خاوموشی تے دانشمندی

ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔

واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔

جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔

کُجھ لوکی کہندے نے، ’’میں نئیں جانندا کہ خدا واقعی موجود اے یا نئیں۔‘‘ دوجے کہندے نے، ’’میں جاننا آں کہ اُو موجود نئیں اے۔‘‘ فیر وی دوجے لوکی کہندے نے، ’’اُوہدا وجود ایس گل تے منحصر اے کہ تُسی کی یقین رکھدے اُو۔‘‘ لیکن ایگنوسٹیسزم agnosticism[شک دی نظر نال ویکھنا]، دہریت [خدا نوں نہ مننا] تے مابعد جدیدیتpost-modernism ایہناں ساریاں دا جواب ایس تلاوت وِچ دِتا گیا اے،

’’خاموش ہو جاؤ تے جان لوؤ کہ میں خدا آں‘‘ (زبور 46: 10)۔

آیت چھ کہندی اے، ’’غیر قوماں [کافراں] نے غصہ کیتا۔‘‘ جے کدی ایہ سچ سی تے اَس اوس توں وی بوہتا اے۔ لفظ ’’غصہ‘‘ دا مطلب اے ’’ہنگامہ برپا کرنا۔‘‘ تُسی تیز آمدورفت دے لئی مخصوص شاہراہ تے گڈی چلا رئے ہوو گے تے اِک SUV وِچ کُجھ کافر لوکی تہاڈے پیچھے گڈی دوڑا رئے ہون گے تے اُوہدی لائیٹاں چھپکان گے تے تہانوں کوسدے ہوئے گرجن گے، گویا تُسی اُوہناں دے سامنے گڈی چلان دی ہمت کرن دا ناقابلِ معافی گناہ کیتا ہووے۔

اَج خاموشی تلاش کرنا بہوتا مشکل اے۔ ہمیشہ اُوچی واج وِچ سٹیریو چلدا ہویا، کدرے نہ کدرے ٹی وی دا ناپسندیدہ شور، کُجھ شائرن دی واجاں، یا کتے دی چیخاں ہوندیاں نے۔ اینج لگدا اے کہ تُسی شور توں دور نئیں ہو سکدے۔ فیر وی ساڈی تلاوت کہندی اے،

’’خاموش ہو جاؤ تے جان لوؤ کہ میں خدا آں‘‘ (زبور 46: 10)۔

ساڈے باپ دادا دے کول خاموشی دے بارے وِچ کیہن دے لئی بہوتا کُجھ سی، تے خاموشی نال اُوہناں دا مطلب حرکت دی عدم موجودگی یا شور دی عدم موجودگی یا دوویں سی۔ اُوہناں نے محسوس کیتا کہ اُوہناں نوں دے دے گھٹ توں گھٹ اِک حصے دے لئی خاموش رہنا چائیدا اے، ورنہ اُو دِن ضائع ہو جائے گا۔ خدا نوں پہچانا جا سکدا اے … خاموشی وِچ بہترین۔ لہٰذا اُوہناں نے ایس گل نوں قائم کیتا، تے اینج ای مقدس صحیفے اعلان کردے نے۔ باطنی یقین خاموشی توں نکلدا اے۔ سانوں ہنے وی جاننا ہووے گا (اے ڈبلیو ٹوزرA. W. Tozer، خدا انسان نوں دسدا اے جیہڑا پرواہ کردا اے God Tells the Man Who Cares، کرسچن پبلیکیشنز، 1970، صفحہ 16)۔

’’خاموش ہو جاؤ تے جان لوؤ کہ میں خدا آں‘‘ (زبور 46: 10)۔

آؤ اَج سویرے ایس آیت دے مضمرات دے بارے وِچ مذید گہرائی نال غور کرئیے۔

دُنیا جیہنی بوہتی مشینی ہو جائے گی، اُوہدا خاموش رہنا اُوہنا ای مشکل اے۔ ساڈے کول جیہنی بوہتی مشیناں نے، ایہناں ای بوہتا شور اَسی محسوس کرنے آں۔ جدوں میں ایس واعظ تے کام شروع کیتا تے میرے دفتر دا فون بار بار بجدا رہیا۔ لوتھر، ایڈورڈز، ویزلی تے سپرجیئن نوں کدی وی بجن آلے فون توں نمٹنا نئیں پیہیا۔ پرانے زمانے وِچ خاموش رہنا بہوتا سہوکھا سی۔ میں حیران آں کہ کی ایہ ایہناں وجوہات وِچوں اِک ہو سکدی اے جیہدی وجہ توں 1859 دے بعد توں ساڈے کول قوم نوں جھنجھوڑ دین آلا حیاتِ نو نئیں ہویا اے۔ صنعتی انقلاب توں پہلاں تقریباً ہر نسل نے حیاتِ نو دا تجربہ کیتا سی۔ کی مشیناں دا شور جزوی طور تے قصوروار ہو سکدا اے؟ میہنوں اینج لگدا اے، کیوں جے ساڈی تلاوت کہندی اے،

