مسیح وِچ ایمان لیہیان دی تبدیلی وِچ تین مراحل – گناہ دے تحت، شریعت دے تحت، مسیح دے سامنے لیہایا جانا | The Three Stages in Coversion - Under Sin, Under the Law, Brought to Christ

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

ایتھے سانوں ایہناں تیناں حالتاں دی شاندار طور ت واضح تصویر دِتی گئی اے جِنہاں توں اِک گنہگار لنگہدا اے، جیس دے نتیجے وِچ خدا دے فضل توں نجات لبھدی اے۔ ایہناں آیتاں نوں میرے نال ویکھو تے ایہہ ویکھن دی اپنے طور تے پوری کوشش کرو کہ تُسی ایس ویلے ایہناں تیناں مرحلّیاں وِچوں کیس وِچ اُو۔

I۔ پہلی گل، تُسی کلیسیا وِچ اِک فطری انسان دی حیثیت نال گناہ دے تحت آندے اُو۔

پہلاں، آیت 22، ’’ساری دُںیا گناہ دے تحت قید وِچ اے۔‘‘ ایہو ای وجہ اے کہ تُسی ساڈے گرجا گھر وِچ انجیلی بشارت نال آندے اُو، یا گرجا گھر وِچ پیدا ہون تے پرورش پان نال۔ پاویں تُسی انجیلی بشارت دے ذریعے آؤ، یا گرجا گھر وِچ پیدا ہو کے تے پرورش پا کے، کوئی فرق نئیں پیہندا۔ دوویں گروہ مقامی گرجا گھر وِچ ’’گناہ دے تحت‘‘ آندے نے۔

’’مگر کلام پاک دے مطابق ساری دُنیا گناہ دے تحت قید وِچ اے‘‘ (گلِتیوں 3: 22)۔

ایہہ ظاہر کردا اے کہ تُسی کلیسیا وِچ فطری حالت وِچ آندے اُو، پاویں تُسی گرجا گھر وِچ پیدا ہوئے ہووے اُو، یا انجیلی بشارت دے ذریعے لیہیائے گئے اُو۔ دوویں صورتاں وِچ، تُسی ’’گناہ دے تحت‘‘ اِک ’’فطری آدمی‘‘ اُو۔

’’گناہ دے تحت‘‘ دے الفاظ نال ساڈا اُو مطلب اے جیہڑا پولوس رسول بیان کردا اے جدوں اُو کہندا اے

’’اُو سارے دے سارے گناہ دے تحت نے‘‘ (رومیوں 3: 9)۔

گناہ تہاڈے فطری ذہن تے مکمل گرفت رکھدا اے، تاکہ تُسی واقعی روحانی گلاں یا عمل، یا سوچ وی نئیں سکدے۔ ’’گناہ دے تحت‘‘ ہون دا ایہو ای مطلب اے۔ ایہدا مطلب اے کہ تہاڈے تے مکمل طور تے گناہ دا غلبہ اے۔

’’فطری آدمی‘‘ دے الفاظ نال ساڈا مطلب [مسیح وِچ ایمان نہ لیہیا ہویا] غیر تبدیل شُدہ آدمی اے۔ ایہہ اصطلاح ’’فطری آدمی‘‘ پولوس رسول دے کرنتھیوں دے پہلے خط وِچ ظاہر ہوندی اے، جیتھے اُو کہندا اے،

’’جیس فطری انسان وِچ خدا دا پاک روح نئیں اُو خدا دی گلاں قبول نئیں کردا کیوں جے اُو اُوہدے نیڑے بیوقوفی دی گلاں نے تے نہ ای اُوہناں نوں سمجھ سکدا اے کیوں جے اُو صرف پاک روح دے ذریعہ سمجھی جا سکدی نے‘‘ (I کرنتھیوں 2: 14)۔

تُسی گرجا گھر وِچ آندے اُو، یا تے پیدائشی طور تے یا انجیلی بشارت دے ذریعے، گناہ دے تحت اِک فطری انسان دے طور تے۔

بائبل تہاڈی حالت نوں نیند دی حالت دے طور تے بیان کردی اے – خدا توں بالکل ناواقف، تجربے نال اُوہدے بارے چہ کُجھ نئیں جانندے، جیویں کہ تہانوں اُوہنوں جاننا چائیدا اے۔ تُسی گہری نیندر سو رئے اُو۔ تُسی کسی لحاظ نال سکون وِچ نئیں اُو، لیکن ایہہ موت دا ’’سکون‘‘ اے، اِک مُردہ آدمی وگرا سکون۔ چونکہ تُسی موت دی حالت وِچ سو رئے اُو تے تُسی وی محفوظ اُو۔ تُسی ایہہ نئیں ویکھدے کہ تُسی کھو گئے یا گمراہ ہو گئے اُو، تے تُسی جہنم دے بالکل کنارے تے کِھلوتے اُو۔ ایس لئی تہانوں اپنے خطرے دا صحیح احساس نئیں اے، تے تُسی قیامت توں نئیں ڈردے۔

