ایس ویب سائٹ دا مقصد ساری دُنیا وِچّ، تے خصوصی طور تے تیجی دُنیا وِچّ جِتھے علم الہٰیات دی سیمنریاں یا بائبل سکول جے ہین تے تھوڑے بُہتے ہی ہین تے اُوتھے مشنریاں لئی تے پادری صاحبان لئی مفت وِچّ واعظاں دے مسوّدیاں دیاں ویڈیوز فراہم کرنا اے۔
واعظاں دے اے مسوّدے تے ویڈیوز ہُن تقریباً 1,500,000 کمپیوٹراں تے 221 توں زیادہ ممالک دے وِچّ ہر مہینے www.sermonsfortheworld.com تے ویکھے جاندے نے۔ سینکڑوں دوجّے لوکی یوٹیوب تے ویڈیوز ویکھدے نے، لیکن اُو چھیتی یوٹیوب چھڈ دیندے نے تے ساڈی ویب سائٹ تے آ جاندے نے کیوں جے ہر واعظ اُنہاں نوں یوٹیوب نوں چھڈ کے ساڈی ویب سائٹ ول آن دی راہ ویکھاندا اے۔ یوٹیوب لوکاں نوں ساڈی ویب سائٹ تے لے کے آندی اے۔ ہر مہینے تقریباً 120,000 کمپیوٹراں تے لوکاں نوں 46 زباناں دے وِچّ واعظاں دے مسوّدے پیش کیتے جاندے نے۔ واعظاں دے مسوّدے اشاعت دا حق نئیں رکھدے تاں مبلغین اِناں نوں ساڈی اجازت توں بغیر اِستعمال کر سکن۔ مہربانی نال ایتھے اے جانن واسطے کِلک کرو کہ تُسی کیویں ساری دُنیا دے وِچّ خوشخبری دے اِس عظیم کم نوں پھیلان دے لئی ساڈی مدد ماہانہ چندہ دیَن دے نال کر سکدے اُو۔
جدّوں وی تُسّی ڈاکٹر ہائیمرز نوں خط لکھو تے اُنہاں نوں ہمیشہ دسّو کہ تُسی کہڑے مُلک وِچّ رہندے اُو، ورنہ اُو تہاڈے خط دا جواب نئیں دے سکن گے۔ ڈاکٹر ہائیمرز دا ای۔ میل ایڈریس rlhymersjr@sbcglobal.net ہے۔
تُسی اِک مسیحی بن سکدے اُو!YOU CAN BECOME A CHRISTIAN! (Punjabi – A Language of Pakistan) ڈاکٹر آر ایل ہائیمرز جونیئر وَلّوں ’’جیہڑا کوئی میرے کول آئے گا میں اُوہنوں اپنے توں جُدا نہ ہون دیاں گا‘‘ (یوحنا 6: 37)۔ |
جدوں تُسی واعظ دے بعد میرے دفتر وِچ میہنوں مِلن دے آندے اُو تے تہاڈے وِچوں کُج دے چہریاں تے عجیب جئی کیفیت ہوندی اے۔ ساڈے گرجا گھر دے مرداں وِچوں اِک جیہڑے کیہ جیل دے پادری صاحب نے اُوہناں نے پچھلی راتی ایس گل تے غور کیتا۔ اُوہناں نے میہنوں کیہیا، ’’ایہناں دے اُوہی تاثرات نے جیہڑے میں اِک شخص دے ویکھے سن جِنہوں دو وری کسی پیرول دے بغیر عمر قید دی سزا سُںائی گئی سی۔ ایہناں دے چہرے دے تاثرات اُوہی نے جیہڑے اُوس مجرم قاتل دے نے – جِنہاں دے فیر توں آزاد ہون دا کوئی اِمکان نئیں اے۔ اینج لگدا اے کہ اُوہناں نے ساریاں اُمیداں چھڈ دِتیاں نے۔‘‘ میہنوں لگدا اے کہ اُو صحیح نے۔ میں سمجھنا آں کہ تہاڈے وِچوں کُج نوں کدی وی بچائے جان دی کوئی اُمید نئیں اے۔ لیکن تُسی غلطی تے اُو! تہانوں اَج دی ای انتہائی راتی بچایا جا سکدا اے! میں جاننا آں کہ تُسی میرے تے یقین نئیں کردے، لیکن میں تہانوں قائل کرن دی کوشش کرنا آں کہ ایہہ سچ اے۔ میں خلوص نال یقین رکھنا آں کہ ایتھے کوئی ایس راتی مسیح بن سکدا اے۔ میں اینج کیوں سوچنا آں؟
