ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔
واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔
جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔
کفارے دا دِن –
|
عبرانی کیلنڈر دے ستویں مہینے دے دسویں دِن، جیہڑا ایس سال 13 اکتوبر نوں آندا اے، خدا نے اپنے لوکاں نوں یومِ کفور yom ha-kippurim، یعنی کفارے دا دِن، منان نوں کہیا۔ کیپیریمkippurim عبرانی لفظ کفارkaphar توں آیا اے، جیہدا مطلب ’’دھانپیا ہویا‘‘ اے۔ لوکاں دے گناہواں نوں علامتی طور تے ’’ڈھانپ‘‘ دِتا گیا سی، [گناہواں توں] پاک صاف کرن آلے مسیح دی پیشن گوئی جیہڑی بعد وِچ [اُوہنے] اپنے لہو دے ذریعے دِتی جِنہوں اُوہنے کلوری دی سولی تے وگایا سی۔
کفارہ دے دِن سردار کاہن دو بکرے لے گیا۔ اِک بکرا ذبح کیتا گیا۔ سردار کاہن نے دوجے بکرے تے ہتھ رکھیا، لوکاں دے گناہواں دا اِقرار کیتا، تے فیر اُوس بکرے نوں بیابان وِچ چھڈ دِتا۔ فیر پہلے بکرے دے لہو نوں سردار کاہن عبادت گاہ دے مقدس ترین مقام وِچ لے گیا۔ اُو کلیاں ای اندر گیا تے [کفارہ دے] سرپوش اُوتے لہو نوں چھڑکیا، جیہڑا عہد دے صندوق دے سب توں اُوتے اے – ایہ گل سانوں ساڈی تلاوت تیکر لے جاندی اے:
’’کیوں جے جسم دی جان اُوہدے لہو وِچ ہوندی اے تے اُوہنوں میں تہانوں ایس لئی دِتا ہے کہ اُو مذبح تے تہاڈے لئی کفارہ ہووے۔ ایہ لہو ای اے جیہڑا کسی جان دے لئی کفارہ دیہندا اے‘‘ (احبار 17: 11)۔
کفارے دے دِن تین اہم گلاں رونما ہوئیاں۔ ایہ تیناں تصویراں، تشبیہات نے، جیہڑیاں ساڈا خداوند یسوع مسیح اپنے لوکاں نوں اُوہناں دے گناہواں توں بچان دے لئی کرے گا۔
I۔ پہلی گل، اُو بکرا جیہڑا ذبح کیتا گیا سی ساڈے گناہواں دے لئی مسیح دے مرن دی عکاسی کردا اے۔
بائبل کہندی اے،
’’مسیح ساڈے گناہواں دی خاطر قربان ہویا‘‘ (I کرنتھیوں 15: 3)۔
’’لیکن خدا ساڈے لئی اپنی محبت ایویں ظاہر کردا اے کہ جدوں اَسی گنہگار ای ساں تے مسیح نے ساڈی خاطر اپنی جان قربان کر دِتی‘‘ (رومیوں 5: 8)۔
ساڈی تلاوت ایس گل دی عکاسی اُوس ویلے کردی اے جدوں اُوہنے کہیا،
’’کیوں جے جسم دی جان لہو وِچ ہوندی اے…‘‘ (احبار 17: 11)۔
جدوں ایس بکرے نے اپنا لہو وگایا تے اُوہنے اپنی جان دے دِتی۔ ایہ سولی تے مسیح دی اپنی جان نذر کر دین دی اِک تصویر سی جِنہے اپنے لوکاں نوں گناہ دی سزا توں بچان دے لئی دے دِتا۔ اشعیا نبی توں بوہتا واضح طور تے گنہگاراں دے لئی مسیح دی مصیبتاں تے موت نوں کدی کسی نے نئیں وکھایا۔
