نجات دلان آلے ایمان دا مقصد – مسیح

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

رائے شماری کرن آلے جارج برنا نے اِک قومی سروے کیتا۔ جدوں ایس بیان دا جواب دین دے لئی کہیا گیا،’’کُجھ وی یقینی طور تے نئیں جانیا جا سکدا سوائے اُوہناں شیواں دے جِنہاں دا تُسی اپنی حیاتی وِچ تجربہ کردے اُو،‘‘ 60 فیصد بالغاں نے اتفاق کیتا، تے 26 وریاں توں گھٹ عمر دے 71 فیصد نے اتفاق کیتا۔ برنا نے ایہنوں ’’حیاتی دے بارے وِچ اِک خودغرض، تجرباتی نظریہ‘‘ کہیا (برنا رپورٹ، 1992-1993، صفحہ 36)۔

ایہ رائے شماری بارہ وریاں پہلاں کیتی گئی سی۔ لوکاں نوں مشورہ دین دے اپنے تجربے توں، میہنوں لگدا اے کہ ایہ نظریہ اَج کل ہُور وی بہوتا مقبول اے۔ میں جیس اوسط بندے نال گل کرنا آں تے اُو سوچدا اے، ’’کُجھ وی یقینی طور تے نئیں جانیا جا سکدا سوائے اُوہناں شیواں دے جِنہاں دا تُسی اپنی حیاتی وِچ تجربہ کردے اُو۔‘‘ ایہ مابعد جدیدیت [موجودہ زمانے دے اصولاں تے طریقیاں دے خلاف ردعمل] دا اصل جوہر اے۔ تے ایہ بائبل دی مسیحیت دے براہ راست مخالف اے۔

’’کُجھ وی یقینی طور تے نئیں جانیا جا سکدا سوائے اُوہناں شیواں دے جِنہاں دا تُسی اپنی حیاتی وِچ تجربہ کردے اُو،‘‘ کیوںِ ایہ مسیحیت دے بالکل مخالف اے! ایہ شیطان دا جھوٹ اے! ایہنے تہانوں خدا دی سچائی توں اَنّہا کر دِتا اے! ایہنے تہانوں نجات توں بچا رکھیا اے! ایہدے توں دور رہو! میں اینج کیوں کہنا آں؟

I۔ پہلی گل، کیوں جے بائبل مسیح وَل نشاندہی کردی اے، ناکہ تجربے وَل۔

’’تے کینج توں بچپن توں اُوہناں مقدس کتاباں نال واقف اے جیہڑیاں تیہنوں مسیح یسوع تے ایمان لیہیا کے نجات حاصل کرن دا عرفان بخشدیاں نے‘‘ (II تیمتھیس 3: 15)۔

تیمتھیس نے پچپن توں ای بائبل پڑھی سی۔ پولوس رسول نے اُوہنوں دسیا کہ پاک صحیفے اِک بندے نوں حکمت عطا کردے نے جیہڑی ’’اُوہنوں ایمان دے ذریعے جیہڑا مسیح یسوع تے اے‘‘ نجات وَل لے جاندی اے۔

لہٰذا، بائبل تہاڈی نشاندہی کیہدے وَل کراندی اے؟ ایہ تہاڈے باطن وَل نشاندہی نئیں کراندی۔ ایہ تہانوں باطنی تجربے وَل نشاندہی نئیں کراندی اے۔ ایہ تہانوں ظاہری طور تے ’’اُوس ایمان وَل جیہڑا مسیح یسوع وِچ اے‘‘ نشاندہی کراندی اے۔ بائبل تہاڈی مسیح وَل نشاندہی کراندی اے، نہ کہ ’’اپنی حیاتی وِچ تجربہ‘‘ کرن وَل۔

اَج کل بہتیرے لوکی بائبل دے مطالعہ نوں ای ختم کر دیہندے نے۔ تے میں بہوتا خوفزدہ آں کہ تبلیغ دی اِک بہوتی وڈی تعداد وی اینج ای کردی اے۔ ’’اَسی بائبل سِیکھ رئے آں،‘‘ تُسی اُوہناں نوں کہندے ہوئے سُنندے اُو۔ تے تُسی پُچھ سکدے اُو، ’’ٹھیک اے، تُسی ایہنوں کیوں سِیکھ رئے اُو؟‘‘ بحث دا حصار ہو سکدا اے، لیکن تُسی اکثر سُنندے ہوو گے کہ حقیقت وِچ اُو ایہنوں محض سِیکھن دی خاطر سِیکھ رئے سی۔ ایہ صرف اِک فکری مشق اے۔

