باغات دا مَعمَہ | Mystery of the Gardens

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

مریم سجری سویرے اُوس باغ وِچ آئی۔ اُوہنے یسوع نوں ویکھیا تے سوچیا کہ ’’اُو باغبان اے‘‘ (یوحنا 20: 15)۔ اِک طرح نال، اُو صحیح سی۔ اُو باغبان اے۔

پچاس وریاں پہلاں آکسفورڈ دے اِک فلسفی، ڈاکٹر اینٹونی فلیوDr. Antony Flew، جیہڑے دُنیا دے معروف مُلحد سن، نے مندرجہ ذیل تمثیل دِتی سی تاکہ ایہہ ظاہر کیتا جا سکے کہ خدا دے وجود دا کوئی ثبوت نئیں اے۔

ا     ِخ دفعہ دا ذکر اے کہ دو مُہم جو جنگل وِچ اِک صاف تھاں تے آئے جیہدے چہ پھل تے گھاس دوویں سن۔ اِک مُہم جو کہندا اے، ’’کسی باغبان نوں ایس پلاٹ دی دیکھ بھال کرنی چائیدی اے۔‘‘ دوجا اُوہدے نال متفق نئیں ہویا، اصرار کردا اے کہ کوئی باغبان نئیں اے۔ چنانچہ اُو اپنے خیمے لگاندے نے تے اِک نگرانی شروع کر دیہندے نے۔ کوئی باغبان نظر نئیں آندا۔
      لیکن ایماندار دا اصرار اے کہ اِک پوشیدہ باغبان اے۔ لہٰذا اُوہناں نے کنڈے دار تاراں دی باڑ لگائی، اُوہنوں بجلی آلا بنایا تے اُوہدے وِچ شکاری کتیاں دے نال گشت کیتا، ایہہ استدلال کیا کہ اِک پوشیدہ بندے نوں سونگھیا جا سکدا اے حالانکہ اُو نظر نئیں آندا سی۔ لیکن باڑ کدی نئیں ڈگڈی اے تے شکاری کتے کدی نئیں بھونکے۔ ایہدے نال کوئی فرق نئیں پیہندا اے کہ مُہم جو کیہنی ای دیر تیکر چوکسی رہوے، کسی باغبان دا کدی پتہ نئیں چلیا۔
      فیر وی ایماندار بے یقین اے۔ اُو اصرار کردا اے، ’’لیکن اِک باغبان اے، اِک پوشیدہ، غیر محسوس، پرہیزگار باغبان؛ اِک باغبان جیہڑا بجلی دے جھٹکے توں بے حص ہووے، جیہدی کوئی خوشبو نئیں ہوندی تے اُو آواز نئیں دیہندا، اِک باغبان جیہڑا چپکے نال ایس باغ دی دیکھ ریکھ دے لئی آندا اے جِنہوں اُو پسند کردا اے۔‘‘
      لیکن شکی مایوسی دا اظہار کردے نے، ’’جِنہوں تُسی اِک پوشیدہ، غیر محسوس، ہمیشہ دے لئی پراسرار باغبان کہندے اُو، اُو خیالی باغبان، یا ایتھوں تیکر کہ کسی باغبان توں مختلف کیویں اے؟‘‘ (اینٹونی فلیو، پی ایچ ڈی Antony Flew, Ph.D.، ’’علم الہٰیات تے جعلسازی Theology and Falsification،‘‘ فلسفیانہ علمِ الہٰیات وِچ مضامینEssays in Philosophical Theological، میکملنMacmillan ، 1955، صفحہ 96)۔

ڈاکٹر فلیو نے کہیاکہ غیر مرئی، غیر محسوس، پرہیزگار خدا دا کوئی ثبوت نئیں اے۔ ٹھیک پچاس وریاں بعد ڈاکٹر فلیو نے اپنا ارادہ بدل لیہیا۔ اِک حالیہ (دسمبر، 2004) ایسوسی ایٹڈ پریس دی خبر نے کہیا،

