اُوہناں دے کول کوئی جڑاں نئیں نے!

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

تھامس ہُکرThomas Hooker دے چند لفظاں نے میری توجہ ساڈی تلاوت دے ایس فقرے دے حولاے نال مبذول کرائی، ’’جدوں اُو سُنن تے خوشی نال کلام نوں قبول کرن۔‘‘ ہُکر نے کہیا کہ جے تُسی کدی محسوس نئیں کیتا کہ تُسی گمراہ ہو گئے اُو، تے تُسی اِک نئے طریقے نال جنت وِچ جان دی کوشش کرو گے، پہلاں گناہ دی سزایابی دے تحت آن دے بجائے ’’خوشی دے نال کلام‘‘ نوں قبول کرن نال۔ اُوہناں نے کہیا، ’’پہلاں اپنے گناہواں نوں ویکھو، تے فیر تہانوں اُوہناں دے لئجی رحم تے معافی لبھے گی‘‘ (تھامس ہوکر، مسیح دے لئی روح دی تیاریThe Soul’s Preparation for Christ، انٹرنیشنل آؤٹ ریچ، 1994 1640 ایڈیشن دی دوبارہ اشاعت، صفحہ 46)۔

تھامس ہُکر اِک نیک بزرگ پیوریٹن سی۔ اُوہناں دے کول کہن دے لئی بہوتا کُجھ سی، تے تُسی اِک ویلے چہ ایہدے وِچوں تھوڑا جیہا ای پا سکدے اُو۔ لیکن لوقا 8: 13 تے اُوہناں دے تبصرے نے میہنوں متاثر کیتا۔ اُو لوکی جیہڑے آخرکار پسپا ہو جاندے نے یا گمراہ ہو جاندے نے اُو لوکی نے جیہڑے ’’خوشی نال کلام نوں قبول کردے نے۔‘‘

ایہ خیال اے: میں خوشخبری دی تبلیغ کرنا آں۔ تُسی ایہنوں سُنندے اُو تے ایہ چنگا لگدا اے۔ ایہدے بعد تُسی کسی قسم دا فیصلہ کرو۔ لیکن، چونکہ تہاڈی مسیح وِچ کوئی جڑ نئیں اے، ایس لئی آزمائش دے ویلے تُسی پسپا ہو جاؤ گے۔ جے تُسی خوشخبری دے کلام نوں سطحی خوشی نال قبول کردے اُو تے تُسی ’’آزمائش دے ویلے‘‘ وِچ پسپا ہو جاؤ گے (لوقا 8: 13)۔

ڈاکٹر گل نے کہیا کہ آزمائش دے ویلے توں مُراد ’’مصیبت تے ایذارسانی دا ویلہ اے، جیویں کہ دوجے مبشرین توں ظاہر ہوندا اے، جیہڑا مذہب دے پروفیسراں دے لئی اِک آزمائشی ویلہ اے، جدوں اُو لوکی جِنہاں دے اندر ایس معاملے دی جڑ نئیں اے، پسپا ہو جاندے نے‘‘ (جان گل، ڈی ڈی۔ John Gill, D.D.، نئے عہدنامے دی اِک تفسیرAn Exposition of the New Testament، دی بپٹسٹ سٹینڈرڈ بیئرر The Baptsit Standard Bearer، دوبارہ اشاعت 1989، جلد اوّل، صفحہ 578)۔

ھُکر Hooker تے گِل Gill نے ایہ نتیجہ اخذ کیتا کہ لفظ ’’خوشی دے نال‘‘ قبول کرنا کم تے سطحی اے، تے تہانوں نجات نئیں دلائے گا۔ ’’کی!‘‘ دورِ حاضرہ دا اِک انجیلی مبشر کہہ سکدا اے، ’’تہاڈا مطلب ایہ اے کہ میہنوں ایہ دسنا اے کہ میہنوں خوشخبری نئیں سُننی چائیدی اے؟‘‘ ٹھیک اے، ساڈی تلاوت ایہو ای کہندی اے، ہے نا؟