ایہ میرا ذاتی عقیدہ اے کہ تقریباً ساری تبلیغ نوں انجیلی بشارت تے مبنی ہونا چائیدا اے۔ ایہدے لئی سپرجئین نوں قصوروار ٹھہرایا گیا اے۔ کُجھ لوکاں نے کہیا کہ اُوہناں نے خوشخبری دی منادی بہوتی زیادہ کیتی۔ میں سپرجئین نوں گیھنٹیاں دے حساب نال پڑھیا اے تے میں اُوہناں نال متفق نئیں آں۔ میں جِنہا وڈیرا ہوندا جانا آں ایہناں ای میہنوں لگدا اے کہ اُو صحیح سن۔ ساڈی تبلیغ دا مرکز مسیح تے انجیلی بشارت تے ہونا چائیدا اے۔

موجودہ زمانے دے لوکی گھر دی عزت وِچ گھاٹا کر دیہندے نے۔ اُو خود نوں جراثیم توں پاک کردے نے، اپنے بچیاں دا اِسقاط حمل کرواندے نے، تے چھیتی چھیتی جیہڑے وی بچے پیدا ہوندے نے اُوہناں توں چھٹکارا پاندے نے۔ لیکن اِک مسیحی گھر اِک ایہو جیہئی تھاں اے جیتھے بچیاں دا خیرمقدم کیتا جاندا اے تے عزیز رکھیا جاندا اے تے پیار کیتا جاندا اے۔ تے ایہ اُو طریقہ اے جیویں دا اِک گرجا گھر ہونا چائیدا اے – اِک ایہو جئی تھاں جیہڑی مسیح وِچ ایمان لیہیا کے نئے تبدیل ہون آلیاں دے نال مسلسل زندہ رہندی اے، گمراہ ہوئے لوکی [ایہو جئی تھاں وِچ] آندے نے، مختلف مرحلیاں توں لنگہن آلے لوکی، سزا دے تحت آئے ہوئے لوکی آندے نے، مسیح وِچ ایمان لیہان دی تبدیلی وِچوں لنگہدے نے، [تے] مسیح وِچ ودھدے نے۔ تے [ایہو جئے لوکاں نوں] بکثرت پیدا کرن آلے، زندہ گرجا گھر وِچ انجیل یعنی خوشخبری دی مسلسل تبلیغ کیتی جانی چائیدی اے۔ میں سمجھنا آں کہ ایہو ای وجہ اے کہ پولوس رسول نے کرنتھیوں دی کلیسیا نوں کہیا،

’’میں فیصلہ کیتا ہویا سی کہ جدوں تیکر تہاڈے وِچکار رہواں گا مسیح یعنی مسیح مصلوب دی منادی دے سِوا کسی ہُور گل تے زور نہ دیواں‘‘ (I کرنتھیوں 2: 2)۔

گرجا گھر دے مقصد دی جانچ کرن وِچ کُجھ اہمیت ہو سکدی اے۔ لیکن اِک گرجا گھر نوں کدی وی مقصد تے مبنی ہو کے نئیں چلایا جانا چائیدا اے۔ ایہنوں انجیل تے مبنی ہونا چائیدا اے۔ ایہنوں اَدھی رات نوں خونی پسینے وِچ یسوع دے پیہجھ جان دے پیغام دے نال چلایا جانا چائیدا اے – یسوع نوں اُوس ویلے تیکر کوڑے مارن تے جدوں تیکر کہ اُوہدی کھل خونی لوتھڑے نہ بن گئی ایس پیغام دے نال چلایا جانا چائیدا اے – یسوع دا پیراں تے ہتھاں وِچ سولی تے کیلاں نال جڑے جان دے پیغام دے نال چلایا جانا چائیدا اے – یسوع دا انسانی جسم وِچ مُردیاں وِچوں زندہ ہو جان دے پیغام دے نال چلایا جانا چائیدا اے – یسوع دا جسمانی طور تے آسمان وِچ خداوند دے سجّے پاسے [بیٹھن دے لئی] اُٹھائے جان دے پیغام دے نال چلایا جانا چائیدا اے! یسوع مسیح ساڈا مقصد ہونا چائیدا اے! یسوع مسیح نوں ساڈا پیغام ہونا چائیدا اے!