’’یقیناً اُوہنے ساڈی بیماریاں برداشت کیتیاں تے ساڈے غم اُٹھا لیہئے، فیر وی اَسی اُوہنوں خدا دا ماریا ہویا، کوٹیا ہویا تے ستایا ہویا سمجھیا۔ لیکن اُو ساڈی خطاواں دی وجہ توں گھائل کیتا گیا تے ساڈی بداعمالی دے باعث کُچلا گیا۔ جیہڑی سزا ساڈی سلامتی دا باعث ہوئی اُو اُوہنے چُکی تے اُوہدے کوڑے کھان نال اَسی شفایاب ہوئے۔ اَسی سارے پیہڈھاں وانگوں بھٹک گئے، ساڈے وِچوں ہر اِک نے اپنی اپنی راہ لئی تے خداوند نے اَساں ساریاں دی بدکاری اُوہدے تے لَد دِتی‘‘ (اشعیا 53: 4۔6)۔
سانوں کدی وی نئیں بھولنا چائیدا اے کہ یسوع نے ساڈے گناہواں دا کفارہ ادا کرن دے لئی کی کیتا۔ سانوں اُوس خوفناک اذیت نوں کدی وی نئیں بھولنا چائیدا اے جیس نال اُو گتسمنی دے باغ وِچ لنگہیا سی، جیس راتی اُوہنوں گرفتار کیتا گیا سی۔ تے نہ ای سانوں پیلاطوس دے دورِ حکومت وِچ کوڑے مارے جان نوں فرموش کرنا چائیدا اے، جیس دے ذریعے اُوہنوں موت دی حد تیکر کوڑے مارے سن۔ تے سانوں اپنے آپ نوں اُوہناں کیلاں دی مسلسل یاد دلانی چائیدی اے، جیہڑے اُوہدے ہتھاں تے پیراں وِچ ٹھوکے گئے۔
بے عزتی تے بیہودہ مذاق نوں برداشت کردے ہوئے، میری تھاں تے سزا پا کے اُو کِھلوتا سی؛
اپنے لہو نال میری معافی نوں مہر لگائی! ھلیلیویاہ! کیہو جیہا اِک نجات دہندہ اے!
(’’ھلیلیویاہ! کیہو جیہا اِک نجات دہندہ اے! Hallelujah, What a Saviour! ‘‘ شاعر فلپ پی۔ بِلس Philip P. Bliss، 1838۔1876)۔
کلوری دی سوگوار پہاڑی تے چڑھائی؛ اُوتھے اُوہدے قدماں چہ سجدہ کرنا۔
ویلے دے معجزے نوں نشانی لا لہؤ، خدا دی اپنی قربانی مکمل ہوئی۔
(’’انہیری گتسمنی وِچ جاؤ Go to Dark Gethsemane‘‘ شاعر جیمز مونٹگمریJames Montgomery، 1771۔1854)۔
ساریاں مصیبتاں، درد تے موت جیہدا مسیح نے تجربہ کیتا، اُوہناں دیاں پیشنگوئی کیتی گئی سی، تصویر کشی کیتی گئی سی، کفارے دے دِن مارے جان آلے بکرے دے ذریعے بیان کیتا گیا سی۔
II۔ دوجی گل، دوجے بکرے دا پیہج دِتا جانا قبر وِچ مسیح دی عکاسی کردا اے۔
مسیح دے مصیبتاں تے موت دی عکاسی پہلے بکرے دی موت دے نال ختم نئیں ہوندی۔ خدا دے کلام نے کی کہیا سُنو۔ کِھلو جاؤ تے احبار 16: 21ویں تے 22 ویں آیت نوں اُوچی واج نال پڑھو۔
’’تے ہارون اپنے دوویں ہتھ اُوہدے سر تے رکھ کے اُوہدے اُوتے بنی اسرائیل دی ساری بدکاری تے نافرمانی یعنی اُوہناں دے سارے گناہواں دا اِقرار کرے تے اُوہناں نوں اُوس بکرے دے سر ڈال دے تے اُو اُوس بکرے نوں کسی مقرر کردہ بندے دے وسیلہ توں بیابان وِچ پیہج دے‘‘ (احبار 16: 21۔22)۔
تُسی تشریف رکھ سکدے اُو۔
اَج کل دی زیادہ تر تبلیغ وِچ مسیح دی تدفین دا بہوتا گھٹ ذکر کیتا جاندا اے۔ تے فیر وی مسیح دے جسم دی تدفین بہوتی اہمیت دی حامل اے۔ ایہنوں پولوس رسول نے انجیل دے دوجے موضوع دے طور تے پیش کیتا اے:
’’تے کہ اُو دفنایا گیا سی‘‘ (I کرنتھیوں 15: 4)۔
بائبل وی کہندی اے،
’’اَسی اُوہدے نال دفنائے جانے آں‘‘ (رومیوں 6: 4)۔
تے فیر توں، خدا دے لوکی