’’خاموش ہو جاؤ تے جان لوؤ کہ میں خدا آں‘‘ (زبور 46: 10)۔

اگرچہ ٹوزر اپنے مضمون وِچ حیاتِ نو دے بارے چہ ایس خاص نکتے نوں سامنے نئیں لیہایا، لیکن میہنوں یقین اے کہ اُوہناں نے ایہدے تے میرے نال اتفاق کیتا ہووے گا۔ خدا نوں جانن د ے لئی چُپ رہنا پیہندا اے!

واعظ نوں خاموش نئیں ہونا چائیدا اے۔ میں جاننا آں کہ کُجھ لوکی ایس موضوع نال خاموش لہجے وِچ نمٹن گے، ایہ سوچ کے کہ تلاوت اِک مبلغ نوں خاموش رہن دے مطالبہ کردی اے۔ لیکن ایہو جیہا کُجھ نئیں ہوندا! اِک مبلغ نوں بولنا چائیدا اے، تے اطمینان بخش ’’تبلیغی گفتگو‘‘ نئیں ہونی چائیدی اے۔ اِک مبلغ نوں بائبل توں ایویں معلومات دینا چائیدی اے جیہڑی لوکاں دی توجہ حاصل کرے۔ ایہنوں ’’کلام دی تبلیغ کرنا‘‘ … ملامت کرنا، سرزنش کرنا، نصیحت کرنا‘‘ چائیدی اے (II تیمتھیس 4: 2)۔ اُوہنوں یوحنا اصطباغی، یسوع تے پولوس رسول وانگوں تبلیغ کرنی چائیدی اے۔ اُوہنوں پینتیکوست دے دِن پطرس وانگوں گل کرنی چائیدی اے، جدوں اُوہنے ’’اپنی واج اُوچی کیتی‘‘ (اعمال 2: 14)۔ جی نئیں، ساڈی تلاوت تبلیغ کرن دے بارے وِچ گل نئیں کر رئی اے۔ ایہ جانن دے بارے وِچ گل کر رئی اے۔ جے تُسی اُوس خدا نوں جاننا چاہندے اُو جیہدے بارے وِچ مبلغ تہانوں دس رہیا اے، تے تہانوں خاموش رہنا ہووے گا۔

’’خاموش ہو جاؤ تے جان لوؤ کہ میں خدا آں‘‘ (زبور 46: 10)۔

اُو بندہ جیہڑا کدی باطنی طور تے خاموش نئیں ہوندا اُو کدی وی اُوس خدا نوں نئیں پا سکدا جیہدے بارے وِچ مبلغ ظاہری طور تے گل کردا اے!

خاموش رہنا مشکل اے۔ تہانوں ایہدے لئی منصوبہ بندی کرنی ہووے گی تے ایہدے لئی سیلہ کڈنا ہووے گا۔ خدا نے کدی وی واعظاں وِچ سرے توں داخل ہوئے بغیر، تہاڈی روح تے خدا دی گرفت ہوئے بغیر، تہانوں اِک کُرسی تے بیٹھ کے سینکڑوں واعظ نئیں سُن سکدے! تہانوں خاموش رہن دی منصوبہ بندی کرنی ہووے گی۔ تہانوں خاموش رہن دے لئی ویلہ کڈنا ہووے گا – ورنہ خدا کدی وی تہاڈے نال باطنی گل نئیں کر سکے گا۔

تُسی کیوں سوچدے اُو کہ اَسی کلام پاک دے آیتاں دے نال خطبات دے خاکہ نوں مختصر اطلاع نامہ وِچ پان دی پریشانی وِچ کیوں پیہہ جاندے اُو؟ اَسی چاہنے آں کہ تُسی گھر جاؤ تے مختصر اطلاع نامے وِچ خاکے نو ویکھو، تے ایہدے بارے وِچ فیر توں سوچو۔