بائبل دا روح رواں اُوہدے دِل تے اُوہدے مرکز وِچ انجیلی بشارت اے۔

’’تو اُوہناں مقدس کتاباں نال واقف اے جیہڑیاں تیہنوں مسیح یسوع تے ایمان لیہیا کے نجات حاصل کرن دا عرفان بخشدیاں نے‘‘ (II تیمتھیس 3: 15)۔

آیت دے وِچ آیت چہ، تمثیل دے ذریعہ، شبیہ دے ذریعہ، تاریخ دے ذریعہ، خط دے ذریعہ، بائبل مسیح وَل نشاندہی کردی اے – انسانی تجربے وَل نئیں۔ بائبل دا مقصد تہانوں احساس یا تجربہ حاصل کرانا نئیں اے۔ بائبل دا مقصد ایہ اے کہ تُسی اپنے آپ توں دور نظر آؤ – مسیح وَل!

جدید دُنیا کہندی اے، ’’کُجھ وی یقینی طور تے نئیں جانیا جا سکدا سوائے اُوہناں شیواں دے جِنہاں دا تُسی اپنی حیاتی وِچ تجربہ کردے اُو،‘‘ لیکن موجود زمانے دی دُنیا بہتیری شیواں دے بارے چہ غلط اے تے سب توں ودھ کے ایہ ایس بارے چہ غلط اے۔ تُسی اِک دوا لے سکدے اُو تے اینج تجربہ کر سکدے اُو جیہڑا بالکل وی حقیقی نئیں اے۔ تُسی مراقبہ کر سکدے اُو، تے اِک ٹرانس وِچ جا سکدے اُو، تے ایہو جیہا تجربہ حاصل کر سکدے اُو جیہڑا بالکل درست نئیں اے۔ تُسی زمین تے گر سکدے اُو تے اپنے آپ نوں اِک جنون وِچ پا سکدے اُو، تے ایہو جیہا تجربہ کر سکدے اُو جیہڑا حقیقت توں بہوتا دور اے۔ شیطان تہانوں بہوتی سارے تجربات دے سکدا اے۔ لیکن

’’تو …اُوہناں مقدس کتاباں نال واقف اے جیہڑیاں تیہنوں مسیح یسوع تے ایمان لیہیا کے نجات حاصل کرن دا عرفان بخشدیاں نے‘‘ (II تیمتھیس 3: 15)۔

بائبل یسوع مسیح وَل نشاندہی کردی اے ناکہ تہاڈے اپنے تجربات وَل۔

II۔ دوجی گل، مسیح خود دی نشاندہی کردا اے ناکہ تجربے وَل۔

’’اے محنت کشو تے بوجھ نال دبے ہوئے لوکو! میرے کول آؤ، تے میں تہانوں آرام بخشاں گا‘‘ (متی 11: 28)۔

’’جیہڑا کوئی میرے پاس آئے گا میں اُوہنوں خود توں کدی وی جدا نہ کراں گا‘‘ (یوحنا 6: 37)۔

نجات دلان آلے ایمان دا مقصد یسوع مسیح اے۔ جدوں تُسی یسوع دے کول آندے اُو تے تُسی نجات پا جاندے اُو۔ اُوہدے کول آنا ایہ کہن دا اِک ہُور طریقہ اے ’’اُوہدے تے یقین رکھو۔‘‘ یسوع نے کہیا،

’’جیہڑا پُتر تے ایمان لیہیاندا اے اُو ہمیشہ دی حیاتی پاندا اے‘‘ (یوحنا 3: 36)۔

لیکن تہاڈے اپنے احساسات یا تجربات توں ایہدی توثیق نئیں ہوندی۔

فریڈرک شلیئرماکر Friedrich Schleiermacher (1768۔1834) نے ایہ نظریہ پیش کیتا کہ مسیح چہ ایمان لیہیان دی تبدیلی [دراصل] احساس، وجدان تے تجربے دا معاملہ اے۔ اُوہدے نیڑے، نجات دلان آلے ایمان دا مقصد بائبل دے ذریعہ ظاہر کردہ مسیح وَل نئیں بلکہ مسیح دے بارے وِچ موضوعی وجدان تے احساس وِچ سی۔ شلیئر ماکر دے خیالات عقلیت پسندی دے نال رومانویت دے ختم ہون تے آئے۔

لیکن ساڈی تلاوت سانوں ایہ نئیں دسدی کہ اپنے عقیدے دی بنیاد اپنے احساسات، وجدان یا تجربے تے رکھو۔ ایہدے بجائے، ایہ کہندی اے،