گناہ دے تحت، اِک کھوئے ہوئے آدمی ہون دی ایس حالت وِچ، تُسی گرجا گھر وِچ آن تے اِک قسم دی خوشی دا تجربہ کر سکدے اُو۔ تُسی خوشی دا گانا سُنندے اُو۔ تُسی زندہ دِل نوجوان ویکھدے اُو۔ تہانوں ایتھے آن دا لفط آندا اے۔ لیکن تُسی روحانی طور تے سو رئے اُو، گناہ وِچ مُردہ اُو، گناہ دے نشے وِچ اُو، جیہڑا تہانوں ایس پیغام دے لئی سُوندا ہویا رکھدا اے جیس دی اَسی تبلیغ کرنے آں۔

اگرچہ تُسی ایس خوشی دے لئی گرجا گھر آن نال لطف اندوز ہوندے اُو جیہڑا تُسی ایہتے محسوس کردے اُو، لیکن تہاڈا خدا دے نال کوئی تعلق نئیں، خدا دے بارے وِچ کوئی خیال نئیں۔

’’شریر اپنے تکبر وِچ اُوہنوں [خدا نوں] نئیں لبھدا، اُوہدے خیالات وِچ خدا دے لئی گنجائش ای نئیں اے‘‘ (زبور 10: 4)۔

تہاڈا گرجا گھر وِچ آن دا ایہو ای طریقہ اے، پاویں تہاڈی پرورش ایتھے ہوئی ہووے یا انجیلی بشارت دے ذریعے ایتھے آئے ہوو۔ تسی گناہ دے تحت، اِک فطری انسان دے طور تے آئے۔ تہاڈے خیالات وِچ خدا دے لئی گنجائش ای نئیں اے۔

’’مگر پاک کلام دے مطابق ساری دُںیا گناہ دے تحت قید وِچ اے…‘‘ (گلِتیوں3: 22)۔

خدا تہانوں موت دی فطری حالت وِچ نیندر چہ نئیں چھڈدا۔ اپنے فضل نال اُو تہانوں شریعت دے فیصلے دے تحت لیہاندا اے تاکہ تہانوں اپنی گنہگار، گمراہ ہوئی حالت دا علم ہو جائے۔ آؤ کِھلو جاؤ تے گلتیوں 3: 22-23 نوں اُوچی آواز چہ پڑھو۔

’’مگر پاک کلام دے مطابق ساری دُنیا گناہ دے تحت قید وِچ اے تاکہ اُو وعدہ جیہڑا مسیح تے ایمان لیہیان تے مبنی اے اُوہناں ساریاں دے حق وِچ پورا کیتا جائے جیہڑے مسیح تے ایمان لیہیائے نے۔ لیکن ایمان دے زمانہ توں پہلاں اَسی شریعت دے تحت قید وِچ سی تے جیہڑا ایمان ظاہر ہون آلا سی اُوہدے آن تیکر ساڈی ایہو ای حالت رئی‘‘ (گلِتیوں 3: 22۔23)۔

’’لیکن ایمان دے زمانہ توں پہلاں، اَسی شریعت دے تحت قید وِچ سی‘‘ (گلِتیوں 3: 23)۔

ایہہ سوچنا غلط اے کہ رسول صرف یہودیاں نال گل کر رہیا اے جیہڑے ’’شریعت دے تحت رکھے گئے‘‘ نے۔ آیات 26 توں29 آیتاں ظاہر کردیاں نے کہ ایہہ پورا حوالہ ساری نسلِ انسانی وَل اشارہ کردا اے، خاص طور تے 28 ویں آیت۔ نیز، 22 ویں آیت کہندی اے، ’’پاک کلام دے مطابق ساری دُنیا گناہ دے تحت قید وِچ اے’’ (گلتیوں 3: 22)۔ ایہہ سانوں فوراً یاد دلاندی اے کہ رسول نے رومیوں 3: 9 وِچ کی لکھیا،

’’اَسی تے پہلاں ای ثابت کر چکے آں کہ دوویں یہودی تے غیر یہودی سارے دے سارے گناہ دے تحت نے‘‘ (رومیوں3: 9)۔

ایس لئی، میں ایہہ کہنا بہتر سمجھنا آں، چونکہ ’’سارے دے سارے‘‘ گناہ دے تحت نے (گلتیوں 3: 22)، اُو آیت 23 مسیح وِچ ایمان لیہیا کے تبدیل ہون توں پہلاں سارے بیدار لوکاں تے لاگو ہوندی اے۔ میرے خیال وِچ ایہہ آیت اِک بیدار گنہگار دی تصویر اے۔