’’خاموش ہو جاؤ تے جان لوؤ کہ میں خدا آں‘‘ (زبور 46: 10)۔

ذاتی طور تے، میں واعظ دے دوران غور طلب گلاں یعنی نوٹس لین دے خلاف آں۔ کیوں؟ کیوں جے لوکاں وِچ ایہ سوچن دا رُجحان ہوندا اے کہ جے اُو اُوہنوں لکھدے نے تے اُو سنندے ای سمجھدے نے۔ سراسر بکواس! کِسے وی کالج دے طالب علم نوں پوچھو۔ جے تُسی کالج دے کلاس روم وِچ احتیاط نال لیکچر دی ضروری گلاں لکھ لیہندے اُو تے ایہدے مطلب ایہ نئیں اے کہ تُسی مواد نوں سمجھدے اُو۔ تہانوں گھر جا کے سوچنا پیہئے گا کہ تُسی ایس دِن کی سُنیا یا تُسی اِمتحان توں باہر ہو جاؤ گے۔

تے فیر وی، مطابقت یا مشہابت نامکمل اے۔ جی ہاں، تہانوں کلاس روم وِچ ضروری لیکچرز لکھ لیہنے چائیدے نے، کیوں جے تہانوں کلاس نوں سمجھن تے اِمتحان وِچ جوابات نوں دہران دے لئی ایہناں تحریر کردہ ضروری گلاں تے بار بار جانا پیہندا اے۔

لیکن اِک واعظ کُجھ مختلف ہوندا اے۔ ایہ صرف اُو معلومات نئیں نے جیہڑیاں تُسی جمع کر رئے اُو یا یاد کر رئے اُو۔ ایہ اِک تاثر اے۔ میں صحیض لفظ دے لئی جدوجہد کر رہیا آں۔ بہرحال، اِک تاثر – اُو سب توں بہتر لفظ اے جیہڑا میری سوچ دے نیڑے آ سکدا اے۔ تے تہانوں جانا ہووے گا تے خاموش رہنا ہووے گا، تے ایس تاثر اُوتے سوچنا ہووے گا، تے فیر ایہدے نال باطنی طور تے نمٹنا ہووے گا، ورنہ ایہدے نال تہانوں کُجھ وی فائدہ نئیں ہووے گا۔

’’خاموش ہو جاؤ تے جان لوؤ کہ میں خدا آں‘‘ (زبور 46: 10)۔

انسان عادت دی مخلوق اے۔ اَسی جیہڑا سِکھنے آں اُو عادت بن جاندا اے۔ مثال دے طور تے، میں اِکوینجاں وریاں توں گڈی چلا رہیا آں۔ سب توں پہلاں میہنوں یا دے کہ جدوں میں گڈی چلا رہیا سی تے میہنوں ہر کام دے بارے وِچ اِحتیاط نال سوچنا پیہندا سی۔ ہُن میں ’’اپنے طور تے بِلا اِرادہ خودبخود‘‘ چلانا آں۔ میہنوں جان بجھ کے فیصلہ کرن دی لوڑ نئیں اے کہ کی کرنا اے۔ ڈرائیونگ عادت بن گئی اے، ایہ ایہنا ای فطری اے جِنہا کہ پیدل ٹُرنا (جیہڑا شروع وِچ مشکل وی ہوندا اے – لیکن بعد چہ عادت نال ’’سہوکھا‘‘ ہو جاندا اے)۔

لیکن خطرہ ایہ اے – اَساں ساریاں دیاں مذہبی ’’عادتاں‘‘ نے۔ ایہدے نال کوئی فرق نئیں پیہندا کہ تُسی کوئی وی اُو، تُسی عام طور تے خدا، بائبل تے مذہب دے بارے وِچ سوچن دی عادت پائی اے۔ کوئی وی ایہدے توں بچ نئیں سکدا، کیوں جے ’’اِک بندے دے نافرمانی توں بہتیرے لوکی گنہگار ٹھہرے‘‘ (رومیوں 5: 19)۔ ہر انسان فطرتاً خدا وَلّوں اَنّہا ہوندا اے، گناہ دی فطرت نال پیدا ہویا ہوندا اے۔ تہاڈے کول خدا دے بارے وِچ خیالات نے، لیکن تُسی اُوہنوں نئیں جانندے۔ بائبل ایہ بہوتا واضح کردی اے جدوں ایہ کہندی اے کہ تُسی اُو،

’’[جِنہاں] دی عقل تاریک ہو گئی اے تے اُو اپنی سخت دِلی دی وجہ توں جِہالت وِچ گرفتار نے، تے خدا دی دِتی ہوئی حیاتی وِچ اُوہناں دا کوئی حصہ نئیں‘‘ (اِفِسیوں 4: 18)۔

لہذا، تُسی ’’[اپنے] دِل دے اَنّہے پن‘‘ وِچ، عادتاً خدا دے بارے وِچ غلط سوچدے رہندے اُو۔

