نشان توں محرومی – ڈاکٹر لائیڈ جونز وَلّوں اِک واعظ | Missing the Mark

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

اَج دی راتی میں تہانوں انجیلی بشارت دا اِک واعظ پیش کرن جا رہیا آں جیہڑا 1933 وِچ ڈاکٹر مارٹن لائیڈ جونز D. Martyn Lloyd-Jones دے دِتے گئے واعظ توں اخذ کیتا گیا اے۔ ڈاکٹر لائیڈ جونز بیسویں صدی دے عظیم مبلغاں وِچوں اِک سن۔ 1930 دی دہائی دے اوائل وِچ اُوہناں دی تبلیغ دے نال اِک عظیم حیاتِ نو دا آغاز ہویا۔ میں واعظ نوں مختصر کیتا اے تے ایہنوں اکیسویں صدی دی فکر دے مطابق ڈھالیا اے۔

’’ایس لئی کہ یوحنا ہیرودیس بادشاہ دی نظر وِچ اِک راستباز تے پاک آدمی سی۔ اُو اُوہدا بڑا احترام کردا سی تے اُوہدی حفاظت کرنا اپنا فرض سمجھدا سی۔ اُو یوحنا دی گل سُن کے پریشان تے ضرور ہوندا سی لیکن سُنندا شوق نال سی‘‘ (مرقس 6: 20)۔

میں بادشاہ ہیرودیس دے بارے وِچ ایہناں آیتاں نوں کدی وی ایہہ محسوس کیتے بغیر نئیں پڑھیا کہ ایہہ نئے عہد نامہ دے سب توں افسوسناک تے خوفناک اقتباسات وِچ اِک اے۔ جیویں ای میں ہیرودیس دے بارے چہ پڑھنا آں میرے جذبات مسلسل بدلدے رہندے نے۔ اِک لمحے وِچ، میہنوں اُوہدی مشکلات وِچ اُوہدے تے ترس آندا اے۔ اگلے لمحے وِچ اُوہنے میہنوں غصہ دلایا تے میہنوں لگدا اے کہ اُو سب توں وڈے احمقاں وِچ اِک اے جیہدے بارے چہ کلام پاک وِچ کہیا گیا اے۔ لیکن جدوں میں ہیرودیس دے بارے وِچ پڑھنا آں تے ہمیشہ اِک اہم احساس ہوندا اے۔ ایہہ احساس حیرت وِچ اِک اے کہ ایہہ ممکن اے کہ کوئی شخص صحیح ہون دے ایس قدر نیڑے پہنچ جائے تے فیر وی نشان توں محروم رہوے۔ ایہہ ہیرودیس دی کہانی دا بنیادی حصہ اے، جیویں کہ ایہہ ڈرامائی طاقت تے شدت نال بھریا ہویا اے۔ تے ایس ای مقام تے میں اَج دی راتی تہاڈی توجہ مبذول کراواں گا۔ تُسی صحیح ہون دے بہوتے نیڑے پہنچ سکدے تے فیر وی نشان توں محروم رہ سکدے اُو۔ مذید کسی تمہید دے بغیر میں اُو نکتہ سامنے لیہیاواں گا، جیہڑا مرقس دے چھٹے باب وِچ اَسی جو کُجھ پڑھیا اے اُوہدے پیش نظر میہنوں اٹل طور تے درست معلوم ہوندا اے۔

I۔ سب توں پہلاں، تہانوں مسیحی بنن دے لئی واضح انتخاب کرنا چائیدا اے۔

مسیح تہانوں اپنا ذہن بنان تے انجیل دے بارے چہ اک قطعی موقف اختیار کرن دے لئی بُلاندا اے۔ اُو ای ایس ساری اُداس تے تلخ کہانی نوں سمجھن دی کُلید اے۔ ہیرودیس اَگے پیچھے ڈگمگاندا رہیا تے کدی فیصلہ نئیں کیتا کہ کی کرنا اے۔ لیکن یوحنا بپتسمہ دین آلے دی منادی نے لوکاں نوں واضح انتخاب کرن دا مطالبہ کیتا۔ یوحنا بپتسمہ دین آلے نے اِک واضح پیغام دِتا تے اُوہنے اِک یقینی جواب دا مطالبہ کیتا۔ اُوہدی تبلیغ ایہنی زبردست تے قائل سی کہ لوکی درحقیقت پکار اُٹھے، ’’فیر اَسی کی کریے؟‘‘ (لوقا 3: 10)۔ یوحنا بپتسمہ دین آلے دی تبلیغ نے اُوہناں نوں اِک انتخاب کرن تے مجبور کیتا۔ جدوں مسیح آیا، تے تہانوں معلوم ہویا کہ اُوہنے ایس طرح تبلیغ کیتی۔ اُوہنے عوام نوں واضح انتخاب دِتا۔ اُوہنے اُوہناں نوں دسیا کہ اُو یا تے جہنم دے چوڑے راستے تے نے یا جنت دے تنگ راستے تے۔ اُوہنے کہیا کہ اُو یا تے ریت تے تعمیر کر رئے سن یا چٹان تے۔ اُوہنے کہیا کہ اُو یا تے خدا تے پروہسا کر رئے نے یا دُنیا دی جھوٹی دولت تے، تے اُوہنے اُوہناں نوں کہیا کہ یا تے اُوہدے تے پروہسا کرو یا اُوہنوں ٹھکر دیو۔ تے جیویں کہ تُسی اُوہدی منادی دے بارے وِچ پڑھدے اُو تُسی ویکھو گے کہ لوکی اُوہدے لئی یا اُوہدے خلاف، فریق بنن تے مجبور سن۔ اُوہدی تبلیغ نے لوکاں نوں واضح انتخاب کرن تے مجبور کیتا۔