81 وریاں دے اینٹونی فلیو نے کہیا کہ سائنسی شواہد نے اُوہناں نوں ایس گل دا قائل کر دِتا اے کہ اِک سپر انٹیلی جنس ای حیاتی دی ابتداء تے فطرت دی پیچیدگی دی واحد وضاحت اے۔ جے ایہدا نیا پایا جان آلا عقیدہ لوکاں نوں پریشان کردا اے، تے فلیو نے کہیا، ’’ایہہ بہوتا بُرا اے‘‘ – لیکن اُو ہمیشہ توں ’’شواہد دی پیروی کرن دے لئی پُرعزم اے جیتھے وی ایہہ لے جاندا اے۔‘‘

ٹھیک اے، سائنس دے ثبوت نے دُنیا دے سرکردہ مُلحد نوں خدا تے یقین دلایا اے۔ فلیو ہُن کہندا اے کوئی نظر نہ آن آلا باغبان اے! جے اُو بائبل نوں پڑھدا تے اُوہدے تے یقین کردا تے اُوہنوں بہوتی پہلاں معلوم ہو جاندا۔ خدا ہمیشہ ایتھے رہیا اے، اپنے باغ دی دیکھ بھال کردا اے۔ مریم نے جی اُٹھے مسیح نوں ویکھیا تے ’’اُو، اُوہنوں باغبان سمجھ رئی سی …‘‘ کیوں، اُو باغبان اے! اُوہی اِک اے جِنہے باغ بنایا سی۔ اُو ای اِک اے جیہڑا اُوہدی پرورش کردا اے۔

’’اُوسی دے وسیلے توں خدا نے سب کُجھ خلق کیا اے تے اُو ساریاں شیواں وِچ سب توں پہلاں اے تے اُوہدے وِچ ای ساریاں شیواں قائم رہندیاں نے‘‘ (کُلسیوں 1: 16۔17)۔

مریم نے سوچیا کہ اُو زمینی باغبان اے۔ اُو غلط سی۔ لیکن زیادہ بہتر معنیاں وچ، اُو واقعی کائنات دا عظیم ’’باغبان‘‘ اے۔ تے میں سمجھنا آں کہ اُو باغ جیتھے اُوہنے ایہنوں ظاہر کیتا سی، گھٹ توں گھٹ، بائبل دے دوجے باغات دی اِک مثال اے۔ گناہ تے نجات دا پورا بھید تین باغاں نوں ویکھ کے سمجھا جا سکدا اے۔ ایہناں تیناں باغاں وِچ جو کُجھ ہویا اُو سانوں مسیحیت دے معنی تے – خود حیاتی نوں ظاہر کردا اے۔

بائبل، پہلے انسان دی تخلیق دی اِک سادہ تے سیدھی وضاحت پیش کردی اے:

’’تے خداوند خدا نے مشرق وَل عدن وِچ اِک باغ لگایا تے آدم نوں جِنہوں اُوہنے بنایا سی اُوتھے رکھیا‘‘ (پیدائش 2: 8)۔

’’تے خدا نے آدم نوں باغ عدن وِچ رکھیا تاکہ اُوہدی باغبانی تے نگرانی کرے۔ تے خداوند نے آدم نوں حکم دِتا کہ توں ایس باغ دے کسی وی درخت دا پھل بے روک ٹوک کھا سکدا اے لیکن توں نیک و بد دی پہچان دے درخت دا پھل ہرگز مت کھائیں کیوں جے جدوں توں اُوہنوں کھائے گا تے توں یقیناً مر جائیں گا‘‘ (پیدائش 2: 15۔17)۔

باغِ عدن خوبصورت تے کامل سی۔ انسان نوں ہر اُو شے جیس دی لوڑ سی اُوہدے لئی اُوتھے موجود سی۔ ایہنوں صرف ایہنا کرنا سی کہ درختاں توں پھل توڑنا سی۔ خدا نے اُوہدے لئی حوّا ناں دی اِک ووہٹی وی بنائی۔ اُو اُوس جنت وِچ اُوہدی ساتھی سی۔