’’لیکن ایمان دے زمانہ توں پہلاں اَسی شریعت دے تحت قید وِچ سی تے جیہڑا ایمان ظاہر ہون آلا سی اُوہدے آن تیکر ساڈی ایہو ای حالت رئی‘‘ (گلِتیوں 3: 23)۔

تہانوں خدا نے ’’گناہ دے تحت‘‘ ہون نال ’’شریعت دے ماتحت‘‘ بنا دِتا گیا اے۔ 22 ویں آیت وِچ ’’گناہ دے تحت‘‘ دے الفاظ تے غور کرو۔ ایہناں دوویں الفاظ نوں انڈر لائن کرو۔ فیر 23 ویں آیت وِچ ’’شریعت دے تحت‘‘ دے الفاظ تے غور کرو۔ ایہناں تیناں الفاظ نوں انڈر لائن کرو۔

تمام لوکی، یہودی یا غیر یہودی، جیہڑے مسیح وِچ نجات پان آلے ایمان دا تجربہ کردے نے، ’’گناہ دے تحت‘‘ ہون نال ’’شریعت دے تحت‘‘ ہون وَل جاندے نے۔

’’لیکن ایمان دے زمانہ توں پہلاں ، اَسی شریعت دے تحت قید وِچ سن تے جیہڑا ایمان ظاہر ہون آلا سی اُوہدے آن تیکر ساری ایہو ای حالت رئی‘‘ (گلِتیوں 3: 23)۔

میتھیو ہنریMathew Henry، عظیم مفسر، نے آیت دا ایہہ احساس اُوس ویلے دِتا جدوں اُوہناں نے کہیا،

ایہہ شریعت لوکاں نوں نجات دہندہ دی لوڑ تے قائل کرن دے لئی دِتا گیا سی … یہودی تے غیر یہودی دوویں ای، جرم دی حالت وِچ نے … قانعن نے ایہناں زخماں نوں دریافت کیتا، لیکن علاج دا متحمل نہ ہو سکیا۔ ایہدے نال ظاہر ہوندا اے کہ اُو مجرم سی …. کہ اپنے جرم دے قائل سن… او مسیح تے یقین کرن تے آمادہ ہو سکدے نے (تمام بائبل تے میتھیو ہنری دا تبصرہ Mathew Henry’s Commentary on the Whole Bible، ہینڈرکسنHendrickson، 1991 دی دوبارہ اشاعت، جلد 6، صفحہ 533)۔

میرے خیال وِچ، تقدیس تے جان ویزلی غلط سن۔ لیکن ویزلی بالکل درست سن، تے پروٹسٹنٹ فکر دے مرکزی دھارے وِچ، فضل دے وسیلے توں انسانی بدحالی تے نجات تے۔ ویزلی نال کون اختلاف کرے گا کہ خدا ایہناں لوکاں نوں نئیں چھڈدا جِنہاں نوں اُو قدرتی حالت وِچ بچاندا اے؟ ایہدے نال کون اِختلاف کرے گا کہ خدا جِنہاں نوں بچاندا اے اُوہناں نوں شریعت دے گرفت وِچ لیہیاندا اے، تے اُو اپنی گمراہ ہوئی حالت توں بیدار ہو جان گے؟ لہٰذا، ویزلی دا کہنا اے کہ سانوں عام طور تے شروع نئیں کرنا چائیدا اے

خوشخبری دی تبلیغ کرنا، مسیح دے مصائب تے خوبیاں دے سوا کُجھ نئیں بولنا… ایہہ شریعت دے پہلے سرے دا جواب نئیں دیہندا، یعنی گناہ دے قائل لوکاں نوں۔ اُوہناں لوکاں نوں بیدار کرنا جیہڑے ہُنے تیکر جہنم دے دہانے تے سوئے ہوئے نے … خدا دا عام طریقہ ایہہ اے کہ، شریعت دے ذریعے گنہگاراں نوں مجرم ٹھہرایا جائے، تے ایہہ کہ صرف … ایس لئی، اُوہناں دے لئی اِک طبیب پیش کرنا جیہڑا مکمل، یا گھٹ توں گھٹ خود نوں اینج دا تصور کردے نے۔ تُسی سب توں پہلاں ایہناں نوں قائل کرو کہ اُو بیمار نے؛ ورنہ اُو تہاڈی محنت دا شکریہ ادا نئیں کرن گے۔ مسیح نوں اُوہناں دے سامنے پیش کرنا وی ایہناں ای مضحکہ خیز اے جِنہاں دا دِل مکمل اے، جیہڑا ہُنے تیکر ٹوٹیا نئیں اے (جان ویزلی، ایم اےJohn Wesley, M.A. ، واعظ Sermons، II، صفحہ 61)۔