I۔ پہلی گل، کیوں جے یسوع نے تہانوں اُوہدے کول آن تے نجات پان دے لئی کُھلی دعوت دِتی سی۔
اُوہنے کہیا،
’’جیہڑا کوئی میرے کول آئے گا میں اُوہنوں اپنے توں جُدا نہ ہون دیاں گا‘‘ (یوحنا 6: 37)۔
دورِ حاضرہ دی انگریزی وِچ ایہدا ترجمہ ایویں وی کیتا جا سکدا اے،
’’جہیڑا کوئی میرے کول آئے گا اُوہنوں کدی وی دور نئیں کراں گا۔‘‘
ڈاکٹر جے ورنن میگی Dr. J. Vernon McGee اِک شدید کیلوینسٹک پریسبائٹیرئین پس منظر توں آئے سن، لیکن اُوہناں نے کہیا کہ ایہہ آیت انسانی سمجھ توں بالاتر اے۔ چناؤ تے آزاد مرضی دے بارے وِچ اُوہناں نے کہیا،
میں نئیں جانندا کہ ایہناں وِچ ہم آہنگی کیویں کیتی جائے، لیکن دوویں سچے نے۔ [خدا] باپ لوکاں نوں مسیح نوں پیش کردا اے، لیکن لوکاں نوں [اُوہدے کول] آنا اے … تُسی تے میں ایتھے تھلے [زمین تے] آں، تے اَسی آسمان دی مشینری نوں نئیں ویکھدے۔ میں نئیں جانندا کہ خدا کیویں چناؤ… چِلاندا اے لیکن میں جاننا آں کہ اُوہنے تہانوں تے میہنوں آزاد مرضی دِتی اے تے سانوں اٰیہنوں استمعال کرنا اے … تے میرے دوست، تُسی چناؤ دے بارے وِچ جِنہی چاہوو بحث کر سکدے اُو لیکن تُسی [اُوہدے کول] آ سکدے اُو۔ تے جے تُسی آؤ گے تے اُو تہانوں خود توں دور نئیں کرے گا۔ کوئی پُچھ سکدا اے، ’’تہاڈا مطلب اے کہ جے میں چُنیدہ نئیں آں تے فیر وی آ سکنا آں؟‘‘ میرے دوست، جے تُسی آؤ گے تے تُسی چُنیدہ ہوو گے۔ ایہہ کیہنا زبردست اے! (بائبل وِچوں Thru the Bible، تھامس نیلسنThomas Nelson، 1983، جلد چہارم، صفحہ405)۔
ایس بارے وِچ نہ سوچو کہ آیا تُسی چُنیدہ ہو یا نئیں۔ ایہدا خیال وی مت لیہیاؤ۔ بس اُوہدے کول آ جاؤ۔
’’جہیڑا کوئی میرے کول آئے گا اُوہنوں کدی وی دور نئیں کراں گا۔‘‘
’’جیہڑا کوئی میرے کول آئے گا میں اُوہنوں اپنے توں جُدا نہ ہون دیاں گا‘‘ (یوحنا 6: 37)۔
II۔ دوجی گل، بائبل دی مثالاں دے بارے وِچ سوچو، جیہڑیاں ظاہر کردیاں نے کہ یسوع نے کدی وی کسی نوں وی جیہڑا اُوہدے کول آیا خود توں جُدا نئیں کیا یا دور نئیں کیتا۔
1. اِک آسیب زدہ بندہ اُوہدے کول آیا تے اُوہنے فوراً نجات پا لئی سی۔