’’اُوہدے نال دفنائے گئے‘‘ نے (کُلسیوں 2: 12)۔
ڈاکٹر لوئیس سپرری شعفرDr. Lewis Sperry Chafer نے کہیا،
ماہرینِ الہٰیات وَلّوں ایس موضوع تے [مسیح دی تدفین دے بارے وِچ] بہوتی گھٹ اہمیت دِتی گئی اے… مسیح دی تدفین نوں ’’قربانی دے بکرے [بکرے نوں بیابان وِچ کُھلا چھڈ دین] دے ذریعے پیش کیتا گیا اے۔ ایہ تشبیہ مکمل تے واضح اے۔ کفارہ دے دِن دو بکریاں دی لوڑ سی کہ اُو عام طور تے اُوس گل دی نمائندگی کرن جیہڑی مسیح نے کیتی سی۔ اِک بکرے نوں ذبح کیتا گیا تے اُوہدا لہو طہارت تے صفائی دے طور تے چھڑکا گیا۔ دوجے بکرے تے [جِنہوں بیابان وِچ کُھلا چھڈ دِتا گیا سی] لوکاں دے گناہ منتقل کیتے گئے تے اُوس بکرے نوں بیابان وِچ کُھلا چھڈ دِتا گیا تاکہ اُو فیر نظر نہ آئے۔ مسیح نے اپنا لہو فراہم کیتا جیہڑا ناصرف گناہ دی صفائی تے سزا دے لئی کارآمد اے، بلکہ اُوہنے گناہ نوں وی دھو ڈالیا (لوئیس سپرری شعفرDr. Lewis Sperry Chafer، اِلہٰیات وِچ ڈاکٹریتD.D. ، لٹریچر وِچ ڈاکٹریتLitt.D.، درجہ بہ درجہ علمِ الہٰیات Systematic Theology، ڈلاس سیمینری پریس، 1948، جلد VII، صفحہ 64)۔
یسوع گناہ اُٹھا لے جاندا اے!
’’ویکھو خدا دا برّہ جیہڑا جہان دے گناہ اُٹھا لے جاندا اے‘‘ (یوحنا 1: 29)۔
جیویں کہ جے وِلبر چیپمین ایہنوں تحریر کردے نے،
جیوندے جی، اُوہنے میرے نال پیار کیتا، مرن وِچ، اُوہنے میہنوں نجات دلائی۔
دفنان وِچ، اُو میرے گناہواں نوں بہوتی دور چُک کے لے گیا۔
مُردیاں وِچوں زندہ ہون وِچ، ہمیشہ دے لئی آزادانہ طور تے راستباز ٹھہرایا۔
اِک دِن اُو آ رہیا اے، ہائے، شاندار دِن!
(’’ایک دن!One Day‘‘ شاعر جے ولبر چیپمینJ. Wilbur Chapman ، 1859-1918)۔
جدوں تُسی مسیح دے کول آندے اُو تے تہاڈے گناہواں نوں چُک لیہیا جاندا اے جیویں کہ اُوس بکرے دے ذریعے عکاسی کیتی گئی اے جِنہوں بیابان وِچ کُھلا چھڈ دِتا جاندا اے، لوکاں دے گناہواں نوں چُکے ہوئے! تے تُسی
’’اُوہدے نال دفنائے جاندے‘‘ اُو (رومیوں 6: 4)۔
’’مشرق تے مغرب توں جِنہی دوری اے اُوہنے ساڈی خطاواں اُوہنی ای دور ساڈے توں کر دِتیاں نے‘‘ (زبور 103: 12)۔
III۔ تیجی گل، سرپوش تے اُو لہو جنت وِچ مسیح دے لہو دی عکاسی کردا اے۔
پہلے بکرے دا لہو، جِنہوں ذبح کیتا گیا سی، نوں پاک تر ترین مقام وَچ لیہایا گیا۔ اُوس مقدس مقام وِچ سردار کاہن دے علاوہ کسی ہُور نوں وی داخلے دی اجازت نئیں سی۔ تے اُوہنوں سال وِچ صرف اِک وری یوم کفور یعنی یوم کفارہ تے جان دی اجازت سی۔
سردار کاہن عبادت گاہ وِچ اُوس مقدس تھاں وِچ کلیاں ای گیا۔ اُوتھے اُوہنے مقتول بکرے دا لہو سرپوش تے چھڑکیا، صندوق نما ڈھانچہ دے اُوتلے حصے تے جِنہوں عہد دا صندوق کہیا جاندا اے۔ ڈاکٹر ایم آر ڈیحانDr. M. R. DeHaan نے کہیا،
