فطری لوکی خوشخبری نئیں چاہندے | Natural Men Do Not Want the Gospel

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

میہنوں اِک مبلغ وَلوں اِک خط موصول ہویا جِنہے میری کتاب، مردی ہوئی قوم نو تبلیغ کرنا Preaching to a Dying Nation پڑھی۔ اُوہناں نے بُہتیری ’’تفسیراتی‘‘ واعظاں دے بجائے، خوشخبری دی تبلیغ دی لوڑ دے بارے وِچ جو کُجھ میں کہیا ایہدے نال اختلاف کیتا۔ ’’تفسیراتی‘‘ واعظاں توں اُوہناں دی مراد کلام پاک دی متعدد آیتاں تے رواں تبصرہ اے، جیہڑا کہ اَج کل گرجا گھراں وِچ بہوتا عام اے – کلام پاک دے اِک طویل حوالے تے چند تبصرے، اِک آیت پڑھنا، چند تبصرے کرنا، فیر اگلی آیت پڑھنا، کُجھ تبصرے کہنا، فیر اگلی آیت تے جانا، تے کلام دے اِک طویل حوالے وِچوں اینج ای [کردے جانا]۔ ایہنوں ’’تفسیراتی‘‘ تبلیغ کہیا جاندا اے۔ عام طور تے ایہہ خیال کیتا جاندا اے کہ ایس قسم دی منادی کسی نہ کسی طرح ’’پہیڈھاں نوں چارہ مہیا کردی اے۔‘‘

ایہہ اَج کل عام نظریہ اے۔ لیکن میں تین وجوہات دی بنا تے ایس توں بالکل متفق نئیں آں۔ سب توں پہلاں، تقریباً 1875 توں پہلاں، حیاتِ نو دے زمانے وِچ تقریباً سارے عظیم واعظ، صحیفے دی اِک یا دو آیات یا اکثر، صرف اِک آیت دے حصے تے مبنی سن۔ ایہدے مطلب ایہہ نئیں کہ اُو تفسیری واعظ نئیں سن۔ ایہہ صرف ایہہ ظاہر کردا اے کہ اُو صحیفے دے چھوٹے حصیاں دی تفسیر سن جیہڑے اَج عام نے۔ سی ایچ سپرجیئن C. H. Spurgeon، انیسویں صدی دے سب توں عظیم مبلغ، عام طور تے صرف اِک یا دو آیات، یا کسی آیت دا کُجھ حصہ بیان کردے سن، پہلی تے دوجی عظیم بیداری وِچ عملی طور تے سارے واعظ سپرجیئن وگرے سن۔ دوجا، میں ایہہ ویکھن وِچ ناکام رہنا آں کہ سپرجیئن وانگوں خوشخبری دی منادی ’’پہیڈھاں نوں خوراک مہیا‘‘ کیوں نئیں کردی۔ میں عموماً ہر مہینے سپرجیئن دے اِک یا دو واعظ پڑھنا آں۔ اُو یقینی طور تے میری بھُک مٹاندے نے! تے ایہدے باوجود سپرجیئن دے واعظ عام طور تے انجیلی بشارت دے واعظ سن، جہیڑے کلام پاک دے اِک بہوتے ای مختصر حصے، ایک یا دو آیتاں تے مبنی سن۔ تیجا، اوسطاً اِتوار دی سویرے گرجا گھر دی عبادت وِچ زیادہ تر لوکی گمراہ ہوئے لوکی نے۔ اَج اکثریت گمراہ ہو چکی اے۔ میں اپنی کتاباں وِچ وکھایا اے کہ ایہہ بُہتیرے سرکردہ مبلغین دا نظریہ سی، جیہدے وِچ باب جونز، سینئر، اے ڈبلیو ٹوزر، ڈبلیو اے کرسویل، تے بیسویں صدی دے بہوتی سارے دوجے سرکردہ مبلغین شامل نے۔ ایہناں ساریاں نے کہیا کہ جیہڑے لوکی باقاعدگی نال گرجا گھراں وِچ اِتوار دی سویر دی عبادتاں وِچ شرکت کردے نے ایہناں وِچ اَدھے توں زیادہ گمشدہ لوکی نے، جِنہاں وِچ سنڈے اسکول دے اُستاد، مناد تے افسوس دی گل اے کہ خود مبلغین وی شامل نے۔ جے باب جونز، سینئر، اے ڈبلیو ٹوزر تے ڈبلیو اے کرسویل کِدرے وی سچائی وَل سن (جیویں کہ اُو سن) تے اِتوار دی سویر تے شام نوں خوشخبری دے منادی کرنا ایس ویلے دی اہم لوڑ اے! تے میہنوں دسنا چائیدا اے کہ باب جونز، سینئر، اے ڈبلیو ٹوزر تے ڈبلیو اے کرسویل، آپئے، عام طور تے اپنے اِتوار دے واعظاں وِچ اِک بہوتی ای مختصر تلاوت توں واعظاں دی تبلیغ کردے سن۔ لیکن، افسوس دی گل ایہہ اے کہ ایہناں دا طریقہ بڑی حد تیکر ترک کر دِتا گیا اے تے ’’پیہڈھاں نوں چارہ‘‘ مہیا کرن دے لئی آیت بہ آیت طویل تفسیراں دا تبادلہ کیتا گیا اے۔ مسئلہ ایس حقیقت وِچ اے کہ اُو درحقیقت بکریاں نوں ’’چران‘‘ دی کوشش کر رئے نے، پیہڈھاں نوں نئیں! اِرتداد دے ایس تاریک دور وِچ گرجا گھر گمشدہ لوکاں نال بھریا پیہئے نے!

