہو جئے ریکارڈ دے نال عدالت دے ایس تخت دے سامنے کھڑے ہون نوں تیار اُو؟ کی تُسی ایہناں لوکاں وِچ رہن نوں تیار اُو جِنہاں نوں کہیا جائے گا،

’’اے لعنتی لوکو! میرے سامنے توں دور ہو جاؤ، تے اُوس ہمیشہ بلدی رہن آلی اَگ وِچ چلے جاؤ‘‘؟ (متی 25: 41)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