’’دُنیا نے حکمت نال خدا نوں نئیں جانیا‘‘ (1 کرنتھیوں 1: 21)۔

ایس دُنیا دے لوکی اپنی عقل نال خدا نوں نئیں جان سکدے۔ خدا نوں نا منن آلا تے خدا نوں نا منن آلا ای رئے گا۔ اگنوسٹک اگنوسٹک ای رئے گا۔ بدھ مت مذہب نوں مانن آلا بدھسٹ بن کے ای رئے گا۔ کیتھولک اِک کیتھولک دے طور تے حیاتی بسر کردا رئے گا۔ فصلہ کُن ایونجیلیکل اِک فیصلہ کُن ایونجیلیکل دے طور تے حیاتی بسر کردا رئے گا۔ مسیح وِچ ایمان نہ لیہایا ہویا بپتسمہ شُدہ اِک غیر تبدیل شُدہ بپٹسٹ بن کے ای رئے گا۔ انسان عادت نال جڑی مخلوق اے۔ تے کوئی شے مضبوط مذہبی عادت توں بہوتی مضبوط نئیں اے۔

’’جیہدے وِچ خدا دا پاک روح نئیں اپو خدا دی گلاں قبول نئیں کردا‘‘ (I کُرِنتھِیوں 2: 14)۔

ایس گہری جڑاں آلی مذہبی جھڑپ توں نکلن دا واحد راستہ ایہ اے کہ تہاڈی بساط توں باہر دی طاقت تہانوں مذہب دے بارے وِچ تہاڈے عادی خیالات توں ’’جگائے‘‘۔ مذہب دے بارے وِچ تہاڈا پورا نظریہ پلٹایا جانا تے اُلٹایا جانا چائیدا اے۔ میہنوں ایہدے نال کوئی فرق نئیں پیہندا کہ تُسی 20 وریاں توں گرجا گھر جا رئے اُو، تے بائبل نوں پہلے صفحے توں آخریلے تیکر پڑھیا اے، جے تُسی مسیح وِچ ایمان لیہایا کے تبدیل نئیں ہوئے [غیر تبدیل شُدہ] اُو، تے تہاڈے ’’مذہبی عقائد‘‘ نوں اپنے اندر توں اپنی بساظ توں باہر دی طاقت دے ذریعے پلٹایا جانا تے اُلٹایا جانا چائیدا اے۔

’’تہانوں نئے سرے توں جنم لیہنا ہووے گا‘‘ (یوحنا 3: 7)۔

ہُں، ایہ کیون ہوندا اے؟ ٹھیک اے، پہلاں، تُہانوں ساڈی تلاوت دا کُجھ تجربہ کرنا چائیدا اے،

’’خاموش ہو جاؤ تے جان لوؤ کہ میں خدا آں‘‘ (زبور 46: 10)۔

الفاظ ’’خاموش رہوو‘‘ اِک عبرانی لفظ توں نے جیہدا مطلب اے ’’رک جاؤ، چھڈ دیو، جان دیو، ساکت رہوو‘‘ (سٹرانگ Strong)۔ اپنے خیالات نوں ’’روک دیو‘‘۔ اپنے خیالات نوں ’’چھڈ دیو‘‘۔ اپنے خیالات نوں ’’جان دیو‘‘۔

’’خاموش ہو جاؤ تے جان لوؤ کہ میں خدا آں‘‘ (زبور 46: 10)۔

اپنی احمقانہ گفتگو بند کرو، ایتھوں تیکر کہ اپنے دماغ وِچ احمقانہ گفتگو۔ ایہدے توں باز رہوو – ورنہ تُسی خدا نوں نئیں جان سکدے!