لیکن مسیح چہ ایمان نہ لیہیائے لوکی فطری طور تے انجیل دی چُبھتی ہوئی تبلیغ نوں ناپسند کردے نے۔ اُو ایہنوں ناپسند کردے نے کیوں جے اُوہناں دی فطرت مسیح تے انجیل دے خلاف اے۔ جیہڑی سانوں اپنی تلاوت وَل واپس گامزن کردی اے،

’’لیکن جیہدے چہ خدا دا پاک روح نئیں اُو خدا دی گلاں قبول نئیں کردا کیوں جے اُو اُوہدے نیڑے بے وقوفی دی گلاں نے تے نہ ای اُوہناں نوں سمجھ سکدا اے کیوں جے اُو صرف پاک روح دے ذریعہ سمجھی جا سکدیاں نے‘‘ (I کرنتھیوں 2: 14)۔

میں ساڈی تلاوت دے بارے وِچ تین سوال پُچھاں گا تے اُوہناں دا جواب کلامِ پاک وِچوں دیاں گا۔

کیوں ، اُو اُوہی نے جِنہاں نے نئے سرے توں کدی وی جنم نئیں لیہیا! اُو ہُنے وی فطری حالت وِچ نے۔ ساڈی تلاوت تے سکوفیلڈ دی غور طلب گل جزوی طور تے سچی اے۔ ایہہ اِک فطری آدمی نوں صحیح طریقے نال بیان کردا اے جدوں ایہہ کہندا اے،

’’ فطری،‘‘ یعنی آدم دی نسبت توں آدمی، نئے جنم دے ذریعے غیر تجدید شُدہ (یوحنا 3: 3، 5)؛ (سکوفیلڈ اسٹڈی بائبلThe Scofield Study Bible، I کرنتھیوں 2: 14 تے غور طلب بات)۔

اِک مرد یا عورت اِک ’’فطری ہستی‘‘ رہندا اے جدوں تیکر کہ اُو واقعی نئے جنم دا تجربہ نہ کرے۔ یسوع نے کہیا،

’’جدوں تیکر کوئی نئے سرے توں پیدا نہ ہووے اُو خدا دی بادشاہی نوں نئیں ویکھ سکدا‘‘ (یوحنا 3: 3)۔

’’حیران نہ ہو کہ میں تیہنوں کہیا کہ تُہانوں ساریاں نوں نئے سرے توں پیدا ہونا لازمی اے‘‘ (یوحنا 3: 7)۔

لوکی ایس ویلے تیکر ’’فطری آدمی‘‘ رہندے نے جدوں تیکر کہ اُو فیر توں پیدا نہ ہو جان، لفظی طور تے ’’آسمان وَلوں پیدا ہوئے‘‘، جیویں کہ ڈٓاکٹر جان آر رائس نے اکثر اشارہ کیتا اے۔ نیا جنم ایس لئی نئیں ہوندا کہ انسان کسی نہ کسی طرح دا انسانی فیصلہ کردا اے۔ نیا جنم آسمان وَلوں، خدا وَلوں آندا اے۔ جیویں کہ یوحنا بپتسمہ دین آلے نے کہیا،