لیکن شیطان وی اُوتھے موجود سی۔ تے ابلیس سانپ دے جسم وِچ داخل ہویا، تے سانپ دے مُنہ دے ذریعے توں بولیا، تے حوّا نوں اُوس اِک پھل نوں کھان دے لئی آزمایا جیہدے توں اُوہنوں منع کیتا گیا سی۔ اُوہنے شیطان دے گل سُنی، تے

’’اُوہنے اُوہدے وِچوں لے کے کھایا تے اپنے شوہر نوں وی دِتا جیہڑا اُوہدے نال سی تے اُوہنے وی کھایا‘‘ (پیدائش 3: 6)۔

خداوند نے انسان دے لئی ایہہ سہوکھا کر دِتا۔ اُوہنے انسان نوں بغیر کسی گناہ دی فطرت دے پیدا کیتا تے اُوہنوں اِک مثالی ماحول وِچ رکھیا۔ خداوند نے انسان دی ساریاں ضروریات پوری کیتیاں نے۔ خدا نے اُوہنوں مضبوط ذہنی تے جسمانی قوتاں عطا کیتیاں۔ خدا نے اُوہنوں بامعنی کام تے اوہدی مدد دے لئی اِک ساتھی دِتا۔ خدا نے اُوہنوں نافرمانی دے خلاف اِک واضح تنبیہ دِتی سی۔ آدم دا گناہ خدا وِچ ایمان دا واضح مسترد کرنا تے خدا دے خلاف اِک واضح بغاوت سی۔ ڈاکٹر ہنری تھائیسن نے کہیا، ’’پہلا گناہ سی… خدا دے مفادات دے بجائے خود غرضی دا انتخاب کرنا‘‘ (ایچ۔ سی۔ تھائیسن، پی ایچ ڈی۔ H. C. Thiessen, Ph.D.، درجہ بہ درجہ علمِ الہٰیات تعارفی لیکچرز Introductory Lectures in Systematic Theology، عئیرڈمینز Eerdmans، دوبارہ اشاعت 1971، صفحہ 255)۔

جیویں کہ ڈاکٹر تھائیسن نے کہیا، ساڈے پہلے والدین دے گناہ دے نتائج ’’فوری، دور رس، تے خوفناک‘‘ سن (ibid.)۔

اُو فوراً ای خدا دے نال رابطہ کھو بیٹھے۔ اُو ہُن خدا توں چُھپ گئے۔

’’اُوہناں دی عقل تاریک ہو گئی اے … خدا دی دِتی ہوئی حیاتی وِچ اُوہناں دا کوئی حصہ نئیں‘‘ (افسیوں 4: 18)۔

اُو فوراً مکمل طور تے پست ہو گئے، ’’گناہواں وِچ مُردہ‘‘ (افسیوں 2: 5)۔ تے اُوہناں دے جسماں وِچ موت دی سزا فوراً مل گئی۔

’’اِک آدمی دے ذریعہ توں گناہ دُنیا وِچ داخؒ ہوا‘‘ (رومیوں 5: 12)۔

’’اِک آدمی دے نافرمانی دی وجہ توں بہوتے سارے لوکی گنہگار ٹھہرے‘‘ (رومیوں 5: 19)۔

آدم دی گناہ دی فطرت پوری نسل انسانی نوں وراثت وِچ ملی سی۔ ہر انسان اِخ مسخ شُدہ فطرت دے نال پیدا ہوندا اے، جیہڑا آدم توں وراثت وِچ ملیا اے۔

’’اُو سارے دے سارے گناہ دے قابو وِچ نے جیویں کہ پاک کلام وِچ لکھیا اے، کوئی راستباز نئیں، اِک وی نئیں۔ کوئی سمجھدار نئیں کوئی خدا دا طالب نئیں‘‘ (رومیوں 3: 9۔11)۔