کئی وریاں پہلاں میہنوں تے میری ووہٹی نوں کوہ سینا جان دا شرف حاصل ہویا، جیتھے موسیٰ نوں دس احکام موصول ہوئے۔ سانوں صحرا وِچ، جزیرہ نما سینائی وِچ بہوتی دور جانا سی۔ اَسی اِک درجن دوجے امریکہ سیاحواں دے نال اِک بس وِچ گئے۔ دوجے لوکاں وِچوں کوئی وی انجیلی بشارت دا مسیحی نئیں سی۔ اُو سارے راستے احمقانہ گفتگو کردے رئے تے سگریٹ نوشی کردے رئے تے شراب پیہندے رئے۔ میں تے میری ووہٹی خاموشی نال بیٹھ گئے جدوں کہ اُو مسلسل گلاں کر رئے سن۔ فیر بس آخیر کار کوہ سینا دے دامن وِچ پہنچی تے اَسی رات گزارن دے لئی رُک گئے۔ بس چلان آلے بندے نے پہاڑ تے چڑھن دے لئی اگلے دِن صبح سویرے اُٹھن توں پہلاں ساڈے سون دے لئی اِک وڈا خیمہ لگایا۔ جدوں خیمہ کُھل گیا تے اَسی رات دا کھانا کھادا۔ جدوں اَسی فارغ ہوئے تے سورج تقریباً غروب ہو چکیا سی۔ فیر اُو لوکی سگریٹ نوشی تے شراب نوشی کرن لگے تے مخول کرن تے گلاں کرن لگے۔ میں اُوہناں توں دور ودھدے ہوئے انہیرے وِل ٹُر گیا۔ تُسی ایہدے بارے چہ میرے توں پہلاں وی سُنیا اے، کیوں جے ایہ اِک شاندار تجربہ سی۔ میں ایس ہجوم توں دور ٹر گیا – تے اچانک میہنوں خاموشی دا شدت نال احساس ہویا۔ ایہناں لوکاں دے شور نوں صحرا نے نِگل لیہیا سی۔ میں ایہنوں کسی ہُور طرح نال بیان نئیں کر سکدا۔ اُوہناں دی نشے وِچ دھت احمقانہ گفتگو دا شور ایس وسیع و عریض صحرائی تھاں دی مکمل خاموشی وِچ نگلا گیا سی۔ تے فیر اُوتھے خدا سی۔ میں ایہنوں کسی ہُور طرح نال بیان نئیں کر سکدا – تے فیر خدا اُوتھے سی۔ میں نٹھیا تے اپنی ووہٹی نوں لے آیا۔ میں اُوہدا ہتھ پھڑ کے کہیا، ’’گلاں نئیں کرنیاں۔‘‘اَسی خاموشی وِچ ہتھ جوڑ کے ابراہیم، اضحاق تے یعقوب دے خدا دی حضوری وِچ ٹر گئے۔ ایہنی خاموشی سی کہ تُسی اپنے دِل دی دھڑکن سُن سکدے سی۔ تے ایس خاموشی وِچ تُسی خدا نوں محسوس کر سکدے سی۔

میں ایس ویلے خدا دی موجودگی نوں محسوس کر رہیا آں، جیس ویلے کہ میں ایہ واعظ لکھ رہیا آں۔ اُو ایتھے میرے نال کمرے وِچ اے۔ میں اپنی مطالعہ گاہ توں چند گھنٹیاں دے لئجی نکل آیا سی، لیکن میں واپس آ گیا آں۔ ہُن اَدھی رات دے بعد دا ویلہ اے۔ فون بجنا بند ہو گیا اے۔ ہر کوئی بستر تے اے۔ میں اپنی مطالعہ گاہ وِچ اکیلا آں۔ دور اِک کُتا ہولے ہولے بھونک رہیا اے۔ ہُن کٹے [دا بھونکنا] رُک گیا۔ ساڈا گھر خاموشی وِچ ڈوبیا ہویا اے۔ میں کاغذ تے ایہ الفاظ لکھدے ہوئیاں اپنے قلم دی واج سُن سکنا آں۔ تے خدا ایتھے موجود اے۔ ایہناں واضح نئیں جِنہاں کے اُو اُوس شام کوہ سینا تے سی، لیکن میرے لئی اُوہدی موجودگی نوں محسوس کرن دے لئی، ایہ جانن دے لئی کہ اُو اَج رات میرے نال اے، میرے لجئی ایہناں الفاظ نوں اپنا بنان دے لئی کافی اے۔

’’خاموش ہو جاؤ تے جان لوؤ کہ میں خدا آں‘‘ (زبور 46: 10)۔

جدوں تُسی خاموش اُو تے سُنندے اُو تے کوئی شک کیویں ہو سکدا اے؟ کوئی دوجا معبود یا روح کینج ہو سکدا اے – جدوں تُسی خاموش اُو تے سُنندے پیہئے اُو؟

’’جدوں توں کہیا، میرے چہرے نوں تلاش کر؛ میرے دِل نے تیہنوں کہیا، اے خداوندا، میں تیرا چہرہ لبھاں گا‘‘ (زبور 27: 8)۔