’’انسان کُجھ نئیں پا سکدا جدوں تیکر کہ اُوہنوں خدا وَلّوں نہ دِتا جائے‘‘ (یوحںا 3: 27)۔

ہُن، کی میں تہانوں پُچھ سکنا آں، کی تُسی نئے سرے توں جنم لئے ہوئے اُو، آسمان وَلوں پیدا ہوئے اُو، صرف خدا دے عمل توں، بغیر کسی انسانی عمل دے؟ جے تُسی ایمانداری نال ایہہ نئیں کہہ سکدے کہ مسیح وِچ خدا نے تہانوں بغیر کسی عمل یا ’’فیصلے‘‘ دے تہانوں بچایا، تے تُسی اُو فطری آدمی اُو جیہدے بارے وِچ ایس آیت چہ گل کیتی گئی اے، پاویں تُسی سنڈے اسکول دے طالب علم، گرجا گھر دے اُستاد، اِک مناد، یا ایتھوں تیکر کہ اِک پادری اُو۔ یسوع نے کہیا،

’’حیران نہ ہوو کہ میں تیہنوں کہیا کہ تہانوں ساریاں نوں نئے سرے توں پیدا ہونا لازمی اے‘‘ (یوحنا 3: 7)۔

جدوں تیکر کہ تُسی واقعی چہ اُوتوں [یعنی آسمان] توں پیدائش دا تجربہ نئیں کیتا اے، تُسی ہُنے وی فطری آدمی اُو جیہدے بارے وِچ ساڈی تلاوت واضح طور تے کہندی اے۔

’’انسان کُجھ نئیں پا سکدا جدوں تیکر کہ اُوہنوں خدا وَلّوں نہ دِتا جائے‘‘ (یوحںا 3: 27)۔

تے جے تہانوں اُوتوں آسمان توں نیا جنم نئیں دِتا گیا اے، فیر وی تُسی اُو فطری آدمی اُو جیہدے بارے وِچ ساڈی تلاوت کہندی اے،

تُسی اپنی گرجا گھر وِچ حاضری دے نال اَگے ودھو گے جیہدے چہ خوشخبری دی منادی دی کوئی بُھک نئیں کیوں جے تُسی اِک فطری آدمی اُو، تے خوشخبری دی منادی تہاڈے لئی محض ویلے نوں ضائع کرن وانگوں لگدی اے۔ تُسی خوشخبری دی تبلیغ سُننا پسند نئیں کرو گے۔ ایہہ تہانوں ویلے نوں ضائع کرن وگری بے وقوفی وانگوں لگدا اے۔ تُسی خوشخبری دے ایس اہم موضوع نوں جاری رکھن تے منادی کرن دی کوئی اہمیت نئیں ویکھدے، کیوں جے تُسی ہُنے تیکر، اُوتوں [آسمان] توں پیدا نئیں ہوئے اُو۔ تُسی، ہُنے تیکر، محض اِک فطری آدمی اُو، اِک غیر تبدیل شُدہ [مسیح وِچ ایمان نہ لیہیائے ہوئے] شخص، جیہدے وِچ انجیل دی روحانی گلاں دی کوئی بُھک نئیں اے۔ تے تلاوت تہانوں بہوتی چنگی طرح نال بیان کردی اے۔ تُسی پرانے زمانے دی خوشخبری دی منادی دے بجائے آیت بہ آیت مطالعہ چاہندے اُو، جیویں کہ سپرجیئن نے دِتا سی، کیوں جے تُسی ہُنے وی اِک فطری آدمی اُو، تے سپرجیئن دا انجیل دی مسلسل منادی کرن دا طریقہ تہانوں کوئی پسند نئیں اے۔

’’جیس وِچ خدا دا پاک روح نئیں اُو خدا دی گلاں قبول نئیں کردا …‘‘ (I کرنتھیوں 2: 14)۔

’’خدا دے پاک روح دی گلاں‘‘ کی نے جیہڑیاں اِک فطری آدمی نوں حاصل نئیں ہوندیاں نے؟ حوالہ ایہہ بالکل واضح کردا اے کہ ایس توں مُراد کی اے۔ باب اول، آیت اٹھارہ ویکھو۔ آئیے کِھلو کے ایس آیت نوں بُلند آواز نال پڑھو۔

’’کیوں جے ہلاک ہون آلیاں دے لئی تے سولی دا پیغام بے وقوف اے لیکن اَسی نجات پان آلیاں دے لئی خدا دی قدرت اے‘‘ (I کرنتھیوں 1: 18)۔