بائبل ساڈی مسیح وَل نشاندہی کراندی اے۔ اُو ساڈے جذبات دا مسیح نئیں اے۔ اُو تے شلیئر ماکر دا مسیح اے! [مسیح تے درحقیقت] بائبل دا مسیح اے۔ صرف حقیقی مسیح ای مقدس صحیفیاں دا مسیح اے۔ تے اُو ایہو ای مسیح اے، پاک کلام دا مسیح، جیہڑا کہندا اے،

’’جیہڑا کوئی میرے کول آئے گا میں اُوہنوں خود توں کدی وی جُدا نئیں کراں گا‘‘ (یوحنا 6: 37)۔

مسیح ساڈی اپنے وَل نشاندہی کرواندا اے۔ تہانوں ایہ ویکھن دے لئی اپنے آپ نوں پیچھے نئیں ویکھنا چائیدا اے کہ آیا تہاڈے احساسات، وجدان یا تجربات درست نے۔ تہانوں اپنے آپ نوں نئیں ویکھنا چائیدا اے۔ تہانوں خود دی ذات توں دور ویکھنا چائیدا اے – مسیح وَل!

’’ایمان دے بانی تے کامل کرن آلے یسوع تے نظراں جماؤ‘‘ (عبرانیوں 12: 2)

’’آہ، نئیں،‘‘ پوسٹ ماڈرنسٹ [موجودہ زمانے دے اصولاں تے طریقیاں دے خلاف ردعمل وِچ] کہندے نے، ’’کُجھ وی یقینی طور تے نئیں جانیا جا سکدا سوائے اُوہناں شیواں دے جِنہاں دا تُسی اپنی حیاتی وِچ تجربہ کردے اُو،‘‘ تے ویکھیا تُسی گل وی ایہو ای اے، صاف تےسادہ۔ اُو بندہ اپنی ذات توں باہر ویکھن توں انکار کردا اے۔ اُو بندہ پاک صحیفیاں دے زندہ مسیح وَل نشاندہی کرن توں انکار کردا اے! اُو بندہ بغیر کسی احساس دے، بغیر کسی تجربہ دے مسیح تے قسمت نئیں آزمائے گا۔

’’لیکن، لیکن‘‘ تُسی کہندے اُو، ’’میہنوں صحیح احساس ہونا چائیدا اے!‘‘ میں تہانوں دس رہیا آں کہ تُسی غلط اُو۔ تہانوں احساس دی لوڑ نئیں اے۔ تہانوں مسیح دی لوڑ اے!

ایتھے متی دی انجیل وِچ اِک بیان اے جیہڑا ظاہر کردا اے کہ میرا کی مطلب اے۔ شاگرد گلیل دی جھیل توں باہر سن۔ رات سی۔ یسوع پانی تے ٹردے ہوئے اُوہناں دے کول آیا۔ پطرس نے کہیا،

’’اے خداوند، جے اے توں ای اے تے مینہوں وی حکم دے کہ میں وی پانی تے ٹر کے تیرے کول آواں۔ تے اُوہنے کہیا، آ۔ چنانچہ پطرس کشتی توں اُتر کے یسوع دے کول جان دے لئی پانی تے ٹرن لگیا۔ مگر جدوں ہوا دا زور ویکھیا تے ڈر گیا تے ڈوبن لگا۔ فیر اُوہنے چِلا کے کہیا، اے خداوند! میہنوں بچا۔ یسوع نے فوراً ہتھ ودھایا تے اُوہنوں پھڑلیہیا‘‘ (متی 14: 28۔31)۔

ایس واقعے دا مقصد سانوں پانی تے ٹرن دے بارے وِچ دسنا نئیں اے۔ مقصد ایہ دسنا اے کہ ایمان کی اے؟ آیت 31 ایہنوں واضح کردی اے۔ یسوع نے کہیا، ’’اے کم اعتقاد آلے …‘‘ اُوہنے ایہ نئیں کہیا کہ پطرس دا ایمان نئیں اے۔ اُوہنے کہیا کہ اُوہدا ایمان بہوتا گھٹ اے۔ اُوہدے کول ایہنا یقین سی کہ اُو کشتی توں باہر نکل کے یسوع وَل تھوڑا جیہا راستہ ٹر سکدا سی۔ لیکن فیر اُوہنے تیز ہوا وَل ویکھیا تے اُو ڈر گیا۔ اُوہنے پکاریا، ’’اے خداوند، میہنوں بچا۔‘‘ تے یسوع نے ’’ہتھ ودھا کے اُوہنوں پھڑ لیہیا۔