تے جیویں جیویں تُسی اعمال دی کتاب پڑھدے اُو تہانوں ایہو ای گلاں لبھدیاں نے۔ کی تہانوں یاد اے کہ پینتیکوست دے دِن کیویں 3,000 بندیاں نے اپنی راہواں تبدیل کیتیاں؟ اُوہناں نوں ایہہ کہن تے مجبور کیتا گیا، ’’بھائیو، اَسی کی کریے؟‘‘ اعمال 2: 37)۔ جی ہاں! تے اعمال دی کتاب دے ذریعے تُسی، لوکاں نوں واضح انتخاب کرن تے مجبور پاندے نے۔ اعمال دے بالکل آخری باب وِچ اَسی ویکھنے آں کہ روم وِچ پولوس دی منادی نے لوکاں نوں دو گرہوواں وِچ تقسیم کر دِتا – اُو لوکی جیہڑے ایمان لیہیائے تے اُو جیہڑے ایمان نئیں لیہیائے۔ تے جیویں کہ تُسی صدیاں دی مسیحیت دی تاریخ نوں پڑھو گے، تُسی ویکھو گے کہ طاقت تے قوت دے ہر دور وِچ مُنادی نے لوکاں نوں انتخاب کرن تے مجبور کیتا اے۔

ایہہ جدید تبلیغ دی کمزوری اے۔ اَج بہوتی سارے لوکی مشتعل ہو جاندے نے جے منادی اُوہنوں نوں واضح انتخاب کرن نوں کہندی اے۔ اُو سوچدے نے کہ تبلیغ دا مقصد اُوہناں نوں بائبل وِچوں چند حقائق سِکھانا اے، یا اُوہناں نوں چنگا محسوس کرانا اے۔ اُو سوچدے نے کہ تبلیغ نوں ایہہ دسنا چائیدا اے کہ خدا ساڈے لئی کی کردا اے، ساڈے کُجھ کرن دے بغیر، کُجھ نہ کُجھ ایہو جیہا جیہڑا سب کُجھ دیہندا اے تے بدلے چہ کُجھ نئیں منگدا۔

لیکن ہیرودیس تے یوحنا بپتسمہ دین آلے دی ایہہ کہانی سانوں ایس قسم دی تبلیغ دے سراسر جھوٹے نوں ظاہر کردی اے، تے سانوں یاد دلاندی اے کہ خوشخبری دا تقاضا اے کہ اَسی فریقاں دا انتخاب کریے۔ کی میں تہاڈے نال اِک سادہ جیہا سوال کر سکنا آن ایس توں پہلاں کہ اَسی اَگے ودھیے؟ کی خوشخبری تہاڈے رہن دے انداز وِچ تبدیلی دا باعث بنی اے؟ کی ایہنے تہانوں متاثر کیتا اے تے تہانوں یقینی عمل وَل راغب کیتا اے؟ کی تہاڈے حیاتی وِچ کوئی تبدیل آئی اے؟ یاد رکھو، تہانوں حقیقی مسیحی بنن دے لئی واضح انتخاب کرنا چائیدا اے۔

II۔ دوجی گل، واضح انتخاب دی کوئی قیمت نئیں اے۔

ہیرودیس دے معاملے وِچ ایہہ قابلِ مشاہدی تے واضح اے۔ اُو اِک ایہو جیہا آدمی سی جیہڑا تبلیغ توں لطف اندوز ہوندا سی تے مبلغ نوں پسند کردا سی۔ اُوہنے یوحنا بپتسمہ دین آلے دی منادی نوں غور نال سُنیا۔ تے اُو یوحنا بپتسمہ دین آلے نوں پسند کردا سی۔ تے فیر وی ایس کہانی دا پورا نکتہ ایہہ اے کہ ایہدے وِچوں ہیرودیس دا کوئی فائدہ نئیں ہویا۔ آخیر وِچ اُو یوحنا دی دشمناں دے سب توں تلخ ترین مقام تے سی۔ تبلیغ نے اُوہنوں کوئی فائدہ نئیں دِتا۔ اُوہدی حیاتی وِچ کوئی تبدیلی نئیں آئی۔