ایہہ آیت واضح کردی اے کہ فطری انسان نوں سولی دی تبلیغ نیں لبھدی۔ سولی دے بارے چہ سُننا فطری آدمی نوں بے وقوفی لگدا اے۔ کی ایہہ تہاڈا تجربہ نئیں اے؟ جے تُسی پہلاں ای نجات پا چکے اُو، تے کی تُسی واپس جا کے یاد نئیں کر سکدے کہ جدوں اِک مبلغ نے سولی دی وضاحت کرنا شروع کیتی تے تُسی کیویں ’’بے توجہی‘‘ کردے سی؟ میہنوں یاد اے جدوں میں اینج کیتا سی۔ میہنوں ایہہ سوچنا یاد اے، ’’ہُن اُو واعظ دے اَخیر چہ آ رئے نے۔ ہُن اُو لوکاں نوں دسن گے کہ مسیح اُوہناں دے گناہواں دے لئی مریا، تے واعظ ختم ہو رہیا اے۔‘‘ تے میں سوچاں گا کہ واعظ دے ختم ہون دے بعد میں کی کرن جا رہیا آں۔ میرا دماغ ’’سولی دی تبلیغ‘‘ دے دوران بھٹکدا رہیا۔ اینج لگدا اے کہ ایس دا ذاتی طور تے میرے نال کوئی تعلق نئیں اے۔ میں سوچیا کہ میں ایہدے بارے چہ پہلاں توں ای جاننا آں، ایس لئی میں سولی دی مناد نوں ’’بے توجہی‘‘ نال سُنیا۔

تے تُسی غیر تبدیل شُدہ [مسیح وِچ ایمان نئیں لیہیائے ہوئے] اُو، تے ’’فطری‘‘ حالت وِچ اُو تے کی تُسی اینج نئیں کردے؟ کی تُسی اُوہی کام نئیں کردے جیہڑا میں نئے سرے توں جنم لین توں پہلاں کیتا سی؟ جے تُسی اپنے نال ایماندار اُو تے میہنوں لگدا اے کہ تُسی ایس گل نال اتفاق کرو گے کہ سولی دی تبلیغ دے دوران تہاڈا دماغ بند ہو جاندا اے۔ جدوں میں کسی موجودہ واقعہ دے بارے وِچ گل کر رہیا آں تے تسی غور نال سُنو۔ مثال دے طور تے جے میں ٹیری شیاوہ Terri Schiavo دی پیاس نال مرن دے بارے چہ گل کرنا آں کیوں جے عدالت نے حکم دِتا سی کہ ایہنوں پانی نئیں ملے گا، تے تُسی غور نال سنو۔ جے میں امریکی اسقاطِ حمل ہولوکاسٹ [اِک دور وِچ یہودیاں دا قتل عام] دی ہولناکیاں دے بارے وِچ گل کراں تے تہاڈے کن ایہدے بارے وِچ سُنن دے لئی تیار نے۔ جے میں بائبل دی پیشن گوئی دے بارے چہ گل کرنا آں تے تُسی ایہہ سُنن وِچ بہوتی دلچسپی رکھدے اُو کہ بائبل مستقبل دے لئی کی پیشن گوئیاں کردی اے۔ جے میں شیطان تے شیاطین دے بارے وِچ گل کرنا آں تے تہاڈا تجسس ودھ جاندا اے۔ جے میں جہنم دے بارے وِچ گل کرنا آں، تے تُسی بیمارانہ مدہوشی وِچ ہوندے اُو۔ جے میں مقامی گرجا گھر وِچ تنہائی تے رفاقت تے گل کرنا آں تے تُسی مذید سُنن وِچ دلچسپی رکھدے اُو۔ میں اُوہناں موضوعات تے گل کرنا آں، لیکن میں اُوہناں نوں مسیح دے مصلوبیت وِچ آن دے لئی سپرنگ بورڈ دے طور تے استعمال کرنا آں۔ لیکن جدوں میں سولی دے بارے وِچ گل کرنا شروع کرنا آں تے تہاڈی دلچسپی ختم ہو جاندی اے۔ میں تہاڈی توجہ کھو دیہنا آں۔ کی ایہہ سچ نئیں اے؟ یقیناً ایہہ سچ اے! تُسی جانندے اُو ایہہ سچ اے! ایویں کیوں اے؟ ٹھیک اے، I کرنتھیوں 1: 18 جواب دیہدنا اے۔