ایہہ تبلیغ دا پرانا طریقہ سی، بپتسمہ دین آلیاں، پریسبائی ٹیریئنز، تے میتھوڈسٹاں دا۔ پرانے زمانے دے مبلغین دا مقصد بے خبر گنہگاراں نوں ’’شریعت دے تحت‘‘ لیہیانا سی – تے میرا یقین اے کہ ایہہ 23 ویں آیت دی انجیلی بشارت نوں لاگو کرنا اے۔

’’لیکن ایمان دے زمانہ توں پہلاں، اَسی شریعت دے تحت قید وِچ سن تے جیہڑا ایمان ظاہر ہون آلا سی اُوہدے آن تیکر ساڈی ایہو ای حالت رئی‘‘ (گلِتیوں 3: 23)۔

سانوں یقین آے کہ اَسی پرانے تے نئے عہداں دے بارے وِچ بہوتا کُجھ سناں گے، جیہڑا یقیناً ایتھے ’’موجودہ دور‘‘ دی تبلیغ وِچ بولے گئے نے۔ لیکن کی ایہو ای اُو سب اے جیس دے بارے وِچ پولوس گل کر رہیا اے؟ یقیناً نئیں! اُو ایس بارے وِچ وی گل کر رہیا اے کہ اَج لوکی [مسیح وِچ ایمان لیہیا کے] کینج تبدیل ہوندے نے۔ سب توں پہلاں، اُو ’’گناہ دے تحت‘‘ نے (22 ویں آیت)۔ فیر اُو ’’ایمان آن توں پہلاں‘‘ شریعت دے تحت رکھے گئے‘‘ نے (23 ویں آیت)۔

کی ایہہ ساڈے عظیم بپتسمہ دین آلے باپ دادا جان بنیعن John Bunyan دا صحیح تجربہ نئیں سی؟ جے تہانوں لگدا اے کہ میں غلط آں تے ایس دی گواہی نوں پڑھو، گنہگاراں دے سربراہ دے لئی فضل دی فراوانیGrace Abounding to the Chief of Sinners۔ کی ایہہ لوتھر تے ویزلی دے نال نال بنیعن دا وی صحیح تجربہ نئیں سی؟ کی ایہہ سپرجیئن دا صحیح تجربہ نئیں سی، جیہڑا زمانے دے سب توں وڈے بپتسمہ دین آلے مبلغ سن؟ کی ایہہ پہلی عظیم بیداری، دوجی عظیم بیداری تے تیجی عظیم بیداری وِچ لکھاں لوکاں دا صحیح تجربہ نئیں سی؟ تے، چونکہ ایہہ ایہناں دا تجربہ سی، کی اَسی اَج ایہناں توں بوہتے ہوشیار آں؟ میہنوں اینج نئیں لگدا!

میرا ماننا اے کہ اَج سانوں شریعت تے شدید زیادہ تبلیغ دی لوڑ اے۔ ایہہ ’’موجودہ دور‘‘ دی تبلیغ وِچ غائب عناصر وِچوں اِک نے۔ زیادہ تر موجود دور دی منادی گنہگار نوں پہلاں وکھائے بغیر خوشخبری پیش کردی اے کہ ایہنوں ایہدی لوڑ کیوں اے – گناہ دے خلاف شریعت تے خدا دے غضب دی منادی کر کے۔

میہنوں ایہ تہانوں دسنا ہووے گا کہ تُسی گمراہ ہو چکے اُو۔ تُسی جہنم وِچ جا رئے اُو۔ جی ہاں، جہنم وِچ۔ تُسی تین وری خدا دی نظر وِچ بہوتے وڈے گنہگار اُو۔ کوئی وی شے جیہڑی تُسی کردے اُو یا کہندے اُو اُو تہانوں گمراہ ہوئے شخص ہون توں نئیں بدل سکدی۔ تُسی گناہ وِچ پیدا ہوئے سی۔ تُسی ساری حیاتی گناہ وِچ لنگہائی اے۔ تُسی گناہ دے تحت اُو۔ گناہ دا تہاڈے تے مکمل غلبہ اے۔ ایہدے علاوہ، تُسی شریعت دے تحت اُو۔ خدا دی شریعت تہاڈے گناہ نوں ظاہر کردی اے۔ ایہہ تہاڈی فطری حالت نوں بیان کردی اے۔ ایہہ تہاڈے گنہگار دِل دے نال نال تہاڈے گناہ دے اعمال نوں وی بیان کردی اے۔ ایہہ ظاہر کردی اے کہ تہانوں خدا نال محبت نئیں اے۔ ایہہ ظاہر کردی اے کہ تُسی خدا دے خلاف بغاوت وِچ اُو۔ ایہہ تہاڈا انجام بیان کردی اے،