ایہ صندوق ببول دی لکڑی نال بنیا اِک پاسیوں دائرے وگرے لمبائی جیہئے ڈبے تے مشتمل سی تے سونے دی پتری نال ڈھکیا ہویا سی۔ ایس صندوق وِچ اُو شریعت [دس احکام] رکھی گئی سی جِنہوں اسرائیل نے توڑیا سی جدوں موسیٰ پہاڑ تے سی۔ توڑی گئی شریعت نے اسرائیل دی ابدی سزا دا مطالبہ کیتا، لیکن خدا نے اِک پروردگاری کیتی سی… سال وِچ اِک وری کفارہ دا دِن، سردار کاہن نے سوختنی قربانی دے الطار توں، قربانی دے جانور دا لہو لیہیا جیہڑا کہ خداوند ید پروردگاری سی تے اُوہنوں سرپوش تے چھڑکیا۔ اُو توڑی گئی شریعت فیر قربانی دے لہو دے وسیلے توں ڈٓھانپی گئی سی۔ خدا راضی ہویا؛ تے کفارہ ادا ہو گیا سی۔ اُوہدے انصاف دی تشفی ہوئی۔ اُوہدی رحمت اُوہدے گمراہ لوکاں تے بِلا روک ٹوک برستی سی۔ بغیر لہو دے توڑی گئی شریعت نوں ویکھنا قہر دا سامنا کرنا اے۔ خدا نے کہیا، ’’جدوں میں لہو نوں ویکھاں گا، میں تہانوں بخشدا ہویا لنگھ جاواں گا۔‘‘ خدا دے راست فیصلے توں لہو نوں ہٹانا یقینی تباہی نوں دعوت دیہنا اے (ایم آر ڈیحان، ایم ڈی۔ M. R. DeHaan, M.D.، خون دی کیمسٹری The Chemistry of Blood، ژونڈروان Zondervan، دوبارہ اشاعت 1981، صفحہ 52)۔
تے ایہ گل سانوں واپس ساڈی تلاوت وَل لے جاندی اے۔ مہربانی نال کِھلو جاؤ تے اِحبار 17: 11 ویں آیت نوں اُوچی واج نال پڑھو۔
’’کیوں جے جسم دی جان اُوہدے لہو وِچ ہوندی اے تے اُوہنوں میں تہانوں ایس لئی دِتا ہے کہ اُو مذبح تے تہاڈے لئی کفارہ ہووے۔ ایہ لہو ای اے جیہڑا کسی جان دے لئی کفارہ دیہندا اے‘‘ (احبار 17: 11)۔
’’ایہ لہو ای اے جیہڑا کسی جان دے لئی کفارہ دیہندا اے۔‘‘ تُسی تشریف رکھ سکدے اُو۔
ڈاکٹر میک آرتھرDr. MacArthur مسیح دے لہو نوں اپنی موت دے برابر قرار دیہندے نے۔ اُو لہو نوں موت دا مترادف [اُو لفظ جیہڑا اِک شے وَل اشارہ کردا اے لیکن اُوہدے توں متعلقہ شے دا حوالہ دیہندا اے] کہندے نے – اِک ہُور لفظ جیس دا مطلب وی ایہو ای گل اے۔ آر بی تھائیم R. B. Thieme کہندے نے کہ مسیح دا لہو ’’اُوہدی روحانی موت دی علامت اے۔‘‘ نئیں! نئیں! سانوں ایہو جئی کسی وی گل نوں نئیں مننا چائیدا! لہو اُوہدے موت دے لئی صرف اِک لفظ نئیں اے۔ لہو صرف ’’اُوہدی روحانی موت دی علامت‘‘ نئیں اے۔ لہو موت توں الگ اے تے لہو کوئی ’’علامت‘‘ نئیں ہوندا اے۔ مسیح دا لہو حقیقی لہو اے! سانوں تھائیم تے میک آرتھر دی تبلیغ نئیں کرنی چائیدی،
’’ایہ لہو ای اے جیہڑا کسی جان دے لئی کفارہ دیہندا اے‘‘ (احبار 17: 11)۔
جے سردار کاہن ایس بکرے دی لاش نوں اندر لیہیاندا تے ایس جانور دی لاش نوں سرپوش تے رکھ دیہندا، تے کوئی کفارہ نہ ہوندا! ایہ لہو تے تنہا لہو اے اے، جس دے بارے وِچ ساڈی تلاوت گل کردی اے!