’’کیوں جے ہلاک ہون آلیاں دے لئی تے سولی دا پیغام بے وقوفی اے …‘‘ (I کرنتھیوں 1: 18)۔

ہُن اکیسویں آیت دے دوجے نصف نوں ویکھو، جیہڑی ایہناں لفظاں نال شروع ہو رئی اے، ’’ایہ خدا نوں پسند آیا،‘‘ تے تئیسویں آیت توں لنگہدے ہوئے۔ آؤ کِھلو جاؤ تے ایہناں آیتاں نوں اُوچی واج نال پڑھو۔

’’خدا نوں پسند آیا کہ ایمان لیہیان آلیاں نوں اُیس مُنادی دی بے وقوفی دے وسیلہ نجات بخشے۔ کیوں جے یہودی معجزیاں دے طالب نے تے یونانی حکمت دی تلاش وِچ نے لیکن اَسی اُوس مسیح مصلوب دی مناید کرنے آں جیہڑا یہودیاں دے لئی ٹھوکر دا باعث تے غیریہودیاں دے لئی بے وقوفی اے‘‘ (I کرنتھیوں 1: 21۔23)۔

تُسی تشریف رکھ سکدے اُو۔ جدوں توں رسول نے [ایہہ گل] لکھی اے گلاں نئیں بدلیاں نے۔ کُجھ ’’فطری‘‘ لوکی ’’نشان‘‘ ویکھنا چاہندے نے، کسی طرح دا معجزہ۔ دوجے ’’فطری‘‘ لوکی چاہندے نے کہ اُوہناں نوں کسی نہ کسی طرح دی ’’حکمت‘‘ سکھائی جائے۔ ’’لیکن،‘‘ رسول کہندا اے، ’’اَسی مصلوب مسیح دی منادی کردے نے۔‘‘ پولوس نے کہیا کہ اُوہنے مسیح دے مصلوب ہون تے وی تبلیغ کیتی۔

’’جیہدے وِچ خدا دا پاک روح نئیں اُو خدا دی گلاں قبول نئیں کردا کیوں جے اُو اُوہدے نزدیک بے وقوفی دی گلاں نے‘‘ (I کرنتھیوں 2: 14)۔

لہٰذا، اُو شیواں جیہڑیا اِک فطری، غیر نجات یافتہ شخص نوں حاصل نئیں ہوندیاں نے (1) سولی دی منادی، تے (2) مصلوب مسیح دی منادی کرنا۔ کی اُوہنے پولوس نوں مسیح دی مصلوبیت تے منادی کرن توں روکیا؟ بالکل نئیں۔ ایہدی وجہ توں اُو ایس سب توں اہم موضوع تے اپنی تبلیغ نوں شدید ودھا لیہندا اے۔ باب دو، آیت دو نوں ویکھو۔ ایہنوں اُوچی واج نال پڑھو۔

’’کیوں جے میں فیصلہ کیتا ہویا سی کہ جدوں تیکر تہاڈے وِچکار رہواں گا مسیح یعنی مسیح مصلوب دی منادی دے سِوا کسی ہُور گل تے زور نہ دیاں گا‘‘ (I کرنتھیوں 2: 2)۔

ایہدا مطلب ایہہ نئیں اے کہ اُوہنے کدی کسی ہُور شے تے بارے وِچ گل نئیں کیتی – لیکن ایہدا مطلب ایہہ اے کہ مسیح دی مصلوبیت اُوہدا مرکزی پیغام سی، اہم، سب توں اہم، اُو شے جیس دے بارے وِچ اُو اپنی منادی وِچ مسلسل گل کردا سی۔ پولوس نے سارے زاویاں تے مصلوبیت دے موضوع تے گل کیتی سی۔ اُوہنے کفارے دے نقطہ نظر نال ایہدے بارے چہ گل کیتی۔ اُوہنے متبادل دے نقطہ نظر نال ایہدے بارے چہ گل کیتی۔ اُوہنے راستبازی دے نقطہ نظر نال ایہدے بارے وِچ گل کیتی۔ اُوہنے ایہدے بارے چہ تہمت دے نقطہ نظر نال گل کیتی۔ اُوہنے پاکیزگی دے نقطہ نظر نال ایہدے بارے چہ گل کیتی۔ اُوہنے تقدیس تے مخلصی دے نقطہ نظر نال ایہدے بارے چہ گل کیتی۔ اَسی اُوہدی دوجی تحریراں تے اعمال دی کتاب وِچ اُوہدی منادی دے ریکارڈ نال جاننے آں۔ اُو ایہناں وِچوں کُجھ شیواں نوں ایس حوالے I کرنتھیوں 1: 30-31 وِچ درج کردا اے۔ میں سَت الگ الگ طریقے درج کیتے نے جِنہاں دے بارے وِچ پولوس نے ’’یسوع مسیح تے اُوہنوں مصلوب کرن‘‘ دی تبلیغ کیتی سی (I کرنتھیوں 2: 2)۔ میہنوں یقین اے کہ تُسی کئی دوجے طریقیاں دے بارے وِچ سوچ سکدے اُو جِنہاں نال اُو اپنی تبلیغ وِچ ایس اہم ترین نظریے وِچ آیا سی۔