باغ عدن اُو باغ سی جیتھے گناہ نے نسل انسانی نوں برباد کیتا، تے انسانیت نوں خدا توں کٹ دِتا۔ لیکن ایہہ کہانی دا خاتمہ نئیں اے، کیوں جے اُوہتھے اِک ہُور باغ سی۔

اُوہدے مصلوب ہون توں اِک راتی پہلاں یسوع نے اپنے شاگرداں دے نال عشائے ربانی دا جشن منایا، اُوہدے بعد،

’’اُو اپنے شاگرداں دے نال باہر آیا تے او سارے قدرون دی وادی نوں پار کر کے اِک باغ وِچ چلے گئے‘‘ (یوحنا 18: 1)۔

براہِ کرم اپنی بائبل نوں مرقس 14: 32-35 آیات دے لئی کھولو۔ آؤ کھڑے ہو کے ایہناں چاراں آیتاں نوں اُوچی واج نال پڑھیے۔

تے اُو اِک ایہو جئی تھاں پہنچے جیس دا ناں گتسمنی سی تے اُوہنے اپنے شاگرداں نوں کہیا، جدوں تیکر میں دعا کرنا آں تُسی ایتھے بیٹھے رہنا۔ تے خود پطرس، یعقوب تے یوحنا نوں نال لے گیا تے بہوتا پریشان تے بیقرار ہون لگا۔ تے اُوہناں نوں کہیا، غم دی شدت نال میری جان نکلی جا رئی اے۔ تُسی ایتھے ای ٹھہرو تے جاگدے رہوو۔ فیر ذرا اَگے جا کے اُو زمین تے سجدہ وِچ ڈِگ پیہیا تے دعا کرن لگا کہ جے ممکن ہووے تے ایہہ گھڑی میرے توں ٹل جائے‘‘ (مرقس 14: 32۔35)۔

گتسمنی دے باغ وِچ مسیح دے نال کی ہویا؟ اُوس سوال دا جواب سپرجئین توں بہتر کسی نے نئیں دِتا، جِنہے کہیا،

ساڈا خداوند، فسح دا کھانا کھا کے تے اپنے شاگرداں دے نال عشائے ربانی منان دے بعد، اُوہناں دے نال زیتون دے پہاڑ تے گیا، تے گتسمنی دے باغ وِچ داخل ہویا۔ [اُوہنے] اُوس تھاں نوں اپنی خوفناک اذیت دا منظر بنان دے لئی کیوں منتخب کیتا؟ کسی ہُور تھاں نوں ترجیح کیوں نئیں دِتی …؟ کی اَسی ایہہ تصور نئیں کر سکدے کہ جیویں اِک باغ وِچ آدم دی خود غرضی نے سانوں برباد کر دِتا سی، اینج ای دوجے باغ وِچ دوجے آدم دی اذیتاں سانوں بحال کر دین۔ گتسمنی ایہناں بیماریاں دے لئی دوا فراہم کردا اے جیہڑیاں عدن دے ممنوعہ پھل دے بعد پیدا ہوئیاں (سی ایچ سپرجئین C. H. Spurgeon، ’’گتسمنی وِچ اذیت The Agony in Gethsemane، میٹروپولیٹن دی عبادت گاہ دی واعظ گاہ توں The Metropolitan Tabernacle Pulpit، پلگرم پبلی کیشنز، 1971 دوبارہ اشاعت، جلد XX، صفحہ 589)۔

سپرجیئن ایہہ نئیں کہہ رہیا سی کہ مسیح نے گتسمنی دے باغ وِچ ساڈے گناہواں دا کفارہ ادا کیتا۔ سپرجیئن، سب توں ودھ کے، کدی وی سولی نوں شیطانی کفارہ دی تھاں دے طور تے جھٹلان یا گھٹ کرن دا اِلزام نئیں لگا سکدا۔ لیکن سپرجیئن سانوں دس رہیا اے کہ مسیح نے گتسمنی وِچ ساڈے گناہ دا بوجھ اپنے اُوتے لد لہیا۔ جیویں کہ ڈاکٹر جان گل نے کہیا،