اَج ساڈی قوم دی حیاتی وِچ وی اینج ای ہویا اے۔ پچھلے کئی وریاں وِچ عظیم جلسے ہوئے نے، مبلغاں نوں سُنن دے لئی اسٹیڈیم بھرے ہوئے ہوندے سن، وڈے وڈے گرجا گھر چووی گھنٹے نشریات کردے نے۔ فیر وی ایس عرصے وِچ ساڈے مُلک دا اخلاقی طرز اپنی پستی تے آ چکیا اے تے مسیحیت قوم دی حیاتی وِچ سب توں کمزور ہو گئی اے۔ ایہہ کیوں اے؟ یقیناً جواب اِکیہو ای اے۔ ایس ساری تبلیغ دا اثر [مسیح وِچ ایمان لیہیان دی] حقیقی تبدیلیاں دی رہنمائی وَل نئیں ہویا۔ تے ایس وجہ نال ایہہ سب بالکل بیکار تے بے اثر رہیا اے۔ اصل وِچ، ایہہ نقصان دہ رہیا اے۔

صرف اِک ای سچا امتحان اے جِنہوں اَسی منادی تے بائبل دی تعلیم تے لاگو کر سکنے آں۔ ایہہ اینج نئیں اے کہ میں ایہدے نال لطف اندوز ہونا آں، یا میں ایہنوں ناپسند کرنا آں تے یا ایہدے نال متفق آں۔ ارے نئیں! اصل اِمتحان تے ایہہ اے – کہ کی اُوہنے میہنوں انتخاب کرن تے مجبور کیتا اے؟ کی میں ایہدے نال [مسیح وِچ ایمان لیہیا کے] تبدیل ہویا آں؟ کی ایہدی وجہ توں میری پوری حیاتی متاثر ہوئی اے؟ جے اینج نئیں ہویا تے فیر ایہہ ساری تبلیغ تے بائبل دی تعلیم بالکل بیکار اے۔ واضح انتخاب توں گھٹ کسی شے دی کوئی قیمت نئیں اے۔

III۔ ایہناں لوکاں دے بارے وِچ کُجھ نہ کُجھ غیر معوملی طور تے افسوسناک تے قابلِ رحم اے جِنہاں نے مسیحی بنن دا ’’تقریباً فیصلہ کر لیہیا‘‘ اے۔

کُجھ لوکی خوشخبری دی سرگرمی نال مخالفت کردے نے۔ دوجے لوکی ایہنوں سُن کے لاتعلق ہو جاندے نے۔ لیکن جیہڑے لوکی ہیرودیس وانگوں نے اُو مختلف نے۔ جدوں اُو خوشخبری سُنندے نے، تے اُو متحرک تے متاثر ہوندے نے۔ اُو محسوس کردے نے کہ اوہناں نوں ایہدے اَگے ہتھیار سُٹ دیہنے چائیدے نے تے اینج کرن دے لئی تقریباً تیار رہین۔ تے فیر وی اُو کدی وی اُوتھے پہنچ نئیں پاندے۔ اُو ہمیشہ [مسیح وِچ ایمان لیہیان دی] تبدیلی دے کنڈے تے ڈگمگاندے نظر آندے نے۔ تھوڑا جیہا گاں جان تے اُوتھے پہنچ جان گے۔ لیکن اینج کدی نئیں ہوندا۔ ایہہ کیہو جئی عجیب قسم دا انسان اے، تے کیہنا افسوسناک تے قابلِ رحم اے! میں کدی کدی محسوس کرنا آں کہ ایہہ سب توں بہوتی دُکھ قسم نے۔ چونکہ اَج راتی ایتھے اینج دے بہتیرے لوکی موجود نے، میں چاہنا آں کہ اَسی ایس عجیب و غریب صورتحال دے بارے چہ سوچیے تے ایہدے خوفناک جھوٹ تے نااُمید غیر معقولیت نوں ظاہر کریے۔ اُو کیہڑی شے سی جیہڑی ہیرودیس نوں نجات دے ایہنے لاگے لے آئی؟ بالکل اُوہی وجوہات ایس حقیقت دی وجہ بندیاں نے کہ بہتیرے لوکی ’’سطحی مسیحی‘‘ ہوندے نے، لیکن گواچے ہوئے یا گمراہ ہوئے ہوندے نے۔ اُو کی نے؟