’’میں ایہنوں قربان گاہ تے تہانوں دِتا اے۔‘‘
قربان گاہ تے کی دِتا اے؟ اُوہی لہو!
’’میں اُوہنوں قربان گاہ تے تہانوں دِتا اے۔‘‘
کیس دے لئی؟
’’تہاڈی جان دا کفارہ ادا کرن دے لئی،‘‘
ایہو ای گل اے!
’’ایہ لہو ای اے جیہڑا کسی جان دے لئی کفارہ دیہندا اے‘‘ (احبار 17: 11)۔
تھائیم تے میک آرتھر دی بغیر لہو دی خوشخبری توں دور ای رہوو! میں اُوہناں دے نال کوئی سروکار رکھنا نئیں چاہندا!
’’ایہ لہو ای اے جیہڑا کسی جان دے لئی کفارہ دیہندا اے‘‘ (احبار 17: 11)۔
’’لیکن مسیح بہتر برکتاں دا سردار کاہن بن کے آ چکیا اے، جیہڑیاں ہُن موجود نے تے اُو جیس خیمہ توں خدمت انجام دیہندا اے اُو زیادہ وڈا تے کامل اے تے انسانی ہتھاں دا بنایا ہویا یعنی ایس دا دا نئیں۔ اُو بکریاں یا وَچھڑیاں دا نئیں بلکہ اپنا لہو لے کے اِک ای وری پاک ترین مکان وِچ داخل ہویا تے سانوں ایہو جئی نجات دلائی جیہڑی ابدی اے‘‘ (عبرانیوں 9: 11۔12)۔
ڈاکٹر جے ورنن میگی Dr. J. Vernon McGee نوں سنو، جیہڑے ہُن تیکر دے سب توں بوہتے مشہور تے وڈے پیمانے تے سُنے جان آلے بائبل دے اُستاد نے۔ ڈاکٹر میگی نے کہیا،
میہنوں یقین اے کہ ایہ آیت [عبرانیوں 9: 12] ثابت کردی اے کہ مسیح واقعی وِچ اپنا ای لہو آسمان تے لے گیا… بیلوں تے بکریاں دا لہو آسمان وِچ کدی نئیں چھڑکیا گیا – ایہدے توں کوئی انکار نئیں کہ ایہ نامعقول ہووے گا۔ تاہم، مسیح دا لہو، اَسی یقین رکھنے آں، آسمان وِچ اے تے ایہ بالکل نا معقول نئیں اے۔ زمین تے عبادت گاہ صرف اِک عکاسی سی – حقیقت آسمان [جنت] وِچ اے۔ ’’ہُن ساڈے لئی خدا دی حضوری وِچ حاضر ہون‘‘ دا مطلب اے خدا دے انتہائی چہرے دے سامنے۔ مسیح انسان دے بنائے ہوئے مقدس مقام وِچ داخل نئیں ہویا اے۔ ایہ روحانی لیکن حقیقی اے۔ اُو سانوں بچان دے لئی زمین تے مر گیا۔ اُو سانوں بچان دے لئی جنت وِچ رہندا اے۔ اُو ساڈے لئی موجود اے (جے ورنن میگی، الہٰیات میں ڈاکٹریت J. Vernon McGee, Th.D.، بائبل وِچوں Thru the Bible، تھامس نیلسن Thomas Nelson، 1983، جلد پنجم، صفحات 566، 569)۔
’’ایہ لہو ای اے جیہڑا کسی جان دے لئی کفارہ دیہندا اے‘‘ (احبار 17: 11)۔
ڈاکٹر ڈبلیو اے کرسویل نےDr. W. A. Criswell نے احبار 17: 11 وِچ ساڈی تلاوت دے بارے چہ گل کردے ہوئے کہیا، ’’ایہ آیت احبار دے نال نال بائبل دی کُلیدی آیات وِچوں اِک اے۔ ایہ ایس سُرخ رنگ دے دھاگے دا حصہ اے جیہڑا پورے مقدس صحیفے وِچ نظر آندا اے۔ لہو دے کفارے دا اصول گناہ دے مسئلے دے لئی خدا وَلوں مقرر کردہ علاج اے‘‘ (ڈبلیو اے کرسویل، فلسفے وِچ ڈاکٹریت W. A. Criswell, Ph.D.، کرسویل دا مطالعۂ بائبل The Criswell Study Bible، تھامس نیلسن Thomas Nelson، 1979، احبار 17: 11 تے غور طلب گل)۔