’’ایہو جئے لوکاں دے عذاب دا دھواں ابد تیکر اُٹھدا رہووے گا تے اُوہناں نوں دن رات چین نئیں لبھے گا‘‘ (مکاشفہ 14: 11)۔

’’ایہہ لوکی ہمیشہ دی سزا پان گے‘‘ (متی 25: 46)۔

کی تُسی ایہدے وِچوں کُجھ محسوس کیتا اے؟ کی تُسی ’’شریعت دے تحت‘‘ آئے اُو؟ کی خدا دی شریعت بجلی وانگوں تہاڈے سراں تے چمکدا اے؟ جے تُسی ایہدے وِچوں کُجھ محسوس کیتا اے، تے اپنی ابدی روح دی خاطر، یسوع مسیح دے کول آؤ – تے اینج ہُنے ای کرو!

III۔ تیجی گل، تُسی مسیح دے کول آ سکدے اُو تے راستباز ٹھہرائے جا سکدے اُو۔

آؤ گلتیوں 3: 24 تے نظر پاؤ۔ کِھلو جاؤ تے ایس آیت نوں اُوچی واج نال پڑھو۔

’’پس شریعت نے اُستاد بن کے سانوں مسیح تیکر پہنچا دِتا تاکہ اَسی ایمان دے وسیلہ توں راستباز ٹھہرائے جائیے‘‘ (گلِتیوں 3: 24)۔

تُسی تشریف رکھ سکدے اُو۔ لفظ ’’سکول ماسٹر‘‘ یونانی وِچ پیڈاگاگزpaidagōgos‘‘ اے۔ ایہدا مطلب اے ’’اُو جیہڑا تہانوں اُستاد دے کول لے جاندا اے‘‘ (حوالہ ویکھو جے ورنن میگی J. Vernon McGee، بائبل وِچوں Thru the Bible، نیلسن، 1983، جلد پنجم، صفحات 172۔173)۔

شریعت تہانوں مسیح وَل ’’لیجاندی‘‘ اے۔ جدوں شریعت اپنا کام کر چکدی اے، تے تُسی گناہ دے قائل ہو جاندے اُو، تے شریعت

’’سانوں مسیح تیکر پہنچا دیہندی اے تاکہ اَسی ایمان دے وسیلہ توں راستباز ٹھہرائے جائیے‘‘ (گلِتیوں 3: 24)۔

میں ایہدے تے فیر توں جان ویزلی دا حوالہ دین جا رہیا آں۔ میں نے جان بُجھ کے میتھوڈزم دے بانی دا حوالہ دین دا انتخاب کیتا اے، کیوں جے اُو پنج نکاتی کیلونسٹ نئیں سن۔ میں ایہہ ظاہر کرن دے لئی ایہدا حوالہ دے رہیا آں کہ ایہہ سارے پروٹسٹنٹ (تے بپتسمہ دین آلیاں) دی عمومی تعلیم سی ایس توں پہلاں کہ چارلس جی فنی نے انجیلی بشارت نوں ’’فیصلہ پسندی‘‘ دی بربادی تیکر پہنچایا۔ جان ویزلی نے کہیا،

ایہدا پہلا استعمال [شریعت]، بغیر کسی سوال دے، دُنیا نوں گناہ تے قائل کرنا اے۔ ایہہ، حقیقت وِچ، روح القدس دا خاص کام اے؛ جیہڑا ایہنوں بغیر کسی وسیلہ دے، یا جسی طریقے نال چاہوے اینج کام کر سکدا اے… لیکن ایہہ خدا دی روح دا عام طریقہ اے کہ اُو گنہگاراں نوں شریعت دے ذریعے سزا دیوے … ایہدے نال گنہگار اپنے آپ نوں دریافت کردا اے۔ اُوہدے انجیر دے سارے پتے اُکھڑ گئے، تے اُوہنے ویکھیا کہ اُو ’’بدبخت، مفلس، دُکھی، انّا تے ننگا اے‘‘ [مکاشفہ 3: 17]۔ شریعت ہر پہلو نال سزایابی دی چمک چمکاندی اے۔ اُو اپنے آپ نوں محض اِک گنہگار محسوس کردا اے۔ ایہدے کول ادائیگی دے لئی کُجھ نئیں اے۔ ایہدا ’’مُنہ بند ہو جاندا اے‘‘ تے اُو ’’خدا دے حضور وِچ سزا دا مستحق‘‘ کِھلوندا ہوندا اے [رومیوں 3: 19] (حوالہ دِتا اے جان ایس سائمنJohn S. Simon، جان ویزلیJohn Wesley، ماسٹر بلڈرThe Master Builder، دی ایپورتھ پریسThe Epworth Press ، 1927، صفحہ 294-297) ۔