’’چٹان دے اُتے آلے اُو نے جیہڑے کلام نوں سُن کے اُوہنوں خوشی نال قبول کردے نے لیکن کلام اُوہناں وِچ جڑ نئیں پھڑدا، اُو کُجھ ویلے تیکر تے اپنے ایمان تے قائم رہندے نے لیکن آزمائش دے ویلے پسپا ہو جاندے نے‘‘ (لوقا 8: 13)۔

’’تے ٹھیک اے،‘‘ اُو شاید کہہ سکدا اے، ’’میں کلام نوں کیویں قبول کراں؟‘‘ خوشی نال نئیں، بلکہ گناہ دے لئی یقین تے غم دے نال! کلام نوں کسی وی دوجے طریقے نال قبول کرنا سطحی تے کم اے، تے تہانوں مسیح وِچ ایمان دلا کے تبدیل نئیں کرے گا۔ ایہ تہاڈے دِل دی سخت چٹان نوں نئیں توڑے گا۔ ایہ تہانوں مسیح وِچ جڑ پھڑن نئیں دے گا! تے ایہ تہانوں نجات نئیں دلائے گا! تہانوں خوشخبری نوں سطحی خوشی دے نال قبول نئیں کرنا چائیدا اے، بلکہ اپنے گناہ دے لئی یقین تے غم دے نال قبول کرنا چائیدا اے!

’’چٹان دے اُتے آلے اُو نے جیہڑے کلام نوں سُن کے اُوہنوں خوشی نال قبول کردے نے لیکن کلام اُوہناں وِچ جڑ نئیں پھڑدا، اُو کُجھ ویلے تیکر تے اپنے ایمان تے قائم رہندے نے لیکن آزمائش دے ویلے پسپا ہو جاندے نے‘‘ (لوقا 8: 13)۔

بہتیرے ایہو جئے نے جیہڑے بظاہر مسیحی نے جیہڑے کدی وی مسیح وِچ ایمان لیہیا کے تبدیل نئیں ہوئے سن۔ اُوہناں دی نام نہاد تبدیل دی کوئی گہرائی نئیں سی۔ اِک عمومی اصول دے طور تے، اُو لوکی جیہڑے کہندے نے کہ اُو بغیر کسی باطنی جدوجہد دے مسیح وِچ ایمان لیہیا کے تبدیل ہوئے نے اُوہی لوکی نے جِنہاں نے غلط تبدیلی کیتی اے۔ جیویں کہ اِک پرانی کہاوت اے، ’’آسانی نال کمایا ہویا آسانی نال ضائع ہو گیا۔‘‘ جے تُسی اینج دی جھوٹی تبدلی توں بچنا چاہندے اُو، تے ساڈے تلاوت دے بارے وِچ غور نال سوچو، کیوں جے ایہ بالکل اُوہی گل اے جیہدے بارے وِچ مسیح کہہ رہیا سی۔

’’چٹان دے اُتے آلے اُو نے جیہڑے کلام نوں سُن کے اُوہنوں خوشی نال قبول کردے نے لیکن کلام اُوہناں وِچ جڑ نئیں پھڑدا…‘‘ (لوقا 8: 13)۔

’’بیج خدا دا کلام اے‘‘ (لوقا 8: 11)۔ پتھر تہاڈے دِل دی نمائندگی کردا اے۔ جے کلام دا بیج کسی چٹان تے وکھر جائے تے اُوہدے تے بارش ہووے تے اُو پھوٹ پیہئے گا۔ لیکن ایہ چھیتی ای مُرجھا جائے گا۔

’’تے جدوں سورج نکلیا تے اُو جُھلس گئے‘‘ (متی 13: 6)۔

تہاڈا دِل ٹُٹ جانا چائیدا اے ورنہ اُو کلام جیہڑا تُسی سُنندے اُو اُو مسیح وِچ گہری جڑاں نئیں پھڑے گا۔ تہاڈے دِل دی چٹان نوں ٹوٹ جانا چائیدا اے ورنہ خوشخبری تہاڈے وِچ گہری جڑاں نئیں پھڑ سکدی۔ ہوسیع نبی نےکہا،