ایہو ای تعلیم بائبل کفارہ دے دِن تے یسوع دے لہو دے بارے وِچ دیہندی اے۔
’’اُوہنوں میں تہانوں ایس لئی دِتا ہے کہ اُو مذبح تے تہاڈے لئی کفارہ ہووے۔ ایہ لہو ای اے جیہڑا کسی جان دے لئی کفارہ دیہندا اے‘‘ (احبار 17: 11)۔
واضح طور تے صاف طور تے، فیر، تہانوں ایمان دے نال یسوع دے کول آنا چائیدا اے۔ جدوں تُسی اُوہدے کول آندے اُو، اُوہدا لہو تہانوں گناہ توں پاک صاف کرن دے لئی ہُنے دستیاب اے، تے ’’اپنی جاناں دا کفارہ دیو: کیوں جے ایہ لہو ای اے جیہڑا جان دا کفارہ ادا کرتا ہے۔‘‘
’’اُوہدے پُتر یسوع مسیح دا لہو سانوں ساریاں گناہواں توں [فعل حال، فعل معروف، اشارتی] پاک کردا اے‘‘ (1 یوحنا 1: 7)۔
’’پاک صاف کرنا‘‘ فعل ’’حال‘‘ وِچ اے۔ ایہ ظاہر کرن دے لئی کہ مسیح دا لہو تہانوں پاک کرن دے لئی ہُنے وی دستیاب اے! ’’فعل معروف active voice‘‘ ظاہر کردی اے کہ ایہ ہُنے وی گنہگاراں نوں پاک کرن دے لئی کام کر رہیا اے۔ ’’فعل اشارتی‘‘ دا مزاج ظاہر کردا اے کہ یہ صفائی جاری رہندی اے۔ ایہ کدی ختم نئیں ہوندی۔ فعل حال – ایہ [لہو] ہُنے وی [گناہواں] نوں صاف کردا اے۔ ’’فعل معروف‘‘ – ایہ ہُنے وی کام کر رہیا اے، ہُنے وہ صفائی کر رہیا اے۔ فعل اشارتی آلا مزاج – کہ صفائی اِک جاری مظہر اے۔ ایہ کدی ختم نئیں ہوندی۔ فعل حال۔ فعل معروف۔ اشارتی indicative مزاج۔ اُو انتہائی فعل ’’پاک کردا اے‘‘ لہو دا فنا ہونا ناممکن بنا دیہندا اے! لہو ہُنے وی موجود اے تے ایہ ہُنے وی متحرک اے! مسیح دے کول آؤ! اُوہدے ابدی لہو توں ہر گناہ توں پاک صاف ہو جاؤ! آؤ کِھلو کے گانے آں ’’ اُوتھے اِک چشمہ اے۔‘‘ میہنوں ایہ گانا گاندے ہوئے تہانوں سُنن دیو!
اوتھے عمانوئیل دی رگاں وچوں کھچیا گیا لہو نال بھریا اِک چشمہ اے؛
تے گنہگار اُوس چشمے دے ہیٹاں ڈبکی لاندے نے تے اپنے تمام قصوراں دے دھبے دھو لیندے نے؛
تے گنہگار اُوس چشمے دے ہیٹاں ڈبکی لاندے نے تے اپنے تمام قصوراں دے دھبے دھو لیندے نے؛
اپنے تمام قصوراں دے دھبے دھو لیندے نے، اپنے تمام قصوراں دے دھبے دھو لیندے نے؛
تے گنہگار اُوس چشمے دے ہیٹاں ڈبکی لاندے نے تے اپنے تمام قصوراں دے دھبے دھو لیندے نے؛
(’’اوتھے اِک چشمہ اے There Is a Fountain‘‘ شاعر ولیم کاؤپر William Cowper، 1731۔1800).
’’کیوں جے جسم دی جان اُوہدے لہو وِچ ہوندی اے تے اُوہنوں میں تہانوں ایس لئی دِتا ہے کہ اُو مذبح تے تہاڈے لئی کفارہ ہووے۔ ایہ لہو ای اے جیہڑا کسی جان دے لئی کفارہ دیہندا اے‘‘ (احبار 17: 11)۔
جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔
(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‘‘پنجابی وِچ واعظ’’ تے کِلک کرو۔
واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔
|
لُبِ لُباب کفارے دا دِن –
|