سب توں پہلاں، ہیرودیس یوحنا بپتسمہ دین آلے نال متاثر ہویا، ’’کیوں جے اُو یوحنا توں ڈردا سی، ایہہ جانندے ہوئے کہ اُو اِک راستباز تے مقدس آدمی اے۔ اَسی ہیرودیس دے بارے وِچ جو وی سوچ سکنے آن سانوں ایہدا پورا کریڈٹ اُوہنوں دیہنا چائیدا اے۔ اُوہنے پہنچا لیہیا کہ یوحنا بپتسمہ دین آلا اِک عادل تے مقدس آدمی سی۔ بہتیرے لوکی اُوہنوں پہنچانن وِچ ناکام رئے سن، لیکن ہیرودیس نے اُوہنوں ویکھیا سی۔ اُوہنے محسوس کیتا کہ یوحنا وگرے بندے نوں نظر انداز نئیں کیتا جا سکدا۔ ہیرودیس دی ووہٹی نوں ایہدا احساس نئیں سی، تے اُوہنے اکثر ہیرودیس نوں یوحنا نوں قتل کرن دی التجا کیتی سی۔ میرے خیال چہ ایہہ واضح اے کہ اُوہنے ہیرودیس دے باوجود اکثر یوحنا نوں تباہ کرن دی کوشش کیتی سی۔ کیوں جے اَسی پڑھنے آں کہ ہیرودیس نے ’’ایہدا مشاہدہ کیتا‘‘ جیس دا مطلب اے ’’اُوہدی دیکھ بھال کیتی‘‘ یا ’’محفوظ‘‘ رکھیا۔ ہیرودیس نے واضح طور تے ویکھیا کہ یوحنا خدا دا بندہ سی، تے اُو اُہدی عزت کردا سی تے قیدخانہ وچ وی اُوہنوں ملن گیا۔ اینج دا ای کُج اَج ایہناں لوکاں نال ہوندا اے جیہڑے ’’سطحی‘‘ مسیحی نے۔ اُو مسیحی کردار توں متاثر نے۔ اُو بعض مسیحیاں نوں ویکھدے نے تے اُو تسلیم کردے نے کہ اُو بہترین لوکی نے جِنہاں نوں اُو جانندے نے۔ ایس توں وی ودھ کے، اُو ایہناں مسیحیاں دی تعریف کردے نے۔ تے جدوں اُو ہڈسن ٹیلر، ویزلی تے وائٹ فیلڈ، بنیعن، جان ناکس، لوتھر تے کیلون، آگسٹین ایہناں وگرے دیگر عظیم مسیحیاں دی حیاتی دی کہانیاں پڑھدے نے، تے کیوں، اُو محسوس کردے نے کہ ایہہ لوکی دُنیا دے سب توں عظیم لوکی نے جِنہاں نوں دُنیا نے جانیا اے۔ تے جدوں اُو ایہناں دی سوانح عمری پڑھدے نے تے اُوہناں نوں لگدا اے کہ اُو ایہناں وگرا بننا پسند کرن گے۔ اُوہناں دے دِل گرم تے متحرک نے، اِک سنسنی اُوہناں دے اندروں لنگہدی اے، تے اُو محسوس کردے نے کہ ایس قسم دی حیاتی اُوہناں نوں وی گزارنی چائیدی اے۔ تے جدوں اُو نئے عہد نامے نوں پڑھدے نے تے پطرس تے پولوس دی بہادر شخصیتاں دا سامنا کردے نے تے اُو محض مغلوب ہوندے نے۔ تے جدوں، ایہناں توں ودھ کے، اُو ناصرت دے یسوع نوں ویکھدے نے، تے اُو اُوہدی مہربانی تے نرمی، اُوہدی زبردست طاقت، اُوہدی خدا دی مکمل اطاعت دا مشاہدہ کردے نے، تے جدوں اُو اُوہنوں سولی تے مردے ہوئے ویکھدے نے، بغیر کسی شکایت دے، گنہگاراں دی دُنیا دے لئی – جِنہے اُوہدے نال زیادتی کیتی، کیوں، اُو شدید جذبات نوں محسوس کرن وِچ مدد نئیں کر سکدے۔ ایہنوں ہیرودیس دا کریڈٹ کہیا جائے – اُوہنے یوحنا بپتسمہ دین آلے دی عظمت نوں محسوس کیتا تے ایس حقیقت نے ای اُوہنوں متاثر کیتا۔

مذید برآں، ہیرودیس جانندا سی کہ یوحنا نے جو کیہیا اُو سچ تے درست سی۔ ایتھوں تیکر کہ اُوہنے یوحنا نال اتفاق کیتا۔ تے اُو یوحنا دی منادی سُننا پسند کردا سی۔ ایتھے اِک جملہ اے، ’’تے جدوں اُوہنے اُوہنوں سُنیا تے اُوہنے بہتیرے کام کیتے، تے اُوہنوں خوشی نال سُنیا‘‘ (مرقس 6: 20)۔ جدوں وی اُو بیٹھدا سی تے یوحنا دی گل سُنندا سی اُوہنوں محسوس ہوندا سی کہ اُوہنے جو کیہیا اے اُو صحیح تے سچ اے۔ ظاہر اے کہ اُوس آدمی نے جو کہیا اُو بالکل سچ سی، تے اُوہنوں سن کے ہیرودیس نے ’’بُہتیرے کام کیتے۔‘‘کی تُسی اینج دا کوئی تجربہ نئیں کیتا؟ کی تُسی ایس گل نال اتفاق نئیں کردے کہ انجیل بنیادی طور تے سچی تے درست اےَ؟ کی ایہدے خلاف کُجھ کیہیا جا سکدا اےَ؟ تُسی واقعی ایس انجیل دے خلاف کی کہہ سکدے اُو جیہڑی تہانوں درگزر کردی تے معافی پیش کردی اے – تے تہانوں اِک نئی حیاتی پیش کردی اے؟ جیویں ای ہیرودیس بیہندا تے یوحنا دی گل سُنندا، اُو جانندا سی کہ یوحنا درست سی۔ ایہو جیہا بندہ گھٹ ای زندہ رہندا اے۔ اُو خوشخبری دی سچائی نوں تسلیم کردا اے تے منندا اے کہ ایہہ صحیح اے، حالانکہ ایہدا مطلب ایہہ اے کہ اُو اپنے آپ دی ملامت کردا اے۔