’’جیہدے وِچ خدا دا پاک روح نئیں اُو خدا دی گلاں قبول نئیں کردا کیوں جے اُو اُوہدے نزدیک بے وقوفی دی گلاں نے…‘‘ (I کرنتھیوں 2: 14)۔

مسیح دی مصلوبیت توں متعلق اُو سارے عظیم مضامین اِک فطری آدمی دے لئی محض حماقت وانگوں لگدے نے، اہم نئیں، دماغ تے گرفت نئیں رکھدے۔ لیکن پولوس رسول سولی تے چڑھائے جان تے اپنی تبلیغ نوں مرکوز کردے ہوئے فیر وی [شدت نال] جاری رہیا۔

III۔ تیجا، اِک فطری انسان کیویں ایہناں گلاں نوں قبول کر سکدا اے۔

میں تہانوں وکھایا اے کہ اِک ’’فطری آدمی‘‘ اِک ایہو جیہا شخص اے جیہڑا غیر محفوظ شُدہ [غیرنجات یافتہ]، غیر تبدیل شُدہ [مسیح وِچ ایمان نہ لیہایا ہویا] ہوندا اے۔ میں تہانوں وکھایا اے کہ ’’خدا دے روح دی گلاں‘‘ مسیح دی مصلوبیت توں متعلق گلاں نے۔ ہُن میں تہانوں ایہہ دسن دے لئی چند لمحے کڈاں گا کہ اِک فطری آدمی ’’یسوع مسیح، تے اُوہدی مصلوبیت‘‘ دے بارے وِچ ایہہ شیواں کینج حاصل کر سکدا اے (I کرنتھیوں 2: 2)۔ آؤ اپنی تلاوت نوں فیر توں پڑھیے۔ ایہہ I کرنتھیوں 2: 14 اے۔ براہ کرم ایہنوں اُوچی واج نال پڑھو جدوں کہ اَسی کھڑے ہونے آں۔

’’لیکن جیہدے چہ خدا دا پاک روح نئیں اُو خدا دی گلاں قبول نئیں کردا کیوں جے اُو اُوہدے نیڑے بے وقوفی دی گلاں نے تے نہ ای اُوہناں نوں سمجھ سکدا اے کیوں جے اُو صرف پاک روح دے ذریعہ سمجھی جا سکدیاں نے‘‘ (I کرنتھیوں 2: 14)۔

’’نہ ای اُو ایہنوں سمجھ سکدا اے۔‘‘ ایہدا مطلب ایہہ نئیں اے کہ تُسی مصلوبیت دے بارے وِچ حقائق نئیں جان سکدے۔ یقیناً تُسی حقائق جان سکدے اُو! میں ’’نجات دے منصوبے‘‘ نوں اپنے مسیح وِچ ایمان لیہیا کے تبدیل ہون توں بہوتی پہلاں توں ای پیچھے تے اَگے توں جانندا سی۔ سپرجئین اِک پادری دا پُتر سی، تے ماڑے جئے ویلے لئی اپنے دادا دے نال اپنے لڑکپن تیکر رہیا، جیہڑے کہ اِک پادری وی سن۔ اُوہنے بچپن توں ای مصلوبیت دی عظیم سچائیاں دے بارے وِچ سِکھیا۔اُوہنے ایہناں عقیدیاں نوں دِل نال سِکھیا۔ تے فیر وی اُوہنے کہیا، ’’میں ایہناں توں ایہنا ای جاہل سی جیہنا کہ اِک بوٹینٹوٹ [جنوبی افریقہ تے نمیبیا دے کھوئیکھوئی لوکاں دے لئی استعمال کیتا جاندا اے جِنہاں دی زبان لفظاں دے بجائے آوازاں وِچ سی]۔‘‘ ایہدا کی مطلب سی؟ ٹھیک اے، تلاوت نوں فیر توں ویکھو۔ غور کرو کہ ایہہ نئیں کہندی، ’’نہ ای اُو اُوہناں نوں سِکھ سکدا اے۔‘‘ ارے نئیں! ایہہ کہندی اے، ’’نہ ای اُو ایہناں نوں سمجھ سکدا اے‘‘! ساڈے خداوند دی مصلوبیت دے عقائد دے بارے وِچ سِکھنا اِک شے اے۔ تے ایہناں نوں سمجھنا بالکل ای الگ شے اے! تلاوت کہندی اے،