’’جدو اُوہنے دُور توں یسوع نوں ویکھیا تے دوڑ کے اُوہدے کول پہنچیا تے اُوہدے سامنے سجدہ چہ ڈِگ گیا‘‘ (مرقس 5: 6)۔
تے یسوع نے اُوہنوں کہیا، گھر جا تے اپنے لوکاں نوں دس کہ خداون نے تیرے لئی کی کُج کیتا اے تے تیرے تے رحم کھادا اے تے سارے لوکی حیران رہ گئے‘‘ (مرقس 5: 19)۔
’’جہیڑا کوئی میرے کول آئے گا اُوہنوں کدی وی دور نئیں کراں گا۔‘‘
’’جیہڑا کوئی میرے کول آئے گا میں اُوہنوں اپنے توں جُدا نہ ہون دیاں گا‘‘ (یوحنا 6: 37)۔
2. اِک عورت جیہڑی بدچلن سی اُوہدے کول آئی تے فوراً نجات پا گئی سی۔
فریسی نے کہیا، ’’ایہہ شخص [یسوع]، جے ایہہ نبی ہوندا تے جان لیہندا کہ جیہڑی عورت اُوہنوں چھو رئی اے اُو کون اے تے کیہو جئی عورت اے یعنی کہ اُو بدچلن اے‘‘ (لوقا 7: 39)۔
’’تے اُوہنے اُوس [عورت] نوں کیہیا، تیرے گناہ معاف ہوئے‘‘ (لوقا 7: 48)۔
’’جہیڑا کوئی میرے کول آئے گا اُوہنوں کدی وی دور نئیں کراں گا۔‘‘
’’جیہڑا کوئی میرے کول آئے گا میں اُوہنوں اپنے توں جُدا نہ ہون دیاں گا‘‘ (یوحنا 6: 37)۔
3. اِک اَنّہا شخص اُوہدے کول آیا تے فوراً نجات پا گیا۔
’’اَنّہا برتمائی … راہ دے کنارے بیٹھا بھیک منگ رہیا سی۔ جیویں اے اُوہنے سُنیا کہ یسوع ناصری اُوتھے ای اے، تے اُو چیخ چیخ کے کہن لگا، اے یسوع، اِبنِ داؤد میرے تے رحم کر … تے اُوہنے اپنی گُڈری اُتار سُٹی تے اُچھل کے کِھلو گیا تے یسوع دے کول آ گیا … تے اُوہنے اُوسی دَم اپنی بینائی پائی‘‘ (مرقس 10: 46، 47، 50، 52)۔
’’جہیڑا کوئی میرے کول آئے گا اُوہنوں کدی وی دور نئیں کراں گا۔‘‘
’’جیہڑا کوئی میرے کول آئے گا میں اُوہنوں اپنے توں جُدا نہ ہون دیاں گا‘‘ (یوحنا 6: 37)۔
اِک آسیب زدہ شخص، اِک عورت جیہڑی بدچلن سی، اِک اَنّہا بندہ – اُوہناں ساریاں نوں معولم ہو گیا کہ ایہہ گل سچی سی –
’’جہیڑا کوئی میرے کول آئے گا اُوہنوں کدی وی دور نئیں کراں گا۔‘‘
’’جیہڑا کوئی میرے کول آئے گا میں اُوہنوں اپنے توں جُدا نہ ہون دیاں گا‘‘ (یوحنا 6: 37)۔
تُسی شاید گناہ توں انتہائی بھرپور ہوو – لیکن تُسی یسوع دے کول آ سکدے اُو تے اُو تہاڈے گناہواں نوں معاف کر دیوے گا تے تہانوں نجات بخشے گا۔ تُسی شاید بد روحواں تے شیطان توں تذبذب دا شکار ہوو، لیکن تُسی یسوع دے کول آ سکدے اُو تے اُو تہاڈے گناہواں نوں معاف کر دیوے گا تے تہانوں نجات بخشے گا۔ تُس شاید اَنّہے ہوو تے اُوس [یسوع] نوں ویکھنے دے قابل نہ ہوو، جیویں اَنّہا برتمائی، لیکن تُسی یسوع دے کول آ سکدے اُو تے اُو تہاڈے گناہواں نوں معاف کر دیوے گا تے تہانوں نجات بخشے گا۔