لیکن اِک واضح اشارہ اے کہ ایہدے علاوہ وی ہیرودیس تے کُجھ ہُور کام کر رہیا سی – تے اُو سزایابی دی اک یقینی روح سی۔ مبلغ نوں پسند کرن تے ایہدے نال اتفاق کرن توں وی پرے کُجھ سی جیس نے ہیرودیس نوں متاثر کیتا سی۔ ’’اُوہنے خوشی نال اُوہنوں سُنیا۔‘‘ بار بار ہیرودیس یوحنا نوں ملن تے اُوہدی گلاں سُنن دے لئی قیدخانہ وِچ جاندا۔ اُو جانندا سی کہ اُو اپنی ووہٹی تے اُوہدے دربار دے بیشتر ارکان نوں ناراض کر رہیا سی۔ فیر وی اُوہنے جانا جاری رکھیا۔ اُوہدے لئی قیدخانہ وِچ اُوہدے قابلِ ذکر قیدی تے اُوہدی غیرمعوملی تبلیغ نال اِک عجیب جیئی کشش سی۔ اُوہنے خود نوں اُوتھے کھیچدا ہویا محسوس کیتا۔ اُوہنوں جان توں پہلاں معلوم ہوندا سی کہ اُو کی سُنے گا، اُو جانندا سی کہ تبلیغ اُوہدی مذمت کرے گی، ایہدے باوجود اُو جاندا سی۔ اُوہنے محسوس کیتا کہ کوئی شے اُوہنوں اپنے وَل کھیچ رئی ہے، جِنہوں نظر انداز کرنا تقریباً ناممکن سی۔ اُو صرف دور نئیں رہ سکدا سی۔ ’’اُوہنے خوشی نال اُوہنوں سُنیا۔‘‘ اَسی ایہدی وضاحت کیویں کریے؟ میرے خیال میں اِک ای وضاحت اے – ایہہ خدا دی روح دا کام سی۔ اَج دی راتی ایتھے تہاڈے وِچوں کُجھ ایہو جیہا ای محسوس کردے نے، تسی واعظاں نوں خوشی دے نال سُنندے اُو، تے تہانوں گرجا گھر وِچ آن دا لطف آندا اے۔ قدیم زمانے دے ہیرودیس وانگوں، تُسی خوشخبری سُن رئے اُو تے اپنی روح ت ے ایہدے اثرات نوں محسوس کر رئے اُو۔ فیر ایتھے کُجھ وجوہات نے جیہڑیاں تقریباً ہیرودیس نوں تبدیلی دے مقام تے لے آئیاں۔ تے ایہو ای وجوہات نے جِنہاں دی وجہ توں تہاڈے وِچوں کُجھ ’’سطحی‘‘ مسیحی نے – مسیحی دلیل تے گواہی، سچائی، تے روح القدس دا سزایابی دا کام۔ تے فیر وی، واقعی حیران کُن گل ایہہ اے کہ ایہہ سب کُجھ کدرے دی وی رہنمائی نئیں کردا۔ اسقدر قریب تے فیر وی ایہنے دور! ایہہ تقریباً ناقابلِ یقین لگدا اے کہ اِک آدمی ایس قدر تجربہ کر سکدا اے تے فیر وی اُوہی کردا اے جیہڑا ہیرودیس نے یوحنا دے نال کیتا سی۔ اُو دراصل یوحنا دا سر قلم کرن ٹر گیا۔ فیر وی معاملہ اینج دا ای سی۔ ایہہ کیوں سی؟ اَسی اُوہنوں [ہیرودیس نوں] کیویں سمجھائیے؟ اَسی ایہناں وگرے لوکاں نوں کیویں سمجھیے؟