شریعت دے تحت سزایابی تے بیداری دا کام دِل وِچ اِک تیز وار دے طور تے ہو سکدا اے، جیویں کہ ایماندار ڈٓاکو نے تجربہ کیتا سی (لوقا 23: 40-41)، یہ ایہہ بوہتا لمبا ہو سکدا اے، جیویں کہ کورنیلیس دے معاملے وِچ ہویا (اعمال 10: 1-48)۔ لیکن، پاویں مختصر ہووے یا طویل، شریعت دی مذمت کرن آلی قوت نال سزا عام طور تے ایس صورت وِچ ہوندی اے جدوں گنہگار بیدار ہوندے نے، سزایافتہ ہوندے نے تے ’’ایمان دے وسیلے توں راستباز ٹھہرائے جان‘‘ دے لئی تیار ہوندے نے۔

کُجھ کہندے نے کہ ایہہ صرف پنج نکاتی کیلونسٹٓں دا نظریہ اے، لیکن میں ظاہر کیتا اے کہ ایہہ جان ویزلی دا وی نظریہ سی جیہڑا کہ آڑمینیا توں تعلق رکھن آلی اِک انتہائی معیاری ویزلیئعن [پروٹسنٹنٹ ازم دی شاخ دی خصوصیت جیہڑی ویزلی دے خیالات تے قائم] اے۔ ہُن میں وکھاواں گا کہ ایہہ مارٹن لوتھر دا وی نظریہ سی، اُو بندہ جِنہوں خدا نے اصلاح نوں شروع کرن دے لئی استعمال کیتا سی۔ لوتھر، ویزلی وانگوں، پنج نکاتی کیلونسٹ نئیں سی۔ مارٹن لوتھر نے کہیا،

ایہہ ضروری اے، جے تُسی تبدیل ہو جاندے اُو، کہ تُسی خوفزدہ ہو گئے، یعنی تہاڈے کول اِک خوفزدہ تے کنبدا ہویا ضمیر ہووے۔ فیر، ایس حالت دے پیدا ہون دے بعد، تہانوں ایس تسلی نوں سمجھنا چائیدا اے جیہڑی تہاڈے اپنے کسی کام توں نئیں بلکہ خدا دے کام توں لبھدی اے۔ اُوہنے اپنے پُتر یسوع مسیح نوں ایس دُنیا وِچ پیہجیا تاکہ خوفزدہ گنگہاراں نوں خدا دی رحمت دا اعلان کرے۔ ایہہ اُو طریقہ اے جیہدے نال [مسیح وِچ ایمان لیہیان دی] تبدیلی لیہیائی جاندی اے۔ دوجے طریقے غلط طریقے نے (مارٹن لوتھرMartin Luther، زبور دی نمائش 51: 13 Exposition of Psalm 51:13 ، 1532 بعد از مسیح)۔

لوتھر دی ایتھے نشاندہی توں مُراد عاجزی تے گناہ دا یقین اے جیہڑا ایمان توں پہلاں ہوندا اے، تے مسیح وِچ ایمان نوں بچان دے لئی دِل نوں تیار کردا اے۔

ہُن ایتھے جان بنیعن، ساڈے عظیم بپتسمہ دین آلے مبلغ تے مصنف، ایمان دے ذریعے یسوع دے کول آن توں پہلاں اپنی روح وِچ ایس بیداری تے یقین نوں بیان کردے نے۔ بنیعن نے کہیا،

ایہدے تے [ایہدی گواہی دین آلی عورتاں دے الفاظ] میرا اپنا دِل لرزن لگیا، جیویں کہ میری حالت تے کوئی شک نئیں [بچایا نئیں گیا]؛ کیوں جے میں ویکھیا کہ مذہب تے نجات دے بارے وِچ میرے سارے خیالات وِچ، نیا جنم میرے ذہن چہ کدی داخل نئیں ہویا، نہ میں کلام تے وعدے دی تسکین جانندا سی، نہ ای اپنے شریر دِل دی دھوکہ دہی تے غداری نوں جانندا سی (جان بنیعن، ’’گنہگاراں دے سردار دے لئی فضل بہوتی زیادہ اےGrace Abounding to the Chief of Sinners،‘‘ جان بنیعن دے کامThe Works of John Bunyan، دی بینر آف ٹُرتھ ٹرسٹBanner of Truth Trust، 1991 دوبارہ اشاعت، جلد اول، صفحہ 10)۔