’’جیہڑا کوئی میرے کول آئے گا میں اُوہنوں اپنے توں جُدا نہ ہون دیاں گا‘‘ (یوحنا 6: 37)۔
’’جہیڑا کوئی میرے کول آئے گا اُوہنوں کدی وی دور نئیں کراں گا۔‘‘
III۔ تیجی گل، کی ہووے گا جے تُسی خوفزدہ ہوو؟
بے شمار لوکی خوفزدہ ہوندے نے۔ اُو خوف توں بھر جاندے نے جدوں میں اُوہناں نوں یسوع دے کول آن دے لئی کہنا آں۔ ساڈے گرجا گھروِچ کڑیاں وِچوں اِک [کُڑی] اُوہناں وگری سی۔ جدوں کدی وی میں اُوہنوں یسوع دے کول آن دے لئی پُچھدا سی تے اُو خوفزدہ ہو جاندی سی۔ اُو خوفزدہ سی کہ اُوہدے توں غلطی ہو جائے گی۔ اُو خوفزدہ سی کہ اُو صرف الفاظ ادا کرے گی۔ اُو خوفزدہ سی کہ اُوفیر توں نااکام ہو جائے گی۔ اُو ہر قسم دے خوفاں توں بھری پیہئی سی۔ لیکن اِک راتی اُو کسی نہ کسی طور یسوع دے کول آئی۔ تے اُوسی راتی یسوع نے اُوہنوں نجات بخش دِتی۔ اُوہسی لمحے اُوہنے نجات پا لئی سی – جیس لمحے اُو اُوس دے کول آئی سی۔
پطرس ڈر گیا جیس راتی اُوہنے یسوع نوں گلیل دی جھیل دے پانی تے ٹردے ویکھیا۔ یسوع نے کہیا، ’’آ جا‘‘ (متی 14: 29)۔
’’چنانچہ پطرس کشتی توں اُتر کے یسوع دے کول جان دے لئی پای تے ٹرن لگا۔ مگر جدوں ہوا دا زور ویکھیا تے ڈر گیا تے ڈوبن لگا۔ فیر اُوہنے چِلا کے کہیا، اے خداود میہنوں بچا۔ تے یسوع نے فوراً ہتھا ودھایا تے پطرس نوں پھڑ لیہیا …‘‘ (متی 14: 29۔31)۔
اُو خوفزدہ سی، لیکن اُو کسی نہ کسی طور یسوع دے کول آیا تے یسوع نے اُوہنوں بچا لیہیا!
بائبل سانوں دسدی اے کہ کورنیلیئس ’’خوفزدہ سی‘‘ (اعمال 10: 4)۔ تھوڑی دیر بعد اُو وی یسوع دے کول آیا تے یسوع نے اُوہنوں بچا لیہیا سی۔
ساڈے گرجا گھر وِچ اُوس لڑکی کولوں پُچھو جیہڑی خوفزدہ سی، لیکن کسی نہ کسی طور اُو یسوع دے کول آئی! تُسی یسوع دے کول آ سکدے اُو ایتھوں تیکر کہ جے تُسی خوفزدہ وی ہوو – جیویں پطرس نے کیتا، جیویں کورنیلیئس نے کیتا سی۔
بے شک اُچھالیا گیا، میں جیہو جیہیا وی آں
بہوتی کشمکش وِچ ، بہوتے شکوک وِچ،
اپنے چہ خوف تے جھگڑیاں دے نال تے بغیر،
اے خدا دے برّے، میں آیا! میں آیا!
میں جیہو جیہا وی آں، توں کمزور نوں وی قبول کر لئے گا،
کمزور نوں وی آرام دِتا، پاک صاف تے معاف کیتا تے خوش آمدید کہیا؛
کیوں جے تیرے وعدے تے میں یقین کرنا آں۔
اے خُدا دے برّے، میں آیا! میں آیا!