IV۔ چوتھی گل، غیر فیصلہ کُن لوکاں دے تبدیل نہ ہون دی کئی وجوہات نے۔

پہلی ایہہ کہ اُو کدی وی باریک بینی نال نئیں سوچدے۔ ہیرودیس اپنے ماحول دا غلام سی۔ کسی وی لمحے اُوہدے نال جو کُجھ ہو رہیا ہوندا سی اُوہدے تے اُو بہوتا زیادہ قابو وِچ رہندا سی۔ جدوں اُو یوحنا بپتسمہ دین آلے نون سُن رہیا ہوندا سی تے اُو اپنی ووہٹی ہیروڈیاس دے بارے وِچ بُھل جاندا سی۔ لیکن ہیروڈیاس نوں سُنندے ہوئے اُو بُھل جاندا سی کہ یوحنا نے کی کیہیا سی۔ ایہہ کہنا کافی نئیں اے کہ اُو اِک سطحی آدمی سی، کیوں جے ایہہ اُوہدے مسئلے دی جڑ وِچ نئیں آندا۔ ایہدے توں ودھ کے وی کُجھ سی۔ ہیرودیس دے کول روحانی کاہلی سی، فیصلے کرن وِچ ناپسندیگی سی۔ اُو ایہو جیہا فیصلہ کرن نوں ناپسند کردا سی جیس نال مشکلات پیدا ہون۔ لہٰذا، اُوہنے یوحنا دی دلیل نوں اُوہدے منطقی انجام تیکر نئیں پہنچایا۔ جے اُو اینج کردا تے اُوہدے ولوں اِک قطعی کاروائی ہوندی۔ لیکن اُوہنے اینج نئیں کیتا۔ جیویں ای اُوہنے یوحنا نوں جیل وِچ چھڈیا، اُو سب کُجھ بُھل گیا جیہڑا اُوہنے یوحنا نوں منادی کردے ہوئے سُنیا سی۔ تے ایویں اینج ای چلد رہیا – جدوں تیکر کہ اُو واپس جیل نئیں آیا تے یوحنا نوں دوبارہ سُنیا۔ تے فیر اُوہنے پورا تجربہ دُہرایا۔ اُوہنے واعظ سُن کے اُوہنوں گہرائی نال محسوس کیتا، لیکن اُوہنے اپنی حیاتی وِچ کدی اُوہدے تے عمل نئیں کیتا۔ جے اُوہنے باریک بینی نال سوچیا ہوندا، تے ایہدے تے عمل کیتا ہوندا، تے اُو کُجھ اینج کہندا، ’’یوحنا صحیح اے تے میں غلط آں۔ یوحنا جو کُجھ کہندا اے اُو سچ اے۔ میں نے جو کُجھ کہیا تے کیتا اُو غلط اے۔ اپنے تے اپنے ضمیر دے نال سچے ہون دا واحد طریقہ ایہہ اے کہ اِک واضھ انتخاب کیتا جائے، اگرچہ ایہہ مشکل لگدا اے۔‘‘

کی ایہہ مستند گل نئیں اے؟ فیر وی ایہو ای اُو گل اے جیہڑی تہاڈے وِچوں کُجھ نئیں کرن گے! کی تُسی کدی اینج سوچیا اے؟ کی تُسی کدی اپنی حیاتی وِچ انجیل دے منطقی انجام تیکر سوچیا اے؟ جے نئیں تے ہُنے کر لوؤ۔ ایہو ای اے اُو دلیل۔ ویکھو ایہہ کیہنا سادہ تے کیہنا منطقی اے۔ اِک خدا اے، جیہڑا ابدی منصف اے۔ ایتھے میں آں، اِک گنگہار۔ خدا میرے توں کُجھ شیواں منگدا اے تے اُوہنوں اپنی شریعت وِچ بالکل واضح کر دِتا اے۔ میرا اپنا ضمیر ایس نال متفق اے۔ میہنوں آخیرلی عدالت وِچ ایہدے سامنے آنا چائیدا اے۔ ایہدے نال کوئی فرق نئیں پیہندا کہ میں کی کراں، ایہدے توں گریز نئیں کیتا جا سکدا۔ تے میں مجرم آں، تے میہنوں بائبل وِچ دسیا گیا اے کہ عذاب تے جہنم میرا انتظار کر رئے نے۔ لیکن ہُن میں خوشخبری سُنی اے، جیہڑی میہنوں دسدی اے کہ مسیح میرے گناہواں دا کفارہ ادا کرن دے لئی قربان ہو گیا۔ تے ایہہ کے خدا میہنوں بخشن تے معاف کرن دے لئی تیار اے، تے ایہہ کہ اُو میہنوں اپنے گناہواں توں باز آں تے اپنے آپ نوں مسیح دے حوالے کرن دے لئی بُلاندا اے۔ ایہہ واحدا راستہ اے، حفاظت دا واحد راستہ۔ صرف ایہو ای نئیں، میں ایہدے تے یقین رکھنا آں تے ایہنوں درست مننا آں۔ لیکن خوشخبری میہنوں اپنے آپ نوں مکمل طور تے مسیح دے حوالے کرن دے لئی کہندی اے، پاویں ایہدے وِچ کُجھ وی شامل کرنا پیہئے۔ ا نکار دا مطلب اے ابدی لعنت۔ قبولیت دا مطلب اے ابدی حیاتی۔ میں نئیں جانندا کہ میں کدوں تیکر زندہ رہواں گا۔ میہنوں اپنی حیاتی دی طوالت تے کوئی اِختیار نئیں اے۔ لیکن نجتا دی پیشکش ہُن، ایس موجود لمحے وِچ کُھلی اے۔ یقینی طور تے صرف اِک ای سمجھدار گل اے کہ اِک ای ویلے وِچ کام کرنا اے۔ گھر جا کے سب کُجھ بُھل جان نال حقائق نئیں بدلن گے۔ حقائق اُوتھے ای رہن گے۔ اوہ! منطقی رہو! صرف سمجھداری دا کام کرو! اپنے راسخ عقائد تے عمل کرو۔ جے تُسی محسوس کردے اُو کہ ایہہ ہُنے اے، تے ایہہ ہمیشہ صحیح رہوے گا۔ صحیح، صحیح ہوندا اے تے غلط، غلط ہوندا اے۔ جے تُسی محسوس کردے اُو کہ خوشخبری سچ اے، تے تُسی نجات پانا چاہندے اُو، تے اینج کرو تے ہُنے ای کرو۔ فوراً ای کرو۔ ویکھو کہ صحیح نوں پہنچاننا تے فیر دو ٹوک رہنا، تے غلط تے قائم رہنا کیہنا متضاد، کیہنا غیرمنطقی، کیہنا غیر معقول، کیہنا مضحکہ خیز اے۔