تے، اینج، اَسی ویکھیا اے کہ جان ویزلی نے کہیا، ’’ایہہ شریعت دے ذریعے گنہگاراں دی سزایابی دے لئی خدا دی روح دا عام طریقہ اے۔ ایہدے نال گنہگار اپنے آپ نوں دریافت کردا اے۔ اُوہدے انجیر دے سارے پتے اُکھڑ جاندے نے، تے اُوہنے ویکھیا کہ اُو ’بدبخت، مفلس، دُکھی تے اَنّا تے ننگا اے۔‘‘‘

لوتھر نے کہیا، ایویں ای، کہ ’’ایہہ ضروری اے، جے تُسی [مسیح وِچ ایمان لیہیا کے] تبدیل ہو جاندے اُو، کہ تُسی خوفزدہ ہو جاندے اُو… کہ تہاڈا اِک خوفزدہ تے کنبدا ہویا ضمیر ہوندا اے۔‘‘

بنیعن نے کہیا، ’’میرا اپنا دِل لرزن لگا، جیویں کہ میری حالت تے کوئی شک نئیں [بچایا نئیں جا سکدا]۔‘‘

اَخیر وِچ عظیم سپرجیئن نوں سنو، جیہڑے بپتسمہ دین آلے مبلغین دے شہزادے نے، ایہناں کوڑیاں دی وضاحت کرو جیہڑے اُوہنوں [مسیح وِچ ایمان لیہیا کے] تبدیل ہون توں پہلاں خدا دی شریعت توں ملے سن۔

[کدی وی] کوئی اینج نئیں اے جِنہے نیا دِل حاصل کیتا ہووے، تے جیہڑا یسوع وَلوں [ضمیر دے] زخم دے بغیر گناہ توں دوبارہ حاصل کیتا گیا ہووے … اِک پختہ واعظ نے ساڈے دِلاں نوں ساڈے اندروں پگھلا دِتا!... لیکن کیہڑا دس سکدا اے کہ ایہناں وِچوں ہر اِک نے کیہنا [ضمیر دے] وکھرے وکھرے زخماں توں شریعت دے زریعہ قتل وِچ حصہ پایا، جیہڑا خدا دا مؤثر کام ثابت ہویا؟ میں گناہ دی برائی نوں بہوتے دُکھ نال محسوس کیتا… میہنوں ڈر سی کہ کِدرے آسمان میرے تے نہ ڈِگ جائے، تے میری قصوروار روح نوں کچل دیوے۔ خدا دی شریعت نے میہنوں پھڑ لیہیا سی، تے میہنوں میرے گناہ وکھا رئی سی۔ جے میں رات نوں سویا تے میں [جہنم دے] اتھاہ گڑھے دا خواب ویکھیا، تے جدوں میں بیدار ہویا تے میہنوں لگدا اے کہ میں نے جیس بدنصیبی نوں محسوس کیتا سی اُوہنوں خواب وِچ ویکھیا سی… خدا دی شریعت میہنوں اپنے دس دُرّیاں آلے کوڑے نال کوڑے مار رئی سی، تے فیر بعد چہ میہنوں [ڈنک مارن وگرے] کھارے پانی نال رگڑیا جا رہیا سی تاکہ میں درد تے کرب نال لرزدا تے تھرتھراندا، تے میری روح حیاتی دے بجائے سنگی گھوٹن دی کوشش کردی، کیوں جے میں بہوتا زیادہ غمگین سی (سی ایچ سپرجیئنC. H. Spurgeon، خود نوشت: ابتدائی سال Autobiography: The Early Years، بینر آف ٹروتھBanner of Truth، 1985 کی دوبارہ اشاعت، جلد اول، صفحہ 17-18)۔

آخرکار، سپرجیئن نے مسیح وَل ویکھیا تے نجات پا لئی۔ لیکن ایہہ شریعت دے ذریعہ گناہ دی سزا سی جیہڑی اُوہنوں مسیح دے کول لیہیائی۔ اُوہنے کہیا، ’’میں اپنی جوانی توں یسوع دی قربانی نال نجات دے منصوبے دے بارے وِچ سُنیا سی۔ لیکن میں اپنی باطنی روح وِچ ایہدے بارے چہ ایس توں زیادہ کُجھ نئیں جانندا سی کہ جے میں پیدا ہویا تے اِک ہوٹین ٹاٹ Hottentot [نمیبیا تے جنوبی افریقہ دے پادری لوکاں وَلّوں بولی جان آلی کوئی وی کھوسان زبان آلے] نوں پالیا،‘‘ ایتھوں تیکر کہ اُوہنے یقین دے نال مسیح وَل ویکھیا (سی ایچ سپرجیئنC. H. Spurgeon، خود نوشت: ابتدائی سال Autobiography: The Early Years، بینر آف ٹروتھBanner of Truth، 1985 کی دوبارہ اشاعت، جلد اول، صفحہ 80)۔