’’اپنی اُفتادہ زمین وِچ ہل چلاؤ کیوں جے ہُن موقع اے کہ خداوند نوں تلاش کرو‘‘ (ہوسیع 10: 12)۔

’’اپنی اُفتادہ زمین وِچ ہل چلاؤ تے کنڈیاں وِچ تخم ریزی نہ کرو‘‘ (یرمیاہ 4: 3)۔

تہاڈے دِل تے ہل چلایا جانا چائیدا اے، تے پتھراں نوں توڑا جانا چائیدا اے، ورنہ تہانوں پتھریلے دِل دے نال خوشخبری لبھے گی، ’’تے آزمائش دے ویلے پسپا ہو جاؤ گے۔‘‘ لیکن تہاڈے پتھر دِل تے کیویں ہل جوتا جا سکدا اے تے دِل نوں توڑیا جا سکدا اے؟ ایہ اُودھوں ہوندا اے جدوں تُسی خدا دی شریعت نوں توڑن دے بارے وِچ سوچدے اُو۔ ’’کیوں جے شریعت نال ای گناہ دا علم اے‘‘ (رومیوں 3: 20)۔

جدوں تُسی گناہواں دے بارے وِچ سوچدے اُو، اپنے آپ نوں معاف کیتے بگیر، ایہ تہاڈے دِل دی سختی نوں توڑ دیہندا اے۔

’’میرا گناہ ہمیشہ میرے سامنے اے‘‘ (زبور 51: 3)۔

اُوہدے پتھر وگرے دِل دی سختی اُوس ویلے ٹوٹ گئی جدوں اُوہناں معلوم ہویا کہ اُوہنے خدا دی شریعت نوں توڑیا اے، ’’کیوں جے شریعت نال گناہ دا علم ہوندا اے۔‘‘ زبور نویس نے کہیا،

’’کیوں جے میرا دِل رنجیدہ ہویا تے میرا جِگر [اندرونی طور تے چھبویا] چِھد گیا سی۔ میں ایس قدر بے عقل سی تے جاہل سی۔ میں تیرے سامنے جانور وانگوں سی‘‘ (زبور 73: 21۔22)۔

ایہ اُو طریقہ اے جیہدے نال اِک پتھر دِل نوں خدا دی روح توڑدی اے تے اُوہدے تے ہل چلاندی اے۔ اُو تہانوں یقین دی ایہو جئی تھاں تے لے آئے گا کہ تہاڈا گناہ تہاڈے سامنے ہمیشہ رئے گا۔ تہاڈا گناہ تہاڈے تے بوجھ پائے گا تے تہاڈے پتھر وگرے دِل نوں توڑ دے گا۔ تُسی بے وقوف تے جاہل تے بے بنیاد محسوس کرو گے۔ تُسی کہوو گے، ’’میں خدا دے سامنے اِک جانور وانگوں [آں‘‘۔ ایہ تہاڈے دِل تے شریعت دا کام اے، جیہڑا خدا دی روح دے ذریعے کیتا جاندا اے – تہانوں بہانیاں نال ہٹاندا اے، تے تہانوں ایہ وکھاندا اے کہ تُسی اِک دُکھی گنہگار اُو۔ فیر تُسی کہوو گے،

’’ہائے میں کیہو جیہا کمبخت آدمی آں! ایس موت دے بدن توں میہنوں کون چُھڑائے گا؟‘‘ (رومیوں 7: 24)۔

ایس توں پہلاں کہ خدا تہاڈے دِل دی چٹان نوں توڑن دے لئی شریعت دا استعمال کرے، تُسی نئیں جانندے کہ تُسی خدا دی نظر وِچ بدمزاج، دُکھی، غریب، انّہے تے ننگے اُو (مکاشفہ 3: 17)۔ لیکن جدوں خدا دی روح تہاڈے پتھریلے دِل نوں توڑنا شروع کر دیہندی اے، تے تُسی محسوس کرن لگدے اُو کہ تُسی اِک بہوتے ای منحوس انسان اُو، خدا دے سامنے ’’اِک حیوان دے طور تے‘‘ – اِک بدبخت، گنہگار حیوان! ایہ اُو حالت اے جیہدے وِچ تہانوں خدا دے فضل نال لیہایا جانا چائیدا اے، ورنہ خوشخبری دا بیج تہاڈے دِل وِچ جڑاں نئیں پھڑ سکے گا تے تُہانوں مسیح یسوع وِچ جڑ پھڑن نئیں دے گا۔