ہیرودیس نوں سمجھن دی اِک ہُور کُلید اُوہدی اپنے پسندیدہ گناہ نال محبت اے۔ میں محوس نئیں کر سکدا کہ اُوہدی اصل رکاوٹ ہیروڈیاس دے نال اوہدی غیرقانونی شادی سی۔ میہنوں ایس [معاملے] وِچ بوہتی [گہرائی وِچ] جان دی لوڑ نئیں اے۔ سانوں دسیا جاندا اے کہ ’’جدوں اُوہنے سُنیا تے اُوہنے بہوتا کُجھ کیتا۔‘‘ آہ، ہاں، میں ایہدے تے چنگی طرح یقین کر سکنا آں تے آسانی نال سمجھ سکنا آں۔ ’’اُوہنے بہوتا کُجھ کیتا اے۔‘‘ جی ہاں! سب کُجھ سوائے اِک گل دے جیہڑی سب توں اہم سی، تے ایہہ کہ اُوہنوں سب توں ودھ کے کرنا چائیدا سی۔ جی ہاں! اُوہنے بہتیرے کام کیتے، لیکن اُوہنے کدی اِک کام نئیں کیتا جیہڑا خدا اُوہنوں کرانا چاہندا سی۔ اُوہنے غیر اخلاقی حیاتی دے ہیروڈیاس نال غیر شرعی لگاؤ نوں کدی ترک نئیں کیتا۔ کی میں جیہڑا کہنا چاہ رہیا آں اُوہنوں لاگو کرن دی لوڑ اے؟ کی ایہہ ہمیشہ ایہو جئے لوکاں دے نال نئیں ہوندا جیہڑے سطحی مسیحی نے؟ تُسی ایہہ کرو یا اُو کرو۔ تُسی ایہہ چھڈو یا اُو چھڈو دیو۔ تُسی تقریباً کُجھ وی کر دے لئی تیار اُو سوائے اپنے آپ نوں مکمل طور تے مسیح دے حوالے کر دین دے، اُوہدی اُنگلی کسی وی شے تے رکھن دے لئی جیہڑی اُو تہاڈی حیاتی وِچ پسند کردا اے۔ تے فیر وی ایہو ای شرط اے۔ ایہہ کیہڑی شے اے جِنہوں تُسی روک رئے اُو؟ اپنا جائزہ لہیو۔ ہوشیار رہوو تے ایہنوں جان دیو! کی تُسی اِک گل دے لئی اپنے مستقبل نوں خطرے وِچ پان جا رئے اُو، ایہو جئی گل جیہدے بارے چہ تُسی پہلاں توں ای جانندے اُو کہ غلط اے؟ ’’بہتیری گلاں‘‘ کافی نئیں نے۔ مسیح تہاڈی مکمل قبولیت، تہاڈی پوری مرضی چاہندا اے۔

جیہڑی واحد دوجی گل اے جیس دا میں حوالہ دیہنا چاہنا آں اُو آیت 26 وِچ پائی جاندی اے، جیتھے سانوں دسیا گیا اے کہ ’اُوہدے قَسم دی خاطر، تے اُوہناں دی خاطر جیہڑے اُوہدے نال بیٹھے ہوئے سن،‘‘ اُو ہیروڈیاس دی بیٹی دی یوحنا بپتسمہ دین آلے دی درخواست نوں مسترد کرن وِچ ناکام رہیا۔ سر قلم کر دِتا آہ! ایہو ای اُو گل اے – اُو اپنی ساکھ دے دوجیاں دے بارے وِچ فکر مند سی۔ اُو جانندا سی کہ ایہہ لوکی غلط سن۔ اُو جانندا سی کہ یوحنا صحیح اے۔ لیکن اُوہنوں مقبولیت ایہنی پسند سی کہ اُوہنے سچ نوں غلط دی خاطر قربان کر دِتا۔ اُوہنے ایس خوف نال مسیح تے ابدی ننات توں انکار کر دِتا کہ دوجے کی سوچن گے! اوہ، ایس سب دا پاگل پن سی! ایتھوں تیکرکہ جے ساری دُنیا تہاڈے تے ہنسے تے طنز کرے، حالانکہ ہر کوئی تہانوں دیوانہ سمجھدا رہووے، ایہدے نال کی فرق پیہندا اے جدوں تیکر کہ تُسی خدا دے نیڑے درست اُو؟ کیوں جے اُو منصف اے!