ایہناں سارے معیاری پروٹسٹنٹ تے بپتسمہ دین آلے مبلغین، ویزلی، لوتھر، بنیعن تے سپرجیئن دے لئی، ساڈی تلاوت معنی توں بھری ہوئی سی جدوں اُوہناں نے کہیا،

آئیے کِھلو جائیے تے اس روشن تلاوت نوں اُوچی واج نال پڑھیے۔ گلتیوں 3: 24:

تُس تشریف رکھ سکدے اُو۔ ایہہ لوکی، ویزلی، لوتھر، بنیعن تے سپرجیئن، اپنی روحاں دے بارے وِچ بے وقوفانہ سوچ وِچ ’’گناہ دے تحت‘‘ ہون توں لئے گئے سن۔ فیر اُوہناں نوں ’’شریعت دے تحت‘‘ لیہیا گیا تے خود نوں نااُمید گنہگار دے طور تے ’’ایمان دے لئی بند‘‘ محسوس کیتا۔ تے، آخرکار، اُو خدا وَلّوں، سزا دی ایس خوفناک شریعت دی حالت توں، مسیح وَل کھیچے گئے۔ شریعت دی سزایابی نے اُوہناں نوں نجات دے لئی مسیح وَل راغب کیتا۔ شریعت دا یقین اُوہناں نوں ’’مسیح دے کول لے آیا، تاکہ [اُو] صرف اُوسی [مسیح] وِچ ایمان نال راستباز ٹھہرن۔‘‘

ایہہ ہر گواچے یا گمراہ ہوئے گنہگار دے لئی ایمان دے راستے دی ٹھوس تاویل تے اطلاق اے۔ تُسی بے وقوفی تے لاپرواہی نال گناہ دے تحت، گناہ دے غلام سی۔ خدا نے اپنی شریعت دے دھمکیاں نال تہانوں کم و بیش خوفزدہ کیتا۔ تہاڈے ضمیر وِچ ایہہ سخت دھمکیاں آخرکار تہانوں نجات دہندہ وَل لے گئیاں، ’’تاکہ [تُسی] اُوہدے وِچ ایمان دے ذریعے راستباز ٹھہرو [تے بچائے جاؤ]۔‘‘

تُسی اپنے آپ کولوں پُچھو کہ اَج دی راتی تُسی کیس حالت وِچ اُو، کی تُسی اِک بے وقوف روحانی طور تے مُردہ شخص اُو، جیہڑا صرف ایس لئی گرجا گھر آندا اے کہ ایہہ تفریح اے؟ یا کی تُسی سزایافتہ گنہگار اُو جیہڑا جانندا اے کہ تُسی برباد تے گمراہ ہو چکے اُو – جہنم وِچ گناہ دی مکمل سزا دے مستحق نے؟ یا کی تُسی ایہو جئے شخص اُو جہیڑا تہاڈے گناہواں، تہاڈے ضمیر، ت خدا وَلوں مذمت کیتے جان نال ایہنے بیمار اُو کہ ہُن تُسی مسیح وَل اُوہدے لہو دے ذریعے راستبازی دے لئی، تے اُوہدے تے پورے دِل نال ایمان لیہیا کے مکمل نجات دے لئی کھیچے جاؤ گے؟

’’جیہڑا پُتر [یسوع] تے ایمان لیہیاندا اے اُوہدے تے سزا دا حکم نئیں ہوندا‘‘ (یوحنا 3: 18)۔

خود اپنی ای رائے قائم کرن توں باز آؤ۔ شریعت دی لعنت دے دھمکیاں دی زد وِچ آؤ۔ فیر یسوع دے کول آؤ تے صرف اُوہدے تے ایمان دے ذریعے نال راستباز، نجات یافتہ بنو۔ خدا کُجھ تھکی ہوئی، شریعت دے خوف وِچ خستہ حال روح عطا کرے، یسوع دے کول آؤ تے اَج دی راتی نجات پان دا فضل پاؤ۔ اُو ای تہانوں نجات دلا سکدا اے۔ تے اُو ای تہانوں بچائے گا۔ اپنے آپ نوں پیار کرن آلے نجات دہندہ دی بانہواں وِچ جھونک دیو! اُو تہاڈے سارے گناہواں نوں منسوخ کر دے گا، اپنے لہو نال ایہہ سب پاک صاف کر دے گا، تے تہانوں مکمل نجات دے گا۔ آمین۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