II۔ دوجی گل، چٹان تے بیج کیوں مُرجھا جاندا اے۔

تُسی کہہ سکدے اُو، ’’میہنوں کدی ایہو جیہا تجربہ نئیں ہویا۔ میرا دِل میرے گناہواں توں کدی پریشان نئیں ہویا۔ کدی کوئی ذہنی کمشکش نئیں ہوئی۔ میں کدی وی گناہ دے لئی دُکھی محسوس نئیں کیتا، یا خدا دے سامنے ’اِک حیوان‘ وگرا [محسوس نئیں کیتا]۔ میں ہُنے ای خوشخبری سُنی تے اُوہنوں قبول کیتا۔‘‘ جے ایویں اے، تے میہنوں یقین اے کہ تُسی مسیح وِچ ایمان لیہیا کے تبدیل نئیں ہوئے اُو۔ تُسی خوشی نال کلام قبول کیتا، لیکن تہاڈی کوئی جڑ نئیں سی۔ تُسی سُنیا کے یسوع لوکاں نوں بچاندا اے تے تُسی اُوہنوں تہانوں نجات دلان دے لئی کہیا۔ ایہدے نال تہانوں اُمید تے خوشی لبھی۔ لیکن ایہ اِک جھوٹی اُمید سی۔ ایہ بالکل وی حقیقی تبدیلی نئیں سی۔ دعا دے الفاط زبان نال کیہن توں کوئی نجات نئیں پاندا۔

گذشتہ نومبر وِچ پاساڈینا وِچ بلی گراہم تحریک وِچ، میری ووہٹ، میرے اِک پُتر تے میں سینکڑوں لوکاں نوں اپنے آلے دوالے نشستاں دی قطاراں دے وچکار لنگہن آلے راستے وِچ ویکھیا۔ اُوہناں ساریاں دے چہریاں تے خوشی تے مسرت دے تاثرات سن۔ میں جانندا سی کہ تقریباً ایہ سارے لوکی ’’خوشی دے نال کلام‘‘ قبول کر رئے سن، جیویں کہ یسوع نے ساڈی تلاوت وِچ کہیا سی۔ تے میں جانندا سی کہ اُوہناں دے لئی کُجھ وی چنگا نئیں کرے گا۔ جیویں کہ ڈاکٹر گِل نے کہیا،

اُو اُو اے جیہڑا … [انجیل] نوں رضامندی دیہندا اے ایہدے وِچ اپنے ایمان دا پیشہ بناندا اے، تے ایہنوں تھوڑی دیر دے لئی برقرار رکھدا اے … تے ایہدے وِچ خوشی تے لذت دے کُجھ ظاہری تاثرات پیش کرنا اے … لیکن اُوہدے کول کوئی دِل آلا کام نئیں اے، تے اینج ای پتھریلی زمین وِچ چٹان وانگوں اے۔ اُوہدے دِل دی فطری سختی جاری رہندی اے، ایہ کلام توں ٹوٹیا ہویا رہندا اے، گناہ دے کسی حقیقی احساس دے بغیر … تے روحانی حیاتی توں محروم … ایس لئی … ایہ زیادہ دیر نئیں چلدا (گذشتہ گل دے تسلسل وِچ ibid.، صفحات 146۔147)۔

’’ایہناں دی کوئی جڑ نئیں اے۔‘‘ اُوہناں دی ’’جڑاں اُوہناں وِچ نئیں نے تے اُو اَستوار‘‘ نئیں نے (کلسیوں 2: 7)۔