ہُن میہنوں ایس کہانی وِچوں کُجھ واضح نتائج اخذ کر لین دیو۔

1. پہلا ایہہ کہ تہاڈے سارے چنگے جذبات تے اعمال دی کوئی قیمت نئیں جدوں تیکر کہ تُسی مسیح نوں یقینی طور تے منتخب نہ کرو۔ اُوہنوں منتخب نہ کرنا اُوہدے خلاف ہونا اے۔ خدا جیہڑا کہندا اے اُو کرو۔ اُوہدے پُتر تے یقین کرو۔ تے ساری دُنیا نوں وکھاؤ کہ تُسی اینج کیتا اے، پاویں کُجھ وی ہو جائے۔

2. دوجا نتجیہ اِک خوفناک آلا اے، تے، اِک لحاظ نال، میں ایہدا ذکر نئیں کراں گا۔ لیکن ایہہ بائبل وِچ موجود اے تے ایہہ سچ اے۔ اِک وری جدوں اِک بندہ محسوس کر لیہندا اے کہ خوشخبری صحیح تے سچی اے تے اُوہنوں کدی چین یا سکون نئیں لبھے گا جدوں تیکر کہ اُو اپنے آپ نوں مکمل طور تے مسیح دے حوالے نہ کر دے۔ غریب ہیرودیس! یوحنا دا سر قلم کرن دے بعد اُوہدی حیاتی کیہنی خوفناک سی۔ یوحنا دی خیال نے اُوہدی حیاتی نوں ستایا تے اذیت دِتی۔ جاگدے تے سوندے ہوئے اُوہنے ہمیشہ اُوس تھالی نوں اپنے وَل آندے وکھیا جیس وِچ یوحنا بپتسمہ دین آلے دا سر سی۔ اُو جیتھرے کدرے ہوندا سی، اُوتھے اُوہدے ذہن وِچ [یوحنا دا سر ہوندا] سی۔ تے جدوں اُوہنے یسوع مسیح دی عظیم کاماں دے بارے وِچ سُنیا تے اُوہنوں پورا یقین ہو گیا کہ ایہہ یوحنا اے جیہڑا مُردیاں وِچوں جی اُٹھیا اے۔ اگرچہ تُسی سچائی نوں مسترد کر دیہندے اُو تے ایہدا [مطلب ایہہ نئیں ہوندا کہ] تُسی ایہدے توں پیچھا چھڑا لیہیا اے۔ ایہہ باقی رہندا اے، تے ایہہ تہانوں پریشان کرے گا تے تہانوں ہمیشہ دے لئی مجرم ٹھہرائے گا۔ ایہہ تہانوں آرام یا سکون نئیں دیوے گا۔ یسوع مسیح، خدا دا پُتر، تہانوں بچان دے لئی مر گیا تے دوبارہ جی اُٹھیا، لیکن جے تُسی اُوہدے تے یقین نئیں کردے اُو، تے اُو تہاڈی سزا بن جائے گا۔ یوحنا دا سر قلم کرن دے بعد ہیرودیس دے حیاتی دی تصویر کشی کرن دی کوشش کرو۔ ایہہ تہاڈی حیاتی وی ہووے گی، لیکن ایس توں وی بدتر تے بوہتی خوفناک، جے تُسی مسیح دا انتخاب نئیں کردے اُو۔ میں تہانوں خوفزدہ کرن دی کوشش کرن دا اِلزام لگائے جان توں نئیں ڈردا – کیوں جے میں یقین طور تے اینج کرن دی کوشش کر رہیا آں۔ جے مسیح یسوع وِچ خدا دی محبت تہانوں اپنے وَل متوجہ کرن دے لئی کافی نئیں اے، تے فیر میں تہاڈی روح دی ایہنی قدر کرنا ٓں کہ تہانوں جہنم دے خوف دے نظارے توں ڈٓرا دیاں۔ دائمی پچھتاوا، دائمی مصائب، ابدی بدحالی، ناقابل تبدیلی عذاب – ایہہ ایہناں ساریاں دا مقدر ہوندا اے جیہڑے کدی وی پورے دِل دے نال مسیح نوں گلے نئیں لگاندے۔ اُو تہانوں ایہدے توں بچا لئے گا جیویں کہ اُو بِلا شُبہ انتظار کر رہیا اے۔ اُوہدے ناں دی خاطر۔ آمین۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