میں سمندر دے کنارے خاموشی وِچ خدا نوں محسوس کیتا اے۔ میں صحرائے سینا دی خاموشی وِچ خدا نوں محسوس کیتا اے۔ میں اَدھی رات دے بعد اپنی مطالعہ گاہ دی خاموشی وِچ خدا نوں محسوس کیتا اے۔ تے میں حقیقی حیاتِ نوں دے دوران دو خاص ویلیاں تے خدا دی موجودگی نوں محسوس کیتا اے، جدوں اُوہناں گرجا گھراں تے اِک زبردست سکوت طاری ہوگیا جیہڑے کہ لوکاں نال بھرے ہوئے سن، اُو ایس قدرخاموش ہو گئے سن کہ تُسی پنڈال دے اِک کونے وِچ اِک عورت نوں ہولے ہولے روندیاں ہوئیاں سُن سکدے سی، جدوں کہ لوکی ایس قدر متاثر ہو ئگے سن کہ اُو اِک لفظ وی نئیں کہہ سکدے سن، بلکہ صرف تعجب نال کِھلوتے سن۔

میرا ذہن اِک وری فیر صحرا وِچ، افریقہ دے شمال وِچ، کوہ سِینا تے واپس ٹُر جاندا اے۔ میں تے میری ووہٹی تقریباً وی منٹاں تیکر خدا دی حضوری وِچ خاموشی نال کِھلوتے رئے، ایتھوں تیکر کہ سورج غروب ہو گیا تے اَنّیہرا چھا گیا۔ اَسی خاموشی نال واپس خیمے وَل مُڑ گئے۔ لوکی ہُنے تیکر احمقانہ گلاں کر رئے سن۔ میں جاننا آں کہ لفظ ’’احمقانہ گفتگو‘‘ کہندے رہنا بے کار اے – لیکن ایہ اُوہناں دی بیکار بک بک نوں بیان کرن دے لئی بہترین لفظ اے۔ اَسی ایس لئی شامل نئیں ہوئے، موسیٰ وانگوں، اَسی محسوس کیتا کہ اَسی ’’مقدس زمین‘‘ اُوتے سی (خروج 3: 5)۔ اَسی یعقوب وانگوں محسوس کیتا جدوں اُوہنے کہیا، ’’یقیناً خداوند اُوس تھاں موجود اے‘‘ (پیدائش 28: 16)۔ اَسی خدا دی حضوری توں سیدھے سون دے لئی ٹُر گئے – تے اَسی آرام نال سو گئے۔ لوکی ہُنے تیکر احمقانہ گفتگو کر رئے سن جدوں اَسی سون دے لئی روانہ ہوئے۔ اُو اگلے دِن پہاڑ تے پورے راستے احمقانہ گفتگو کردے رئے۔ جدوں اَسی پہاڑ دی چوٹی تے کھڑے ہوئے، بالکل اُوسی تھاں جیتھے موسٰی نوں دس احکام ملے سن، اُو ہُنے وی سگریٹ نوشی تے گپ شپ کر رئے سن۔

ہُن، میں تہانوں پُچھنا آں، کی تُسی احمقانہ گفتگو کرن آلیاں وِچوں اُو، یا تُسی اِک ایہو جئے بندے اُو جیہڑا وقتاً فوقتاً گل کرنا چھڈ دیہندے نے، الفاظ نوں سوچنا چھڈ دیہندے نے، استدلال کرنا چھڈ دیہندے نے – تے صرف خدا دے حضور سجدہ ریز ہوندے نے؟ جے تہانوں ایہ تجربہ کدی نئیں ہویا اے تے میہنوں تہاڈے تے ترس آندا اے۔ کوئی تعجب نئیں کہ تہاڈے کول بہوتے سارے شکوک تے نظریات نے۔ تہاڈا دماغ کافی دیر تیکر خاموش رہن دے لئی احمقانہ گفتگو کرنا بند نئیں کرے گا، ایس بارے وِچ ساڈی تلاوت کی گل کر رئی اے کافی دیر تیکر تجربہ کرنا بند نئیں کرے گا:

’’خاموش ہو جاؤ تے جان لوؤ کہ میں خدا آں‘‘ (زبور 46: 10)۔

میں دہرانا آں: تجربہ شعوری بیداری اے۔ ایس قسم دی تصدیق تے گواہی زمانے دے عظیم لوکاں نے سکھائی تے اُوہناں دا خزانہ جمع کیتا سی۔ خدا دی موجودگی دا شعوری شعور! میں کسی وی ماہر الہٰیات یا اُستاد نوں یسوع مسیح دے مانن آلے گرجا گھر وِچ [شعوری بیداری دے] نا ہون دی گل کرن توں اِنکار کرنا آں! (اے ڈبلیو ٹوزر A. W. Tozer، اُو لوکی جیہڑے خدا نوں ملےMen Who Met God، کرسچن پبلیکیشنز Christian Publications، دوبارہ اشاعت 1986، صفحہ 12)۔