اُوہناں دے ایمان دی جڑاں مسیح یسوع وِچ نئیں نے۔ چونکہ اُوہناں دی مسیح وِچ کوئی جڑ نئیں اے، ایس لئی اُو ’’آزمائش دے ویلے پسپا ہو جان گے‘‘ (لوقا 8: 13)۔ جدوں مصیبت، ایذارسانی یا تکلیفاں دا اِمتحان آندا اے، تے اُو اِرتداد وِچ گمراہ ہو جاندے نے (حوالہ ویکھو متی 13: 21؛ مرقس 4: 17)۔ جیویں کہ مرقس نے ایہنوں تحریر کیتا،

’’جدوں سورج طلوع ہونیا تے ایہ سب جل گیا سی کیوں جے ایہدی جڑ نئیں سی تے اُو مُرجھا گیا‘‘ (مرقس 4: 6)۔

جے تہاڈی مسیح وِچ جڑاں نئیں تے بنیاد نئیں رکھدے، تے تُسی مُرجھا جاؤ گے، تے جلد یا بدیر، پسپا ہو جاؤ گے۔ جیویں کہ ڈاکٹر گِل نے کہیا، ’’اُو … اپنا مذہب تے اُوہدا پیشہ چھڈ دیہندا اے۔ مُرتد ہو جاندا اے، پسپا ہو جاندا اے، تے ناکام ہو جاندا اے‘‘

(گذشتہ گل دے تسلسل وِچ ibid.)۔ براہ کرم کِھڑے ہو جاؤ تے تلاوت نوں فیر توں اُوچی واج نال پڑھو۔

III۔ تیجی گل، ایہدے توں کیویں بچیا جا سکدا اے۔

سطحی پن تے بے حسی توں بچنا چائیدا اے۔ کم ایمان تے قناعت نہ کرو۔ خلوص دِل نال مسیح نوں جانن دی کوشش کرو، صرف اُوہی اے جیہڑا تہانوں گناہ دے جرم توں بچا سکدا اے۔

’’مسیح ساڈے گناہواں دی خاطر قربان ہو گیا‘‘ (I کرنتھیوں 15: 3)۔

ایہ انجیل دا پہلا نکتہ اے۔ ایس گل نوں یقینی بناؤ کہ تُسی جانندے اُو کہ تُسی خدا دی نظر وِچ گنہگار اُو۔ تُسی کدی وی مسیح وِچ جڑ نئیں پھڑ پاؤ گے جدوں تیکر کہ تُسی باطنی طور تے ایہ جان نہ لو کہ تُسی اِک گنہگار شخص اُو تے ایہ کہ مسیح دے سِوا کوئی تہانوں تہاڈے گناہ دے جرم توں نئیں نجات دلا سکدا۔ سپرجیئن نے کہیا،

میں تہانوں ایہ دعا تجویز کرنا آں، ’’خداوندا، میہنوں میرا سب توں بُرا حال وکھا۔ میہنوں اُوس تھاں تے رکھ جیتھے میہنوں ہونا چائیدا اے۔ میہنوں محسوس کروا تے ایہ گل جانن دے کہ میں واقعی کی آں؛ تے فیر، میرے خداوندا، میرا دِل توڑ دے جے اُو کدی نئیں توڑیا گیا، تے جے توڑیا گیا اے توں ایہنوں شفا بخش دے۔ میہنوں اپنے آپ توں خالی کر، تے میہنوں اپنے پاس لے آ۔ میہنوں اُلٹا کر دے، ایتھوں تیکر کہ میری خود کفالت دا آخری قطرہ وی خستہ حال ہو جائے، تے فیر مسیح یسوع وِچ اپنے فضل دی معموریت نوں اُنڈیل دے‘‘ (سی ایچ سپرجیئن C. H. Spurgeon، ’’چٹان تے بیج The Seed Upon a Rock،‘‘ میٹروپولیٹن عبادت گاہ دی واعظ گاہ توں The Metropolitan Tabernacle Pulpit، پِلگِرم پبلیکیشنز Pilgrim Publications، دوبارہ اشاعت 1977، جلد 49ویں، صفحہ 394)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