ایہ نجات دلان آلے ایمان دی اِک مثال اے۔ یسوع تہانوں اُوہدے کول آن نوں کہندا اے۔ تُسی ایہ کرنا شروع کردے اُو، لیکن خوفناک خیالات تہانوں آندے نے۔ تُسی سوچدے اُو، ’’میں ایہ ٹھیک نئیں کراں گا! میں ناکام ہو جاواں گا! میہنوں یقین نئیں اے! خداوند، میہنوں بچا!‘‘ ’’تے یسوع نے اپنا ہتھ ودھا کے اُوہنوں پھڑ لیہیا۔‘‘ تے اینج ای ہوندا اے جدوں کوئی گنہگار یسوع دے کول آندا اے۔ جوزف ہارٹ توں بہتر ایس گل نوں کسی ہُور نے نئیں کہیا،

اُوہدے تے قسمت آزماؤ، پوری طرح نال قسمت آزماؤ۔
کسی دوجے اعتقاد نوں مداخلت نہ کرن دیو:
مسیح دے سوا کوئی نئیں، مسیح دے سوا کوئی نئیں،
جیہڑا بے بس گنہگاراں دا بھلا کر سکدا اے۔
(’’آؤ، اے گنہگاروںCome, Ye Sinners ‘‘ شاعر جوزف ہارٹ Joseph Hart ، 1712۔1768).

اپنی روح نوں اُوہدی دیکھ بھال وِچ رکھو … باقی ساریاں اُمیداں چھڈن دی ہمت کرو: یسوع تے قسمت آزماؤ؛ میں کہنا آں ’’قسمت آزماؤ‘‘ حالانکہ ایہدے وِچ واقعی چہ کوئی قسمت آزمائی نئیں اے، کیوں جے اُو بچان دے قابل اے۔ اپنے آپ نوں صرف یسوع دے حوالے کرو … اُوہدے تے یقین کرو، تے اُوہدے تے پروہسا کرو، تے تہانوں کدی وی شرمندہ نئیں کیتا جائے گا … پاویں تُسی محسوس کرو یا محسوس نہ کرو، اپنے آپ نوں اُوہدے حوالے کر دیو، تاکہ اُو تے تنہا اُو ای تہانوں نجات دلائے (سی ایچ سپرجیئن C. H. Spurgeon، چھوٹی کھڑکی آلے گیٹ دے دوجے پاسے Around the Wicket Gate، کرسچن فوکس پبلیکیشنز، 1989 دوبارہ اشاعت، صفحات 26، 38)۔

اِک نوجوان لڑکے سپرجیئن دے دفتر چہ آئی تے کہیا کہ اُو نجات یافتہ نئیں اے۔ اُوہنے اُوہنوں یسوع دے کول آن دی تاکید کیتی۔ اُوس [لڑکی] نے کہیا، ’’اوہ، جناب، میرے لئی دعا کرو۔‘‘ سپرجیئن نے کہیا، ’’میں ایس قسم دا کُجھ نئیں کراں گا۔ میں خداوند کولوں اُوہدے لئی کی منگ سکنا آں جیہڑی اُوہدے تے پروہسا نئیں کرے گی؟ میہنوں دعا کرن دے لئی کُجھ نظر نئیں آندا۔ تے تُسی اُوہدے تے یقین کرو گے، تے تُسی نجات پا جاؤ گے۔ جے تُسی اُوہدے تے یقین نئیں کرو، تے میں اُوہدے کولوں تہاڈے بے اعتقادے پن دی تسکین دے لئی کوئی نیا طریقہ ایجاد کرن دے لئی نئیں کہہ سکدا۔‘‘ فیر اُوس [لڑکی] نے کہیا، ’’میں یقین کرن دی کوشش کراں گی،‘‘ لیکن اُوہنوں کہیا کہ میں اُیہدی کوئی وی کوشش نئیں کراں گا … میں اُوہنوں اِک وری مصلوب ہون آلے لیکن ہُن آسمان چہ چُکے گئے خداوند تے مکمل یقین کرن دی تاکید کیتی … اُوس [لڑکی] نے کہیا، ’’اوہ، جناب، میں اپنے جذبات دی سُنندی رئی آں، تے ایہ میری غلطی سی! (ibid.، صفحہ 32). اُو یسوع دے کول آئی تے نجات پا گئی۔ ایہدے علاوہ کوئی راستہ نئیں اے۔

اُوہدے تے قسمت آزماؤ، پوری طرح نال قسمت آزماؤ۔
کسی دوجے اعتقاد نوں مداخلت نہ کرن دیو:
مسیح دے سوا کوئی نئیں، مسیح دے سوا کوئی نئیں،
جیہڑا بے بس گنہگاراں دا بھلا کر سکدا اے۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