ہُن اُوہنوں سٹ وجی اے، تے اُوہدے باپ نے اُوہنوں غم وِچ مبتلا کر دِتا اے: ہُن اُوہدے دُکھ شروع ہو گئے نے، کیوں جے اُو ایتھے ختم نئیں ہوئے، بلکہ سولی تے، یا ایہہ کہ ایے اُوہدے دُکھاں دا اِن ننگا آغاز سی، یا ایہہ کہ اُوہدے مقابلے وِچ ایہہ ہلکے سن۔ مستقبل آلیاں وِچوں؛ کیوں جے اُو بہوتے بھاری سن، تے درحقیقت سب توں بھاری لگدے نے، جیویں کہ اُوہناں [دُکھاں] دے اپنے واقعے توں ظاہر ہوندا اے۔ اُوہدی شدید فریاد اپنے باپ توں اُوہدا خونی پسینہ تے اذیت … تے بہوتا بھاری ہونا؛ اپنے لوکاں دے گناہواں دے وزن دے نال، تے الہٰی غضب دے احساس دے نال، جیہدے نال اُو بہوتا دبیا ہویا تے مغلوب سی (جان گل، ڈی ڈیJohn Gill, D.D. ، نئے عہد نامہ دی اِک تاویل An Exposition of the New Testament، دی بیپٹسٹ اسٹینڈرڈ بیئرر The Baptist Standard Bearer، 1989 دوبارہ اشاعت، جلد اول، صفحہ 334)۔

’’خداوند نے اَساں ساریاں دی بدکاری اُوہدے تے لد دِتی‘‘ (اشعیا 53: 6)۔

سپاہی ہُن ایس باغ دی خاموشی نوں توڑدے نے۔ اُو خدا دے پُتر نوں گرفتار کردے نے۔ اُو اُوہنوں خونی پسینے دی شرابور حالت وِچ ای، مصلوب کرن دے لئی لے جاندے نے۔ مسیح ساڈے گناہواں نوں گتسمنی دے باغ توں اگلی صبح سولی تیکر لے گیا، جیتھے اُو ’’صحیفیاں دے مطابق ساڈے گناہواں دے لئی قربان ہو گیا‘‘ (1 کرنتھیوں 15: 3)۔ جیویں کہ سپرجیئن نے کہیا، ’’کی اَسی ایہہ تصور نئیں کر سکدے کہ جیویں اِک باغ وِچ آدم دی خود غرضی نے سانوں برباد کر دِتا، اینج ای دوجے باغ وِچ دوجے آدم دی اذیتاں نوں سانوں بحال کر دیہنا چائیدا اے؟‘‘ لیکن ایہہ وی کہانی دا خاتمہ نئیں اے، کیوں جے اِک تیجا باغ وی اے۔

اگلی ای سویرے اُوہناں نے یسوع نوں سولی تے کیلاں نال جڑ دِتا۔ دوپہر وِچ اُوہنے کہیا،

’’مگر سپاہیاں وِچوں اِک نے اپنا نیزہ لے کے یسوع دی وکھی وِچ ماریا تے اُوہدی وکھی چھید دِتی جیہدے توں لہو تے پانی وگن لگیا‘‘ (یوحنا 19: 34)۔

’’فیر اُوہناں نے یسوع دی لاش نوں لے کے اُوہنوں اُوسی خوشبودار مسالے سمیت اِک چادر وِچ کفنایا جیویں یہودیاں چہ دستور سی۔ جیس مقام تے یسوع نوں مصلوب کیتا گیا سی اُوتھے اِک باغ سی تے اُوس باغ وِچ اِک نئی قبر سی جیس وِچ پہلے کوئی لاش نئیں رکھی گئی سی‘‘ (یوحںا 19: 40۔42)۔