لیکن جدوں اُو [خدا] آندا اے تے تہانوں اُوہنوں پہچانن دے لئی بہوتا خاموش رہنا چائیدا اے۔

’’خاموش ہو جاؤ تے جان لوؤ کہ میں خدا آں‘‘ (زبور 46: 10)۔

ایہو ای وجہ اے کہ ہر مسیحی نوں ہر روز تنہائی دا ویلہ گزارنا چائیدا اے – دُنیا دے شور توں دور، اپنے دماغ دی احمقانہ گفتگو توں دور – اِک پُرسکون ویلہ، شاید روزانہ بائبل پڑھن دے بعد، جدوں تُسی دعا کر رئے ہوو، جدوں تُسی صرف چند لمحیاں دے لئی خدا دے حضور کِھڑے یا بیٹھ سکدے اُو۔ ایہو جیہا ویلہ لنگہانا قابلِ قدر ہو جائے گا۔ ایہناں پرسکون لمحیاں وِچ حیاتی دا دریا تہاڈی روح وِچ بہے گا۔ تے تُسی دُنیا دی ہلچل وِچ اِک بدلے ہوئے انسان وانگوں چلو گے، ایوب وانگوں جِنہے کہیا،

’’یقیناً خداوند ایس تھاں موجود اے، تے میہنوں ایہدا علم نئیں سی‘‘ (پیدائش 28: 16)۔

’’خاموش ہو جاؤ تے جان لوؤ کہ میں خدا آں‘‘ (زبور 46: 10)۔

میں تہانوں بدھ مت دے غوروفکر تے عمل کرن یا ہندو مراقبے دا تجربہ کرن دے لئی نئیں کہہ رہیا آں۔ میں کلام دے خدا تے غور کرن دی گل کر رہیا آں۔ دُنیا شیطاناں نال بھری ہوئی اے تے شیطان خود کدی وی روشنی دے فرشتے دے طور تے ظاہر ہوندا اے۔ لیکن جے تُسی پاک کلام دے خدا نوں اپنے کول آن دی تلاش کردے اُو تے تُسی اُوہدے فریب وِچ نئیں آؤ گے۔ اُو ایماندار طالب نوں کسی دوجے جذبے نال مایوس یا فریب نئیں ہون دے گا۔ ایہ وعدہ بائبل وِچ دو وری لفظ بہ لفظ دِتا گیا اے۔

’’جے تُسی اُوہنوں لبھو گے تے اُو تہانوں مل جائےگا‘‘ (1 تواریخ 28: 9)۔

’’جے تُسی اُوہنوں لبھو گے تے اُو تہانوں مل جائے گا‘‘ (II تواریخ 15: 2)۔

جدوں خدا اِک وری وعدہ کردا اے، تے اَسی اُوہدے تے پروہسا کر سکنے آں کہ اُوہن کہ وعدہ کیتا اے۔ لیکن ایہ وعدہ بائبل وِچ دو وری دِتا گیا اے۔ ایس لئی سانوں دوہرا یقین اے کہ ایہ سچ اے۔ لیکن ایس وعدے دے نال اِک شرط جڑی ہوئی اے۔ ایہ سب دے لئی نئیں اے، کیوں جے ہر کوئی ایس شرط نوں پورا نئیں کرے گا۔ تے شرط اُوسی [خدا] دی تلاش کرنا اے۔ خدا اپنے آپ نوں اُوہناں لوکاں تے ظاہر نئیں کردا جیہڑے اُوہدی تلاش توں اِنکار کردے نے۔

’’جے تُسی اُوہنوں لبھو گے تے اُو تہانوں مل جائے گا‘‘ (II تواریخ 15: 2)۔

کی میہنوں تہانوں مشورہ دین دی لوڑ اے کہ ساڈے دور دی بہتیری نام نہاد ’’ستائشی عبادتاں‘‘ وِچ پائے جان آلے ہنگامے تے شور توں بچن؟ ایس قسم دی گل جیہڑی اَج دے دور وِچ کُجھ خاص ’’وڈے‘‘ مذہبی ٹی وی شوز تے بہوتے مشہور نے شاید ای لوکاں نوں تنہائی دی دعا یا خاموش عبادت وَل لے جائے گی۔