’’نہ ای اُوہناں نوں سمجھ سکدا اے کیوں جے اُو صرف پاک روح دے ذریعہ سمجھی جا سکدیاں نے‘‘ (I کرنتھیوں 2: 14)۔

ویکھیا تُسی، مسیح دی مصلوبیت دے عقائد نوں تہاڈے لئی اِک اہم، زندہ حقیقت بنان دے لئی خدا دے پاک روح دی لوڑ اے۔ تُسی ویکھو گے کہ ایس باب دی دس توں بارہ آیات وِچ ایہہ بالکل اُوہی اے جیس دے بارے وِچ رسول گل کر رہیا اے۔ میں صرف چند جملے چُکاں گا۔ اُو کہندے نے،

’’للیکن خداوند نے ساڈے تے اپنے پاک روح دے وسیلہ توں ظاہر کیتا …‘‘ (I کرنتھیوں 2: 10)۔

’’ہُں اَسی پا چکے آں … اُو پاک روح جیہڑا خدا وَلوں اے؛ تاکہ اسی اُوہناں نعمتاں نوں سمجھ سکیے جیہڑیاں سانوں خدا وَلوں بخشی گئیاں نے‘‘ (I کرنتھیوں 2: 12)۔

’’… اَسی بیان کرنے آں، اُوہناں لفظاں وِچ بیان نئیں کردے جیہڑے انسانی حکمت دے سِکھائے ہوئے ہون بلکہ پاک روح دے سِکھائے ہوئے لفظاں وِچ بیان کرنے آں …‘‘ (I کرنتھیوں 2: 13)۔

کی تُسی ایہنوں ویکھدے اُو؟ اِک فطری آدمی روح القدس دے عمل دے ذریعے ای مسیح دے مصلوب ہون دی عظیم سچائیاں نوں ’’سمجھ‘‘ سکدا اے۔ اُو صرف ایہناں شیواں نوں پہچان سکدا اے، تے اُوہناں نوں ذاتی طور تے، خدا دی روح دے عمل نال ’’سمجھ سکدا اے۔‘‘

تُسی مسیح دے کفارہ دے ذریعے نجات نوں صرف روح القدس دے عمل نال جان سکدے اُو،

’’کیوں جے اُو صرف پاک روح دے ذریعہ نال سمجھی جا سکدیاں نے‘‘ (I کرنتھیوں 2: 14)۔

’’لیکن خداوند نے ساڈے تے اپنے پاک روح دے وسیلہ توں ظاہر کیتا …‘‘ (I کرنتھیوں 2: 10)۔

روح القدس دے کام کرن دا معمول دا طریقہ ایہہ اے کہ اُو تہانوں گناہ دی سزایابی دے تحت لیہیاندا اے تے تہانوں اُوتھے ای چھڈ دیہندا اے جدوں تیکر کہ تُسی اپنے جرم توں بچنا نئیں چاہندے۔ کوئی ہُور فرار تلاش نہ کردے ہوئے، روح القدس تہانوں ’’یسوع مسیح، تے اُوہدی مصلوبیت‘‘ وَل کھیچدا اے (I کرنتھیوں 2: 2)۔ کیوں جے مسیح دی مصلوبیت کسی وی فطری انسان دے لئی واحد اُمید اے۔ تہانوں مسیح دی مصلوبیت دے بغیر کوئی اُمید نئیں اے – کیوں جے تہاڈے لئی اپنے گناہ دے جرم توں بچن دا کوئی دوجا راستہ نئیں اے۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