(’’میں جیہو جیہا وی آں Just As I Am‘‘ شاعرہ شارلٹ ایلیٹ Charlotte Elliott، 1789۔1871)۔
کیہو جیہا اِک وعدہ؟
’’جیہڑا کوئی میرے کول آئے گا میں اُوہنوں اپنے توں جُدا نہ ہون دیاں گا‘‘ (یوحنا 6: 37)۔
’’جہیڑا کوئی میرے کول آئے گا اُوہنوں کدی وی دور نئیں کراں گا۔‘‘
جدوں ڈاکٹر ہائیمرز نو خط لکھو تے اُنہاں نوں ضرور دسّو کہ کیہڑے مُلک توں تُسی خط لکھ رہے اُو ورنہ اُو تہاڈی ای۔ میل دا جواب نہیں دَین گے۔ اگر اِنہاں واعظاں نے تہانوں برکت دیتی اے تے ڈاکٹر ہائیمرز نوں اک ای۔ میل پیجھو تے اُنہاں نوں دَسّو، لیکن ہمیشہ اُس ملک دا ناں شامل کرو جِدروں تُسی خط لکھ رے اُو۔ ڈاکٹر ہائیمرز دا ای۔ میل rlhymersjr@sbcglobal.net (click here) ہے۔ تُسی ڈاکٹر ہائیمرز نوں کسی وی زبان دے وچ لکھ سکدے اُو، لیکن اگر تُسی انگریزی د ے وِچ لکھ سکدے ہو تے انگریزی وچ لکھو۔ اگر تُسی ڈاکٹر ہائیمرز نوں بذریعہ ڈٓاک خط لکھنا چاہندے اُو تے اُنہاں دا پتہ اے P.O. Box 15308, Los Angeles, CA 90015۔ تُسی اُنہاں نوں اَیس نمبر (818)352-0452 تے ٹیلی فون وی کر سکدے اُو۔
(اختتام واعظ)
تُسی انٹر نیٹ تے ہر ہفتے ڈاکٹر ہائیمرز دے واعظ
تے پڑھ سکدے اُو۔www.sermonsfortheworld.com
‘‘پنجابی وِچ واعظ’’ تے کِلک کرو۔
واعظاں دی اے دستاویز اشاعت دا حق نئیں رکھدی۔ تُسی اینہاں نوں ڈاکٹر ہائیمرز دی اِجازت دے بغیر وی استعمال
کر سکدے ہو۔ لیکن، ڈاکٹر ہائیمرز دے ساڈے گرجا گھر توں ویڈیو تے دوجے سارے واعظ تے ویڈیو دے پیغامات
اشاعت دا حق رکھدے نے تے صرف اِجازت دے نال ای استعمال کیتے جا سکدے نے۔
|
لُبِ لُباب ُسی اِک مسیحی بن سکدے اُو! YOU CAN BECOME A CHRISTIAN! ڈاکٹر آر ایل ہائیمرز جونیئر وَلّوں ’’جیہڑا کوئی میرے کول آئے گا میں اُوہنوں اپنے توں جُدا نہ ہون دیاں گا‘‘ (یوحنا 6: 37)۔ I۔ پہلی گل، کیوں جے یسوع نے تہانوں اُوہدے کول آن دی تے نجات پان دے لئی کُھلی دعوت دِتی سی، یوحنا 6: 37 . II۔ دوجی گل، بائبل دی مثٓالوں دے بارے وِچ سوچو، جیہڑیاں ظاہر کردیاں نے کہ یسوع نے کدی وی کسی نوں وی جیہڑا اُوہدے کول آیا خود توں جُدا نہ کیتا یا دور نہ کیتا، مرقس 5: 6، 19؛ لوقا 7: 39، 48؛ مرقس 10: 46، 47، 50، 52 . III۔ تیجی گل، کی ہووے جے تُسی خوفزدہ ہوو؟ متی 14: 29۔31؛ اعمال 10: 4 . |