میں اُوچی واج وِچ گان تے منادی کرن تے یقین رکھنا آں، لیکن ساڈے گان تے تبلیغ دے پیغام نوں لوکاں نوں باطنی طور تے خدا دی تلاش وَل راغب کرنا چائیدا اے۔ جے تُسی خدا نوں باطنی طور تے لبھہو گے تے اِک پاسے تہانوں اپنے ای مغرور دِل دا سامنے کرنا ہووے گا تے دوجے پاسے تہاڈے گناہ دا۔ تُسی ویکھو گے کہ تہاڈی آدم آلی فطرت تے تہاڈے حقیقی گناہ تہانوں خدا توں روکدے نے۔ تُسی خدا نوں تلاش کرن دی کوشش کرن گے، لیکن لیکن تہانوں پتا چلے گا کہ

’’تہاڈی بدکاریاں نے تہاڈے تے تہاڈے خدا دے وِچکار جدائی پا دِتی اے، تے تہاڈے گناہواں نے اُوہدے چہرہ تہاڈے توں لُکہا دِتا اے‘‘ (اشعیا 59: 2)۔

ایس حالت وِچ، خدا نوں لبھہدے ہوئے لیکن ایہ محسوس کردے ہوئے کہ تُسی اُوہدے توں گناہ دے ذریعے الگ ہو گئے اُو، تُسی اُمید دے نال یسوع دی ضرورت نوں ویکھو گے۔

’’کیوں جے خدا اِک اے، تے خدا تے انساناں دے وِچکار اِک ای ثالث اے، اُو انسان مسیح یسوع اے‘‘ (1۔ تیمتھیس 2: 5)۔

خدا دے نال امن حاصل کرن دے لئی تہاڈی جِدوجہد اُوس ویلے مُک جائے گی جدوں تُسی مسیح دے کول آؤ گے، جِنہے سولی تے تہاڈے گناہ دی پوری ادائیگی کیتی۔ ایہ یسوع سی جِنہے کہیا،

’’اے محنت کشو تے بوجھ نال دبے ہوئے لوکو، میرے کول آؤ تے میں تہانوں آرام بخشاں گا‘‘ (متی 11: 28)۔

جدوں تُسی مسیح دے کول آندے اُو، تے تہاڈا گناہ اُوہدے موت دے وسیلے توں معاف ہو جاندا اے تے اُوہدے لہو تے وسیلے توں پاک ہو جاندا اے۔

’’چونکہ، اَسی ایمان دی وجہ توں راستباز ٹھہرائے گئے آں، ایس لئی ساڈے خداوند یسوع المسیح دے وسیلہ توں ساڈی خدا دے نال صُلح ہو چکی اے‘‘ (رومیوں 5: 1)۔

جدوں تُسی یسوع دے وسیلے نال خدا دے نال صُلح وِچ آندے اُو، تے تُسی خدا دی موجودگی توں لطف اندوز ہو سکو گے۔

’’خاموش ہو جاؤ تے جان لوؤ کہ میں خدا آں‘‘ (زبور 46: 10)۔

آؤ کِھلو جائیے تے گیتاں دے ورق وِچوں حمدوثنا دا اَخیرلا گیت گائیے۔

عظیم خدا، جدوں میں تیرے تخت دے نیڑے پہنچنا آں، تے تیرا سارا جلال ویکھنا آں۔
ایہو ای میرا بسیر اے، تے تنہا ایہو ای، کہ یسوع میرے لئی مریا۔

مرن دی سزا دین آلی روح انصاف دے حکم توں کیویں بچ سکدی اے؟
میں اِک ناپاک، نالائق بدبخت آں، لیکن یسوع میرے لئی مر گیا۔

گناہ دی جابرانہ زنجیر نال بوجھل، اوہ، میں کیویں آزاد ہو سکنا آں؟
کوئی وی امن میری ساریاں کوششاں نال حاصل نئیں ہو سکدا، لیکن یسوع میرے لئی مریا۔

میں اپنی راہ تے صحیح طور تے گامزن نئیں رہ پایا، حیاتی دے طوفانی سمندر وِچوں،
ایس سچائی نے میرے خوف نوں کی دور نئیں کیتا، کہ یسوع میرے لئی مریا۔

تے اے خداوندا، جدوں میں تیرا مُکھڑا ویکھاں گا، تے ایہ سب میری اِلتجا ہووے گی۔
میہنوں اپنے قادرِ مطلق فضل دے وسیلے توں نجات دِلا، کیوں جے یسوع میرے لئی مریا۔
(’’یسوع میرے لئی مریا‘‘ شاعر ولیم ہیلی باتھرسٹ William Hiley Bathurst، 1796۔1877؛
’’جدوں تیری ساریاں رحمتاں، اے میرے خدا‘‘ دی دھن تے گایا گیا)۔

جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔

(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‏‘‘پنجابی وِچ واعظ’’ تے کِلک کرو۔

واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