اُوہناں نے یسوع دی لاش نوں اُوس باغ وِچ اِک قبر وِچ رکھ دِتا، اُوسی تھاں دے کول جیتھے اُوہنوں مصلوب کیتا گیا سی۔ اُوہناں نے مقبرے نوں مہربند کر دِتا تے رومی سپاہیاں نوں اُوہدی حفاظت دے لئی چھڈ دِتا۔ اُو رات دا کھانا کھان دے لئی گھر گئے۔ اُو ہُن مر چکیا سی، تے ایہہ ایس سب دا خاتمہ سی، اُوہناں نے سوچیا، جیویں ای سورج ڈوب گیا۔

اگلی سویرے مریم مگدلینی روندی ہوئی ایس باغ وِچ آئی۔ اُو قبر دے کول آئی۔ پتھر لڑھک چکیا سی۔ اُوہنے مُڑ کے یسوع نوں ویکھیا، لیکن اُو نئیں جانندی سی کہ ایہہ اُوہی اے۔ یسوع نے کہیا، ’’توں کیوں رو رئی اے؟ کیہنوں لبھ رئی اے؟‘‘

’’اُوہنے سوچیا کہ شاید اُو باغبان اے ایس لئی کہیا، میاں جے توں اُوہنوں ایدھروں چُکیا اے تے میہنوں دس اُوہنوں کیتھے رکھیا اے تاکہ میں اُوہنوں لے جاواں۔ یسوع نے اُوہنوں کہیا، مریم! اُو اُوہدے وَل مُڑی تے عبرانی زبان وِچ بولی، ربّونی‘‘ (یوحنا 20: 15۔16)۔

اُو اُوتھے سی! اُوہتھے اُوس تیجے باغ وِچ، اُو مُردیاں وِچوں جی اُٹھیا سی!

’’اُو ایتھے نئیں اے بلکہ جیویں اُوہنے کہیا سی اُو جی اُٹھیا اے … چھیتی جا کے اُوہدے شاگرداں نوں خبر دے کہ اُو جی اُٹھیا اے‘‘ (متی 28: 6۔7)۔

ایویں، اَسی نجات دا منصوبہ ویکھنے آں، تے زمانیاں دا راز تین باغاں وِچ ساڈے سامنے رکھیا ہویا اے۔ باغ عدن گناہ دا باغ بن گیا۔ گتسمنی دا باغ گناہ توں نجات دا باغ بن گیا۔ کلوری دا باغ حیاتی دا باغ بن گیا۔ باغِ عدن وِچ انسان نے گناہ کیتا تے اِک برباد، گواچی ہوئی مخلوق بن گیا۔ گتسمنی دے باغ وِچ مسیح نے ساڈا گناہ لیہیا تے سولی تے اُوہدی قیمت ادا کیتی۔ کلوری دے باغ وِچ ، مسیح سانوں ہمیشہ دی حیاتی دین دے لئی مُردیاں وِچ جی اُٹھیا۔

’’کیوں جے جیویں اِک آدمی دی نافرمانی دی وجہ توں بہوتے لوکی گنہگار ٹھہرے، اینج ای اِخ آدمی دی فرمانبرداری دی وجہ توں بہوتے لوکی راستباز ٹھہرائے گئے‘‘ (رومیوں 5: 19)۔

’’لہٰذا جدوں تُسی مسیح دے نال زندہ کیتے گئے تے عالمِ بالا دی جستجو وِچ رہوو جیتھے مسیح دے دائیں پاسے بیٹھا ہویا اے۔ عالمِ بالا دی شیواں دے خیال وِچ رہوو نہ کہ زمین دیاں شیواں دے‘‘ (کُلسیوں 3: 1۔2)۔

تے خداوند تہانوں بالکل اینج ای کرن دے لئی اُو فضل تے ایمان بخشے! آمین۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